နေ့စဉ်မိုးလေဝသသတင်း
==============
(၂၀၂၅ ခုနှစ်၊ မတ်လ ၁၄ ရက်နေ့ နံနက်(၇:၀၀)နာရီအချိန် ထုတ်ပြန်ချက်)
-----------------------------------------------------------------------
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့် အတင့် ဖြစ်ထွန်းနေပြီး၊ ဘင်္ဂလားပင်လယ်အော်အလယ်ပိုင်းတွင် တိမ်အနည်းငယ် ဖြစ်ထွန်းနေကာ၊ ဘင်္ဂလား ပင်လယ်အော်မြောက်ပိုင်းတွင် အများအားဖြင့် သာယာနေပါသည်။
ယနေ့ညနေအထိခန့်မှန်းချက်။ ကချင်ပြည်နယ်တွင် နေရာကျဲကျဲနှင့် စစ်ကိုင်းတိုင်းဒေသကြီးအထက်ပိုင်းနှင့် တနင်္သာရီတိုင်းဒေသကြီးတို့တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်း ၈၀ ဖြစ်ပါသည်။ ကရင် ပြည်နယ်၊ မွန်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသကြီးနှင့် ပြည်နယ်တို့တွင် အများအားဖြင့် သာယာမည်။
မြန်မာ့ပင်လယ်ပြင်။ လှိုင်းအနည်းငယ်မှ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၄ ပေမှ ၆ ပေခန့် ရှိနိုင်ပါသည်။
နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီးနှင့် ကချင် ပြည်နယ်တို့တွင် နေရာကွက်ကျား မိုးထစ်ချုန်းရွာမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ အများအားဖြင့် သာယာမည်။

အိုဒိုဘတ်ရဲ့ သွင်းဂိုးတွေနဲ့ စပါးတို့ကတော့ ယူရိုပါလိဂ်ခရီးဆက်ခွင့်ရရှိခဲ့ပါပြီ ⚪️

ဆိုစီဒက်ကို ဆုံးမပြီးနောက် မန်ချက်စတာယူနိုက်တက်အသင်းဟာ ယူရိုပါလိဂ်နောက်တဆင့်ကိုလည်းတက်ခဲ့ပြီဖြစ်သလို ချန်ပီယံလိဂ် နဲ့ ယူရိုပါလိဂ်မှာ ရှုံးပွဲလုံးဝမရှိသေးတဲ့တစ်သင်းတည်းသော အသင်းအဖြစ် ဆက်လက်ရပ်တည်နေပါတယ် 🔥🔴
"ဘယ်သူတားလို့မှာလဲ သခင်ကြီးကို"

#၁၉၈၀ခုနှစ်တွေကရန်ဂက်_စ်_တလန်ဆိုတဲ့ကျေးရွာလေးကဇာတ်လမ်းတပုဒ်ပဲဖြစ်ပါတယ်။

ဒီကားလေးကောင်း‌တယ်နော်

IMDb 9.1/10ထိရရှိထားတာဆိုတော့ ကောင်းမကောင်း သိပ်ပြောနေစရာ မလိုလောက်ပါဘူး

သာမန်ကြည့်ဖူးနေကျ Talguကားတွေလို Overတွေမပါဘဲ သဘာဝကျကျ အက်ရှင်အလန်းစားတွေ၊ သီချင်းတွေနဲ့ မြိုင်မြိုင်ဆိုင်ဆိုင် တင်ဆက်ထားပါတယ်။

ဇာတ်လမ်းလေးကတော့

ရွာထဲမှာ လယ်တွေကိုရေသွင်းတဲ့အလုပ်ကိုလုပ်တဲ့ ချစ်တီးဘာဘူဟာ မွေးရာပါနားလေးတဲ့ ချို့ယွင်းချက်ရှိပြီး မဟုတ်မခံ လူစားမျိုးပါ၊

သူ့အရှေ့မှာ မတရားတာတွေ့ရင် ဝင်ချဖို့ နှစ်ခါမစဉ်းစားတတ်ပါဘူးရွာထဲမှာ အဖွဲ့အစည်းဆိုတဲ့နာမည်နဲ့ ရွာသားတွေကို ချေးငွေတွေထုတ်ချေးထားပြီး အမြတ်ကြီးစားခေါင်းပုံဖြတ်နေတဲ့ အဖွဲ့တဖွဲ့လည်းရှိပါတယ်

