ကျောင်းရဲ့ ကြွေးကျန်တွေကို ဆပ်ပေးနိုင်ခဲ့တဲ့ ၄ တန်းကျောင်းသားလေး

၄ တန်းကျောင်းသားလေးက သူ့ကျောင်းရဲ့ အကျွေးအမွေးစရိတ် ကြွေးကျန်အားလုံးကို ဆပ်ပေးနိုင်ခဲ့ပါတယ်။ ၁၁ နှစ်အရွယ် ဒါကင်ခရာမာဟာ Thomas Ultican မူလတန်းကျောင်းမှာ ပညာသင်ကြားနေသူဖြစ်ပြီး လာမယ့်နှစ်ကျရင် အလယ်တန်းကျောင်းကို ပြောင်းရတော့မှာပါ။

'' ဒီနှစ်က ဒီကျောင်းမှာ နောက်ဆုံးတက်ရတဲ့နှစ်လေ။ ကျောင်းတော်ကြီးကို ကျေးဇူးဆပ်ဖို့ တစ်ခုခု လုပ်ပေးချင်တယ်''လို့ ဒါကင်ခရာမာက ဆိုပါတယ်။ သူဟာ ကျောင်းရဲ့ အကျွေးအမွေးစရိတ်( ကျောင်းသား/သူတွေကို နေ့လယ်စာကျွေးတဲ့စရိတ်) ကြွေးကျန်တွေ ဆပ်ပေးဖို့အတွက် အလှူငွေ ဒေါ်လာ ၃၅၀၀ ရအောင် ရည်ရွယ်ခဲ့တာပါ။

ဒါကင်က သူ့ကို ဝိုင်းဝန်းကူညီပေးကြဖို့ သူ့သူငယ်ချင်းတွေ၊ မိဘဆွေမျိုးတွေ၊ အိမ်နီးနားချင်းတွေကို အကူအညီတောင်းတဲ့ ဗီဒီယိုတစ်ခု ပြီးခဲ့တဲ့လမှာ တင်ခဲ့ပါတယ်။ အဲဒီဗီဒီယိုက ပျံ့နှံ့သွားပြီး အလှူငွေ ထည့်ဝင်သူ အများအပြားရှိခဲ့လို့ အမေရိကန်ဒေါ်လာ ၇၃၇၀ အထိ ရရှိခဲ့ပါတယ်။ အဲဒီအတွက် Thomas Ultican မူလတန်းကျောင်းအတွက် ကြွေးကျန်တွေ ပေးဆပ်နိုင်ခဲ့ရုံတင်မကဘဲ ဒေသခံ Blue Springs အထက်တန်းကျောင်းအတွက်ပါ ကြွေးကျန်လျှော့ချပေးနိုင်ခဲ့ပါတယ်။

ဒါကင်ရဲ့ လုပ်ဆောင်ချက်ဟာ ထိရောက်လွန်းခဲ့တာကြောင့် မေလ ၂၁ ရက်နေ့က ကျင်းပခဲ့တဲ့ ကျောင်းဆင်းပွဲမှာ ဆုချီးမြှင့်ခံခဲ့ရပါတယ်။ ဒါ့အပြင် ဒါကင်ကို ဂုဏ်ပြုတဲ့အနေနဲ့ နှစ်စဉ်နှစ်တိုင်း သူ့လို စွမ်းဆောင်ပေးနိုင်တဲ့ ကျောင်းသူ/သားတွေကို Daken Kramer Legacy ဆု ပေးအပ်ဖို့လည်း စီစဉ်နေပါတယ်။ ဒါကင်ဟာ အမေရိကန်နိုင်ငံ၊ မစ်ဆူရီပြည်နယ်မှာ နေထိုင်သူပါ။

Ref: Missouri Fifth Grader Raises Over $7,000 To Erase School Meal Debt

ကိုယ့်အတွက် အနစ်နာခံခဲ့သူတွေကို လေးစားစိတ်နဲ့ အသိအမှတ်ပြုပါ

လူငယ်လေးတစ်ယောက်က အလုပ်တစ်ခုမှာ မန်နေဂျာရာထူး သွားလျှောက်ပါတယ်။ ကောင်လေးက စာတော်သူတစ်ဦးဖြစ်ခဲ့ပြီး ဘွဲ့လွန်တက်ခဲ့တဲ့အထိ ပညာ အရည်အချင်း သတ်မှတ်ချက်တွေနဲ့လည်း ပြည့်စုံနေသူပါ။

