အမေရိကန်ဒေါ်လာ ၃၃ သန်း+ထိုင်းဘတ် သန်း ၁၅၀ ထုတ်ရောင်းပေးဦးမည့် ဗဟိုဘဏ်+++++++++++++
စက်သုံးဆီလုပ်ငန်းရှင်များအတွက်ဆိုကာ ဗဟိုဘဏ်က ၎င်း၏ အွန်လိုင်းနိုင်ငံခြားငွေကြေးဈေးကွက်ကနေ
အမေရိကန်ဒေါ်လာ ၃၃ သန်း၊ ထိုင်းဘတ် သန်း ၁၅၀ ကို ထပ်မံ ရောင်းချသွားမည်ဟု မနေ့က ကြေညာထားပြန်သည်။

Carl ဆိုတဲ့ လူက ကိုယ့်ကိုကိုယ် အဆိုးမြင်တဲ့အပြင် အခြားသူတွေကိုလည်း ကြည့်မရတဲ့ လူတစ်ယောက်ဖြစ်ပါတယ်။ သူငယ်ချင်းတွေ လာခေါ်ရင်တောင် မလိုက်ဘဲ
သီးသန့်တစ်ယောက်တည်းနေရင်း အရာအားလုံးကို အဆိုးမြင်စိတ်နဲ့ ဖြတ်သန်းနေတဲ့ လူတစ်ယောက်ပါ။ သူကိုယ်သူလည်း အခြားသူတွေနဲ့ မပေါင်းသင်းတတ်သူလို့ ထင်နေတဲ့သူမလို့
အလုပ်မှာ အဆင်မပြေတဲ့အပြင် ပျော်စရာအချိန်ဆိုတာတောင် မရှိခဲ့တာကြာပါပြီ။ ဒါပေမဲ့ တစ်ရက်မှာတော့ ဟောပြောပွဲ တစ်ခုကို သွားနားထောင်ရင်း သူ့အတွက် လိုအပ်နေတဲ့
ကွက်လပ်လေးရဲ့ အဖြေကို တွေ့သွားပါတယ်။ အဲဒီအဖြေလေးအတိုင်းပဲ ကျင့်သုံးရင်း သူက လူတိုင်းနဲ့ ပေါင်းသင်းဆက်ဆံရေးမှာ တိုးတက် ကောင်းမွန်လာပြီး အလုပ်မှာလည်း
ရာထူးတွေပါ တိုးလာခဲ့ပါတယ်။ ကျင့်သုံးနေတဲ့အဖြေဟာ သူ့အတွက် အရာရာအဆင်ပြေလာပေမယ့် လက်တွေ့မှာ လိုအပ်‌ချက်လေးတွေ ရှိနေခဲ့ပါတယ်။
အဲဒီအဖြေက ဘာဖြစ်မလဲ... သူကရော ဘာလိုအပ်ချက်တွေ ရှိနေသေးတာလဲ... လိုအပ်ချက်တွေကို သူကိုယ်တိုင် ဖြည့်ဆည်းနိုင်မှာလား...
ဇာတ်လမ်းလေးကတော့ ကိုယ့်ကိုကိုယ် အဆိုးမြင်နေတဲ့သူတွေအတွက် ရလာတဲ့ အခွင့်အရေးတွေကို လက်မလွှတ်သင့်ကြောင်းကို ဟာသလေးနဲ့ ရောနှောပြီး ဖန်တီးတင်ဆက်ထားတဲ့
ရုပ်ရှင်လေးဖြစ်ပါတယ်။ တစ်ယောက်တည်း အထီးကျန် စိတ်ညစ်နေတယ်ဆိုရင် "Yes Man(2008)" ဆိုတဲ့ ရုပ်ရှင်လေးက လမ်းပြပေးနိုင်လိမ့်မယ်ဟု ယူဆပြီး စီးမျောခံစား
ကြည့်ရှုအပန်းဖြေနိုင်ဖို့ တင်ဆက်ပေးလိုက်ပါတယ်ခင်ဗျာ။