ဒီအဖွဲ့ကို အဓိကချုပ်ကိုင်ထားတာကနှစ်(၃၀)ဆက်တိုက် သူကြီးဖြစ်နေတဲ့ ရွာသူကြီးပါ
လူတွေက သူ့ကို ကြောက်ရွံ့ကြသလို၊ ရင်မဆိုင်ရဲကြပါဘူးသူနဲ့ထိပ်တိုက်တွေ့တဲ့သူမှန်သမျှ မရှု့မလှသေပွဲဝင်ကြရစမြဲပါ။

ဒီလို ဂုတ်သွေးဆုပ်အမြတ်ထုတ်နေတဲ့ အဖွဲ့ကို ရင်ဆိုင်ပြီး သူကြီးနေရာက ဝင်ပြိုင်မယ်လို့ စိန်ခေါ်လိုက်တဲ့သူ တစ်ယောက်ရှိပါတယ်။

သူနာမည်က ကူမာရ် ဘာဘူပါကူမာရ်ဟာ ချစ်တီးဘာဘူရဲ့ အစ်ကိုဖြစ်ပြီး၊ ဒူဘိုင်းမှပြန်လာတဲ့ ပညာတတ် တစ်ယောက်လည်း ဖြစ်ပါတယ်။

မတရားမှုကို ရင်ဆိုင်ဖို့ သူကြီးအဖွဲ့နဲ့ထိပ်တိုက်တွေ့နေတဲ့ အစ်ကိုဖြစ်သူကို ချစ်တီးဘာဘူတစ်ယောက် ဘယ်လိုတွေ ကာကွယ်စောင့်ရှောက်သွားမလဲဆိုတာကတော့...

#crd
#storymode

ပန်းချီတော်ဆရာချုံ၏ မင်းတုန်းမင်းနန်းသိမ်းပွဲပန်းချီ (အရောင်မပါ)
ကျုံးလက်ယာရစ်လှည့်၍ ရေခင်းသဘင်ဆင်ယင်တော်မူပုံ

#crd

MWC မှာ မြင်ခဲ့ရတဲ့ နည်းပညာပစ္စည်းတွေထဲ ဒီကွန်ပျူတာက တော်တော့်ကို ထူးခြားပါတယ်။

ဒီကွန်ပျူတာကို ပြသခဲ့တဲ့ ဩစတြေးလျကုမ္ပဏီက ပြောသလို ကွန်ပျူတာဆိုတာထက် သေတ္ထာထဲက ခန္ဓာကိုယ်တစ်ခု (a body in a box) လို့ ပြောရမှာပါ။ ဒီကွန်ပျူတာကို ဓါတ်ခွဲခန်းထုတ် လူ့ဦးနှောက်ဆဲလ်သုံးပြီး တည်ဆောက်ထားတာကြောင့်ပါ။ ဦးနှောက်ဆဲလ်သုံးပြီး အရည်အာရုံကြောကွန်ရက် fluid neural networks တွေကို လည်ပတ်နိုင်စွမ်းရှိတဲ့ ဇီဝကွန်ပျူတာ ဖြစ်ပါတယ်။

ရှူးဖိနပ်ဘူးအရွယ်အစားရှိတဲ့ ဒီကွန်ပျူတာကို CL1 လို့ နာမည်ပေးထားပါတယ်။ ကုမ္ပဏီနာမည် Cortical Labs ဆီက CL ကို ယူထားတာပါ။ ကမ္ဘာ့ပထမဆုံး ကုဒ်တပ်ဆင်နိုင်တဲ့ ဇီဝကွန်ပျူတာမှာ ပုရွက်ဆိတ်ဦးနှောက်အရွယ် ဦးနှောက်နျူရွန်ငယ် သိန်းပေါင်းများစွာ သုံးထားတဲ့ ဆီလီကွန်ချပ်စ်တစ်ခုကနေ လျှပ်စီးလှိုင်းတွေ ပေးပို့ရယူတာ လုပ်ပါတယ်။

နျူရွန်တွေကနေ ကုဒ်တွေ ထည့်ပြီး တွက်ချက်မှုလုပ်ဆောင်ဖို့ Cortical Lab ရဲ့ ဇီဝဉာဏ်ရည် Operting System (biOS) နဲ့ ပေါင်းစည်းထားပါတယ်။ နျူရွန်တွေ ဆက်ပြီးရှင်သန်နေနိုင်ဖို့ အတွင်းထဲမှာ သွေးညှစ်သလို pump , ဂတ်စ်နဲ့ အပူချိန်ထိန်းတဲ့ life support စနစ်တစ်ခုလည်း ပါပါတယ်။ ပြောရရင် ဦးနှောက်ကို ကွန်ပျူတာ box ထဲ ထည့်ပြီး အလုပ်လုပ်နိုင်အောင် မွေးထားသလိုမျိုးပါ။

