#tattooideas

#tattooideas

#tattooideas

GTR တို့ရဲ့ ဘိုးအေကြီး "Hakosuka" GTR အပြီး ဒုတိယမြောက်မျိုးဆက်မှာ ကံဆိုးစွာနဲ့ oil crisis အရေးပေါ်ပေါက်လာတာကြောင့် Nissan က Skyline GTR "Kenmeri" ကို 1972-73 တစ်နှစ်အတွင်း အစီးရေ 200 လောက်သာထုတ်ပြီး Production ကိုရပ်ဆိုင်းခဲ့ရပါတယ်
ဆယ်စုနှစ်တစ်စုကြာပြီးတဲ့အထိ GTR တွေကိုဆက်လက်ထုတ်လုပ်ခြင်းမရှိပဲ ရပ်နားထားခဲ့ပေမယ့် 1989 မှာတော့ R32 နဲ့အတူ sports car လောကထဲကိုတစ်ကျော့ပြန် ဝင်ရောက်လာခဲ့ပါတယ် Nissan က အဲဒီအချိန် Group A Racing မှာ ပြိုင်ဆိုင်နေတဲ့ Skyline GTS-R Coupe နေရာမှာ အစားထိုးချင်တာဖြစ်ပါတယ် အဲ့ဒီအတွက် R32 ကို Development phase မှာကတည်းက Group A Racing မှာ ပီပီပြင်ပြင်ပြိုင်ဆိုင်ဖို့ကို အဓိကရည်ရွယ်ပြီး ဖန်တီးခဲ့တာပါ သူ့‌ခေတ်သူ့အခါနဲ့ယှဉ်ရင် သိပ်ကိုမှ ခေတ်ရှေ့ပြေးတဲ့ Nissan ရဲ့နည်းပညာ‌တွေ R32 မှာပါပါတယ် (ကောမန့်ကပို့စ်ထဲမှာ အသေးစိတ်ဖတ်နိုင်ပါတယ်) GT-R ရယ်လို့ line up တစ်ခု သီးသီးသန့်သန့် စခဲ့တာဟာလည်း R32 ပါပဲ
အဲဒီလိုနဲ့ GTR 32 ရဲ့ Production ကို 1989 မှာစတင်ခဲ့ပြီး 1990 မှာတော့ Group A 4000cc class အတွက် Engine, Aerodynamic စတာတွေကို အဆင့်မြှင့်တင်ထားတဲ့ Homologation Special GTR "Nismo" အစီး 500 ကိုစတင်ထုတ်လုပ်ခဲ့ပါတယ်
(32 Nismo ဟာ ပုံမှာပါတဲ့ Gun Grey Metallic ဆိုတဲ့အရောင်တစ်မျိုးတည်းနဲ့သာလာပါတယ်)
Power Output ကလည်း 300 hp က‌နေ 600 လောက်အထိတက်လာခဲ့သလို နာမည်ကျော် ATTESA ET-S AWD System ပါပါနေတာ Nissan က 32 အပေါ်မှာ တော်တော်‌လေး ယုံကြည်ချက်ရှိခဲ့တယ်လို့ဆိုနိုင်ပါတယ်
အဲဒီလိုနဲ့ 1990 မှာ Japanese Touring Car Championship JTCC မှာ စတင်ဝင်ရောက်ယှဉ်ပြိုင်ခဲ့ပါတယ် 1990 ကစလို့ 1993 ခုနှစ်အတွင်း ပြိုင်ခဲ့သမျှ ပြိုင်ပွဲ 29 ပွဲမှာ 29 ပွဲလုံးကို အနိုင်ရပြီး R32 ဟာလည်း ထင်ထားတာထက်ကို အောင်မြင်မှုတွေသိမ်းပိုက်နိုင်ခဲ့တဲ့ Legendary Race car တစ်စီးဖြစ်လာပါတော့တယ်
