ဘဝမှာ လူတစ်ယောက်ကို သီချင်းတွေ၊ရနံ့တွေနဲ့ တွဲပြီးမှတ်မိနေတာဟာ ကြောက်စရာအကောင်းဆုံးပဲ။
မသိမသာရော၊ သိသိသာသာပါ ရူးမူးခဲ့ရတဲ့ဖြစ်စဉ်တွေဟာ အဲ့ဒီအရာတွေနဲ့ အစပျိုးခဲ့လိုက်တာ။ အချိန်တွေကြာသွားရင်တောင် သူ့ဆီကနေပြေးပုန်းလို့ရမယ့်နေရာကို ခက်ခက်ခဲခဲ ရှာဖွေနေရတုန်း။

အဲ့ခေတ်က လူမင်းနဲ့စိုးမြတ်နန္ဒာ
ဘာဖြစ်ခဲ့ကြလဲ စိတ်မဝင်စားပေမဲ့
ရှေ့ကအမကြီးက
ဆေးဂါလို့ မှိုင်နေတာလား
ဝေးကွာလို့ ငိုင်နေတာလားပဲသိချင်မိတယ်

“စကားပြောဖော်”
ကျွန်တော်တို့အားလုံးရဲ့ နေ့စဉ်ဘဝမှာ
ပျော်စရာလေးတွေ ကြုံတဲ့အခါကျတော့လည်း
အဖြစ်အပျက်လေးတွေကို ပြန်ပြီးဝေမျှဖို့၊
စိတ်ညစ်စရာအကြောင်းတွေဖြစ်လာပြန်တော့လည်း
ကိုယ်ရဲ့ အခက်အခဲလေးတွေကို အနည်းအကျဉ်း
ရင်ဖွင့်ဖို့ စကားပြောဖော်တစ်ယောက်တော့
လိုအပ်ပါတယ်။
စကားပြောဖော်ဆိုတဲ့နေရာမှာ
ငါနေ့တိုင်းစကားပြောဖို့ဆိုပြီး သီးသန့်ကြီး
လူတစ်ယောက်ကို လိုက်ရှာနေစရာမလိုဘူး
ငါနဲ့နေ့တိုင်းစကားပြောပေးမလားဆိုပြီး
Requestလုပ်စရာမလိုဘူး
ခင်မင်ရင်းနှီးတဲ့ သူငယ်ချင်းတစ်ယောက်ယောက်၊
ညီအစ်ကိုမောင်နှမတွေထဲက တစ်ယောက်ယောက်၊
အိမ်နီးချင်းတွေထဲကတစ်ယောက်ယောက်၊
ဘယ်သူ့မှ မရှိတဲ့အဆုံး ကိုယ့်ရဲ့မိဘ (သို့မဟုတ်)
ကိုယ့်ရဲ့ ချစ်သူရည်းစားပေါ့ - It can be anyone.
ကျွန်တော်ဖတ်ဖူးတဲ့ Quoteလေးတစ်ခုရှိတယ်
“လူတွေက ဘာလို့ စကားပြောရတာကြိုက်လဲဆို
သူတို့ကို စိတ်သက်သာရာ ရစေလို့”တဲ့ - That’s true.
တစ်ခါတစ်လေ အသည်းကွဲနေတဲ့အခါမျိုးမှာ
ဘယ်လောက်ပဲ ခံစားနေရပါစေဦးတော့
သူငယ်ချင်းတစ်ယောက်နဲ့ အချိန်အတန်ကြာ
စကားတွေပြောလိုက်တဲ့အခါ ကိုယ့်စိတ်ထဲ
အတော်ပေါ့ပါးသွားတယ်လေ။
အကြာကြီး မျိုသိပ်ထားရတဲ့ခံစားချက်တွေကို
တစ်ဦးတစ်ယောက်ဆီမှာ ရင်ဖွင့်လိုက်တဲ့အခါ
နေရတာ သက်တောင့်သက်သာရှိသွားတတ်တယ်
မဟုတ်လား။
ကျွန်တော်တို့ရဲ့နေ့စဉ်ဘဝမှာလည်း
ကျွန်တော်တို့အတွက် လူတစ်ယောက်တော့လိုပါတယ်
အချိန်ပြည့်မဟုတ်ရင်တောင်
ရင်ဖွင့်ချင်တဲ့အချိန်လေးခဏ အားနာစရာမလိုဘဲ
အားရပါးရစကားတွေပြောနိုင်မယ့်
‘စကားပြောဖော်’လေး တစ်ယောက်လောက်ဖြစ်ဖြစ်ပေါ့။
Oᴀᴋ
💭

