ပြည်ထောင်စုအဆင့်ကျင်းပသည့် MSME ထုတ်ကုန်ပြပွဲနှင့် ပြိုင်ပွဲကို ဖေဖော်ဝါရီ ၁၆ ရက်နေ့အထိ တိုးမြှင့်ကျင်းပမည်

 ဖေဖော်ဝါရီ ၁၄

နေပြည်တော် တပေါင်းကွင်းတွင် ကျင်းပလျက်ရှိသော ၂၀၂၅ ခုနှစ် ပြည်ထောင်စုနေ့အထိမ်းအမှတ် ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲများကို ဖေဖော်ဝါရီ ၁၆ ရက်နေ့အထိ တိုးမြှင့်ကျင်းပသွားမည်ဖြစ်ကြောင်း သိရသည်။

အဆိုပါ ပြပွဲနှင့် ပြိုင်ပွဲများကို ယခင်က ဖေဖော်ဝါရီ ၁၄ ရက်နေ့အထိသာ ကျင်းပရန် စီစဥ်ထားခဲ့သော်လည်း ယခုအခါ ကြည့်ရှုသူပရိသတ် များပြားခြင်းနှင့် ရက်တိုးမြှင့်ပြသရန် တောင်းဆိုမှုများ ရှိလာသဖြင့် ပြပွဲ၊ ပြိုင်ပွဲအား ဖေဖော်ဝါရီလ ၁၅ ရက်နှင့် ၁၆ ရက် ၂ ရက် တိုး၍ ကျင်းပရခြင်းဖြစ်သည်။

ထိုပြပွဲနှင့်ပြိုင်ပွဲတွင် စက်မှုဝန်ကြီးဌာနပြခန်း၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနပြခန်း၊ သမဝါယမနှင့်ကျေးလက်ဖွံ့ဖြိုးရေးဝန်ကြီး ဌာနပြခန်း၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနပြခန်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနပြခန်းအပါအဝင် ပြခန်းပေါင်း ၉၆ ခန်း ပါဝင်ပြသလျှက်ရှိကြောင်း သိရသည်။

#centralnewsnaypyitaw

၂၀၂၄ ခုနှစ်အတွင်း ဖြစ်ပွားခဲ့သည့် ပဋိပက္ခများကြောင့် မြန်မာနိုင်ငံတွင် ကလေးငယ် ၇၅၀ ဦး ထိခိုက်သေဆုံးခဲ့ရဟု ကုလသမဂ္ဂ ပြော

ဖေဖော်ဝါရီ ၁၄

၂၀၂၄ ခုနှစ်အတွင်း ဖြစ်ပွားခဲ့သည့် ပဋိပက္ခများကြောင့် ကလေးငယ် ၇၅၀ ဦး သေဆုံး (သို့မဟုတ်) ထိခိုက်ဒဏ်ရာရခဲ့ပြီး ကလေးငယ်များ ထိခိုက်သေဆုံးမှုအရေအတွက်က ဆက်လက်မြင့်တက်လျက်ရှိနေကြောင်း ကုလသမဂ္ဂ အဖွဲ့အစည်းဖြစ်သော UNICEF က ဖော်ပြလိုက်သည်။

မြန်မာနိုင်ငံ၏ အခြေခံဝန်ဆောင်မှုများ ပြိုလဲလုနီးပါးအခြေအနေသည် ကလေးငယ်များနှင့် မိသားစုများအား အန္တရာယ်တွင်းထဲသို့ တွန်းပို့လျက်ရှိနေကြောင်း၊ ကိုဗစ်-၁၉ ကြောင့် ယိုယွင်းနေပြီးဖြစ်သော ပြည်သူ့ကျန်းမာရေးစောင့်ရှောက်မှုစနစ်သည် ယခုအခါ ပဋိပက္ခများ၊ မလုံခြုံမှုနှင့်
ကျန်းမာရေးလုပ်သားများ အစုလိုက်ထွက်ခွာမှုများကြောင့် အကြီးအကျယ်ထိခိုက်ပျက်စီးကာ ကလေးငယ်များစွာမှာ အရေးကြီးသောကျန်းမာရေးစောင့်ရှောက်မှုများ မရရှိကြောင်း UNICEF က သတင်းထုတ်ပြန်ထားသည်။

