စျေးသက်သာပြီး သုံးလို့ကောင်းတဲ့ Skincare များ
(အပိုင်း-၁၁)
GIFFARINE HONEY CARE CLEANSER🍯
Budget skincare series လေးကနေ ကြိုဆိုပါတယ်နော်။ ဒီတခေါက် Nyi က budget save ဖြစ်ပြီး သုံးရတာအရမ်းအဆင်ပြေတဲ့ မျက်နှာသစ်လေးတခုကို ညွှန်းပေးချင်ပါတယ်။
သူက TikTok မှာနာမည်ကြီးပြီးသားဆိုတော့ တချို့သိပြီးသားဖြစ်ရင်ဖြစ်ပါလိမ့်မယ်။ Nyi ကတော့ လူပြောများပြီး စျေးနှုန်းလေးလဲမဆိုးတာနဲ့ ဆိုင်ရောက်တုံး စမ်းရအောင်ဝယ်လာတာပေါ့နော်။ ခုဆိုသုံးနေတာ ဗူးတဝက်လဲကျိုးပြီဆိုတော့ review လေးပြောပြပါမယ်။ Nyi သိသလောက် သူ့မှာ 100ml နဲ့ 180ml ဆိုပြီး size 2မျိုးထွက်တယ်။ ဒါကတော့ 180ml ပါ။ 2ခုက တူမလိုလိုနဲ့ မတူပါဘူး။ 100ml ဗူးက Honey Acne Care Cleanser မလို့ ပိုပြီး deep cleansing ဖြစ်တယ်လို့ ကြားပါတယ်။ ဒီ 180ml ဗူးလေးကတော့ ရိုးရိုး Honey Care Cleanser မလို့ 2ခုယှဉ်ရင် ပျော့တယ်ဆိုရမှာပေါ့နော်။ သူ့ရဲ့စျေးနှုန်းလေးတွေက 100ml ကို 1သောင်းဝန်းကျင်၊ 180ml ကို 1သောင်းခွဲဝန်းကျင်ဆိုတော့ စျေးတန်တယ်လို့ Nyi တော့မြင်ပါတယ်။ အထူးသဖြင့် gentle cleanser 'Cetaphil' 'CeraVe' တွေ 6,7သောင်းကျော်ဖြစ်နေတဲ့အချိန်မှာ ဒါလေးက အရမ်းကိုသုံးပျော်တယ်ပေါ့နော်။
နောက်ပြီး သူက skin types တော်တော်များများနဲ့လဲ ကိုက်ညီတယ်။ ဘာကြောင့်လဲဆို အမြုပ်ထွက်အားလဲ အတန်အသင့်ရှိပြီး cleansing power လဲအလယ်အလတ်မှာရှိတာကိုး။ သူတခုနဲ့ sunscreen ဖျက်နိုင်တဲ့ထိမဟုတ်ပေမဲ့ double cleansing မှာ 2nd cleanser အနေနဲ့သုံးဖို့ perfect ဖြစ်တဲ့အနေအထားမှာ ရှိပါတယ်။ အနံ့က ပျားရည်ကိုရေနွေးနဲ့ဖျော်ထားတဲ့အနံ့မျိုး၊ ခပ်ဖျော့ဖျော့လေးပဲ။ သုံးတဲ့အခါမှာလဲ မန်ကျည်းစေ့ပမာဏလောက်ထည့်ရင် ရပြီ။ User experience အနေနဲ့က ဗူးအဖွင့်အပိတ်လဲအဆင်ပြေပြီး မျက်နှာပေါ်ပွတ်ရတာလဲ နူးနူးညံ့ညံ့ရှိတယ်။ ရေနဲ့ဆေးချလိုက်ရင်လဲ ချွဲချွဲကြီးမကျန်ခဲ့ဘူး။ မျက်နှာကိုစိုစိုလေးနဲ့ ကြည်သွားစေတယ်။ ကိုယ့်မျက်နှာမှာ လောလောဆယ်ဝက်ခြံထွက်နေတာမျိုးမရှိလို့ သိပ်မပြောနိုင်ပေမဲ့ ပျားရည်အဓိကပါလို့ Acne အတွက်လဲ အထောက်အကူဖြစ်ပါလိမ့်မယ်။ Nyi တော့သူ့ကို morning cleanser အနေနဲ့ရော night cleanser အနေနဲ့ပါ သုံးဖြစ်ပါတယ်။
Combination, Normal skin တွေနဲ့ဆို ကွက်တိမက်စိပဲ။ Oily skin တွေအတွက်တော့ cleansing မလုံလောက်သလို ခံစားရနိုင်ပါတယ်။ Dry skin တွေနဲ့ဆို အသားနည်းနည်းခြောက်နိုင်တယ်ပေါ့နော်။ In conclusion, စျေးချိုတာမကြည့်ဘဲ မှတ်ချက်ပေးရရင်ကို ရေရှည်စွဲသုံးဖို့ အတော်လေးအဆင်ပြေတဲ့ cleanser တခုပါ။ Nyi recommend ပေးပါတယ်။
Disclaimer : I purchased this.
#budgetskincareseries
#reviewbynyi #nyipick #nyipickcleanser
#crd
