ယူကရိန်းအရေး ဥရောပခေါင်းဆောင်တွေ ဒုတိယအကြိမ် စည်းဝေး

ပါရီ၊ ဖေဖော်ဝါရီ ၂၀

ယူကရိန်းစစ်ပွဲအရေးနဲ့ပတ်သက်ပြီး ဥရောပခေါင်းဆောင်တွေရဲ့ ဒုတိယမြောက် အစည်းအဝေကို ပြင်သစ်နိုင်ငံ ကဦးဆောင်ပြီး မနေ့က ထပ်မံပြုလုပ်ခဲ့ပါတယ်။

ပြီးခဲ့တဲ့ တနင်္လာနေ့က ပထမအကြိမ်ဆွေးနွေးပွဲ မတင်္ကရောက်ခဲ့တဲ့ နော်ဝေ၊ ဖင်လန်၊ ကနေဒါအပါအဝင် နေတိုးအဖွဲ့ဝင်နိုင်ငံတွေနဲ့ ဘောတစ်နိုင်ငံခေါင်းဆောင်တွေ တက်ရောက်ခဲ့ကြပါတယ်။ ယူကရိန်းကို ဆက်လက်ထောက်ပံ့ရေးနဲ့ ဥရောပလုံခြုံရေးအတွက် အစီအမံတွေကို သဘောတူခဲ့တယ်လို့ ပြင်သစ် သမ္မတက ပြောပါတယ်။

ဥရောပနဲ့ အမေရိကန်တို့အကြား ယူကရိန်းစစ်ပွဲ အဆုံးသတ်ရေး ရည်မှန်းချက်ကတော့ တူညီနေတယ်လို့ သူကဆိုပါတယ်။ ယူကရိန်းအဆက်မပြတ်ပါဝင်မှု၊ ခိုင်မာယုံကြည်ရတဲ့ အာမခံချက်နဲ့ အခြေခံမူတွေနဲ့ ထာ၀ရငြိမ်းချမ်းရေး ရရှိအောင်လုပ်မယ်လိုပ မက်ခရိုက ပြောပါတယ်။

ဥရောပကာကွယ်ရေးနဲ့ လုံခြုံရေးအတွက် နိုင်ငံတွေအနေနဲ့ ကာကွယ်ရေးအသုံးစရိတ်နဲ့ စွမ်းဆောင်ရည်တွေ တိုးမြှင့်ဖို့လိုအပ်ပြီး ဒီအစီအစဉ်နဲ့ပတ်သက်တဲ့ ဆုံးဖြတ်ချက်တွေကို လာမယ့်သီတင်းပတ်တွေအတွင်း ချမှတ်သွားမယ်လို့ ပြင်သစ်သမ္မတက ပြောပါတယ်။

လက်ရှိမှာတော့ အမေရိကန်နဲ့ ရုရှားတို့ဟာ ယူကရိန်းစစ်ပွဲ အဆုံးသတ်ရေးအတွက် နှစ်ဖက် ထိပ်တန်းတာဝန်ရှိသူတွေ ဆော်ဒီအာရေဗျမှာ ဆွေးနွေးခဲ့ကြပြီး ညှိနှိုင်းရေးအဖွဲ့ဖွဲ့ဖို့ သဘောတူခဲ့ပြီး ဆွေးနွေးပွဲတွေ ဆက်လုပ်မှာပါ။

ဒါပေမယ့်လည်း ယူကရိန်းမပါတဲ့ ဒီဆွေးနွေးပွဲနဲ့ပတ်သက်ပြီး ယူကရိန်းနဲ့ ဥရောပနိုင်ငံတွေက ဝေဖန်နေပြီး ဆွေးနွေးပွဲရဲ့ ဘယ်လိုသဘောတူညီချက်မျိုးကိုမဆို လက်သင့်မခံဘူးလို့ သမ္မတ ဇီလန်စကီးက ထုတ်ဖော်ပြောဆိုထားပါတယ်။

