ငါးပါးသီလနဲ့ ကပ်ကြီးသုံးပါး
🙏🙏🙏🙏🙏🙏🙏🙏
"ကပ်" ဆိုတာ...
အတိုင်းအတာ၊ အချိန်ပိုင်းတစ်ခု
(တစ်နည်း)
"သတ္တဝါတွေရဲ့ ကံအားလျော်စွာ စီရင်ခြင်း"
လို့ အဓိပ္ပာယ် ရတယ်။
သတ္တဝါတွေမှာ တစ်ခါတစ်ခါ
ဘေးဆိုးရန်ဆိုး၊အန္တရာယ်ဆိုး ဆိုတာတွေဟာ
အတိုင်းအတာ တစ်ခုအနေနဲ့ ကြုံရတတ်တယ်။
ဒါက သတ္တဝါတွေရဲ့ ကံအားလျော်စွာ ဖြစ်တာ။
မျက်စိဖွင့် နားစွင့်ကြည့် ...
သတ်ဖြတ်တာတွေ၊
ခိုးယူ လုယက်တာတွေ၊
အဓမ္မအမှုတွေ အမျိုးမျိုး
အနိုင်ကျင့် လှည့်စားတာတွေဟာ
နေ့စဉ်လိုလို မြင်ကြားနေရတယ်။
ဒါတွေ ဘာကြောင့် ဖြစ်တာလဲ
"သီလ မစောင့်ထိန်းလို့ ဖြစ်တာပါ" ။
မြတ်စွာဘုရားရဲ့တရားတော်တွေမှာ...
"အကြောင်းကင်းတဲ့ အကြောင်း"ဆိုတာ မရှိသလို
"အကြောင်းကင်းတဲ့ အကျိုး"ဆိုတာလည်း မရှိဘူး။
လူတွေ...
လောဘဇော. ဒေါသဇော တိုက်ပြီး
ညှာတာထောက်ထား ...
ကိုယ်ချင်းစားတရားကင်းမဲ့လာပြီ ဆိုရင်
မိုးလေ မမှန်တော့ဘူး။ သီးနှံစိုက်ပျိုးလို့ မရ၊
အဆီသြဇာလည်း မပြည့်ဝတော့လို့
သက်တမ်းတွေလည်း တိုလာရတယ်။
လူတွေရဲ့ စိတ်ထားနဲ့ တန်တဲ့
ကံတရားရဲ့ ဒဏ်ခတ်ခြင်းလို့ ပြောရမှာပဲ။
သဘာဝတရားရဲ့ နှိပ်စက်ခြင်းခံရမယ်။
အစာရေစာ ငတ်မွတ်ခေါင်းပါးမယ်။
သတ်ဖြတ်တာတွေ ဖြစ်လာမယ်။
ရောဂါဆိုးတွေက နှိပ်စက်မယ်။
ဒါ ကပ် ဆိုက်တာလို့ ပြောတာ။
ဒါတွေက လွတ်ဖို့ဆိုရင်...
"မင်းက အစ, ပြည်သူ အဆုံး"
အားလုံး သီလလုံမှ ဖြစ်မယ်။
၁။ ပါဏာတိပါတာ သိက္ခာပုဒ်ကို စောင့်ထိန်းရင်
သတ်ဖြတ်ညှင်းဆဲတဲ့ 'သတ္ထန္တရ'ကပ်ဆိုးကြီးကို
ကာကွယ်ရာရောက်တယ်။
၂။ အဒိန္နာဒါန သိက္ခာပုဒ်ကို စောင့်ထိန်းရင်
ငတ်မွတ်ခေါင်ပါးတဲ့ 'ဒုဗ္ဘိက္ခန္တရ'ကပ်ဆိုးကြီးကို
ကာကွယ်ရာရောက်တယ်။
၃။ ကာမေသုမိစ္ဆာစာရ
၄။ မုသာဝါဒ၊
၅။ သူရာမေရယ
သိက္ခာပုဒ် သုံးပါးကို စောင့်ထိန်းရင်
အနာရောဂါနှိပ်စက်တဲ့ 'ရောဂန္တရ'ကပ်ဆိုးကြီးကို
ကာကွယ်ရာရောက်တယ်။
ဘုရားအလောင်းနုစဉ်က အိန္ဒိယနိုင်ငံ ကုရုတိုင်းမှာ
အားလုံး သီလလုံ လို့ ကပ်ကြီးသုံးပါးမှ
လွတ်မြောက်ပြီး ချမ်းသာနေပေမယ့် ...
ကာလိင်္ဂတိုင်းပြည်မှာတော့ ကပ်ဘေးကြီးဆိုက်လို့
လူတွေရော တိရိစ္ဆာန် တွေပါ အကုန်
ဒုက္ခရောက်ကြရတယ်။
ဘုရားအလောင်းတော် ကုရုမင်းက
သူတို့ စောင့်ထိန်းနေတဲ့ 'ကုရုဓမ္မ' နောင် "ဂရုဓမ္မ"
လူတို့ အလေးအမြတ်ထားအပ်သော
တရားငါးပါးကို ပေးအပ် စောင့်ထိန်းစေတော့မှ
ကာလိင်္ဂတိုင်းဟာ မင်းနှင့် ပြည်သူတွေပါ
မိုးလေမှန်လို့ ချမ်းသာရာ ရခဲ့ကြတယ်။
ဒါကြောင့် ....
သူတော်ကောင်းများ အားလုံး
စည်းစိမ်ခြုံလို့ ဘဝမလုံ
သီလခြုံမှသာ ဘဝလုံတယ် သိပြီး
ငါးပါးသီလကို အသက်ထက်ဆုံး
စောင့်ထိန်းနိုင်ကြပါစေ...။
#ပါမောက္ခချုပ်ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏
#မူရင်းရေးသားပူဇော်သူကိုလည်းဂါရဝပြုပါသည်။?

