(၇)ရက်သား/သမီး အဟောများ
တနင်္ဂနွေသား/သမီး
လုပ်ငန်းများ အဆင်မပြေ၊အထစ်အငေါ့များ ကြုံတွေ့နေရတတ်မည်။ငွေကြေး အကြပ်အတည်းအချို့နှင့် ကြုံနေရတတ်မည်။ကျန်းမာရေးအညံ့ရှိပြီး၊လေပွခြင်း၊လေထခြင်း၊နှလုံးရောဂါ၊များထဲမှ သတိပြုရမည်။အချစ်ရေး အဆင်မပြေ၊
တစ်ဖက်သပ် လမ်းခွဲခြင်းခံရတတ်မည်၊အိမ်ထောင်ရေး ပုံမှန်အနေအထားတွင်ရှိနေမည်။ပညာရေး ကြိုးစားရန်လိုသည်။ကြိုးစားနိုင်မှ တန်ကာကျသော အခြေအနေမျိုးတွင် ရှိနေမည်။
ယတြာ-- တနင်္ဂနွေနေ့ တွင် အိမ်ကဘုရားတွင် မုန့်လုံးရေပေါ် ၊(၁၁)လုံး ကပ်လှူပေးပါ။
----
တနင်္လာ သား/သမီး
လုပ်ငန်းတွင် ကြိုးစားသလောက် တိုးတက်မှုမရဖြစ်နေတတ်သော်လည်းပုံမှန် လည်ပတ်နေနိုင်မည်။ငွေကြေး ပုံမှန်သဘော ရရှိနေမည်။ပေးဆပ်စရာ အချို့ကြောင့် ခေါင်းခဲနေရတတ်မည်။ကျန်းမာရေး တွင် အစာအိမ်၊အသည်း၊အစာလမ်းကြောင်းဆိုင်ရာထဲမှ သတိပြုရမည်။အချစ်ရေး အဆင်ပြေ၍ ပျော်ရွှင်ရမည်။အိမ်ထောင်ရေး အဆင်ပြေ သာယာနေမည်။ပညာရေး ကံကောင်းမွန်၍၊အဆင့်မြင့်ပညာများသင်ယူခွင့်ကြုံမည်။
ယတြာ- တနင်္လာနေ့ မွန်းလွဲပိုင်းတွင် ဘုရား မွေးနံထောင့်၌ ကံ့ကော်(၁၅)ညွန့် လှူပေးပါ။
----
အင်္ဂါ သား/သမီး
လုပ်ငန်းအဆင်ပြေ၍ တိုးတက်မှုအချို့ ကြုံမည်။ငွေကြေး ပုံမှန်ဝင်နေသော်လည်း၊ရရန်ငွေကြေး အချို့ ကြန့်ကြာနေတတ်မည်။ကျန်းမာရေး ကောင်းမွန်နေပေမည်။ယာဥ်ကားထိခိုက်မှု(accident)သတိပြုပါ။အချစ်ရေး တစ်ဦးပေါ်တစ်ဦး အထင်မှားမှုမျိုး ကြုံနေရတတ်မည်။အိမ်ထောင်ရေး အဆင်မပြေ၊တကျက်ကျက် ဖြစ်နေတတ်မည်။ပညာရေးကံ ကောင်းမွန်နေသော်လည်း၊ယာယီ ရပ်နားရမှုမျိုး ကြုံရတတ်မည်။
ယတြာ-- အင်္ဂါနေ့ မွန်မလွဲမီ စာကလေး(၃) ကောင် လွှတ်ပေးပါ။
------
ဗုဒ္ဓဟူး သား/သမီး
လုပ်ငန်း တိုးတက်အောင်မြင်မှုများကြုံပြီး၊တိုးချဲ့လုပ်ကိုင်ရန်ပင် ဖြစ်လာတတ်မည်။ငွေကြေး ပုံမှန်လည်ပတ်နေမည်။သို့သော် ပေးစရာအချို့ကြောင့် အကြပ်အတည်း ကြုံရတတ်မည်။ကျန်းမာရေး ပြဿနာအထူးမရှိပါ။လက်ရှိရောဂါဝေဒနာတခုခု ခံစားနေရသူများ ပျောက်ကင်းသက်သာမှု နှေးကွေးနေတတ်မည်။အချစ်ရေး ဆုံတွေ့ရတိုင်း စကားများရန်ဖြစ်နေရတန်မည်။တစ်ဦးပေါ်တစ်ဦး နားလည်မှုရှိရန်လိုပါမည်။အိမ်ထောင်ရေး ပြဿနာအထူးမရှိပါ။ပညာရေးကံ ကောင်းမွန်နေ၍နိုင်ငံခြား ပညာသင်ယူခွင့် ကြုံမည်။
