Mobile AI ကွန်ရက်ဖွံ့ဖြိုးမှုအတွက် ပူးပေါင်းခဲဲ့တဲ့ Samsung နဲ့ Nvidia
Samsung ကနေ AI-RAN (Artificial Intelligence in Radio Access Networks) နည်းပညာများကို မြှင့်တင်ရန်အတွက် Nvidia နှင့် ပူးပေါင်းမှုတစ်ခုကို ကြေညာခဲ့ပါတယ်။ ပူးပေါင်းမှုရဲ့ အဓိကရည်ရွယ်ချက်ကတော့ Nvidia ရဲ့ စွမ်းဆောင်ရည်မြင့် Computing platform များနှင့် Samsung ရဲ့ virtualized ဖြေရှင်းနည်းများကို ပေါင်းစပ်ပြီး Mobile Network အတွက် ပိုမိုမြင့်မားတဲ့ စွမ်းဆောင်ရည်တွေ ထိရောက်မှုကို မြှင့်တင်ဖို့အတွက်ဖြစ်ပါတယ်။
အပေါ်မှာပြောခဲ့တဲ့ RANs (Radio Access Networks) ဆိုတာကတော့ စမတ်ဖုန်းများချိတ်ဆက်နိုင်တဲ့ ကွန်ရက်တစ်မျိုး (ဥပမာ - 5G Network) ပါ။ Nvidia ရဲ့ Grace CPU / GPU-based AI တွေကို Samsung ရဲ့ virtual network နဲ့ ပေါင်းစပ်ပြီး လူဦးရေထူထပ်တဲ့ မြို့ပြတွေ ဒါမှမဟုတ် ဝေးလံခေါင်သီတဲ့ ကျေးလက်ဒေသတွေမှာ မိုဘိုင်းကွန်ရက်ကောင်းကောင်းရနိုင်ဖို့ လုပ်ဆောင်သွားမှာပါ။
ဒီပူးပေါင်းမှုအတွက် Samsung Electronics ရဲ့ ဒုတိယဥက္ကဋ္ဌ June Moon နဲ့ NVIDIA Senior Vice President Ronnie Vasishta တို့က AI နည်းပညာဟာ လက်ရှိနယ်ပယ်တိုင်းကို အကောင်းဆုံးဖြစ်အောင်လို့ ပြောင်းလဲပေးနေတာမို့ အခုလိုမျိုး မိုဘိုင်းကွန်ရက်နဲ့ပတ်သက်ပြီးလည်း AI နည်းပညာဟာ အကောင်းဆုံးပံ့ပိုးပေးနိုင်မဘယ်လို့ မျှော်လင့်ပါတယ်လို့ ဆိုထားပါတယ်။

နောက်ပြီး AI-RAN ဟာ ကွန်ရက်အသုံးပြုမှု၊ ထိရောက်မှုနဲ့ စွမ်းဆောင်ရည်တို့မှာ ပြောင်းလဲမှုဆိုင်ရာ အကျိုးကျေးဇူးများကို ပေးစွမ်းနိုင်တဲ့ အရေးကြီးဆုံး နည်းပညာတစ်ခုဖြစ်ပြီး မျိုးဆက်သစ် AI ဝန်ဆောင်မှုများကို ဖန်တီးပေးနိုင်မယ်လို့ ထပ်မံပြောကြားခဲ့ပါတယ်။

A doctor who was arriving in the United States to teach medicine was detained at Boston's Logan International Airport on March 13, according to legal documents.
Dr. Rasha Alawieh had a valid H1B visa, or work visa, that had been issued on March 11. A Lebanese citizen, she was employed by Brown University as an assistant professor of medicine.
Also according to the legal documents, DHS officials gave no reason for her detention.