WhatsApp ရဲ့Featureအသစ်
WhatsApp သည် အသုံးပြုသူများ၏ ကိုယ်ရေးကိုယ်တာ အချက်အလက်များကို ပိုမိုကာကွယ်ရန် profile picture ကို screenshot ရိုက်တာကိုမပြုနိုင်စေရန် feature အသစ်တစ်ခု ထည့်သွင်းလိုက်သည်။

WhatsApp မှာ ကိုယ်ရေးကိုယ်တာ အချက်အလက်များကို ထိန်းသိမ်းရန် အစဉ်မပြတ် ကြိုးပမ်းနေဆဲဖြစ်ပြီးယခင်ကလည်း View Once Disappearing Messages (အလိုအလျောက်ပျောက်ကွယ်သွားသော မက်ဆေ့ချ်) တို့ကိုထည့်သွင်းပြီးသားဖြစ်သည်။ ယခုအသစ်ထပ်မံထည့်သွင်းလာသော Profile Picture Screenshot Blocking feature သည် unauthorized sharing (မလိုလားအပ်သော ဝေမျှမှု) မဖြစ်စေရန် အထောက်အကူပြုပေးနိုင်သည်။

ယခင်တုန်းက WhatsApp မှ Profile Picture ကို Download မလုပ်နိုင်သော်လည်း screenshot နှင့်သိမ်းထားနိုင်သည်။ ယခု feature အသစ်ဖြင့် screenshot သိမ်းဆည်းခြင်းပြုလုပ်မရနိုင်တော့ပဲ “Can’t take a screenshot due to app restrictions” ဟုတားမြစ်ပေးမည်ဟုသိရသည်။

ယခု feature အသစ်ကြောင့်တခြားသူများသည် screenshot ဖြင့်Profile Picture ကိုပြန်လည်အသုံးချခြင်း နှင့် WhatsApp သည် Meta ၏ အုပ်စုဝင်ဖြစ်တာနှင့်အညီ Facebook နှင့် Instagram တို့နည်းတူတိုးတက်လာသော security features များထည့်သွင်းလာခြင်းဖြစ်သည်။

WhatsApp ရဲ့ယခု feature ကို Android နှင့် iOS အသုံးပြုသူများအတွက် နောက်လာမည့် update ထည့်သွင်းပေးမည်ဖြစ်သည်။

WhatsApp မှ အသုံးပြုသူများအတွက် Privacy & Security ကို ပိုမိုတိုးတက်စေရန် အနာဂတ်တွင် chat lock improvements, AI-based spam detection, screenshot blocking for View Once messages စသည့် များပြားသော feature များကိုထပ်မံပါဝင်လာမည်ဟုလဲသိရသည်။

