Valentine's Day အမှတ်တရ စိန်ခြယ်ထားတဲ့ iPhone ထွက်ရှိ
ဒူဘိုင်းတွေ စီးပွားရေးအကွက်မြင်ပုံကလည်း မိုက်တယ်။ ကိုယ်တိုင်ဖုန်း မထုတ်ဘဲ သူများထုတ်ထားတဲ့ ဖုန်းတစ်လုံးကို တန်ဖိုးဆယ်ဆမက မြင့်အောင် အလှဆင်တဲ့အလုပ်ကို လုပ်တာပါ။
ဒါမျိုးကို အဓိကလုပ်တာက နာမည်ကြီး Luxury maker ဖြစ်တဲ့ Caviar ပါ။ အခုလည်း ချစ်သူများနေ့မှာ ဘောစိစုံတွဲတွေအတွက် တန်ဖိုးကြီး ချစ်လက်ဆောင်ဆိုပြီး စိန်ကွပ်ထားတဲ့ iPhone ထုတ် ရောင်းပါတယ်။
ဒူဘိုင်းအခြေစိုက် Caviar က တန်ဖိုးကြီး iPhone 16 Pro ကို Secret Love collection ဆိုပြီး ထုတ်ပါတယ်။ Collection မှာက Bouquet Dore , Serpentis Pearl နဲ့ Sea of Love ဆိုပြီး နာမည်လှလှပေးထားတဲ့ ဗားရှင်း သုံးမျိုး ပါပါတယ်။
Valentine's Day အထိမ်းအမှတ်ဆိုပြီး ထုတ်လိုက်တာပါ။ Caviar ရဲ့ အစဉ်အလာအတိုင်း စိန်ကျောက်နီလာတွေနဲ့ တန်ဖိုးကြီးပြီးသား iPhone 16 Pro ကို တန်ဖိုးမြှင့်လိုက်တာပါ။ မိန်းကလေးတိုင်း အိပ်မက်မက်တဲ့ လက်ဆောင်မျိုးဖြစ်အောင် Caviar က သေချာဖန်တီးလာတာပါ။
တန်ဖိုးအကြီးဆုံး ပန်းစည်းနဲ့ Valentine လက်ဆောင်ကို ကိုယ်စားပြုတယ်ဆိုတဲ့ Bouquet Dore ဗားရှင်းက ကျောဘက် panel မှာ နွားကလေးသားရေစစ်စစ်နဲ့ အုပ်ထားပြီး ၂၄ ကာရက် နှင်းဆီရွှေပြားနှစ်ထပ်အုပ်ထားပြီး လိပ်ပြာပုံပုလဲတွေလည်း အလှဆင်ထားပါတယ်။
Serpentis Pearl ဗားရှင်းကတော့ နာမည်အတိုင်း အသဲပုံခွေနေတဲ့ မြွေတစ်ကောင်ရဲ့ပုံကို အနုပညာမြောက်အောင် ဖန်တီးထားတာပါ။ ကျောဘက်ကာဗာကိုလည်း သဲဝါနုရောင်လယ်သာပြားနဲ့ သဘာဝပုလဲတွေသုံး ဖန်တီးထားပြီး ၂၄ ကာရက်နှင်းဆီရွှေပြားနဲ့ အုပ်ပေးလာတာပါ။
နောက်ဆုံးဗားရှင်းဖြစ်တဲ့ Sea Of Love ဗားရှင်းကတော့ အီတလီပန်းချီကျော် ဆန်ဒရိုဘောတီဆယ်လီရဲ့ ဗီးနပ်စ်မွေးဖွားခြင်းလက်ရာကို မှီးပြီး ဖန်တီးထားတာပါ။ ကျောဘက်မှာ ပန်းရောင်နွားကလေးသားရေ ၊ ၂၄ ကာရက်ရွှေပြား ၊ ပလဲနဲ့ စိန်တွေ ကွပ်ပေးထားပါတယ်။
ဒီလောက် တန်ဖိုးကြီးတာတွေ သုံးထားတဲ့ iPhone တွေရဲ့ ဈေဂကလည်း အတော့်ကို မြောက်ပါတယ်။Bouquet Dore , Serpentis Pearl နဲ့ Sea Of Love ဗားရှင်း iPhone 16 Pro တွေကို ဒေါ်လာ ၉၆၃၀ ၊ ၉၉၉၀ နဲ့ ၁၁၆၃၀ ဈေးတွေနဲ့ ရောင်းချသွားမှာပါ။
Pro Max မော်ဒယ်ဆို ၉၉၁၀ , ၁၀၂၇၀ နဲ့ ၁၁၉၁၀ ဒေါ်လာ ဈေးတွေ ကျသင့်ပါလိမ့်မယ်။ မြန်မာငွေနဲ့ တွက်ကြည့်ရင် သိန်း ၄-၅၀၀ အထိ ပေါက်နိုင်တဲ့ ဖုန်းတွေပါ။ ဈေးကြီးသလို ပေါပေါပဲပဲ မဖြစ်အောင် ၉၉ လုံးပဲ ထုတ်ထားတယ်လို့လည်း ဆိုပါတယ်။

