The Descent (2005)

Horror ကားအများစုဟာ Rating နည်းကြပါတယ်။The Descent ကတော့ IMDb 7.2 ရရှိထားတာကြောင့်Horror ကားတစ်ကားအနေနဲ့ Rating မြင့်တယ်လို ဆိုနိုင်ပါတယ်။
ဒီဇာတ်ကားကို ဒါရိုက်တာ Neil Marshall ရိုက်ကူးထားပြီး 2005 ခုနှစ်မှာ ထွက်ရှိခဲ့ပါတယ်။The Descent ရဲ့အဓိပ္ပါယ်က ” ဆင်းသက်ခြင်း ” ဖြစ်ပေမယ့်” သက်ဆင်းခြင်း ” လိုပြောမှ ပိုမှန်မယ် ထင်မိပါတယ်။အန္တရာယ်တောထဲ သက်ဆင်းမိပြီး ထောင်ချောက်အတွင်း သက်ဆင်းမိကြတဲ့အမျိုးသမီးတစ်စုအကြောင်းကို ထိတ်လန့်တုန်လှုပ်ဖွယ် ရိုက်ကူးတင်ပြထားတာပါ။စွန့်စွန့်စားစားခရီးတွေကို ခုံမင်ကြတဲ့ အမျိုးသမီး ၆ ယောက်ဟာ လူမရောက်ဖူးသေးတဲ့လှိဏ်ဂူတစ်ခုထဲ ဆင်းသက်ဝင်ရောက်ခဲ့ကြပါတယ်။ဂူနံရံတွေမှာ ဆွဲထားတဲ့ ရုပ်ပုံတွေကို မြင်ရတဲ့အခါမှဂူထဲမှာ သူတိုချည်းပဲမဟုတ်ဘူးဆိုတာ သတိပြုမိခဲ့ကြပါတော့တယ်။အမှောင်ထဲမှာ နေထိုင်ကျက်စားကြတဲ့အသားစားသတ္တဝာတွေဖြစ်ကြောင်း သိရှိလိုက်ရတဲ့အခါမှာတော့….
Jump Scare(သွေးလန့်လိုခုန်)အကွက်တွေ ဖောဖောသီသီ သုံးထားတာကြောင့်သည်းထိတ်ရင်ဖိုဇာတ်ကားကြိုက်ပရိသတ်တွေ ကျေနပ်ကြပါလိမ့်မယ်ထင်ပါတယ်။

မင်းစိတ်ထားတတ်ရင်
တို့ကိုတောင် ကျေးဇူးရှင်နေရာမှာထားလို့ရသေးတယ်🥱
ပုံ ကေသီ

စစ်ဘေးရှောင်များအတွက်အလှူခံသူ မြန်မာလုပ်သားလေးဦးကို ထိုင်းရဲတပ်ဖွဲ့ကဖမ်းဆီး

ဘန်ကောက်၊ ဖေဖော်ဝါရီ ၁၁

ထိုင်းနိုင်ငံ၊ ဘန်ကောက်မြို့တော်အနီး စမွတ်ဆာခွန်ခရိုင်၊ ကထုန့်ဘဲင်မြို့နယ်တွင် ဖေဖော်ဝါရီ ၉ ရက်၊ နံနက် ၁၀ နာရီက မြန်မာနိုင်ငံရှိ စစ်ဘေးရှောင်ဒုက္ခ သည်များအတွက် အလှူ‌ငွေကောက်ခံနေသူ မြန်မာလုပ်သားလေးဦးကို ထိုင်းရဲတပ်ဖွဲ့ဝင်များက ဖမ်းဆီးအရေးယူခဲ့ကြောင်း ဖေဖော်ဝါရီ ၁၀ ရက်၊ နေ့စွဲဖြင့် ဘန်ကောက်ပို့စ်သတင်းဌာန၏ ဖော်ပြချက်အရ သိရသည်။

