မော်လမြိုင်တွင် EV တက္ကစီ အငှားဝန်ဆောင်မှုများ စတင်
မွန်ပြည်နယ်၊ မော်လမြိုင်မြို့တွင် ယခု ဖေဖော်ဝါရီလမှစတင်၍ EV တက္ကစီ အငှားဝန်ဆောင်မှုများ စတင်ပြေးဆွဲလျက်ရှိပြီး၊ တစ်ဦးချင်းငှားရမ်းစီးနင်းမှုအပြင် စင်းလုံးဌားရမ်းမှုဝန်ဆောင်မှုများကိုပါ ရရှိနေပြီဖြစ်ကြောင်း ဒေသခံများတစ်ဦးကပြောသည်။
အဆိုပါ EV တက္ကစီများအနေဖြင့် မော်လမြိုင်မြို့အတွင်းသာမက မော်လမြိုင်-ရန်ကုန်အထိ မိသားစုစီးစင်းလုံးငှါးစနစ်အပြင် တစ်ဦးချင်းအလိုက် စုပေါင်းတငှားရမ်းမှု စနစ်ရရှိပြီဖြစ်ကြောင်းသိရသည်။
EV တက္ကစီ ယာဉ်များအနေဖြင့် ခရီးစဉ်အစမှအဆုံးအထိ သက်တောင့်သက်သာစီးနင်းလိုက်ပါနိုင်ခြင်း ၊A/C ကို ခရီးအစအဆုံးရရှိခြင်း ၊ ဆူညံမှုကင်းဝေးကာသက်တောင့်သက်သာစီးနင်းနိုင်ခြင်းနှင့်
အိမ်တိုင်ရာရောက်ကြိုပို့ပေးခြင်းများဝန်ဆောင်မှုရရှိမည်ဖြစ်သည်ဟု ယင်းအငှားဝန်ဆောင်မှု လုပ်ငန်းက ကြေညာထားသည်။
တံတားဖွင့်ချိန် ၊ ပိတ်ချိန်နဲ့ လမ်းအခြအနေတွေကြောင့် ခရီးသည်တင် Express ကားကြီးတွေ အချိန်နဲ့ ပြေးဆွဲနေရချိန် ဒီလိုကားတွေရောက်လာတော့လဲ တချို့ခရီးသည်တွေအတွက်အဆင်ပြေတာပေါ့ ။
ကိုယ့်ဆီအရောက် လာကြိုခိုင်းလို့ရသလိုကိုယ့်အိမ်ထိအရောက်လဲ ပို့ခိုင်းလို့ရမယ်။
"ရန်ကုန် မော်လမြိုင် လမ်းတလျှောက်မြို့တွေမှာလဲ အကြောင်းအမျိုးမျိုးကြောင့် Express ကားတွေမမှီလိုက်ပဲ ပြန်ဖို့အခက်အခဲ ဖြစ်နေရင်လဲ ဒီလိုကားတွေကိုဖုန်းနဲ့ ချိတ်ဆက်ပြီး ပြန်လာလို့ရတာပေါ့။အရင်ကလဲ Probox တွေ ၊ အံစာတုံးတွေ ရှိပေမဲ့ ဒီလိုမျိုးEV တက္ကစီတွေ ထပ်ပေါ်လာတော့ ကိုယ့်စိတ်ကြိုက် ဝန်ဆောင်မှုနဲ့ စီးလို့ရလို့ ဒီလိုအပြိုင်အဆိုင်တွေ ပေါ်လာမှလဲ ကာစတန်မာတွေအတွက် ပိုအကျိုးဖြစ်စေမှာ"ဟု မော်လမြိုင်မြို့ခံတစ်ဦးက ပြောကြားထားသည်။
ယခုလ Promotions ကာလအတွင်း ငှားရမ်းစီးနင်းသူများအတွက် ၅၀% အကျိုးခံစားခွင့်ကို ဖေဖော်ဝါရီ (၉)ရက်မှ (၁၅)ရက်အထိ ရန်ကုန်-မော်လမြိုင် တစ်ဦးလျှင် ကျပ်(၂၅၀၀၀)ဖြင့်ရရှိမည်ဖြစ်ကာ ပုံမှန်စျေးနှုန်းမှာ ရှေ့ခန်းကျပ် (၆၀,၀၀၀)နှင့် အနောက်ခန်းကျပ် (၅၀,၀၀၀)သတ်မှတ်ထားရှိကြောင်း သိရသည်။

