ကနေ့ခေတ်မှာ EV တစ်စီးကနေ မြင်းကောင်ရေထောင်ကျော်ကို အသာလေးထုတ်ပြနေကြတာဟာ ပြောရရင် ထူးဆန်းမနေတော့တာအမှန်ပဲ။ ဒါနဲ့ပတ်သက်ပြီးလည်း ကျွန်တော်အမြဲလိုလိုပြောဖူးပါတယ်။ တကယ်တော့ ဒီ Trend က ကျွန်တော်တို့ automotive industry တစ်ခုတည်းမှာပဲ ဖြစ်နေတာမဟုတ်ပြန်ဘူးဗျ။ ကျွန်တော်တို့ နေ့စဥ်အသုံးပြုနေကြတဲ့ smartphones တွေမှာလည်း ထိုနည်းလည်းကောင်းပဲ။
Snapdragon ဆီကနေ Chipset အသစ်ထွက်လာပြီဟေ့ဆိုတာနဲ့ smartphones ကုမ္ပဏီတွေကလည်း သူ့ထက်ငါအရင်ဦးအောင် ဒီ Chipset တွေကို ထည့်ချင်ကြသလို၊ ထည့်လည်းထည့်နေကြပါတယ်။ တကယ်လည်း ဒီ Chipset တွေက စက္ကန့်မျှအချိန်လေးအတွင်းမှာပဲ သန်းပေါင်းများစွာသော operations တွေကိုလုပ်ဆောင်နိုင်သလို၊ computing power ကျွတ်ဆင်ကြီးနဲ့လာတာ မှန်ပေမယ့် software optimizations နဲ့ battery life တို့လို တစ်ခြားသော factors တွေကို ကောင်းကောင်းမကိုင်တွယ်ထားတဲ့ smartphone ထုတ်လုပ်သူတွေကြောင့် တစ်ဖက်မှာထိခိုက်နစ်နာရတာက သုံးစွဲသူတွေရဲ့ user experience ဗျ။
ကနေ့ခေတ် EV တွေကိုကြည့်လိုက်ပါ။ Model S Plaid နဲ့ Lucid Air Sapphire တို့ဆိုတာ သာမန် Supercar တစ်စီးမှာတောင် တွေ့ရခဲတဲ့ မြင်းကောင်ရေထောင်ကျော်ကို အသားလေးထုတ်ပြထားကြတာဗျ။ သို့ပေမယ့်လို့ Sedan တစ်စီးဆိုသည့်တိုင် Urus လောက် အလေးချိန်စီးနေတာကို မဖြေရှင်းနိုင်သေးသ၍တော့ ကောင်းမွန်တဲ့ driving engagement quality တစ်ခု မရနိုင်သေးဘူးလို့ပဲ ဆိုရလိမ့်မယ်။
အောက်ကပုံထဲမှာ မြင်တွေ့ရတဲ့ camouflage အုပ်ထားတဲ့ကားက နောင်လာမည့် M3 မျိုးဆက်ရဲ့ EV version ပါ။ EV ဆိုတာ ထားအုံးတော့ G90 M5 တောင် Hybrid ဖြစ်သွားတဲ့အတွက် power-to-weight ratio ချလိုက်ရင် F90 ထက် သိသာတဲ့ improvement တစ်ခုမဟုတ်ဘူးဆိုတာ ကိုယ့်လူတို့ မျက်မြင်ပါ။ ဆိုတော့ကာ Hybrid မှာကတည်းက weight နဲ့ပတ်သက်ပြီး အတော်လေး struggle ဖြစ်ခဲ့ရတဲ့ BMW အနေနဲ့ M3 EV မှာရော အလေးချိန်ပိုစီးလာအုံးမယ့် Battery packs တွေရဲ့ weight ကို ဘယ်လိုကိုင်တွယ်မလဲ? Weight ကိုမလျှော့ဘဲ Power ချည်း မိုးထိအောင်တက်ထုတ်ပြီး handling နဲ့ braking စတာတွေကို စတေးပေးရအုံးမှာလား?
ဝမ်းသာစရာကတော့ BMW အနေနဲ့ M3 အသစ်ကို ICE ရော EV ရော ဗားရှင်းနှစ်မျိုးစလုံးနဲ့ ထုတ်သွားမယ် ဆိုတာပါ။ သေချာတာတစ်ခုကတော့ EV ဗားရှင်းမှာ Total Output တစ်ထောင်မကျော်ရင်တောင် အဲ့နီးနီးတော့ ထွက်ပါလိမ့်မယ်။ ဒါ့ကြောင့် ရွေးချယ်ရမှာက Performance ပိုကောင်းမယ့် EV ဗားရှင်းကို ရွေးမလား? Personality အပြည့်နဲ့ ICE ဗားရှင်းကိုပဲ ရွေးမလားဆိုတာပါ။

