55 Cancri e လို့သိပ္ပံနာမည်ပေးထားတဲ့ ဒီဂြိုလ်ကြီးကို ၂၀၀၄ ခုနှစ်က ရှာတွေခဲ့တာဖြစ်ပြီးတော့
ကျနော်တို့ ကမ္ဘာထက် နှစ်ဆကြီးသလို အလေးချိန်က ရှစ်ဆပိုလေးပါတယ် ။
အဲ့ဒီဂြိုလ်ကြီးမှာ တစ်နေ့တာ ကြာချိန်က ၁၈ နာရီရှိပြီးတော့ အပူချိန်ကတော့ 3,600° F အထိရှိပါတယ် ။
ဒီဂြိုလ်ကြီးမှာရှိနေတဲ့ စိန်တွေရဲ့ခန့်မှန်းတန်ဖိုးက လက်ရှိဒေါ်လာပေါက်စျေးနဲ့ဆိုရင် 26.9 nonillion dollars အထိတန်ကြေးရှိမယ်လို့ ပညာရှင်တွေက ခန့်မှန်းထားကြပါတယ် ။
( 1 nonillion ဆိုတာ 1 နောက်မှာ သုံည အလုံး ၃၀ ရှိပါတယ် )

ရုရှား-တရုတ်ပူးပေါင်းမှု ကမ္ဘာ့တည်ငြိမ်ရေးအတွက် အဓိကကျ

မော်စကို၊ဇန်နဝါရီ ၁၅

ရုရှားနှင့်တရုတ်ကြားဆက်ဆံရေးတည်ငြိမ်မှုသည် ကမ္ဘာတစ်ဝန်း တင်းမာမှုများမြင့်တက်လာနေချိန်၌ မရှိမဖြစ်လိုအပ်သောအရာဖြစ်သည်ဟု ရုရှားနိုင်ငံခြားရေးဝန်ကြီး ဆာဂေးလားရော့ဗ်က ၎င်း၏နှစ်ပတ်လည် သတင်းစာရှင်းလင်းပွဲ၌ပြောကြားခဲ့သည်ဟုသိရသည်။

ရုရှားနှင့်တရုတ်ကြားရှိ မိတ်ဖက်ဆက်ဆံရေးသည် ခေတ်မီနိုင်ငံတကာဆက်ဆံရေးတွင် အဓိကတည်ငြိမ်စေမည့် အချက်တစ်ချက်ဖြစ်ကြောင်းလည်း ၎င်းကမှတ်ချက်ပြု ပြောကြားခဲ့သည်။

ဝါရှင်တန်နှင့်နေတိုးအဖွဲ့အပါအဝင် ၎င်းတို့၏မဟာမိတ်များသည် ကမ္ဘာလုံးဆိုင်ရာတင်းမာမှုများနှင့် ထိပ်တိုက်ရင်ဆိုင်ရမှုများမြင့်တက်လာစေရန် ပြုလုပ်လျက်ရှိပြီး သဘောထားကွဲလွဲမှုများဖြစ်စေကာ ဥရောပနှင့်ကျန်နေရာများတွင်ပါ ပြဿနာကိုဖန်တီးလျက်ရှိသည်ဟုလည်း လားရော့ဗ်ကပြောကြားခဲ့သည်။

“နိုင်ငံတကာအရေးနဲ့ပတ်သက်ပြီး ကျွန်တော်တို့ရဲ့ ပူးပေါင်းဆောင်ရွက်မှု၊မိတ်ဖက်ဆက်ဆံရေးနှင့် အနာဂတ်အစီအစဉ်တွေက အရေးပါပြီး အကောင်အထည်ဖော်နိုင်လိမ့်မယ်လို့လည်းယုံကြည်ပါတယ်” ဟုလည်း ၎င်းကဆက်လက်ပြောကြားခဲ့သည်။

