ဒါကိုရီးယားကားထဲက စစ်သည်ပုံတွေမဟုတ်ပါဘူး။
ဒါ အင်းဝခေတ်ကမြန်မာစစ်သည်တော်တွေရဲ့ ပန်းချီပုံပါ။ ဒီလိုပြောရင်ထူးဆန်းနေမယ်ထင်ပါတယ်။ တော်တော်များများအနေနဲ့ ဇာတ်တွေ၊ မြန်မာပေါကားတွေ၊ ကြုံရာဆွဲပန်းချီကားတွေထဲက ရဲမတ်ပုံတွေကိုကြည့်ပြီး အင်းဝခေတ်စစ်သည်တွေဟာ ဖော်ပြပါပုံတွေထဲကလိုဖြစ်လိမ့်မယ်လို့ဘယ်သူမှ ထင်ထားမှာမဟုတ်ပါဘူး။ ဒီပုံတွေက လတ်တလောမှာ “တရုတ်ကဖိ၊ သျှမ်းက အိ၊ ရှိသည့်မြန်မာ တောင်ရိုးမှာ” ဆိုတဲ့ ခေါင်းစဉ်နဲ့ အပိုင်းခွဲတင်ပေးနေတဲ့ အင်းဝခေတ်ကာလ သျှမ်း၊ မြန်မာ၊ တရုတ် နိုင်ငံရေး၊ စစ်ရေးသမိုင်းတွေထဲက အင်းဝစစ်သည်တော်တွေရဲ့ ပုံရိပ်ကို ထင်ဟပ်နေစေပါတယ်။ ဒါကိုကြည့်ချင်၊ မြင်ချင်တယ်ဆိုရင် ကံအားလျော်စွာတစ်နေရာသာကျန်ရှိနေပါတယ်။ နေရာက ပုဂံဒေသက တတ်နွယ်ကျောင်းမှာပါ။
ဒီပန်းချီပုံတွေဟာ အလွန်တွေ့ရခဲလှတဲ့ ပထမအင်းဝခေတ်နံရံဆေးရေးပန်းချီတွေထဲမှာမှ တစ်ခုတည်းသော စစ်သည်တော်တွေရဲ့ပုံပါ။ ဒါနဲ့ပတ်သတ်ပြီးကြုံတုန်းဆက်ပြောရရင် မြန်မာသမိုင်းခေတ်အဆက်ဆက်မှာ စစ်သည်ပုံအထောက်အထားနဲ့ပတ်သတ်ရင် ကုန်းဘောင်ခေတ်ကအများဆုံးပါ။ ညောင်ရမ်းခေတ်က ဒုတိယအများဆုံးဆိုပေမယ့် ကျန်ခေတ်တွေမှာက မတွေ့ရသလောက်ပါပဲ။ ပုဂံခေတ်နံရံဆေးရေးပန်းချီတွေဟာ အမြင့်မားဆုံးလက်ရာကောင်းတွေဖြစ်ပြီး အလွန်များပြားစွာအမွေအဖြစ်ကျန်နေခဲ့ပေမယ့် စစ်သည်ပုံအနေနဲ့ကတော့ ရှားလွန်းလှပါတယ်။ ဇာတ်တော်သရုပ်ဖော်ပန်းချီတွေထဲမှာ စစ်သည်အဖြစ်သိသာအောင် လက်နက်ဆွဲကိုင်ပြထားတဲ့ အဝတ်ဗလာနဲ့ လူတွေအဖြစ်သာတွေ့ရပါမယ်။ ဒီလောက်ကြီးကျယ်ခဲ့တဲ့ပုဂံဟာ အဲဒီလောက်ပြီးပြီရော ကြုံရာလူတွေစုထားတဲ့ စစ်တပ်နဲ့ အင်ပါယာထူထောင်လို့မရပါဘူး။ ပြောချင်တာက ဒီပုံတွေကိုကြည့်ပြီး ပုဂံခေတ်စစ်သည်တွေဟာ ဒီလိုပုံထဲအတိုင်းပါဆိုပြီး ရမ်းသမ်းကောက်ချက်ချလို့မရပါဘူး။ တကယ့်စစ်သည်ပုံနဲ့ နီးစပ်တဲ့ ချပ်ဝတ်တန်တာဆင်ယင်ထားတဲ့ ပုဂံခေတ်မာန်နတ်စစ်သည်ပုံတွေကိုလည်း တွေ့ထားရပါတယ်။ ဒီပုံတွေကသာ လက်တွေ့နဲ့ အတတ်နိုင်ဆုံးနီးစပ်ပါလိမ့်မယ်။ ဟုတ်ပါပြီ။ အင်းဝအကြောင်းပြောရင် ပုဂံဘက်ရောက်နေတာ ဒီလောက်နဲ့ရပ်လိုက်ပါဦးမယ်။ အင်းဝခေတ်အကြောင်းပြန်ဆက်ကြရအောင်။