ကထုန့်ဘဲင်မြို့နယ်၊ ဖေ့ကဆင်လမ်းမရှိ ခုံးကျော်တံတားပေါ်တွင် မြန်မာနိုင်ငံရှိ စစ်ဘေးရှောင်ဒုက္ခသည်များအတွက် စားနပ်ရိက္ခာပစ္စည်းများ ထောက်ပံ့ကူညီရန် အလှူငွေများကောက်ခံနေချိန် ထိုင်းမျိုးချစ်အဖွဲ့က လာရောက်တားမြစ်ခဲ့ပြီးနောက် ထိုင်းရဲတပ်ဖွဲ့ကို တိုင်ချက်ဖွင့်လှစ်ခြင်းကြောင့် ဖမ်းဆီးခံခဲ့ရကြောင်း သိ ရသည်။

"ထိုင်းနိုင်ငံအတွင်းမှာ ထိုင်းအာဏာပိုင်တွေရဲ့ တရားဝင်ခွင့်ပြုချက်မရှိဘဲ အလှူ ခံခွင့်မရှိတာကြောင့် ဖမ်းဆီးခံခဲ့ရတာပါ။ အမြန်ဆုံးလွတ်မြောက်ရေးအတွက် ကြိုးပမ်းဆောင်ရွက်နေပါတယ်။" ဟု မြန်မာအလုပ်သမားအရေး ကူ ညီလုပ် ကိုင်ပေးနေသူ (JACBA) ဥက္ကဋ္ဌ ဦးမိုးကြိုးက ပြောသည်။

ထိုင်း-မြန်မာနယ်စပ်တွင် ကျားဖြန့်ငွေလိမ်လုပ်ငန်းများ နှိမ်နင်းနိုင်ရေး ထိုင်းအာ ဏာပိုင်များက နယ်စပ်လုံခြုံရေးကို အထူးအလေးထားဆောင်ရွက်နေခြင်းကြောင့် ထိုင်းနိုင်ငံအတွင်းသို့ တရားမဝင်ရောက်လာသူ မြန်မာနိုင်ငံသားများ နေ့စဉ်ဖမ်းဆီးခံနေရကြောင်း သိရသည်။

လက်ရှိအချိန်တွင် ထိုင်းနိုင်ငံအတွင်း ဝင်ရောက်လုပ်ကိုင်လျက်ရှိသည့် မြန်မာရွှေပြောင်းလုပ်သားများကို ပစ်မှတ်ထားကာဖမ်းဆီးနေသည်ဟု မြန်မာအလုပ် သမားအရေး ကူညီလုပ်ကိုင်ပေးနေသူ (JACBA) ဥက္ကဋ္ဌ ဦးမိုးကြိုးက သတိပေးပြောဆိုသည်။

#centralnewsnaypyitaw

တရုတ်သမ္မတ မေလအတွင်း ရုရှားသွားမည်

ဖေဖော်ဝါရီ ၁၁

တရုတ်ပြည်သူ့သမ္မတနိုင်ငံ သမ္မတ ရှီကျင့်ဖိန်က ဒုတိယကမ္ဘာစစ်အတွင်း ရုရှားတပ်နီတော်ရဲ့ ဂျာမန်တပ်ဖွဲ့တွေအပေါ် အောင်မြင်မှု အနှစ် ၈၀ အထိမ်းအမှတ်အခမ်းအနားကိုတက်ရောက်ဖို့ မေလအတွင်း ရုရှားနိုင်ငံသို့သွားရောက်မယ်လို့ Tass သတင်းဌာနကဖော်ပြခဲ့ပါတယ်။

ရုရှားတပ်ဖွဲ့တွေရဲ့ နာဇီဂျာမနီတို့ အပေါ် ၁၉၄၅ ခုနှစ်က အောင်နိုင်မှုအတွက် နှစ်စဉ်ပြုလုပ်တဲ့ အခမ်းအနားကိုတက်ရောက်ဖို့ ဖိတ်ကြားမှုကို ရှီ က လက်ခံခဲ့တယ်လို့ တရုတ်နိုင်ငံဆိုင်ရာ ရုရှားသံအမတ် မော်ဂူလော့ဗ်ကလည်း ပြောခဲ့ပါတယ်။

