အီလွန်မတ်စ်ကို CEO ရာထူးက ဆင်းခိုင်းနေပြီ

Tesla investors တွေကတော့ အီလွန်မတ်စ်ကို မကျေနပ်တော့ပါဘူး။

စတော့တွေ ထိုးကျလိုက်လာတာ အီလွန်မတ်စ် မွှေလို့ ဖြစ်ရတာလို့ တွေးတဲ့သူတွေ ရှိလာပါတယ်။ ဒီထဲမှာ Tesla ရဲ့ အစောဆုံး investor တွေထဲက တစ်ဦးဖြစ်တဲ့ ရော့စ် ဂါဘာလည်း ပါပါတယ်။ သူကတော့ ဒေါ်နယ်ထရမ့်နဲ့ ပေါင်းပြီး နိုင်ငံရေးမှာ အီလွန်မတ်စ် ဝင်ပါလို့ Tesla စီးပွားရေးထိခိုက်တာလို့ မြင်ပါတယ်။

Gerber Kawasaki ရဲ့ CEO ဂါဘာက အီလွန်မတ်စ်ရဲ့ ဦးဆောင်မှုနဲ့ Tesla အနာဂါတ်ကို အကောင်းမြင်ခဲ့တဲ့ အကြီးစား ရင်းနှီးမြှုပ်နှံသူပါ။ အခုတော့ ကုမ္ပဏီကို တခြားသူ ဦးဆောင်ဖို့လိုနေပြီလို့ ထုတ်ပြောလာပါတယ်။

"Tesla မှာ CEO သစ်လိုနေပြီလို့ ကျွန်တော်ထင်တယ်။ ဒါကို ပြောရတော့မယ်လို့ ဒီနေ့ပဲ ကျွန်တော် ဆုံးဖြတ်လိုက်တာပါ။ ဒါက ကျွန်တော်အခုလို ထုတ်ပြောတဲ့ ပထမဆုံး show လည်း ဖြစ်ပါတယ်။" လို့ Sky ရဲ့ Business Live မှာ ဂါဘာက ပြောသွားပါတယ်။

အီလွန်မတ်စ်က နိုင်ငံရေးကိစ္စတွေနဲ့ အလုပ်များနေပြီး Tesla ကုမ္ပဏီကို အကြာကြီး ပစ်ပယ်ထားတယ်လို့လည်း ဂါဘာက ပြောပါတယ်။ အီလွန်မတ်စ်အနေနဲ့ Tesla ကို ပြန်လာပြီး CEO လုပ်မလား။ အစိုးရအလုပ်တွေဘက် အာရုံစိုက်မလားလို့လည်း သူက မေးခွန်းထုတ်ပါတယ်။

အစိုးရအသုံးစရိတ်ဖြတ်တောက်ရေးအတွက် ဖွဲ့လိုက်တဲ့ DOGE ဌာနသစ်မှာ ခေါင်းဆောင်ဖြစ်သွားတဲ့နောက် အီလွန်မတ်စ်ဟာ လူထုအမုန်းတရားနဲ့ ဆန့်ကျင်ကန့်ကွက်မှုတွေ ကြုံနေရသလို Tesla ကားတွေ သပိတ်မှောက်တာ ၊ မီးရှို့ဖျက်ဆီးတာတွေနဲ့ပါ ရင်ဆိုင်နေရပါတယ်။

လျှပ်စစ်ကားဈေးကွက်မှာလည်း ဈေးသက်သာပြီး ပြိုင်ဆိုင်မှုမြင့်တဲ့ တရုတ်ထုတ် EV တွေက Tesla ရဲ့ ဈေးကွက်ဝေစုကို ဖဲ့ယူနေပါတယ်။ လက်ရှိမှာ Tesla ရှယ်ယာတွေ ထိုးကျပြီး ဒီဇင်ဘာလနောက်ပိုင်း ဈေးကွက်တန်ဖိုး ဒေါ်လာဘီလျံ ၈၀၀ ကျော် ကျဆင်းထားပါတယ်။

