Tesla ကားတွေ မီးရှို့ဖျက်ဆီးခံရမှု စုံစမ်းရေးအဖွဲ့ FBI ဖွဲ့စည်း
အီလွန်မတ်စ်ကို ပစ်မှတ်ထား တိုက်ခိုက်လာတဲ့ Tesla ကားဖျက်ဆီးသူတွေကို အရေးယူဖို့ FBI က အဖွဲ့တစ်ဖွဲ့ ဖွဲ့လိုက်ပါတယ်။
ဒီအဖွဲ့က သမ္မတထရမ့်ရဲ့ DOGE ခေါင်းဆောင် အီလွန်မတ်စ်နဲ့ ဆက်စပ်နေတဲ့ Tesla ပိုင်ပစ္စည်းတွေ အကြမ်းဖက်ဖျက်ဆီးမှုကို စုံစမ်းဖော်ထုတ်တော့မှာပါ။ FBI ညွှန်ကြားရေးမှူး ပတ်တယ်ကလည်း ဒီလို ဖျက်ဆီးမှုတွေကို ပြည်တွင်းအကြမ်းဖက်မှုလို့ ခေါ်ထားပြီး ကျူးလွန်သူတွေကို ဖမ်းဆီးအရေးယူသွားမယ်လို့ ဆိုပါတယ်။
လောလောဆယ် Tesla ကုမ္ပဏီ ရုံးစိုက်တဲ့ အော်စတင်မြို့က Tesla ကားပြခန်းတစ်ခုမှာ မီးလောင်ပေါက်ကွဲနိုင်တဲ့ ပစ္စည်းအမြောက်အများ တွေ့ပြီးနောက် ဗုံးရှာရေးအဖွဲ့ပါ လွှတ်ပြီး ဖယ်ရှားခဲ့ရပါတယ်။ FBI ရဲ့ အဖွဲ့က အရက် ၊ ဆေးရွက်ကြီး ၊ လက်နက်ခဲယမ်း နဲ့ ပေါက်ကွဲရေးပစ္စည်းဗျူရိုနဲ့ ပေါင်းပြီး စုံစမ်းစစ်ဆေးမှု လုပ်သွားမယ်လို့ ဆိုပါတယ်။
အစိုးရအသုံးစရိတ်ဖြတ်တောက်ရေးအတွက် အသစ်ဖွဲ့လိုက်တဲ့ DOGE မှာ အီလွန်မတ်စ် ဦးဆောင်ပြီး အလုပ်ထုတ် ၊ အသုံးစရိတ်ဖြုတ်တာတွေ လုပ်တဲ့နောက် Tesla ကို ဆန့်ကျင်မှုတွေ ရှိလာတာပါ။
Tesla Takedown နာမည်နဲ့ အဖွဲ့တစ်ဖွဲ့ဆို အမေရိကန်က မတ်လ ၂၉ ရက်နေ့ Tesla showroom ၃၀၀ နီးပါးရဲ့ အပြင်ဘက်မှာ ဆန္ဒပြပွဲတွေ လုပ်ဖို့ လှုံ့ဆော်ထားပါတယ်။ ဒီလို အကြမ်းမဖက် ဆန္ဒပြမှုအပြင် လက်ရှိ ကနေဒါနဲ့ အမေရိကန်မှာ Tesla ကားမီးရှို့ ဖျက်ဆီးမှုပေါင်း အနည်းဆုံး ၈၀ လောက် ရှိထားပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ မြောက်ကိုရီးယားခေါင်းဆောင် ကင်ဂျုံအန်း ရုရှားသို့သွားရောက်ရန် အစီအစဉ်ရှိ
မြောက်ကိုရီးယားခေါင်းဆောင် ကင်ဂျုံအန်း ရုရှားသို့လာရောက်ရန် အစီအစဉ်များလုပ်ဆောင်နေကြောင်း ရုရှားအစိုးရ ပြောရေးဆိုခွင့်ရှိသူ ဒီမီထရီပက်စ်ကော့ဗ်က ပြောသည်။
ကင်ဂျုံအန်းအား ရုရှားသို့လာရောက်ရန် တရားဝင်ဖိတ်ကြားထားပြီး လာရောက်မည့်အချိန်ကို သံတမန်လမ်းကြောင်းမှ တစ်ဆင့် ညှိနှိုင်းဆွေးနွေးနေကြောင်း ၎င်းကသတင်းထောက်များ၏ မေးမြန်းမှုကိုပြန်လည်ဖြေကြားသည်။
ရုရှားနှင့် မြောက်ကိုရီးယားတို့အကြား စစ်ရေးအပါအဝင် နှစ်နိုင်ငံ ဆက်ဆံရေးတိုးမြှင့်နေချိန်တွင် လွန်ခဲ့သည့်သီတင်းပတ်အတွင်းကလည်း ရုရှားလုံခြုံရေးကောင်စီအတွင်းရေးမှူး ဆာဂေးရှိုဂူသည် မြောက်ကိုရီးယားခေါင်းဆောင် ကင်ဂျုံအန်းနှင့် တွေ့ဆုံဆွေးနွေးခဲ့သည်။
တွေ့ဆုံမှုအတွင်း ရုရှားသမ္မတထံမှစာတစ်စောင်ကိုကင်ဂျုံအန်းအား ပေးအပ်ခဲ့ရာအဆိုပါစာသည် ကင်ဂျုံအန် ရုရှားသို့ထပ်မံလာရောက်ရန် သမ္မတပူတင်၏ဖိတ်ကြားချက်ဖြစ်ကြောင်း ရုရှားသံတမန်သတင်းရင်းမြစ်များက ပြောသည်။
၂ဝ၂၄ ခုနှစ်ဇွန်လတွင် ရုရှားသမ္မတပူတင်သည် မြောက်ကိုရီးယားသို့ သွားရောက်ခဲ့ပြီး နှစ်နိုင်ငံအကြားဘက်စုံမဟာဗျူဟာစာချုပ် ချုပ်ဆိုနိုင်ခဲ့သည်။ နောက်တစ်ကြိမ် ထိပ်သီးအစည်းအဝေးကို ရုရှားတွင် ကျင်းပနိုင်မည်ဟု မျှော်လင့်ကြောင်းပြောဆိုထားခဲ့သည်။
အင်န်အိတ်ချ်ကေ