မြန်မာနိုင်ငံရှိ ကလေးငယ်ဦးရေ ၁ သန်းကျော်သည် အရေးကြီးသော ကာကွယ်ဆေးထိုးနှံမှုများ လက်လှမ်းမမှီဖြစ်နေပြီး တစ်ကမ္ဘာလုံး၌ မြန်မာနိုင်ငံသည် ကာကွယ်ဆေး လုံးဝမထိုးရသေးသည့် ကလေးအများအပြားရှိသော နိုင်ငံတစ်ခုဖြစ်လာနေကာ အသက်အန္တရာယ်ဖြစ်စေနိုင်သော ရောဂါများ ဖြစ်ပွားနိုင်ခြေ မြင့်တက်လာဖွယ်ရှိနေကြောင်း သိရသည်။

ကလေးငယ် ၅ သန်းနီးပါးသည် ပညာသင်ကြားခွင့်မရဘဲ ၎င်းတို့၏ သင်ယူလေ့လာနိုင်မည့် အခွင့်အလမ်းများကို လက်လွတ်ဆုံးရှုံးထားရသကဲ့သို့ ပဋိပက္ခတွင် ပါဝင်သူများ၏ အတင်းအဓမ္မ လူသစ်စုဆောင်းခံရခြင်း၊ ကလေးလုပ်သားအဖြစ်အသုံးပြုခံရခြင်း၊ အသက်မပြည့်မီ/အတင်းအကြပ် လက်ထပ်ထိမ်းမြားခံရခြင်းနှင့် ခေါင်းပုံဖြတ်ခံရခြင်းတို့အပါအဝင် ဆိုးရွားပြင်းထန်သော အန္တရာယ်များနှင့် ကြုံတွေ့နေကြရသည်ဟု ထုတ်ပြန်ချက်တွင် ပါရှိသည်။

#သတင်းဟင်းလေးအိုးကြီး

ဘက်တစ်အတွက် ဥရောပပွဲဦးထွက်မှာ အန်တိုနီဂိုးသွင်း

ဖေဖော်ဝါရီ ၁၄

ယူနိုက်တက်အသင်းကနေ အငှားနဲ့လာရောက်ကစားနေတဲ့ တောင်ပံကစားသမား အန်တိုနီဟာ ဘက်တစ်အသင်း အတွက် ဥရောပပွဲဦးထွက်ခဲ့တဲ့ ဂျန့်အသင်းနဲ့ ကွန်းဖရန့်လိဂ်ပွဲစဉ်မှာ ဂိုးသွင်းနိုင်ခဲ့ပါတယ်။

ဘက်တစ်အသင်းက ဂျန့်အသင်းကို ၃ ဂိုး-ဂိုးမရှိနဲ့ အနိုင်ရခဲ့တဲ့ ကွန်းဖရန့်လိဂ်ပလေးအော့ဖ် ပထမအကျော့ပွဲစဉ်မှာ အန်တိုနီဟာ အသင်းအတွက် ပွဲချိန် ၄၇ မိနစ်မှာ လှပတဲ့သွင်းဂိုး သွင်းယူနိုင်ခဲ့တာပါ။

ဘက်တစ်အသင်းအတွက် နောက်ထပ် သွင်းဂိုးတွေကို ဘာကမ်ဘူနဲ့ အယ်လ်တီမီရာတို့က သွင်းယူခဲ့တာ ဖြစ်ပါတယ်။

အန်တိုနီဟာ ပြီးခဲ့တဲ့ ဆယ်လ်တာဗီဂိုအသင်းနဲ့ လာလီဂါ ပွဲစဉ်မှာလည်း ဂိုးသွင်းနိုင်ခဲ့တာကြောင့် ဘက်တစ် အသင်းအတွက် ၂ ပွဲဆက်တိုက် ဂိုးသွင်းယူနိုင်ခဲ့တာပါ။

အန်တိုနီဟာ ယူနိုက်တက်အသင်းကနေ ရောက်ရှိလာပြီးကတည်းက ဘက်တစ်အသင်းအတွက် ၃ ပွဲ ကစားထား ပြီး ၂ ဂိုးသွင်းယူကာ ခြေစွမ်းပြသနေတာ ဖြစ်ပါတယ်။