အထက်မှာပြောထားသလ်ိုပါပဲ။ ပုဂံခေတ်နံရံဆေးရေးပန်းချီတွေဟာ ဒု နဲ့ ဒေး ရှိနေပေမယ့် အင်းဝခေတ်နံရံဆေးရေးပန်းချီတွေကတော့ တစ်နိုင်လုံးမှာတောင် လက်ချိုးရေလို့ရပါတယ်။ အဲဒီထဲမှာ စစ်သည်ပုံဆိုတော့ပိုရှားပြီးပေါ့။ လက်ရှိဖော်ပြထားတဲ့ ပုံတွေပဲ ထူးထူးခြားခြားနဲ့ ရှားရှားပါးပါးကျန်နေပါတယ်။ ဒီပုံတွေရှိသေးကြောင်းကိုတောင် အပြင်လူမဆိုထားနဲ့ သမိုင်းသမားထဲကလူတွေတောင် အကုန်မသိပါဘူး။ မသိကြသူတွေအများကြီးရှိနေပါတယ်။ (ဘယ်သူ့ကိုမှ ပုတ်ခတ်ခြင်းမဟုတ်ပါ) ပြီးတော့ ဒီကျန်နေတဲ့ ပုံတွေကိုက ရှားယုံတင်မက ထူးခြားနေတာပါ။ သူတို့ရဲ့ ဝတ်စုံတွေဟာ အများထင်ထားသလို
အလှူဝင်းခင်းတဲ့ထဲက ရဲမတ်တွေလို ဟုတ်မနေတာပါပဲ။ အမြင်ဆန်းနေသလို ခမ်းနားလှတယ်။ တိုက်ပွဲဝင်
စစ်သည်တွေအတွက်လည်း သင့်တော်တယ်။ အများအမြင်မှာလည်း ခမ်းညားပြီး ရန်သူတွေအပေါ်ကိုလည်း အဟန့်ဖြစ်စေနိုင်တဲ့ ပုံသဏ္ဍာန်ရှိပါတယ်။
ဒီ​ပန်းချီတွေထဲမှာ စစ်အင်္ဂါလေးပါးကို ရေးဆွဲထားတယ်။ စစ်အင်္ဂါလေးပါးဆိုတာတွေက
(၁) ခြေချင်တပ်
(၂) မြင်းတပ်
(၃) ဆင်တပ်
(၄) ရထားတပ် တွေကိုခေါ်တာဖြစ်တယ်။ လူတွေပြောကြတဲ့ စစ်အင်္ဂါလေးပါးဆိုတာ ဒီလေးခုပါပဲ။
ဒါကြောင့် ဒီပန်းချီပုံတွေဟာ အင်းဝခေတ်စစါသည်တွေဆင်ယင်တဲ့ ချပ်ဝတ်ပုံကိုသိရစေပ်တယ်။ ခမောက်ပုံကိုလည်း သိရစေပါတယ်။ မြင်းတပ်ရဲ့ မြင်းကကြိုးတန်ဆာဆင်ယင်ပုံတွေလည်း သိရစေတယ်။ ဆင်တွေရဲ့ ကကြိုးတန်ဆာဆင်ယင်ထားပုံကိုလည်း သိရစေတယ်။ ပြီးတော့ စစ်ရထားပုံတွေကိုပါ လေ့လာနိုင်ပြန်တယ်။ အလွန်တန်ဖိုးကြီးလှပါတယ်။
ပန်းချီတွေမှာ အင်းဝခေတ်ဆွဲဟန်အတိုင်းဆွဲထားတဲ့အတွက် ပကတိပုံစံဘယ်လိုဖြစ်မယ်ကို အများမြင်
နိုင်ဖို့ နောက် post တွေမှာ တင်ကြပါဦးမယ်။
#စဝ်မိန်းထီး
# ကိုးကား (အသင်္ခယာ)