👋 Champions league ❌
👋 Carabao Cup ❌
👋 Nations league ❌

နှစ်ပတ်အတွင်း ကလပ်နဲ့နိုင်ငံ ပြိုင်ပွဲ 3 ပွဲကနေ ထွက်ခွာခဲ့ရတဲ့ နောက်ခံလူ ဗန်ဒိုက် 👀

❛ အချစ်ဆိုတာမှာပဲ
နစ်နာစရာ ရှိလာတယ်။
ဘဝမှာ ဒဏ်ရာအနာတရ
အမာရွတ်တွေ ထပ်ထပ်တိုးလာတယ်။
တက်တူးထိုးဖို့ လိုဦးမလား
ဒါကြောင့် ခင်ခင်ပျိုရေ
ငါ စောင့်ခဲ့တယ် ။ ။
- - အောင်ချိမ့် - -

WALL-E ပုံစံ စက်ရုပ်ငယ်လေး Blue ကို မိတ်ဆက်လာတဲ့ Nvidia
Newton ဆိုတဲ့ Physics Engine ပရောဂျက်တစ်ခုကို Nvidia, DeepMind နဲ့ Disney Research တို့ ၃ ဦးပူးပေါင်းဖန်တီးနေပါတယ်။ ဒီပရောဂျက်ဟာဆိုရင် လက်တွေ့ဘဝမှာ တွေ့မြင်နိုင်တဲ့ AI Robot ‌တွေဖန်တီးဖို့လို့ ဆိုနိုင်ပါတယ်။


GTC 2025 ပွဲမှာ Nvidia CEO Jensen Huang က ပရောဂျက်ရဲ့ တစ်စိတ်တစ်ပိုင်းဖြစ်တဲ့ စက်ရုပ်လေးကို မိတ်ဆက်လာပါတယ်။ ဒီစက်ရုပ်လေးကိုတော့ “Blue” လို့ အမည်ပေးထားပါတယ်။
စင်ပေါ်မှာ Blue စက်ရုပ်လေးနဲ့ Huang တို့ရဲ့ အပြန်အလှန်ဆက်သွယ်မှုနဲ့ အမူအရာတွေဟာ ပွဲထဲက ပရိတ်သတ်တွေကို အံ့ဩမှုတွေဖြစ်စေခဲ့တဲ့အပြင်ကိုမှ လက်ရှိမှလည်း အင်တာနက်ပေါ်မှာ တော်တော်လေးကို မှတ်ချက်ကောင်းတွေ ပေးနေကြတာပါ။

❝ ခုချိန်မှတော့
လီနင်အစစ်ကိုလည်း မတွေ့ချင်တော့ပါဘူး
လင်ကွန်းအစစ်ကိုလည်း မတွေ့ချင်တော့ပါဘူး
ဗြဟ္မစိုရ်တရားကိုသာ တွေ့ချင်ပါတော့တယ်
ငယ်ငယ်တုန်းက
ရော့ခ်ဂီတနဲ့ မာရီဝါးနားကို ကြိုက်တယ်
အရွယ်ရလာတော့
အပါယ်ကျမှာ ကြောက်တယ်
တစ်ဘဝလုံး ခါချကာမှ
ကဗျာလေး တစ်ပုဒ်စ နှစ်ပုဒ်စနဲ့
ငါ့ကို ဘာကောင်လဲလို့ မမေးနဲ့
ဧည့်စာရင်းတိုင်နေရတဲ့ နိုင်ငံသားတစ်ယောက်
▪️လှသန်း▪️