သမ္မတပူတင်နဲ့ ရှီတို့ အွန်လိုင်းပေါ်မှာ ဇန်နဝါရီလအတွင်းကတွေ့ဆုံဆွေးနွေးအပြီးမှာ မော်ဂူလော့ဗ်က ခုလိုကြေညာခဲ့တာပါ။ ဒါက အမေရိကန်သမ္မတသစ် ဒေါ်နယ်ထရန့် ကျမ်းသစ္စာကျိန်ဆိုအပြီး နောက်တစ်နေ့မှာလည်းဖြစ်ပါတယ်။ တရုတ်နိုင်ငံနဲ့ ရုရှားနိုင်ငံတို့ဟာ အနောက်အုပ်စုရဲ့ ဖိအားတွေကိုတွန်းလှန်ဖို့ နှစ်နိုင်ငံပိုလို့အနီးကပ်ဆက်ဆံနေကြတယ်လို့ ဆိုရမှာပါ။

ရှီက ရုရှားနိုင်ငံ ကာဇန်မြို့မှာ BRICS ထိပ်သီးဆွေးနွေးပွဲတက်ရောက်ဖို့ ပြီးခဲ့တဲ့အောက်တိုဘာလကလည်း သွားရောက်ခဲ့ပါသေးတယ်။

ရှီကလည်း ပူတင်ကို စက်တင်ဘာလမှာကျင်းပမယ့် တရုတ်-ဂျပန် စစ်ပွဲပြီးမြောက်မှု နှစ်ပတ်လည်အခမ်းအနားတက်ဖို့ ဖိတ်ကြားထားတယ်လို့ မော်ဂူလော့ဗ်က ပြောခဲ့ပါတယ်။

Ref- SCMP

#သတင်းဟင်းလေးအိုးကြီး

ဖုန်းတစ်လုံးလောက် ဈေးမြောက်တဲ့ Leica ကင်မရာ grip
Leica က ဈေးကွက်ရှာတတ်တယ်။ iPhone ကိုင်ပြီး ကင်မရာအစစ်လို ခံစားမှုရချင်သူတွေအတွက်ဆိုပြီး ကင်မရာလက်ကိုင် grip ထုတ်ပါတယ်။
Leica Lux Grip က ဖုန်းနဲ့ ဓါတ်ပုံရိုက်တဲ့အခါ တကယ့်ကင်မရာကိုင်ရိုက်ရသလို ဖြစ်အောင် ထုတ်ထားတာပါ။ Leica က ထုတ်ထားတာမို့ ဈေးကလည်း အတော်မြောက်ပါတယ်။ ဒါကြောင့်လည်း iPhone လို ဈေးကြီးတဲ့ဖုန်းကိုင်သူတွေအတွက် ထုတ်ထားတာပါ။
Leica က ပြောတာကတော့ Leica ကင်မရာတွေ ကိုင်ရသလို လက်အထိအတွေ့ ခံစားမှုရအောင် ထုတ်ထားတာပါတဲ့။ အလေးချိန်က ၁၃၀ ဂရမ်ပဲ ရှိပြီး ဘယ်သန် , ညာသန်နှစ်မျိုးလုံး သုံးလို့ ရနိုင်မှာပါ။ ဒီ grip မှာ သုံးထားတဲ့ ဘက်ထရီက ဓါတ်ပုံ ၁၀၀၀ အထိ ရိုက်နိုင်အောင် အားခံပြီး USB-C ကနေ အားသွင်းရင်လည်း ၂ နာရီပဲ ကြာမယ်လို့ ဆိုပါတယ်။
အပေါ်ဘက်မှာ ခလုတ်တစ်ခု ပါပြီး ကိုယ်ရိုက်ချင်တဲ့ shooting modes ပြောင်းလို့ရပါတယ်။ shutter ကိုလည်း နှစ်ဆင့်ထုတ်ထားတာဖြစ်ပြီး ပေါ့ပေါ့ပါးပါး ဖိထားချိန်မှာ focus ဖမ်းပြီး နှိပ်ချလိုက်မှ ဓါတ်ပုံရိုက်မှာပါ။ app ကနေလည်း ခလုတ်နဲ့ zoom ကစားတာတွေ ချိန်လို့ ရပါတယ်။
Lux Grip က MagSafe နဲ့ ဖုန်းမှာ ချိတ်ပြီး Bluetooth LE က တစ်ဆင့် ဖုန်းနဲ့ Lecia Lux app ကို ချိတ်ဆက်နိုင်မှာပါ။ ပိုက်ဆံတတ်နိုင်တဲ့ ဓါတ်ပုံဝါသနာအိုး iPhone သမားတွေအတွက် ယူရို ၃၀၀ ဈေးနဲ့ ရောင်းချသွားမှာပါ။