WhatsApp ၏ ယခု အသစ်ထည့်သွင်းလိုက်သော Profile Picture Screenshot Blocking feature သည် ကိုယ်ရေးကိုယ်တာ အချက်အလက်များကို ထိန်းသိမ်းလိုသူများအတွက် အလွန်အသုံးဝင်မည့် security update တစ်ခုဖြစ်သည်။

မန်ချက်စတာယူနိုက်တက်ရဲ့ ပရိသတ် ၁ သိန်းဆံ့ အိုးထရက်ဖိုဒ့်ကွင်းသစ်ရဲ့ တရားဝင်ပုံစံတွေ ထွက်ပေါ်လာပါပြီ

၁ ရက်အတွင်း ၃ ကြိမ်ပြတ်တောက်မှုဖြစ်ခဲ့တဲ့ X (Twitter)
Tesla ရောင်းအားကျဆင်းတာကိုတောင် မနည်းကြိုးစားနေရတဲ့ Musk တစ်ယောက် မနေ့ကပဲ X platform က Cyberattack ဖြစ်ပြီး ပြတ်တောက်မှုတွေရှိခဲ့ပါတယ်။ ထူးထူးခြားခြားလို့ပဲ ပြောရမလား တစ်ရက်တည်းမှာတင် ၃ ကြိမ်တိုက်ခိုက်ခံရပြီး ပြတ်တောက်ခဲ့တာပါ။
မတ်လ ၁၀ ရက်မနက်ပိုင်းမှာ X မှာ ပို့စ်တင်တာတွေ Download လုပ်တာတွေ Loding loop တွေ ဖြစ်ခဲ့တာပါ။ ခဏအကြာမှာ ပြန်ရခဲ့တယ်ဆိုပေမဲ့ နေ့လည် ၁ နာရီခွဲအချိန်မှာလည်း အလားတူပုံစံမျိုးထပ်ဖြစ်ခဲ့ပါသေးတယ်။
“ X ကို မကြာသေးခင်က ကြီးမားတဲ့ ဆိုက်ဘာတိုက်ခိုက်မှုတစ်ခု ရှိခဲ့ပါတယ် (လက်ရှိမှာလည်း ရှိနေဆဲပါ)။ ကျွန်တော်တို့ကို နေ့တိုင်းတိုက်ခိုက်မှုတွေ ရှိနေပေမဲ့ ဒီတစ်ခုကတော့ အရင်းအမြစ်တွေ အများကြီးနဲ့ လုပ်ဆောင်ခဲ့တာပါ။ ဒါဟာ အကြီးစားညှိနှိုင်းလုပ်ဆောင်တဲ့ အဖွဲ့တစ်ဖွဲ့ ဒါမှမဟုတ် နိုင်ငံတစ်နိုင်ငံက ပါဝင်နေတာဖြစ်နိုင်ပါတယ်။ လက်ရှိတော့ လမ်းကြောင်းရှာဖွေနေပါတယ် …” လို့ Musk က သူ့ရဲ့ X account မှာ တင်ခဲ့ပါတယ်။

ဖုန်းအသေးလေးတွေကြိုက်တဲ့သူတွေအတွက် OnePlus 13 Mini
ဒီဖုန်းက OnePlus ကနေ မိတ်ဆက်လာနိုင်ခြေရှိတယ်ဆိုပြီး Leak ထွက်လာတာပါ။ Weibo က Tipster တစ်ဦးဖြစ်တဲ့ Smart Pikachu ဆိုသူကနေ ဖော်ပြလာတာပဲဖြစ်ပါတယ်။
OnePlus 13 Mini (OnePlus 13T လို့လည်း အမည်ရ) ဟာ Mini ဆိုတဲ့အတိုင်းပဲ compact ဒီီဇိုင်းလေးနဲ့ ထွက်လာမှာပါ။ Mini ဆိုပေမဲ့ ဘတ်ထရီက 6000mAh တောင် ပါမယ်လို့ ဖော်ပြထားပါတယ်။ ဖုန်းသေးသေးလေးတွေ ကိုင်ရတာကြိုက်တဲ့သူတွေအတွက်တော့ တကယ်မိုက်တာပဲ။ ဘတ်ထရီနဲ့တင် တော်တော်တန်နေပါပြီ