Ref:NHK
Photo:Getty Images

#သတင်းဟင်းလေးအိုးကြီး

◼ နိုင်ငံကူးလက်မှတ် သက်တမ်းတိုးရန် ကြိုတင်တိုကင်ရယူခြင်းကို မြန်မာသံရုံး(တိုကျို )ပယ်ဖျက်
အခကြေးငွေဖြင့် ရောင်းချကာ မိမိကိုယ်ကျိုးအတွက် အသုံးပြုနေမှုကြောင့်သံရုံးတွင် နိုင်ငံကူးလက်မှတ်သက်တမ်းတိုးရန် Online Appointment ရယူမှုကို ပယ်ဖျက်လိုက်ကြောင်း ပြည်ထောင်စုသမ္မတ မြန်မာနိုင်ငံတော် သံရုံး တိုကျို က သတင်းထုတ်ပြန်ခဲ့သည်။
မြန်မာသံရုံး တိုကျိုမြို့အနေဖြင့် ဂျပန်နိုင်ငံတွင် ရောက်ရှိနေထိုင်နေကြသည့် မြန်မာနိုင်ငံသားများအတွက် ကောင်စစ်ဆိုင်ရာကိစ္စရပ်များကို အလေးထားဆောင်ရွက်ပေးလျက်ရှိကြောင်း၊ ယင်းသို့ဆောင်ရွက်ရာတွင် သံရုံးသို့လူကိုယ်တိုင်လာရောက်၍ ဆောင်ရွက်ကြသူ အလွန်များပြားလာသောကြောင့် မြန်မာနိုင်ငံသားများအား အဆင်ပြေချောမွေ့စွာ ဝန်ဆောင်မှုပေးနိုင်စေရန်အတွက် Online Appointment စနစ်ကို ၂ဝ၂၄ ခုနှစ် ဧပြီ ၁ ရက်မှ စတင်ကျင့်သုံးခဲ့သည်။
Online Appointment စနစ်တွင် ရက်ချိန်းရယူထားပြီး အလုပ် အားလပ်မှုမရှိသဖြင့် သံရုံးသို့ လူကိုယ်တိုင်လာရောက်ရန် အခက်အခဲရှိသူများတွက်လည်း မိသားစုဝင်တစ်ဦးဦးကဖြစ်စေ၊ အသိမိတ်ဆွေကဖြစ်စေ ကိုယ်စားလှယ်လွှဲစာဖြင့် လာရောက်လျှောက်ထားခြင်းကို ဖြေလျှော့ခွင့်ပြုထားရှိကြောင်း၊ သို့ရာတွင် အဆိုပါဖြေလျှော့ပေးမှုအပေါ် အချို့သူများသည် မိမိအကျိုးအတွက်အသုံးပြုနေကြောင်း သံရုံးအနေဖြင့် စိစစ်တွေ့ရှိရကြောင်း၊ ယင်းပုဂ္ဂိုလ်များသည် မိမိကိုယ်တိုင်လျှောက်ထားရန်အတွက်မဟုတ်ဘဲ Online Appointment စနစ်သို့ အမည်အမျိုးမျိုး၊ အီးမေးလ်လိပ်စာအမျိုးမျိုးဖြင့် ဝင်ရောက်ကာကြိုတင် Appointment များ ရယူထားပြီး အဆိုပါ Appointment အား အခကြေးငွေဖြင့် ရောင်းချကာ ကိုယ်ကျိုးအတွက် အသုံးချနေကြသဖြင့် ကိုယ်တိုင်ဆောင်ရွက်လိုသော မြန်မာနိုင်ငံသားများက ရက်ချိန်းရယူရာတွင် အခက်အခဲရှိနေမှုတွေ့ရှိရကြောင်း ဖော်ပြထားသည်။