ကမ္ဘာ့အချမ်းသာဆုံးသူဌေး အီလွန်မတ်စ်ဟာ DOGE မှာ ဝင်ပါနေတဲ့အပြင် Tesla နဲ့ SpaceX အာကာသလုပ်ငန်းတွေမှာလည်း CEO အဖြစ် ဦးဆောင်နေပါတယ်။

•ချဲလ်ဆီးအသင်းဟာ ဆန်ချိုရဲ့ ကစားပုံအပြင် စိတ်နေစိတ်ထားအပြုအမူတွေကိုပါ စိတ်ပျက်စပြုနေပြီး လျော်ကြေးပေးကာ အပြီးသတ်မဝယ်ဖို့အထိ စဉ်းစားနေပါပြီ။ ယူနိုက်တက်ကလည်း ဆန်ချိုကို အလိုမရှိတာမို့ အသင်းကိုရောက်လာရင်တောင် ရတဲ့အသင်းဆီ ချက်ချင်းရောင်းမှာဖြစ်ပါတယ် 👀🔵

[iPaper]🌖

သုခဘုံ ပျောက်ဆုံးသွားသောအခါဝယ်
အသက် ခြောက်ဆယ်တန်း၊ ခုနှစ်ဆယ်တန်းတွေနဲ့ စကားပြောကြည့်တဲ့အခါမှာ သူတို့စကားထဲမှာ သူတို့ခေတ်တုန်းက ဘယ်ရုံမှာ ဘယ်လိုရုပ်ရှင်တွေ ကြည့်ခဲ့ရတာ၊ ဘယ်ဇာတ်ကားတွေက ဘယ်လိုကောင်းတာဆိုပြီး မှတ်မှတ်ရရ ပြန်ပြောင်းအောက်မေ့ပြီး ပြောတဲ့စကားတွေ ပါလာတတ်တာကို သတိထားမိတယ်။ ဒါတင်မကသေးဘဲ သူတို့ကြည့်ခဲ့ရတဲ့ ရုပ်ရှင်ကားတွေကို ဘယ်ရုံမှာ ကြည့်တယ်ဆိုတာကအစ ဘောလုံးကွင်းထဲ ပိတ်ကားထောင်ပြီး ပြတာအဆုံးတောင်မှ ပါတတ်သေးတယ်။
ရယ်စရာတစ်ခုက ရုပ်ရှင်ထဲမှာ ဖိုက်တင်ပလေးတဲ့ အခန်းတွေ ပါလို့ မင်းသားက ခံနေရပြီဆိုရင် လူအုပ်ကြီးက မရိုးမရွဖြစ်လာပြီး ဒေါသတွေ ပေါက်ကွဲကြတယ်တဲ့။ ဒါတင်မကသေးဘဲ ပိတ်ကားကြီးကိုပါ ခဲနဲ့ ထုကြလို ပေါက်ပြဲကုန်ပြီး လျော်ရတာလည်း အကြိမ်ပေါင်း မနည်းဘူးလို့ ပြောကြသေးတယ်။ နောက်ထပ်ရယ်စရာတစ်ခုက ကိုယ့်အကြောင်းပါပဲ။ ကလေးတုန်းက ရုံသွားကြည့်ရင်း ကိုယ်က တအားသိုင်းကစားပြတာ။ ဘယ်လိုလဲဆိုတော့ ရုပ်ရှင်ထဲမှာ ချခန်း၊ဖိုက်ခန်းတွေ ပါလာရင် လူက ခြေမြှောက်လိုက်၊ လက်မြှောက်လိုက်နဲ့ ရုပ်ရှင်ထဲ ဈာန်ဝင်စားသွားတတ်တယ်။
တကယ်တော့ လူတွေအတွက် တကယ် တကယ်တမ်းပြောရရင် အရေးအကြီးဆုံးက စားဝတ်နေရေးပါပဲ။ ဒါပေမဲ့ အသံတိတ်ရုပ်ရှင်တွေ စပေါ်လာကတည်းက လူတွေရဲ့ ဘဝမှာ ဒီနေ့ဒီအချိန်အထိ အရေးပါတဲ့ အစိတ်အပိုင်းတစ်ခု ဖြစ်လာတာကတော့ ရုပ်ရှင်တွေလို့ ပြောရမယ်။ လူတွေက သူငယ်ချင်းမိတ်ဆွေ၊ ချစ်သူရည်းစားတွေနဲ့ ရုပ်ရှင်ရုံထဲသွား၊ တစ်ယောက်တည်းသွားလည်း ဘာမှမဖြစ်ဘူး။ ရုံထဲမှာ သူလိုကိုယ်လို အဖော်တွေ များကြီးရှိတယ်။ အထီးကျန်နေမှာ မဟုတ်ဘူး။ ပြနေတဲ့ ရုပ်ရှင်က ကြောက်ဖို့ကောင်းနေရင် လူတွေရဲ့ မျက်လုံးတွေက ပိတ်ကားပေါ် မရှိတော့၊ ရယ်စရာကောင်းနေရင် လူတွေရဲ့ ရယ်သံက ရုံအပြင်ဘက်အထိတောင်မှ ထွက်လာတတ်သေး၊ ဝမ်းနည်းစရာဆိုရင်တော့ မှိန်တလှည့် လင်းတလှည့် ပိတ်ကားဆီက အလင်းပြန်တဲ့ အလင်းရောင်အောက်က လူတွေရဲ့ မျက်နှာမှာ မျက်ရည်တွေ အတိုင်းသားကျလို့။