ဘက်တစ်အသင်းဟာ အန်တိုနီကို အငှားစာချုပ် ကုန်ဆုံးမယ့် ရာသီအကုန်မှာ အပြီးသတ် ဝယ်ယူနိုင်ဖို့ မျှော်လင့်နေတာပါ။

ဒါပေမယ့် အန်တိုနီရဲ့ အငှားစာချုပ်ထဲမှာ အပြီးသတ် ဝယ်ယူခွင့် မပါဝင်တာကြောင့် ကစားသမားဟာ ရာသီကုန်ချိန်မှာ ယူနိုက်တက်အသင်းထံ ပြန်သွားရမှာဖြစ်ပါတယ်။

အန်တိုနီကတော့ သူဟာ ဘက်တစ်အသင်းမှာ အလွန်ပျော်ရွှင်နေပြီး ဂျန့်အသင်းနဲ့နိုင်ပွဲက သူတို့ကို ဘယ်တော့မှ မရပ်တန့်ဘဲ အားပေးနေတဲ့ ပရိသတ်တွေအတွက်လို့ ပြောခဲ့တာပါ။

ဘက်တစ်အသင်းဟာ ဂျန့်အသင်းကို အဝေးကွင်းမှာ အနိုင်ရခဲ့တာကြောင့် ၁၆ သင်းအဆင့်ကို တက်ရောက်နိုင်ဖို့ အခြေအနေ ကောင်းသွားခဲ့ပြီဖြစ်ပါတယ်။

ဘက်တစ်အသင်းဟာ လာမယ့် လာလီဂါပွဲစဉ်အဖြစ် ဆိုစီဒက်အသင်းကို အိမ်ကွင်းယှဉ်ပြိုင်ရမှာဖြစ်ပြီး လိဂ်မှာ ၂ ပွဲ ဆက်တိုက် နိုင်ပွဲပျောက်ဆုံးတာကို အဆုံးသတ်နိုင်ဖို့ မျှော်လင့်နေတာဖြစ်ပါတယ်။

Source: BBC

ပုံ - အန်တိုနီကို တွေ့ရစဉ်

#ဘောလုံးသတင်းစုံ

ချစ်သူများနေ့မှာ မင်္ဂလာနှစ်ပတ်လည် ၁ နှစ်ပြည့်ခဲ့ပြီဆိုတဲ့ နေရဲ 🥰
သူ့ရဲ့ ဇနီးဖြစ်သူနဲ့အတူ လွန်ခဲ့တဲ့ နှစ် ဒီနေ့လေးမှာပဲ မင်္ဂလာပွဲကျင်းပခဲ့ကြတာပါ။ ဖေဖော်ဝါရီ ၁၄ ဒီနေ့ ချစ်သူများနေ့လေးကတော့ သူတို့ရဲ့ မင်္ဂလာနှစ်ပတ်လည် ၁ နှစ်ပြည့်လေးပါ။ သူတို့နှစ်ဦးစိတ်ကူးယဉ်ထားတဲ့ မိသားစုဘဝလေးကို အမြန်ဆုံးပိုင်ဆိုင်ရရှိနိုင်အောင် အကောင်အထည်ဖော်ကြမယ်လို့လည်း ကတိပေးလိုက်ပါသေးတယ်။

#celenews

သူဌေးကြီးမှန်း မသိပဲ ရိုင်းပြစွာဆက်ဆံမိသောအခါ? <br>(တစ်ပိုင်းတည်းအပြီး)