https://abcnews.go.com/US/dhs-....detains-lebanese-doc

လည်ပင်းကျီးပေါင်းဖြစ်စေနိုင်တဲ့ အလေ့အထများ
အသက်ကြီးလာတာနဲ့အမျှ လည်ပင်းကျီးပေါင်းရောဂါ ဖြစ်နိုင်ခြေ ရှိပါတယ်။ ဒါပေမယ့် ခုနောက်ပိုင်းမှာ နေထိုင်မှုပုံစံပြောင်းလဲလာတာကြောင့် လူငယ်တွေမှာပါ ဖြစ်လာပါပြီ။ ဒါကြောင့် လူငယ်တွေမှာ လည် ပင်းကျီးပေါင်းဖြစ်စေနိုင်တဲ့ အလေ့အထတွေက ဘာတွေဖြစ်မလဲ ဆိုတာကို သတိထားနိုင်စေဖို့ ဖော်ပြပေးလိုက်ပါတယ်။

လည်ပင်းကျီးပေါင်း ဆိုတာ

လည်ပင်းကျီးပေါင်းတက်တယ်ဆိုတာက အသက် အရွယ်ရလာတာကြောင့် ဇက်ကြော တလျှောက်မှာရှိတဲ့ ကျောရိုးဆစ်တွေကြားထဲက အဆစ်ပြားလေးတွေ စုတ်ပြဲလာတာကြောင့်ဖြစ်တဲ့ ကျန်းမာရေး ပြဿနာ တစ်ခုပါ။

တစ်ခါတလေမှာ ကျီးပေါင်းတက်တာက ကျောရိုးဆစ်ကြားထဲက အဆစ်ပြားလေးတွေမှာ ရေဓာတ်နည်းတာကြောင့် ဖြစ်နိုင်သလို အဆစ်ပြားကျွံတာ၊ အရိုးအတက်ထွက်တာ၊ ဘေးနားက အရွတ်တွေ တောင့် တင်းလာတာကြောင့်လည်း ဖြစ်လာပါတယ်။

အရိုးကျီးပေါင်းဖြစ်တာဟာ အရိုးအဆစ်ရောင်တာရဲ့ အစပျိုးလက္ခဏာ ဖြစ်နိုင်သလို အရိုးအစွန်းတွေကြားမှာ အုပ်ထားတဲ့ အရိုးနု အစွပ်လေးတွေ ပျက်စီးလာတာကြောင့်လည်း ဖြစ်ပါတယ်။

လည်ပင်းကျီးပေါင်း ဖြစ်တာက တော်တော်လေး အဖြစ်များပြီး အသက် ၄၀ နောက်ပိုင်းအရွယ်တွေမှာ ပိုတွေ့ရတတ်ပါတယ်။ အသက် ကြီးလာလေလေ ပိုဆိုးလာလေလေ ဖြစ်နိုင်ပါတယ်။ အသက် ၆၀ အထက် ဘိုးဘိုးဘွားဘွား အယောက် ၁၀၀ မှာ ၈၅ ဦးလောက်က လည်ပင်းကျီးပေါင်းကို ခံစားကြရပါတယ်။ နောက်ပိုင်းမှာတော့ လူငယ်တွေမှာလည်း တွေ့လာရပါပြီ။

လည်ပင်းကျီးပေါင်းက တော်တော်များများမှာ လက္ခဏာ မပြဘဲ ရှိနေတတ်ပါတယ်။ ဒီတော့ ဖြစ်နိုင် ခြေကို လျှော့ချဖို့အတွက် လည်ပင်းကျီးပေါင်းဖြစ်စေနိုင်တဲ့ အလေ့အထတွေကို သိထားဖို့လိုအပ်ပါတယ်။

လည်ပင်းကျီးပေါင်းဖြစ်စေနိုင်တဲ့ အလေ့အထများ

တစ်နေ့တာမှာ ကိုယ်တိုင်တောင် မသိဘဲ လုပ်လိုက်မိတဲ့ ဒီအလေ့အထတွေက လည်ပင်းကျီး ပေါင်း တက်တာကို ဖြစ်စေနိုင်တာမို့ သတိထားနိုင်စေဖို့ ဖော်ပြပေးလိုက်ပါတယ်။