WhatsApp သည် အသစ်ထည့်သွင်းမည့်featureတစ်ခုဖြစ်သော Motion Photos ကို မကြာမီမိတ်ဆက်ပေးမည်ဖြစ်သည်။

WABetaInfo တွင်ဖော်ပြထားသည့်အတိုင်း ၎င်းလုပ်ဆောင်ချက်ကို Android ဗားရှင်း 2.25.8.12 အဖြစ်Google Play Store တွင် beta tester အနေဖြင့်စမ်းသပ်အသုံးပြုနိုင်ပါပြီ။

အသုံးပြုသူများသည် ဓာတ်ပုံကို သာမန်ပုံစံဖြင့် သို့မဟုတ် Motion Photo အဖြစ် သီးခြားရွေးချယ်၍ ပို့နိုင်မည်ဖြစ်ပြီး Gallery function အသစ်တစ်ခုအနေဖြင့် ထည့်သွင်းပေးထားသည်။

အဆိုပါလုပ်ဆောင်ချက်သည် တစ်ဦးချင်းစီ (individual chats)၊ အုပ်စုများ (group chats) နှင့် ချန်နယ်များ (channels) တွင်အသုံးပြုနိုင်မည်ဖြစ်သည်။iOS အသုံးပြုသူများအတွက်တော့ Live Photos အဖြစ်မြင်တွေ့ရမှပါ။

Motion Photo ပေးပို့နိုင်မှု လုပ်ဆောင်ချက်သည် လက်ရှိတွင်ဖန်တီးမှုအဆင့်တွင်ရှိနေပြီး မကြာမီတွင် စတင်အသုံးပြုနိုင်တော့မှာဖြစ်ပါတယ်။

𝐁𝐑𝐄𝐀𝐊𝐈𝐍𝐆🚨⚪️
ထရန့်အလက်ဇန်းဒါးအာနိုးလ် နဲ့ ရီးရဲလ်မက်ဒရစ်ကြားဆွေးနွေးမှုတွေဟာ သဘောတူမှုရဖို့ အနီးကပ်ဆုံးအနေအထားကိုရောက်ရှိနေပါပြီ။ ရီးရဲလ်ဘက်က အာနိုးလ်ဘက်ကို တရားဝင်ကမ်းလှမ်းလိုက်ပြီဖြစ်ပြီး အသေးစိတ်အချက်အလက်များဆွေးနွေးဖို့သာကျန်ပါတော့တယ်
[Fabrizio]🌕

❛ အ စိမ်း ရောင် နှစ် များ ❜
ဤဝတ္ထု၏ အဓိကဇာတ်ကောင်သည်
အသက်အားဖြင့် အလွန်နုနယ်ငယ်ရွယ်
သေးသည့် “ရောဘတ်ရှန်နွန်” အမည်ရှိ
ကလေးသာသာ လူငယ်တစ်ယောက်ဖြစ်၏။
သူ့အသက်အရွယ်သည်
မလိမ်မိုးမလိမ္မာအရွယ်ဖြစ်သည်။
မနူးမနပ် စိမ်းဆတ်ဆတ်အရွယ်ဟုလည်း
ဆိုနိုင်ပါ၏။ ဤအတွက်ကြောင့် လည်း
အေဂျေကရိုနင်က သူ့ဝတ္ထုကို
(The Green Year's) ဟု အမည်
ပေးခဲ့ခြင်း ဖြစ်ဟန်တူပါသည်။
ရောဘတ်ရှန်နွန်၏ ဘဝသည်
အခက်အခဲများ၊ အနှောင့်အယှက်များ၊
အဖျက်အဆီးများနှင့် အဟန့်အတားများကို
အမြဲတစေ ရင်ဆိုင်နေရ သောဘဝဖြစ်သည်။
သူ တည်မှီရာ ပတ်ဝန်းကျင်ကလည်း
အကောင်းအဆိုး နှစ်မျိုးရောစပ်နေသည်
ဖြစ်ရာ အမြဲတစေ အဆင်ပြေနေသည်မဟုတ်။ အဆင်ပြေနေသည့်အခါ ပြေသော်လည်း
ပဋိပက္ခဖြစ်သည့်အခါ ဖြစ်ရသည်။
ထိုအခါမျိုးတွင် သူ ဉာဏ်မီသမျှ
စဉ်းစားဆင်ခြင်၍ အနိုင်မခံ
အရှုံးမပေး သော စိတ်ကိုမွေးကာ
ရုန်းကန်လှုပ်ရှားရသည်။ ဤအဖြစ်ကိုပင်
အေဂျေ ကရိုနင်က သူ၏
ထက်မြက်သော ကလောင်ဖြင့်
အသက်သွင်းထားခဲ့ခြင်းပင်
ဖြစ်ပါလေသည်။
_ _ _ _ _ _ _ _ _ _ _
▫️မောင်ထွန်းသူ▫️