Part-2
*သောကြာပိုင်းအစ ဒို့ကျောင်းသားက

ဒဂုန်ဦးစန်းငွေရေးတဲ့ “ဒို့စကား၊ ဒို့စာ၊ ဒို့သဒ္ဒါ”စာအုပ်ကို ဆရာနိုး ဝေဖန် ရေးနဲ့ပတ်သက်လို့ ကျွန်တော့်ခံစားချက်ကို ဆရာမိုးအား ပြောပြဖူးတယ်။ ကျွန်တော် ခံစားရတာက “ဒဂုန်ဦးစန်းငွေစာအုပ်” “ဖြင့်နဲ့နှင့်” အကြောင်းဖတ်ရတော့ ကျွန်တော်တို့ စာရေးရမှာ လက်တွန့်သွားပြီး မိမိတို့ရေးခဲ့တာတွေ မှားနေသလား ဆိုပြီး စာရေးရမှာ ကြောက်သွားကြောင်း ပြောပြတယ်။ နောက်တော့ “ဆရာနိုး” ရေးတဲ့ ဝေဖန်စာကိုဖတ်ပြီးတော့မှ ဆရာကြီး ဒဂုန်ဦးစန်းငွေရေးသလိုကြီးလည်း မဟုတ်သေးဘဲကိုး။ ဆရာကြီးက ပါဠိတတ်သယောင်၊ ဗမာစာတတ်သယောင်နဲ့ ယောင်ဝါးဝါးရေးထားတယ်လို့ ဆိုထားတာကိုး။ ဒီတော့မှ အားတက်လာတယ်။ ဆရာနိုးရေးတဲ့ ဝေဖန်စာမှာ ကျွန်တော်ခံစားလိုက်တာက ဒဂုန်ဦးစန်းငွေတည်း ဟူသော ပုဂ္ဂိုလ်ကြီးကို ပရိသတ်ရှေ့မှာ စင်ပေါ်တင်ပြီး ဘာမှမတတ်ဘူး၊ ဒါပဲ ရှိတယ်ဆိုတဲ့သဘောနဲ့ သင်ကြီးလှန်ပြလိုက်သလို။ ဒီနေရာမှာ ဆရာက ရပ်မထား သေးဘဲ လှန်ထားတာကြီးကို ဆရာက တံတွေးနဲ့ထွေးသွားသေးလို့ ကျွန်တော်ခံစား မိတာကို ဆရာမိုးအားပြောပြတော့ ဆရာက ကျွန်တော့်ကိုမြှောက်ပေးတယ်။ ည စားပွဲသောက်ပွဲ စာပေပွဲကျတော့ပြောပါ ဝေဖန်ပါတဲ့။ ကျွန်တော်လည်း အရှိန် ရလာတော့ ဆရာနိုး ပြောပြတယ်။ ဆရာက ဒဂုန်ဦးစန်းငွေတည်းဟူသော ပုဂ္ဂိုလ်ကြီးဟာ ဘာမှမဟုတ်ဘူး၊ ဒါပဲလောက်တင်လှန်ပြပြီး ဆရာက ဇာတ်စင် ပေါ်က ဆင်းသွားရမှာ။ အဲဒီလို ဆင်းမသွားဘဲ လှန်ပြထားတဲ့ “င်ကြီးကို တံတွေးနဲ့ ထွေးသွားတော့ ပရိသတ်က လူကြီးကို ဒီလိုလုပ်ရမလားဆိုတဲ့ အကြည့်မျိုးနဲ့ ဆရာ လူဆိုးဖြစ်သွားတာပေါ့လို့ပြောတော့ ဆရာနိုးက ပြုံးပြုံးကြီးကြည့်နေတယ်။ ပြီးတော့မှ ဆရာဆောင် အဲလိုပဲ ခံစားရသလားတဲ့။
ကျုပ်က သာမန်ပုဂ္ဂိုလ်ဆိုရင် ဒီလိုမရေးပါဘူး။ ဒီပုဂ္ဂိုလ်မျိုးက “အာဏာနား၊ ပါဝါမျှောင်”နေတဲ့ပုဂ္ဂိုလ်မို့ သိအောင်ရေးပြလိုက်တာတဲ့။
“ဒို့ကျောင်းသား စာပေဝိုင်း”က စနေ၊ တနင်္ဂနွေ (ဆရာမိုးတို ့ ဆရာ မင်းကျော်တို့ စာလာသင်တဲ့နေ့) လုပ်ရာကနေ နည်းနည်းကြာလာတော့ သွားရေး လာရေး ခက်ခဲတာ၊ လူစုံမလာနိုင်တာတွေကြောင့် “ဘီအိုစီ ကောလိပ်ကန်တင်း” လက်ဖက်ရည်ဆိုင်ကို ရွှေ့လိုက်ကြပါတယ်။