၁။ ကိုယ်နေဟန်ထား မမှန်တာ ။ အထူးသဖြင့် ဦးခေါင်းနဲ့ လည်ပင်းက အနေအထား မမှန်တာ၊ ဇက်ကို အသုံးပြုပြီး အလေးအပင်မတာ၊ လှုပ် ရှားမှု တစ်ခုတည်းကိုပဲ ထပ်ကာထပ်ကာ လုပ်တာ (ဥပမာ ခေါင်းမော့တာ၊ ခေါင်းငုံ့တာ) စတာတွေကြောင့် လည်ပင်းကျီးပေါင်း ဖြစ်တတ်ပါတယ်။

၂။ ဗီတာမင် လုံလောက်အောင် မရတာ ။ တစ်နေ့တာမှာ အစားတွေတော့ စားနေပါရဲ့။ စားတဲ့ အစား အစာတွေထဲမှာ ခန္ဓာကိုယ်အတွက် လိုအပ်တဲ့ ဗီတာမင်တွေကတော့ လုံလောက်အောင် မပါဘူးဆိုရင်လည်း ကျီးပေါင်း ဖြစ်စေနိုင်ပါသတဲ့။ အထူးသဖြင့် ဗီတာမင် D နဲ့ ဗီတာမင် B12 လုံလောက်စွာ မရရှိခြင်းက အရိုးတွေကို ပျက်စီးစေပြီး ပြန်လည်ပြုပြင်နိုင်စွမ်းကိုလည်း လျော့ကျစေနိုင်ပါတယ်။

၃။ သတ္တုဓာတ်တွေ လုံလုံလောက်လောက် မရတာ ။ အရိုးတွေ သန်မာစေဖို့ လိုအပ်တဲ့ သတ္တု ဓာတ်တွေ ဖြစ်ကြတဲ့ ကယ်လ်ဆီယမ် နဲ့ ပရိုတင်းတွေ ပြည့်ဝအောင် မစားဘဲ အသင့်စား အစား အစာတွေ၊ အမြန်စား အစား အစာတွေကို စားတာက ခန္ဓာကိုယ်ရဲ့ ကယ်လ်ဆီယမ် စုပ်ယူနိုင်စွမ်းကို ကျဆင်းစေနိုင်သလို ပရိုတင်း လုံ လောက်အောင် ရရှိမှုကိုလည်း အနှောင့်အယှက်ဖြစ်စေနိုင်ပါတယ်။

၄။ ကိုယ်လက်လှုပ်ရှားမှု နည်းတာ ။ အလုပ်ထဲမှာလည်း တစ်နေကုန် ထိုင်ပြီး အလုပ်လုပ်ရတယ်။ အိမ်ရောက်တော့လည်း ပင်ပန်းလို့ဆိုပြီး လှုပ်ရှားမှု မလုပ်ဘဲ ထိုင်နားရင်းနဲ့ အိပ်ရာဝင်တယ်ဆိုရင်တော့ ကြာလာရင် ကျန်းမာရေးကို ထိခိုက်လာမှာ ဖြစ်သလို အရိုးတွေလည်း ပျက်စီးလာမှာပါ။ ဒါ့ပြင် အဝပါ လွန်လာတဲ့အတွက် ကျီးပေါင်းဖြစ်ဖို့ အခွင့်အလမ်းပိုများလာနိုင်ပါတယ်။

၅။ ဆေးလိပ်သောက်တာ ။ ဆေးလိပ်သောက်တာက အရိုးတွေကို အားနည်းစေပြီး အရိုးထဲက ကယ်လ်ဆီယမ်ပမာဏကို ကျဆင်းစေနိုင်ပါတယ်။ နောက်တစ်ချက်အနေနဲ့ ခန္ဓာကိုယ် အစိတ် အပိုင်းတွေဆီ သွေးစီးဆင်းရောက်ရှိမှုကို အဟန့် အတားဖြစ်စေပြီး အရိုးကျီးပေါင်း ခံစားရနိုင်ခြေကို များစေပါတယ်။ အရိုးကျီးပေါင်းကြောင့် နာကျင်မှုကိုလည်း ပိုဆိုးစေပါတယ်။