ဆိုးရွားလာတဲ့ ရန်ကုန်လေထု
သိတဲ့အတိုင်းဒီရက်ပိုင်းမှာမြူတွေအုံဆိုင်းနေတာကိုတွေ့ရမှာပါ အမှန်တော့ ဒါဟာမြူတွေမဟုတ်ပဲ လေထုညစ်ညမ်းမှုကြောင့်ဖြစ်ပေါ်လာတာပါ။ဆိုတော့ဘယ်လိုကာကွယ်ရမလဲ


### ၁။ **မျက်နှာဖုံးတပ်ခြင်း**
- လေထုညစ်ညမ်းမှုများသော နေရာများတွင် N95 သို့မဟုတ် N99 မျက်နှာဖုံးများ တပ်ဆင်ခြင်း။

### ၂။ **အိမ်တွင်း လေသန့်စင်စက်များ အသုံးပြုခြင်း**
- အိမ်တွင်း လေထုသန့်စင်ရန် HEPA စနစ်ပါသော လေသန့်စင်စက်များ အသုံးပြုခြင်း။

### ၃။ **အိမ်တွင်း လေဝင်လေထွက်ကောင်းမွန်စေရန်**
- အိမ်တွင်း လေဝင်လေထွက်ကောင်းမွန်စေရန် ပြတင်းပေါက်များကို ပုံမှန်ဖွင့်ပေးခြင်း။
- အိမ်တွင်း အပင်များ စိုက်ပျိုးခြင်းဖြင့် လေထုသန့်စင်စေခြင်း။

### ၄။ **အပြင်ထွက်ချိန် သတိထားခြင်း**
- လေထုညစ်ညမ်းမှုများသော အချိန်များတွင် အပြင်ထွက်ခြင်းကို လျှော့ချခြင်း။
- လေထုညစ်ညမ်းမှု အညွှန်းကိန်း (AQI) ကို စောင့်ကြည့်ခြင်း။

### ၅။ **ကိုယ်ခံအားကောင်းမွန်စေရန်**
- အာဟာရပြည့်ဝသော အစားအစာများ စားသုံးခြင်း။
- ရေများများ သောက်သုံးခြင်း။
- လေ့ကျင့်ခန်း ပုံမှန်ပြုလုပ်ခြင်း။

### ၆။ **ဆေးလိပ်သောက်ခြင်းကို ရှောင်ကြဉ်ခြင်း**
- ဆေးလိပ်သောက်ခြင်းနှင့် ဆေးလိပ်ငွေ့ရှူရှိုက်ခြင်းကို ရှောင်ကြဉ်ခြင်း။

ဤနည်းလမ်းများကို လိုက်နာခြင်းဖြင့် လေထုညစ်ညမ်းမှုမှ တစ်ကိုယ်ရည် ကာကွယ်နိုင်ပါသည်။

ပန်းတွေဆို သိပ်မြတ်နိုးတဲ့မိန်းမရယ်ပါ ။
အထူးသဖြင့် ကံ့ကော်ပန်းကလေး တွေပေါ့ …
“ ဒါဆိုဘာလို့ပန်းမပန်တာလဲလို့ “ မေးရင်
“ ချစ်မြတ်နိုးလွန်းလို့ကို
ခြွေခူးပြီးမပန်ရက်တာပါလို့ “ ဖြေရပါလိမ့်မယ် …
ရောက်လာတော့မဲ့ နွေဦးရယ်
ဖူးပွင့်လာတော့မဲ့ကံ့ကော်ပန်းကလေးတွေရယ်
မောင်ရယ် …
#မယ်ညို
#as