" တရားက တရားအတိုင်း
အမှားက အမှားအတိုင်း
ခင်ခင်ပျိုရေ
ငါစောင့်ခဲ့တယ် ။

▪️အောင်ချိမ့်

ကျွန်တော်တို့ဟာ
အနုပညာရှင်တစ်ယောက်ကို
သူသေဆုံးပြီးမှသာ
ပိုမိုနားလည်ခဲ့ကြတယ်။
မြို့မငြိမ်းရဲ့ နောက်ဆုံးရေးစပ်ခဲ့တဲ့
သီချင်းတွေထဲက တစ်ပုဒ်ဖြစ်တဲ့
“တိမ်လွှာမို့မိုလွင်”မှာ မြို့မငြိမ်းရဲ့
ညှိုးငယ်ဝမ်းနည်းမှုကိုတွေ့ရတယ်။
သူ့ဘဝအပေါ်ကို
တဖြည်းဖြည်း အုံ့ဆိုင်းလာတဲ့
မပျော်ရွှင်မှုကိုတွေ့ရတယ်။
မြို့မငြိမ်းဟာ
အနုပညာရဲ့ဒဏ်ကို မခံနိုင်ခဲ့ဘူး။
ဘာဖြစ်လို့လဲဆိုတော့
သူမျှော်မှန်းခဲ့တဲ့
အနုပညာဟာ အင်မတန်မှ လှပတဲ့၊
လျှို့ဝှက်နက်နဲတဲ့၊ ဒြပ်မဲ့တဲ့၊
ကြီးကြယ်မြင့်မြတ်တဲ့
အနုပညာ ဖြစ်လို့ပဲ။ မြို့မငြိမ်းရဲ့
အနုပညာအတွက်စတေးမှုဟာ
အပေါစားအနုပညာရှင်တွေကို
တုန်လှုပ်စေခဲ့တယ်။ မြို့မငြိမ်းဟာ
အနုပညာလောကအတွက်
လေးနက်မှုကို အမွေအဖြစ် ထားရစ်ခဲ့တယ်။

▪️အောင်ခင်မြင့်▪️

" တိမ်လွှာမို့မို့လွင်မှသည်
ပိုစ့်မော်ဒန်အနုပညာဆီသို့ "

မတ်လ ၇ ရက်နေ့မှာ Tom Holland တစ်ယောက် ဂရိနိုင်ငံကို ရောက်ရှိလာခဲ့ပါတယ်။
အဲဒီမှာ ခရစ္စတိုဖာ နိုလန်ရဲ့ The Odyssey ရုပ်ရှင်အတွက် သူ့ရဲ့ အဓိက ရိုက်ကူးမှုတွေ လုပ်ဆောင်မှာ ဖြစ်တယ်လို့သိရပါတယ်။
ဂရိ မီဒီယာတွေက ဖော်ပြချက်အရ ‘Spiderman သရုပ်ဆောင် Tom Holland ဟာ The Odyssey ရဲ့သား Telemachus အဖြစ် ပါဝင်သရုပ်ဆောင်မယ်လို့ သိရပါတယ်။
'The Odyssey' ရုပ်ရှင်မှာ Matt Damon က The Odyssey ဇာတ်ကောင်အဖြစ် သရုပ်ဆောင်မယ်လို့ ကြေညာထားပါတယ်။
လက်ရှိမှာတော့ နိုလန်နဲ့ ဓာတ်ပုံဆရာ ဟိုက်တီဗန် ဟိုက်တီမာတို့ဟာ ရိုက်ကူးရေးတွေ စတင်နေပြီ ဖြစ်တယ်လို့လည်းသိထားရပါတယ်။

နီပေါနိုင်ငံ က Prakriti Malla လို့ အမည်ရ တဲ့
မိန်းကလေး ရဲ့ လက်ရေးကို ကမ္ဘာပေါ်မှာ အလှဆုံး
လက်ရေး အဖြစ် သတ်မှတ်ထားပါတယ်
#knowledge #ဗဟုသုတ #facts #whatthefacts
#crd

" နွေလေရူးတွေ
ဇဝေဇဝါနဲ့ တိုက်နေကြပြန်ပါပြီ။
အလွန်အကျွံ စွန့်စားရတဲ့ အရပ်မှာ
သူလိုငါလို
ကျွန်တော် အရင်လိုပါပဲ
ခင်ဖုန်းသက်ဝေ။
ဒီတစ်ညလည်း
အရင်ညက ဆုတောင်းလို
တစ်ခါလောက်ပဲ
ထပ်တွေ့ချင်မိပါတယ်။
နှုတ်ဆက်ဖို့ပါ ။
▪️သန်းတင့်▪️

