MySPACE

1 y - Translate

ငါ ချစ်တဲ့ ဒဏ်ကို ခံနိုင်မဲ့သူရှားပါတယ် ။

ငါ့ဘ၀ထဲကို ၀င်လာတဲ့ သူတော်တော်များများက
ငါ့ဒဏ်ကို မခံနိုင်လို့ ထွက်သွားကြတာများတယ် ။

သူတို့တွေ ပြောကြတာတော့ ငါကဆိုးတယ် တဲ့။
ငါနဲ့မချစ်ခင်ကတည်းက ငါက ဆိုးတဲ့အကြောင်းကို
သူတို့ကို ပြောထားပြီးသား ။
ငါဟာ တစ်စုံတစ်ယောက်ကို ချစ်မိသွားတဲ့အခါကျရင်
စိတ်ရောကိုယ်ပါ နှစ်ပြီး ချစ်တတ်တဲ့အကြောင်းတွေကို
ငါပြောခဲ့ပြီးသား။

ငါ့စိတ်ကို သည်းခံနားလည်ပေးမယ်လို့ ကတိတွေ
အထပ်ထပ်ခံပြီး တစ်ကယ်တမ်း ငါ့ဘက်က
ချစ်တဲ့စိတ်တစ်ခုထဲနဲ့ ဆိုးလိုက်မိတဲ့အခါမှာ
ငါ့ကို အပြစ်ပြောစရာတစ်ခုလိုပဲ မြင်ကြတယ်။

တစ်ကယ်တော့ ငါဆိုးတယ်ဆိုတာ
ငါ ချစ်တဲ့သူကိုမှဆိုးမိတာ။
ငါ့ကို ချစ်ပေးနိုင်မဲ့သူ ၊
ငါဆိုးသမျှကို မညိုမငြင်နဲ့ သည်းခံပေးနိုင်မဲ့သူထင်မိလို့
ငါဆိုးမိတာ ။

(သူတို့လည်း ငါ့ကို အစပိုင်းလောက် ကောင်းပြတာပါပဲ)

ငါ ဆိုး နေရင်တောင် ငါ့ဒဏ်ကို ခံနိုင်တဲ့သူကိုပဲ
လိုချင်မိတာပါ။
သူ့ရဲ့နွေးထွေးကြင်နာမှုတွေနဲ့
ငါ့ကို ထွေးပွေ့နှစ်သိမ့်ပေးရင်း ငါ့ရဲ့ အကျင့်တွေကို
ဖြည်းဖြည်းချင်း ပြင်သွားပေးနိုင်မဲ့သူကို
မက်မောမိတာ ။

ဒါပေမဲ့လေ သူတို့ပဲ၀င်လာကြတယ် ။
သူတို့ပဲ ပြန်ထွက်သွားကြတယ် ။
အကြောင်းပြချက်က ငါ့ဒဏ်ကို မခံနိုင်လို့တဲ့။

'" တစ်ယောက်က ဆိုးလို့ရလို့ ဆိုးနေတာကို
တစ်ယောက်ကလည်း မငြိုမငြင်နဲ့
စိတ်ရှည်ပေးနေတတ်တဲ့ relationshipလေးတွေကို
မြင်ရင် ငါ သိပ်အားကျတာပဲ။"

အချစ်စစ်မှန်တယ်ဆိုရင် တစ်ယောက်ရဲ့အားနည်းချက်တွေ တွေ့နေရင်တောင် ဖယ်ခွာရမှာမဟုတ်ဘူးလေ။
လမ်းမှန်ကို ရောက်ဖို့ ပြုပြင်ပေးရမယ်မလား။

ငါကလေ ....ငါက အရမ်းဆိုးနေတတ်တဲ့သူ
မဟုတ်ပါဘူး ။
ငါက တစ်စုံတစ်ယောက်ကို သိပ်ချစ်မိသွားရင်
ငါ့အနားမှာ ငါ့ကိုပဲချစ်ပြီး ရှိနေစေချင်ရုံပါ။

ဒါပေမဲ့လေ .... ငါ့ဒဏ်ကို ခံနိုင်တဲ့သူက ရှားပါတယ်။

Comment

1 y - Translate

ပုသိမ်ဟာလဝါ အိမ်လုပ်နည်း 🤗

ကဲ..လုပ်နည်းလေးလိုချင်ပါတယ်ဆိုသူတွေအတွက် ကျမနည်းကျမဟန်လေးအတိုင်းပဲရေးပေးလိုက်မယ်နော်..သူများနဲ့မတူရင်တော့အပြစ်မမြင်ကြပါနဲ့နော်...