သူများဇာတ်လမ်းမှာတော့ ဆရာ့ဆရာကြီးပဲ 🤨

ChatGPT 5 ကို Unlimited free ပေးသုံးသွားမယ့် OpenAI
AI ဈေးကွက်ပြိုင်ဆိုင်မှုတွေရဲ့ ကောင်းကျိုးက users တွေ ပစ္စည်းကောင်းသုံးရတာပါပဲ။
အဆင့်မြင့် features တွေအတွက် လစဉ်ကြေး ဒေါ်လာ ၂၀၀ အထိ ကောက်တဲ့ OpenAI တောင် သူ့နောက်ထွက်မယ့် model ကို free users တွေ စိတ်ကြိုက်သုံးခွင့်ပေးလောက်အောင် သဘောကောင်းလာလို့ပါ။
နောက်ပိုင်း ထွက်လာမယ့် ChatGPT -5 ဆို chatgpt အကောင့်ရှိတဲ့သူတိုင်း free သုံးလို့ ရတော့မယ်လို့ ဆိုပါတယ်။ OpenAI ရဲ့ နောက်မျိုးဆက် GPT-5 က GPT series ရဲ့ စွမ်းဆောင်ရည်နဲ့ o စီးရီးရဲ့ reasoning models တွေ ပေါင်းစပ်ထားတဲ့ AI စွမ်းဆောင်ရည်တွေ ပါလာမှာပါ။
ဒီမျိုးဆက်သစ် AI model က o3 နဲ့ တလောက ဖြန့်ချိထားတဲ့ Deep Research လုပ်ဆောင်ချက်လို နည်းပညာတွေ တစ်စုတစ်စည်းတည်း ပေါင်းထားတဲ့ system တစ်ခု အဖြစ် မြင်ရမှာပါ။ o3 reasoning model ကို product သပ်သပ် ထုတ်တာမျိုး မလုပ်တော့ပါဘူး။
GPT-5 ကို free users တွေရဲ့ standard intelligence setting မှာလည်း unlimited access ပေးထားပြီး Plus plan သုံးသူတွေကို ပိုအဆင့်မြင့်တဲ့ higher level intelligence နဲ့ run နိုင်အောင် စီစဉ်ထားပါတယ်။ Pro users တွေကတော့ Plus plan သမားတွေထက် ပိုအဆင့်မြင့်တဲ့ intelligence level နဲ့ သုံးနိုင်မှာပါ။
OpenAI က ကုဒ်နာမည် Orion လို့ ထွက်ထားတဲ့ GPT -4.5 ကိုလည်း ဖြန့်ချိဖို့ လုပ်ထားပါတယ်။ ဒီ AI model အကြောင်း မသိရသေးပေမယ့် o1 reasoning model သုံးထားတဲ့ ဒီမော်ဒယ်က GPT- 4 model ထက် အဆပေါင်း ၁၀၀ အထိ ပိုပြီး စွမ်းဆောင်ရည်မြင့်မယ်လို့ ဆိုပါတယ်။
ChatGPT 4.5 နဲ့ GPT-5 တွေ ထွက်မယ့်ရက် OpenAI ဘက်က မပြောသေးပါဘူး။