#ဆက်ရန်ရှိ

Part-2
*ကိုယ်စားလှယ်က ပိုကောင်းသလား

အလားတူ၊ ဗြိတိသျှ တွေးခေါ်ရှင် ဂျွန်စတူးဝပ်မေးလ် (John Stuar Mill) က၊ ရွေးကောက်သူတို့အနေနှင့် ကိုယ်စားလှယ်တို့၏ ပိုမိုမြင့်မားသော ဉာဏ်အမြော်အမြင်ဖြင့် အုပ်ချုပ်မှုကို ကျေနပ် လက်ခံ သင့်သည်ဟု ဆိုခဲ့ပြီး၊
ဩစတြီးယား စီးပွားရေးပညာရှင်၊ လူမှုရေး တွေးခေါ်ရှင် ဂျိုးဇက် ရွှန်းပေတာ (Joseph Schumpeter) ကဆိုလျှင် မဲဆန္ဒရှင်တို့ အနေနှင့် တစ်စုံတစ်ယောက်အား မိမိတို့ ရွေးကောက်လိုက်ပြီးပြီဆိုလျှင် နောက်ပိုင်း နိုင်ငံရေးအလုပ်တို့သည် မိမိတို့ ကိစ္စမဟုတ်၊ ထိုသူ၏ကိစ္စသာ ဖြစ်သွားပြီ ဆိုတာ သဘောပေါက်ဖို့လိုသည်၊ ဟူ၍ပင် ဆိုခဲ့သည်။
အဲဒါကကိုယ်စားပြုစနစ်ကို နှစ်သက် လက်ခံသူတို့၏ ပိုကဲသော ထောက်ခံစကားများဖြစ်ရာ၊ ၎င်းအတိုင်းဆိုက ဒီမိုကရေစီ၏ အခြေခံ စိတ်ဓာတ်ဖြစ်သည့် လူတိုင်းလူတိုင်းမှာ မိမိအရေးရော တိုင်းပြည်အရေးပါ စဉ်းစား ဝေဖန်နိုင်သော ဉာဏ်ရှိ၍၊ လူတိုင်း၏ စိတ်ကူးစိတ်သန်းကို တန်းတူညီမျှ ထည့်သွင်း စဉ်းစားရမည်ဟူသော အချက်နှင့် ဆန့်ကျင် ကွဲလွဲသလို ဖြစ်နေသည်။
သို့သော်၊ ဤသည်ကို ပြန်လည် ရှင်းလင်း ချေပကြသူတို့က ကိုယ်စားလှယ်တို့မှာ နိုင်ငံရေးရာ စဉ်းစားရာ၌ ပို၍ မြင့်မားသော ဉာဏ်အမြော်အမြင်ရှိသည် ဆိုခြင်းမှာ ပင်ကို ဉာဏ်အရပင် အဆင့်အတန်း မြင့်သည်ဟူသော အဓိပ္ပာယ်မဟုတ်၊ နိုင်ငံရေးရာ စဉ်းစား ဝေဖန်ရသော အလုပ်တာဝန်ကို အခြားသူများကဲ့သို့ ရံဖန်ရံခါ မဟုတ်ဘဲ အချိန်ပြည့် ထမ်းရွက်နေကြသူများဖြစ်သဖြင့် ၎င်းတို့၌ ယင်းနှင့် စပ်လျဉ်း၍ တတ်သိ နားလည်မှုနှင့် အတူ ဉာဏ်အမြော်အမြင်များ ပိုမို ပြည့်ဝနေသည်ဟု ဆိုလိုခြင်းသာ ဖြစ်သည်။ သည့်အပြင်၊ ၎င်းတို့အနေနှင့် ၎င်းတို့၏ ဉာဏ်အမြော်အမြင်ဖြင့် စဉ်းစား ဆုံးဖြတ်ကြသည် ဆိုရာမှာလည်း အများပြည်သူတို့၏ အသံကိုနားထောင်ကာ အများပြည်သူ့ သဘောဆန္ဒကို ချင့်တွက် မှတ်သားပြီးမှ အများပြည်သူအတွက် ဆုံးဖြတ်ရခြင်းမျိုးသာ ဖြစ်သည်ဟု ပြောဆိုကြပါသည်။

အာဆင်နယ်အသင်းဟာဒဏ်ရာရရှိခဲ့တဲ့ အသင်းရဲ့နောက်ခံကစားသမား ထာကီဟီရိုတိုမီယာဆုကို ဒုတိယအကြိမ်မြောက် ဒူးခေါင်းခွဲစိတ်ကုသမှုခံယူဖို့အတွက်စေလွှတ်ဖို့စဉ်းစားသုံးသပ်နေတယ်လို့ Daily Mail သတင်းကဖော်ပြခဲ့ပါတယ်။

ဂျပန်လက်ရွေးစင်နောက်ခံကစားသမားထာကီဟီရို တိုမီယာဆုဟာ ဒီရာသီကာလမှာတပွဲသာပါဝင်ကစားထားခဲ့ရပြီး ပြီးခဲ့တဲ့နှစ်အောက်တိုဘာလတုန်းက ဆောက်သမ်တန်အသင်းနဲ့တွေ့ဆုံတဲ့ပွဲစဉ်မှာ အရံကစားသမားအဖြစ်ရှိနေခဲ့ကာ ဒူးဒဏ်ရာကနေပြန်လည်ထူထောင်လာခဲ့ပြီးနောက်ဖြစ်ပါတယ်။

အဆိုပါဂျပန်နောက်ခံကစားသမားဟာ ဒီရာသီကာလအစပိုင်းကာလမှာ ဒူးဒဏ်ရာခွဲစိတ်ကုသမှုခံယူခဲ့ရတာကြောင့် ပွဲထွက်ကစားခွင့်လွဲချော်ခဲ့ပြီး လက်ရှိမှာတော့ ဒူးဒဏ်ရာပြန်ရှိလာခဲ့တာကြောင့် ခွဲစိတ်ကုသမှုထပ်မံခံယူရဖွယ်ရှိနေပါတယ်။
အာဆင်နယ်အသင်းဆေးအဖွဲ့ကလည်း တိုမီယာဆုကိုနောက်တကြိမ်ခွဲစိတ်ကုသမှုပြန်လည်ခံယူစေဖို့စဉ်းစားသုံးသပ်နေပါတယ်။ခန္ဓာကိုယ်ပြန်လည်ထူထောင်ရေးလုပ်ဆောင်တဲ့ကာလမှာအချိန်ကာလကြာမြင့်မှာဖြစ်ပြီး ကုသမှုခံယူရတာဟာလည်းအချိန်ယူရမှာဖြစ်ပါတယ်။

ဒီမတိုင်ခင်မှာတော့ထာကီဟီရို တိုမီယာဆုအနေနဲ့ ပြီးခဲ့တဲ့နှစ်တုန်းက ခွဲစိတ်ကုသမှုခံယူခဲ့ရပြီး ၃ လအထိအနားယူထားခဲ့ရကာ တကယ်လို့ဒုတိယအကြိမ်ခွဲစိတ်ကုသမှုထပ်မံခံယူရမယ်ဆိုရင်တော့ ၂၀၂၄/၂၅ ရာသီကာလတလျှောက်လုံးလွဲချော်ဖွယ်ရှိနေပါတယ်။
 