sad
vday အမှီ crushကိုပေးဖို့ မရှိမဲ့ရျိမဲ့ လစာကို ညက Liverpool body နဲ့ အနီကတ် under ထည့်မိသောအခါ

မျက်စိကျိန်းလောက်အောင် တောက်ပရမှာလား
===============================
စိတ်ဓာတ်ကျနေတဲ့ ကြယ်မင်းသမီးလေးက ခမည်းတော် ကြယ်မင်းကြီးကိုမေးတယ်။
“ဖေဖေ...သမီးကို လူတွေ ကြည့်မရကြဘူးထင်တယ်”
“ဘယ်လူတွေတုန်း သမီးရဲ့”
“ကြည့်မရတဲ့လူတွေပေါ့ ဖေဖေရယ်...”
“မုန်းတဲ့လူတွေပေါ့...”
“ဟုတ်...”
“သမီးစကားကို ဖေဖေ ပြန်ပြောကြည့်မယ်နော်...သမီးကို ကြည့်မရတဲ့လူတွေက ကြည့်မရဖြစ်နေလို့ သမီးစိတ်ညစ်နေတယ်။ ဟုတ်တယ်နော်...”
“ဟုတ်...”
“သမီးကို ကြည့်မရတဲ့လူ တစ်ယောက်ရှိတိုင်းရှိတိုင်းမှာ သမီးကို မျှော်ပြီးကြည့်ကြည့်နေတဲ့လူ အနည်းဆုံး ဆယ်ယောက်လောက်ရှိတယ်ဆိုတာရော သမီးသတိထားမိလား...”
“အဲဒါ ဘယ်သူတွေလဲ ဖေဖေ...”
”ထိပ်ဆုံးက အဖေပေါ့”
“...”
“နောက် သမီးရဲ့ သူငယ်ချင်းတွေ၊ မိတ်ဆွေတွေ၊ သမီးမသိပေမဲ့ သမီးကို ချစ်တဲ့လူတွေလေ။ အဲဒီလူတွေအတွက် သမီး တောက်ပရလိမ့်မယ်သမီး”
“ဟုတ်”
“သမီးကိုမုန်းသူတစ်ယောက်အတွက် မှေးမှိန်ပြတယ်ဆိုတာ သမီးကို တောက်ပစေချင်တဲ့ချစ်သူဆယ်ဦးအပေါ် တာဝန်မကျေရာကျတယ်သမီး”
“ဒါဆို သမီးကအမှောင်ကိုခွင်း အလင်းကိုဆောင်ရမယ်ပေါ့”
“အမှောင်ဆိုတာ သမီး ဘာကို ခေါ်ချင်တာလဲ။ အလင်းဆိုတာရော သမီး ဘာကို ခေါ်ချင်တာလဲ။”
“ဟိုလေ...”
“တိတိကျကျအဖြေမပေးနိုင်တာ အန္တရာယ်ရှိတယ်သမီး။ ဒါ့ပြင် သမီးအတွက် အမှောင်ဆိုတာ တချို့လူတွေအတွက် အလင်းဖြစ်နိုင်သလို၊ သမီးရဲ့အလင်းဟာ တချို့လူတွေအတွက် အမှောင်ဖြစ်နိုင်တာကို သတိပြုဖို့လိုတယ်။”
“ဒါဆို သမီးက ဘာလုပ်ရမှာလဲ။ မလိုသူတွေ မျက်စေ့ကျိန်းလောက်အောင် တောက်ပရမှာလား”
“ဒီလိုရှိတယ်သမီးရဲ့။ သမီးကို ချစ်တဲ့လူတွေက သမီးဘယ်လောက် စူးစူးရှရှထက်ထက်မြက်မြက် တောက်ပသည်ဖြစ်စေ မျက်စေ့ကျိန်းတယ်လို့ မထင်သလို သမီးကို မုန်းတဲ့လူတွေက သူတို့အတွက် သမီးဘယ်လောက် မှိန်ဖျော့ပေးသည်ဖြစ်စေ မျက်စေ့ကျိန်းပြီး ကြည့်မရဖြစ်မှာပဲ”
“အဲဒီတော့...”
“သရဖူတိုင်းမှာ သူ့အတာနဲ့သူ အလေးချိန်ရှိတယ် သမီး။ သမီးဟာကြယ်မင်းသမီးတပါးမို့ သမီးရဲ့ သရဖူမှာလည်း အလေးချိန်ရှိတယ်။ သမီးဟာ မွေးဖွားလာကတည်းက တောက်ပဖို့မွေးဖွားလာတာဖြစ်တယ်။ ကြယ်မှန်ရင်တောက်ပရမှာဖြစ်လို့ မတောက်ပတဲ့ကြယ်ဆိုတာ ကိုယ့်သရဖူကိုယ်မနိုင်တဲ့ကြယ်ပဲ။ သမီးဟာ ကိုယ့်သရဖူကိုယ်နိုင်တဲ့ကြယ်တစ်ပွင့်ဆိုတာ ဖေဖေယုံကြည်တယ်။ ဒါကြောင့် သမီးဟာ တောက်ပရလိမ့်မယ်။ တောက်ပမယ့်တောက်ပ မလိုသူတွေ မျက်စေ့ကျိန်းရုံလောက် မတောက်ပနဲ့။ ကန်းသွားလောက်အောင် တောက်ပလိုက်စမ်းပါ ချစ်သမီး။”
(တောက်ပရမှာကြောက်နေသော၊ ကြောက်ကြောက်နှင့်တောက်ပနေရသော လောကရှိ လုပ်ငန်းနယ်ပယ်အသီးသီး၊ ပညာရပ်အသီးသီး၊ နေရာအသီးသီးမှ ကြယ်ပွင့်အားလုံးသို့)