လူတွေ့ အင်တာဗျူးမှာ ဒါရိုက်တာက ကောင်လေးကို ကျောင်းတက်တုန်းက ပညာသင်ဆု ရခဲ့လားလို့ မေးတော့ကောင်လေးက မရခဲ့တဲ့အကြောင်း သူ့အဖေကလည်း မရှိတော့ဘဲ သူ့အမေကသာ ကျောင်းလခကို ထောက်ပံ့ရတဲ့အကြောင်း ပြောပြပါတယ်။ ကောင်လေးရဲ့ အမေက အဝတ်လိုက်လျှော်ပေးတဲသူ ဖြစ်ပါတယ်။ ဒါရိုက်တာက ကောင်လေးအနေနဲ့ အဝတ်တွေ ကူလျှော်ပေးဖူးလားလို့ မေးလိုက်ပါတယ်။ ကောင်လေးက သူ့အမေက သူ့ကို စာပဲလုပ်ခိုင်းတာဖြစ်ပြီး သူ့အမေ အဝတ်လျှော်တာကလည်း သူ့ထက် အဆများစွာ မြန်ဆန်တာမို့ သူလျှော်ကူလေ့ မရှိဘူးလို့ ဖြေလိုက်ပါတယ်။ ဒါရိုက်တာက ကောင်လေး အိမ်ပြန်ရောက်ရင် သူ့အမေရဲ့ လက်ကို ဆေးကြောပေးလိုက်ပါ၊ နောက်တစ်ရက်မှ သူ့ကို ပြန်လာတွေ့ပါလို့ မှာလိုက်ပါတယ်။

ကောင်လေးက အိမ်ပြန်ရောက်တော့ သူ့အမေရဲ့ ကြမ်းတမ်းနေတဲ့ လက်တွေကို ဆေးကြောပေးရင်း မျက်ရည်ကျမိပါသတဲ့။ သူ့အမေက ပင်ပင်ပန်းပန်း သူ့အတွက် ရှာဖွေ ရုန်းကန်ခဲ့ရလည်းဆိုတာ သူသိသွားလို့ပါ။ ပြီးတော့ သူ့အမေလျှော်ရမယ့် အဝတ်တွေကိုပါ သူ ကူလျှော်ပေးလိုက်ပါတယ်။ နောက်တစ်ရက် ဒါရိုက်တာဆီ ပြန်ရောက်တဲ့အခါမှာ ကောင်လေးအနေနဲ့ ဘာတွေ သိလာခဲ့လဲလို့ မေးပါတယ်။ ကောင်လေးက အသိအမှတ်ပြုမှုဆိုတာကို သူနားလည်လာကြောင်း၊ သူ့ရဲ့ အမေသာမရှိခဲ့ရင် သူဒီလို အခြေအနေ ရောက်နေမှာ မဟုတ်တဲ့အကြောင်း၊ သူ့အမေနဲ့ အတူတူ အဝတ်လျှော်ကြည့်ရင်း သူ့အမေရဲ့လက်ကို ဆေးကြောပေးရင်းနဲ့ သူ့အမေ ဘယ်လောက်ပင်ပန်း ရုန်းကန်ခဲ့ရလဲဆိုတာ သိလာကြောင်း ပြောပြခဲ့ပါတယ်။ နောက်ပြီး အခုလို သိလာတဲ့ အတွက် သူ့အမေရဲ့ တန်ဖိုးနဲ့ သူ့အပေါ် အနစ်နာခဲ့မှုကို ပိုပြီး အသိအမှတ်ပြုလာရကြောင်း ပြောပြလိုက်ပါတယ်။