တစ်ဖက်မှာ Nissan အနေနဲ့ 1980 ကျော်ကတည်းက ပြိုင်ဆိုင်နေခဲ့တဲ့ Australian Touring Car Championship မှာလည်း Ford Sierra RS500 Cosworth, BMW M3, Mercedes 190E Evo II တို့က စိုးမိုးထားတာကြောင့် ဆယ်စုနှစ်တစ်စု‌ကျော်လာတဲ့အထိ ရုန်းကန်နေခဲ့ရပါတယ် 1990 မှာတော့ Nissan ရဲ့ Factory Racing Team "Gibson Motorsports" ကနေ 32 Group A Race car ကို Australia အထိပါ ခေါ်လာခဲ့ပြီးဆရာကြီးတွေကို အပီအပြင် ပညာပြပါတော့တယ်
E30 M3, 190E EVO II တို့က ဝိတ်ပေါ့ပေမယ့် Underpowered ဖြစ်နေပြီး Sierra ကလည်း တောက်‌လျှောက်ဗိုလ်ဆွဲထားပေမယ့် RWD ဖြစ်နေတဲ့ အားနည်းချက်ရှိနေပြန်ပါတယ်
အဲဒီလို ဟာကွက်တွေဟာ R32 ရဲ့ Powerful ဖြစ်လွန်းတဲ့ RB26DETT ၊ Traction အတွက်ကောင်းကောင်းကြီး အထောက်အကူပေးတဲ့ ATTESA ET-S ၊ ကွေ့တွေ့မှာ သိသိသာသာပိုမြန်စေတဲ့ Super HICAS All wheel Steering တို့နဲ့ တွေ့တဲ့အခါမှာတော့ ယှဉ်လို့မရတော့ပဲ နောက်ကျကျန်ခဲ့ရပြီး 32 ကပဲ 1991 1992 နှစ်နှစ်ဆက်တိုက် ATCC ၊ Bathurst 1000 ပြိုင်ပွဲတွေမှာ ချန်ပီယံ‌ဆုတွေကို အောင်အောင်မြင်မြင် သိမ်းပိုက်နိုင်ခဲ့ပြန်ပါတယ် အဲဒီလို တခြား manufacturer တွေအနေနဲ့ ဘယ်လိုမှမယှဉ်နိုင်တော့တဲ့အခါ "32 ကအရမ်းအားသာနေပြီး ပြိုင်ပွဲက မမျှတ တော့ဘူး" လို့ဆိုတာကြောင့် 1993 မှာတော့ "V8 Engine ဖြစ်ရမယ်"ဆိုတဲ့ စည်းကမ်းအသစ်ကို သတ်မှတ်လိုက်ပြီး R32 ကိုသွယ်ဝိုက်သောနည်းနဲ့ ဘန်းပစ်ခဲ့ပါတော့တယ်
အဲဒီလို R32 ကတဟုန်ထိုးအောင်မြင်နေပြီး Nissan က Win on Sunday, Sell on Monday လုပ်နိုင်နေခဲ့တဲ့ အချိန်မှာ Australian Local Magazine တစ်ခုဖြစ်တဲ့ "Wheels" ကနေ "ဂျပန်ပြည်မှ ဂေါ်ဇီလာတစ်ကောင် သို့မဟုတ် Skyline Supercar " ဆိုတဲ့ ခေါင်းစဉ်နဲ့ သတင်းတစ်ပုဒ် တင်စားရေးသားခဲ့ရာကစလို့ Godzilla ဆိုတာဟာ R35 အထိ Nissan GTR တို့ရဲ့ ကမ္ဘာကျော် နာမည်ပြောင် "Nickname" တစ်ခုဖြစ်လာခဲ့ပါတော့တယ်ခင်ဗျား
ကိုးကား The Car Addicts