CL1 က စွမ်းအင်သုံးစွဲမှု နည်းပြီး သမားရိုးကျ ဆီလီကွန်အခြေခံ ကွန်ပျူတာတွေထက် လေ့လာသင်ယူမှု ၊ လိုက်လျောညီထွေ ပြောင်းလဲတတ်မှု ပိုမြင့်တယ်လို့လည်း ပြောပါတယ်။ လူနဲ့ ကြွက်ဦးနှောက်နျူရွန် ၈ သိန်းပါတဲ့ chip သုံးထားတဲ့ အစောပိုင်း ကွန်ပျူတာဗားရှင်းမှာဆို Pong ဗွီဒီယိုဂိမ်းကစားနည်းကို သူ့ဘာသာ သင်ယူနိုင်တယ်လို့ ဆိုပါတယ်။

"ကျွန်တော်တို့ နည်းပညာက အဆုံးမဲ့လေ့လာမှုစက်တစ်ခု ဖန်တီးဖို့ ဇီဝဗေဒနဲ့ သမားရိုးကျတွက်ချက်မှုကို ပေါင်းစည်းထားတာပါ။ သမရိုးကျ AI နဲ့ မတူတာက ကျွန်တော်တို့ neural systems က ရှုပ်ထွေးတဲ့ အလုပ်တွေလုပ်ဖို့ အချက်အလက်လေ့ကျင့်ရာမှာ စွမ်းအင်အနည်းဆုံးပဲ သုံးတာပါ။" လို့ ကုမ္ပဏီက ပြောပါတယ်။

CL1 ကွန်ပျူတာတွေက စိတ်ကူးယဉ်ထုတ်ကုန် မဟုတ်ပါဘူး။ လာမယ့်ဇွန်လထဲကိုပဲ ဈေးကွက်တင်ဖို့ အဆင်သင့် ဖြစ်နေတဲ့ ထုတ်ကုန်တွေပါ။ ဈေးနှုန်းအနေနဲ့တော့ ကွန်ပျူတာတစ်လုံး ဒေါ်လာ ၃၅၀၀၀ ဝန်းကျင် ကျသင့်မှာပါ။ ကုမ္ပဏီကတော့ CL1 တွေဟာ AI နဲ့ စက်ရုပ်နည်းပညာပိုင်းကို တော်လှန်ပြောင်းလဲနိုင်တဲ့ ထုတ်ကုန်ဖြစ်လာမယ်လို့ မျှော်လင့်ထားပါတယ်။

ရှယ်ယာဈေးထိုးကျနေချိန် Tesla သူဌေးတွေ ရှယ်ယာ ထုတ်ရောင်းနေ

Tesla ကုမ္ပဏီဟာ ၅ နှစ်အတွင်း အဆိုးဆုံးရှယ်ယာထိုးကျမှုနဲ့ ကြုံနေပါတယ်။

ဈေးကွက်တန်ဖိုး အမြင့်ဆုံးတက်ခဲ့တဲ့ ဒီဇင်ဘာ ၁၇ ရက်နေ့နဲ့ စာရင် ကုမ္ပဏီတန်ဖိုး ထက်ဝက်ကျော်ကျဆင်းသွားပြီး market cap ထဲက ဘီလျံ ၈၀၀ လောက် ဆုံးရှုံးသွားတာပါ။ ဒီသတင်းတွေနဲ့အတူ အခုတစ်ပတ် တနင်္လာနေ့မှာ Tesla စတော့တွေ ၁၅% ကျော် ကျဆင်းသွားခဲ့ပါတယ်။

Tesla ရဲ့ ရွှေရောင်အနာဂါတ်တွေ မှေးမှိန်လာချိန် ကုမ္ပဏီရဲ့ ထိပ်တန်းရှယ်ယာရှင်တွေလည်း ရှယ်ယာထုတ်ရောင်းလာတာ တွေ့ရပါတယ်။ မကြာသေးခင်က Tesla ဘဏ္ဍာရေးအရာရှိချုပ် ဗိုင်ဘေ့ဗ် တာနီဂျာဟာ ရှယ်ယာ ဒေါ်လာ ၁.၇ သန်းဖိုး ရောင်းခဲ့ပါတယ်။ တာနီဂျာဟာ ပြီးခဲ့တဲ့လကပဲ ဒေါ်လာ ၂.၈ သန်းဖိုး ရှယ်ယာတွေ ထုတ်ရောင်းထားတာပါ။