ဒါရိုက်တာက သူ့အနေနဲ့ အဲ့လို အသိစိတ်ဓာတ်ရှိမယ့်လူကို ရချင်တာဖြစ်ကြောင်း၊ အခြားသူတွေရဲ့ ကြိုးစားအားထုတ်မှုနဲ့ ကူညီမှုကို အသိအမှတ်ပြုတတ်တဲ့ သူ၊ သူတစ်ပါးရဲ့ အနစ်နာခံ ကြိုးစားမှုကို စာနာ နားလည်တတ်တဲ့သူကိုသာ အလုပ်ခန့်ချင်တာဖြစ်ကြောင်းပြောပြီး မန်နေဂျာအဖြစ် အလုပ်ခန့်လိုက်ပါသတဲ့။

ဒီဇာတ်လမ်းလေးက တစ်ဆင့် ပြောပြချင်တာကတော့ ကိုယ့်ကို အပင်ပန်းခံ ရုန်းကန် ပြုစုပျိုးထောင်ခဲ့သူတွေရဲ့ တန်ဖိုးကို လေးစားစိတ်နဲ့ အသိအမှတ်ပြုပေးဖို့ပါ။ နောက်ပြီး သူတို့ကို အသက်ရှင်နေစဉ် အချိန်မှာ ပြန်လည် ဂရုစိုက်ပြီး အချိန်ပေးဖို့လည်း အရေးကြီးပါတယ်။

Me = စားချင်တာ​တွေ စဥ်းစားပြီး
ပိုက်ဆံ မရှိမှန်း သတိရမိသောအခါ 😩🍗🍟

အမေက သူများအိမ် လျှောက်မလည်နဲ့လို့ မှာထားတဲ့ အခါ

လယ်တောဟင်း

ကန်စွန်းရွက်...........၁၀ပင်
ရုံးပတီသီး............. ၄တောင့်
ဆူးပုတ်................၁၀ညွှန့်
ခွေးတောက်ရွက်.......၅ညွှန့်
ခရမ်းသီး သေး.........၁လုံး
မျှစ်နီအမျှင်...............အနည်းငယ်
ငရုတ်သီးစိမ်း...........၅တောင့်
ကြက်သွန်နီ............. ၁ခြမ်း
ခရမ်းချဉ်သီး.............၁ခြမ်း
ကြက်သွန်ဖြူ.............၃တက်
ပုစွန်ခြောက်.............အနည်းငယ်

ပထမဆုံးခရမ်းသီးကိုခပ်စောင်းစောင်းလှီးပြီးဆားပါသောရေမှာခေတ္တစိမ်ထားပါ။

ရုံးပတီသီး ကိုလဲပါးပါးစောင်းပြီးလှီးပါ။

အခြားအရွက်တွေကိုသင့်တင်သလိုခြွေယူပါ။

ကြက်သွန်နီ ၊ ခရမ်းချဉ်သီး ၊ ငရုတ်သီးစိမ်း တွေကိုပါးပါး
လှီးပြီးကြက်သွန်ဖြူ ကိုထောင်းပါ။

အိုးတစ်လုံးမှာရေ လက်ဖက်ရည်ပန်းကန်၁လုံးစာကိုအပူပေးပါ။ ပုစွန်ခြောက်၊ပါးပါးလှီးထားသောကြက်သွန်နီ၊ ခရမ်းချဉ်သီး၊ ငရုတ်သီးစိမ်းနှင့်ထောင်းထားသောကြက်သွန်ဖြူ အရောကိုထည့်ပါ။

ဆား၊ဟင်းခတ်မှုန့်၊ တို့ဖြင့်အရသာဖြည့်ပါ။အဖုံးဖုံးထားပါ။

ရေပွက်ပွက်ဆူလာလျှင် ခရမ်းသီးတွေထည့်ပါ။
အဖုံးခေတ္တပြန်အုပ်ထားပါ။ခရမ်းသီးတွေစိမ်းရောင်
ပြောင်းလာလျှင်ရုံးပတီသီးနှင့်မျှစ်နီအမျှင်ကိုထည့်ပါ။

