သမ္မတဟောင်းအဖမ်းခံရမှုကြောင့် ဖိလစ်ပိုင်ပြည်သူသောင်းနှင့်ချီ ဆန္ဒထုတ်ဖော်
(နိုင်ငံတကာ) မတ် ၁၇
နိုင်ငံတကာ ရာဇဝတ်မှုခုံရုံး(ICC) သို့ ဖမ်းဆီးပို့ဆောင်ခံရသည့် သမ္မတဟောင်း ရိုဒရီဂို ဒူတာတေးအား ဖိလစ်ပိုင်ပြည်သူ သောင်းနှင့်ချီ ထောက်ခံ ဆန္ဒထုတ်ဖော်ခဲ့သည်။
ဖိလစ်ပိုင်နိုင်ငံသားများသည် ဖိလစ်ပိုင်နိုင်ငံရှိမြို့ကြီးများအပြင် ကနေဒါ၊ ဖင်လန်၊ ဒူဘိုင်း၊ စပိန်၊ ကိုရီးယားနိုင်ငံများတွင် သွားရောက်အလုပ်လုပ်ကိုင်နေသော ဖိလစ်ပိုင်နိုင်ငံသားများလည်း စုဝေးဆန္ဒထုတ်ဖော်ခဲ့ကြသည်။
“သမ္မတ ဒူတာတေး ဖိလစ်ပိုင်နိုင်ငံကို ပြန်ရောက်တဲ့အထိ ကျွန်တော်တို့ရဲ့ထောက်ခံမှုကို ပြသသွားမှာပါ”ဟု ထောက်ခံသူများကဆိုသည်။
ဒူတာတေးသမ္မတ တာဝန်ယူစဉ် မူးယစ်ဆေးဝါးတားဆီးနှိမ်နင်းမှုတွင် လူသားမျိုးနွယ်အပေါ် ရာဇဝတ်မှုကျူးလွန်သည်ဟု စွပ်စွဲခံရပြီးနောက် လက်ရှိသမ္မတ ဖာဒီနန်မာကို့စ် ဂျူနီယာမှ နိုင်ငံတကာ ရာဇဝတ်မှုခုံရုံး(ICC) သို့ ဖမ်းဆီးပို့ဆောင်ခဲ့ခြင်းဖြစ်သည်။
သမ္မတဟောင်းဖမ်းဆီးခံရမှုကြောင့် လက်ရှိသမ္မတအပေါ် လူထုထောက်ခံမှုကျဆင်းနေပြီး ဖိလစ်ပိုင်ပြည်သူများနှင့်အတူ ဖိလစ်ပိုင်အစိုးရဝန်ထမ်းများပါ ပူးပေါင်းဆန္ဒထုတ်ဖော်လျက်ရှိသည်။