အီလွန်မတ်စ်ကို အိမ်ဖြူတော်ခေါ်ပြီး Tesla တစ်စီး ဝယ်အားပေးလိုက်တဲ့ ထရမ့်
အမေရိကန်သမ္မတဒေါ်နယ်ထရမ့်ကတော့ သူ့ဘော်ဒါကြီးအတွက် ပရိုမိုးရှင်းဆင်းပေးလိုက်ပါတယ်။
ထရမ့်က အီလွန်မတ်စ်ကို ခေါ်ပြီး အိမ်ဖြူတော်ရှေ့မှာတင် Tesla မော်ဒယ်တွေ တန်းစီပြခိုင်းပြီး Model S တစ်စီး ဝယ်အားပေးသွားတာပါ။ သူဝယ်လိုက်တဲ့ အနီရောင် Model S က ဒေါ်လာ ၈ သောင်းကျော် တန်ပါတယ်။
သမ္မတထရမ့်က ကားကို စမ်းမောင်းကြည့်မနေဘဲ ကားထဲ ဝင်ထိုင်ပြီး "ကားလေး လှတယ်ကွာ" လို့ ပြောသွားပါတယ်။ ရှေ့ကားခေါင်းခန်းထဲမှာ သူနဲ့အတူ သူ့အပေါင်းအသင်းကြီး ဖြစ်တဲ့ Tesla သူဌေး အီလွန်မတ်စ်လည်း အတူထိုင်နေခဲ့ပါတယ်။
အီလွန်မတ်စ်ကလည်း ထရမ့်ကြိုက်တဲ့ကား‌ ရွေးနိုင်အောင် Tesla ထုတ်ကားတွေကို အိမ်ဖြူတော်ရှေ့ ပါကင်ထိုးပြခဲ့တာပါ။ ထရမ့်က Tesla ရဲ့ Cybertruck ဒီဇိုင်းကိုလည်း မြင်ဖူးသမျှထဲ အမိုက်ဆုံးဒီဇိုင်းပဲလို့ ချီးကျူးသွားပါတယ်။
Tesla S ဝယ်လိုက်ပေမယ့် ဒီကားက သမ္မတစီးမှာ မဟုတ်ပါဘူး။ သူ့ဝန်ထမ်းတွေ စီးချင်တဲ့အချိန် စီးလို့ရအောင် အိမ်ဖြူတော်မှာ ထားထားမယ်လို့ ဆိုပါတယ်။ ထရမ့်က Tesla ဝယ်အားပေးတာက ရှယ်ယာဈေး ထိုးကျနေပြီး တိုင်ပတ်နေတဲ့ Tesla ကို အားပေးလိုက်တာပါ။