#ချင်းသို့မဟုတ်ဂျင်းမစားသင့်သူများ
ဂျင်းက ကျန်းမာရေးအတွက် အကျိုးကျေးဇူးများတယ်ဆိုပေမဲ့ လူတိုင်းအတွက် ကောင်းလှတယ်တော့မဟုတ်ပါဘူး။
အောက်ဖော်ပြပါ ဝေဒနာရှင်တွေအနေနဲ့ ဂျင်းစားသုံးမှုကိုလုံးဝရှောင် ကြဉ်တာမျိုးဖြစ်ဖြစ် ဒါမှမဟုတ် အတိုင်းအချင့်နဲ့ စားသုံးတာမျိုးဖြစ်ဖြစ်လုပ်ဆောင်သင့်ပါတယ်။
(၁) သွေးခဲဆေးသောက်သုံးနေရသူတွေ
ဂျင်းကသွေးကို ကျဲစေနိုင်စွမ်းရှိတာကြောင့် သွေးမတိတ်တဲ့ဝေဒနာရှိတာကြောင့် သွေးခဲ ဆေးသောက်သုံးမှီဝဲနေရ သူတွေအနေနဲ့ ဂျင်းစားသုံးမယ်ဆိုရင်ဆရာဝန်နဲ့တိုင်ပင်ဆွေးနွေးသင့်ပါတယ်။
အချို့သောဖြစ်ရပ်တွေမှာ ဂျင်းကဆေးအာနိသင်ကို လျော့ပါးစေနိုင်တာကြောင့် ဂျင်းစားသုံးတဲ့အခါ ဆရာဝန်နဲ့တိုင်ပင်ပြီးမှသာ စားသုံးသင့်ပါတယ်။
(၂) ဆီးချိုဆေး မှီဝဲနေရသူတွေ
ဂျင်းက သွေးတွင်းသကြားဓာတ်ကို လျော့ကျစေနိုင်စွမ်းရှိပေမဲ့ မက်ဖော်မင်နဲ့အင်ဆူလင်လိုမျိုး ဆီးချိုဆေးသောက်သုံးနေရသူတွေအနေနဲ့ ဆေးအာနိသင်ကိုလျော့ပါးစေနိုင်တာကြောင့် ဂျင်းမစားသုံးသင့်ပါဘူး။
သွေးချိုတအားကျဆင်းသွားနိုင်တာကြောင့်လည်း ဂျင်းစားသုံးမှုကိုရှောင်ကြဉ်သင့်တာဖြစ်ပါတယ်။
(၃)သွေးကျဆေးသောက်နေရသူတွေ
သွေးတိုးကျစေဖို့အတွက် သောက်သုံးရတဲ့ဆေးတွေကို မှီဝဲနေရသူတွေအနေနဲ့လည်း ဂျင်းကိုမစားသုံးသင့်ပါဘူး။
ဂျင်းကသွေးတိုးကျဆေးအချို့နဲ့ ဓာတ်ပြုနိုင်တာကြောင့် ဖြစ်ပါတယ်။
ဂျင်းနဲ့ သွေးတိုးကျဆေးတို့ ဓာတ်ပြုတဲ့အခါ နှလုံးခုန်နှုန်းနဲ့ သွေးဖိအားကို အန္တရာယ်ရှိတဲ့ အခြေအနေလောက်အထိကျဆင်းစေတာမျိုး ဖြစ်ပေါ်စေပါတယ်။
နောက်ဆက်တွဲဝေဒနာတွေ ကိုတောင်ဖြစ်ပေါ်စေနိုင်ပါတယ်။
နှလုံးခုန်မမှန်တာမျိုးလည်း ဖြစ်ပေါ်ခံစားရနိုင်ပါတယ်
(၄)သည်းခြေကျောက်တည်နေသူတွေ
သည်းခြေကျောက်တည်မှုကို ခံစားရနိုင်ခြေရှိသူတွေအနေနဲ့ ဂျင်းစားသုံးမယ်ဆိုပါက ရောဂါအခြေအနေက ပိုမိုဆိုးရွားသွားနိုင်ပါတယ်။
သည်းခြေအိတ်မှာ သည်းခြေကျောက်တည်တာမျိုး ဖြစ်လာနိုင်ပါတယ်။
သည်းခြေကျောက်တွေက သည်းခြေပြွန်တစ်လျှောက် စီးပါသွားရင်း သည်းခြေရည်တွေကို အသည်းဆီကိုရောက်ရှိသွားစေနိုင်ပါတယ်။
ချင်းက သည်းခြေရည်ထုတ် လွှတ်မှုကိုတိုးစေနိုင်ပါတယ်။
သည်အခြေအနေက သည်းခြေကျောက်ပိတ်ဆို့မှုကိုဖြစ်ပေါ်စေပြီးဆိုးရွားလှတဲ့ နာမကျန်းဖြစ်မှုကိုဖြစ်ပေါ်စေနိုင်ပါတယ်။
သည်းခြေရည်များလွန်းတာက သည်းခြေကျောက်ဖြစ်နိုင်ခြေကို တိုးစေနိုင်တာကြောင့် သည်းခြေကျောက်တည်နိုင်ခြေရှိသူတွေအနေနဲ့ ဂျင်းမစား သုံးသင့်ပါဘူး။
(၅) ကိုယ်ဝန်ဆောင်အမျိုးသမီးများ
ကိုယ်ဝန်ဆောင်နေစဉ်အတွင်း ချင်းမစားသုံးသင့်ပါဘူး။
ကိုယ်ဝန်ဆောင်အမျိုးသမီးတွေအနေနဲ့ ဂျင်းစားသုံးသင့်သလားဆိုတာကို သေသေချာချာသိရတာမျိုးမရှိပေမဲ့ ဆိုးကျိုးဖြစ်နိုင်သလားဆိုတာကိုလည်း ရေရေရာရာမသိရသေးပါဘူး။
လေ့လာမှုတော်တော်များများမှာတော့ ဂျင်းစားသုံးတာက သန္ဓေသားရဲ့ လိင်ပိုင်းဆိုင်ရာဟော်မုန်းကို ထိခိုက်စေနိုင်တယ်လို့ ဆိုပါတယ်။
ဂျင်းက သွေးထွက်မှုကိုများစေနိုင်တာကြောင့် မီးဖွားမယ့်ရက်နီးတဲ့အခါ မစားသုံးသင့်ပါဘူး။
#crd