သို့ဖြစ်ရာ မြန်မာသံရုံး တိုကျိုမြို့အနေဖြင့် မိမိအကျိုးစီးပွားအတွက် Online Appointmentများ ကြိုတင်ရယူဆောင်ရွက်ထားကြောင်း သံသယရှိသူများ၏ Appointment များကို စနစ်တကျစိစစ်ကာ ပယ်ဖျက်လျက်ရှိကြောင်း၊ ယင်းသို့ပယ်ဖျက်ရာတွင်ကိုယ်တိုင်လျှောက်ထားရန်ဆောင်ရွက်ထားသော နိုင်ငံသားများ၏ Appointment များ ပါရှိသွားပါက အချက်အလက် အပြည့်အစုံတင်ပြ၍ သံရုံးသို့ လူကိုယ်တိုင် လာရောက်လျှောက်ထားနိုင်ပြီး သံရုံးမှလိုအပ်သည့် စိစစ်မှုများပြုလုပ်၍ လက်ခံဆောင်ရွက်ပေးသွားမည်ဖြစ်ကြောင်း အသိပေးထားသည်။
သံရုံးသို့လာရောက်ရာတွင်လည်း ကာယကံရှင်က ကိုယ်တိုင်ပြုလုပ်ထားခြင်းမရှိသည့် Appointment များဖြင့် လာရောက်ခြင်း ဟုတ်၊မဟုတ်ကို လိုအပ်သည့်အချက်အလက်များဖြင့် တိုက်ဆိုင်စစ်ဆေးပြီးမှသာ ကောင်စစ်ဌာနအတွင်းသို့ ဝင်ခွင့်ပြုသွားမည်ဖြစ်သည်။
ထို့ပြင် မူနှင့်ကိုက်ညီသော လျှောက်ထားမှုများနှင့် မိသားစုဝင်များမှအပ Appointment တစ်ခုလျှင် လျှောက်လွှာတစ်စောင်သာ လက်ခံသွားမည်ဖြစ်ပြီး မိသားစုဝင်များမှအပ ခိုင်လုံသောအကြောင်းပြချက်မရှိဘဲ ကိုယ်စားလာရောက် လျှောက်ထားသူများအား လက်ခံဆောင်ရွက်ပေးမည်မဟုတ်ကြောင်း၊ သံရုံးသို့ လူကိုယ်တိုင် လာရောက်လျှောက်ထားရန် အခက်အခဲရှိသော ဝေးလံဒေသများမှ မြန်မာနိုင်ငံသားများအနေဖြင့်စာတိုက်မှတစ်ဆင့်ပေးပို့လျှောက်ထားမှုကို ဆက်လက်ခွင့်ပြုဆောင်ရွက်ပေးလျက်ရှိကြောင်း အသိပေးဖော်ပြထားသည်။

