DeepSeek-R1 ထက် ပိုသွက်တဲ့ AI သစ် Tencent ဖြန့်ချိ
စက္ကန့်ပိုင်းအတွင်း မေးခွန်းတွေ ဖြေနိုင်တဲ့ AI Model သစ်တစ်မျိုးကို Tencent က မိတ်ဆက်လိုက်ပါတယ်။
တရုတ်ရဲ့ အကြီးဆုံးနည်းပညာကုမ္ပဏီကြီးရဲ့ မော်ဒယ်ကို Hunyuan Turbo S လို့ နာမည်ပေးထားပါတယ်။ Tencent က Hunyuan Turbo S ကို အမြန်တွေးခေါ်နိုင်တဲ့ fast-thinking model တစ်ခုအနေနဲ့ ထုတ်ထားတာပါ။ Hunyuan နဲ့ ယှဉ်ရင် DeepSeek R1 လို မော်ဒယ်တွေက slow-thinking model ဖြစ်သွားတယ်လို့ ပြောပါတယ်။
ဒီလို ပြောတဲ့အကြောင်းက Hunyuan က စက္ကန့်ပိုင်းအတွင်း အမြန်ဖြေနိုင်အောင် output speed ကို နှစ်ဆတိုးထားပြီး စကားလုံးတစ်လုံးရဲ့ ကြန့်ကြာမှုကို ၄၄% နီးနီး လျှော့ချနိုင်တာကြောင့်လို့ ဆိုပါတယ်။ Hunyuan ကို လူရဲ့ ပင်ကိုယ်သိစိတ် intuition လိုမျိုး ချက်ချင်းကောက်ဖြေနိုင်တဲ့ short thinking chain ပုံစံ လေ့ကျင့်ဖန်တီးထားတာပါ။

Tesla အရှုံးပေါ်နေသလား

Trump နဲ့ နိင်ငံရေးကို ဦးစားပေးလွန်းနေတဲ့ Elon Musk တစ်ယောက် Tesla ဘက်မှာတော့ အရှုံးတွေပေါ်လိုက် ဈေးလျော့ရောင်းလိုက် ကားတွေပြန်သိမ်းလိုက်နဲ့ ဂယက်တော်တော်ထနေပါတယ်။

2025 ပထမနှစ်လအတွင်းမှာတင် Tesla ဘက်က သတင်းတွေ တစ်ခုပြီးတစ်ခုတက်လာတာပါ။ ပထမဆုံး Autopilot ပြဿနာကြောင့် ကားအစီးရေ ၂ သန်းလောက် ပြန်သိမ်းခဲ့ရတာပါ။ အဲ့ဒီနောက် ပြီးခဲ့တဲ့လတုန်းကတော့ Trump ပိုင် ဟော်တယ်ရှေ့မှာ Cybertrcuk မီးထလောင်ပါလေရော (ဒီကိစ္စက ကားဘက်ကဖြစ်တာမဟုတ်ပဲ လုပ်ကြံမှုလို့တော့ ဆိုထားပါတယ်။ )

နောက်ထပ်ဖြစ်တာကျ Elon Musk ရဲ့ နာဇီစတိုင် အလေးပြုလက်ဟန်ကြောင့် ဂျာမနီက စက်ရုံမှာ ဆန္ဒပြခဲ့တာတွေဖြစ်ခဲ့တာပါ။ ပြီးခဲ့တဲ့ရက်ပိုင်းတုန်းကတော့ ရောင်းမကုန်ဖြစ်နေတဲ့ Cybertruck တွေကို ဒေါ်လာ 6000 အထိ ဈေးလျှော့ရောင်းခဲ့ပါသေးတယ်။

ဒီလို ရောင်းအားတွေ ကျဆင်းမှုတွေကနေ မနေ့က ထပ်တက်လာတဲ့ သတင်းအရ Tesla ရှယ်ယာတွေဟာ 8% အထိကျဆင်းသွားပြီး ဒေါ်လာ ထရီလီယံနဲ့ချီ ဆုံးရှုံးမှုတွေဖြစ်ခဲ့တယ်လို့ ဆိုပါတယ်။ ဥရောပဈေးကွက်အတွင်း ရောင်းအားကျဆင်းမှုက တော်တော်လေးသိသာခဲ့တာပါ။

