Owl

Owl

Owl

Owl

တော့တင်ဟမ်ဟော့စပါးအသင်းအနေနဲ့ မန်ချက်စတာယူနိုက်တက်အသင်းကစားသမားမားကပ်စ်ရက်ရှ်ဖို့ဒ်ကိုအသင်းဆီအငှားခေါ်ယူဖို့စိတ်ဝင်စားနေကြောင်း သတင်းတွေကဖော်ပြပါတယ်။

တော့တင်ဟမ်ဟော့စပါးအသင်းအနေနဲ့ မန်ချက်စတာယူနိုက်တက်အသင်းတိုက်စစ်ကစားသမားမားကပ်စ်ရက်ရှ်ဖို့ဒ်ကိုအသင်းဆီခေါ်ယူဖို့စိတ်ဝင်စားမှုရှိနေပြီး စပါးအသင်းအနေနဲ့ အဆိုပါကစားသမားကိုခေါ်ယူဖို့အတွက်စကားပြောဆိုမှုတွေရှိခဲ့တယ်လို့ The Independent သတင်းကဖော်ပြခဲ့ပါတယ်။

အသက် ၂၇ နှစ်အရွယ်မားကပ်စ်ရက်ရှ်ဖို့ဒ်အနေနဲ့ အသင်းပြောင်းရွှေ့ဖို့ကောလဟာလသတင်းတွေထွက်ပေါ်နေပြီး နည်းပြအာမိုရင်အနေနဲ့လည်း အဆိုပါကစားသမားရဲ့အနာဂတ်နဲ့ပတ်သက်ပြီး ငါတို့မြင်တွေ့ရပါလိမ့်မယ်လို့ပြောဆိုခဲ့ပြီးနောက်မှာတော့ မန်ချက်စတာယူနိုက်တက်အသင်းအတွက်နောက်ဆုံးပွဲစဉ်အဖြစ်ဝင်ရောက်ကစားရဖို့ရှိတယ်လို့သတင်းတွေထွက်ပေါ်စေခဲ့ပါတယ်။

ဒါပေမဲ့လည်း ပရီးမီးယားလိဂ်ကလပ်အသင်းအနေနဲ့မားကပ်စ်ရက်ရှ်ဖို့ဒ်ကိုစိတ်ဝင်စားမှုသိပ်မရှိဘဲ ဒီမတိုင်ခင်ကာလတုန်းကလည်း ဝက်စ်ဟမ်းအသင်းအနေနဲ့မားကပ်စ်ရက်ရှ်ဖို့ဒ်ကိုစိတ်ဝင်စားမှုရှိခဲ့တာဖြစ်ပါတယ်။စပါးအသင်းဟာ အဆိုပါကစားသမားကိုခေါ်ယူဖို့စဉ်းစားသုံးသပ်နေတဲ့နောက်ထပ်ကလပ်အသင်းဖြစ်ပြီးတရားဝင်မဟုတ်သေးတဲ့ပြောဆိုဆွေးနွေးမှုတွေရှိနေပါတယ်။

အဆိုပါကစားသမားရဲ့လုပ်ခလစာကြောင့် မားကပ်စ်ရက်ရှ်ဖို့ဒ်ကိုအငှားခေါ်ယူဖို့ဆိုတာက ဖြစ်ပေါ်လာလိမ့်မှာမဟုတ်ဘဲ လက်ရှိမှာတော့ရက်ရှ်ဖို့ဒ်အနေနဲ့ အဂ်လန်ပြင်ပကလပ်အသင်းတွေဆီကိုသာပြောင်းရွှေ့ကစားဖို့စိတ်ဝင်စားဖို့ရှိတယ်လို့ယုံကြည်ရပါတယ်။
 