Mudbrick (2023) Mmsub

Psycho ဆန်ဆန် Horror ကားသစ်လေးတစ်ကားနဲ့မိတ်ဆက်ပေးလိုက်ပါတယ်။လယ်ကွက်တစ်ခုမှာ ဇာတ်ကောင်နည်းနည်းနဲ့ ခြောက်ခြားအောင် တစ်မျိုးကြီးဖြစ်အောင်ရိုက်ကူးထားတာမျိုးပဲဖြစ်တဲ့အတွက် တစ်မျိုးတစ်ပါးလေးရှုစားချင်တဲ့လူတွေအတွက်ကတော့ကွက်တိပါပဲ။ ဇာတ်လမ်းအစမှာတော့ အထက်ကပြောခဲ့တဲ့ ရွှအုတ်နဲ့ဆောက်ထားတဲ့ ယာကိုဗ်ရဲ့အိမ်လေးကို မတွေ့ရတာတော်တော်ကြီးကိုကြာနေပြီ ဖြစ်တဲ့ပေါလ်တစ်ယောက်ပြန်ရောက်လာခဲ့ပါတော့တယ်။ အဓိကပေါလ်ပြန်လာရတဲ့အကြောင်းအရင်းက သူတိုနှစ်ယောက်ရဲ့ အဖေဖြစ်သူဆုံးပါးသွားပြီး ယာကိုဗ်နေနေတဲ့အိမ်ကို သူ့ကိုအမွေ ပေးခဲ့လိုပဲဖြစ်ပါတယ်။မတွေ့ရတာကြာပြီးမှဒီအတိုင်းအမွေယူဖို ပြန်လာတယ်ဆိုရင်လည်းမကောင်းတဲ့အတွက် ညီအစ်ကိုနှစ်ယောက် ရှေးဟောင်းနှောင်းဖြစ်တွေပြန်ပြောရင်း အတူနေထိုင်ခဲ့ကြရင်း ဒီအိမ်ပေါ်မှာအစွဲအလမ်းကြီးတဲ့ယာကိုဗ်ရဲ့စိတ်ထားအမှန်တွေ ပေါ်လာတဲ့အခါမှာတော့ ဘယ်လိုကြောက်မက်ဖွယ်ရာတွေကို ဘယ်လိုဇာတ်ကွက်တွေနဲ့ရိုက်ကူးထားမလဲဆိုတာကိုတော့ ကိုယ်တိုင်ပဲကြည့်ရှုခံစားဖိုညွှန်းပေးလိုက်ချင်ပါတယ်။    

ဓာတ်အားမဂ္ဂါဝပ် ၁၀၀၀ ကျော်ရအောင် ဆောင်ရွက်နေဟု ပြော

ဖေဖော်ဝါရီ ၆

သဘာဝဓာတ်ငွေ့၊ ဆိုလာလျှပ်စစ်အင်ဂျင်ပေါင်းစပ်သည့် Hybrid ဓာတ်အားမဂ္ဂါဝပ်ပေါင်း ၁၀၀၀ ကျော် ထုတ်လုပ်နိုင်ရေးအတွက် စီမံကိန်းများ ဆောင်ရွက်နေသည်ဟု နစကဒုဥက္ကဋ္ဌ ဒုတိယဗိုလ်ချုပ်မှူးကြီး စိုးဝင်းက ပြောသည်။

၂၀၂၅ ခုနှစ်၊ ဖေဖော်ဝါရီ ၅ ရက်က နေပြည်တော်မှာ ပြုလုပ်သည့် ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲ ကျင်းပနိုင်ရေး လုပ်ငန်းညှိနှိုင်း အစည်းအဝေးတွင် ၎င်းက ပြောကြားခဲ့ခြင်း ဖြစ်သည်။