၂၀၂၆ ခုနှစ်မှာ တက္ကစီ လေယာဉ်တွေ ပြေးဆွဲမယ့် ဒူဘိုင်း
================================
လျှပ်စစ် တက္ကစီ လေယာဉ်တွေဟာ မြို့ထဲမှာ ကားလမ်း ပိတ်ဆို့မှုကို လျှော့ချပေးနိုင်သလို အသံဆူညံမှု နည်းပါးစေကာ သဘာဝပတ်ဝန်းကျင်ကို မထိခိုက်စေပါဘူး။ ဒူဘိုင်းက Joby S4 တက္ကစီ လေယာဉ်ကို ပြသလိုက်ပြီး ဝန်ဆောင်မှုကို ၂၀၂၆ ခုနှစ်မှာ စတင်ဖို့ ရည်မှန်းထားတယ်လို့ ပြောပါတယ်။
မြေပြင် ကနေ ဝေဟင် ၊ ဝေဟင် ကနေ မြေပြင်ကို ဒေါင်လိုက် အတက် အဆင်းပြုလုပ်နိုင်တဲ့ VTOL အမျိုးအစား ဖြစ်ပြီး လျှပ်စစ်စွမ်းအင်ကို အသုံးပြုထားပါတယ်။ အားအပြည့်သွင်းထားရင် ၁၆၁ ကီလိုမီတာကို တစ်နာရီကို ၃၂၂ ကီလိုမီတာ အမြန်နှုန်းနဲ့ ပျံသန်းနိုင်ပါတယ်။ ခရီးသည် ၄ ယောက်နဲ့ ပိုင်းလော့ ၁ ယောက်ကို သယ်ဆောင်နိုင်ပါတယ်။
တက္ကစီ လေယာဉ်ရဲ့ အားသာချက်က ခရီးသွားချိန်ကို လျှော့ချပေးနိုင်ပါတယ်။ ဥပမာ အနေနဲ့ ဒူဘိုင်း နိုင်ငံတကာ လေဆိပ် ကနေ Palm Jumeirah ကို ကားနဲ့ သွားရင် ၄၅ မိနစ် ကြာမြင့်ပြီး တက္ကစီ လေယာဉ်နဲ့ သွားရင် ၁၂ မိနစ်ပဲ ကြာမြင့်မှာ ဖြစ်ပါတယ်။
ဒူဘိုင်းက ဒီထက်ပို အဆင့်မြင့်တဲ့ မောင်းသူမဲ့ တက္ကစီ လေယာဉ်တွေကို ၂၀၃၀ ခုနှစ်မှာ ခရီးစဉ် အားလုံးရဲ့ ၂၅ ရာခိုင်နှုန်းမှာ အသုံးပြုဖို့ ရည်မှန်းထားပါတယ်။