ဒီပွဲကတော့ အွန်နရီအတွက်ရော၊ ရော်နယ်ဒိုအတွက်ပါ မမေ့နိုင်စရာပါ။ ယူနိုက်တက်နဲ့အတူ ထင်ပေါ်လာခါစဖြစ်နေတဲ့ ရော်နယ်ဒိုဟာ ဟိုက်ဘူရီမှာ အာဆင်နယ်ကို နှစ်ဂိုးသွင်းခြေစွမ်းပြခဲ့ပြီး အာဆင်နယ်ပရိသတ်တွေကို တိတ်တိတ်နေလိုက်တော့ဆိုပြီး အောင်ပွဲခံခဲ့တဲ့ပွဲပါ။

ပွဲကစားချိန်အတွင်း ရော်နယ်ဒိုနဲ့ အွန်နရီတို့ ပြသနာတက်ခဲ့ပြီး ရော်နယ်ဒိုက ပခုံးဖက်ပြီး ပြောမယ်အလုပ်မှာ အွန်နရီက ရှောင်ဖယ်ခဲ့ကာ မတူမတန်သလိုမျိုး ဆက်ဆံသွားခဲ့ပါတယ်။ ဒီနောက်တော့ ရော်နယ်ဒိုက ၂ဂိုးသွင်းယူခဲ့ပြီး အာဆင်နယ်ကို အနိုင်ယူသွားခဲ့တာပါ။

ဆိုဆီဒက်နဲ့ ကိုပါဒယ်ရေးပွဲမှာ ဘယ်လင်ဟမ်က အန်းဒရစ်ခ်အတွက် ဖန်တီးပေးခဲ့ပုံပါ။ ရီးရဲလ်ကွင်းဘက်ခြမ်းကနေပဲ ကန်တင်ပေးပို့ကာ ဖန်တီးပေးသွားခဲ့ပြီး အန်းဒရစ်ခ်ကလည်း ဆွဲယူပြေးကာ လှလှပပ အဆုံးသတ်နိုင်ခဲ့ပါတယ်။
ဘယ်လင်ဟမ်ရဲ့ အဆင့်အတန်းက နောက်တဆင့်ဆီကို လှမ်းနေပြီဆိုတာကို ထပ်မြင်တွေ့ခဲ့ရတဲ့ပွဲပါပဲ။ လာလီဂါမှာ ပွဲပယ်ခံထားရလို့ မပါဝင်နိုင်ခဲ့တဲ့ ဘယ်လင်ဟမ်က သူ ဝင်ကစားတာနဲ့ အသင်းအတွက်ကို ဂိုးသွင်းရင်သွင်း၊ မသွင်းရင် ထိရောက်တဲ့ ဖန်တီးမှုတွေ၊ ပေးပို့မှုတွေကို လုပ်ပေးနေတာ ထမင်းစားရေသောက်လိုဖြစ်နေပါပြီ။
သူ့အသက်အရွယ်ကြောင့်လည်း ရီးရဲလ်အတွက် ဆယ်စုနှစ်တခုစာလောက် စိတ်ချရတဲ့ အနေအထားပါ။ သူ့အတွက်ပေးခဲ့ရတဲ့ ယူရိုသန်း ၁၀၀ က အရမ်းကိုတန်လွန်းနေပါပြီ။ ခရူးစ်၊ မိုဒရစ်တို့မရှိတေ့ာတဲ့အချိန် ရီးရဲလ်ကွင်းလယ်ကို မောင်းနှင်ပေးမယ့် အင်ဂျင်ကတော့ ဘယ်လင်ဟမ်ပါပဲ။

2026 မှာ iPhone 17e ကို တွေ့ရမယ်...

iPhone 16e တောင် လက်ထဲမရောက်ကြသေးဘူး။ 17e တွေ စကားတွေလာစနေတယ် 🥹 iPhone ရဲ့ ဘတ်ဂျက် Series ဖြစ်တဲ့ e series တွေက ဒီနှစ်ကနေစပြီး နှစ်တိုင်းထုတ်သွားမယ်ဖြစ်ကြောင်း ပြောနေကြတာပါ။ ဒါကြောင့် iPhone 17e ကို 2026 မှာ တွေ့နိုင်တယ်လို့ ဆိုပါတယ်။