God of War နှစ်(၂၀)ပြည့် အထိမ်းအမှတ်နေ့ မတ်လ ၁၅ရက်နေ့ စတင်ကျင်းပမည်။
မတ် ၈ ၊ ၂၀၂၅
Santa Monica Studios က အထင်ကရ God of War ဇာတ်လမ်းတွဲရဲ့ နှစ် (၂၀) ပြည့် အထိမ်းအမှတ်ပွဲကျင်းပမဲ့ရက်ကို တရားဝင် ကြေညာလိုက်ပြီ ဖြစ်ပါတယ်။
God of War ဟာ PlayStation 2 မှာ ၂၀၀၅ ခုနှစ်၊ မတ်လ ၂၂ ရက်နေ့မှာ စတင်ထွက်ရှိခဲ့တာဖြစ်ပြီး၊ ဂိမ်းလောကမှာ အချိန်တိုအတွင်း အောင်မြင်မှုများစွာ ရရှိခဲ့တဲ့ franchise တစ်ခု ဖြစ်ပါတယ်။
Santa Monica Studio က နှစ်(၂၀)ပြည့် အထိမ်းအမှတ်နေ့ကို မတ်လ ၁၅ ရက်နေ့မှာ အမေရိကန်ရှိ Nucleus Art Galleryမှာ စတင်ကျင်းပသွားမှာဖြစ်ပြီး၊ မတ်လ ၂၂မှာ Cast Panel နဲ့ လက်မှတ်ရေးထိုးပွဲကိုကျင်းပမှာပါ။
Cast Panel မှာ ပါဝင်သွားမ​ဲ့သရုပ်ဆောင်တွေက
TC CARSON (KRATOS)
CHRISTOPHER JUDGE (KRATOS)
CAROL RUGGIER (ATHENA)
SUNNY SULJIC (ATREUS)
DANIELLE BISUTTI (FREYA)
ALASTAIR DUNCAN (MIMIR)
ROBERT HARIGHEAD (BROK)
ADAM J. HARRINGTON (SINDRI)လို့သိရပါတယ်။
God Of War Trilogy ရဲ့ Remastered Version ကို ကြေငြာနိုင်တယ်လို့ကောလာဟလတွေထွက်ပေါ်နေခဲ့ပြီး Ranarok အပြီး Egypt Saga ကိုဆက်သွားနိုင်တယ်လို့လည်းကြားရပါတယ်။
ကြေညာချက်အသစ်တွေ ထွက်ပေါ်လာနိုင်တယ်လို့ အရိပ်အမြွက်ပြောကြားထားပေမယ့်၊ ဘယ်လိုအရာတွေ ဖြစ်လာမလဲဆိုတာကိုတော့ Santa Monica Studio က အတိအကျ ပြောကြားထားခြင်း မရှိပါဘူး။ ပရိသတ်တွေကတော့ God of War နဲ့ ပတ်သက်တဲ့ နောက်ထပ်သတင်းတွေကို စိတ်လှုပ်ရှားစွာ စောင့်မျှော်နေကြပါတယ်။

ရှေးခေတ်နတ်ခရိုင်တစ်ခု(1900s)
နတ်ခရိုင်ဆိုသည်မှာ တစ်ပင်တိုင်နတ်ကွန်း၊ နတ်စင်အကြီးစားဖြစ်သည်။ နတ်ကွန်းများကို ရွာထောင့်နှင့် ရွာအဝင်တို့တွင်တွေ့ရတတ်ပြီး နတ်ကွန်းအရွယ်အစားမှာရွာ၏စီးပွားရေးဖွံ့ဖြိုးမှုကိုဖော်ပြနေသည်။