ငါးပါးသီလနဲ့ ကပ်ကြီးသုံးပါး
🙏🙏🙏🙏🙏🙏🙏🙏
"ကပ်" ဆိုတာ...
အတိုင်းအတာ၊ အချိန်ပိုင်းတစ်ခု
(တစ်နည်း)
"သတ္တဝါတွေရဲ့ ကံအားလျော်စွာ စီရင်ခြင်း"
လို့ အဓိပ္ပာယ် ရတယ်။
သတ္တဝါတွေမှာ တစ်ခါတစ်ခါ
ဘေးဆိုးရန်ဆိုး၊အန္တရာယ်ဆိုး ဆိုတာတွေဟာ
အတိုင်းအတာ တစ်ခုအနေနဲ့ ကြုံရတတ်တယ်။
ဒါက သတ္တဝါတွေရဲ့ ကံအားလျော်စွာ ဖြစ်တာ။
မျက်စိဖွင့် နားစွင့်ကြည့် ...
သတ်ဖြတ်တာတွေ၊
ခိုးယူ လုယက်တာတွေ၊
အဓမ္မအမှုတွေ အမျိုးမျိုး
အနိုင်ကျင့် လှည့်စားတာတွေဟာ
နေ့စဉ်လိုလို မြင်ကြားနေရတယ်။
ဒါတွေ ဘာကြောင့် ဖြစ်တာလဲ
"သီလ မစောင့်ထိန်းလို့ ဖြစ်တာပါ" ။
မြတ်စွာဘုရားရဲ့တရားတော်တွေမှာ...
"အကြောင်းကင်းတဲ့ အကြောင်း"ဆိုတာ မရှိသလို
"အကြောင်းကင်းတဲ့ အကျိုး"ဆိုတာလည်း မရှိဘူး။
လူတွေ...
လောဘဇော. ဒေါသဇော တိုက်ပြီး
ညှာတာထောက်ထား ...
ကိုယ်ချင်းစားတရားကင်းမဲ့လာပြီ ဆိုရင်
မိုးလေ မမှန်တော့ဘူး။ သီးနှံစိုက်ပျိုးလို့ မရ၊
အဆီသြဇာလည်း မပြည့်ဝတော့လို့
သက်တမ်းတွေလည်း တိုလာရတယ်။
လူတွေရဲ့ စိတ်ထားနဲ့ တန်တဲ့
ကံတရားရဲ့ ဒဏ်ခတ်ခြင်းလို့ ပြောရမှာပဲ။
သဘာဝတရားရဲ့ နှိပ်စက်ခြင်းခံရမယ်။
အစာရေစာ ငတ်မွတ်ခေါင်းပါးမယ်။
သတ်ဖြတ်တာတွေ ဖြစ်လာမယ်။
ရောဂါဆိုးတွေက နှိပ်စက်မယ်။
ဒါ ကပ် ဆိုက်တာလို့ ပြောတာ။
ဒါတွေက လွတ်ဖို့ဆိုရင်...
"မင်းက အစ, ပြည်သူ အဆုံး"
အားလုံး သီလလုံမှ ဖြစ်မယ်။
၁။ ပါဏာတိပါတာ သိက္ခာပုဒ်ကို စောင့်ထိန်းရင်
သတ်ဖြတ်ညှင်းဆဲတဲ့ 'သတ္ထန္တရ'ကပ်ဆိုးကြီးကို
ကာကွယ်ရာရောက်တယ်။
၂။ အဒိန္နာဒါန သိက္ခာပုဒ်ကို စောင့်ထိန်းရင်
ငတ်မွတ်ခေါင်ပါးတဲ့ 'ဒုဗ္ဘိက္ခန္တရ'ကပ်ဆိုးကြီးကို
ကာကွယ်ရာရောက်တယ်။
၃။ ကာမေသုမိစ္ဆာစာရ
၄။ မုသာဝါဒ၊
၅။ သူရာမေရယ
သိက္ခာပုဒ် သုံးပါးကို စောင့်ထိန်းရင်
အနာရောဂါနှိပ်စက်တဲ့ 'ရောဂန္တရ'ကပ်ဆိုးကြီးကို
ကာကွယ်ရာရောက်တယ်။
ဘုရားအလောင်းနုစဉ်က အိန္ဒိယနိုင်ငံ ကုရုတိုင်းမှာ
အားလုံး သီလလုံ လို့ ကပ်ကြီးသုံးပါးမှ
လွတ်မြောက်ပြီး ချမ်းသာနေပေမယ့် ...
ကာလိင်္ဂတိုင်းပြည်မှာတော့ ကပ်ဘေးကြီးဆိုက်လို့
လူတွေရော တိရိစ္ဆာန် တွေပါ အကုန်
ဒုက္ခရောက်ကြရတယ်။
ဘုရားအလောင်းတော် ကုရုမင်းက
သူတို့ စောင့်ထိန်းနေတဲ့ 'ကုရုဓမ္မ' နောင် "ဂရုဓမ္မ"
လူတို့ အလေးအမြတ်ထားအပ်သော
တရားငါးပါးကို ပေးအပ် စောင့်ထိန်းစေတော့မှ
ကာလိင်္ဂတိုင်းဟာ မင်းနှင့် ပြည်သူတွေပါ
မိုးလေမှန်လို့ ချမ်းသာရာ ရခဲ့ကြတယ်။
ဒါကြောင့် ....
သူတော်ကောင်းများ အားလုံး
စည်းစိမ်ခြုံလို့ ဘဝမလုံ
သီလခြုံမှသာ ဘဝလုံတယ် သိပြီး
ငါးပါးသီလကို အသက်ထက်ဆုံး
စောင့်ထိန်းနိုင်ကြပါစေ...။
#ပါမောက္ခချုပ်ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏
#မူရင်းရေးသားပူဇော်သူကိုလည်းဂါရဝပြုပါသည်။?