ကောက်ညှင်းမှုန့် 4
ထုပ်
သကြား40သားခန့်
နွားနို့1လီတာ
အုန်းသီးတလုံးအုန်းနို့ညှစ်ပြီးသား
ထောပတ်25 ကျပ်သား
ဆီ40ကျပ်သား
ဘိန်းစေ့ 10/15ကျပ်သားခန့်
ဆားအနည်းငယ်
ရေခန့်မှန်းလီတာဝက်

ကောက်ညှင်းမှုန့်ဆားသကြားနွားနို့ အုန်းနို့ဆီဆားတို့ကိုဒယ်ထဲသမအောင်မွှေပြီးမှမီးဖိုပေါ်တင်ေပါ မွှေတဲ့နေရာပြတ်သွားသမျှရည်းစားတွေကိုကလဲ့စားချေတဲ့စိတ်ကိုထည့်ပြီးအသကုန်သာကလော်ကလော်ပြီးမွှေပါ အားနဲ့မာန်နဲ့နင်နဲ့ငါတွေ့ကြပြီလို့ကြုံးဝါးပြီးသာမွှေကြပါ..မုန့်လုံးလာပြီဆိုထောပတ်ထည့်ဆက်မွှေ မုန့်လေးကြည်လင်ပြောင်ချောလာပြီဆိုဘိန်းစေ့ထည့်မွှေ နှပ်ပြီဆိုချလို့ရပါပြီ ချက်ချင်းကိုယ်မီးနဲ့တွေ့ပြီဆိုရင်ယားလို့တောင်မကုတ်ကြပါနဲ့အိုးကပ်သွားမှာမို့ပါထည့်မဲ့အိုးခွက်ထဲပြောင်းထည့်ပါ ပြောက်းထည့်မဲ့အိုးခွက်ကိုလဲဆီသုပ်ထားပါ မဟုတ်ရင်ကိုယ့်ဟာကသူ့ဟာဖြစ်ပြီးကိုယ်ပြန်ခွာယူမရဖြစ်တတ်ပါတယ်..အဆင်ပြေကြပါစေ.
#cooking

Comment

1 y - Translate

သူငယ်ချင်းနဲ့အပေါင်းအသင်း မိတ်ဆွေဆိုတာ လူတိုင်းရဲ့နေ့စဉ်ဘဝအတွက် အဓိကကျတဲ့အစိတ်အပိုင်းတစ်ခုပါပဲ။

တစ်ချို့သူငယ်ချင်းတွေဟာ ကိုယ့်ကို ရယ်မောစေနိုင်တယ်။

ကိုယ့်ရဲ့ စိတ်ပင်ပန်းမှုတွေကို ပြေလျော့‌စေနိုင်တယ်၊ ကိုယ့်ကို နှစ်သိမ့်ပေးနိုင်တယ်။ တစ်ခုခုဆိုရင် တိုင်ပင်လို့ရတယ်။ အားကိုးလို့ရတယ်။

တစ်ချို့ကျ သင်ကို နှစ်သိမ့်ပေးချင်မှာပေးလိုက်မယ် ကူညိချင်မှ ကူညီလိုက်မယ်သို့သော် သူငယ်ချင်းဖြစ်နေတုန်းမဟုတ်လား

သူငယ်ချင်းဆိုတာက သူကူညီမှ သူ့ဖက် စပြီးစာပို့်မှ သူစပြီး phone ခေါ်ရမယ်စသည်အတွေးအေခါ်က ကောင်းသော်လည်း တကယ်လက်တွေမှာ လူတွေ သိပ်မလုပ်နိူင်ကြပါ

အဲဒီလို သင့်ရဲ့ သူငယ်ချင်း မိတ်ဆွေများက သင်ကို လိုလိုလားလားမဆက်ဆံတဲ့အခါ သင်က သူတို့တွေက သူငယ်ချင်းကောင်းမဟုတ်ဘူးတွေးနိူင်တယ်

အရာရာက တရားသဘောနဲ့ကြည့်ရင် ပေးဆက်ရတာမဟုတ်ဘူးလား သူ့အကျိုးကိုမျော်ခြင်းသည် လောဘ မဟုတ်လော့