ဂျပန်နိုင်ငံ၊ Nagasaki_နာဂါစကီမြို့မှာ နေထိုင်တဲ့ Naoko Nishimoto_နာအိုကို နီရှီမိုတို ဆိုသူ အဖွားတစ်ယောက်က ပြီးခဲ့တဲ့ ဒီဇင်ဘာလ (၁၈) ရက်နေ့၊ သူ့အသက် (၈၀) ပြည့်တဲ့နေ့မှာပဲ နှစ်ပေါင်း (၂၅) နှစ်တိုင်တိုင် ကိုယ်တိုင်မောင်းနှင်လာခဲ့တဲ့ FD RX-7 လေးကို Mazda Japan ထံသို့ ပြန်လည်ပေးအပ်ခဲ့ပါတယ်။
အဲ့ဒီတုန်းက (၁၉၉၉) ခုနှစ်၊ Naoko_နာအိုကို ရဲ့ အသက်ကတော့ (၅၅) နှစ်ပေါ့၊ Daily drive အတွက် ဟောင်းနေပြီဖြစ်တဲ့ Toyota Corona Coupe အစုတ်လေးမောင်းရင်း တစ်ရက်မှာ သူ့သားနဲ့အတူ "Initial D" ကြည့်မိရာကနေ ဇာတ်လမ်းက စပါတယ်။ RX-7 ရဲ့ တောက်ပတဲ့ vibrant yellow ကာလာနဲ့အတူ သိပ်ကိုမှ sleek ဖြစ်တဲ့ ဘော်ဒီကောက်ကြောင်းတွေနဲ့ mountain passes တွေမှာ သာသာယာယာလျှောဆင်းပြသွားတဲ့ low-slung body တို့အောက် ကျရှုံးသွားခဲ့ရတဲ့ Naoko_နာအိုကို ဆိုတဲ့ အဖွားကတော့ ချက်ချင်းဆိုသလိုပဲ အနီးနားက local Mazda dealership ဆီ ပြေးပြီး brand-new RX-7 အသစ်ကို ဝယ်ယူခဲ့တယ်ဗျ။
စတင်ဝယ်ယူခဲ့တဲ့ အချိန်တုန်းကတော့ ဂျပန်ယန်း (၃.၂) သန်း ကျသင့်ခဲ့တယ်လို့ သိရပြီး ကနေ့ခေတ် ဒေါ်လာနဲ့ ပြန်တွက်ကြည့်ရင်တော့ $20,000 လောက် ရှိတယ်ဗျ။ Naoko_နာအိုကို ဒီကားကို ဝယ်ယူခဲ့တဲ့ (၁၉၉၉) ခုနှစ်ကနေ ကနေ့ချိန်အထိ (၂၅) နှစ်တိုင်တိုင် RX-7 လေးကိုသာ Daily Drive အနေနဲ့ သုံးခဲ့တယ်လို့သိရပြီး ကီလိုမီတာအားဖြင့် (၇၇,၅၉၂) တိတိ မောင်းနှင်ခဲ့တာပဲ ဖြစ်ပါတယ်။
ဒီလိုနဲ့ အသက် (၈၀) ပြည့်တဲ့နေ့မှာ ယာဥ်မောင်းလိုင်စင် ပြန်အပ်ပြီး ကားဆက်မမောင်းတော့ဖို့ ဆုံးဖြတ်ထားပုံရတဲ့ Naoko_နာအိုကို ဆိုတဲ့အဖွားကတော့ သူသိပ်ချစ်ရတဲ့ RX-7 လေးကို ရောင်းဖို့ဆုံးဖြတ်ခဲ့ပါတယ်။ ဒီကားလေးကို ပြန်လည်ဝယ်ယူချင်တဲ့သူတွေဆီကနေ emails ပေါင်း (၄၀၀) ကျော်အထိ ကမ်းလှမ်းမှုတွေရှိခဲ့ပေမယ့် နောက်ဆုံးမှာတော့ RX-7 အတွက် အနွေးထွေးဆုံးဖြစ်မယ့် အမိအိမ် Mazda ဆီကိုသာ ပြန်ပို့ဖြစ်ခဲ့တာပဲ ဖြစ်ပါတယ်။
ဒီဇင်ဘာလ (၁၈) ရက်နေ့ Naoko_နာအိုကိုရဲ့ မွေးနေ့အပြီး နောက်ရက် ဒီဇင်ဘာလ (၁၉) မှာတော့ local Mazda dealership မှာပဲ Handover Ceremony လုပ်ခဲ့တယ်လို့သိရပြီး Mazda ကတော့ ဒီကားလေးကို သူတို့ရဲ့ Collection ထဲထည့်ပြီး နောင်လာမည့် events တွေမှာ showcase မလုပ်ခင် Yokohama_ယိုကိုဟားမား မှာရှိတဲ့ R&D center သို့ ပို့လိုက်ပြီလို့ သိရပါတယ်။ အသက် (၈၀) အရွယ် Naoko_နာအိုကို တစ်ယောက်ကတော့ သူနဲ့အတူ (၂၅) တိုင်တိုင် ဖြတ်သန်းလာခဲ့တဲ့ FD RX-7 လေးရဲ့ ဘော်နပ်အပေါ် လက်ကလေးတင်ရင်း နှုတ်ဆက်ခဲ့ပါသတဲ့ . . . ။