fashion

安罗玛山 路（အမ်းရိုးမတောင်တန်းလမ်းမကြီး）

安罗玛山 路（အမ်းရိုးမတောင်တန်းလမ်းမကြီး）

安罗玛山 路（အမ်းရိုးမတောင်တန်းလမ်းမကြီး）

安罗玛山 路（အမ်းရိုးမတောင်တန်းလမ်းမကြီး）

安罗玛山 路（အမ်းရိုးမတောင်တန်းလမ်းမကြီး）

安罗玛山 路（အမ်းရိုးမတောင်တန်းလမ်းမကြီး）

ချောကလက်ကို မြင်ဖူး၊ စားဖူးပေမယ့် အပင်ကိုတော့ မြင်ဖူးသူနည်းဦးမယ်လို့ ထင်ပါတယ်။
တောင်အမေရိကဒေသရင်းမျိုးဖြစ်ပြီး ပူနွေးစွတ်စိုတဲ့ ကမ္ဘာ့ဒေသအချို့မှာ စိုက်ပျိုးလျက်ရှိပါတယ်။ မြန်မာနိုင်ငံအနေနဲ့ ရခိုင်နဲ့ တနင်္သာရီဒေသတွေမှာ အဓိကဖြစ်ထွန်းနိုင်ပါတယ်။
သိပ္ပံနာမည်က Theobroma cacao L.ဖြစ်ပြီး ချဥ်ပေါင်၊ ခေါင်ရမ်းမျိုးရင်း Malvaceae မှဖြစ်ပြီး အပွင့်ပုံစံ ထူးကဲဆန်းပြားတဲ့ မျိုးစုတမျိုးဖြစ်ပါတယ်။ မျိုးစုပေါင်း (၂၄၅)မျိုးရှိကြောင်း မှတ်တမ်းရှိထားပြီး ချောကလက်ပင်မျိုးစု Theobroma မှာတော့ မျိုးစိတ်(၂၉)ထိ ယခုချိန်မှာ မှတ်တမ်းတင်ထားပြီး ဖြစ်ပါတယ်။
အပွင့်ပုံစံထူးကဲဆန်းပြားသလို အပွင့်ထွက်ပုံကလည်း ပင်စည်၊ အကိုင်းတွေရဲ့ လုံးပတ်တွေမှာသာ ထွက်လေ့ရှိတာကလည်း မှတ်သားရလွယ်တဲ့ ဝိသေသတခုပါ။
ချောကလက်ပင်ကို ကိုကိုးပင်လို့ ခေါ်ကြပါတယ်။ စတင်မိတ်ဆက်တွေ့ရှိရာ ဒေသမှ မာယာလူမျိုးတွေရဲ့ 'ကကာဝ်' [KaKaw - CaCao]ကနေ ယူထားတာဖြစ်ပါတယ်။
ကိုကိုးပင်တွေက စိုက်ပျိုးပင်ဖြစ်လာတာကြောင့် မျိုးကွဲများ၊ စပ်မျိုးများကလည်း များစွာရှိပါတယ်။ အချို့အပွင့်ကွာခြားသလို များသောအားဖြင့် အသီးပုံစံနဲ့ ရင့်မှည့်ချိန်အရောင် ကွာခြားကြခြင်းဖြင့် ခွဲခြားနိုင်ပါတယ်။
ရင့်မှည့်တဲ့ ကိုကိုးသီးကနေ အစေ့တွေနဲ့အတူ အစေ့မှာကပ်တွယ်နေတဲ့ အနှစ်ကြောဖြူတွေကိုပါထုတ်ပြီး အချဥ်ပေါက်၊ ကစော်ပေါက်သည်ထိ နှပ်ထားရပါတယ်။ ပြီးရင်တော့ အခြောက်လှမ်းပြီး ကြိတ်ခွဲကာ အခွံနဲ့ အနှစ်ခဲလေးတွေကို ခွဲပြီး အခွံပိုင်းကို ကြိတ်လို့ ထွက်လာတဲ့ အဆီနဲ့ အနှစ်ခဲမှုန့်ကိုလှော်ပြီးကြိတ်ထားတာနဲ့ ရောမွှေပေးပြီး ရလာတဲ့ မူလအကျဆုံးချောကလက်အနှစ်တွေကို သကြား၊ နို့ စတာတွေနဲ့ ထပ်ရောပြီး အချိန်ပေး မွှေနယ်ပေးကြခြင်းဖြင့် ချောကလက်ကုန်ကြမ်းတွေ ရရှိလာကြပါတယ်။
ချောကလက်ကုန်ကြမ်းတွေကိုမှ လိုချင်တဲ့ အရသာ၊ ရနံ့၊ အစေ့အဆန်တို့နဲ့ ရောနှောပြီး အနံ့အရသာပုံစံကွဲပြားစေပါတယ်။ အပူချိန်အဆင့်ဆင့်ပြောင်းလဲပေးပြီးမှ ခဲတဲ့အနေအထားရောက်တဲ့အခါမှာတော့ ကျနော်တို့ အသင့်စားနိုင်တဲ့ ချောကလက်တွေ ရရှိပါတယ်။
ချောကလက်အကြောင်းကလည်း ရေးရရင် အများကြီးပါ။ ဒီပိုစ့်ကတော့ ချောကလက်ထုတ်လုပ်တဲ့ အပင်ပုံစံကိုပဲ မိတ်ဆက်ဖော်ပြလိုရင်းပါ။