၆။ ရေသောက်နည်းတာ ။ အပေါ်မှာ ပြောခဲ့သလိုပဲ ကျောရိုးဆစ်တွေကြားထဲက အဆစ်ပြားလေးတွေက အရိုးတစ်ခုနဲ့တစ်ခု ပွတ်တိုက်မိတာမျိုးမဖြစ်စေဖို့ ဖော့ချပ်လေးတွေလို လုပ်ဆောင်ပေးတာပါ။ ဒီအဆစ်ပြားလေးတွေက ရေဓာတ်ပြည့်ဝနေမှသာ သူတို့ရဲ့ တာဝန်ကို ကောင်း ကောင်း လုပ်ဆောင်နိုင်မှာဖြစ်ပြီး ရေဓာတ်ခမ်းခြောက်လာတဲ့အခါ အရိုးတွေ ထိခိုက်ပြီး ရေရှည်မှာ ကျီးပေါင်းဖြစ်လာစေဖို့ တွန်းအားပေးလာနိုင်ပါတယ်။

၇။ ကိုယ်အလေးချိန် များနေတာ ။ ကိုယ်အလေးချိန် များနေတာက ကျောရိုးအဆစ်တွေမှာ ဝန်ပိုထမ်းထားရသလို ဖြစ်နေပြီး အရိုးတွေ ဝန်ပိတာ၊ ပျက်စီးတာတွေ ဖြစ်စေပါတယ်။ ပျက်စီးတဲ့ အရိုးကို ပြန်အစားထိုးဖို့ လုပ်ရင်း အရိုးအတက်လေးတွေ ထွက်လာတာကြောင့် ကျီးပေါင်း ဖြစ်လာပါတယ်။ အထူးသဖြင့် ခါးကျီး ပေါင်း ပိုဖြစ်တတ်ပါတယ်။

ဘယ်လို ကာကွယ်မလဲ

လည်ပင်းကျီးပေါင်း ဖြစ်တာကို ကာကွယ်ဖို့ဆိုရင် –

၁။ ကွန်ပျူတာရှေ့မှာ အလုပ်လုပ်တာ့အခါ ၂ နာရီလောက် ကြာသွားတိုင်း ၁၀ မိနစ် – ၁၅ မိနစ်လောက် မတ်မတ်ကလေးထိုင်ရင်း ခါးကြောတွေ၊ ခြေထောက်က အကြောတွေကို ပြေလျော့အောင် လုပ်ဆောင်ပါ။ အထူးသဖြင့် ဇက်ကြောတွေကို လျှော့ပေးပါ။

၂။ အခါအားလျော်စွာ မတ်တတ်ရပ်ပေးပါ။ လမ်းလေးပတ်လျှောက်တာမျိုး လုပ်ပေးပါ။ ဒီလို လုပ်ပေးတာက ကျောရိုးနဲ့ ခါးကြောပေါ်က သက်ရောက်မှုတွေကို ပြေလျော့စေနိုင်ပါတယ်။

၃။ ကိုယ်နေဟန်ထား မှန်မှန်လေး ထိုင်ပြီး ကွန်ပျူ တာ စခရင်မ်ကို မျက်လုံးနဲ့ တစ်တန်းတည်း ထားပေးပါ။

၄။ အိပ်တဲ့အခါ ခါးကို မတ်မတ် ဆန့်တန့်လေး ထိုင်ပေးပါ။ ပခုံးတွေကိုလည်း အနေအထား မှန်မှန်လေး ထားပေးပါ။

သင်ကိုယ်တိုင် ဘယ်အပြုအမူတွေကို လုပ်မိနေလဲဆိုတာ ကိုယ်တိုင် သုံးသပ်ပြင်ဆင်ပြီး ကာကွယ်ကြပါလို့ တိုက်တွန်းလိုက်ပါတယ်။