ပြင်သစ်နိုင်ငံ ပဲရစ်စ်မြို့မှာ ကျင်းပပြုလုပ်လျက်ရှိတဲ့ RM Sotheby's လေလံပွဲမှာ ယူရို သုံးသန်းခွဲကျော်နဲ့ လောလောလတ်လတ် ရောင်းထွက်သွားတဲ့ 2015 Ferrari LaFerrari ဖြစ်ပါတယ် 2015 မှာ MSRP 1.5 သန်းသာရှိခဲ့ပေမယ့် အခုတော့ နှစ်ဆကျော်အထိ တက်လာပြီး အဲဒီလောက် ဖြစ်သွားတာပါ Hybrid Powertrain ရဲ့ ပါဝါကို ကောင်းကောင်းပြနိုင်ခဲ့တဲ့ Holy Trinity ရဲ့ အရှိန်အဝါပေါ့
အခု‌နောက်ထွက်လာတဲ့ new generation supercar တွေရဲ့ formula က စိတ်ဝင်စားဖို့မကောင်းပဲ အားလုံးနီးပါး ဒါတွေပဲဖြစ်လာလေ၊ ဒီလို legendary ကားတွေက ဈေးပိုတက်လေပါပဲ Manny Khoshbin တောင် Carrera GT ကိုရောင်းလိုက်မိတာ အခုထိနောင်တရလို့မဆုံးပါဘူး P1 ကြီး‌တော့ ကျန်နေခဲ့ပေမယ့် 918, LaFerrari တို့နဲ့ ယှဉ်ရင် P1 ကအောက်ဆုံးမှာပါ
ဒီ LaFerrari နဲ့ အတူတူပြိုင်တင်တဲ့ 2011 Koenigsegg Agera က 1.9 သန်း၊ Pagani Hyuara R က ၃ သန်းစွန်းစွန်းပဲရသွားတာကတော့ နားလည်ရခက်ပါတယ် တကယ်တမ်း ဒီကောင်တွေက ပိုပြီးတောင် limited ဖြစ်တာပါ ဒီကားရဲ့ specs ကြောင့်လည်းပါပါလိမ့်မယ် Ferrari Logo ကအဝါရောင်ဖြစ်တဲ့ bespoke Giallo ကို Nero roof + yellow interior ပါ Wing mirror arms ၊ Front Splitter ၊ Diffuser ကအကုန် Exposed Carbon ဖြစ်ပြီး Ferrari FXX-K ရဲ့ Center-lock Forged rims တွေကို Argento Nurburgring ငွေရောင်နဲ့ဖြစ်‌နေတာက အထူးခြားဆုံးအချက်ပါ အဲဒီအပြင် Owner နှစ်ယောက်လက်ထဲမှာ ကီလို 3000 ကျော်သာ မောင်းထားတာကြောင့် တကယ့်ကို အဖိုးတန် Collector's Specs ဖြစ်ပါတယ်ခင်ဗျား

