ပြည်သူတွေ ဒုက္ခရောက်စေပြီး နိုင်ငံကိုအန္တရာယ်ကျရောက်စေမယ့်လုပ်ရပ်တွေကို နိုင်ငံနဲ့ပြည်သူအကျိုးရှေးရှုပြီး ရပ်တန့်ပေးကြဖို နစက ဥက္ကဋ္ဌမှာကြား
*********************
(ပြည်တွင်း) မတ်လ ၁၉
ယနေ့ဖြစ်ပေါ်နေတဲ့ ပဋိပက္ခတွေနဲ့ လက်နက်ကိုင်အကြမ်းဖက်တိုက်ခိုက်မှုတွေမှာ နိုင်ငံရေးအမြင်မတူညီမှုတွေကို အခြေခံသလို တသီးတခြားရပ်တည်လိုစိတ်နဲ့ အတ္တအကျိုးစီးပွားကိုသာ ရှေ့တန်းတင်နေကြခြင်းကြောင့်လည်း ပေါ်ပေါက်လာခဲ့တာဖြစ်တယ်လို့ နစက ဥက္ကဋ္ဌကပြောပါတယ်။
ယနေ့ဖြစ်ပေါ်နေတဲ့ ပဋိပက္ခတွေနဲ့ လက်နက်ကိုင်အကြမ်းဖက်တိုက်ခိုက်မှုတွေမှာ နိုင်ငံရေးအမြင်မတူညီမှုတွေကို အခြေခံသလို တသီးတခြားရပ်တည်လိုစိတ်နဲ့ အတ္တအကျိုးစီးပွားကိုသာ ရှေ့တန်းတင်နေကြခြင်းကြောင့်လည်း ပေါ်ပေါက်လာခဲ့တာဖြစ်ပြီး နယ်မြေဒေသအသီးသီးမှာ တိုင်းရင်းသားလက်နက်ကိုင်တွေနဲ့ PDF အမည်ခံအကြမ်းဖက်သမားတွေရဲ့ တိုက်ခိုက်မှ တွေကြောင့် နိုင်ငံတော်အခြေခံအဆောက်အအုံတွေနဲ့ ဒေသခံပြည်သူလူထုရဲ့ အသက်အိုးအိမ်စည်းစိမ်တွေ ပျက်သုဉ်းကာ ဆင်းရဲဒုက္ခရောက်နေကြရတယ်လို့ နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်ပါတယ်။
ဒီကနေ့ ကျရောက်တဲ့ (၅၁)နှစ်မြောက် မွန်ပြည်နယ်နေ့အခမ်းအနားမှာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံက ပေးပို့တဲ့ သဝဏ်လွှာမှာ ခုလိုထည့်သွင်းပြောဆိုလိုက်တာဖြစ်ပါတယ်။
လက်နက်ကိုင်တိုက်ပွဲတွေနဲ့ ဆူပူအကြမ်းဖက်မှုတွေ လုပ်ဆောင်နေကြတဲ့ တိုင်းရင်းသားလက်နက်ကိုင်တွေနဲ့ သက်ဆိုင်ရာအဖွဲ့အစည်းတွေ၊ ပတ်သက်သူတွေကိုလည်း ပြည်သူတွေ ဒုက္ခရောက်စေပြီး နိုင်ငံကိုအန္တရာယ်ကျရောက်စေမယ့်လုပ်ရပ်တွေကို နိုင်ငံနဲ့ပြည်သူအကျိုးရှေးရှုပြီး ရပ်တန့်ပေးကြဖို့ကိုလည်း သူ့က အသိပေးမှာကြားလိုက်ပါတယ်။
အကြမ်းဖက်မှုတွေရဲ့ နောက်ကွယ်မှာ ပြည်တွင်းပြည်ပက အမျိုးမျိုးသောပံ့ပိုးမှုတွေနဲ့ သွေးထိုးလှုံ့ဆော်မှုတွေပါဝင်နေတာကိုလည်း နိုင်ငံသားတိုင်း သတိချပ်သင့်ပြီး စည်းလုံးညီညွတ်မှု ပျက်ပြားရာမှဖြစ်ပေါ်လာတဲ့ ဆင်းရဲဒုက္ခတွေအပေါ်မှာ သင်ခန်းစာယူကြဖို့ အချိန်အခါကျရောက်နေပြီဖြစ်တယ်လို့ နစကဥက္ကဋ္ဌက အသိပေးလိုက်ပါတယ်။
နိုင်ငံသူ၊ နိုင်ငံသားအားလုံးတို့က စည်းလုံးညီညွတ်စွာနဲ့ ပြည်ထောင်စုစိတ်ဓာတ်ကိုအရင်းခံကာ နိုင်ငံတော်ကို ဝိုင်းဝန်းထိန်းသိမ်းကာကွယ်စောင့်ရှောက်သွားကြဖို့ကိုလည်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တိုက်တွန်းထားပါတယ်။