ဒီအကြောင်းတွေက ကျန်ခဲ့ပြီဖြစ်တဲ့ အတိတ်တုန်းက အကြောင်းအရာတွေပေါ့။ လူအများစုက အကြောင်းကြောင်းကြောင့် ရုပ်ရှင်ရုံတွေဆီ မရောက်ဖြစ်ကြတော့ဘူး။ ရုပ်ရှင်ဇာတ်ကားတွေကလည်း လူတွေကို လာကြည့်ဖို့ မဆွဲခေါ်နိုင်တော့ဘူး။ မျက်စိရှေ့မှောက်မှာတင် ပြိုကျပျက်စီးခဲ့ပေါ့။ လူတွေနည်းတူ လောကဓံရဲ့ ရိုက်ပုတ်မှု ဒဏ်ကို ခံရတဲ့အထဲ ရုပ်ရှင်ရုံတွေ၊ ရုပ်ရှင်ကားတွေလည်း ပါတယ်ဆိုတဲ့ သဘောပါပဲလေ။
ဖြစ်ရပ်မျိုးစုံ ပါဝင်ပြီးတော့ ရုပ်ရှင်ဇာတ်ကားတွေ ဆင့်ကဲပြောင်းလဲလာတဲ့အကြောင်းကိုမှ သိပ်ကို ကြည်နူးဖွယ်ရာ၊ ဝမ်းနည်းဖွယ်ရာ ရသအဖုံဖုံ လွှမ်းထုံထားတဲ့ အီတလီ ဂန္ထဝင်ရုပ်ရှင်တစ်ကား ရှိတယ်။ ရုပ်ရှင်နာမည်က ‘Cinema Paradiso’ တဲ့။ ရုပ်ရှင်နာမည်ကိုက စိတ်ဝင်စားဖို့ကောင်းသလို ဇာတ်လမ်းလေးကလည်း သဘောကျဖို့ကောင်းတယ်။ ပြည်တွင်းပြည်မှ အသိအမှတ်ပြုခံရရုံသာမကဘဲ ဂုဏ်သိက္ခာရှိတဲ့ ရုပ်ရှင်ဆုတွေလည်း အများကြီး သိမ်းပိုက်ထားနိုင်သေးတယ်။
ဇာတ်လမ်လေးက ဒီလို။ ရောမမှာ နေတဲ့ Salvatore Di Vitta ဆိုတဲ့လူက နာမည်ကြီး ဒါရိုက်တာတစ်ယောက်ပါ။ အိမ်ပြန်နောက်ကျတဲ့ တစ်ညမှာ သူ့ကို သတင်းတစ်ခုက စောင့်နေတယ်။ ဒါက သူ့အမေ ဖုန်းဆက်တယ်၊ ချန်ခဲ့တဲ့ သတင်းက Alfredo ဆိုတဲ့လူ ဆုံးပါးသွားခဲ့တဲ့။ ဒီသတင်းကို ကြားလိုက်ပြီးတဲ့နောက် ပြန်မရောက်တာ နှစ်ပေါင်း ၃၀ ကြာခဲ့ပြီဖြစ်တဲ့ စီစလီက မွေးရပ်မြေရွာလေးမှာ ဖြတ်သန်းခဲ့ရတဲ့ အတိတ်ဖြစ်ရပ်တွေက သူ့မှတ်ဉာဏ်ထဲကို တားမရဆီးမရ ဝင်ရောက်လာခဲ့တော့ပါပဲ။ ကျန်တာကိုတော့ မပြောတော့ဘူး။ ပရိသတ်တွေပဲ ဇာတ်လမ်းထဲမှာ စီးမျောရင်း ခံစားကြည့်ပါလို့။
စာဖတ်ဝါသနာပါသူတွေက စာအုပ်ကောင်းတစ်အုပ်တွေ့ရင် အချင်းချင်း လက်တို့ပြီး ဝေမျှကြသလို ရုပ်ရှင်ပရိသတ်တစ်ယောက်ဖြစ်တဲ့ ကိုယ်ကလည်း ‘Cinema Paradiso’ ဆိုတဲ့ ရုပ်ရှင်ကားကောင်းတစ်ကား တွေ့ထားမို့ ဝါသနာတူချင်း လက်တို့လိုက်ပါတယ်။