Antony Goal
အန်တိုနီကတော့ ရော်ဘင်ကစ်တွေပါ လုပ်ပြနေပြီ။ ညက ယူရိုပါကွန်ဖရင့်လိဂ်မှာ ဂျန့်ခ်ဘက်ကို ကန်သွင်းသွားတာများ ငြိမ်နေတာပဲ။ ညာတောင်ပံဘက်ကနေ အတွင်းထဲချိုးဝင်ပြီး ဘယ်ခြေနဲ့ ကန်သွင်းသွားတာက ရော်ဘင်ရဲ့ trademark ကိုတောင် ပြန်သတိရချင်စရာပါ။
ဘက်တစ်အတွက် ၃ပွဲကစားအပြီး ၂ဂိုးသွင်းကာ အန်တိုနီ‌ ခြေစွမ်းပြနေပါပြီ။ ယူနိုက်တက်ကို ရောက်ခါစတုန်းကလို ပုံစံမျိုးပါ။ ဒါကို သူ ရေရှည်ထိန်းထားနိုင်မလားဆိုတာ ကြည့်ရမယ်။ သူ လုပ်နိုင်ခဲ့မယ်ဆိုရင်တော့ ဘက်တစ်အတွက်ရော၊ သူ့အတွက်ပါ အရမ်းကောင်းတဲ့ ပေါင်းစပ်မှုဖြစ်လာတော့မှာပါ။
ဂိုးသွင်းအပြီး ဘက်တစ်လိုဂိုကိုပါ လက်ညိုးထိုးအောင်ပွဲခံသွားလို့ ပရိသတ်တွေ ပိုသဘောကျစရာ ဖြစ်နေပြန်ပါတယ်။ ဘရာဇီးလ်သားက ပရီးမီးယားလိဂ်နဲ့ သိပ်ကီးမကိုက်ဘူးထင်ပါတယ်။ ဟော်လန်နဲ့ စပိန်မှာ သူ ကောင်းကောင်းလုပ်ပြနေပြီး ဖိအားမရှိလေ ပိုကောင်းကောင်းကစားနိုင်လေဆိုတဲ့ သူမျိုးလို့ ဆိုရပါမယ်