အာလူးဆနွင်းမကင်း ပြုလုပ်နည်း

အာလူး......၈၀ကျပ်သား
အုန်းသီး (အေသး).....၁လုံး(အမှုန့်ခြစ်)
အုန်းသီး ကြီးရင် ၁ခြမ်းပဲထည့်ပါ
သကြား.. ...၂၅ကျပ်သား
ထောပတ်.. ...၁၅ကျပ်သား
ဂျုံမှုန့်.....၁၅ကျပ်သား
အုန်းနို့.....ဘူးသေးတ၀က်
နို့မှုန့်......၂ထုပ်(အေသး)
ဆား.....၁ဇွန်း (လက်ဖက်ရည်ဇွန်း)
ဘိန်းစေ့.. ...အနည်းငယ်

အာလူးကို နူးအိအောင်ပြုတ် အခွံခွာပြီး
ကျေအောင်ချေထားပါ(ကြိတ်စက်နဲ့လဲရပါတယ်)
ချေထားတဲ့ အာလူး +အုန်းသီးအမှု့န်+
သကြား+ ထောပတ် +ဂျုံ +ဆား+အုန်းနို့
နို့မှုန့် အားလုံးသမအောင် ရောနယ်ပါ
ထောပတ်သုတ်ထားတဲ့ဘန်း ၉"+၁၁"ထဲ
ထဲ့ အပေါ်ယံညီအောင် ထောပတ်ထပ်ဆမ်းပြီး ညှိပေးပါ ပြီးမှ ဘိန်းစေ့ဖြူးပြီး
အပူချိန် ၂၀၀ံ စင်တီဂရိတ် မိနစ် ၄၀
အပေါ်မီးများများ အောက်မီးနဲနဲ နဲ့ မုန့်ဖုတ်လိုက်ရင်ရပါပြီ
အအေးခံပွှီး ကြိုက်တဲ့ပုံစံ
ဖြတ်လို့ရပါပြီ။

ပြစ်မှုကျူးလွန်ထားတဲ့သူတစ်ယောက်က
ခွင့်လွှတ်မလား စွန့်လွှတ်မလား ဆိုတဲ့
မေးခွန်းကိုလိပ်ပြာလုံစွာနဲ့နာနာကျင်ကျင်မေး
တယ် ။
စိတ်ကိုခပ်တဲ့ အဆိပ်တစ်ခွက်ပါပဲ ။
မခွဲနိုင်လို့ ချစ်လွန်းလို့ ခွင့်လွှတ်လိုက်မယ် ဆိုရင်တောင် လုပ်ရက်လိုက်တာ ငါ့ကိုမချစ်လို့များလား ဆိုတဲ့အတွေး နဲ့ နောက်တစ်ခါ ထပ်ကျူးလွန်ရင်ရော ဆိုတဲ့ သံသရဟာ ခွင့်လွှတ်ပေးလိုက်သူရဲ့ စိတ်နယ်ပယ်ထဲမှာ သူ့အတွေးတွေကို သေချာပေါက် လှိုက်စား ငြင်းဆဲ နေမှာ ။
နာနာကျင်ကျင်ပဲ
ကိုယ့်ကို နာကျင်အောင်လုပ်တဲ့သူကို စွန့်လွှတ်
နိုင်တာ အောင်မြင်မှု တစ်ခုပဲ လို့တွေးပြီး
စွန့်လွှတ်လိုက်ပြန်တော့လဲ အကြီးမားဆုံး ဆုံးရှုံးမှုကြီးဟာကိုယ်ချစ်မြတ်နိုးရတဲ့သူကို
စွန့်လွှတ်ရခြင်းပါ ။
ဟော
စွန့်လဲမစွန့်လွှတ်နိုင် ခွင့်လဲခွင့်မလွှတ်နိုင် အခြေအနေကြီးကျတော့လဲ သူလဲ အဆင်မပြေ ကိုယ်လဲ အဆင်မပြေ ။ လူနှစ်ယောက်ရဲ့နောက်ကိုသံသရ ဆိုတဲ့ စည်း နဲ့ သိမ်ငယ်မှု ဆိုတဲ့ စိတ်အခြေအနေနှစ်ခုဟာ လိုက်လာတော့မှာ ။
ကျူးလွန်သူအတွက်တော့ ပြီးပြီးရော ဆိုပေမဲ့
ကျူးလွန်ခံရသူအဖို့တော့ သူ့ဘဝဟာ အဆိပ်မိသွားသလိုပါပဲ … အကောင်သေးသေးလေးက
တစ်ဆစ်ဆစ်နာအောင်ကိုက်တယ် ဆိုပေမဲ့
အော်လို့မရတဲ့ အခြေအနေတွေလိုမျိုးပေါ့ ….