နစကဒုဥက္ကဋ္ဌက “ ဆိုလာစနစ် ဆောင်ရွက်သည့် ကုန်ကျမည့် ငွေပမာဏမှာ နှစ်အနည်းငယ်အတွင်း အရင်းကြေ ကာလသို့ ‌ရောက်ရှိမည်၊ ဥပမာအားဖြင့် မိမိတို့ ကာကွယ်ရေးဦးစီးချုပ်ရုံးအတွင်း ၂၀ မဂ္ဂါဝပ်ရှိ ဆိုလာဓာတ်အား ပေးစနစ်ကို လွန်ခဲ့သည့် ၂ နှစ်ခန့်မှ စတင် တည်ဆောက် အသုံးပြုခဲ့ရာ လာမည့်တစ်နှစ်ခွဲအတွင်း အရင်းကြေ ကာလ ပြည့်မြောက်မည်၊ သို့ဖြစ်၍ MSME လုပ်ငန်းရှင်များအနေဖြင့် သက်ဆိုင်ရာတိုင်းဒေသကြီးနှင့် ပြည်နယ်များ ရှိ စက်မှုဇုန်များ မြေလွတ်နေရာများနှင့် အခြားမြေလွတ်မြေရိုင်းနေရာများတွင် ဆိုလာစနစ်ဖြင့် တစ်ပိုင်တစ်နိုင် လျှပ်စစ်ဓာတ်အား ရရှိရေးအတွက် ဆောင်ရွက်စေလိုသည်”ဟု ပြောသည်။

နိုင်ငံတော်အနေဖြင့် အခြား ပြည်နယ်နှင့်တိုင်းဒေသကြီးများတွင်လည်း သဘာဝဓာတ်ငွေ့၊ ဆိုလာလျှပ်စစ် အင်ဂျင်ပေါင်းစပ်သည့် Hybrid ဓာတ်အားမဂ္ဂါဝပ်ပေါင်း ၁၀၀၀ ကျော် ထုတ်လုပ်နိုင်ရေးအတွက် စီမံကိန်း ဆောင်ရွက်လျက်ရှိကြောင်း၊ ရရှိသည့် လျှပ်စစ်ဓာတ်အားများကို တစ်နိုင်ငံလုံးဖြန့်ဝေခြင်းဖြစ်သည့်အတွက် အချိုးအစားအလိုက် ဓာတ်အားရရှိမည်ဖြစ်ပြီး လုပ်ငန်းရပ်များအလိုက် ကိုယ်ပိုင် ဆိုလာစနစ်ဖြင့် ဆောင်ရွက် နိုင်မည်ဆိုပါက လုပ်ငန်းများ ပိုမိုအဆင်ပြေမည်ဖြစ်၍ ဆွေးနွေးညှိနှိုင်း အကောင်အထည်ဖော် ဆောင်ရွက်ကြရန် လိုကြောင်း ၎င်းက ပြောသည်။

လျှပ်စစ်ရရှိရေးကိစ္စနှင့် စပ်လျဉ်း၍ တစ်နိုင်ငံလုံးအနေဖြင့် လျှပ်စစ်ဓာတ်အား ထုတ်လုပ်မှုမှာ မဂ္ဂါဝပ် ၆၃၀၀ ကျော် ရှိကြောင်း၊ သို့သော်လည်း အကြောင်းအမျိုးမျိုးကြောင့် ရပ်တန့်နေမှုများနှင့် အကြမ်းဖက်မှု ဖြစ်စဉ်များကြောင့် ထုတ်လုပ်နိုင်မှု ရပ်ဆိုင်းနေသည့် စက်ရုံများရှိကြောင်း၊ လျှပ်စစ်ဝန်ကြီးဌာနမှ ထုတ်လုပ်နိုင်သည့် ပမာဏပေါ် မူတည်၍ အလှည့်ကျ ရရှိရေးအတွက် အတတ်နိုင်ဆုံး စီစဉ်ဆောင်ရွက်ပေးလျက်ရှိကြောင်း နစကဒုဥက္ကဋ္ဌက ပြော သည်။