"တားနိုင်ရင်တား" ဆိုပြီး အီလွန်မတ်စ်ကို စိန်ခေါ်လိုက်တဲ့ အိန္ဒိယ AI CEO

ပွဲဖြစ်နေတဲ့ USAID ကိစ္စမှာ အိန္ဒိယနွယ်ဖွား နည်းပညာ CEO ကလည်း ဝင်ပွဲဆူလိုက်ပါတယ်။

Perplexity AI CEO က USAID ကို ပိတ်ချဖို့ လုပ်နေတဲ့ Tesla သူဌေး အီလွန်မတ်စ်ကို စိန်ခေါ်လိုက်တာပါ။ Perplexity AI ဆိုတာကတော့ ၂၀၂၂ ကမှ အိန္ဒိယအိုင်တီပညာရှင်လူငယ်နဲ့ ပါတနာတစ်စုတို့ စထောင်ခဲ့တဲ့ AI search engine ကုမ္ပဏီ ဖြစ်ပြီး ဂျက်ဖ်ဘီဇော့စ်ရဲ့ ငွေတွေ ပါတဲ့ ကုမ္ပဏီလည်း ဖြစ်ပါတယ်။

တစ်နေ့ကပဲ ကုမ္ပဏီ CEO အာရာဗင်း သျှရီနီဗက်စ်က သူ့ရဲ့ X ကနေ "USAID ဆီက ဒေါ်လာဘီလျံ ၅၀၀ ယူမလား စဉ်းစားနေတယ်။ ရံပုံငွေကလည်း ရပြီးသား။ အီလွန်မတ်စ် ခင်ဗျားတားနိုင်ရင် တား" ဆိုပြီး စိန်‌ခေါ်ပါတယ်။

အသက် ၃၁ နှစ်အရွယ် သျှရီနာဗက်စ်ကတော့ ဇ,မသေးဘူးလို့ ပြောရမှာပါ။ USAID က ရာဇဝတ်မှုတွေ လုပ်နေတဲ့ အဖွဲ့အစည်း ဖြစ်လို့ ဖျက်ပစ်လိုက်တာကောင်းတယ်လို့ အီလွန်မတ်စ် ပြောပြီးနောက် USAID ဝန်ထမ်းတွေနဲ့ အီလွန်မတ်တို့အကြား ပြဿနာတက်နေချိန်မှာ Perplexity AI CEO က အခုလို ပြောလာတာပါ။

သျှရီနာဗက်စ်ရဲ့ ပို့စ်ကို X သုံးသူတွေက အပြောင်အပျက်လို တုန့်ပြန်ခဲ့ကြပါတယ်။ အသက် ၃၁ နှစ်အရွယ် သျှရီနာဗက်စ်ရဲ့ X ပို့စ်သာ ဟာသဖြစ်ခဲ့ပေမယ့် သူ့ရဲ့ဘက်ဂရောင်းနဲ့ ထူးချွန်မှုကိုတော့ အသိအမှတ်မပြုလို့ မရပါဘူး။

အိန္ဒိယနိုင်ငံ ချန်နိုင်းမှာ ကြီးပြင်းလာပြီး IIT မက်ဒရက်ကျောင်းမှာ လျှပ်စစ်အင်ဂျင်နီယာပိုင်းနဲ့ ဘွဲ့ရခဲ့တဲ့ သျှရီနာဗက်စ်က OpenAI မှာ သုတေသနအလုပ်သင်အနေနဲ့ ပထမဆုံး အလုပ်ဝင်ခဲ့ပါတယ်။ နောက်ပိုင်း Google ရဲ့ AI လုပ်ငန်းဖြစ်တဲ့ DeepMind နဲ့ Google မှာပါ internships တွေ ဆင်းခဲ့သူပါ။