Part-1
#သိထားသင့်သော ဒွါရာဝတီ သံတွဲမြို့ (သို့) မသေသောမြို့တော်၏ သမိုင်းကျဉ်း
ဒွါရာဝတီသံတွဲမြို့သည် ရခိုင်ပြည်တောင်ပိုင်းတွင် တည်ရှိပါသည်။ သံတွဲမြို့ကို ဒွါရာဝတီမြို့ ဟုလည်းခေါ်ဆိုကြပါသည်။ ဒွါရာဝတီမြို့မှာ သံတွဲမြို့၏ မူလအစ အမည်ဖြစ်ပြီး ယနေ့တိုင် ခေါ်တွင်ဆဲပင် ဖြစ်ပါသည်။
ဒွါရာဝတီ၊ သံတွဲမြို့အား မသေသောမြို့ (အစ္စုတမြို့) ဟု မှတ်တမ်းများတွင်တွေ့ရသည်။
ကမ္ဘာ့ နိုင်ငံအသီးသီးတွင် မသေသောမြို့ သုံးမြို့သာရှိသည် ဟုတ်ဆိုပါသည်။
၎င်းမြို့များမှာ-
(၁) အရှေ့အလယ်ပိုင်းဒေသဆီးရီးယားနိုင်ငံတွင် ဒမတ်စကတ်မြို့
(၂)ဗုဒ္ဓဘုရားရှင်ပွင့်တော်မူရာအိန္ဒိယနိုင်ငံတွက် ဗာရာဏသီမြို့
(၃) မြန်မာနိုင်ငံတွင် ဒွါရာဝတီ သံတွဲမြို့ တို့ ဖြစ်ကြသည်။
ဒွါရာဝတီမြို့ ကိုမသေသောမြို့ဟုဆိုခြင်းမှာ ကဿမဘုရားရှင် လက်ထက်မှစတင်၍ ယခုထိတိုင်အောင်ပင်ဖြစ်သည်။
ရခိုင်တို့၏ ဒွါရာဝတီ
အာရက္ခဒေသ(သို့) ရက္ခပူရ-မဟိံသက-တိုင်းဓည
မည်သော ရခိုင်တို့၏ ဒွါရာဝတီသည် ကုသမင်း သက္ကရာဇ် -၄၀၀၀ မတိုင်မီ ဘီစီ - ၆၀၀၀ ခန့်ကာလကပဲ ဒွါရာဝတီဟူသော အမည်နာမဖြင့် ယင်းနေရာ၌ ယနေ့ထက်တိုင်တည်ရှိနေဆဲ ဖြစ်ပါတယ်။
ရခိုင်ပြည်၌ ဒွါရာဝတီ ဟူသော အမည်နာမသည် မည်သည်အခါမှ တိမ်ကောသွာခြင်း မရှိသလို မြို့ကိုလဲ ဖျက်ဆီးခံရခြင်းမရှိခဲ့ပါ။ ခေတ်အဆက်ဆက် ဒွါရာဝတီ အမည်နာမဖြင့် တည်တံ့လျှက်ပင် ရှိပါသည်။ ရခိုင်လူမျိုးတို့ ဖြတ်သန်းလာခဲ့ကြသော ခေတ်ကာလ သမိုင်ကြောင်းသည် အလွန်ရှည်လျှား ကြာမြင့်ခဲ့ပြီဖြစ်သည်။
အလွန်ရှေးကျသောမြို့ဖြစ်သည့် ရခိုင်တို့၏
ဒွါရာဝတီမြို့ ( သံတွဲမြို့)နှင့် ရခိုင်လူမျိုးတို့၏ ဖြတ်သန်းလာခဲ့သော ခေတ်ကာလကို စစ်တမ်းထုပ်ပြမှသာလျှင်
ပိုပြီး ပြည်စုံလိမ့်မည် ဖြစ်သည်။
၁။ ဒွါရာဝတီခေတ် = ဘီစီ - ၆၀၀၀
၂။ ရှေ့ဦးဝေသာလီခေတ် = ဘီစီ၅၃၁၅ မှ ၃၃၂၅ အထိ
ဓညဝတီခေတ်
၃။ ပထမဓညဝတီ = ဘီစီ ၃၃၂၅ မှ ၁၅၀၇အထိ
ဒုတိယဓညဝတီ = ဘီစီ ၁၅၀၇ မှ ၅၈၀ အထိ။
တတိယဓညဝတီ = ဘီစီ ၅၈၀ မှ ၃၂၇ အထိ။