ဖားကန့် နွံကန်ပေါက်ကျမှုမှ သေဆုံးသူ ၂၂ ဦး ရှာတွေ့
-------------------
ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ စပေါ့ကျေးရွာအနီးက ကျောက်စိမ်းလုပ်ကွက် မြေစာ နွံကန် ပေါက်ကျမှုမှာ ဇန်နဝါရီ ၁၅ ရက်၊ မနက်ပိုင်းထိ သေဆုံးသူ ရုပ်အလောင်း ၂၂ လောင်း ရှာဖွေတွေ့ရှိထား တယ်လို့ မြန်မာနိုင်ငံ လူမှုကယ်ဆယ်ရေးအဖွဲ့-ဖားကန့်မြို့နယ် ကော်မတီကနေ သိရပါတယ်။

လက်ရှိမှာတော့ နွံကန်ပေါက်ကျမှုဖြစ်တဲ့ နေရာအနီးရှိ လူနေအိမ်ခြေတွေက ရွှံ့နွံတွေကို ဆက်လက်ဖယ်ရှားနေပြီး ပျောက်ဆုံးနေသူတွေကိုလည်း ထပ်မံ ရှာဖွေနေတယ်လို့ ဆိုပါတယ်။ လတ်တလော နွံကန်ပေါက်ကျမှုကြောင့် ပျောက်ဆုံးစာရင်း ပေးထားတာကတော့ ၁၀ ယောက်လောက် ထပ်ရှိနေပြီး ရွှံ့နွံတွေ ဖယ်ရှားရှင်းလင်းပြီးရင်တော့ အလောင်းတွေ ဆက်တွေ့နိုင်သေးတယ်လို့ မြန်မာနိုင်ငံ လူမှုကယ်ဆယ်ရေးအဖွဲ့-ဖားကန့်မြို့နယ် ကော်မတီ ဥက္ကဋ္ဌ ဦးကျော်ကျော်အောင်က ပြောပါတယ်။

ဖားကန့်မြို့နယ်၊ စပေါ့ကျေးရွာအနီးက ကျောက်စိမ်းလုပ်ကွက်တစ်ခုမှာ ဇန်နဝါရီ ၁၃ ရက်၊ မနက်အစောပိုင်းက စွန့်ပစ်မြေစာဖိအားကြောင့် မြေအောက်ကနေ ရွှံ့နွံတွေပေါက်ကျမှုဖြစ်ပွားခဲ့ပြီး အနီးရှိ နေအိမ် ၅၀ ကျော်လောက် နစ်မြုပ်သွားခဲ့တာ ဖြစ်ပါတယ်။ ပြီးခဲ့တဲ့ ၂၀၂၀ ပြည့်နှစ် ဇူလိုင်လအတွင်းကလည်း ကချင်ပြည်နယ်၊ ဝှေခါကျေးရွာ က ကျောက်စိမ်းလုပ်ကွက်တစ်ခု ကမ်းပါးပြိုကျမှုမှာ ရေမဆေးကျောက်ရှာဖွေသူ ၁၉၀ ကျော်သေဆုံးခဲ့တဲ့ ဖြစ်စဉ် ဖြစ်ပွားခဲ့ပါသေးတယ်။

