MySPACE

1 y - Youtube

Comment

1 y - Translate

" Self Control "

ပညာ မတတ်တဲ့သူ ဆိုရင်တောင်
Self Control ကောင်းတဲ့သူက
ပျက်စီးဆုံးရှုံးဖို့ ရာခိုင်နှုန်း နဲပါတယ်။

မကောင်းတာ လုပ်နေတဲ့သူတောင်
Control နဲ့ Limit ရှိတဲ့သူက
အဆုံးထိ မရောက်သွားတတ်ပါဘူး။

ဒီတော့အခုလို ဖုန်းလေးရှိရုံနဲ့
အရာရာလွယ်ကူနေတဲ့ ခေတ်မှာ
အရေးကြီးဆုံးက Self Control ပါ။

Self Control ရှိမှ
သူများကြွားတဲ့ဒဏ်တွေ ခံနိုင်မှာ။

Self Control ရှိမှ သူများခေါ်လို့
အားနာပြီး ပေါက်ကရလုပ်မိမယ့်
အဖြစ်တွေက လွတ်နိုင်မှာ။

Self Control ရှိမှ အောင်မြင်သူတွေကို
အားကျပြီး အောင်မြင်တဲ့သူတွေလို
ပြုမူကျင့်ကြံပြောဆို နေထိုင်တတ်လာမှာ။

မိဘတွေဆိုလည်း သားသမီးတွေကို
ပညာရေးအပြင် Self Controlရှိဖို့
သင်ပေးကြဖို့ လိုအပ်လာပါပြီ။

ကိုယ့်သားသမီးကို တသက်လုံး
လိုက်စိတ်ပူနေတာထက် Self Control
မိအောင် သင်ပြသင့်ပါတယ်။

သူ့ဟာသူ ထိန်းသိမ်းတတ်သွားတဲ့သူက
ဘဝအခက်အခဲ တဝက်လောက်ကို
ရင်ဆိုင်သွားနိုင်လိမ့်မယ်။

အရာအားလုံးထဲမှာ အခက်ဆုံးက
ကိုယ့်စိတ်ကို ကိုယ်ထိန်းရတာဘဲ။

" စိတ်ကို နိုင်တဲ့သူက
အရာအားလုံးကို နိုင်တဲ့သူပါ "

စိတ်နိုင်သူများ ဖြစ်နိုင်ကြပါစေ။

Comment

1 y - Translate

ကိုယ့်တန်ဖိုးနဲ့ ကိုယ်ရှိတယ်
************************

ကိုယ့်လုပ်ရပ်အပေါ်
မယုံကြည်ခဲ့တဲ့ သူတွေကို
ဘယ်တော့မှ ပြန်အောက်မကျို့နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်ယုံကြည်မှုအပေါ်
သစ္စာဖောက်ခဲ့တဲ့ ချစ်သူကို
ဘယ်တော့မှ ပြန်လက်မခံနဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်စေတနာအပေါ်
ကျေးဇူးကန်းခဲ့တဲ့ သူတွေကို
ဘယ်တော့မှ လက်ဆွဲပြန်မနှုတ်ဆက်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်ခင်မင်မှုအပေါ်
အသုံးချခဲ့ဖူးတဲ့ မိတ်ဆွေကို
ဘယ်တော့မှ ပြန်မယုံကြည်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

ကိုယ့်နားလည်မှုအပေါ်
အခွင့်အရေးယူခဲ့တဲ့ သူတွေကို
ဘယ်တော့မှ ပြန်မယုံကြည်နဲ့
ကိုယ့်မှာလဲ ကိုယ့်တန်ဖိုးနဲ့ကိုယ်ရှိတယ်။

တန်ဖိုးရှိတဲ့အရာဆိုတာ
တန်ဖိုးသိသူရဲ့ ပတ်ဝန်းကျင်နဲ့
တန်ဖိုးနားလည်သူတွေရဲ့ အနားမှာပဲ
ရှိနေသင့်တယ်။

တန်ဖိုးမသိတဲ့ ပတ်ဝန်းကျင်နဲ့
တန်ဖိုးနားမလည်တဲ့ လူတွေအနားမှာရှိနေတဲ့အခါ
ကိုယ်ဟာတန်ဖိုးရှိပေမယ့်လဲ
အလိုလိုတန်ဖိုးမဲ့သွားလိမ့်မယ် ။

Comment

1 y - Translate

အိန္ဒိယနိုင်ငံတွင် ဆိုးရွားပြင်းထန်သည့် အပူလှိုင်းကျရောက်နေမှုနှင့်အတူ အပူချိန်သည် ၄၇ ဒသမ ၄ ဒီဂရီ ဆဲလ်စီးယပ်စ်အထိ မြင့်တက်ခဲ့ပြီးနောက် ဒေလီမြို့တော်တွင် နွေရာသီကျောင်းပိတ်ရက်အတွက် စာသင် ကျောင်းများကို စောလျင်စွာပိတ်ရန် အာဏာပိုင်များက အမိန့်ထုတ်ပြန်ခဲ့သည်။

အလွန်ပြင်းထန်သည့် အပူချိန်ကြောင့် ကျောင်းများကို ချက်ချင်းပိတ်ရန် ဒေလီမြို့အရာရှိများက တိုက်တွန်း ထားပြီး သတ်မှတ်ထားသည့် အားလပ်ရက်ပိတ်ရက် ကာလထက်ရက်အနည်းငယ်စောပြီး ပိတ်ရန် ညွှန်ကြား ထားသည်။