The Animal Kingdom [2023]
လူသားတွေဟာလည်း သန္ဓေပြောင်းမှု တစ်မျိုးနဲ့ကြုံတွေ့ရပြီးလူစင်စစ်ကနေ တိရိစ္ဆာန်တစ်ပိုင်း သတ္တဝါကြီးတွေဖြစ်ကုန်ပါတယ်….။
ဒီလိုဖြစ်လာရင်တော့ စစချင်းမှာ လူမှုအသိုင်းအဝိုင်းကရှောင်ဖယ်၊ တိုက်ခိုက်ကြတာ ဓမ္မတာပါပဲ…။ ကံဆိုးပြီး သန္ဓေပြောင်းသွားတဲ့ လူတွေအတွက်တော့စိတ်မကောင်းစရာပဲပေါ့…။
ဒီလူတွေထဲမှာ ဖရန်ဆွာရဲ့ ဇနီးဖြစ်သူလည်းပါခဲ့ပါတယ်…။ ဇနီးဖြစ်သူ ဒီသန္ဓေပြောင်းရောဂါကနေ ပြန်ကောင်းလာနိုးလာနိုးနဲ့‌ဆေးကုသမှုခံယူနေရင်းနဲ့ပဲ သားဖြစ်သူပါ ဒီရောဂါနဲ့ကြုံတွေ့လာရတဲ့အခါ….။
Horror၊ Sci-fi၊ Adventure၊ Dramaစတဲ့ ရုပ်ရှင်အမျိုးအစားရသစုံပါဝင်တဲ့အပြင် ဆုတံဆိပ်တွေလည်းရရှိထားတဲ့ကားမိုတင်ဆက်ပေးလိုက်ပါဗျာ…။
#movie

ဝါဝါဝင်းရွှေကို သွားရောက်ကန်တော့ရင်း ၂၂ နှစ်ကြာ မကိုင်ခဲ့ရတဲ့ အကယ်ဒမီရုပ်လေးကို ကိုင်ကြည့်ခဲ့ကြတဲ့ ခင်ဇာခြည်ကျော်တို့သားအမိ 🏆
သူမကိုယ်တိုင်လည်းအကယ်ဒမီဆုရှင်ကြီးဖြစ်ခဲ့တာပါ။ ၂၀၀၂ ခုနှစ်မှာ ငါ၊သူတပါး၊ ယောက်ကျား၊ မိန်းမ ဆိုတဲ့ရုပ်ရှင်ဇာတ်ကားနဲ့ရရှိခဲ့တာပါ။ ယခုနှစ် ရုပ်ရှင်တစ်သက်တာဆုကိုရရှိခဲ့တဲ့ ဝါဝါဝင်းရွှေဆီကို သွားရောက်ဂါရဝပြုရင်း အကယ်ဒမီဆုနဲ့ အလှမ်းဝေးကွာသွားခဲ့တာ ၂၂ နှစ်ကြာခဲ့ပြီမို့ နတ်သမီးရုပ်လေးကို ကိုင်ကြည့်ခဲ့တယ်လို့ သူမက ပြောပါတယ်။

💎 ကြက်တောက်တောက်ကြော် 💎

👉 အသားပြားကြော်ရန်

အသား ( ဓါးနဲ့ ပေါက်ထားပါ။ )
ဆား,
သကြား,
အချိုမှုန့်,
ငရုတ်ကောင်း
ကော်မှုန့်,ကြက်ဥ
( ရောနယ်လိုက်ပါ။ )