ဆက်ပြီးသူငယ်ချင်းနဲ့ အပေါ်င်းအသင်းကြားတွေ အပြစ်မတင်ပါနဲ့ but ကိုယ့်ကို မလိုလား မခင်ချင်တဲ့ ရပ်ဝန်းကနေ stop လုပ်နိူင်တာကလဲ ကိုယ့်တန်ဖိုးတစ်ခုဘဲလေး

ဘယ်လို မျိုး သူငယ်ချင်း မိတ်ဆွေဘဲဖြစ်ဖြစ် တန်ဖိုးထားပါ တွေ့နေချိန် ရှိနေချိန် ခဏတာ အတွင်းသူတိုကို ချစ်ပါ အချိန်ပေးပါ လေးစားပါ
မြတ်နိုးပါ

Comment

post

1 y

လူတွေက ဘာလို့ မရတာဆို
ပိုလိုချင်ကြသလဲ?

မရနိုင်ဘူးဆိုမှ ပိုလိုချင်ကြတာမျိုး လူတိုင်းနီးပါး ကြုံဖူးကြမှာပါ။ ဒါပေမယ့် ဒါကဘာကြောင့်လဲဆိုတာကို စေ့စေ့ပေါက်ပေါက် စဥ်းစားဖူးတဲ့ လူတွေလည်းရှိနိုင်သလို လူတိုင်း ဒီလိုပါပဲ ဆိုပြီး တွေးလိုက်ကြတာ များပါတယ်။ အမှန်တော့ ဒီအကြောင်းအရာနဲ့ ပတ်သက်ပြီး စိတ်ပညာ ဘာသာမှာ သုံးသပ်ထားတဲ့ သီအိုရီတစ်ချို့ ရှိတဲ့အတွက် ဘာကြောင့်လဲဆိုတဲ့ အဖြေကိုရှာကြည့်လိုက်ရအောင်။

ရှားပါးမှု နိယာမ (Scarcity Principle)

ဒီနိယာမဟာ စီးပွားရေးနဲ့ မားကတ်တင်းသမားတွေ အသုံးများပါတယ်။ ပစ္စည်းတစ်ခုကို ကန့်သတ်အရေအတွက် (limited edition) ထုတ်ပြီးတော့ လူတွေပိုဝယ်အောင် လုပ်တာမျိုးပါ။ ရှားပါးပြီး ရဖို့ခက်တာမျိုးဆို ပိုပြီးတန်ဖိုးထားကြတယ်လို့ ဒီနိယာမက အဆိုပြုပါတယ်။ တစ်စုံတစ်ရာက ရှားတယ် ရဖို့ခက်တယ်ဆိုရင် ပိုတန်ဖိုးကြီးတယ် ဆိုတဲ့ စိတ်ကြောင့် ပိုလိုချင်တာ၊ ကိုယ့်မျက်စိရှေ့မှာရောက်နေတယ်ဆိုရင် အခုမှမရရင် နောက်တစ်သက်လုံးပြန်ရတော့မှာ မဟုတ်ဘူးဆိုတဲ့ စိတ်ဖြစ်လာတတ်ပါတယ်။ သူများတွေထက် နောက်ကောက်ကျန်ခဲ့မှာစိုးတဲ့ စိတ်ကြောင့်လည်း ရှားပါးပြီး ပိုခက်ခဲတာမျိုးဆို ပိုလိုချင်ကြတယ်လို့ ရှားပါးမှု နိယာမက ဆိုပါတယ်။

တုံ့ပြန်မှု သီအိုရီ (Reactance Theory)

စိတ်ပညာရှင် ဂျက်ဘရမ်း (Jack Brehm) က လူတွေဟာ လုပ်လို့မရဘူးဆိုပြီး ကန့်သတ်ခံရတဲ့အခါ သူတို့ရဲ့ လွတ်လပ်တဲ့စိတ်ကို ခြိမ်းခြောက်ရာရောက်တဲ့အတွက် ပိုပြီးလုပ်ချင်ကြတယ်လို့ ဆိုပါတယ်။ လူတစ်ယောက်က သူ့အတွက် ရွေးချယ်စရာတွေကန့်သတ်ခံရတယ်လို့ ခံစားရတဲ့အခါ မလုပ်ရမယ့်အရာတွေကို ပိုလိုချင်ခြင်းနဲ့ လွတ်လပ်မှုကို ပြန်ရှာကြပါတယ်။ ကိုယ့်ဘဝကို ထိန်းချုပ်နိုင်တယ်ဆိုတဲ့ ခံစားချက်ကို လူတိုင်းလိုချင်ကြတဲ့အတွက် ဒီလိုကန့်သတ်ချက်တွေကို ပိုလုပ်ချင်တဲ့စိတ်နဲ့ ထိန်းချုပ်မှု (Control) ကိုရှာဖွေတတ်ကြတယ်လို့ ဂျက်ကဆိုပါတယ်။ အသက်ကြီးလာတာနဲ့အမျှ ဒီစိတ်ကို ထိန်းချုပ်နိုင်စွမ်းများတာကြောင့် ဒီသီအိုရီကို ဆယ်ကျော်သက်နဲ့ ကလေးတွေမှာ ပိုပြီးထင်ထင်ရှားရှားတွေ့နိုင်ပါတယ်။