လောလောဆယ်တောင် iPhone 16e ကြောင့် Apple ကို မေတ္တာပို့နေကြတာက ၁၀ ယောက်မှာ ၇ ယောက်လောက်ရှိနေတာ။ ဒါပေမဲ့လည်း လက်မခံလို့တော့ မရဘူး။ တကယ်ထွက်လာနိုင်မယ့်ပုံပါ။ အခရာပရိတ်သတ်တို့ရော e series ကို ဘယ်လိုမြင်လဲဗျ။ လောလောဆယ်ဆို iPhone 16e ကိုပေါ့...

𝗗𝗘𝗔𝗟 𝗗𝗢𝗡𝗘🚨🔵

ချဲလ်ဆီးအသင်းဟာ ဘရာဇီးလ်ကလပ် ကော်ရန်သီယန်ရဲ့ Left-back ဒန်နာကို ပေါင် 8.2 သန်း + အပိုဆုကြေး ပေါင် 3.3 သန်းနဲ့အကြိုသဘောတူညီမှုရရှိကာ ခေါ်ယူနိုင်ခဲ့ပါပြီ။ ကစားသမားဟာ ချဲလ်ဆီးအသင်းကို 2026 ဇွန်လမှာ ပူးပေါင်းမှာဖြစ်ပြီး ခုနစ်နှစ်စာချုပ်ချုပ်ဆိုမှာဖြစ်ပါတယ်။

[urieliugt]🌕

အင်္ဂလန်ရဲ့ပထမဆုံး Semi-Automated Offside technology ကိုတော့ မနေ့ညက ဗီလာရဲ့ပထမဆုံးဂိုးမှာ စတင်အသုံးပြုသွားခဲ့ပါတယ်

ကံ့ကော်နီ - မင်းလူ
" လူမှားပြီးချစ်မိတာတဲ့ မှားပြီးအချစ်ခံရတာတဲ့ "
ရေတွင်းပျက်ကြီးနားက သိပ်လှပြီးတခြားအပင်တွေထက် စောပြီးပွင့်တဲ့ ကံ့ကော်ပင်ကြီးတစ်ပင်။
ကံ့ကော်ပင်ကြီးနဲ့ယှဥ်တွဲပြီး ခံစားရမှာတော့ နုပျိုလန်းဆန်းနေတဲ့ ဆယ်ကျော်သက်ကလေးတွေရဲ့ ခံစားချက်တွေ ။
အဆော့သန်တဲ့ ကောင်လေးကြောင့် သရဲရှိပါတယ်ဆိုပြီး နာမည်ကြီးခဲ့ရတဲ့ ကံ့ကော်ပင်ကြီး ။ ရပ်ကွက်ထဲက စကားဖွာကြတဲ့သူတွေကြောင့် ရေတွင်းထဲမှာ နဂါးရှိပါတယ်ဆိုပြီး သတင်းကြီးသွားခဲ့တဲ့ ရေတွင်းပျက်ကြီး ။
သူငယ်ချင်းခြောက်ယောက်ရဲ့ ငယ်ဘဝဇာတ်လမ်းကို ရေးဖွဲ့ထားတဲ့ ဝတ္ထုတစ်ပုဒ် ။ကျောင်းသားဘဝရဲ့ လွတ်လပ်မှုတွေ ပျော်ရွှင်မှုတွေ ဗရုတ်ကျမှုတွေကို ပြန်ခံစားရပြီး လွမ်းဆွတ်ခဲ့ရတယ် ။
ကိုယ်ကြိတ်ပြီးသဘောကျနေတဲ့သူအတွက်
ကျောင်းစာတွေ ဝိုင်းကူးပေးရတာဟာလည်း ဆယ်ကျော်သက်ဘဝမှာ ရင်ခုန်ပျော်ရွှင်ခဲ့ရတဲ့ အလုပ်တစ်ခုပဲမဟုတ်လား ။
ကဗျာတွေဝါသနာပါတဲ့ စိုးချစ်ဆိုတဲ့ ကောင်ကလေးကို ကြိတ်ပြီး ချစ်ခဲ့ရတဲ့ သိပ်မလှတဲ့ ကောင်မလေး ခင်မေတင့် ။
သူတို့နှစ်ဦးကြားထဲ အချစ်ဆိုတဲ့အရာ
ဝင်ရောက်လာတဲ့အခါ ဘယ်လိုဆက်ဖြစ်ကြမှာလဲ ။
ကံ့ကော်ဦးတစ်ပွင့်နဲ့ ရှုပ်ထွေးသွားခဲ့တဲ့ နုပျိုတဲ့
အချစ်တစ်ခု ။ ရင်ခုန်သံတစ်ပုဒ် ။
ရင်ခုန်စိတ်ကစားတတ်စအရွယ်မှာ လူတိုင်းကြုံခဲ့
ရတဲ့ အချစ်ဆိုတဲ့အရာအကြောင်းကို လူငယ်ဆန်ဆန် ပေါ့ပေါ့ပါးပါးနဲ့ ရယ်စရာလေးတွေပါအောင် ရေးဖွဲ့ထားတဲ့ ဝတ္ထုတစ်ပုဒ်ပေါ့ ။
မှားပြီး အချစ်ခံရတဲ့ ကောင်မလေး နဲ့
ဟန်ဆောင်ပြီး ချစ်လိုက်ရတဲ့ ကောင်ကလေးမှာ
ဘယ်သူ့ကို သနားကြမှာလဲ ။
" ကံ့ကော်ပွင့်တွေ မပွင့်နိုင်တော့တာနဲ့ပဲ အချစ်တွေ ပြန်လည် မရှင်သန်နိုင်တော့ဘူးလို့ ယူဆနေသလားဟင်