ယတြာ-- ဗုဒ္ဓဟူးနေ့ မွန်းမလွဲမီငါး(၁၇)ကောင် ဘေးမဲ့ လွှတ်ပေးပါ။
----
ကြာသပတေး သား/သမီး
အလုပ်အကိုင် ပုံမှန်လည်ပတ်နေနိုင်သော်လည်း၊အဆင်မပြေမှု အချို့ ကြုံနေရတန်မည်။ငွေကြေး ပုံမှန်လည်ပတ်နေနိုင်မည်။ကျန်းမာရေး အာရုံကြောရောဂါ၊ခေါင်းကိုက်ခြင်း၊ခြေထောက်ပိုင်း အကြောအားနည်းခြင်းများ ကြုံရတန်မည်။အချစ်ရေး ကြားလူနှောင့်ယှက်၍ စိတ်ရှုပ်ရတတ်မည်။အိမ်ထောင်ရေး အခြေအနေ အထူးကောင်းမွန် အဆင်ပြေနေမည်။ပညာရေး ကြိုးစားချင်စိတ်ပျောက်နေတတ်မည်။
ယတြာ--- ကြာသပတေးနေ့ မွန်းလွဲပိုင်းတွင် ဘုရားမွေးနံထောင့်၌ ပဲဆီဖြင့် ဆီမီး(၅)ခွက် ထွန်းညှိပူဇော်ပေးပါ။
----
သောကြာ သား/သမီး
အလုပ် ပုံမှန်အခြေအနေတွင်ရှိ၍ အထစ်အငေါ့လအချို့ ကြုံရတန်မည်။ငွေကြေး အဆင်ပြေစွာ ရရှိနေမည်။ကျန်းမာရေး
ကောင်းမွန်နေမည်။အမျိုးသမီးဇာတာရှင်များသွေးသားမမှန်ခြင်း သတိပြုရမည်။အချစ်ရေး အဆင်ပြေ၍ ချစ်ခရီးလမ်း ဖြောင့်ဖြူးသာယာနေမည်။အိမ်ထောင်ရေး တစ်ယောက်တစ်နေရာ နေရသကဲ့သို့ အဖြစ်မျိုးကြုံနေရတန်မည်။ပညာရေး အဆင်မပြေ၊
ရပ်နားရန် ဖြစ်လာရန်မည်။
ယတြာ-- သောကြာနေ့ နံနက် ၁၁-၄၅ နာရီတွင် ဘုရားမွေးနံထောင့်တွင် ရေသက်စေ့ သပ္ပာယ်ပေးပါ။
----
စနေ သား/သမီး
လုပ်ငန်း တိုးတက်မှု ရှိနေမည်။ငွေကြေး ဖြေးဖြေးမှန်မှန် တိုးတက်ရရှိနေမည်။ကျန်းမာရေး အညံ့ရှိ၍ စိတ်ဖိစီးမှု၊အာရုံကြော၊ဦးနှောက်သွေးကြောဆိုင်ရာ ပြဿနာ သတိပြုပါ။အချစ်ရေး ပြဿနာအထူးမရှိပါ။သို့သော် ယာယီ အဆက်အသွယ်ပြုမရ ဖြစ်နေတတ်မည်။အိမ်ထောင်ရေး အဆင်ပြေနေမည်။ပညာရေး ပုံမှန်သဘောဆောင်၍ ကြိုး စားသလောက် အောင်မြင်မှုများရရှိပေမည်။
ယတြာ-- ဘုရား စနေထောင့်တွင် မွေးနေ့ မွန်းမလွဲမီ ဘုရားမွေးနံ ထောင့်၌ အလင်းတိုင် အပြာရောင်(၁၀)တိုင် ထွန်းညှိပူဇော်ပေးပါ။
ဆရာဝင်းမင်း(B.Sc)