ကယ်လီဖိုးနီးယားတက္ကသိုလ် ဘာကလေကနေ deep learning နဲ့ AI ပိုင်း Ph.D တန်း တက်ခဲ့တဲ့ သူဟာ အသက် ၂၈ နှစ်အရွယ်မှာ တွဲဖက် founder သုံးဦးနဲ့အတူ Perplexity AI ကို စခဲ့တာပါ။ ပြီးခဲ့တဲ့လထဲမှာပဲ Perplexity က Perplexity Assistant နာမည်နဲ့ AI web assistant tool တစ်ခု ထုတ်ထားပါတယ်။

မနှစ် နှစ်ဆန်းပိုင်းက ဒေါ်လာ ၁ ဘီလျံကျော် တန်တဲ့ ဒီကုမ္ပဏီဟာ ၂၀၂၄ ဒီဇင်ဘာမှာ ဒေါ်လာ ၉ ဘီလျံတန် AI ကုမ္ပဏီ ဖြစ်လာခဲ့ပြီး ကမ္ဘာ့အချမ်းသာဆုံး သူဌေးတစ်ဦး ဖြစ်တဲ့ ဂျက်ဖ်ဘီဇော့စ်အပါအဝင် လုပ်ငန်းရှင်ကြီးတွေဆီက ရင်းနှီးမြှပ်နှံမှုလည်း ရထားပါတယ်။

US က Android သမားတွေ app သုံးလို့ရအောင် ဖန်ပေးလိုက်တဲ့ TikTok
အမေရိကန်မှာ TikTok သုံးဖို့ တကယ်အခက်တွေ့နေတာ iPhone သမားတွေပဲ။
Google ရော Apple ပါ သူတို့ App Store တွေကနေ TikTok ပိတ်ထားပေမယ့် Android သမားတွေက TikTok ဝက်ဘ်ဆိုက်ထဲဝင်ပြီး app ဆွဲနိုင်ပြီမလို့ပါ။ တစ်နေ့ညကပဲ TikTok က US ဝက်ဘ်ဆိုက်မှာ Android ဗားရှင်း ဒေါင်းလုပ်ပေးဆွဲလို့ ရအောင် တင်ပေးလိုက်ပါတယ်။
Android ဖုန်းကိုင်သူတွေအနေနဲ့ ဒေါင်းလုပ်ဆွဲ သုံးရုံပါပဲ။ ပြီးခဲ့တဲ့လက TikTok ကို အမေရိကန် Google Play Store မှာ ပိတ်လိုက်တဲ့ နောက်ပိုင်း ပထမဆုံးအကြိမ် app ဒေါင်းလုပ်ဆွဲတာ / update လုပ်တာတွေ ပြန်လုပ်နိုင်တာပါ။
TikTok ကလည်း သူ့ app ကို ပုံမှန်ဗားရှင်းနဲ့ လိုင်းဆွဲအားမကောင်းတဲ့အချိန် သုံးရလွယ်အောင် ထုတ်ထားတဲ့ Lite ဗားရှင်းပါ တင်ပေးထားပါတယ်။ Apple ကလည်း sideloading ခွင့်ပြုတာ မဟုတ်လို့ iPhone သမားတွေ TikTok သုံးချင်ရင် web ဗားရှင်းပဲ သုံးလို့ ရမှာပါ။
လောလောဆယ် TikTok ရဲ့ အမေရိကန်အနာဂါတ်က အဖြူအမည်း မကွဲသေးပါဘူး။ ဝယ်ချင်တဲ့သူဌေးတွေက စပြီး ဈေးလေလံပစ်နေပေမယ့် အရင်သတင်းကြီးထားတဲ့ အီလွန်မတ်စ်ကတော့ TikTok ဝယ်ဖို့ စိတ်မဝင်စားဘူးလို့ ပြောထားပါတယ်။

ရက်ရှ်ဖိုဒ့်နဲ့ အဆန်စီယိုတို့ရဲ့စွမ်းဆောင်ရည်ကို အူနှိုင်းအမ်မရီချီးကျူး

ဖေဖော်ဝါရီ ၁၁

စပါးအသင်းကို အနိုင်ရခဲ့တဲ့ FA ဖလားစတုတ္ထအဆင့်ပွဲစဉ်မှာ အက်စတွန်ဗီလာအသင်းကစားသမားဘ၀ ပွဲဦးထွက် အဖြစ် လူစားလဲဝင်ရောက်ပြီး ပါဝင်ကစားခဲ့တဲ့ ရက်ရှ်ဖိုဒ့်နဲ့ အဆန်စီယိုတို့ရဲ့ စွမ်းဆောင်ရည်ကို နည်းပြ အူနှိုင်း အမ်မရီက ချီးကျူးခဲ့ပါတယ်။