အစာအိမ် အူလမ်းကြောင်းကျန်းမာစေပြီး
သွေးအားနည်းတာမျိုးမဖြစ်အောင် ကာကွယ်ပေးတဲ့ လယ်ပတူ
လယ်ပတူကို မန်ကျည်းမှည့်လေးနဲ့ ပြုတ်လို့ တို့စားလို့ ရသလို ပြုတ်ပြီးသားကို ဆီချက်၊ ကြက်သွန်နီ၊ မြေပဲထောင်၊ ပုစွန်ခြောက်ထောင်း၊ သံပုရာရည်လေးတွနဲ့ အချိုအငန်ထည့်လိူ့ သုပ်စားလို့လည်း ရပါတယ်။ ဒီလိုမျိုး ပြုတ်တို့တို့ သုပ်စားစား စားလို့ကောင်းတဲ့ လယ်ပတူဟာ အလွန်ဆေးဖက်ဝင်ပါတယ်။
သွေးအားနည်းတာမျိုး မဖြစ်အောင် ကာကွယ်ပေးတယ်
လယ်ပတူမှာ သံဓာတ် ပါဝင်နေတာကြောင့် သွေးနီဥဆဲလ် အရေအတွက်ကို တိုးစေနိုင်သလို သွေးအား နည်းတာမျိုး မဖြစ်အောင် ကာကွယ်ပေးပါတယ်။ ရာသီလာချိန်မှာ သံဓာတ် အားနည်းတာမျိုး မဖြစ်အောင် ကာကွယ်ပေးပါတယ်။
သံဓာတ်ချို့တဲ့ သွေးအားနည်းရောဂါ ခံစားနေရသူတွေအတွက် အထူးသင့်တော်ပါတယ်။
ဆီးချို ရောဂါ သက်သာစေတယ်
လယ်ပတူရဲ့ ကျန်းမာရေး အာနိသင် တစ်ခုကတော့ သွေးတွင်းသကြားဓာတ်ကို ထိန်းညှိပေးနိုင်ပြီး ဆီးချို ရှိသူတွေမှာ ရုတ်တရက် သွေးတွင်းသကြားဓာတ် မြင့်တက်တာမျိုး မဖြစ်စေဖို့ ကာကွယ်ပေးနိုင်ပါတယ်။ အလွန်အကျွံ မစားဖို့ လိုသလို
ဆေးနဲ့ တွဲသောက်တာမျိုး မလုပ်ဖို့ လိုပါမယ်။
အရောင်ကျစေနိုင်တယ်
လယ်ပတူမှာ ဓာတ်တိုးဆန့်ကျင်ပစ္စည်းတွေ ပါဝင်နေတာကြောင့် ခန္ဓာကိုယ်တွင်းကိုယ်ပက ရောင်ရမ်းမှုတွေကို သက်သာစေနိုင်ပါတယ်။
ဖောရောင်တာကို သက်သာစေနိုင်တယ်
လယ်ပတူရဲ့ နောက်ထပ် ကျန်းမာရေး အာနိသင် တစ်ခုကတော့ ဖောရောင်တာကို သက်သာစေနိုင်တာပါ။ ရောင်ရမ်းမှုကို သက်သာစေနိုင်သလို ခြေဆစ်လက်ဆစ်တွေမှာ အရည်တွေ စုပြီး ဖောရောင်တာကို သက်သာစေနိုင်ပါတယ်။
အစာခြေစနစ် ကျန်းမာစေတယ်
လယ်ပတူမှာ အမျှင်ဓာတ် ကြွယ်ဝစွာ ပါဝင်နေတာကြောင့် အစာခြေစနစ်ကို ကျန်းမာစေပြီး ဝမ်းမှန်စေနိုင်သလို အစာအိမ်အူလမ်းကြောင်း ကျန်းမာစေဖို့ ထောက်ကူပေးနိုင်ပါတယ်။ ဝမ်းပျက်ဝမ်းလျှောတာကို သက်သာစေနိုင်ပါတယ်။
အသည်း ကျန်းမာစေတယ်
လယ်ပတူက ဓာတ်တိုးဆန့်ကျင်ပစ္စည်း ပါဝင်နေတာကြောင့် ကိုယ်တွင်းက အဆိပ်အတောက်တွေကို ဖယ်ရှားပေးသလို အသည်းကို ကျန်းမာစေဖို့ ထောက်ကူပေးပါတယ်။
ကိုယ်ခံအား ကောင်းစေတယ်
လယ်ပတူမှာ ဗီတာမင် C ပါဝင်နေတာကြောင့် ကိုယ်ခံအား ကောင်းစေဖို့ ထိထိရောက်ရောက် ထောက်ကူပေးနိုင်ပါတယ်။
ဘက်တီးရီးယားတွေကို တိုက်ဖျက်ပေးတယ်
လယ်ပတူက ဘက်တီးရီးယားတွေကို တိုက်ဖျက်ပေးနိုင်တဲ့ အာနိသင် ရှိပြီး အနာတွေကို သက်သာစေနိုင်သလို ဘက်တီးရီးယားတွေကြောင့် ကျန်းမာရေး ထိခိုက်တာမျိုး မဖြစ်စေဖို့ အသုံးပြုပေးလို့ ရပါတယ်။
အကိုက်အခဲ ပျောက်စေတယ်
လယ်ပတူရဲ့ နောက်ထပ်အာနိသင် တစ်ခုကတော့ နာကျင် ကိုက်ခဲမှုတွေကို သက်သာစေတာပါ။ ဒါကြောင့် နာကျင်ကိုက်ခဲမှုကို သက်သာစေဖို့ လယ်ပတူကို စားပေးလို့ ရပါတယ်။
အနာကျက်စေနိုင်တယ်
အနာကျက်စေနိုင်တဲ့ အာနိသင် ရှိတာကြောင့် ထိခိုက်ဒဏ်ရာတွေကို အနာကျက်စေဖို့အတွက် လယ်ပတူရွက်ကို အသုံးပြုပေးလို့ ရပါတယ်။
လယ်ပတူရွက်က ဆေးဖက်ဝင်တယ်ဆိုပေမယ့် အလွန်အကျွံ စားမယ်ဆိုရင် အန္တရာယ်ဖြစ်နိုင်ပါတယ်။ရောဂါအခံရှိသူတွေ အနေနဲ့ ဆရာဝန်နဲ့ တိုင်ပင်ပြီးမှ စားပေးသင့်ပါတယ်။ ဆေးတွေနဲ့ တွဲသောက်တာမျိုး မလုပ်ပါနဲ့။ ကိုယ်ဝန်ဆောင်တွေ နို့တိုက်မိခင်တွေအနေနဲ့ ဆရာဝန်နဲ့ တိုင်ပင်ပြီးမှ စားပေးပါ။
ကျန်းမာရေးဗဟုသုတများ ရရှိစေရန် ဆေးအိမ်ကြီး ဆေးဆိုင်မှ တဆင့် ပြန်လည် မျှဝေပေးခြင်းဖြစ်ပြီး
ဆေးအိမ်ကြီးဆေးဆိုင်မှ ရရှိနိုင်သောတိုင်းရင်းဆေးများကိုလည်း ဝင်ရောက်လေ့လာ မေးမြန်းနိုင်ပါတယ်နော်
#crd
#ကျန်းမာရေးဗဟုသုတများ

