တိုယိုတာ က Solar ခေါင်မိုးပါတဲ့ အရွယ်သေး EV ကားကို မိတ်ဆက်
======================================
EV ကားတွေကို နေရောင်ခြည် စွမ်းအင်နဲ့ အားသွင်းနိုင်ရင် တော်တော် မိုက်မှာပါ။ အခုတော့ တိုယိုတာ က အဲဒီလို ကားကို ကြေညာလိုက်ပါတယ်။
FT-Me လို့ နာမည်ပေးထားပြီး ကားခေါင်မိုးမှာ တပ်ထားတဲ့ Solar Panel ကနေ ကားကို အားသွင်းပေးနိုင်ပါတယ်။ နေရောင်ခြည်က ရတဲ့ စွမ်းအင်နဲ့ တစ်ရက်ကို ၃၀ ကီလိုမီတာ (၁၉ မိုင်) မောင်းနှင်နိုင်ပါတယ်။ အားအပြည့်သွင်းထားရင် ၁၀၀ ကီလိုမီတာ (၆၂ မိုင်) မောင်းနှင်နိုင်ပါတယ်။
အဲဒီကားဟာ ရုံးသွား၊ ရုံးပြန်နဲ့ မြို့ထဲမှာ စီးဖို့ ဒီဇိုင်းထုတ်ထားပါတယ်။ အရွယ်အစားသေးငယ်ပြီး အရှည်က ၂.၅ မီတာ (၉၈ လက်မ)ပဲ ရှိပါတယ်။ Golf Cart အရွယ်အစားလောက်ပဲ ရှိတဲ့အတွက် ကားပါကင်ထိုးရင်လည်း အဆင်ပြေပါတယ်။
FT-Me ကို စွန့်ပစ်ပစ္စည်းတွေနဲ့ တည်ဆောက်ထားပြီး သာမာန် ကားတွေထက် ကာဘွန်ထုတ်လုပ်မှုကို ၉၀ ရာခိုင်နှုန်း လျှော့ချပေးနိုင်ပါတယ်။ တိုယိုတာ က အရွယ်ကြီး EV ကားတွေထက် စွမ်းအင် သုံးစွဲမှုဟာ ၃ ဆ နည်းပါးတယ်လို့ ပြောပါတယ်။
ခြေထောက်သုံးစရာမလိုဘဲ လက်နဲ့ပဲ မောင်းနှင်နိုင်တဲ့အတွက် Wheelchair User တွေပါ မောင်းနိုင်ပါတယ်။ ဒေါ်လာ ၁၀,၀၀၀ ဝန်းကျင်နဲ့ ရောင်းချနိုင်ပါတယ်။
Ref : The Verge