အူနှိုင်းအမ်မရီက “ရက်ရှ်ဖိုဒ့်နဲ့ အဆန်စီယိုတို့ဟာ သူတို့ရဲ့ကျွမ်းကျင်မှုနဲ့ ကျနော်တို့ကို ဘယ်လိုအကူအညီ ပေးခဲ့လဲ ဆိုတာ ကြည့်ခဲ့ရပါတယ်။ သူတို့တွေဟာ နောက်လတွေမှာ ကျနော်တို့ရင်ဆိုင်ရမယ့် မတူညီတဲ့ ပြိုင်ပွဲတွေမှာ လည်း ကျနော်တို့ကို ထပ်ပြီးကူညီပေးသွားဦးမှာပါ။ ကျနော်တို့လုပ်ခဲ့တဲ့ အပြောင်းအလဲတွေပြီးရင် ကျနော်တို့ဟာ နည်းလမ်းအသစ်နဲ့ရောက်နေပါပြီ” လို့ ပြောခဲ့တာပါ။

ဒီဇင်ဘာ ၁၂ ရက်က ပါလ်ဇန်အသင်းနဲ့ ယူရိုပါလိဂ်ပွဲစဉ်ပြီးကတည်းက ယူနိုက်တက်အသင်းအတွက် ပါဝင်ခွင့် မရခဲ့တဲ့ ရက်ရှ်ဖိုဒ့်ဟာ ဇန်နဝါရီအပြောင်းအရွှေ့မှာ အက်စတွန်ဗီလာအသင်းထံ ရာသီအကုန်ထိ အငှားနဲ့ ပြောင်းရွှေ့လာခဲ့တာဖြစ်ပါတယ်။

စပါးအသင်းနဲ့ FA ဖလားပွဲစဉ်မှာ ရက်ရှ်ဖိုဒ့်ဟာ ပီအက်စ်ဂျီအသင်းကနေ အငှားနဲ့ ရောက်ရှိလာခဲ့တဲ့ အဆန်စီယိုနဲ့အတူ အက်စတွန်ဗီလာအသင်းရဲ့ အရန်လူစာရင်းထဲ ပါဝင်ခွင့်ရခဲ့တာပါ။

ပွဲချိန် ၆၆ မိနစ်မှာ အက်စတွန်ဗီလာအသင်းဟာ ရက်ရှ်ဖိုဒ့်နဲ့ အဆန်စီယိုတို့ နှစ်ဦးစလုံးကို လူစားလဲ ထည့်သွင်း အသုံးပြုခဲ့တာဖြစ်ပါတယ်။

ရက်ရှ်ဖိုဒ့်နဲ့ အဆန်စီယိုတို့ဟာ ပါဝင်ကစားခွင့်ရခဲ့တဲ့ မိနစ်တွေအတွင်းမှာ ခြေစွမ်းပြသ နိုင်ခဲ့လို့ နည်းပြအူနှိုင်းအမ်မရီရဲ့ ချီးကျူးမှုကို ရရှိခဲ့တာပါ။

အက်စတွန်ဗီလာအသင်းဟာ FA ဖလားပြိုင်ပွဲမှာ ပဉ္စမ အဆင့်ကို တက်နိုင်ခဲ့သလို ချန်ပီယံလိဂ်ပြိုင်ပွဲမှာ ၁၆ သင်းအဆင့်ကို တက်ရောက်ထားပြီး ပရီးမီးယားလိဂ်ပြိုင်ပွဲ မှာ အမှတ်ပေးဇယားအဆင့် ၈ နေရာ ရပ်တည်နေပါတယ်။

အက်စတွန်ဗီလာအသင်းဟာ လာမယ့်ပရီးမီးယားလိဂ်ပွဲစဉ်အဖြစ် အစ်စဝှစ်ချ်အသင်းနဲ့ ယှဉ်ပြိုင်ရမှာဖြစ်ပြီး ရက်ရှ်ဖိုဒ့်နဲ့ အဆန်စီယိုတို့ဟာ ဒီပွဲမှာအသင်းရဲ့ပွဲထွက်လူစာရင်းထဲ ပါဝင်နိုင်ဖို့ မျှော်လင့်နေတာဖြစ်ပါတယ်။