#ဘောလုံးသတင်းစုံ

ရေဆင်းစိုက်ပျိုးရေးတက္ကသိုလ်
နည်းပြ/သရုပ်ပြ ရာထူး ခေါ်စာ

#govjob

ကျနော်တို့ ဘဝမှာ
အမြဲတမ်း ရင်ဘတ်ထဲ
သိမ်းထားတဲ့ လူတစ်ယောက်တော့ ရှိကြတယ်။
အဲ့ဒီလူဟာ
ဟိုးအဝေးကြီးမှာ ဖြစ်နိုင်သလို
အနီးနားမှာလည်း ဖြစ်ချင်ဖြစ်နေလိမ့်မယ်။
မခေါ်ရလဲ ဖြစ်တယ်။
မတွေ့ရလည်း ရတယ်။
ပတ်သတ်မှုဆိုတာထက်
ရင်ဘတ်ထဲက ခံစားမှုတစ်ခုပါ။
ချစ်တာ မချစ်တာက ကျယ်ပြန့်လွန်းလို့
မြတ်နိုးမှုပဲ ဆိုပါစို့။
တကူးတကကြီး နှုတ်မဆက်ဖြစ်ဘူး။
တစ်ခါတစ်ရံ လချီပြီး စကားမပြောဖြစ်ဘူး။
ပြောဖြစ်ရင်လည်း ခဏလောက်ပဲ။
သူနှစ်သက်တဲ့အရာတွေတွေ့ရင်
တကယ့်အခက်အခဲတွေကြုံရင်
သတိရလိုက်တယ်။ ဒီလိုပဲရိုးရှင်ပါတယ်။
အမြဲထုတ်မပြောဖြစ်တဲ့
ရင်ဘတ်ထဲသိမ်းထားတဲ့
ကျနော်တို့ရဲ့ တစ်စုံတစ်ယောက်ပေါ့။

#စာရယ်ကဗျာရယ်
#as
#crd

#ဂွတ်ဘိုင်ဘလတ်ဒီးမေရီ
#ပါပီယွန်
ကွဲပြားတဲ့ ဘဝပေးအခြေအနေတွေကြောင့်
လူတန်းစေ့နေနိုင်ဖို့အတွက် ကြိုးစားရုန်းကန်
ကြရတဲ့ လူငယ်တွေရဲ့ ဘဝတွေရယ်
ခေတ်ပညာတတ်ထားရုံနဲ့ အခြေမခိုင်တော့တဲ့
ခေတ်လူငယ်တွေရဲ့လေလွင့်ရာမျောနေတဲ့
ဘဝတွေရယ်
ကိုယ့်ပြည်ကိုယ့်ရွာမှာ ကြိုးစားချင်ပေမယ့် တက်လမ်းရယ်လို့မရှိတဲ့အခါ အခွင့်အလမ်း
တွေဆိုတာလဲဝေး ......
ရွှေ့ပြောင်းလုပ်သား​တွေအဖြစ်တိုင်းတစ်ပါးမှာကျားကုတ်ကျားခဲရပ်တည်ရတဲ့ အချို့သော ဘဝတွေ
ခေတ်ပညာတတ်လူငယ်လေးတွေဆိုပေမယ့်တိုင်းတစ်ပါးရောက်တဲ့ အခါ ကျွန်သာသာရယ်
နေတတ်မှ လူလုံးလှမယ့်ဘဝတွေ..မြေနှိမ့်ရာလှံစိုက်ချင်ကြတဲ့ လူယုတ်မာအချို့ရဲ့ လုပ်ရပ်တွေကဖတ်ရင်းနဲ့ကြက်သီးတွေပါတဖြန်းဖြန်းထစေတဲ့အထိ။..
လူလိမ်တွေ လူလည်တွေများတဲ့ ကြောက်စရာလောကကြီးထဲမှာ ကျင်လည်ရင်း နူးညံ့နွေးထွေးတဲ့ အချစ်ဇာတ်လမ်းလေးတွေလဲ ရှိနေပြန်တယ်။
နောက်နေ့ဘာဖြစ်မလဲ ဆိုတာမသိနိုင်တဲ့ ဘဝတွေမို့ဒီနေ့အတွက်အကောင်းဆုံးရှင်သန် နေကြရတဲ့ဘဝတွေ......
တရားမဝင်လုပ်သားတွေအဖြစ် တိုင်းတစ်ပါးမှာတရားမဝင်နေနေကြရတဲ့ ဘဝတွေက လုံခြုံမှုမရှိ။
ဘယ်ချိန်မှာဘာဖြစ်မလဲမသိ ကျီးလန့်စာစားနေရတဲ့အခြေအနေမှာတောင် နေတတ်အောင်နေကြရတဲ့ဘဝတွေအကြောင်း နောင်တစ်ချိန်မှာ ပြန်ပြောပြရင် ပုံပြင်တစ်ပုဒ်လိုနားထောင်လို့ကောင်းပေမယ့် ဖြတ်သန်းခဲ့ရတဲ့သူတွေအတွက်ကတော့ ပြန်မရောက်ချင်တော့တဲ့အတိတ်တွေပေါ့....
ဒီစာအုပ်က ဝထ္တုမဟုတ်ဘဲ လက်တွေ့ဖြစ်ပျက်ခဲ့ဖြစ်နေဆဲ ဘဝတွေကိုရေးသားထားဖော်ပြထားတဲ့အတွက် ဇာတ်လမ်းလေးကနူးညံ့နေမှာတော့မဟုတ်ဘူး....
"မသေခင်တုန်တုန်ချိချိနဲ့သူ့အိပ်ကပ်ထဲက
ပလပ်စတစ်အထုပ်ကလေးကိုနှိုက်ထုပ်ပြီး
လက်နဲကျစ်ကျစ်ပါအောင်ကိုင်ထားရင်း
အသက်ထွက်သွားတာပဲ
ဘာလေးလဲဗျာဆိုပြီးစပ်စုမိတော့
သူ့ကိုပွေထားတဲ့ဗမာက ငိုယိုပြီးပြောတယ်
သူ့အမေရဲ့ဆံပင်နဲ့သွားအကျိုးလေးတွေတဲ့"
ဒီအခန်းလေးဖတ်မိတဲ့အချိန်ကဆို ရင်ထဲနစ်ခနဲ
ဖြစ်သွားရတယ်...ဆိုးလိုက်တဲ့ဘဝေတွပါလားလို့လေ
"မခိုးဘူး မဝှက်ဘူး ထမင်းငတ်လို့အလုပ်
လာလုပ်မိပါတယ် အမေဒေါ်အောင်ဆန်းစုကြည်
ကယ်ပါ ...ချက်ကြီး(ကျောက်မြောင်း)"ဆိုတဲ့ ထောင်နံရံပေါ်က စာတန်းလေး
"အကို့ကိုကယ်ပါညီမလေး"
"မေမေနဲ့ဖေဖေ သားအိမ်ပြန်ချင်တယ်"
ဒီလို စာတန်းတွေ
'အမေခုထိ သူ့အိမ်ထဲကနေ အပြင်ထွက်လို့မရသေးဘူး
ကိုချက်ကြီးရာ...(ပါပီယွန်)' လို့ကျနော်သူ့စာကြောင်းအောက်မှာသွားပွတ်တံအနှောင့်နဲ့ရေးခြစ်ခဲ့လိုက်တယ်'
ဆရာပါပီယွန်ရဲ့ ဘဝတစ်စိတ်တစ်ပိုင်းတွေကို
ဒီစာအုပ်လေးဖတ်ရင်း သိတန်သလောက်သိ
ခွင့်ရခဲ့ပါတယ်...
'မေရီရေ...ငါ့အချစ်လေးရေ ...ဘလတ်ဒီးမေရီ
လေးရေ ...ကံဆိုးမလေးရေ ...ငါ့ကိုခွင့်လွှတ်ပါ..ငါမင့်ဆီ ပြန်မလာနိုင်တော့ဘူးကွာ...'
ဒီစာအုပ်ထဲကလေ ဝတ္ထုတစ်ပုဒ်ဖတ်ရသလို ဖွဲ့ဖွဲ့နွဲ့နွဲ့အရေးအသားမျိုးတွေတွ့ရမှာမဟုတ်သလို ပွင့်ပွင့်လင်းလင်း နဲ့ တစ်ကယ့် လူနေမှုဘဝကအသုံးအနှုန်းတွေအတိုင်း တစ်ထပ်တည်းကျအောင်ရေးသားဖော်ပြထားတာမလို့ ...... လက်တွေ့ဆန်ဆန်ဘဝတွေကိုမြင်ချင်ရင် ဖတ်လို့ပဲပြောချင်ပါတယ်....
ခုထိ ဒီစာအုပ်ထဲကလိုဘဝတွေရှိနေသေးတယ်... ခေတ်တွေသာပြောင်းသွားမယ်
တချို့သောလူနေမှုဘဝတွေက မပြောင်းလဲပဲ လူတန်းစေ့နေနိုင်ဖို့အတွက်ရုန်းကန်နေကြရဆဲပါပဲ...
#ဂွတ်ဘိုင်ဘလတ်ဒီးမေရီ