၄။ ဝေသာလီ ကျောက်လှေကားခေတ် = အေဒီ ၃၂၇ မှ ၈၁၈ အထိ။
၅။လေးမြို့ခေတ် = အေဒီ ၈၁၈ မှ ၁၄၃၀ အထိ။
မြောက်ဦးခေတ်
၆။ ပထမမြောက်ဦး = အေဒီ ၁၄၃၀ မှ ၁၅၂၁ အထိ
ဒုတိယမြောက်ဦး = အေဒီ ၁၅၂၁ မှ ၁၆၃၈ အထိ။ တတိယမြောက်ဦး = အေဒီ ၁၆၃၈ မှ ၁၇၈၄ အထိ။
၇။ ဗမာ မြို့ဝန်များခေတ် = အေဒီ ၁၇၈၄ မှ ၁၈၂၄ အထိ
၈။ ဗြိတိသျှခေတ် ပထမအကြိမ် = အေဒီ ၁၈၂၄ မှ ၁၉၄၁ အထိ။
၉။ ဂျပန်ခေတ် = အေဒီ ၁၉၄၁ မှ ၁၉၄၅ အထိ
၁၀။ ဗြိတိသျှခေတ် ဒုတိယအကြိမ် = အေဒီ ၁၉၄၅ မှ ၁၉၄၈ အထိ
၁၁ ။ ဖ ဆ ပ လ ခေတ် ပါလီမန် ဒီမိုကရေစီခေတ် အေဒီ = ၁၉၄၈ မှ ၁၉၆၂ အထိ
၁၂။ တော်လှန်ရေးကောင်စီခေတ် အေဒီ = ၁၉၆၂ မှ ၁၉၇၄ အထိ
၁၃ ။ မ ဆ လ ခေတ် အေဒီ ၁၉၇၄ မှ ၁၉၈၈ အထိ ။
၁၄ ။ နဝတခေတ် အေဒီ =၁၉၈၈ မှ ၁၉၉၇ အထိ ။
၁၅ ။ န အ ဖ ခေတ် အေဒီ = ၁၉၉၇ မှ ၂၀၁၀အထိ။
၁၆ ။ ပါတီစုံ ဒီမိုကရေစီခေတ် အေဒီ ၂၀၁၀ မှ စ၍ ယနေ့ထက်တိုင်ဖြစ်သည်။
ဒီလောက်အထိ ရှည်လျှားလှသည့်ကာလမှာ ဒွါရာဝတီသံတွဲမြို့သည် ဖြတ်သန်းလာခဲ့ပြီး ဖြစ်ပါသည်။
ဒွါရာဝတီကို စတင် တည်ထောင်သောမင်းကို ဝါသုဒေဝ ဗလဒေဝ ဒသဘာသိတ ညီနောင် တစ်ကျိပ်ဟု စာစောင် တချို့တွင် တွေ့နေရပါသည်။ ဒါက မှားပါသည် ။အမှန်က ဒွါရာဝတီမြို့နှင့် ထီနန်းကို ဘီစီ =၆၀၀၀ ခန့်ကစတင်တည်ထောင်ခဲ့သောမင်းမှာ သီရိကုမ္မာမင်း ( ခေါ်) ဥလာကမင်း သာ ဖြစ်ပါသည်။
ဒသဘာတိတ ညီနောင်တစ်ကျိပ်တို့မှာ သိရိကုမ္မာမင်းကို အောင်နိုင်ခဲ့သော မင်းများသာဖြစ်ပါသည် ။
ဘီစီ ၆၀၀၀ ခန့်နှင့် ကုသမင်း လက်ထက်ကနေ ယခုအချိန် အထိ ဒွါရာဝတီ အမည်နာမနှင့် ဒွါရာဝတီ သံတွဲမြို့ဟာ တည်ရှိနေဆဲပါ ။ ထိုအချိန်ကာလသည် ဗုဒ္ဓမြတ်စွာဘုရားလဲ ပွင်တော်မမူသေးပါ ။
ဒီထက် အမည်နာမမပျောက်ကွယ်ဘဲ သက်တမ်းရှည်သောမြို့ အဘယ်မှာ ရှိအံ့နည်း ။
ကမ္ဘာမှာ "မသေတဲ့မြို့ဟေ့" လို့ ရခိုင်တွေ ဂုဏ်ယူဝင့်ကြွားနိုင်ရန် ဒွါရာဝတီ သံတွဲမြို့ရဲ့သမိုင်းကို ဖေါ်ပြပေးလိုက်ပါသည်။
(က) ဒွါရာဝတီသံတွဲမြို့ ဟုတ် ခေါ်တွင်လျက် နာမည် မသေခြင်း ။