လူနေမှု အဆင့်သတ်မှတ်ခြင်း (Social Comparison)

လီယွန် ဖတ်စ်တင်ဂျာ (Leon Festinger) လို့ခေါ်တဲ့ စိတ်ပညာရှင်က လူတွေဟာ သူတို့ရဲ့ တန်ဖိုးကို လူနေမှုအဆင့်အတန်းနဲ့ သတ်မှတ်ကြတယ်လို့ ပြောပါတယ်။ လူတစ်ယောက်က ပတ်ဝန်းကျင်ကလူတွေကို သူ့ထက် မြင့်တယ်၊ နိမ့်တယ်လို့ အဆင့်ခွဲပြီး သူတို့ကို သူတို့ နံပါတ်ဘယ်လောက်ဆိုပြီး အဆင့်သတ်မှတ်တတ်ကြပါတယ််။ ဒီလိုနှိုင်းယှဥ်တဲ့အခါမှာ ကိုယ့်ထက်မြင့်တယ်လို့ယူဆထားတဲ့ အဆင့်တွေကနေ ကိုယ့်မှာမရှိတာတွေကို လိုချင်တတ်ကြတယ်လို့ ဆိုပါတယ်။ ဒီဘက်ခေတ်မှာ အွန်လိုင်းနဲ့ ဆိုရှယ် မီဒီယာကြောင့် ဒီသီအိုရီက ပိုမှန်လာပြီး လူတွေက အမြဲတစ်ဆင့်တက်ဖို့ ကြိုးစားနေကြတာကို တွေ့နိုင်ပါတယ်။

မရတာကိုမှ ပိုလိုချင်တဲ့ကိစ္စတွေဟာ နေ့စဥ်ဘဝအပါအဝင် လူတွေအကြား ဆက်ဆံရေး (relationship) နဲ့ အလုပ်ခွင်တွေမှာလည်း တွေ့ရဖို့ မခဲယဥ်းပါဘူး။ ကိုယ့်ကို မလိုချင်တဲ့ လူကိုမှ ပိုပြီး တမ်းတမ်းစွဲဖြစ်ကြတာ၊ ရဖို့ခက်တဲ့ အလုပ်ကိုမှ လိုချင်တာ၊ မရမကလိုက်ရှာပြီး ဝယ်ထားရတဲ့ ပစ္စည်းကိုမှ ပိုတန်ဖိုးထားကြတာ စတာတွေက အပေါ်မှာ ဖော်ပြခဲ့တဲ့ သီအိုရီ၊ နိယာမတွေနဲ့ အတော်လေးတိုက်ဆိုင်ပါတယ်။

ဒီစိတ်ဟာ အသုံးချတတ်ရင် ကိုယ့်ဘဝအတွက် အသုံးဝင်နိုင်ပေမယ့် မထိန်းချုပ်နိုင်ရင် ကိုယ့်မှာလက်ရှိရှိနေတဲ့ အရာတွေကို လျစ်လျူရှုမိနေတာမျိုးဖြစ်နိုင်ပါတယ်။ ဒါကြောင့် လက်ရှိရှိနေတဲ့ အရာတွေကိုလည်း တန်ဖိုးထားတတ်ဖို့လိုသလို ကိုယ်တကယ်လိုချင်တဲ့ အရာလား၊ သူများတွေမှာရှိနေလို့ ဖိအားတစ်ခုကြောင့် လိုချင်နေတာလား၊ ကိုယ့်အတွက်တကယ် အသုံးဝင်လား စတဲ့မေးခွန်းတွေကို သုံးသပ်ပြီး တကယ်လိုချင်တဲ့အရာတွေအတွက်ပဲ ကြိုးစားဖို့ အကြံပြုလိုက်ပါတယ်။