သက္ကရာဇ်ရထားနဲ့နာမည်ရခဲ့တဲ့ အဆိုတော် ဘီလီထွန်း ကွယ်လွန်
*******************

တရုတ်မှာ iOS ကို HarmonyOS ကျော်သွားပြီ

တရုတ်အစိုးရက တရုတ်ဖုန်းဝယ်သူတွေကို အားပေးပြီး စီးပွားရေးကောင်းအောင် မောင်းနှင်နေပါတယ်။

ဒီအချိန်မှာ Huawei အတွက် သတင်းကောင်းတစ်ခုက တရုတ်ဈေးကွက်မှာ Huawei ရဲ့ HarmonyOS က iOS ကို ကျော်တက်နိုင်တာပါပဲ။ ကမ္ဘာ့အကြီးဆုံး စမတ်ဖုန်းဈေးကွက်မှာ iOS ကို ကျော်တက်နိုင်တာ Huawei အတွက် ဂုဏ်ယူစရာမှတ်တိုင်လို့ ပြောနိုင်ပါတယ်။

CounterPoint Research က လုပ်တဲ့ သုံးလပတ်အစီရင်ခံစာအရ ၂၀၂၄ စတုတ္ထသုံးပတ် တရုတ် OS ဈေးကွက်အတွက် Android ပြီးရင် ဒုတိယအကြီးဆုံးက HarmonyOS ဖြစ်ပြီး iOS က တတိယလိုက်တာ တွေ့ရပါတယ်။ တစ်ကမ္ဘာလုံးအတိုင်းအတာနဲ့ဆိုရင်တော့ Huawei က iOS နောက် တတိယနေရာမှာ ရှိပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ တရုတ်ရေတပ် အမောင်းသင်တိုက်လေယာဉ် ပျက်ကျ၊ လေယာဉ်မှူး ခုန်ထွက်လွတ်မြောက်
တရုတ်ရေတပ်မှ အမောင်းသင်တိုက်လေယာဉ်တစ်စင်း မတ် ၁၅ ရက် မွန်းလွဲပိုင်းက ဟိုင်နန်ပြည်နယ်၌ ပျက်ကျခဲ့ရာ လေယာဉ်မှူးအနေဖြင့် လေထီးအကူအညီသုံး၍ အသက်ဘေးလွတ်မြောက်ခဲ့ကြောင်း တရုတ်စစ်ဘက်က သတင်းထုတ်ပြန်ထားသည်။
အမောင်းသင်တိုက်လေယာဉ် ပျက်ကျမှုကြောင့်ပျက်ကျရာနေရာတွင်လည်း အထိအခိုက်အပျက်အစီးမရှိခဲ့ကြောင်း တရုတ်ရေတပ်သတင်းထုတ်ပြန်ချက်၌ ဖော်ပြထားသည်။
အဆိုပါ အမောင်းသင်တိုက်လေယာဉ်သည် တရုတ်စစ်ဘက်၏ တောင်ပိုင်းဒေသစစ်ဌာနချုပ်မှ အမောင်းသင်တိုက်လေယာဉ်ဖြစ်ပြီး လေ့ကျင့်ပျံသန်းမှုပြုလုပ်နေစဉ် ဟိုင်နန်ကျွန်းပေါ်ရှိ ကွင်းပြင်တစ်ခုအပေါ်ပျက်ကျခဲ့ရသည်။
အမောင်းသင်တိုက်လေယာဉ်ပျက်ကျမှုနှင့် ပတ်သက်၍စုံစမ်းစစ်ဆေးရေးလုပ်ငန်းများ စတင်နေပြီဖြစ်ကြောင်း တရုတ်အစိုးရမီဒီယာများ၏ အဆိုအရသိရသည်။
တောင်ပိုင်းဒေသစစ်ဌာနချုပ်သည် တောင်တရုတ်ပင်လယ်ဒေသအပါအဝင် တရုတ်နိုင်ငံ၏ အရေးအကြီးဆုံးနယ်မြေအချို့အတွက် စစ်ရေးအရတာဝန်ယူထားရသောစစ်ဌာနချုပ် ဖြစ်သည်။
တောင်တရုတ်ပင်လယ်ဒေသ ပိုင်ဆိုင်ခွင့်အငြင်းပွားရေပြင်များသည် တရုတ်နှင့်ဖိလစ်ပိုင်တို့အကြား ပင်လယ်ရေကြောင်းထိပ်တိုက်ရင်ဆိုင်မှုများ မကြာခဏဖြစ်ပွားနေသည့်နေရာများ ဖြစ်သည်။
ရိုက်တာ

