MySPACE

43 w - Translate

BTC is Over 100,000$

Comment

43 w - Translate

ဗန်းမော်မြို့ထဲနဲ့ အနီးဝန်းကျင်မှာ တိုက်ပွဲ ပြင်းထန်လာလို့ ဒေသခံတွေ အရေးပေါ် တိမ်းရှောင်

ဒီဇင်ဘာ ၅

ကချင်ပြည်နယ်ရဲ့ ဒုတိယ မြို့တော်ဖြစ်တဲ့ ဗန်းမော်မြို့ထဲ အပါအဝင် အနီးဝန်းကျင် နေရာအနှံ့ ဒီဇင်ဘာလ ၄ ရက်နေ့ မနက် ၅ နာရီခန့်ကစ တိုက်ပွဲ ပြင်းထန်လာလို့ ဒေသခံတွေ ဘေးလွတ်ရာ အမြန်ဆုံး တိမ်းရှောင် နေကြရကြောင်း ဒေသခံတွေဆီက သိရပါတယ်။

"စက်လှေတွေနဲ့ စစ်ဘေးရှောင်နေ ရပြီ။ စက်လှေတွေ တော်တော် တန်းစီနေတယ်" လို့ ဒေသခံ တယောက်က ပြောပါတယ်။

စကခ ၂၁၊ ခလရ - ၃၁၉၊ ခမရ ၆၀၁၊ ခလရ - ၄၇၊ လက်နက်ကြီးတပ် ၆၄၁ တွေ အပါအဝင် ဗန်းမော် - မိုးမောက် လမ်းပေါ် နဲ့ မြို့ထဲက နေရာ တချို့မှာ တိုက်ပွဲ ဖြစ်ပွားနေတာ လို့ သူက ပြောပါတယ်။

"ဗန်းမော်ထဲလည်း အခြေအနေ မကောင်းဘူး။ ၃ မိုင်ဘက်က ဒေသခံတွေ နဲ့ မြို့ပြင်ဘက်က ဒေသခံတချို့ မြို့ထိပ်ပြေးလာကြတာ ကားတွေ ဆိုင်ကယ်တွေ ပြည့်နေတယ်" လို့ နောက်ထပ်ဒေသခံ တယောက်က ပြောပါတယ်။

တချို့ နစက တပ်စခန်း တွေ သိမ်းခံရတယ်လို့ ကြားနေသလို မြို့ထဲ လေယာဉ်ကွင်းနဲ့ တက္ကသိုလ် တွေလည်း အခြေအနေမကောင်းဘူးလို့ ကြားရပေမယ့် အတည်နိုင်ဘူး လို့ သူက ပြောပါတယ်။

လက်နက်ကြီးသံ၊ လေယာဉ် ဗုံးကြဲ သံတွေ တရုတ် နယ်စပ်ဘက် ခြမ်း ကနေတောင်ကြားနေရတယ်လို့ တရုတ် နယ်စပ်ဘက် နေထိုင်သူတွေကလည်း ပြောပါတယ်။

ပြီးခဲ့တဲ့ လပိုင်းကတည်းက နစက တပ်ဖွဲ့တွေက KIA နဲ့ ပူးပေါင်းတပ်ဖွဲ့တွေ သိမ်းပိုက်ထားတဲ့ မိုးမောက်ဘက် တန်ပြန် ထိုးစစ်ဆင်နေတာ ဖြစ်ပေမယ့် ဒီနေ့ ဒီဇင်ဘာလ ၄ ရက်နေ့ မနက် အစောပိုင်းကစ ဗန်းမော်မြို့ ထဲ တချို့ နေရာ အပါဝင် မြို့အနီး ဝန်းကျင်က နေရာ ၇ ရာ ဝန်းကျင်ခန့်ကို KIA နဲ့ ပူးပေါင်းတပ်ဖွဲ့ကတပြိုင်တည်း ထိုးစစ်ဆင်လာတာ ဖြစ်ကြောင်း ဒေသခံတွေဆီက သိရပါတယ်။

Photo Crd# ဒေသခံ

Credit - VOM News Agency

#သတင်းဟင်းလေးအိုးကြီး

Comment

43 w - Translate

ဘုရားသုံးဆူကတစ်ဆင့် ထိုင်းနိုင်ငံထဲကို ခိုးဝင်သည့် မြန်မာ ၅၀ ဦး အဖမ်းခံရ

ဒီဇင်ဘာ ၅

မြန်မာနိုင်ငံ ဘုရားသုံးဆူဘက်က ထိုင်းနိုင်ငံအတွင်း ခိုးဝင်သည့် မြန်မာ ၅၀ ဦးကို တစ်နေ့တည်းတွင် ထိုင်းရဲတပ်ဖွဲ့က ဖမ်းဆီးလိုက်ကြောင်း ထိုင်းဒေသတွင်း သတင်းများတွင် ဖော်ပြထားသည်။