Source:Metro

#ဘောလုံးသတင်းစုံ

VOA နဲ့ RFE သတင်းဌာနတွေ ပိတ်ပစ်ဖို့ အီလွန်မတ်ခ် တောင်းဆို

ဝါရှင်တန်၊ ဖေဖော်ဝါရီ ၁၂

အမေရိကန်အစိုးရက ထောက်ပံ့ပေးထားတဲ့ Voice of America နဲ့ Radio Free Europe သတင်းဌာနတို့ကို ပိတ်ပစ်ဖို့ အမေရိကန်အစိုးရဌာနတွေရဲ့ စွမ်းဆောင်ရည်ဆိုင်ရာဌာနကို ဦးဆောင်နေတဲ့ ဘီလျံနာ အီလွန်မတ်ခ်က တောင်းဆိုလိုက်ပါတယ်။

ဥရောပဟာ လက်ရှိမှာ လွတ်လပ်နေပြီဖြစ်တဲ့အတွက် သူတို့ထုတ်လွှင့်တာတွေကို ဘယ်သူမှ နားမထောင်တော့ကြောင်းနဲ့ အမေရိကန်ပြည်သူတွေရဲ့ အခွန်ထမ်းငွေ တနှစ်ကိုဒေါ်လာ ၁ ဘီလီယံကို မီးရှို့နေတယ်လို့ အီလွန်မတ်ခ်က သူ့ရဲ့ X လူမှုကွန်ရက်မှာ ရေးသားခဲ့ပါတယ်။

Voice of America သတင်းဌာနဟာ ဝါရှင်တန်ဒီစီမှာရုံးစိုက်ပြီး ရေဒီယိုနဲ့ ရုပ်မြင်သံကြား အစီအစဉ်တွေကို ဘာသာစကား ၄၇ မျိုးနဲ့ ထုတ်လွှင့်နေပါတယ်။ Radio Free Europe ဟာလည်း ပုဂ္ဂလိက အကျိုးအမြတ်မယူတဲ့ မီဒီယာအဖွဲ့အစည်းဖြစ်ပြီး အမေရိကန်က ထောက်ပံ့ပေးထားပါတယ်။

အွန်လိုင်းနဲ့ ရေဒီယိုထုတ်လွှင့်တင်ဆက်မှုတွေလုပ်ဆောင်နေပြီး ကမ္ဘာတဝန်းမှာ ဗျူရို ၂၃ ခုရှိပြီး သတင်းထောက် ၁၄၀၀ ကျော်နဲ့ လည်ပတ်လုပ်ကိုင်နေပါတယ်။ Politico ၊ Associated Press နဲ့ The New York Times စတဲ့သတင်းဌာနတွေကို အမေရိကန်အစိုးရက ထောက်ပံ့ပေးမှုတွေကိုလည်း အီလွန်မတ်ခ်က ဝေဖန်ခဲ့ပါတယ်။

ဒီလို မီဒီယာအဖွဲ့အစည်းတွေကို ထောက်ပံ့မှုတွေမှာ အခွန်ထမ်းအမေရိကန်ပြည်သူတွေရဲ့ ရန်ပုံငွေကိုအပေါ် ထိရောက်စွာအသုံးပြုမှုကို သူက ဝေဖန်ခဲ့ပြီး ဒါတွေကို ရုပ်သိမ်းဖို့ တိုက်တွန်းထားပါတယ်။

အီလွန်မတ်ခ်ဟာ အမေရိကန်နိုင်ငံတကာ အကူအညီပေးရေးအေဂျင်စီ (USAID) ရဲ့ ထောက်ပံ့မှုတွေကို ရပ်ဆိုင်းပြီး ဌာနကိုပိတ်သိမ်းဖို့လုပ်ဆောင်မှုတွေကြောင့် သတင်းသမားတွေနဲ့ တက်ကြွလှုပ်ရှားသူတွေအကြား စိုးရိမ်ပူပန်မှုတွေ ရှိနေစဉ်မှာ Voice of America နဲ့ Radio Free Europe သတင်းဌာနတို့ကို ပိတ်ပစ်ဖို့ အီလွန်မတ်ခ်က တောင်းဆိုခဲ့တာဖြစ်ပါတယ်။