ခြစ်ရာသေးသေး ဆိုပေမဲ့
တစ်ဘဝလုံးစာ နာကျင်ဖို့
လုံလောက်ခဲ့ပါတယ်
ပြောဖူးတယ်မဟုတ်လား
မင်းတို့အတွက် မြူမှုန်ကလေးဟာလဲ
ငါ့အတွက်တော့ ကမ္ဘာကြီးတစ်ခုပါပဲ လို့ ….
#စာတို

ကျောနောက်ဘက်ကြွက်သား နာဗ်၊အရိုး၊အရိုးဆက် ကျောရိုးဆစ် စသဖြင့် တစ်နေရာရာမှ နာကျင်ခြင်းအားလုံး အကျူံးဝင်ပါတယ်
အကြောင်းအမျိုးမျိုးကြောင့် ဆေ:ရုံဆေ:ခန်းဝေးသူ မသွားနိုင်သူများ ယာယီ သ.က်သာလျော့ပါးစေရန် ရည်ရွယ်ပါတယ်။
အိမ်တွင်းဆေ:နည်းတိုကုထုံးများမှ
ဆားကြမ်းနှစ်ခွက်ခန့်ရေချိုးကန်ထဲ ရေနွေးနွေးနှင့်ဖျော်ပြီး မိနစ်(၃၀)ခန့်စိမ်နေပါ။
ဆန်တခွက်စာ အဝတ်ဖြင့် ခြေအိတ်သန့်သန့်ထုပ်ပြီးခံနိုင်ရုံ ကြပ်ထုပ်ထိုးပေးပါ။
ရေခဲထုပ်
နာကျင်ကို*က်ခဲသည့် နေရာကို ရေခဲထုပ်
ဖြင့် (၁၅)မိနစ်ခန့် ကပ်ပေးပါက အနာလျော့စေသည့်အပြင် ရောင်ရမ်းတာကိုသ.က်သာစေသည်။
မုန်ညင်းဆီကို ကြက်သွန်ဖြူ(၁၀)တက်ခန့်ထည့်ပြီးအပူပေးပါ။ အအေးခံပြီး နာသည့်နေရာ လိမ်းပေးပါ။
ချင်းတက်ပါးပါးလှီး ရေဆူဆူတွင်ထည့်မိနစ်(၃၀)ခန့်ကျို အအေးခံပြီး
ပျားရည်ထည့်သောက်ပါ။
ကြက်သွန်ဖြူအဆီကို နာသည့်နေရာတွင်လိမ်းပါ။ နေ့စဉ် ကြက်သွန်ဖြူ နှစ်မွှာသုံးမွှာ စားပေးပါ။
(ကြက်သွန်ဖြူအဆီပြုလုပ်ရန်)
မုန်ညင်းဆီ နှမ်းဆီတွင် ကြက်သွန် ဖြူ(၁၀)မွှာခန့်ထည့် မီးအေးအေးဖြင့်ကြက်သွန်ဖြူညိုလာသည်ထိကြော်ပေးပါ၊အအေးခံပုလင်းနှင့်သိမ်းပြီးလိမ်းနိုင်ပါသည်။ ရေနွေးနှင့်သာရေချိုးပါ။ နှစ်ပတ်ခန့် ဆက်တိုက်လိမ်းကြည့်ပါ။
ချင်းအမှုန့်ကို ရေနဲ့ပျစ်ပျစ်ဖျော်ပြီး
နာသည့်နေရာလိမ်းပါ။ (၁၅)မိနစ်ထားပြီးမှ‌ ကျောကို ယူကလစ်ဆီလိမ်းပါ။
သံပုရာသီးတစ်လုံး အရည်ကိုဆားနည်းနည်းထည့် တစ်နေ့ ၂-ကြိမ်သောက်ပါ။
အကြောအဆစ်ရောင်ခါးနာဖြစ်က
မုန်ညင်းဆီ နှမ်းဆီကို မီးဖြင့်ချက် လိမ်းပေးပါ။
သ*က်ရင်းကြီးမြစ် သွေ:လိမ်းပါ။သ*က်ရင်းကြီးရွက်ကို အိပ်ရာအောက် ခင်းအိပ်ပါ။
ကျောက်ကပ်ခါးနာဖြစ်က
တောဇီးဖြူပင်၊ ထိကရုံးပင်ပြုတ်သောက်ပါ။
ကျောက်ဖရုံသီး ဟင်းချိုချက်သောက်ပါ။
ကျီးပေါင်းခါးနာဖြစ်က
မိဿလင်ကိုအမှုန့်ပြု အထုပ်ထုပ်၍ကြပ်ထုပ်ထိုးပါ။
ချင်းခြောက် အမှုန့်နှစ်ဆ၊ လင်းလေအမှုန့် တစ်ဆ ရောစပ်ပြီး ရေနွေးဖြင့်ဖျော်စပ်ပြီး လိမ်းပါ။
မိဿလင်ဥအစိုကို ထု‌ထောင်း၍အရ*က်ဦးရည်ဖြင့် စိမ်ထားပြီး လိမ်းပေးပါ။
ဝံအူမြစ်တောရှောက်မြစ် နှစ်မျိုးကိုသွေ:လိမ်းလျှင် သ*က်သာစေသည်။
ဆားခါးအမှုန့်ကို အထုပ်ထုပ်၍ ကြပ်ထုပ်ထိုးပေးပါ။