သိဖို့

Oh My School! (2023)

IMDb - 6.9/10
Genre - Fantasy, Comedy

သဘာဝလွန် စိတ်ကူးယဥ် ဟာသလေးတွေကိုနှစ်သက်တဲ့သူတွေအတွက် ကာတွန်းကားကောင်းလေး ကြည်ရှုလိုရပါပြီ….ကျောင်းမှာ အဆိုးဆုံးအတန်းလိုနာမည်ကြီးတဲ့အတန်းက အဆိုးဆုံးကျောင်းသားလေးဝမ်ချန်… အမြဲတမ်း
ကျောင်းလစ်ပြီးအင်တာနက်ကဖေးမှာသူငယ်ချင်းတွေနဲ့ဂိမ်းသွားဆော့တတ်တဲ့ကောင်လေး….ဆရာမ ရှီးမြောင်နာ့ကတော့ စည်းကမ်းတင်းကြပ်လွန်းပြီး ထူးချွန်ဆရာရွေးချယ်တဲ့ သရုပ်ပြသင်ကြားရေးအတန်းရဲ့ဆုကိုအရမ်းလိုချင်လိုကြိုးစားနေသူဆရာမတစ်ယောက်…ဆိုးသွမ်းတဲ့ ဝမ်ချန်တိုအဖွဲနဲ့ ဆရာမရှီးကတော့ အမြဲ ဆန့်ကျင်ဘက်ဖြစ်နေခဲ့ပါတယ်။တစ်နေ့ သူတိုနှစ်ယောက်ကြားပဋိပက္ခဖြစ်ရင်း အကြောင်းအမျိုးမျိုးကြောင့် ခန္ဓာကိုယ်ချင်းလဲလှယ်သွားခဲ့ရတယ်….ခန္ဓာကိုယ်လဲသွားခဲ့တဲ့ ဆရာမနဲ့ကျောင်းသား ရှေ့ဆက်ဘာတွေဖြစ်ကြမလဲ…ဆန့်ကျင်ဘက်လူသားနှစ်ယောက်အချင်းချင်း နားလည်မှုတွေရသွားနိုင်မလား…ခန္ဓာကိုယ်လဲသွားလိုဖြစ်လာတဲ့ပြသာနာတွေကိုရောဘယ်လိုရင်ဆိုင်မလဲ…ခန္ဓာကိုယ်ရော ပြန်လဲနိုင်ပါ့မလား
ကြည့်ရှု့ရမှာဖြစ်ပါတယ်

olkswagen ကို Beetle နဲ့ Golf လောက်သာသိပြီး ငမြောက်ငခြောက်လို့ထင်နေရင်တော့ ကိုယ့်လူမှားသွားပါလိမ့်မယ်။ Audi, Porsche, Bentley နဲ့ Lambo တို့လိုကောင်တွေကိုတောင် VW Group က ပိုင်ပြီး Ducati နဲ့ Trucks ကားတွေထုတ်တဲ့ MAN တို့ Scania တို့ဆိုတာလည်း သူ့လက်အောက်မှာပဲ ရှိပါတယ်။
Urus နဲ့ Q8 ကို MLB Evo platform တစ်ခုတည်းအပေါ်မှာ တည်ဆောက်ထားတာတို့၊ Taycan နဲ့ e-tron GT မှာ VW ရဲ့ J1 electric platform ကိုသာ သုံးပေးထားတာတို့၊ နောက်ဆုံးဗျာ Ducati Diavel 1260 Lamborghini edition တို့ဆိုတာ အကောင်းဆုံးအဖြေတွေပါပဲ။

လီဂါနက်စ်ကို အနိုင်ရတဲ့ပွဲမှာ ရီးရယ်လ်လူငယ်တွေကို အန်ဆယ်လော့တီ ချီးကျူး

ဖေဖော်ဝါရီ ၆

ရီးရယ်လ်အသင်းနည်းပြ အန်ဆယ်လော့တီက လီဂါနက်စ်အသင်းကို ၃ ဂိုး-၂ ဂိုးနဲ့အနိုင်ရခဲ့တဲ့ ကိုပါဒယ်ရေးဖလား ကွာတားဖိုင်နယ်ပွဲစဉ်မှာ ပွဲကိုခြားနားမှုဖြစ်အောင်လုပ်နိုင်ခဲ့တဲ့ လူငယ်ကစားသမားတွေကို ချီးကျူးမှု ပြုလုပ်ခဲ့ ပါတယ်။

