ဆူးပုတ်ရွက်စိုက်ပျိုးနည်း
. စိုက်ပျိုးနည်းစနစ်များ
မြန်မာပြည်အနှံ့တွင် တွေ့ရပြီး၊ ကြော်ချက် စားသုံးနိုင်သည်။ ဟင်းရည်အဖြစ်လည်း ဖန်တီးစားသုံးနိုင်သည်။ ဆူးပုပ်ကလေးမျိုးနှင့် ဆူးပုပ်ကြီးမျိုးဟူ၍နှစ်မျိုးခွဲခြားထားသည်။
မြန်မာပြည်အနှံ့တွင် တွေ့ရပြီး၊ ကြော်ချက် စားသုံးနိုင်သည်။ ဟင်းရည်အဖြစ်လည်း ဖန်တီးစားသုံးနိုင်သည်။ ဆူးပုပ်ကလေးမျိုးနှင့် ဆူးပုပ်ကြီးမျိုးဟူ၍နှစ်မျိုးခွဲခြားထားသည်။
မြေပြုပြင်ခြင်း
တောင်ပေါ်မြေပြန့်မရွေး ဖြစ်ထွန်းပါသည်။ ရေနုတ်အားကောင်းသော မြေမျိုးဖြစ်ရပါမည်။ စိုက်ခင်းသည် မြေရိုင်းဖြစ်ပါက မိုးမကျမီ သစ်ငုတ်တူးခြင်း ပြုလုပ်ရပါမည်။ မိုးကျပြီးလျှင် ထယ်တစ်လွှာဝင်ပြီး ထွန်မွှေ၍ မြေညှိထားရမည်။ စိုက်မြောင်းများကို ပေ ၄၀ အရှည် မြောင်းများ ဆွဲလေ့ရှိသည်။
စိုက်ပျိုးခြင်း
စိုက်မြောင်းများတွင် အနက် ရှစ်လက်မခန့်နှင့် အကျယ် လေးလက်မမှ ခြောက်လက်မခန့် ကျင်းကလေးများ တူးရမည်။ ကျင်းတစ်ခုနှင့် တစ်ခုခြောက်ပေစီ ခြားရမည်။ မြေထုတ်စီးပင်ဖြစ်က ကျင်းထဲတွင် လေးလက်မခန့် မြုပ်စိုက်ပါ။ အပင်ကို ထောင်မတ်အောင် စိုက်ပြီး မြေပြန်ဖုံးပေးရမည်။ အပင်ခြေရေမဝပ်စေရန် ခြောက်လက်မခန့် အမြင့်ထိ မြေပုံ၍ ဖိနင်းပေးရမည်။ နိုဝင်ဘာ၊ ဒီဇင်ဘာ လများတွင် မြေဆွေးကျွေးသင့်သည်။
အပင်ပြုစုခြင်း
မြေထုပ်စီးပင်စိုက်ပြီး ခြောက်လအကြာတွင် အပင်မှအတက်ကြီးများ ထွက်လာမည်။ ယင်းအတက်ကြီးများ တစ်ပေခန့် မြင့်လာလျှင်ဖြတ်ပေးရမည်။ ထိုအတက်များမှ အညွှန့်သစ်များ လိုက်လာလျှင် အောက်ဆုံးအတက်ကို ချန်၍ ခူးယူစားသုံးနိုင်သည်။ ကိုင်းချိုင်ခြင်းကို မနှစ်သက်ပါ။ ကိုင်းခြောက်များကိုသာဖယ်ရှားပေးသင့်သည်။
ခူးဆွတ်ခြင်း
ကိုင်းမကြီးများ ထွက်လာသော အညွှန့်များကို အောက်ဆုံးအခက်တစ်ခုချန်၍ ခူးနိုင်သည်။ အညွှန့်ခူးခြင်းကို တစ်ရက်ခူး သုံးရက်နားပေးခြင်းဖြင့် ဆောင်ရွက်နိုင်သည်။ အပင်သက် ၂၅ နှစ်ခန့်တွင် အပင်အိုပြီး အထွက်နည်းလာတတ်သဖြင့် အပင်သစ်များလဲလှယ်စိုက်ပျိုးသင့်ပါသည်။
Source - ဟင်းသီးဟင်းရွက်စိုက်ပျိုးနည်း (စားနှပ်ရိုက္ခာဖူလှုံမှုပူးပေါင်းဆောင်ရွက်ရေးအဖွဲ့)