စိမ်းနံပျောက်သွားပြီဆိုမှကျန်တဲ့အရွက်တွေရောထည့်ပြီးမွှေပေးပါ။

တည်ခင်းမည့်ပန်းကန်ထဲသို့ချက်ချင်းပြောင်းထည့်ပါ။

#cooking

သစ်သားစိမ်းလေးရေ အမြင့်ဆုံးထိပျံသန်ပြလိုက်ပါ……

ဂရင်းဝုဒ်ကတော့ မာဆေးလ်မှာ ပွဲတိုင်း ဂိုးသွင်းနေပါတယ်။ မနေ့က တူးလော့စ်နဲ့ အဝေးကွင်းပွဲမှာလည်း တစ်မိနစ်အတွင်း နှစ်ဂိုး သွင်းနိုင်ခဲ့ပြန်တာပါ။

ပွဲကစားချိန် (၁၆) မိနစ်နဲ့ (၁၇) မိနစ်တို့မှာ ဂရင်းဝုဒ်က ဂိုးတွေ ဆက်တိုက်သွင်းခဲ့တာဖြစ်ပြီး မာဆေးလ်ကလည်း အဝေးကွင်းမှာ ၁-၃ ဂိုးနဲ့ နိုင်ခဲ့ပါတယ်။ ဂရင်းဝုဒ်ကတော့ မာဆေးလ်နဲ့အတူ ပြင်သစ်လီဂူးရာသီအဖွင့် (၃) ပွဲမှာ (၅) ဂိုးအထိ ရလိုက်ပါပြီ။

ဒီဇာဘီလက်ထက် မာဆေးလ်ကလည်း တော်တော်လေး ခြေစွမ်းပြနေပြီး ဒီပုံစံအတိုင်းဆိုရင် ပြင်သစ်လီဂူးချန်ပီယံဆုကိုပါ စိန်ခေါ်နိုင်စွမ်းရှိလာပါတယ်။ ယူနိုက်တက်ပရိသတ်တွေ အားလုံးအတွက်တော့ ဂရင်းဝုဒ်တစ်ဂိုးသွင်းတိုင်း ဝမ်းလည်းသာရသလို၊ သူ့ကို အသင်းကနေ ဆုံးရှုံးလိုက်ရတဲ့အတွက်လည်း ဝမ်းနည်းနေရမယ်ဆိုတာလည်း သေချာပါတယ်။

#football

ဝက်ခြံဖြစ်ပြီ‌ဆိုရင် အသားအရေကိုပိုဂရုစိုက်ပေးပါ....

အဆီပြန်အသားအရေထက် ဝက်ခြံထွက်တဲ့အသားအရေက ပိုပြီးအသားအရေ ပျက်စီးတာပါ....

တစ်ကယ်လို့ ကိုယ့်အသားအရေက အဆီပြန်အသားအရေဆိုရင် ဒီအတိုင်းပစ်ထားရင် နောင်ပိုင်း ဝက်ခြံထွက်တဲ့အထိဖြစ်သွားနိုင်ပါတယ်....

နေ့စဉ် ၂ကြိမ် မျက်နှာသစ်ပေးပါ....
ဆီပါတဲ့ စကင်ကဲဆက်မျိုး နို့ပါတဲ့ စကင်ကဲဆက်မျိုး မသုံးမိပါစေနဲ့....

အသားအရေနဲ့လုံးဝမတည့်လို့ပါ....

အားလုံးလှနိုင်ကြပါစေ....


#skincare
#beauty
#skincaretips
#အလှအပရေးရာ

မကြိုးစားရသေးခင် လွယ်လွယ်လက်မလျှော့ပါနဲ့

တစ်ခါတုန်းက လူတစ်ယောက်က ဆင်စခန်းနားကနေ ဖြတ်သွားပါတယ်။ ဆင်တွေရဲ့ ခြေထောက်တစ်ဖက်မှာ ကြိုးသေးသေးလေးနဲ့ ချည်ထားတာကို တွေ့လိုက်တယ်။ လှောင်အိမ်နဲ့ ထားတာမဟုတ်သလို သံကြိုးတွေနဲ့လည်း ချည်နှောင်ထားတာမဟုတ်ပါဘူး။ ဒါပေမယ့် ဆင်တွေက ဘာလို့ ထွက်မပြေးတာလဲ။ ဒီကြိုးလောက်ဆိုရင် သူတို့ အလွယ်တကူ ရုန်းနိုင်မှာပဲမဟုတ်လား။