ရေခဲသေတ္တာကို Safeguard မခံဘဲ တိုက်ရိုက်သုံးရာမှ အပူလွန်ကဲ၍ သီရိရတနာဈေးတွင် ဆိုင်ခန်း ၃ ခန်းမီးလောင်မှု ယနေ့နံနက်ပိုင်းက ဖြစ်ပွား

ဖေဖော်ဝါရီ ၃

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (ဌ) ရပ်ကွက်၊ သီရိရတနာဈေးဝန်းတွင် ယ​နေ့ (ဖေဖော်ဝါရီလ ၁၄ ရက်) နံနက် ၃ နာရီ ၄၄ မိနစ်ခန့်က ဆိုင်ခန်း ၃ ခန်းမီးလောင်မှုဖြစ်ပွားခဲ့ကြောင်း မီးငြှိမ်းသတ်သူများထံမှ သိရသည်။

မီးလောင်မှုမှာ လျှပ်စစ်ပစ္စည်းအရောင်းဆိုင်တွင် စတင်ဖြစ်ပွားခဲ့ခြင်းဖြစ်ပြီး ဆိုင်ခန်းရှိ ရေခဲသေတ္တာကို Safeguard မခံဘဲ တိုက်ရိုက်သုံးရာမှ အပူလွန်ကဲ၍ မီးစတင်လောင်ကျွမ်းခဲ့ခြင်းဖြစ်ကြောင်း စစ်ဆေးသူများ၏ အတည်ပြုချက်အရ သိရသည်။

မီးလောင်မှုကြောင့် အလျား ၁၄ ပေ၊ အနံ ၄၅ ပေရှိ အာရ်စီ ၂ ထပ်ရှိ လျှပ်စစ်ပစ္စည်းအရောင်းဆိုင် အပါအဝင် ဆိုင်ခန်း ၃ ခန်း မီးလောင်ဆုံးရှုံးခဲ့ပြီး လူထိခိုက်သေဆုံးမှုမရှိကြောင်း မီးငြှိမ်းသတ်သူတစ်ဦးကပြောသည်။

မီးလောင်မှုမှာ မိနစ် ၃၀ နီးပါး ကြာမြင့်ခဲ့ပြီး မီးငြှိမ်းသတ်ယာဥ် ၅ စီး၊ ရေသယ်ယာဥ် ၅ စီး၊ အထောက်အကူပြုယာဥ် ၁ စီး၊ သန္ဓေအရန် မီးသတ်တပ်ဖွဲ့ဝင် ၅၀ ကျော်ဖြင့် ငြှိမ်းသတ်ခဲ့ရာ နံနက် ၄ နာရီ ၁၃ မိနစ်တွင် မီးငြိမ်းခဲ့ကြောင်း သိရသည်။