Ref:Musk’X
Photo: Getty Images

#centralnewsnaypyitaw

ဒေါပုံရဲစခန်းက အချုပ်ခန်းဖောက်ပြီးထွက်ပြေးတဲ့ အချုပ်သားလေးယောက်လုံးပြန်ဖမ်းမိ

ဖေဖော်ဝါရီ ၁၁

ရန်ကုန်တိုင်း ၊ဒေါပုံမြို့နယ်ရဲစခန်းက အချုပ်ခန်းဖောက်ဖျက်ပြီးထွက်ပြေးတဲ့ အချုပ်သား လေးယောက်လုံးကို ပြန်လည်ဖမ်းဆီးရမိပြီဖြစ်တယ်လို့ ရဲစခန်းနဲ့နီးစပ်သူစီကသိရပါတယ်။

ထွက်ပြေးသွားတဲ့အချုပ်သားတွေအားလုံးကို ဒီနေ့ ဖေဖော်ဝါရီ ၁၀ ရက်နေ့မှာ လှည်းကူးမြို့၊ထောက်ကြံ့မြို့နယ်နဲ့ ဧရာဝတီတိုင်းဘက်မှာ ပြန်လည်ဖမ်းဆီးရမိခဲ့တာဖြစ်တယ်လို့သိရပါတယ်။

" ထွက်ပြေးတဲ့လေးယောက်လုံးပြန်မိပြီ။ဒီနေ့ညနေမှာ အကုန်လုံးကိုပြန်မိတာလို့သိရတယ်။
ပြေးတုန်းကတော့အချုပ်ခန်းသံတိုင်ကို ဖျက်ပြီးပြေးကြတာ။အသက်တွေက ၂၀ အရွယ်လည်းပါတယ်။၁၇လည်းပါတယ်။၃၃ နှစ်ပါတယ်။၂၈နှစ်ပါတယ်။ ဧရာဝတီမှာမိတာကတော့အဲဒီ ဘက်ကိုသွားတာမိတာ" လို့ ရဲစခန်းနဲ့နီးစပ်သူက ပြောပြပါတယ်။

အချုပ်သားလေးယောက်က ဖေဖော်ဝါရီ ၉ ရက်နေ့မနက် ၂ နာရီကျော်လောက်မှာ အချုပ်ခန်းသံတိုင်ကို လွှနဲ့ဖြတ်ပြီး ထွက်ပြေးခဲ့ကြတာဖြစ်တယ်လို့သိရပါတယ်။

အချုပ်ခန်းဖောက်ပြီးထွက်ပြေးခဲ့သူတွေကခန့်ထည်ဝါထွန်း၊ ညီညီခန့်၊ ဝေယံအောင် (ခ) သင်္ဘောသီး၊ သူရဇော်(ခ)အောင်ရဲလင်းဆိုသူတို့ဖြစ်ပြီး မူးယစ်ဆေးးဆိုင်ရာဥပဒေပုဒ်မ ၁၉(က)/၂၁ အမှုမှ ရမန်နဲ့ ချုပ်နှောင်ထားသူကနှစ်ယောက်ပါပြီး ရာဇသတ်ကြီးပုဒ်မ ၃၈၀ နဲ့အမှုဖွင့် ခံထားရသူက နှစ်ယောက်ဖြစ်တယ်လို့သိရပါတယ်။

ဖေဖော်ဝါရီ ၁ ရက်နေ့ကလည်း မွန်ပြည်နယ် ရေးမြို့နယ်ရဲစခန်းမှာ အချုပ်သားတွေနဲ့တာဝန်ကျရဲအရာရှိတွေအကြားပစ်ခတ်မှုဖြစ်ပွားပြီး အချုပ်သား လေးယောက်ထွက်ပြေးလွတ်မြောက်သွားပြီး ဒုရဲအုပ်အပါသုံးယောက် သေဆုံးခဲ့တယ်လို့သိရပါတယ်။

Photo - CJ

Credit - VOM News Agency

#သတင်းဟင်းလေးအိုးကြီး