လက်ရှိ သီလဝါစက်မှုဇုန်၌ ကုမ္ပဏီ ၆ ခုမှ ဆိုလာစနစ်ဖြင့် ဓာတ်အားထုတ်လုပ်မှု ၄ ဒသမ ၉ မဂ္ဂါဝပ်ကျော် ထုတ်လုပ်သုံးစွဲလျက်ရှိကြောင်း၊ ထိုသို့ ထုတ်လုပ်နိုင်မှုကြောင့် လုပ်ငန်းများ ‌ဆောင်ရွက်ရာတွင် ပိုမိုတွင်ကျယ်လာ ကြောင်း၊ အဆိုပါ ဆောင်ရွက်မှုကို နမူနာယူပြီး အခြားကုမ္ပဏီများမှ လျှပ်စစ်ဓာတ်အား ၈ မဂ္ဂါဝပ်ကျော် ထုတ်လုပ် သုံးစွဲနိုင်ရေး စီမံဆောင်ရွက်လျက်ရှိကြောင်း၊ ယင်းသို့ ဆောင်ရွက်ခြင်းဖြင့် တစ်ပိုင်တစ်နိုင် မိမိလုပ်ငန်းအတွက် လျှပ်စစ်ဓာတ်အား ပြည့်ဝစွာ သုံးစွဲ၍ ရသည့်အပြင် ပိုလျှံမှုအပေါ် နိုင်ငံအဆင့် မဟာဓာတ်အားလိုင်းသို့ ရောင်းချ၍ ရနေကြောင်း ၎င်းက ပြောသည်။

လက်ရှိ မြန်မာနိုင်ငံတွင် လျှပ်စစ်မီး ရရှိမှုသည် တစ်နေ့လျှင် ၄ နာရီခြာ ၂ ကြိမ် စုစုပေါင်း ၈ နာရီရှိပြီး ၁၆ နာရီ လျှပ်စစ်ဓာတ်အား ဖြတ်တောက်ထားသည်။

တချို့မြို့နယ်များမှာတော့ လျှပ်စစ်မီး ရရှိမှု အနည်းငယ် တိုး၍ပြန်လည် ရရှိလာကြောင်းလည်း သိရသည်။

ပုံ - နစကဒုဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းကို တွေ့ရစဉ်

#သတင်းဟင်းလေးအိုးကြီး

နည်းနည်းကျွေးကြပါအုံးနော်

စိန်လည်း ကာဗွန်၊ မီးသွေးလည်း ကာဗွန်။ကာဗွန်ချင်းတူပေမဲ့ တန်ဖိုးချင်းကမတူတော့ဘူး
အဖိနှိပ်ခံ အပူပေးခံရတာများတော့ မလောင်ကျွမ်းဘဲတောင့်ခံနိုင်သူကစိန်ဖြစ်သွားတယ်။
အပူနဲ့ဖိအားကြောင့်ကာဗွန်ဟာ စိန်ဖြစ်သွားတယ်။
အဖိနှိပ်ခံ၊အပူပေးခံရတာချင်းတူ မတောင့်ခံနိုင်သူက မီးသွေးဖြစ်သွားရတာပေါ့။
တွင်းထွက်ချင်းတူ၊ပြုလုပ်ပုံချင်းတူတာတောင် ရလဒ်ဟာအင်မတန်မှခွာခြားသွားရတာပဲ။
အဲ့တာကြောင့် ကျရှုံးခြင်း၊ ဖိအား၊အပူတွေလာရင် ငါ့ကိုစိန်ဖြစ်စေမဲ့အရာတွေပဲလို့ ခံနိုင်ရည်ရှိရှိရင်ဆိုင်လိုက်ခြင်းက မကြာခင်မှာ သင့်ကိုစိန်ဖြစ်သွားလိမ့်မယ်။
ဒါကိုမှပျော့ညံ့ပြီး လိုက်ခံစားလောင်ကျွမ်းနေရင်တော့ မီးသွေးဘဲဖြစ်သွားမှာပေါ့။
လွယ်လွယ်အရှုံးပေးမလား၊ခံနိုင်ရည်အပြည့်နဲ့ရင်ဆိုင်မလားဆိုတာက ရလဒ်အနေနဲ့ စိန်နဲ့မီးသွေးလို သိသာတာတဲ့ကွာခြားချက်ထွက်ရှိလာမှာအသေချာပါ။
#as

လေပြေလေး တခုမျှသာ 😑

သားကြီးမင်းကတော့မြွေမကြောက်ကင်းမကြောက်ကွာ??