အိုးထဲဆီများများ ထည့်ပီး ဆီပူအောင်တည်ပါ။
နယ်ထားတဲ့ အသားကို အပြားပုံစံလေး ထည့်ကြော်ပါ။
အနိမ့်ဆုံး မီးအားနဲ့ အထဲကအသားတွေ ကျက်တဲ့အထိကြော်ပါ။
အသားများ နီရဲလာရင် တဖက်လှန်ပေးပါ။
၂ ဖက်လုံး နီရဲလာရင်ရပါပီ။
( ကြော်နေစဉ် အဖုံးအုပ်ထားပေးပါ။ )

_____________________________________________

👉 တောက်တောက်ကြော်ဖို့ ပြင်ဆင်ထားရန်

ကြက်သွန်နီ ၁ လုံးကို အကွင်းလိုက်လှီးထားပါ။
ကြက်သွန်ဖြူ ၄ မွှာ ကြိတ်ထားပါ။
မိမိနှစ်သက်ရာ အသီးအရွက်များ လှီးထားပါ။
ဝက်သားပြားကို လှီးထားပါ။
ကော်မှုန့် ထမင်းစားဇွန်း ၁ ဇွန်း ရေဖျော်ထားပါ။

_____________________________________________

👉 တောက်တောက်ကြော် ကြော်ပါတော့မယ်။

အိုးထဲဆီထည့်ပီး ဆီဆူလာရင်

🌟 ကြက်သွန်ဖြူ/နီ ပျော့လာအောင်ကြော်ပီး
🌟 အသီးအရွက်များ ထည့်ကြော်,
🌟 အသားပြားကြော်ထည့်မွှေပါ။
🌟 ရေ ( 500 ml ) ထည့် အဖုံးအုပ်ထားပါ။
🌟 အချိုမှုန့် ( လဖက်စားဇွန်း ၁ ဇွန်း )
🌟 သကြား ( လဖက်စားဇွန်း ၃ ဇွန်း )
🌟 ပဲငံပြာရည်အကြည်(ထမင်းစားဇွန်း ၁ ဇွန်း)
🌟 အနောက် ( ထမင်းစားဇွန်း ၁ ဇွန်း )
🌟 ခရုဆီ ( ထမင်းစားဇွန်း ၃ ဇွန်း )
🌟 ငရုတ်ကောင်း (လဖက်စားဇွန်း တစ်ဝက်)
🌟 ကြက်ဥ ( ၁ လုံး ) ခေါက်ထည့်ပါ။
🌟 ကော်မှုန့် ( လဖက်စားဇွန်း ၂ ဇွန်း )
🌟 တရုတ်နံနံ အုပ်ပီးရင်
🌟 ငုံးဥထည့်ပီး အိုးချ စားသုံးလို့ ရပါပြီ။
#crd

မန်ချက်စတာယူနိုက်တက်အသင်းဟာ ဘရာဇီးလ်ကွင်းလယ်ကစားသမား ကက်စမဲရိုးကို ဒီရာသီကုန်အထိဖလာမင်ဂိုအသင်းဆီအငှားချထားဖို့အဆင်သင့်ဖြစ်နေတယ်လို့ Daily Express သတင်းကဖော်ပြခဲ့ပါတယ်။

ပရီးမီးယားလိဂ်ကစားသမားအပြောင်းအရွှေ့စျေးကွက်ဟာပြီးခဲ့တဲ့ဖေဖော်ဝါရီ ၃ ရက်နေ့တုန်းကပိတ်သိမ်းခဲ့ပြီးဖြစ်ပေမဲ့ မန်ချက်စတာယူနိုက်တက်အသင်းကွင်းလယ်ကစားသမားကက်စမဲရိုးအနေနဲ့ ဘရာဇီးလ်အပြောင်းအရွှေ့စျေးကွက်ဟာ ဒီဖေဖော်ဝါရီ ၂၈ ရက်နေ့အထိဖွင့်နေသေးတာကြောင့် ဒီလမှာပဲ့ အိုးထရက်ဖို့ဒ်ကွင်းနေပြောင်းရွှေ့ထွက်ခွာဖွယ်ရှိနေပါတယ်။

