အင်းစိန်တွင် နေအိမ်ဝါယာရှော့ဖြစ်ရာမှ လူနေအိမ် ၇ လုံး မီးလောင်ဆုံးရှုး
(မှုခင်း) မတ် ၅
ရန်ကုန်တိုင်းဒေသကြီး ၊အင်းစိန်မြို့နယ်၊အောင်ဆန်းရပ်ကွက်၊ရွှေပင့်ကူလမ်း၊အမှတ် ၇၃၉ရှိ နေအိမ်တစ်လုံး မီးလောင်မှုဖြစ်ပွားကြောင်း မီးသတ်တပ်ဖွဲ့ထံမှ သိရသည်။ဖြစ်စဥ်မှာ ယနေ့မွန်းတည့် ၁၂နာရီ၅၀မိနစ်အချိန်ခန့်ကအောင်ဆန်းရပ်ကွက်ရှိ ဦးမြင့်ဦး (ခ) မျိုးကျော် နေအိမ်မှဝါယာရှော့ခ် ဖြစ်ကာမီးလောင်ကျွမ်းခဲ့ပြီး၊အခြားအိမ် ၆ လုံးကိုကူးစက်ကာစုစုပေါင်း အိမ်၇ လုံးမီးလောင်ပျက်စီးခဲ့ကြောင်း သိရသည်။အဆိုပါ မီးလောင်မှုဖြစ်ပွားသည့်နေရာသို့ အင်းစိန်မြို့နယ်မီသတ်ဦးစီးဌာနမှအုပ်ချုပ်မှုယာဥ် စီး၊ရေသယ်ယာဥ် ၄ စီး၊မီသတ်ယာဥ် ၆ စီး၊အရန်မီးသတ်တပ်ဖွဲ့များနှင့်ဝိုင်းဝန်းငြိမ်းသတ်ရာ မွန်းလွဲ၁နာရီ၁၀မိနစ် အချိန်တွင် မီးငြိမ်းသွားခဲ့ပါကြောင်း၊ မီးဘေးသင့်ပြည်သူ ကျား ၈၊ မ ၉၊ပေါင်း ၁၇ ဦးအားရွှေပင့်ကူလမ်းမေတ္တာဝါဒီဓမ္မာရုံတွင်စောင့်ရှောက်ထားကြောင်း သိရသည်။