အာဆင်နယ်ကိုအနိုင်ရပြီး နယူးကာဆယ်လိဂ်ဖလား ဗိုလ်လုပွဲတက်

ဖေဖော်ဝါရီ ၆

နယူးကာဆယ်အသင်းဟာ ကာရာဘောင်းလိဂ်ဖလား ဆီမီးဖိုင်နယ် ဒုတိယအကျော့ပွဲစဉ်မှာ အာဆင်နယ်အသင်း ကို ၂ ဂိုး-ဂိုးမရှိနဲ့အနိုင်ရပြီး ဗိုလ်လုပွဲကို တက်နိုင်ခဲ့ပါတယ်။

ဒီပွဲမှာ နယူးကာဆယ်အသင်းအတွက် ဂိုးတွေကို မာဖီနဲ့ ဂေါ်ဒွန်တို့က သွင်းယူခဲ့တာပါ။

နယူးကာဆယ်အသင်းဟာ ဆီမီးဖိုင်နယ် ပထမအကျော့ ပွဲစဉ်မှာလည်း အာဆင်နယ်အသင်းကို ၂ ဂိုး-ဂိုးမရှိနဲ့ အနိုင်ရခဲ့တဲ့အတွက် နှစ်ကျော့ပေါင်းရလဒ် ၄ ဂိုး-ဂိုးမရှိနဲ့ အနိုင်ရရှိခဲ့တာ ဖြစ်ပါတယ်။

နယူးကာဆယ်အသင်းဟာ ကာရာဘောင်းလိဂ်ဖလား ဗိုလ်လုပွဲကို နောက်ဆုံး ၃ ရာသီအတွင်း ဒုတိယအကြိမ် မြောက် တက်နိုင်ခဲ့တာဖြစ်ပြီး ၂၀၂၃ ခုနှစ်က ဗိုလ်လုပွဲမှာ ယူနိုက်တက်အသင်းကို အရေးနိမ့်ခဲ့တာပါ။

နယူးကာဆယ်အသင်းဟာ ၁၉၅၅ ခုနှစ်က FA ဖလားပြိုင်ပွဲမှာ ချန်ပီယံဖြစ်ပြီးကတည်းက အဓိကပြိုင်ပွဲတွေမှာ ဆုဖလားတွေနဲ့ ဝေးကွာနေခဲ့တာ ဖြစ်ပါတယ်။

အဲဒါကြောင့် ဒီနှစ် ကာရာဘောင်းဖလားပြိုင်ပွဲမှာ ချန်ပီယံဆုကို ရယူနိုင်ဖို့ မျှော်လင့်နေတာပါ။

နယူးကာဆယ်အသင်းနည်းပြ အက်ဒီဟိုဝီက ဒီပွဲက ခက်ခဲတဲ့ပွဲဖြစ်ခဲ့ပေမယ့် သူတို့အတွက် အလွန်ကောင်းမွန်တဲ့ ညဖြစ်ခဲ့ပြီး ဝင်ဘာလေကို ပြန်သွားရတာကောင်းတယ်လို့ ပြောခဲ့ပါတယ်။

အက်ဒီဟိုဝီက “ဝင်ဘာလေကို ပြန်သွားရတာက အလွန်ကြီးမားပါတယ်။ ဒီနှစ်ပြိုင်ပွဲမှာ ဗိုလ်လုပွဲ တက်နိုင်ခဲ့တာ က ကျနော်တို့အတွက် မလွယ်ကူခဲ့ပါဘူး။ ပရီးမီးယားလိဂ် ၄ သင်းနဲ့ ရင်ဆိုင်ခဲ့ရပြီး ခက်ခဲခဲ့ပါတယ်။ ကျနော်တို့ ဟာ နောက်ဆုံးကြုံတွေ့ခဲ့တဲ့ အတွေ့အကြုံတွေကနေ သင်ယူပြီး စွမ်းဆောင်ရည်ကို ပိုပြီးကောင်းအောင်လုပ်နိုင်ဖို့ မျှော်လင့်တယ်”လို့ ပြောခဲ့တာပါ။

အာဆင်နယ်အသင်းနည်းပြ အာတီတာက ဆုဖလားတစ်လုံး လက်လွှတ်ခဲ့ရပေမယ့် နောက်ထပ် ဆုဖလား ပစ်မှတ်တွေအတွက် အားအင်တွေ ပြန်ဖြည့်ရမယ်လို့ ပြောခဲ့ပါတယ်။

အာဆင်နယ်အသင်းဟာ FA ဖလားပြိုင်ပွဲကနေ ထွက်ခွာထားရလို့ သူတို့အတွက် ဒီရာသီမှာ ရယူနိုင်စရာ ဆုဖလား အဖြစ် ပရီးမီးယားလိဂ်နဲ့ ချန်ပီယံလိဂ်ပြိုင်ပွဲသာ ရှိတော့တာပါ။