ဆိုင်ခန်း ၃ ခန်း မီးလောင်ဆုံးရှုံးမှုကြောင့် ဆိုင်တာဝန်ခံ အသက် ၂၉ နှစ်အရွယ် ကိုနိုင်လင်းဦးကို ရာဇသတ်ကြီးပုဒ်မ ၂၈၅ ဖြင့် မြောက်ဥက္ကလာပမြို့မရဲစခန်းက အမှုဖွင့်ထားကြောင်း သိရသည်။

#သတင်းဟင်းလေးအိုးကြီး

-ဆရာလင်းခါးစာအုပ်တွေထဲက ဒီစာအုပ်ကိုပထမဆုံးဖတ်ဖူးခြင်းပါပဲ။ဘာရယ်မဟုတ်ဘူး စာအုပ်နာမည်ကဆန်းတာနဲ့ ဝယ်ဖတ်ကြည့်လိုက်တာဆိုပါတော့။သိတာတော့ကြာပြီဗျ။ဒီစာအုပ်နဲ့ပတ်သက်ပြီး review တွေခနခနတွေ့ရလို့ပါပဲ။ ခုဟာကလဲ review ဆိုတာထက် စာအုပ်ဖတ်ပြီး ခံစားချက်အချို့ရေးချင်စိတ်ပေါ်လာလို့ပါ။
-ယျောကျ်ားလေးအများစုသိပြီးဖစ်တဲ့အကြောင်းအရာတွေကိုရေးထားတာဖစ်လို့ ယျောကျားလေးတွေအတွက် 10ကျော်သက်အရွယ်ချာတိတ်ဘဝကိုပြန်သတိရစေမဲ့စာအုပ်လေးပါ။ မိန်းကလေးတေလဲဖတ်သင့်တယ်ထင်တယ်ဗျ။ဆယ်ကျော်သက်အရွယ်တုန်းက ပေပေတေတေ ဂျစ်ကန်ကန်ပုဆိုးချက်ပြုတ်နဲ့ ကောင်းလေးတွေကိုမျက်စိထဲမြင်မှာသေချာတယ်။ဆယ်ကျော်သက်ကောင်လေးတွေအကြောင်းပိုသိရတာပေါ့ဗျာ။
-ခုခေတ်ဆယ်ကျော်သက်တွေအနေနဲ့လည်း အာ့ဒီခေတ်က အငွေ့အသက်ကိုပြန်ခံစားရစေမဲ့စာအုပ်တစ်အုပ်ပါပဲ။
-ဒီစာအုပ်က 1996-2000ခုနှစ်အတွင်း 20 ရာစုကုန်ခါနီး နှစ်တွေရဲ့ ဆယ်ကျော်သက် လူငယ်လေးတွေအကြောင်းကိုပုံဖော်ထားတဲ့ဝတ္ထုပါ။ "ဆယ်ကျော်သက် လူငယ်လေးများအကြောင်း တစေ့တစောင်း "ဆိုပါတော့။
-ဝန်ထမ်းလိုင်းခန်းမှာနေတဲ့ သန့်ဇင်ဆိုတဲ့ 10ကျော်သက်အရွယ်ချာတိတ်လေးတစ်ယောက် လူပျိုမဖြစ်ခင်ကနေစပြီး လူပျိုဖြစ်တဲ့အချိန်ထိ အတွေ့အကြုံတွေကိုရေးပြထားတယ်။သူငယ်ချင်းတွေနဲ့ ပွေခဲ့ရှုပ်ခဲ့တာတွေကိုဖတ်ရင်း ငယ်ဘဝကိုပြန်သတိရမိတယ်။
-ဒီအရွယ်မှာ ယျောကျ်ားလေးအများစုတွေ​့ကြုံရလေ့ရှိတဲ့စိတ်အခြေနေ၊ အတွေးအခေါ်တွေ၊ လိင်ပိုင်းဆိုင်ရာကိစ္စတွေကို လက်တွေ့ကျကျရေးထားတာကိုတွေ့ရတယ်ဗျ။ အရေးအသားက လက်တွေ့ဆန်တဲ့
အသုံးအနှုန်းတွေနဲ့ရေးထားတာမို့ ၁၈နှစ်အောက်မဖတ်သင့်ဘူးဆိုပြီး ရေးပြထားပါတယ်။ ဖတ်ရင်လဲဘာမှတော့မဖစ်ပါဘူး။ခုခေတ်ကလေးတေက ပိုတောင်သိနေတတ်ကြတာမျိုးလေ။
-ယျောကျ်ားလေးအများစု
ဆယ်ကျော်သက်အရွယ်မှာ အားကျရတဲ့ ကိုယ့်ထက်အသက်ကြီးတဲ့ အကိုကြီး၊ ဦးလေးတစ်ယောက်တော့ရှိတတ်ကြတယ်တဲ့။ကျနော်လဲရှိခဲ့ဖူးတယ်ဗျ။သူတို့လိုက်သလိုလိုက်လုပ်တယ်၊ သူတို့နေသလိုလိုက်နေတယ်။ အကုန်လုံးအတုခိုးတာပေါ့ဗျာ။ အကောင်းအဆ်ုးလဲဘယ်ဝေဖန်တတ်ဦးမာလဲ။ လိုက်ပြီးအတုခိုးတာအများစုကမကောင်းတာတွေကများတယ်ဗျ။
-သန့်ဇင် ဆိုတဲ့ကောင်လေးကလဲ အကိုကြီးတွေ ၊ ဘဲကြီးတွေကိုအားကျပြီး သူတို့လုပ်သမျှပြောသမျှအတုခိုးပြီးအကုန်လုပ်တယ်။အချစ်ဆုံးသူငယ်ချင်းနှစ်ယောက်ဖြစ်တဲ့ ပုတု၊မင်းဆန်းတို့နဲ့ ဆယ်ကျော်သက်ပီပီ မဟုတ်တာမှန်သမျှ လက်တည့်စမ်းချင်ခဲ့ကြတယ်။ငါးဖမ်းတဲ့ စွန့်စားခန်းဆို တကယ်သဘောကျတယ်ဗျာ။