CHAMPIONS 🏆⚪️⚫️

နှစ်ပေါင်း 70 ထိ စောင့်ခဲ့တယ် ❤️🏆

DeepSeek သူဌေးကြောင့် နေ့ချင်းညချင်း နာမည်ကြီးသွားတဲ့ရွာ
မီလီလင်းဆိုတဲ့ တရုတ်တောင်ပိုင်းက ရွာသေးသေးလေးဟာ မျက်လှည့်ပြလိုက်သလို ရုတ်ချည်း စည်ကားသွားပါတယ်။
တရုတ်ပြည်မြေပုံမှာ ကြည့်လိုက်ရင် တောင်ဘက်အစွန်ဆုံး ပင်လယ်ပြင် မေးတင်နေတဲ့ ဒီရွာလေးက လူဦးရေမှ ၇၀၀ ကျော်လောက်ပဲ ရှိတဲ့ တကယ့်ရွာသေးသေးလေးပါ။ တစ်ရွာလုံးက လူတွေ အသက်မွေးတာကလည်း လူငယ်လူရွယ်ဆို အနီးနားက ရှုးဖိနပ်စက်ရုံတွေမှာ အလုပ်ဝင် ၊ အသက်ကြီးပိုင်းတွေက လယ်ယာလုပ်ကြတာပါ။
စက်မှု မဖွံ့ဖြိုးတဲ့ ဒီတောရွာလေးက ရွာကော်မတီဟာ ငါးကန်ငှားခ တစ်နှစ် ယွမ် ၁၀၀၀၀ ပေါ်မှာပဲ မှီခိုနေရတာလို့ ဆိုပါတယ်။ ပြောရရင် တကယ့်ပီဘိဇနပုဒ်ရွာကလေးပါ။ ဒီလောက် ခေါင်သီတဲ့ ရွာကလေးဟာ ဒီနွေဦးမှာ မယုံနိုင်လောက်အောင် ပြောင်းလဲသွားပါတယ်။
နွေဦးပွဲတော်ရက်တွေမှာ ရုတ်တရပ်ဆိုသလို ဒီဇနပုဒ်လေးကို တစ်ရက် လူ ၁၀၀၀၀ အလည်အပတ်ရောက်လာလို့ပါ။ လာတဲ့သူတွေကလည်း အစုံပါပဲ။ ကလေးတွေ ခေါ်ပြီး မိသားစုလိုက် လာကြသူတွေ ရှိသလို ကုမ္ပဏီယူနီဖောင်းဝတ်လာကြတဲ့ ဝန်ထမ်းအဖွဲ့တွေလည်း မနည်းပါဘူး။
ဒီလူတွေ မီလီလင်းရွာကို လာအောင် ဆွဲဆောင်နိုင်ခဲ့သူက ကမ္ဘာ့ AI လောကကို ကိုင်လှုပ်သွားတဲ့ DeepSeek တည်ထောင်သူကြောင့်ပါ။ မီလီလင်းက DeepSeek founder လျန်ဝမ်ဖန်းရဲ့ ဇာတိပါ။ ဒီလောက် ချောင်ကျတဲ့ ရွာသေးသေးလေးကနေ ဒီလို အံ့ဖွယ်လူသားတစ်ယောက် ပေါ်ပေါက်လာတာကို ကိုယ်တိုင် မြင်ချင်သူတွေ ၊ ကိုယ့်သားသမီးကို ခေါ်ပြချင်သူတွေကြောင့် ရွာလေးက ချက်ချင်းပဲ လူတိုင်းစိတ်ဝင်စားတဲ့ နေရာတစ်ခု ဖြစ်လာပါတယ်။
AI ကမ္ဘာကို ပြောင်းလဲပစ်နိုင်တဲ့ လျန်ဝမ်ဖန်းကို မူလတန်းပြကျောင်းဆရာမိဘနှစ်ပါးကနေ မွေးပါတယ်။ သူ့မူလတန်းကျောင်းသားဘဝကိုလည်း မီလီလင်းမှာပဲ ဖြတ်သန်းခဲ့တာပါ။ နောက်တော့ ဝူချွမ်းမြို့ အလယ်တန်းကျောင်း ၊ နောက်တော့ ကျဲ့ကျန့်တက္ကသိုလ်ဝင်ခွင့် ရပြီး ထိပ်တန်းအင်ဂျင်နီယာဘွဲ့တွေ ဆက်ယူပါတယ်။
လျန်ဝမ်ဖန်းက ကျောင်းသားကတည်းက AI နဲ့ Quantitive Trading ပိုင်းတွေကို သူငယ်ချင်းတွေနဲ့ စုပြီး လေ့လာစူးစမ်းခဲ့တာပါ။ နောက်ပိုင်းမှာ သင်္ချာနဲ့ AI algorithms တွေကို ရင်းနှီးမြှုပ်နှံရေးနယ်ပယ်တွေမှာ စအသုံးချလာပါတယ်။ ဒီလိုနဲ့ High-Flyer AI ဆိုတဲ့ လုပ်ငန်းကို တည်ထောင်ဖြစ်ပါတယ်။