အာဆင်နယ်အသင်းဟာ လာမယ့် ရက်ပိုင်းအတွင်းမှာ ဒူဘိုင်းကို သွားရောက်ပြီး အသင်းလိုက် စုဖွဲ့လေ့ကျင့်မှုတွေ ပြုလုပ်သွားဖို့ရှိနေတာ ဖြစ်ပါတယ်။

Source: ESPN

ပုံ - နယူးကာဆယ်အသင်းကို တွေ့ရစဉ်

#ဘောလုံးသတင်းစုံ

ကုန်သွယ်ရေးစစ်ပွဲတွင် တရုတ်က ယွမ်ဈေးနှုန်းကို ထိန်းထား

ဘေကျင်း၊ ဖေဖော်ဝါရီ ၆

အမေရိကန်နှင့် ကုန်သွယ်ရေးစစ်ပွဲတွင် တရုတ်ဗဟိုဘဏ်သည် ဖေဖော်ဝါရီ ၅ ရက်က ယွမ်ငွေတန်ဖိုးကို အမေရိကန်ဒေါ်လာနှင့် လဲလှယ်နှုန်းအတွက် မျှော်မှန်းထားသည်ထက် ပိုမိုခိုင်မာစေရန် လုပ်ဆောင်ခဲ့ကြောင်း South China Morning Post မှ ဖော်ပြခဲ့သည်။

ထိုသို့ လုပ်ဆောင်ခြင်းဖြင့် တရုတ်သည် ၎င်း၏ ငွေတန်ဖိုးကို လျှော့ချခြင်းဖြင့် အမေရိကန်၏ အခွန်တိုးကောက် မည့် သက်ရောက်မှုများ လျှော့ချလိုသည့် အစီအစဉ်မရှိကြောင်းကို ပြသရာရောက်ခဲ့သည်။

တရုတ်ဗဟိုဘဏ်သည် ဖေဖော်ဝါရီ ၅ ရက်က ပုံသေနှုန်းထား ငွေလှဲနှုန်းအဖြစ် တစ်ဒေါ်လာလျှင် ၇ ဒသမ ၁၆၉၃ ယွမ် သတ်မှတ်ခဲ့ပြီး ထိုပမာဏသည် ဇန်နဝါရီလကုန်ပိုင်းက တစ်ဒေါ်လာလျှင် ၇ ဒသမ ၁၆၉၈ နှင့်နှိုင်းယှဉ်ပါက ယွမ်ငွေတန်ဖိုး အနည်းငယ် ခိုင်မာလာအောင် လုပ်ဆောင်ခဲ့သည်ကို တွေ့ရမည်ဖြစ်သည်။

ထိုကဲ့သို့ ပုံသေနှုန်းထား ငွေလဲလှယ်နှုန်းသည် ပြည်တွင်း ယွမ်ငွေကြေး လဲလှယ်နှုန်းကို အဆုံးအဖြတ်ပေးရာတွင် အဓိကအခန်းကဏ္ဍမှ ပါဝင်နေပြီး တရုတ်ဗဟိုဘဏ်သည် နေ့စဉ် နှုန်းထားသတ်မှတ်ချက်ကို ၂ ရာခိုင်နှုန်းနှင့် အထက် သို့မဟုတ် ၂ ရာခိုင်နှုန်းအောက်သာ အတက်အကျ စျေးကစားမှုကို ခွင့်ပြုပေးထားသည်။

ကျွမ်းကျင်သူ အများစုကမူ တရုတ်ဗဟိုဘဏ်အနေဖြင့် ယခုနှစ်အတွင်း ယွမ်ငွေကြေးအတွက် နှုန်းထားလျှော့ချ ပေးရန် မျှော်မှန်းထားသည်။

ယွမ်ငွေကြေးကို လျှော့ချမည်ဆိုပါက တရုတ်၏ ပို့ကုန်များအပေါ် အမေရိကန်၏ အခွန်တိုးကောက်ခံမှုအား အနည်းငယ် ကာမိစေလိမ့်မည်ဟု ကျွမ်းကျင်သူများက ယူဆထားကြသည်။