အန်ဆယ်လော့တီက “ဒီပွဲမှာ လူငယ်ကစားသမားတွေ လုပ်နိုင်ခဲ့တဲ့အရာကို ကျနော်တို့အလွန် ကျေနပ်ရမှာ ဖြစ်သလို သူတို့ကို ဆက်ပြီးအားကိုးနေရမှာပါ။ သူတို့ဟာ အတွေ့အကြုံနည်းပေမယ့် အခြေခံအားဖြင့် သူတို့ကို လိုအပ်ပါတယ်။ ကျနော်ဟာ အသင်းတစ်သင်းကို ပေါင်းစည်းတဲ့အချိန်မှာ ပွဲကိုအနိုင်ရဖို့ကြိုးစားတဲ့အတွက် လူငယ်အကယ်ဒမီကိုမိနစ်ပေးခဲ့ခြင်းမရှိပါဘူး။ ဒါပေမယ့် ဒီနှစ်မှာတော့ ဒဏ်ရာနဲ့အခြားအချက်တွေကြောင့် သူတို့အခွင့်အရေးရခဲ့ပြီး သူတို့ကလည်း အလွန်ကောင်းမွန်ခဲ့ပါတယ်” လို့ ပြောခဲ့တာပါ။

ရီးရယ်လ်အသင်းဟာ အသလက်တီကို၊မန်စီးတီးအသင်းတို့နဲ့ အရေးကြီးပွဲတွေကစားဖို့ရှိတဲ့အတွက် လီဂါနက်စ် အသင်းနဲ့ပွဲစဉ်မှာ အဓိက ကစားသမားအများအပြားကို အနားပေးခဲ့တာဖြစ်ပါတယ်။

ရီးရယ်လ်အသင်းဟာ ဒီပွဲမှာ အသက် ၂၁ အရွယ်ရှိ အဆန်စီယို၊၂၀ နှစ်အရွယ်ရှိ ရာမွန်၊၁၉ နှစ်အရွယ်ရှိ ဂူလာနဲ့ ၁၈ နှစ်အရွယ်ရှိ အန်းဒရစ်တို့ကို ပွဲထွက်လူစာရင်းထဲ ထည့်သွင်းအသုံးပြုခဲ့တာပါ။

ရီးရယ်လ်အသင်းဟာ ဒီပွဲမှာ အန်းဒရစ်၊မိုဒရစ်တို့ရဲ့သွင်းဂိုးတွေနဲ့ ဦးဆောင်နိုင်ခဲ့ပေမယ့် လီဂါနက်စ်အသင်းအတွက် ခရုဇ်က ချေပဂိုးတွေပြန်သွင်းယူနိုင်ခဲ့ပါတယ်။

ရီးရယ်လ်အသင်းအတွက် အနိုင်ဂိုးကို လူစားလဲဝင်ရောက်လာတဲ့ အသက် ၂၀ နှစ်အရွယ်ရှိ အကယ်ဒမီတိုက်စစ်မှူး ဂွန်ဇာလိုဂါစီယာက မိနစ် ၉၀ ပြည့်ပြီးနာကျင်အချိန်ပိုမှာ သွင်းယူခဲ့တာပါ။

အဲဒါကြောင့် ရီးရယ်လ်အသင်းဟာ လီဂါနက်စ်အသင်းကို အနိုင်ရပြီး ကိုပါဒယ်ရေးဖလားဆီမီးဖိုင်နယ်ကို တက်နိုင်ခဲ့တာဖြစ်ပါတယ်။ ရီးရယ်လ် အသင်းဟာ လက်ရှိအချိန်မှာ ရူဒီဂါ၊အလာဘာတို့ရဲ့ ဒဏ်ရာတွေကြောင့် ခံစစ်အကျပ်အတည်းနဲ့ ရင်ဆိုင်နေရပြီး လာမယ့်ပွဲတွေမှာ လူငယ်ကစားသမားအချို့ကို ခံစစ်မှာဆက်ပြီး အသုံးပြုသွားရမှာပါ။