ကိုရီးယားငါးအသားပြား

ကိုရီးယားငါးအသားပြား FISH CAKE

ပါဝင်သောပစ္စည်းများ >>>

၁ - ပုဇွန်

၂ - ငါးဖယ်

၃ - ပြည်ကြီးငါး

၄ - ဂျင်း

၅ - ကြက်သွန်ဖြူ

၆ - ကြက်သွန်နီ

၇ - ဆီမွှေး

၈ - ငြုပ်ကောင်းမှုန့်

၉ - အရသာမှုန့်

၁၀ - ဆား

၁၁ - ယိုးဒယားငံပြာရည်အနည်းငယ်

၁၂ - ကွကျဥ

၁၃ - ဂျုံ

၁၄ - ပြောင်းကော်မှုန့်

၁၅ - ရေ

၁၆ - ငါးနီတူ

၁၇ - မုန်လာဥ

၁၈ - ပလပ်စတစ်

၁၉ - ဖက်အနည်းငယ်

၂၀ - တုတ်ချောင်း

ပြင်ဆင်ချိန် >>> ( ၆၀ ) မိနစ်

ချက်ပြုတ်ချိန် >>> ( ၆၀ ) မိနစ်

အရင်ဆုံး ပုဇွန်တစ်ဆယ်သား
ကြက်သွန်နီဥ တစ်လုံးနူတ်နူတ်စင်း
ကြက်သွန်ဖြူခြောက်မွှာကိုအရင်ကြိတ်ပါမယ်
ပြည်ကြီးငါး ငါးကျပ်သား ခန့်ပါထည့်ကြိတ်ရပါမယ်
သတိပြုရမှာက ချင်း ထည့်မကြိတ်ပါဘူးနော်

ကြိတ်ပီးရင် လတ်ဆတ်သော ငါးဖယ်ခြစ် ၁၅ကျပ်သား
ကိုဆက်ထည့်ပါ။

အရသာထည့်ပါမယ်
အသားမူန့် သကြား ငရုတ်ကောင်းမူန် teaဇွန်းတစ်ဇွန်း စီ
ဆီမွှေး အနည်းငယ်
ယိုးဒယား ငံပြာရည် ထမင်းစားဇွန်း တစ်ဇွန်း
ဆားအနည်းငယ် ကြက်ဥအကာ တစ်လုံးထည့်ပါ။