(ခ) တစ်ဖက်မှပင်လယ်၊ တစ်ဖက်မှတောင်တန်းများတည်ရှိလျက် ပထဝီအနေအထား မပြောင်းလဲဘဲ ယခုတိုင်တည်ရှိနေခြင်း။
ယင်းကဲ့သို့ မြို့တော်အမည်နှင့် ပထဝီအနေအထားတို့ မပြောင်းလဲဘဲ တည်တံ့နေမှုတို့ကြောင့် မသေသောမြို့ဟု မှတ်တမ်းပြုကြသည့်အပြင်
သမိုင်းရာဇဝင်တွင် ‘မြို့ရှင်ပျံ’ ဖြစ်ကြောင်းပြဆိုထားကြလေသည်။ သံတွဲဘုရင်မစောယာဉ်မိ (ကောဇာ ၇၉၅-၈၂၀၊ မြောက်ဦးခေတ်) မှ။
မင်းစောဒေသ၊ ဘာတိကတို့
ဒိပဇမ္ဗူ၊ လုံးလုံးချူ၍
ခွန်ယူသိမ်းမြန်း၊ ထီးနန်းတည်ရာ
မယ်တို့ရွာလည်း၊ ဒွါရာဝတီ
သိင်္ဂီရောင်လျှံ၊ မြို့ရှင်ပျံဝယ် ။
ဟု ဖွဲ့ဆိုထားခဲ့လေသည်။
အင်းစောက်ရာဇဝင်တွင် (၁၀)မြောက် အန္တရကပ်ဖြင့် သောကဿပ သာသနာတော်အတွင်း ကောရပ္ပတိုင်းတွင် ကောရပ္ပမင်း(၁၂)ဆက်စိုးစံခဲ့ကြသည်။ ယင်းကောရပ္ပမင်း(၁၂)ဆက်မြောက်မင်းစောလက်ထက်တွင် နဂါးညီနောင်ဖျက်ဆီးသဖြင့် ကောရပ္ပတိုင်းပျက်ရလေသည်။ ထိုင်(၁၂) ဆက်မြောက်မင်း ‘မင်းစော’ သည် အခြံအရံများနှင့် တိမ်းရှောင်လာခဲ့ရာ ယခင်ဒွါရာဝတီအမည်ရှိသော မြို့တော်ဟောင်းကိုပင် မြို့တော်တည်လိက် ဒွါရာဝတီမြို့ အမည်ဖြင့်ပင်လျင် စိုးစံအုပ်ချူပ်ခဲ့လေသည်။
ဘုရင်မင်းစော၏ သား၊မြေး၊မြစ်၊ တိုင်အောင် ဒွါရာဝတီထီးနန်းကို မင်းဆက် (၉)ဆက်တိုင် အုပ်စိုးခဲ့လေ၏။ ယင်းမင်းစောမှ (၈)ဆက်မြောက်မင်းစောသည် ပန်းစားနတ်ဘီလူးမအားမိဖုရားမြှောက်မိသဖြင့် သားတော်သုံးပါးနှင့် သမီးတော် တစ်ပါးဖွားမြင်ခဲ့လေသည်။ သားတော်ကြီး တစ်ပါးသာလူစစ်ဖြစ်ပြီး ကျန်သားတော်နှစ်ပါးနှင့် သမီးတော်မှာဘီလူးများဖြစ်ကြကုန်သည်။ ထို့နောက် ပန်းစားနတ်ဘီလူးမဟုသိရှိ၍ သားတော်ကြီးမှတစ်ပါး၊ မိဖုရားကြီးနှင့် သားတော်နှစ်ပါးနှင့် သမီးတော်(၁)ပါးတို့ပိုနန်းတော်မှ ရှောင်ခွာစေလျက် ဒွါရာဝတီမြို့တော်၏ အရှေ့ဘက်ကမ်းတွင် တောင်ခြေကိုအမှီပြူလျက် နေထိုင်ရန် တစ်ဘက်ကမ်းတောင်ခြေတစ်ခုလုံးအားအပိုင်းစားပေးလေသည်။ ၎င်းတောင်မှာ ဝါသုရတောင်ကြော(အံတော်တောင်ကြောအားလုံး)ကိုအပိုင်စားရလေသည်။

