ကောမစ်ဆွဲမယ်ဆို လေ့လာကြည့်သင့်တဲ့ AI Tools များ
အခုနောက်ပိုင်း Local မှာတင် Comics ဆွဲနိုင်တဲ့ အရည်အချင်းရှိ လူငယ်တော်တော်များများ တွေ့လာရတဲ့အပြင်ကို စိတ်ဝင်စားဖို့ကောင်းတဲ့ ပေါ့ပေ့ါပါးပါး ဇာတ်လမ်းတိုလေးတွေပါ ဖတ်လာရပါတယ်။
ဒါ့အပြင် AI ခေတ်ဆိုတော့လည်း AI ကို သုံးပြီး ကောမစ်ဆွဲလာကြတာတွေလည်း တွေ့ရပါတယ်။ ဥပမာ - Korea webtoon နဲ့ Japan Manga တွေ၊ လူငယ်တိုင်းကြိုက်ကြတဲ့ Marvel, DC တို့လို Comics တွေပေါ့။
ဒါကြောင့် ဒီတိုင်း အပျင်းပြေဖန်တီးချင်လို့ဖြစ်ဖြစ်၊ ဝါသနာပါလို့ လေ့ကျင်ဖို့ပဲဖြစ်ဖြစ် ကောမစ်ဆွဲတဲ့အခါ အဆင်ပြေစေမယ့် Ai Tools အချို့ကို ဖော်ပြပေးထားပါတယ်။
1. Plugger .ai
ရိုးရိုးရှင်းရှင်း ကောမစ်တွေ ဆွဲဖို့အတွက် တကယ်ကောင်းမွန်ပြီး သူ့ရဲ့ UI တွေက Chat GPT နဲ့ အလားတူပါတယ်။ LazrPop XL, Niji Special Edition SDXL, Comic Craft တို့အပါအဝင် ကောမစ် အမျိုးအစားအစုံရှိတာကြောင့် ကိုယ်ကြိုက်ရာကိုလည်း ရွေးချယ်နိုင်ပါသေးတယ်။ Free အနေနဲ့ လစဉ် ပုံ ၃၀ အထိ ရနိင်တာဖြစ်ပေမဲ့ သင့်ရဲ့ Prompt ပေါ်မူတည်ပြီးတော့ ပုံ ၅၀ ကနေ ပုံ ၃၀ အထိ လုပ်နိုင်ပါတယ်။
2. Fantoons
AI နဲ့ ကောမစ်တွေကို ထုတ်ပေးနိုင်ပြီး စိတ်တိုင်းကျ Customize လုပ်နိုင်ပြီး ကိုယ်ပိုင်ဇာတ်ကောင်ပုံစံအနေအထားတွေအပြင် Universe ပုံရိပ်တွေအထိပါ Generate လုပ်နိုင်တာကြောင့် အတော်လေးနာမည်ကြီးပါတယ်။ ကောမစ်တွေကို စာအုပ်ရုပ်ပြတွေအပြင် Documentary, Films, Series တွေအတွက်လည်း ဖန်တီးနိုင်ပါတယ်။
3. Mega.Space
ကောမစ်အမျိုးအစားပေါင်း 160 ကျော်ပါရှိပြီး Prompt ရိုက်ထည့်လိုက်ရုံနဲ့ AI နဲ့ ဖန်တီးထားတဲ့ ပုံတွေကို ဖန်တီးပေးမှာပါ။ ဘယ်လို ကောမစ်မျိုးကိုမဆို အလွယ်တကူနဲ့ Unlimited ဖန်တီးနိုင်မှာဖြစ်ပါတယ်။ Free သုံးနိုင်ပြီး Plan တွေအနေနဲ့ လအလိုက်ပေးချေပြီး သုံးနိုင်ပါသေးတယ်။
အခုပြောပြပေးခဲ့တဲ့ AI Tools တွေအပြင် မိမိသိထားပြီး အသုံးပြုလို့ အဆင်ပြေတဲ့ Tools တွေရှိရင်လည်း comment မှာ recommend ပေးထားခဲ့လို့ရပါတယ်။