Screen Time များသူတွေ လိုက်နာသင့်တဲ့ အချက် ၅ ချက်
--------------------------------------------------
ခေတ်မီနည်းပညာတွေ ပိုမိုဖွံ့ဖြိုးလာတာနဲ့အမျှ ကျွန်တော်တို့ နေ့စဉ်ဘဝမှာ ဖုန်း၊ ကွန်ပျူတာတွေနဲ့ အချိန်အများကြီး ကုန်ဆုံးကြရပါတယ်။ အလုပ်တွေ၊ ပညာရေးတွေအတွက်တင်မကပဲ ဂိမ်းကစားခြင်း၊ ရုပ်ရှင်ကြည့်ခြင်းတို့အတွက်ပါ တစ်ရက်ထက်တစ်ရက်များလာတာကို သတိပြုမိမှာပါ။ Screen Time များခြင်းဟာ ကျန်းမာရေးကို ထိခိုက်စေနိုင်ပါတယ်။ ဒါကြောင့် Screenအကြည့်များသူတွေ လိုက်နာသင့်တဲ့ အရေးကြီးတဲ့ အချက် ၅ ချက်ကို ဖော်ပြပေးထားပါတယ်။
၁။ 20-20-20 နည်း
Screen Time မိနစ် ၂၀ ကြာတိုင်း၊ Screenနဲ့ မီတာ ၂၀ ခန့်ဝေးတဲ့ နေရာတစ်ခုခုကို စက္ကန့် ၂၀ ကြာကြည့်ပေးပါ။ ဒီနည်းလမ်းဟာ မျက်စိကြွက်သားပင်ပန်းမှုကို လျော့ပါးစေပြီး မျက်စိခြောက်သွေ့ခြင်းကို ကာကွယ်ပေးပါတယ်။ ကွန်ပျူတာနဲ့အလုပ်လုပ်တဲ့အခါ အချိန်တွေ မမှတ်မိတဲ့အခါမျိုးမှာ Timer App တွေကို အသုံးပြုနိုင်ပါတယ်။
၂။ Screenအလင်းနဲ့ အသုံးပြုတဲ့အခန်းရဲ့ အလင်းရောင်ကို ညှိပါ
Screenရဲ့အလင်းရောင်ဟာ အရမ်းလင်းနေတာဖြစ်စေ၊ အရမ်းမှိန်နေတာမျိုးတွေက မျက်စိကို ပင်ပန်းစေနိုင်ပါတယ်။ အခန်းရဲ့အလင်းရောင်နဲ့ ကိုက်ညီအောင် Screenအလင်းကို ညှိပေးဖို့ အရေးကြီးပါတယ်။ ညဘက်မှာဆိုရင် "Night Mode" ဒါမှမဟုတ် "Blue Light Filter" တွေကို အသုံးပြုသင့်ပါတယ်။ ဒါမှမဟုတ် Computer သမားဆိုရင် Light Bar သုံးနိုင်ပါတယ်။
၃။ မှန်ကန်တဲ့ ကိုယ်ဟန်ကိုယ်ထားနဲ့ ထိုင်ပါ