High-Flyer ကို လုပ်ရင်းနဲ့ AI စီမံကိန်းတွေ စဖို့ Nvidia GPU တွေ ဝယ်စုတော့တာပါပဲ။ ၂၀၂၃ မေလထဲမှာ High-Flyer ဟာ AGI လို့ခေါ်တဲ့ အဆင့်မြင့် AI models ဖွံ့ဖြိုးရေးသွားမယ်လို့ လျန်ဝမ်ဖန်းက စကြေညာပါတယ်။ အဲ့ဒီအချိန်မှာ လျန်ဝမ်ဖန်းဟာ အမေရိကန်အစိုးရရဲ့ တရုတ်အပေါ် chip ကန့်သတ်ချက်မချခင်လေးတင် တန်ဖိုးကြီး Nvidia A100 GPU ၁ သောင်း ပိုင်ဆိုင်ထားပြီ ဖြစ်ပါတယ်။
သိပ်မကြာခင်မှာ DeepSeek ကုမ္ပဏီ ပေါ်ပေါက်လာပြီး DeepSeek-R1 မော်ဒယ်ကို ဖြန့်ချိပါတယ်။ ပါရာမီတာ ၆၇၁ ဘီလျံပါတဲ့ open-source reasoning AI model ဟာ Nvidia H800 GPUs ၂၀၄၈ ခု သုံးပြီး ဒေါ်လာ ၅.၆ သန်းပဲ ကုန်ကျစရိတ်ရှိခဲ့တာကြောင့် AI model အတွက် ဒေါ်လာဘီလျံချီ သုံးနေတဲ့ ပြိုင်ဘက်တွေကို ရှော့ခ်ရသွားစေခဲ့ပါတယ်။
DeepSeek က အမေရိကန် iOS App Store ရဲ့ နံပါတ်တစ် free app နေရာက ChatGPT ပါ ဖြုတ်ချခဲ့သလို အမေရိကန်စတော့ဈေးကွက်ကိုလည်း ဒေါ်လာ ၁ ထရီလီယမ်ကျော် ဆုံးရှုံးသွားအောင် ထိုးနှက်ခဲ့ပါတယ်။ နောက်ပိုင်းမှာ DeepSeek က တရုတ် AI ကုမ္ပဏီတွေရဲ့ အားကျစရာစံပြဖြစ်လာခဲ့သလို DeepSeek founder လည်း ကမ္ဘာကျော်ခဲ့ပါတယ်။
အခုတော့ သူ့ဇာတိ မီလီလင်းရွာလေးပါ ခရီးသွားတွေကို ဆွဲဆောင်နိုင်တဲ့ နေရာ ဖြစ်လာခဲ့ပါတယ်။ တချို့ဧည့်သည်တွေဆို အိမ်အပြန်မှာ ဒီရွာက မြေကို ယူတာ ၊ ကျောက်ခဲလေးတွေ အိမ်ယူသွားတာတွေ လုပ်ကြတယ်လို့ ဆိုပါတယ်။ ကြည့်ရတာ လျန်ဝမ်ဖန်းဇာတိကနေ အောင်မြေယူပုံပါပဲ။
လျန်ဝမ်ဖန်းကို အကြောင်းပြုပြီး မီလီလင်းရွာဟာ ခရီးသွားဧည့်လုပ်ငန်းနဲ့ ကြိတ်ကြိတ်တိုး စည်ကားလာသလို ရွာ ဖွံ့ဖြိုးစည်ပင်ရေးစီမံကိန်းတွေ စဖို့အတွက်လည်း အာဏာပိုင်တွေက ရန်ပုံငွေချဖို့ ပြင်နေပါတယ်။ မကြာခင်မှာ မီလီလင်းဟာ ခမ်းနားသပ်ရပ်ပြီး တိုးတက်သာယာတဲ့ နေချင့်စဖွယ်ရွာလေး ဖြစ်လာတော့မှာပါ။
ရွာသူရွာသားတွေကတော့ သူတို့ဘဝကို ပြောင်းလဲပေးလိုက်တဲ့ ဝမ်ဖန်းကို ကျေးဇူးတင်နေကြသလို သူ့အောင်မြင်မှုကို အတုယူပြီး ထူးချွန်ကျောင်းသားတွေကို မြေတောင်မြှောက်ပေးကြဖို့လည်း လုပ်ဆောင်နေကြပါတယ်။