ကက်စမဲရိုးအနေနဲ့ နည်းပြရူဗင်အာမိုရင်လက်အောက်သရဲနီအသင်းမှာ ပွဲထွက်ကစားခွင့်မရခဲ့တာကြောင့် ဘရာဇီးလ်ကိုပြောင်းရွှေ့ကစားဖို့ဆုံးဖြတ်ချက်ချဖွယ်ရှိနေပြီး ဖလာမင်ဂိုအသင်းကလည်း အဆိုပါကစားသမားကိုအသင်းဆီအငှားခေါ်ယူဖို့စိတ်ဝင်စားနေတဲ့အသင်းဖြစ်ပါတယ်။

ကက်စမဲရိုးဟာ ဒီဆောင်းရာသီကာလကစားသမားအပြောင်းအရွှေ့စျေးကွက်ကာလမှာတော့ အယ်လ်နာဆာလ်၊ရိုးမားနဲ့ ဘက်ဆီတပ်စ်တို့လို ကလပ်အသင်းအများအပြားနဲ့ချိတ်ဆက်နေတဲ့သတင်းထွက်ပေါ်ခဲ့ပေမဲ့ အသင်းအပြောင်းအရွှေ့မဖြစ်ပေါ်လာခဲ့ပါဘူး။

လက်ရှိမှာတော့အသက် ၃၂ နှစ်အရွယ်ကက်စမဲရိုးဟာ တပတ်လုပ်ခလစာအဖြစ် ပေါင် ၃၅၀၀၀၀အထိရရှိနေပြီး ၂၀၂၆ ခုနှစ်အထိစာချုပ်သက်တမ်းကျန်ရှိနေသေးတာဖြစ်ပါတယ်။

#ဘောလုံးသတင်းစုံ

😣

ဒလတံတားတည်ဆောက်မှု စီမံကိန်းတစ်ခုလုံး၏ ၈၀ ရာခိုင်နှုန်းပြီးစီး

ရန်ကုန်၊ ဖေဖော်ဝါရီ ၁၃

ကိုရီးယား-မြန်မာချစ်ကြည်ရေး ဒလတံတားတည်ဆောက်မှု စီမံကိန်းတစ်ခုလုံး၏ ၈၀ ရာခိုင်နှုန်း ပြီးစီးနေပြီဖြစ်ကြောင်း တံတားတည်ဆောက်ရေးလုပ်ငန်းမှ သိရသည်။

လက်ရှိတွင် တံတားတစ်ခုလုံး၌ ပင်မတံတားတည်ဆောက်ရေးလုပ်ငန်းများသာ ကျန်ရှိတော့ကြောင်း ယခုနှစ်အတွင်းပြီးစီးရန်လျာထားကြောင်း သိရသည်။

"သတ်မှတ်ချိန်အတွင်းပြီးစီးဖို့ လုပ်နေတယ်။ ၂၄ နာရီလုံး နေ့ဆိုင်းနဲ့ ညဆိုင်းခွဲပြီးလုပ်နေတယ်။ တော်တော်များများလည်းပြီးနေပါပြီ။" ဟု တံတားတည် ဆောက်ရေးလုပ်ငန်းမှ တာဝန်ရှိသူတစ်ဦးက ပြောသည်။

ကိုရီးယား-မြန်မာချစ်ကြည်ရေး ဒလတံတားကို ၂၀၁၈ ခုနှစ်၊ ဒီဇင်ဘာ ၂၄ ရက်တွင် တံတားပန္နက်တင်ပြုလုပ်ခဲ့ပြီး ကိုရီးယားနိုင်ငံ စီးပွားဖွံ့ဖြိုးမှုရန်ပုံငွေချေးငွေနှင့် အစိုးရထည့်ဝင်ငွေအပါအဝင် စုစုပေါင်းအမေရိကန်ဒေါ်လာ ၁၈၈ သန်းကျော် အကုန်ကျခံတည်ဆောက်နေခြင်းဖြစ်သည်။