ရီးရယ်လ်အသင်းနည်းပြ အန်ဆယ်လော့တီက လီဂါနက်စ်အသင်းနဲ့ပွဲမှာ အဓိက ကစားသမားတွေကို ချန်လှပ်ထား ခဲ့တာကြောင့် သူတို့ဟာ လာမယ့်ပွဲမှာ အဆင်သင့်ဖြစ်မယ်လို့ ပြောခဲ့ပါတယ်။

ရီးရယ်လ်အသင်းဟာ ဒီတစ်ပတ် လာလီဂါပွဲစဉ်အဖြစ် အသလက်တီကိုအသင်းနဲ့ ယှဉ်ပြိုင်ရမှာဖြစ်ပြီး အဆင့် ၁ နေရာနဲ့ ၂ နေရာမှာရပ်တည်နေတဲ့ သူတို့နှစ်သင်းရဲ့အကြားမှာ ရမှတ် ၁ မှတ်သာကွာဟတာဖြစ်ပါတယ်။

Source:ChannelNewsAsia

#ဘောလုံးသတင်းစုံ

ခြံအမှတ်(၅၄)ကို ဝယ်ယူမည့်သူမရှိ လေလံပွဲမအောင်မြင်

ရန်ကုန် ၊ ဖေဖော်ဝါရီ ၅

ဒေါ်အောင်ဆန်းစုကြည်နေထိုင်သည့် ခြံအမှတ်(၅၄)ကို ယနေ့ ဖေဖော်ဝါရီ ၅ ရက်နေ့တွင် တတိယအကြိမ်မြောက် လေလံတင်ရောင်းချခဲ့ရာ လေလံပွဲအောင်မြင်မှုမရှိခဲ့ကြောင်း သိရသည်။

ယခုတတိယအကြိမ်မြောက်‌ ကြမ်းခင်းလေလံဈေးကို ၂၉၇ ဘီလီယံဖြင့်ရောင်းချခဲ့သော်လည်း ဝယ်ယူမည့်သူမရှိကြောင်း သိရသည်။

ဗဟန်းမြို့နယ်၊ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်နေထိုင်ရာ ခြံအမှတ်(၅၄)နေအိမ်ကို နှစ်ကြိမ်တိတိလေလံတင်ရောင်းချသော်လည်း ဝယ်ယူမည့်သူမရှိခဲ့ခြင်းကြောင့် ဈေးထပ်မံလျှော့ချ၍ လေလံတင်ရောင်းချခြင်းဖြစ်ကြောင်း သိရသည်။

"ဘယ်သူကဝယ်မှာလဲ။ နောက်တစ်ကြိမ် လေလံဈေးထပ်လျှော့ပြီးရောင်းရင်လည်း ပျက်မှာပဲ" ဟု လေလံပွဲသို့ ရောက်ရှိလာသည့် ရှေ့နေတစ်ဦးက ပြောသည်။

ပထမအကြိမ်လေလံပွဲတွင် ကျပ်ငွေ ၃၁၅ ဘီလီယံဖြင့် လေလံတင်ခဲ့ပြီး၊ ဒုတိ ယတစ်ကြိမ်တွင် ကျပ်ငွေ ၃၀၀ ဘီလီယံ(သိန်းပေါင်း ၃ သန်းတိတိ)ဖြင့် ထပ်မံလေလံတင်ရောင်းချခဲ့ကြောင်း သိရသည်။