#crd

" သုခမြို့တော် " ဖတ်ပြီးသွားရင်
ဘဝမှာကြုံလာရမဲ့ ပြဿနာတွေ၊
ဒုက္ခတွေအတွက် ငါ့ဒုက္ခတွေဟာ
သုခမြို့တော်ထဲက ဇာတ်ကောင်
ဟာစရီပါးလောက်တော့ မဆိုးသေးပါဘူးလေ
လို့ပြန်တွေးရင်း ကိုယ့်ဘဝကိုယ်
ဖြေသိမ့် အားတင်းလို့ရနိုင်တယ် ။
၁၉ရာစု အိန္ဒိယပြည်ခေတ်ကာလနောက်ခံနဲ့
ဇာတ်အိမ်တည်ထားတဲ့ ဝတ္ထုရှည်ကြီး။
" သုခမြို့တော် " လို့ အမည်ပေးထားတဲ့
ဆင်းရဲသားရပ်ကွက်တစ်ခုထဲက
ဆင်းရဲချွတ်ခြုံကျမှုတွေ၊ အိန္ဒိယပြည်
ဇာတ်နိမ့်ဇာတ်မြင့်ခွဲခြားမှုတွေနဲ့
ကိုးကွယ်ယုံကြည်မှုတွေ၊ စုတ်ပြတ်ညံ့ဖျင်းတဲ့
ကျန်းမာရေးစောင့်ရှောက်မှုနဲ့
နိမ့်ကျတဲ့လူနေမှုအဆင့်အဆန်းတွေအပြင်
ကျီးကန်းတွေပါနှလုံးကွဲသေနိုင်တဲ့ အပူချိန်
ခွေးသေပုပ်တွေကစလို့တစ်ခါတရံ
လူသေအလောင်းတွေပါ
မျောပါလာနိုင်တဲ့ ရေကြီးရေလျှံမှုတွေစတဲ့
သဘာဝဘေးအန္တရာယ်တွေနဲ့ပြည့်နှက်နေတဲ့
လူမဆန်တဲ့မြို့တော်ကြီးတစ်ခုအကြောင်းပါပဲ ။
သုခမြို့တော်ထဲက
ဇာတ်ကောင် ဟာစရီပါးကရဲ့
လှည်းသန်နှစ်ခုကြား တဘဝလုံး
ခက်ခဲပင်ပန်းစွာရုန်းကန်ခဲ့ရခြင်းတွေ
လမ်းဘေးပလက်ဖောင်းမှာ အိပ်ရတဲ့
သူ့မိသားစုလေးအတွက် ခန္ဓာကိုယ်က
သွေးကိုဖောက်ထုတ်ရောင်းချပြီး
ငွေရှာခဲ့ရခြင်းတွေကစလို့ အိန္ဒိယပြည်ရဲ့
အစဥ်အလာတစ်ခုဖြစ်တဲ့ မင်္ဂလာဆောင်တွေမှာ
သမီးရှင်ဘက်က သတို့သားကိုတင်တောင်း
ရတာကြောင့် မသေခင်ထဲကသူ့အရိုးကို
စာချုပ်ချုပ်ရောင်းစားခဲ့ရတာတွေစတဲ့
စာဖတ်သူတွေရဲ့ထိလွယ်ရှလွယ်
အသည်းတွေကို ရိုက်ခွဲစေမဲ့အကြောင်း
တရားတွေအများအပြားပါဝင်တာပါပဲ ။
ဆင်းရဲချွတ်ခြုံကျမှုတွေ
နိမ့်ကျတဲ့လူနေမှုစရိုက်တွေကြားထဲက
ဆင်းရဲသားရပ်ကွက်လေးဟာ
ကိုးကွယ်ရာဘာသာမတူတဲ့
လူဆင်းရဲအချင်းချင်း မေတ္တာထားကြပုံ ၊
ဒုက္ခရောက်လျှင်အချင်းချင်းကူညီ
စောင့်ရှောက်ကြပုံတွေကတော့ ကြည်နူးစရာပါပဲ
သာသနာပြုဘုန်းတော်ကြီး ကိုဗာစကီးရဲ့
ဆင်းရဲမွဲတွေမှုတွေထဲ ဝင်ရောက်နေထိုင်ပုံ
လူတွေကိုကူညီကယ်ဆယ်ခဲ့ကာ
မေတ္တာဓာတ်တွေမျှဝေခဲ့ပုံနဲ့
ကမ္ဘာကျော်မာသာထရီဇာရဲ့
ပရဟိတဖြတ်သန်းမှုတွေကို
လေးစားစွာ ဖတ်ရှုရမဲ့စာအုပ်ကြီးပါပဲ ။
လူ့ဘဝဇာတ်ခုံပေါ်က ဆင်းရဲမွဲတေမှု
နင်းပြားတွေအကြောင်း သိချင်ရင်တော့
ဒီ့ထက်ပိုပြီးပြည့်စုံတဲ့ ဝတ္ထု
မရှိနိုင်တော့တာ အသေချာပဲ ။
"သုခမြို့တော် " စာအုပ်ထဲက
ကိုယ်တသက်လုံးအမှတ်ရနေမဲ့
စကားတစ်ခွန်းရှိတယ်။ အဲဲဒါက
" ဘုရားဟာကျွန်တော်တို့ဆုတောင်းသံတွေကို
မကြားရတော့ဘူးထင်တယ် ... " တဲ့ ။