နွားထီးသုံးကောင်နှင့်ခြင်္သေ့ပုံပြင်
***********************
တစ်ခါက ခြင်္သေ့တစ်ကောင်ဟာ လယ်ကွင်းပြင်ကြီးထဲမှာ မြက်စားနေတဲ့ နွားထီးသုံးကောင်ကို ချောင်းမြောင်း နေပါတယ်။ ခြင်္သေ့ကြီးဟာ နွားတွေကိုတိုက်ခိုက်ဖို့ အကြိမ် ကြိမ် ကြိုးစားခဲ့ပေမဲ့ နွားထီးတွေက ခြင်္သေ့ကြီးကို တစ်စုတစ်စည်းတည်း မောင်းထုတ်နိုင်ဖို့အတွက် တစ်ကောင် နဲ့ တစ်ကောင် ကူညီကြပါတယ်။

ခြင်္သေ့ကြီးဟာ နွားထီး တို့ရဲ့ သန်မာလှတဲ့ ဦးချိုတွေနဲ့ ခွာတွေကို မယှဉ်နိုင်တဲ့ အတွက်ကြောင့် နွားထီးတွေကို စားရဖို့ နည်းနည်းလေး တောင် မျှော်လင့်ချက်မရှိပါဘူး။

တစ်နေ့မှာတော့ အဲဒီနွားထီးသုံးကောင်ဟာ ခိုက်ရန်ဖြစ်ပွားကြသတဲ့။ အဲဒီအချိန်မှာ ဆာလောင်နေတဲ့ ခြင်္သေ့ကြီးဟာ သူ ပြုမူနေကျအတိုင်း သူ့နှုတ်ခမ်းတွေကို လျှာနဲ့လျက်ရင်း နွားထီးတွေဆီ လှမ်းကြည့်လိုက်ပြီးလာခဲ့ ပါတယ်။

နွားထီးတွေဟာ သင်းကွဲနေပြီး လယ်ကွင်း ပြင်ကြီးရဲ့ ထောင့်တွေမှာ တစ်ကောင်နဲ့တစ်ကောင် တော်တော်ကြီး ဝေးနေလေရဲ့။

ဒါကြောင့် ခြင်္သေ့ကြီးဟာ တိုက်ခိုက်ဖို့ လွယ်ကူသွားပြီး တစ်ကြိမ်ကို တစ်ကောင်ဆိုသလို အားရ ပါးရနဲ့ မြိန်ရေရှက်ရေ စားသောက်လိုက်တော့တာပေါ့ ကွယ်။

ဒါကြောင့် ကလေးတို့ရေ လောကမှာ အချင်းချင်း စည်းလုံးညီညွတ်ခြင်းဟာ ကြီးမားတဲ့ အင်အားတစ်ခုကို ဖြစ်စေတယ်ဆိုတာကို သတိပြုနိုင်ကြပါစေကွယ်။

Credit

ပုစွန်ရေညှိ

ပုစွန် ၁၅ကျပ်သား(အခွံခွာနုပ်နုပ်စင်းထားပါ)
ငါးဖယ် ၅ကျပ်သား (ထောင်းထားပါ)
ပြောင်းမှုန် ၂ဇွန်း
ဥနီ တဝက်(ခြစ်ထားပါ)
ကြက်သွန်မိတ် ၃ပင်(ပါးပါးလှီးထားပါ)
ဆား
သကြား
ငရုတ်ကောင်း
ကြက်သွန်ဖြူ/ဂျင်း ၁ဇွန်း(ထောင်းပြီရည်)

ပါဝင်ပစ္စည်းများကိုရောနယ်ထားပါ။ပေါင်းမည့်အိုးထဲမှပုဂံထဲသို့ ကြိုက်နှစ်သက်ရာဆောစ့်သံလွင်ဆီနှမ်းဆီမွှေးအနည်း
ငယ်ဆီထည့်၍ ၁၅မိနစ်ခန့်ပေါင်းလျှင်ရပါပြီ။ရေညှိလိပ်ပေါ်သို့
နံနံပင်(သို့)ကြက်သွန်မိတ်တင်ပြီးအလှဆင်လို့ရပါတယ်။

credit-