နှစ်ကျော့စလုံး ဆာလာကို အိတ်ကပ်ထဲထည့်ခဲ့တဲ့ ဂြိုဟ်သား

ချန်ပီယံလိဂ် ၁၆ သင်းအဆင့် ဒုတ်ိယအကျော့ရလဒ်

Liverpool 0 : 1 PSG ( Pen 1 : 4 )

* ပရီးမီးယားလိဂ်ရဲ့ တောသားပဲခူးအသင်း ရေနံမာမူတို့နဲ့ အတွေ့မှာ (၁၆) သင်းအဆင့်ကနေ လှည့်ပြန်ခဲ့ရပါပြီ။

* ဒမ်ဘီလီရဲ့ ဦးဆောင်ဂိုးနဲ့ အသာရထားတဲ့ ရေနံမာမူတို့ဟာ အိမ်ရှင် တောသားအသင်းရဲ့ ဖိအားပေး တိုက်စစ်ဆင်မှုတွေကို ကြံ့ကြံ့ခံခဲ့ရပြီး နှစ်ဖက် ဂိုးသမားတွေဖြစ်တဲ့ အယ်လီဆန်တဲ့ ဒွန်နာရာမာတို့ရဲ့ လက်စွမ်းပြမှုတွေကြောင့်လည်း ပင်နယ်တီ အဆုံးအဖြတ်အထိ ရောက်ရှိခဲ့တာဖြစ်ပါတယ်။

* ပင်နယ်တီ ကန်သွင်းရာမှာတော့ လူစားဝင် ဒါဝင်နဲ့ ကာတစ်ဂျုံးတို့ရဲ့ ကန်သွင်းချက်တွေကို ဒွန်နာရာမာ လက်စွမ်းပြခဲ့တာမို့ ရေနံမာမူတို့ ကွာတားအဆင့်ကို တက်ရောက်ခဲ့တာဖြစ်ပါတယ်။

ချန်ပီယံလိဂ် ❌
အက်ဖ်အေဖလား ❌

လီဗာပူးလ်အတွက် ဒီရာသီ ဆုဖလားမျှော်လင့်စရာ ပရီးမီးယားလိဂ် နဲ့ ကာရာဘောင်းဖလား တို့ပဲ ကျန်ပါတော့တယ် 👀🏆

နေ့စဉ်မိုးလေဝသသတင်း
------------------------
(၂၀၂၅ ခုနှစ်၊ မတ်လ ၁၃ ရက်နေ့ နံနက်(၇:၀၀)နာရီအချိန် ထုတ်ပြန်ချက်)
=======================================
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်တောင်ပိုင်းနှင့် ဘင်္ဂလားပင်လယ်အော်အရှေ့တောင်ပိုင်း တို့တွင် တိမ်အသင့်အတင့် ဖြစ်ထွန်းနေပြီး၊ ဘင်္ဂလားပင်လယ်အော်မြောက်ပိုင်းနှင့် အရှေ့အလယ်ပိုင်းတို့တွင် အများအားဖြင့် သာယာနေကာ၊ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော်တို့တွင် တိမ် အနည်းငယ် ဖြစ်ထွန်းနေပါသည်။
ယနေ့ညနေအထိခန့်မှန်းချက်။ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် နေရာကျဲကျဲနှင့် စစ်ကိုင်း တိုင်းဒေသကြီးအထက်ပိုင်းတွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်း ၈၀ ဖြစ်ပါသည်။ ကရင် ပြည်နယ်နှင့် မွန်ပြည်နယ်တို့တွင် တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာမည်။
မြန်မာ့ပင်လယ်ပြင်။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ၄ ပေမှ ၆ ပေခန့် ရှိနိုင်ပါသည်။
နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီးနှင့် ကချင် ပြည်နယ်တို့တွင် နေရာကွက်ကျား မိုးထစ်ချုန်းရွာမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။

သင်သိပါသလား 🚨🔴
ဟီးဟီးဟားဟား လုပ်လို့မရတဲ့ အန်ဖီးလ်ကွင်းကြီးအတွင်း လီဗားပူးလ်ဟာ နောက်ဆုံးဥရောပရှုံးထွက်ပြိုင်ပွဲ 7 ပွဲကစားပြီး တစ်ပွဲပဲ အနိုင်ရထားပါတယ် 👀