•အက်သလက်တီကိုမက်ဒရစ်အသင်းဟာ လီဗာပူးလ်တိုက်စစ်မှူး ဒါဝင်နူနက်စ်ကို အထူးစိတ်ဝင်စားနေပါတယ်။ အငှား+ယူရို သန်း ၄၀နဲ့အပြီးသတ်ခေါ်ယူခွင့် နဲ့ ခေါ်ယူချင်နေပြီး နူနက်စ်ကို ဆော်ဒီကလည်း စိတ်ဝင်စားနေပါတယ်။ 🔴🚨

[JacobsBen]🌕

Huawei Pura 70 ဒီဇိုင်းနဲ့ iPhone ပုံစံ Camera Button ပါမယ့်ဖုန်း

အကောင်းဆုံးဖုန်းဒီဇိုင်းတွေ ပေါင်းစပ်ထားတဲ့ mid-range Honor ဖုန်းကို မကြာခင် မြင်တွေ့ရတော့မှာပါ။

Honor ရဲ့ ဂဏန်းစီးရီးတွေထဲက Honor 400 Lite ရဲ့ ဒီဇိုင်း leak တွေကို ကြည့်လိုက်ရင် နောက်ဆုံးပေါ် iPhone နဲ့ Huawei Pura 70 ဖက်ရှင်ကို ပေါင်းစပ်ထားတာ တွေ့ရမှာပါ။ အခု leaks တွေက official နဲ့ တော်တော်ကြီး နီးစပ်ပါတယ်။

Honor 400 Lite ကို ဟန်ဂေရီအွန်လိုင်း retail တစ်ခုမှာ ဈေးနဲ့ ပုံတွေ တင်လာတာ တွေ့ရလို့ပါ။ ပုံအရ Honor 400 Lite က ‌Flat body နဲ့လာပြီး ရှေ့မှာ iPhone 16 Pro မှာလိုမျိုး ဆေးတောင့်ပုံ dynamic island သုံးထားတာ တွေ့ရပါတယ်။ ကျောဘက်ကင်မရာအိမ်ဒီဇိုင်းက Huawei Pura 70 စီးရီးဆန်ဆန် တြိဂံကင်မရာဖွဲ့စည်းမှုနဲ့ လာပါတယ်။