ဒေလီမြို့တော်၏ နာဂျက်ဖ်ဂါ ဆင်ခြေဖုံးရပ်ကွက်တွင် မေ ၂၀ ရက်က အပူချိန်သည် ၄၇ ဒသမ ၇ ဒီဂရီ ဆဲလ်စီးယက်စ်အထိ မြင့်တက်ခဲ့ပြီး ယခုသီတင်းပတ်အတွင်း ပြင်းထန်သည့် အပူလှိုင်းများ ကျရောက်နိုင် သည်ဟု မိုးလေဝသဗျူရိုက သတိပေးခဲ့သည်။

ဒေလီမြိုကတော်အပြင် ဟာယာနာ မာဒယာပရာဒေ့ရှ်၊ ပန်ဂျပ်နှင့် ရာဂျက်စ်သန် ပြည်နယ်များတွင်လည်း စာာသင်ကျောင်းများကို ပိတ်ထားရန် အာဏာပိုင်များက ညွှန်ကြားခဲ့သည်။

အိန္ဒိယနိုင်ငံ၌ နွေရာသီတွင် ပြင်းထန်သည့် အပူချိန်များ မြင့်တက်မှုသည် ထူးဆန်းသည့် ဖြစ်စဉ်တစ်ခုတော့ မဟုတ်ပေ။

သို့သော် ရာသီဥတု ပြောင်းလဲမှုကြောင့် အပူလှိုင်းကျရောက်မှုများသည် အချိန်ပိုမို ကြာမြင့်ပြီး ပိုပြင်းထန်လာ ကာ အပူလှိုင်းကျရောက်မှု မကြာခဏ ဖြစ်ပွားလာသည်ဟု သိပ္ပံဆိုင်ရာ သုတေသနတွေ့ရှိချက်များအရ သိရသည်။

အပူချိန်သည် လူသားများ၏ ကျန်းမာရေး အထူးသဖြင့် မွေးကင်းစကလေးငယ်များ၊ သက်ကြီးရွယ်အိုများနှင့် နာတာရှည်ရောဂါ ခံစားနေရသူများအပေါ် သက်ရောက်မှုရှိကြောင်း အိန္ဒိယမိုးလေဝသဌာနက သတိပေး ထားသည်။

၂၀၂၂ ခုနှစ် မေလက ဒေလီမြို့တော်၏ အချို့နေရာဒေသများတွင် အပူချိန်သည် ၄၉ ဒသမ ၂ ဒီဂရီ ဆဲလ်စီးယပ်စ်အထိ မြင့်တက်ခဲ့သည်။

အိန္ဒိယတွင် ဒေလီမြို့တော်အပါအဝင် သီတင်းခြောက်ပတ်ကြာ ပြုလုပ်နေသည့် ရွေးကောက်ပွဲအတွက် မဲပေးမှုများနောက် တစ်ဆင့်ပြုလုပ်လျက်ရှိသည်။

သို့သော်လည်း ပုံမှန်ထက်ပိုမိုပူပြင်းသည့် အပူချိန်များကြောင့် ထိုရွေးကောက်ပွဲတွင် မဲရုံများသို့ လာရောက် မဲပေးသူအရေအတွက် လျော့ကျခဲ့ကာ ဝန်ကြီးချုပ် နရင်ဒရာမိုဒီသည် တတိယသက်တမ်းကို လွယ်လင့်တကူ အနိုင်ရလိမ့်မည်ဟု ကျယ်ကျယ်ပြန့်ပြန့် မျှော်မှန်းခံထားရသည်။

အိန္ဒိယရွေးကောက်ပွဲကော်မရှင်ကမူ အပူလှိုင်းများနှင့် လေထုစိုထိုင်းဆများသည် မဲပေးမှုအပေါ် မည်သို့မည်ပုံ သက်ရောက်မှုရှိသည်ဆိုခြင်းကို လေ့လာသုံးသပ်ရန် အထူးတာဝန်အဖွဲ့ ဖွဲ့စည်းခဲ့သည်။

တစ်ချိန်တည်းမှာပင် တမီနာဒူးနှင့် ကီရာလာပြည်နယ်များအပါအဝင် အိန္ဒိယ၏ တောင်ပိုင်းပြည်နယ်များတွင် ပြီးခဲ့သည့်ရက်ပိုင်းအတွင်း မိုးသည်းထန်စွာရွာသွန်းခဲ့သည်။

ပြီးခဲ့သည့် သီတင်းပတ်ကလည်း အိန္ဒိယ၏ စီးပွားရေးမြို့တော်ဖြစ်သည့် မွမ်ဘိုင်းမြို့အပါအဝင် နိုင်ငံ၏ နေရာဒေသအချို့တွင် မုန်တိုင်းများတိုက်ခတ်ခဲ့ပြီး လေပြင်းများကြောင့် ကြီးမားသည့် ဆိုင်းဘုတ်များပြိုလဲခဲ့ ကာ လူ ၁၆ ဦးသေဆုံးခဲ့ပြီး ဒါဇင်နှင့်ချီ ဒဏ်ရာရခဲ့သည်ဟု တာဝန်ရှိသူများက ပြောကြားခဲ့သည်။