#ဘောလုံးသတင်းစုံ

#englisheverywhere

#englisheverywhere

#englisheverywhere

#englisheverywhere

စစ်အုပ်ချုပ်ရေး ကြေညာခဲ့တဲ့ တောင်ကိုရီးယားသမ္မတကို ဖမ်းဆီးထိန်းသိမ်းပြီ

ဆိုးလ်၊ ဇန်နဝါရီ ၁၅

တောင်ကိုရီးယား စုံစမ်းစစ်ဆေးရေးမှူးတွေဟာ ဆိုင်းငံ့ခံထားရတဲ့ တောင်ကိုရီးယားသမ္မတ ယွန်းဆွတ်ခ်ယိုးလ်ကို ဆိုးရှိသူ့ရဲ့နေအိမ်မှာ ဒီကနေ့မနက်က ဖမ်းဆီးထိန်းသိမ်းလိုက်ပါတယ်။

ဖမ်းဆီးဖို့ကြိုးပမ်းမှုအတွင်း တာဝန်ရှိသူတွေနဲ့ သမ္မတလုံခြုံရေးအဖွဲ့၊ ထောက်ခံသူတွေအကြား နာရီအတန်ကြာ ထိပ်တိုက်တွေ့ဆုံမှုတွေ ဖြစ်ပွားခဲ့ပါတယ်။

ယခုအစောပိုင်းက သူ့ကို ဖမ်းဆီးဖို့ ကြိုးပမ်းမှုမှာလည်း မအောင်မြင်ခဲ့ဘဲ ရုပ်သိမ်းခဲ့ရပါတယ်။ တခေါာက်မှာတော့ အာဏာပိုင်တွေဟာ နေအိမ်ထဲကို လှေကားတွေအသုံးပြု ဝင်ရောက်ခဲ့ရာတွေရှိခဲ့ပါတယ်။

လက်ရှိမှာတော့ စုံစမ်းစစ်ဆေးသူတွေဟာ သမ္မတယွန်းကို ၄၈ နာရီကြာ ဖမ်းဆီးစစ်ဆေးနိုင်မှာဖြစ်ပြီး စုံစမ်းစစ်ဆေးနေချိန်အတွင်း ၀ရမ်းကို သက်တမ်းတိုးနိုင်မှာဖြစ်ပါတယ်။ ဒါပေမယ့်လည်း ၀ရမ်းသက်တမ်းတိုးဖို့ တရားရုံးက ပယ်ချပါက ယွန်းဆွတ်ခ်ယိုးလ်ကို ပြန်လွှတ်ပေးရမှာဖြစ်ပါတယ်။

ဖမ်း၀ရမ်းသက်တမ်းတိုးမှုအရ ရုံးတင်စစ်ဆေးခြင်းမပြုမီ သမ္မတကို ရက်ပေါင်း ၂၀ ထိ ထိန်းသိမ်းထားနိုင်ပြီး စွဲချက်တင်ခံရတာနဲ့ ခြောက်လကြာချိန်ထိ ချုပ်နှောင်ထားရန် အစိုးရရှေ့နေများက တောင်းဆိုနိုင်သည်။

သမ္မတကို ရာထူးကနေ ဖယ်ရှားမှု ပြုမပြု ဆုံးဖြတ်မယ့် ဖွဲ့စည်းပုံအခြေခံဥပဒေခုံရုံးရဲ့ ကြားနာမှုကို မနေ့က စတင်ခဲ့ပါတယ်။လက်ရှိမှာတော့ သူ့ကို အဂတိလိုက်စားမှု စုံစမ်းစစ်ဆေးရေးရုံးက ယခင်ကဆင့်ခေါ်မှုတွေကို လျစ်လျူရှုခဲ့တာတွေနဲ့ပတ်သက်ပြီး စစ်ဆေးမေးမြန်းနေပါတယ်။ သမ္မတယွန်းဟာ ဒီဇင်ဘာလက စစ်အုပ်ချုပ်ရေး ကြေညာခဲ့တာကြောင့် ပုန်ကန်မှု ၊ အာဏာအလွဲသုံးစားမှု စွဲချက်တွေနဲ့ ရင်ဆိုင်နေရပါတယ်။

Ref:BBC
Photo:Reuters/AFP

#သတင်းဟင်းလေးအိုးကြီး