#ငါးဖောင်ရိုးအစိုချဉ်စပ်ချက်နည်း
==============
-ငါးဖောင်ရိုးကို အကြေးထိုး၊ခေါင်းဖြတ်၊အူထုတ်၊
သန့်စင်ရေဆေးပြီး ဆား၊နနွင်းမှုန့်၊ငံပြာရည်အချို တို့နဲ့နယ်ထားပါ။
ချဉ်စော်ကားသီးကို ရေနည်းနည်းနဲ့ပြုတ်ထားပါ။
(မန်ကျည်းသီးမှည့်ကိုသုံးလည်းရပါတယ်)
-ဂျင်း၊ကြက်သွန်ဖြူ +နီ ၊ ငရုတ်သီးစိမ်း ၊
ငရုတ်သီးခြောက်တို့ကိုရောထောင်းပါ။
-အိုးထဲကို ဆီနည်းနည်းထည့်ပြီး
ဆီပူလာရင် ငရုတ်သီးဆီသတ်ပါ။
အနံ့မွှေးပြီး ငရုတ်သီးခြောက်လာရင် ငါးထည့်မွှေပါ။
-လက်ဆေးရည်လေးထည့်ပြီး အဖုံးအုပ်တည်ပါ။
ရေခမ်းရင် ချဉ်စော်ကားသီးရည် ထည့်ပါ။
-အရည်ဆူလာရင် အပေါ့အငံမြည်းပြီး
ပင်စိမ်းရွက်အုပ်လိုက်ပါ။
ပင်စိမ်းရွက်အစား နံနံပင်၊ရှမ်းနံနံတို့ကိုသုံးနိုင်ပါတယ်။

Credit: အန်တီလော်ရာရဲ့ဟင်းချက်နည်းများ

သွင်းဂိုးတွေက မာဆေးလ်မှာ မိမိဦးစားပေးမဟုတ်ဘူးလို့ ဂရင်းဝုဒ်ပြော

ဇန်နဝါရီ ၁၅

ယူနိုက်တက်အသင်း တိုက်စစ်မှူးဟောင်း ဂရင်းဝုဒ်က သွင်းဂိုးတွေက မာဆေးလ်အသင်းမှာ သူ့ရဲ့ဦးစားပေး မဟုတ်ဘဲ ပွဲတိုင်းကို အနိုင်ယူချင်တယ်လို့ ပြောခဲ့ပါတယ်။