အမေရိကန်သည် ဖေဖော်ဝါရီ ၄ ရက်မှစပြီး တရုတ်၏ ပို့ကုန်များအပေါ် အခွန် ၁၀ ရာခိုင်နှုန်း တိုးမြှင့်ကောက်ခံခဲ့ သည်။

“ဒီနေ့ ပုံသေနှုန်းထား သတ်မှတ်မှုဟာ စျေးကွက်ရဲ့ မျှော်လင့်ချက်တွေထက် ပိုမိုခိုင်မာနေပါတယ်။ ဒါကြောင့် တရုတ်ဟာ ယွမ်ငွေတန်ဖိုးကို လျှော့ချပြီး အမေရိကန်ရဲ့ အခွန်တိုးကောက်မယ့် အစီအစဉ်ကို တန်ပြန်မယ့်ပုံ မပေါ်ပါဘူး”ဟု Standard Chartered ဘဏ်၏ စီးပွားရေးပညာရှင် တင်းရွှမ် (Ding Shuang) က ပြောကြား ခဲ့သည်။

“တရုတ်နဲ့ အမေရိကန်အကြား ကုန်သွယ်ရေး ဆွေးနွေးမှုတွေ မပြုလုပ်ရသေးပါဘူး။ ငွေလဲနှုန်း ပုံသေနှုန်းထားကို ခိုင်မာအောင် လုပ်ဆောင်တာဟာ ဆွေးနွေးညှိနှိုင်းမှုတွေအတွက် ကောင်းမွန်တဲ့ အခြေအနေကို ဖြစ်စေပါလိမ့် မယ်။ အမေရိကန်ကလည်း ယွမ်ငွေတန်ဖိုး လျှော့ချတာမျိုးကို မလိုလားပါဘူး” ဟု ၎င်းက ပြောကြားခဲ့သည်။

Source: South China Morning Post

ပုံ - တရုတ်ယွမ်ငွေကိုတွေ့ရစဉ်

#centralnewsnaypyitaw

ဘေစင်သုံးပြီးရင် ရေစက်တွေကို သုတ်တာ၊
kitchen သုံးပြီး သန့် ရှင်းအောင်ပြန်ထားတာ၊
အိမ်သာရေချိုးခန်းသုံးပြီး ရေနဲ့ ပြန်သန့်စင်တာ၊
အိမ်သာကထွက်ရင် ခြေထောက်ဆေးတာ၊
ပစ္စည်းတွေကို ယူခဲ့တဲ့နေရာမှာ ပြန်ထားတတ်တာ၊
ထိုင်ခုံကို သုံးပြီးရင် နေရာတကျပြန်တည့်မတ်ထားတာ၊
အိမ်ကြမ်းခင်းမှာ ခြေချရင် သဲ ဖုံ ကပ်မနေတာ၊
တံခါးဖွင့်ပိတ်ညင်သာတာ၊ လမ်းလျှောက်ရင် ခြေထောက်ကို ပင့်လျှောက်တာ ဖိနပ်ဆွဲသံမကြားအောင်လျှောက်တာ၊
အစားစားရင် အသံမမြည်တာ၊
မသန်စွမ်း၊သက်ကြီး၊ကိုယ်ဝန်သည်တွေကို ဦးစားပေး caring လုပ်တာ၊
စကားပြောရင် လူကြားရုံထက်ပိုကျယ်တဲ့ အသံနဲ့ မပြောတာ၊
စားပွဲထိုးကို ခေါ်ပုံခေါ်နည်း၊ စကားပြောနည်း၊
အမှိုက်ကားနား၊ အမှိုက်သန့်ရှင်းရေးသမားတွေနားကဖြတ်သွားရင် နှာခေါင်းမရှုံ့သင့်တာ၊
စတာတွေက လူ့အဆင့်အတန်းပဲ။ ဘယ်မှာမှ သင်တန်းဖွင့်ပြီးသင်နေတာမရှိသလို ဒါတွေဟာ ကြီးပြင်းလာတဲ့ပုံစံ ဖြတ်သန်းလာရတဲ့ ဘဝ စရိုက်တွေနဲ့ဆိုင်တယ်။
ဘယ်လောက် အဆင့်ရှိလဲဆိုရင်တော့ အဲ့သလောက်တော့ အဆင့်အတန်းရှိတယ်။
Credit
#john_paul