ပိုကောင်းတဲ့ အခွင့်အရေးအတွက် အမေရိကားကနေ တရုတ်ကိုပြန်လာနေတဲ့ ပညာရှင်များ
ခုချိန်မှာ အာရှနိုင်ငံကလူတစ်ယောက်အနေနဲ့ အမေရိကမှာ အလုပ်အကိုင်ကောင်းကောင်းနဲ့ White Color Job ရခဲ့ရင် ဘယ်သူပဲဖြစ်ဖြစ် ချက်ချင်းထသွားမယ့်သူတွေများပါတယ်။ ပိုကောင်းတဲ့လူနေမှုနဲ့ ပိုကောင်းတဲ့လုံခြုံမှုပေးနိုင်တာကိုး။

ခုဖတ်လိုက်ရတဲ့သတင်းတစ်ခုထဲမှာတော့ တရုတ်နိုင်ငံက AI ပညာရှင်တစ်ယောက်က အမေရိကားနိုင်ငံရဲ့ ပညာရေးကိုယူခဲ့တဲ့အပြင် အလုပ်အကိုင်ကောင်းကောင်းရှိပြီးသားဖြစ်ပေမယ့် တရုတ်နိုင်ငံမှာ အမေရိကားထက်ပိုကောင်းတဲ့ AI လုပ်ငန်းခွင်နဲ့ ရင်းနှီးမြှပ်နှံမှုတွေရှိမယ်လို့ ထင်တဲ့အတွက် အကုန်လုံးကို ပစ်ချထားပြီး ပြန်လာခဲ့ပါတယ်။ သူအဓိကလုပ်ဆောင်တဲ့ နယ်ပယ်ကတော့ AI နဲ့ပတ်သက်တဲ့ ဆေးဝါးသုတေသနဖြစ်ပါတယ်။

သူ့နာမည်ကတော့ Fu Tianfan ဖြစ်ပြီး New York မြို့မှာရှိတဲ့ နည်းပညာတက္ကသိုလ်တစ်ခုရဲ့ လက်ထောက်နည်းပြတစ်ယောက်ပါ။ ဒါပေမယ့် ပြီးခဲ့တဲ့ ဒီဇင်ဘာလထဲမှာပဲ တရုတ်နိုင်ငံ Nanjing တက္ကသိုလ်မှာ AI နဲ့ပတ်သက်ပြီး လေ့လာမှုလုပ်ဖို့ US မှာရှိသမျှကို ပစ်ချပြီး ပြန်လာခဲ့ပါတယ်။ တရုတ်နိုင်ငံရဲ့ ပညာရေးကို ပိုမိုအရေးပေးလာမှုကြောင့် ခုလိုပြည်ပရောက် ပညာရှင်တွေနှစ်စဥ်ပြန်လာနေပါတယ်။

Fu ကတော့ တရုတ်နိုင်ငံမှာ မတွေ့ရတာကြာပြီဖြစ်တဲ့ မိသားစုနဲ့ပြန်တွေ့ဆုံရသလို၊ တက္ကသိုလ်ကလည်းသူ့ရဲ့ လေ့လာမှုတွေအတွက် ထောက်ပံ့မှုတွေကောင်းကောင်းပေးမယ်လို့ ကတိပေးထားတဲ့အတွက် အိမ်ကိုပြန်လာရတာအတော်လေးဝမ်းသာတယ်လို့ မီဒီယာတွေပေါ်မှာရေးထားပါတယ်။

နိုင်ငံတစ်ခုမှာ သဘာဝတွင်းထွက်တွေနဲ့ သယံဇာတတွေမရှိတဲ့အခါ လူသားရင်းမြစ်ကိုပဲ အဓိကထားပြီး နိုင်ငံကိုတိုးတက်အောင်လုပ်ကြရပါတယ်။ စင်္ကာပူနိုင်ငံမှာ တွင်းထွက်တွေမကြွယ်ဝပေမယ့် ပညာရှင်တွေများတာကြောင့် နိုင်ငံသေးလေးဟာ ရှေ့ရောက်နေပါပြီ။

တရုတ်နိုင်ငံဟာလည်း AI ပြိုင်ပွဲထဲမှာ နောက်ကျမကျန်ခဲ့ဖို့ ကြိုးစားနေတယ်ဆိုတာ DeepSeek R1 ကိစ္စတွေနဲ့ ခုလိုကြိုကြားကြိုကြား ကြားလာရတဲ့သတင်းတွေဟာသက်သေပဲဖြစ်ပါတယ်။