ဒီဇင်ဘာလ ၃ ရက်က တရားမဝင် မြန်မာနိုင်ငံသားများတင်ဆောင်လာသည့် ကားတစ်စီးမောင်းနှင်လာ ကြောင်း သတင်းရရှိသောကြောင့် ကန်ချနပူရီရဲစခန်းမှ ရဲမှူးကြီး Paitoon Sriwilai ဦးဆောင်သည့်အဖွဲ့က စစ်ဆေးရေးဂိတ်များတွင် စစ်ဆေးခဲ့ခြင်းဖြစ်ကြောင်း သိရသည်။

ယင်းကြောင့် Sangkhla Buri ရဲတပ်ဖွဲ့က အမှတ် (၃)၊ နောင်လူကျေးရွာလမ်းဆုံတွင် စစ်ဆေးရေးဂိတ်ချပြီး စစ်ဆေးမှုများပြုလုပ်စဉ် ည ၁၀ နာရီ ၄၅ မိနစ်ခန့်တွင် ကန်ချနဘူရီခရိုင်၊ Sangkhla Buri မြို့နယ်၊ အမှတ် (၉) ၊ နောင်လူကျေးရွာဘက်သို့ အရှိန်ပြင်းပြင်းမောင်းနှင်လာသည့် အိမ်စီးကားတစ်စီးကို စစ်ဆေးရန် တားစီးသည့်အခါ ရပ်မပေးဘဲ မောင်းနှင်ထွက်ပြေးခဲ့ကြောင်း သိရသည်။

အဆိုပါယာဉ်နောက်သို့ တာဝန်ရှိသူများက လုံခြုံရေးယာဉ်များဖြင့် မောင်းနှင်၍ နောက်ကလိုက်ခဲ့ကြရာ တောစပ်တစ်‌နေရာတွင် မောင်တော်ယာဉ်လမ်းချော်ကာ ရပ်တန့်သွားသည့်အတွက်ဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများမှာ ထိုင်းနိုင်ငံသို့ အလုပ်လုပ်ရန် မြန်မာနိုင်ငံ၊ ကရင်ပြည်နယ်၊ ဘုရားသုံးဆူဘက်မှ တောလမ်းအတိုင်းလာရောက်ခဲ့ကြသည့် အထောက်အထားမဲ့ အမျိုးသား ၂၅ ဦး၊ အမျိုးသမီး ၅ ဦးတို့ကို ဖမ်းမိခဲ့ကြောင်း သိရသည်။

ယင်းနေ့ ညပိုင်းတွင်ပင် Sangkhla Buri မြို့နယ်၊ အမှတ် (၈)၊ နောင်လူကျေးရွာဘက်တွင်လည်း တရားမဝင် မြန်မာ နိုင်ငံသား အမျိုးသား ၁၂ ဦး၊ အမျိုးသမီး ၈ ဦးတို့ကို တင်ဆောင်လာသည့် ကားတစ်စီးကို ထပ်မံတွေ့ ရှိခဲ့ပြီးယာဉ်မောင်းမှာ အမှောင်ထဲသို့ ဝင်ရောက်ထွက်ပြေးသွားကြောင်းလည်း သိရသည်။

မြန်မာနိုင်ငံသားများအနေဖြင့် ပွဲစားများမှတစ်ဆင့် လူတစ်ဦးလျှင် ဘတ် ၅၀၀၀ စီ ပေး၍ ထိုင်းနိုင်ငံတွင်း အလုပ်လုပ်ရန် လာရောက်ခဲ့ကြသည်ဟု ထွက်ဆိုထားကြကြောင်း သိရသည်။

ယခုအခါ အဆိုပါ မြန်မာနိုင်ငံသားများအား Sangkhla Buri ရဲတပ်ဖွဲ့က ဖမ်းဆီးထားပြီး ထိုင်းနိုင်ငံ ဥပဒေ အတိုင်း အရေးယူသွားမည်ဖြစ်ကြောင်း သိရသည်။

မြန်မာနိုင်ငံမှ တရားမဝင်အလုပ်သမားများဝင်ရောက်လာသည့်အတွက် ယနေ့ ဒီဇင်ဘာလ ၄ ရက်တွင် ထိုင်းရဲတပ်ဖွဲ့က ထိုင်း-မြန်မာ တရားမဝင်နယ်စပ်ဖြတ်ကျော်မှုအတွက် ချမှတ်ထားသော မူဝါဒအတိုင်း တင်းကျပ်စွာဆောင်ရွက်ကြရန် အစည်းအဝေးပြုလုပ်ခဲ့ကြောင်း ထိုင်းဒေသတွင်း သတင်းများတွင် ဖော်ပြထားကြသည်။

#centralnewsnaypyitaw