-ဒီအရွယ်ကလဲ ပတ်ဝန်းကျင်ကမလုပ်နဲ့ဆိုတာမှရွေးပြီးလုပ်ချင်ကြတဲ့အရွယ်ကိုဗျ။
ဒီစာအုပ်ထဲမှာ ဆေးလိပ်စသောက်တာကစပြီး Masturbate လုပ်တာအထိ ပြစ်ပြစ်နစ်နစ်ကို ရေးထားတာဗျ။ ဖတ်ရတာလွတ်လပ်ပေါ့ပါးနေတာပဲ။လက်တွေ့လဲဆန်တော့ပိုမိုက်တာပေါ့ဗျာ။
-ကျနော်တို့ကိုယ်တိုင်လဲ သန်ဇင်တို့ သူငယ်ချင်းတစ်သိုက်လောက် မပွေခဲ့ဘူးဆိုပေ့မယ် ကိုယ့်နည်းကိုယ့်ဟန်နဲ့တော့ ဆိုးခဲ့ပွေခဲ့ကြတာပဲလေ။
တချို့အချက်တေကတော့လုံးဝအတူတူပဲဗျာ။စာအုပ်ဖတ်နေရင်း ငယ်ဘဝကိုပြန်သတိရတော့ ကြည်နူးပြီး လွမ်းသလိုလိုခံစားရတယ်ဗျ။
-ဘုရားစင်ပေါ်နဲ့၊ ကိုယ်တော်ကြီးကိုယ်တော်လေးတို့ကပ်ထားတဲ့ ပိုက်ဆံတွေကို ယူတဲ့အခန်းဖတ်ရင်းနဲ့ ပြုံးတောင်ပြုံးမိသေးတယ်။ ကိုယ်တေတုန်းကလဲ ဒိုးပစ်ရင်းရှုံးရင် ဘုရားနဲ့ကိုယ်တော်ကြီးတို့ပဲ အားကိုးခဲ့ရတာကိုး။တပည့်တော်နိုင်ရင် ပြန်ထားပ့မယ်ဆိုတာကပါသေးတာ။တကယ်နိုင်ရင်တော့ဗိုက်ထဲရောက်တာပါပဲ။(ငယ်ငယ်ကတော့အာ့လိုပြောလိုက်ရင် နိုင်အောင် လုပ်ပေးမယ်လို့ထင်ခဲ့တာကိုး။)
-အရှေ့ပိုင်းအခန်းတွေမှာ ဖတ်ရတာ လွတ်လပ်ပေါ့ပါး သလောက်ဗျာ နောက်ပိုင်းအခန်းတွေရောက်တော့ လွမ်းစရာအပြည့် ရင်တနင့်နင့်နဲ့ ဖတ်ရတာ မောနေရောပဲ။ ရယ်စရာပြီးရင် မောစရာလာတတ်တယ်ဆိုတာ ဒါမျိုးထင်ပါရဲ့ဗျာ။
-သန်ဇင်ဆိုတဲ့ကောင်လေးဟာ အချစ်ဦး၊ အချစ်ရဆုံးသူငယ်ချင်းတွေနဲ့ အဝေးကြီးဝေးခဲ့ရတယ်။အချစ်ရဆုံး လို့သတ်မှတ်ထားတဲ့ ရည်းစားဦး ဟန်နီမင်းလွင်ဆိုတဲ့ ကောင်မလေးနဲ့လဲနီးဝေးခဲ့ရတယ်။ ဝေးတာမှဗျာ ဘယ်တော့မှကို ပြန်မဆုံနိုင်တော့တဲ့ ဝေကွာခြင်းမျိုးနဲ့ဝေးခဲ့ကြတာဗျ။နောက်ပြီး အကိုအရင်းလိုချစ်ရခင်ရ အားကျရတဲ့ အကိုကြီးနဲ့လဲဝေးခဲ့ရတယ်။
-ချစ်ရတဲ့သူတွေ၊သူငယ်ချင်းတွေနဲ့ ခနတာခွဲရတဲ့ ခံစားချက်တောင် ရင်ထဲဟာသလိုကြီးဗျ။ တချို့ခံစားချက်တွေရဲ့ အတိမ်အနက်က စကားလုံးတွေနဲ့ဖော်ပြလို့တောင်မရဘူး။ ကိုယ်တိုင်ခံစားဖူးမှသိတာမျိုးဗျ။
-အသဲကွဲပုဇဥ်းပျံဆိုတဲ့အတိုင်း သန့်ဇင်နေရာကနေ အသဲကွဲ ရင်မောရတာလဲအကြိမ်ကြိမ်ပါပဲဗျာ။ ဟန်နီ လေးနဲ့ ဝေးရတဲ့နောက်ဆုံးအခန်းတွေဖတ်ပြီး ငိုင်နေရောပဲဗျို့။ကိုယ်မြတ်နိုးရတဲ့အရာတစ်ခုကို ဆုံးရှုံးလိုက်ရတာမျိုး။ဘယ်တော့မှပြန်မရနိုင်တော့ဘူးဆိုတဲ့ခံစားချက်မျိုးဗျ။တကယ်တကယ်။
-ထွေထွေထူးထူးမှတ်သားစရာမပါပေမယ့်လဲ ရသမျိုးစုံပေးနိုင်တဲ့စာအုပ်တွေထဲကတစ်အုပ်ပါပဲ။တချို့အခန်းတွေက စစ်အစိုးရကိုဒဲ့ဖဲ့ထားတာ သဘောကျတယ်ဗျာ။အမှန်တရားကနည်းနည်းတော့ခါးတယ်ဆိုတာမျိုးပေါ့ဗျာ။ ထားပါလေ။ဒါတေပြောရင်ဒေါတေပါတယ်။