#centralnewsnaypyitaw

ဒါကိုရီးယားကားထဲက စစ်သည်ပုံတွေမဟုတ်ပါဘူး။
ဒါ အင်းဝခေတ်ကမြန်မာစစ်သည်တော်တွေရဲ့ ပန်းချီပုံပါ။ ဒီလိုပြောရင်ထူးဆန်းနေမယ်ထင်ပါတယ်။ တော်တော်များများအနေနဲ့ ဇာတ်တွေ၊ မြန်မာပေါကားတွေ၊ ကြုံရာဆွဲပန်းချီကားတွေထဲက ရဲမတ်ပုံတွေကိုကြည့်ပြီး အင်းဝခေတ်စစ်သည်တွေဟာ ဖော်ပြပါပုံတွေထဲကလိုဖြစ်လိမ့်မယ်လို့ဘယ်သူမှ ထင်ထားမှာမဟုတ်ပါဘူး။ ဒီပုံတွေက လတ်တလောမှာ “တရုတ်ကဖိ၊ သျှမ်းက အိ၊ ရှိသည့်မြန်မာ တောင်ရိုးမှာ” ဆိုတဲ့ ခေါင်းစဉ်နဲ့ အပိုင်းခွဲတင်ပေးနေတဲ့ အင်းဝခေတ်ကာလ သျှမ်း၊ မြန်မာ၊ တရုတ် နိုင်ငံရေး၊ စစ်ရေးသမိုင်းတွေထဲက အင်းဝစစ်သည်တော်တွေရဲ့ ပုံရိပ်ကို ထင်ဟပ်နေစေပါတယ်။ ဒါကိုကြည့်ချင်၊ မြင်ချင်တယ်ဆိုရင် ကံအားလျော်စွာတစ်နေရာသာကျန်ရှိနေပါတယ်။ နေရာက ပုဂံဒေသက တတ်နွယ်ကျောင်းမှာပါ။
ဒီပန်းချီပုံတွေဟာ အလွန်တွေ့ရခဲလှတဲ့ ပထမအင်းဝခေတ်နံရံဆေးရေးပန်းချီတွေထဲမှာမှ တစ်ခုတည်းသော စစ်သည်တော်တွေရဲ့ပုံပါ။ ဒါနဲ့ပတ်သတ်ပြီးကြုံတုန်းဆက်ပြောရရင် မြန်မာသမိုင်းခေတ်အဆက်ဆက်မှာ စစ်သည်ပုံအထောက်အထားနဲ့ပတ်သတ်ရင် ကုန်းဘောင်ခေတ်ကအများဆုံးပါ။ ညောင်ရမ်းခေတ်က ဒုတိယအများဆုံးဆိုပေမယ့် ကျန်ခေတ်တွေမှာက မတွေ့ရသလောက်ပါပဲ။ ပုဂံခေတ်နံရံဆေးရေးပန်းချီတွေဟာ အမြင့်မားဆုံးလက်ရာကောင်းတွေဖြစ်ပြီး အလွန်များပြားစွာအမွေအဖြစ်ကျန်နေခဲ့ပေမယ့် စစ်သည်ပုံအနေနဲ့ကတော့ ရှားလွန်းလှပါတယ်။ ဇာတ်တော်သရုပ်ဖော်ပန်းချီတွေထဲမှာ စစ်သည်အဖြစ်သိသာအောင် လက်နက်ဆွဲကိုင်ပြထားတဲ့ အဝတ်ဗလာနဲ့ လူတွေအဖြစ်သာတွေ့ရပါမယ်။ ဒီလောက်ကြီးကျယ်ခဲ့တဲ့ပုဂံဟာ အဲဒီလောက်ပြီးပြီရော ကြုံရာလူတွေစုထားတဲ့ စစ်တပ်နဲ့ အင်ပါယာထူထောင်လို့မရပါဘူး။ ပြောချင်တာက ဒီပုံတွေကိုကြည့်ပြီး ပုဂံခေတ်စစ်သည်တွေဟာ ဒီလိုပုံထဲအတိုင်းပါဆိုပြီး ရမ်းသမ်းကောက်ချက်ချလို့မရပါဘူး။ တကယ့်စစ်သည်ပုံနဲ့ နီးစပ်တဲ့ ချပ်ဝတ်တန်တာဆင်ယင်ထားတဲ့ ပုဂံခေတ်မာန်နတ်စစ်သည်ပုံတွေကိုလည်း တွေ့ထားရပါတယ်။ ဒီပုံတွေကသာ လက်တွေ့နဲ့ အတတ်နိုင်ဆုံးနီးစပ်ပါလိမ့်မယ်။ ဟုတ်ပါပြီ။ အင်းဝအကြောင်းပြောရင် ပုဂံဘက်ရောက်နေတာ ဒီလောက်နဲ့ရပ်လိုက်ပါဦးမယ်။ အင်းဝခေတ်အကြောင်းပြန်ဆက်ကြရအောင်။