Connextion ဆိုတဲ့ ဟန်ဂေရီလက်လီဆိုင်ကတော့ Honor 400 Lite ရဲ့ ဈေးတွေနဲ့ တချို့ specs တွေပါ ချပြထားပါတယ်။ ဒီဖုန်းက ၆.၇ လက်မ OLED display နဲ့ လာပြီး Android 15 ၊ MediaTek Dimensity 7025 SoC နဲ့ RAM 8GB/256GB Storage တို့ ပါလာမှာပါ။

ကျောဘက်မှာ 108MP main sensor ပါတဲ့ dual camera စနစ်နဲ့ LED flash တို့ သုံးလာမယ်လို့ ဆိုပါတယ်။ ထူးထူးခြားခြား ပြောစရာတစ်ခုက ဖုန်းညာဘေးဘောင်မှာ iPhone ပုံစံ ကင်မရာခလုတ်ပါ ထည့်ထားတာပါ။ တခြား ဘက်ထရီ ၊ ကင်မရာ နဲ့ Charging တွေအကြောင်းတော့ မသိရသေးပါဘူး။

ဟန်ဂေရီ retalier ကတော့ Honor 400 Lite ကို အနက် ၊ ငွေရောင်နဲ့ စိမ်းပြာရောင် သုံးမျိုးနဲ့ ပြထားပါတယ်။ 8/256GB ဗားရှင်းကိုလည်း ဟန်ဂေရီငွေကြေး ၁၃၈၂၈၀ (ဒေါ်လာ ၃၈၀ ခန့်) လို့ ဖော်ပြထားလို့ စိတ်ဝင်စားဖို့ကောင်းတဲ့ ဈေးလို့ ပြောရမှာပါ။

ကြိုက်တဲ့သူနဲ့ ဘောက်ချာရှင်း ဒါပေမယ့် ဦးဂျွန်ကိုတော့ ရှောင် .. လို့ .. ?BALLERINA Trailer 3 (2025) John Wick.

ယာဉ်မောင်းအကူစနစ်ကို အလကားပေးသုံးလိုက်တဲ့ ကားကုမ္ပဏီ

ဒေါ်လာ ၈၀၀၀ ကျော်တန်တဲ့ နည်းပညာတစ်ခုကို တရုတ်ကားကုမ္ပဏီတစ်ခုက Free ပေးသုံးလိုက်ပါတယ်။

တရုတ်လျှပ်စစ်ကားကုမ္ပဏီ Zeekr က အဆင့်မြင့် ယာဉ်မောင်းအကူဆော့ဖ်ဝဲလ်ကို တရုတ် customers တွေအတွက် အခမဲ့ပေးသုံးလိုက်တာပါ။ တရုတ်မှာ Driving Assistant နည်းပညာချင်း ပြိုင်လာချိန် Zeekr က သူ့နည်းပညာကို free ချပေးပြီး ဈေးကွက်ဖောက်လာတာ ဖြစ်ပါတယ်။

Zeekr ရဲ့ အဆင့်မြင့် Advanced Driver-Assistance System (ADAS) က Nvidia Orin X chipset နှစ်ခုနဲ့ lidar တစ်ခုသုံးပြီး တည်ဆောက်ထားတာပါ။ ဒီနည်းပညာက ယာဉ်မောင်းသွားမယ့်နေရာကို ဆော့ဖ်ဝဲလ်က လူမလိုသလောက် အလိုအလျောက်နီးပါး မောင်းနှင်နိုင်မယ့် နည်းပညာ ဖြစ်ပြီး လူက စတီယာရင်ပေါ် ထိန်းလိုက်ရုံ တီထွင်ထားတာပါ။

Zeekr ရဲ့ ADAS ဆော့ဖ်ဝဲလ်ကို ယွမ် ၆၄၀၀၀ (ဒေါ်လာ ၈၈၅၀) နဲ့ ရောင်းလို့ လူမှုကွန်ရက်တွေပေါ်မှာ Zeekr ကို ဝေဖန်သံတွေ ညံခဲ့ပါတယ်။ တချို့ Weibo သုံးသူတွေကတော့ Tesla က သူ့ FSD နည်းပညာကို ဧပြီ ၁၆ ရက်နေ့အထိ free ပေးသုံးတယ်ဆိုပြီး ပြောတာတွေ ရှိခဲ့ပါတယ်။