အဆိုပါတံတားကြီး၏ စုစုပေါင်းအရှည်မှာ ၁၈၆၇ မီတာ၊ အကျယ် ၂၆ ဒသမ ၅ မီတာ၊ တံတားခံနိုင်ဝန် ၇၅ တန် ရှိပြီး လေးလမ်းသွား သံမဏိကြိုးဆိုင်းတံတားဖြစ်ကြောင်း၊ တံတားပြီးစီးသွားပါက ဒလနှင့်ဆက်စပ်မြို့နယ်များ ဖြစ်သည့် တွံတေး၊ ကော့မှူး၊ ကွမ်းခြံကုန်းနှင့် ဧရာဝတီတိုင်းဒေသကြီးသို့ ဆက်သွယ်သွားလာနိုင်မည်ဖြစ်ကြောင်း သိရသည်။

#centralnewdnaypyitaw

ဒဂုံမြို့သစ်(တောင်ပိုင်း) (၆၃) ရပ်ကွက်တွင် စက္ကူကြမ်းသိုလှောင်ရုံ မီးလောင်

ရန်ကုန်၊ ဖေဖော်ဝါရီ ၁၃

ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ အမှတ်(၆၃)ရပ်ကွက်၊ ဘုရားလမ်းအနီးတွင် ဖေဖော်ဝါရီ ၁၂ ရက်၊ ည ၁၀ နာရီခွဲက စက္ကူကုန်ကြမ်းသိုလှောင်ရုံ မီးလောင်မှုဖြစ်ပွားခဲ့ကြောင်း သိရသည်။

အမှတ်(၆၃)ရပ်ကွက်၊ ဘုရားလမ်းအနီးရှိ စက္ကူကြမ်းသိုလှောင်ရုံတွင် မီးလောင်မှုဖြစ်ပွားရာ တစ်နာရီခန့်ကြာ မီးငြိမ်းသတ်ခဲ့ပြီး မီးလောင်မှုကြောင့် ကျပ်သိန်း ၁၀၀ ခန့်ပျက်စီးဆုံးရှုံးမှုရှိခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သိရသည်။

"မီးငြိမ်းသတ်မှု တစ်နာရီခန့်ကြာခဲ့ပါတယ်။ စက္ကူကြမ်းသိုလှောင်ရုံပါ။ တစ်ဦးတစ်ယောက်က ဆေးလိပ်မီးပစ်ခဲ့လို့ မီးလောင်မှုဖြစ်ပွားခဲ့တယ်လို့ ယူဆမိပါတယ်။ လတ်တလော မီးလောင်မှုဖြစ်စဥ်နဲ့ပတ်သက်ပြီး တာဝန်ရှိသူတွေကို စုံ စမ်းစစ်ဆေးနေပါတယ်။" ဟု မြန်မာနိုင်ငံမီးသတ်တပ်ဖွဲ့မှ တာဝန်ရှိသူတစ်ဦးက ယနေ့ခေတ်သို့ ပြောသည်။

အဆိုပါမီးလောင်မှုကို တစ်နာရီခန့်ကြာ ငြိမ်းသတ်ပေးခဲ့ရပြီး အခြားသောနေ အိမ်များသို့ မီးကူးစက်လောင်ကျွမ်း ခြင်းမရှိကြောင်းနှင့် မီးလောင်မှုကြောင့် လူ ထိခိုက်ဒဏ်ရာရရှိမှုမရှိခဲ့ကြောင်း သိရသည်။

မီးလောင်ဖြစ်ပွားရာသို့ ဒဂုံမြိုသစ်(တောင်ပိုင်း)မြို့နယ် မီးသတ်စခန်းက မီးသတ်ယာဉ်များနှင့်အတူ လူမူကူညီရေးအသင်းများ ထွက်ခွာငြှိမ်းသတ်ခဲ့ရာ ည ၁၁ နာရီခွဲတွင် အပြီးသတ်ငြိမ်းသတ်ပေးနိုင်ခဲ့ကြောင်း သိရသည်။

ထို့အတူ ရန်ကုန်တိုင်းဒေသကြီးအတွင်း ၂၀၂၄ ခုနှစ်တစ်နှစ်လုံးအတိုင်းအတာအရ မီးပေါ့ဆမှုကြောင့် မီးလောင်မှု ၂၃ မှုထိရှိခဲ့ကြောင်း သိရသည်။

#သတင်းဟင်းလေးအိုးကြီး