⏱️ 𝗙𝗨𝗟𝗟 𝗧𝗜𝗠𝗘:🔴 Liverpool 1-2 Newcastle 🏁
ကာဆယ်က အသင်းကြီးဆိုရင် ကြောက်နေရတယ်ဆိုတဲ့ စကားကပဲ မှားသလား ၊ ပဲခူးအသင်းကပဲ အသင်းကြီး ဟုတ်မနေတာလားကတော့ စဉ်းစားစရာပါ။ အားလုံးကလည်း ချန်ပီယံလိဂ်က လောလောလတ်လတ် ထွက်ခဲ့ရတဲ့ လီဗာပူးလ်တို့ ဒီနေ့ပွဲမှာ အကောင်းဆုံးယှဉ်ပြိုင်ပြီး ဖလားယူမယ်ထင်ခဲ့ကြပေမယ့် တကယ်ပွဲထဲမှာတော့ နယူးကာဆယ်က တကယ်ကိုအစစအရာရာသာနေခဲ့ပါတယ်။ အာနိုးလ်မပါနိုင်တဲ့ လီဗာပူးလ်မှာ အဖြန့်အကြတ်တွေ အကုန်လုံးနီးပါးကို မက်အလစ္စတာကပဲ ပြုလုပ်နေခဲ့ရပြီး ဒါကိုကာဆယ်က ထိန်းချုပ်သွားချိန်မှာ လီဗာပူးလ်တစ်သင်းလုံးဘာမှကိုမလုပ်ပြနိုင်ခဲ့တော့ပါဘူး။ သွင်းဂိုးတွေပေးပြီးမှ လီဗာပူးလ်ရဲ့ ကစားအားကြောင့် ချီယေဆာဂိုးထပ်ရပေမယ့် ဒန်ဘန်း ၊ အီဆက် တို့ရဲ့ သွင်းဂိုးတွေကို မီဖို့ နောက်ကျသွားခဲ့ကာ နယူးကာဆယ် အသင်းအတွက် နှစ်ပေါင်းများစွာ လိုအပ်နေတဲ့ ပြည်တွင်းဆုဖလားအောင်မြင်မှုကို တဖန် ပြန်လည်ယူဆောင်နိုင်ခဲ့ပါတယ်။