အရသာသမပြီဆိုရင်..ပြောင်းကော်မူန့် နဲ့ဂျူံမူန့်ထည့်ပါမယ်ပြောင်းကော်မူန့် နဲ့ဂျူံမူန့် ထမင်းစားဇွန်း သုံးဇွန်းစီရေအကြမ်းပန်းကန်လုံးတစ်လုံးစာခန့်ထည့်ပါ

ငါးအူချောင်း ပုံသွင်းရန်အတွက် မီးဖိုချောင် သုံးပလတ်စတစ်ကို ပုံပါအတိုင်း. အပြား
ကြီးကြီးဖြန့်ပါ.ပြီးရင်စုတ်တံဖြင့်ဆီလိုက်ဆွတ်ပေးပါ။

အဲဒီ ပလပ်စတစ်ပေါ်ကို ငါးအသားကို ဇွန်လေးဖြင့် ဖြန့်ခင်းပြီး ညီနေအောင်ဖိပြားလိုက်ပါ ။ ငါးအသားပြးပေါ် ပလတ်စတစ်ပန်ထပ်ပြီး ပါးပါးပြားပြားဖြစ်အောင် လှိမ့်ပြီးဖြန့်ပါ ။

ငါးအသားလွှာများရလျင် ပေါင်းအိုးနဲ့ပေါင်းပါ ။ ပေါင်းတဲ့အခါ အောက်က ဖက် သို့မဟုတ် အလူမီနီယမ်ပြားခံပြီး ပေါင်းပါ ။ ပြီးလျင်တော့ တုတ်းထိုးရန် ပုံသွင်းလှီးဖြတ်ပြီး ငါးနီတူနဲ့ အုန်လာဥ ပြုတ် ဟင်းချိုရည်ဖြင့်လည်းကောင်း ကြိုက်နှစ်သက်ရာ ဆော့ အမျိုးမျိုးဖြင့်လည်းကောင်း တွဲဖက်သုံးဆောင်နိုင်ပါပြီ ။

#credit

"ကားဆိုတဲ့ အရာဟာ လူသားတွေ ဖန်တီးခဲ့သမျှထဲ စွဲမက်ဖွယ်အကောင်းဆုံးနဲ့ အလှပဆုံးပါပဲ"
"Cars are some of the most intoxicating, most beautiful things ever forged by mankind"
~ Jeremy Clarkson
Ferrari F40, Mclaren F1 တို့လို The greatest of all time ဆိုတဲ့ ဒိတ်ဒိတ်ကြဲကားတွေရဲ့ အနှစ်သာရကို ခံစားကြည့်ချင်ပေမယ့် ကျွန်တော် လူ့လောကထဲကို ရောက်လာတဲ့အချိန်ဟာ နောက်ကျတာကြောင့် အဲဒီအခွင့်အရေးတွေမရခဲ့ပါဘူး Bugatti Veyron ‌ခေတ်မှာတောင် ကျွန်တော် ကွန်ပျူတာ စ ကိုင်ဖူးခါစပဲရှိပါတယ်
GMA T.50 ကတော့ Powertrain, Drivetrain, Aerodynamic ဆိုတာတွေကို ထဲထဲဝင်ဝင်လေ့လာမိပြီး အရူးအမူးကြိုက်ခဲ့ရတဲ့ ကားတစ်စီးပါပဲ
"ပညာရှင်တစ်ယောက်ရဲ့ Masterpiece ဟာ တစ်သက်မှာ တစ်ခါပဲပေါ်တယ်" ဆိုတဲ့ အဆိုကို Gordon Murray က Mclaren F1, T.50 တို့နဲ့ ချိုးဖျက်ပြသွားပါတယ်