#ဆက်ရန်ရှိ

ဒီလုပ်နည်းကိုသိရင် kfc ကိုစျေးကြီးပေးဝယ်စားစရာမလိုတော့ဘူးနော်
ကြက်တုံး ကြွပ်ကြော်လုပ်နည်း
ကြက်သားတွေကို လေးထောင့်အတုံးလေးတွေတုံးပါ ပြီးရင် ကြက်သွန်မြိတ် ၊ ဆား ၊ ငရုတ်ကောင်း ၊ ပဲငံပြာရည်အကြည် ၊ ခရုဆီ ၊ ကြက်ဥတစ်လုံးထည့်နယ်လိုက်ပါ
နောက်ပြီး ကော်မှုန့် ၊ ပွမှုန့် ၊ ဂျုံမှုန့် ရောထားပြီး ခုနနယ်ထားတဲ့ ကြက်သားတွေ ထည့်နယ်ပေးပါ
နယ်ပြီးသွားရင် ရေစွတ်ပြီး နှစ်ခါ ထပ်နယ်ပေးလိုက်ပါ
ပြီးသွားရင် ဆီဆူဆူထဲထည့်ကြော်လိုက်ရင် kfcပုံစံ ကြက်ကြော်စားလို့ရပါပြီ

ဒီလုပ်နည်းကိုသိရင် kfc ကိုစျေးကြီးပေးဝယ်စားစရာမလိုတော့ဘူးနော်
ကြက်တုံး ကြွပ်ကြော်လုပ်နည်း
ကြက်သားတွေကို လေးထောင့်အတုံးလေးတွေတုံးပါ ပြီးရင် ကြက်သွန်မြိတ် ၊ ဆား ၊ ငရုတ်ကောင်း ၊ ပဲငံပြာရည်အကြည် ၊ ခရုဆီ ၊ ကြက်ဥတစ်လုံးထည့်နယ်လိုက်ပါ
နောက်ပြီး ကော်မှုန့် ၊ ပွမှုန့် ၊ ဂျုံမှုန့် ရောထားပြီး ခုနနယ်ထားတဲ့ ကြက်သားတွေ ထည့်နယ်ပေးပါ
နယ်ပြီးသွားရင် ရေစွတ်ပြီး နှစ်ခါ ထပ်နယ်ပေးလိုက်ပါ
ပြီးသွားရင် ဆီဆူဆူထဲထည့်ကြော်လိုက်ရင် kfcပုံစံ ကြက်ကြော်စားလို့ရပါပြီ