မြန်မာနိုင်ငံရှိ အွန်လိုင်းအသုံးပြုကာ လိမ်လည်နေသည့် ဂိုဏ်းများအသုံးပြုရန် လျှပ်စစ်ဓာတ်အားပို့လွှတ်မည်မဟုတ်ဟု လာအိုအစိုးရပြော

ဖေဖော်ဝါရီ ၁၄

လာအိုနိုင်ငံပိုင် လျှပ်စစ်ဓာတ်အားပေးကုမ္ပဏီဖြစ်သည့် Electricité du Laos (EDL) က မြန်မာနိုင်ငံရှိ အွန်လိုင်းအသုံးပြုကာ လိမ်လည်မှုလုပ်ငန်းများလုပ်ကိုင်နေသည့် ဂိုဏ်းများအသုံးပြုရန်အတွက် မြန်မာနိုင်ငံသို့ လျှပ်စစ်ဓာတ်အား ပို့လွှတ်မည်မဟုတ်ကြောင်း အတည်ပြုပြောဆိုလိုက်သည်။

ထိုင်းနှင့် မြန်မာနိုင်ငံ နယ်စပ်တွင် အခြေပြုလှုပ်ရှားနေသည့် အွန်လိုင်းမှတစ်ဆင့် လိမ်လည်နေသည့် ဂိုဏ်းများကို ဖြိုခွင်းမှုအစိတ်အပိုင်းအဖြစ် ထိုင်းအစိုးရသည် မြန်မာနိုင်ငံသို့ လျှပ်စစ်ဓာတ်အား ပေးပို့ခြင်းများကို ရပ်တန့်လိုက်ပြီးနောက် လာအိုနိုင်ငံမှ လျှပ်စစ် ဓာတ်အား ရယူဖွယ်ရှိသည်ဟု အစောပိုင်းက သတင်းများ ထွက်ပေါ်ခဲ့သည်။

လာအိုနိုင်ငံပိုင် လျှပ်စစ်ဓာတ်အားပေးကုမ္ပဏီက လျှပ်စစ်ဓာတ်အားကို စာသင်ကျောင်း၊ ဆေးရုံကဲ့သို့သော မရှိမဖြစ်လိုအပ်သည့် ဝန်ဆောင်မှုလုပ်ငန်းများ၊ အစိုးရအဆောက်အဦများ၊ အသေးစားစီးပွားရေးလုပ်ငန်းများ၊ ဒေသခံများအပါအဝင် အများပြည်သူအသုံးပြုရန်အတွက်သာ ပို့လွှတ်မည်ဖြစ်ကြောင်းသတင်းထုတ်ပြန်ထားသည်။

လာအိုနိုင်ငံပိုင် လျှပ်စစ်ဓာတ်အားပေးကုမ္မဏီဖြစ်သည့် Electricité du Laos (EDL)သည် အွန်လိုင်းအသုံးပြုကာ လိမ်လည်မှုလုပ်ငန်းများလုပ်ကိုင်နေသည့်ဂိုဏ်းများ လျှပ်စစ်ဓာတ်အားအသုံးပြုခြင်းကိုတားဆီးရန်အတွက် ပြီးခဲ့သည့် သီတင်းပတ်အတွင်း ရှမ်းပြည်နယ်တာချီလိတ်သို့ လျှပ်စစ်ဓာတ်အား ၁၃ မဂ္ဂါဝပ်၏ တစ်ဝက်ကို လျှော့ချပေးပို့ခဲ့သည်ဟု သိရသည်။

EDL သည် ပြီးခဲ့သည့် ၂၀၂၁ ခုနှစ်တွင် မြန်မာနိုင်ငံရှိ ပုဂ္ဂလိကကုမ္ပဏီမှတစ်ဆင့် တာချီလိတ်ခရိုင်ကိုလျှပ်စစ်ဓာတ်အားပေးပို့ရန် သဘောတူညီမှုစာချုပ်လက်မှတ်ရေးထိုးခဲ့ပြီး ၂၀၂၂ ခုနှစ် မေလတွင် လျှပ်စစ်ဓာတ်အား ပေးပို့ခြင်းများ စတင်လုပ်ဆောင်ခဲ့သည်။

သဘောတူညီမှုစာချုပ်အရ EDL သည် တာချီလိတ်သို့ ၃၀ မဂ္ဂါဝပ်ထက် ပေးပို့ခွင့်ရှိမည်မဟုတ်ဘဲ မြန်မာနိုင်ငံရှိ မြို့များသို့ လျှပ်စစ်ဓာတ်အား အများဆုံး ၁၃ မဂ္ဂါဝပ်သာ တင်ပို့နိုင်ခဲ့ကြောင်း သိရသည်။

လာအိုနိုင်ငံသည် အာဆီယံ၏ လျှပ်စစ်ဓာတ်အားပူးပေါင်းဆောင်ရွက်မှုမူဘောင်အရ အိမ်နီးချင်းနိုင်ငံများသို့ ဓာတ်အားပေးပို့ သဘောတူညီမှုစာချုပ်ချုပ်ဆိုခဲ့ပြီး မြန်မာနိုင်ငံ၊ တာချီလိတ်ခရိုင်သို့ လျှပ်စစ်ဓာတ်အား အကန့်အသတ်ဖြင့် ပေးပို့ခဲ့ကြောင်း သိရသည်။

Ref,asianewsnetwork

#centralnewsnaypyitaw