သူ့ အနေနဲ့ ထူးဆန်းသွားပြီး ဆင်စခန်းက ဆင်ထိန်းကို အဲ့ဒီအကြောင်းသွားမေးတာပေါ့။ အဲ့ဒီအခါ ဆင်ထိန်းက သူတို့အနေနဲ့ ဆင်တွေကို ဆင်ပေါက်လေးတွေဘဝကတည်းက အဲ့လိုကြိုးကလေးနဲ့ ချည်ထားတာပါ။ အဲ့ဒီအရွယ်တုန်းကတော့ ဒီကြိုးလေးတွေက သူတို့ထွက်ပြေးသွားလို့ မရအောင် ချည်နှောင်ထားနိုင်ခဲ့တာပေါ့။ ဒါပေမယ့် ဆင်လေးတွေကနေ ဆင်အကြီးကြီးတွေဖြစ်လာပေမယ့် သူတို့ စိတ်ထဲမှာ သူတို့ ရုန်းထွက်လို့ မရနိုင်ဘူး။
ဒီကြိုးလေးတွေက သူတို့ကိုထွက်ပြေးလို့ မရအောင် ချည်နှောင်ထားနိုင်မှာဖြစ်တယ်လို့ ယုံနေကြပြီး မရုန်းကြဘူးလို့ပြောပြလိုက်ပါတယ်။

ဆင်ထိန်းရဲ့ အဖြေမှာ သူအရမ်းအံ့ဩသွားတာပေါ့။ တကယ်ဆိုရင် သူတို့ ခွန် သူတို့အားနဲ့ဆိုရင် ဒီကြိုးလေးက အလွယ်တကူရုန်းထွက်နိုင်မှာပါ။ ဒါပေမယ့် သူတို့ကလေးဘဝက သူတို့ကို ထွက်ပြေးလို့မရအောင် ချည်နှောင်ထားတယ်ဆိုတဲ့အသိနဲ့ ဒီလိုထွက်မပြေးပဲနေရသလားလို့ တော်တော်အံ့ဩသွားပါသတဲ့။

ဒီဇာတ်လမ်းလေးလိုပါပဲ။ လူတွေမှာလည်း မကြိုးစားကြည့်သေးပဲမဖြစ်နိုင်ဘူးဆိုပြီး ကြိုတင်လက်လျှော့လိုက်တာတွေက ဒုနဲ့ဒေးပါ။ ငါမလုပ်နိုင်ပါဘူး။ ဒါက အရမ်းခက်တယ်။ ငါလုပ်ရင် အောင်မြင်မှာမဟုတ်ပါဘူး ဆိုပြီး စစ်မရောက်ခင်မြားကုန်တတ်တဲ့သဘောသဘာဝက လူတော်တော်များများမှာ ရှိတတ်ကြပါတယ်။ အဓိကပြောချင်တာက ကြိုးစားကြည့်ပါ။ တကယ် ကိုယ်ထင်ထားသလို လုံးဝမဖြစ်နိုင်ဘူးဆိုတာကတော့ မရှိနိုင်ပါဘူး။ ပူပန်ကြောက်ရွံ့မှုထက် ကြိုးစားအားထုတ်မှုတစ်ခုက ပိုပြီး ထိရောက်တဲ့ရလဒ်တစ်ခုကို ရရှိစေနိုင်မှာပါ။ ဘယ်လောက်ခက်ခဲမယ်လို့ ထင်ရပါစေ။ ပထမဆုံး ခြေလှမ်းကိုတော့ အရင်ရုန်းထွက်ကြည့်ပြီး ကြိုးစားကြည့်ပါလို့ တိုက်တွန်းပါရစေ။

#knowledge

My face normally ): 🥹
My face when i smile ): 🤗

မွန်ပြည်နယ် ပေါင်မြို့နယ် ဇင်းကျိုက် ရေတံခွန်အနီးက

ခလောက်အင်း ရေတံခွန်

ယခင်က ကျောက်မိုင်းနေရာမို့လို့ ကျောက်သားပြိုကျတာမျိုး ဖြစ်နိုင်တာမို့လို့ သတိထားစေချင်ပါတယ်။

#travel