အထက်မှာပြောထားသလ်ိုပါပဲ။ ပုဂံခေတ်နံရံဆေးရေးပန်းချီတွေဟာ ဒု နဲ့ ဒေး ရှိနေပေမယ့် အင်းဝခေတ်နံရံဆေးရေးပန်းချီတွေကတော့ တစ်နိုင်လုံးမှာတောင် လက်ချိုးရေလို့ရပါတယ်။ အဲဒီထဲမှာ စစ်သည်ပုံဆိုတော့ပိုရှားပြီးပေါ့။ လက်ရှိဖော်ပြထားတဲ့ ပုံတွေပဲ ထူးထူးခြားခြားနဲ့ ရှားရှားပါးပါးကျန်နေပါတယ်။ ဒီပုံတွေရှိသေးကြောင်းကိုတောင် အပြင်လူမဆိုထားနဲ့ သမိုင်းသမားထဲကလူတွေတောင် အကုန်မသိပါဘူး။ မသိကြသူတွေအများကြီးရှိနေပါတယ်။ (ဘယ်သူ့ကိုမှ ပုတ်ခတ်ခြင်းမဟုတ်ပါ) ပြီးတော့ ဒီကျန်နေတဲ့ ပုံတွေကိုက ရှားယုံတင်မက ထူးခြားနေတာပါ။ သူတို့ရဲ့ ဝတ်စုံတွေဟာ အများထင်ထားသလို
အလှူဝင်းခင်းတဲ့ထဲက ရဲမတ်တွေလို ဟုတ်မနေတာပါပဲ။ အမြင်ဆန်းနေသလို ခမ်းနားလှတယ်။ တိုက်ပွဲဝင်
စစ်သည်တွေအတွက်လည်း သင့်တော်တယ်။ အများအမြင်မှာလည်း ခမ်းညားပြီး ရန်သူတွေအပေါ်ကိုလည်း အဟန့်ဖြစ်စေနိုင်တဲ့ ပုံသဏ္ဍာန်ရှိပါတယ်။
ဒီ​ပန်းချီတွေထဲမှာ စစ်အင်္ဂါလေးပါးကို ရေးဆွဲထားတယ်။ စစ်အင်္ဂါလေးပါးဆိုတာတွေက
(၁) ခြေချင်တပ်
(၂) မြင်းတပ်
(၃) ဆင်တပ်
(၄) ရထားတပ် တွေကိုခေါ်တာဖြစ်တယ်။ လူတွေပြောကြတဲ့ စစ်အင်္ဂါလေးပါးဆိုတာ ဒီလေးခုပါပဲ။
ဒါကြောင့် ဒီပန်းချီပုံတွေဟာ အင်းဝခေတ်စစါသည်တွေဆင်ယင်တဲ့ ချပ်ဝတ်ပုံကိုသိရစေပ်တယ်။ ခမောက်ပုံကိုလည်း သိရစေပါတယ်။ မြင်းတပ်ရဲ့ မြင်းကကြိုးတန်ဆာဆင်ယင်ပုံတွေလည်း သိရစေတယ်။ ဆင်တွေရဲ့ ကကြိုးတန်ဆာဆင်ယင်ထားပုံကိုလည်း သိရစေတယ်။ ပြီးတော့ စစ်ရထားပုံတွေကိုပါ လေ့လာနိုင်ပြန်တယ်။ အလွန်တန်ဖိုးကြီးလှပါတယ်။
ပန်းချီတွေမှာ အင်းဝခေတ်ဆွဲဟန်အတိုင်းဆွဲထားတဲ့အတွက် ပကတိပုံစံဘယ်လိုဖြစ်မယ်ကို အများမြင်
နိုင်ဖို့ နောက် post တွေမှာ တင်ကြပါဦးမယ်။
#စဝ်မိန်းထီး
# ကိုးကား (အသင်္ခယာ)