Screenရှေ့မှာ ကြာကြာထိုင်ခြင်းဟာ ခန္ဓာကိုယ်ကိုလည်း ထိခိုက်စေနိုင်ပါတယ်။ ကျောနဲ့ ရင်ဘတ်ကို မတ်မတ်ထားထိုင်ဖို့လိုပြီး၊ မျက်လုံးနဲ့ တစ်ပြေးတည်းဒါမှမဟုတ်၊ မျက်လုံး Lvl အောက်မှာ Monitor ကရှိနေဖို့လိုပါတယ်။ တစ်နာရီခန့် ထိုင်ပြီးတိုင်း ထလမ်းလျှောက်ဖို့၊ ခန္ဓာကိုယ်ကို အညောင်းဆန့်ပေးဖို့ မမေ့ပါနဲ့။
၄။ တစ်နေ့တာ Screenကြည့်ချိန်ကို ကန့်သတ်ပါ
နေ့စဉ် Screenကြည့်ချိန်ကို ကန့်သတ်ခြင်းဟာ ကျန်းမာရေးအတွက် အကျိုးရှိပါတယ်။ အထူးသဖြင့် ကလေးငယ်များအတွက် ပိုအရေးကြီးပါတယ်။ ဖုန်းနဲ့ Tablet တွေမှာ Screen Time ကန့်သတ်ခြင်းကို စီမံနိုင်တဲ့ App တွေရှိပါတယ်။ ဒါ့အပြင် ညအိပ်ခါနီး အနည်းဆုံး တစ်နာရီခွဲလောက်အလိုမှာ Screen Time မရှိလေကောင်းလေဖြစ်ပါတယ်။ အိပ်ချိန်မတိုင်ခင် Screenသုံးခြင်းဟာ အိပ်စက်မှုကို ထိခိုက်စေပါတယ်။
၅။ မျက်စိကျန်းမာရေးကို ဂရုစိုက်ပါ
မှန်မှန်ကန်ကန် မျက်စိစစ်ဆေးမှုခံယူခြင်းဟာ Screenကြာကြာကြည့်တဲ့သူတွေအတွက် အထူးအရေးကြီးပါတယ်။ မျက်လုံးခြောက်သွေ့နေရင် မျက်စိစက်ပေးတဲ့ Eye Drop တွေ သုံးနိုင်ပါတယ်။ ဒါ့အပြင် Blue light blocking glasses တွေကို နားလည်တတ်ကျွမ်းသူတွေနဲ့ တိုင်ပင်ပြီး အသုံးပြုတာကလည်း အကျိုးရှိနိုင်ပါတယ်။
ဒီအချက် ၅ ချက်ကို လိုက်နာခြင်းအားဖြင့် Screen Time များတဲ့အခါ ဖြစ်လာနိုင်တဲ့ ကျန်းမာရေးပြဿနာတွေကို လျော့ပါးစေနိုင်ပါတယ်။ ဇက်ကြောတက်တာ၊ မျက်စိနာတာ၊ ခေါင်းကိုက်ခြင်းတာ၊ အိပ်မပျော်တာတွေကို လျော့ချပေးမှာပါ။

"ကျွန်တော် ဆာလာနေရာကို အစားထိုးဖို့ လီဗာပူးလ်ကိုရောက်ခါနီးဖြစ်ခဲ့ဖူးပါတယ်။ တကယ်သာရောက်သွားရင် ဘာဖြစ်သွားမလဲကတော့ ဘယ်သူမှ မသိခဲ့ပါဘူး" 🔴

🗣️အန်တိုနီ