ဂရင်းဝုဒ်က “သွင်းဂိုးတွေနဲ့ အသင်းကို ပံ့ပိုးပေးနိုင်လို့ ကျနော် အလွန်ပျော်ရွှင်ပါတယ်။ ဒါပေမယ့် ဂိုးမသွင်းနိုင်ရင် လည်း ကျနော် ဝမ်းနည်းနေမှာ မဟုတ်ပါဘူး။ ကျနော်တို့ နိုင်ပွဲရယူနိုင်သရွေ့ ဂရုစိုက်မှာ မဟုတ်ပါဘူး။ ကျနော် ပွဲတိုင်းကို အနိုင်ယူချင်တယ်”လို့ သတင်းထောက်တွေကို ပြောခဲ့တာပါ။

ပြီးခဲ့တဲ့ရာသီက အငှားကစားခဲ့တဲ့ ဂီတာဖေးအသင်းမှာ ခြေစွမ်းပြသနိုင်ခဲ့တဲ့ ဂရင်းဝုဒ်ကို မာဆေးလ်အသင်းဟာ ပြီးခဲ့တဲ့နွေရာသီက ယူနိုက်တက်အသင်းကနေ ပေါင် ၂၃ သန်းနဲ့ အပြီးသတ်ခေါ်ယူခဲ့တာ ဖြစ်ပါတယ်။

အသက် ၂၃ နှစ်အရွယ်ရှိ ဂရင်းဝုဒ်ဟာ မာဆေးလ်အသင်းမှာ ခြေစွမ်းပြသနေပြီး ပြိုင်ပွဲစုံ ၁၂ ဂိုးအထိ သွင်းယူ ထားတာပါ။

ဂရင်းဝုဒ်ဟာ ဒီဇင်ဘာအတွက် ပြင်သစ်လီဂူး-၁ ရဲ့ တစ်လတာ အကောင်းဆုံး ကစားသမားဆုကို ရရှိထားတာ ဖြစ်ပါတယ်။

ဂရင်းဝုဒ်ဟာ ပြီးခဲ့တဲ့ မာဆေးလ်အသင်းက ရန်းစ်အသင်းကို ၂ ဂိုး-၁ ဂိုးနဲ့ အနိုင်ရခဲ့တဲ့ပွဲမှာ ၁ ဂိုးသွင်းပြီး ဂိုးဖန်တီးမှု ၁ ကြိမ် ပြုလုပ်နိုင်ခဲ့တာပါ။

ဒါပေမယ့် ဂရင်းဝုဒ်ဟာ သွင်းဂိုးတွေ သွင်းယူနိုင်တာထက် မာဆေးလ်အသင်းနဲ့ ဆုဖလား အောင်မြင်မှုတွေကို ပိုပြီးရယူချင်နေတာ ဖြစ်ပါတယ်။

မာဆေးလ်အသင်းဟာ ဒီရာသီ ပြင်သစ်လီဂူး-၁ ပြိုင်ပွဲမှာ ၁၇ ပွဲ ကစားထားပြီး ရမှတ် ၃၆ မှတ်နဲ့ အမှတ်ပေးဇယား အဆင့် ၂ နေရာမှာ ရပ်တည်နေကာ အဆင့် ၁ နေရာက ပီအက်စ်ဂျီအသင်းနဲ့ ၇ မှတ်ကွာဟနေတာပါ။

ဂရင်းဝုဒ်ဟာ ပြင်သစ်လီဂူး-၁ ပြိုင်ပွဲမှာ ၁၁ ဂိုး သွင်းယူထားတာကြောင့် ဂိုးသွင်း အများဆုံးစာရင်းမှာ လိုင်လီအသင်း တိုက်စစ်မှူး ဂျိုနသန်ဒေးဗစ်နဲ့အတူ ထိပ်ဆုံးနေရာ ရပ်တည်နေတာ ဖြစ်ပါတယ်။

Source: Goal

ပုံ - ဂရင်းဝုဒ်ကို တွေ့ရစဉ်

#ဘောလုံးသတင်းစုံ