သင်သိပါသလား ❓

နယူးကာဆယ်နည်းပြ အက်ဒီဟောင်းဟာ လုပ်ငန်းစဉ်ကိုနှစ်တိုင်းယုံကြည်နေရတဲ့ နည်းပြ အာတီတာ နဲ့ ဆုဖလားရယူပေးမှုအရေအတွက် တူညီနေပါပြီ 🏆

Dimensity 8350 Ultra သုံး realme ရဲ့ ပထမဆုံး Ultra ဖုန်း
အကြမ်းခံမှု မြင့်ပြီး ဒီဇိုင်းခန့်တဲ့ အလတ်တန်းစား realme P3 Ultra ထွက်လာပါတယ်။
realme P3 Ultra က realme ရဲ့ ပထမဆုံး Ultra ဖုန်းဖြစ်ပြီး ခပ်မှောင်မှောင်ဆို အစိမ်းရောင်သမ်းသွားတဲ့ light-sensing color ပါတဲ့ ဖုန်းပါ။ Glowing Lunar White မော်ဒယ်မှာ ဒီအရောင်ပြောင်းနည်းပညာ ပါပါတယ်။ လပေါ်က မြေကြီးလို texture နဲ့ တလက်လက်တောက်တဲ့အမှုန်လေးတွေကို micro-sculpting နည်းပညာနဲ့ ဖန်တီးထားတာပါ။
vegan leather နဲ့ ကြိုက်ရင် Neptune Blue နဲ့ Orion Red ဗားရှင်း နှစ်မျိုး ထွက်ပါတယ်။ နှစ်မျိုးလုံးလည်း တော်တော်လှတဲ့အရောင်တွေပါ။ realme P3 Ultra က IP66 , IP68 နဲ့ IP69 တွေ ပါပြီး Hi-Res Audio ထောက်ခံချက်ပါတဲ့ စတီရီယို စပီကာတွေ သုံးထားတာပါ။
screen size ၆.၈၃ လက်မ မှန်ခုံး FHD+ AMOLED သုံးထားပြီး 120Hz refresh rate ၊ 1500 nit brightness နဲ့ Gorilla Glass 7i မှန်ပါပါတယ်။ ရှေ့ဘက် 16MP selfie သုံးပြီး မှန်အောက်မှာ လက်ဗွေ sensor ထည့်ပါတယ်။ ကျောဘက်မှာ 24mm နဲ့ ညီတဲ့ OIS ပါ 50MP main sensor နဲ့ 16mm နဲ့ ညီတဲ့ 8MP Ultrawide lens ကို သုံးပါတယ်။
realme P3 Ultra ကို Ultra ဗားရှင်း Dimensity 8350 chipset နဲ့ မောင်းထားပြီး RAM 8/12GB ၊ storage 128/256GB တွေနဲ့ လာပါတယ်။ ဘက်ထရီပါဝါ 6000mAh သုံးပြီး 80W charging နဲ့ တွဲပေးထားတာပါ။ ဆော့ဖ်ဝဲလ်ပိုင်းမှာ Android 15 ကို အခြေခံထားတဲ့ realme UI 6.0 နဲ့ ထွက်ထားပြီး Android update ၂ နှစ် security patch ၃ နှစ် ပေးမယ်လို့ ဆိုပါတယ်။
ဈေးကွက်မှာ 8/128GB ဗားရှင်းကို ၂၆၉၉၉ ရူပီး (၃၁၂ ဒေါ်လာ) နဲ့ အမြင့်ဆုံး 12/256GB ဗားရှင်းကို ၂၉၉၉၉ ရူပီး (၃၄၆ ဒေါ်လာ) တွေနဲ့ ရောင်းချသွားမှာပါ။

ကောင်းသော
မင်္ဂလာအပေါင်းနှင့်ပြည့်စုံသော
နေ့လေးတစ်နေ့ဖြစ်ပါစေ 🙏