ဗန်းမော်မှာ တိုက်ပွဲပြင်းထန်နေပြီး တမြို့လုံးနီးပါးစစ်ရှောင်နေရ
ဒီဇင်ဘာ ၉
ကချင်ပြည်နယ်၊ ဗန်းမော်မြို့မှာ မြန်မာ့တပ်မတော်နဲ့ ကချင်လွတ်လပ်ရေးအဖွဲ့(KIA)တို့တိုက်ပွဲတွေ ပြင်းထန်နေပြီး တစ်မြို့လုံးနီးပါး စစ်ဘေးရှောင်နေရတယ်လို့ မြေပြင်သတင်းအရင်းအမြစ်တွေက ပြောပါတယ်။
ဗန်းမော်မြို့ ၃ မိုင်ကျေးရွာမှာရှိတဲ့ စာသင်ကျောင်းတွေနဲ့ နေအိမ်တွေ မီးလောင်နေတယ်လို့လည်း စစ်ဘေးရှောင်လာသူတွေက ပြောပါတယ်။
စစ်ဘေးရှောင်ကြသူတွေဟာ ဧရာဝတီမြစ်ထဲကနေ စက်လှေတွေနဲ့ နီးစပ်ရာရွာတွေကို စစ်ဘေးရှောင်နေကြပြီး မြစ်တစ်ဘက်ကမ်း ထီးလင်းနဲ့ အထက်ဘက် ရွှေဂူမြို့တွေဘက်ကို စစ်ရှောင်သူတွေလည်း ရှိတယ်လို့ သိရပါတယ်။
လက်ရှိမှာ ဆက်သွယ်ရေးဖုန်းနဲ့ အင်တာနက်လိုင်းတွဆက်သွတောက်နေပြီး ဗန်းမော်မြို့ထဲမှာ ပိတ်မိနေသူတွေကို လူမှုကူညီရေးအသင်းတွေက ကယ်ထုတ်နေတယ်လို့လည်း သိရပါတယ်။
ပြီးခဲ့တဲ့ ဒီဇင်ဘာလ ၄ ရက်နေ့ကစပြီး ဗန်းမော်မြို့မှာရှိတဲ့ တပ်စခန်းတွေကို KIA က စတင်ထိုးစစ်ဆင်ပြီးနောက် တိုက်ပွဲတွေပြင်းထန်နေတာဖြစ်ပါတယ်။
ဗန်းမော်မြို့မှာ အမှတ် (၂၁) စစ်ဆင်ရေးကွပ်ကဲမှုဌာနချုပ် (စကခ - ၂၁) လက်အောက်ခံတပ်စခန်း ၈ ခုအထိရှိနေပါတယ်။
အလားတူ ဗန်းမော်-မံစီ-မိုးမောက် လမ်းပိုင်းတွေမှာလည်း တိုက်ပွဲတွေဖြစ်ပွားနေတာဖြစ်ပါတယ်။
၂၀၁၄ သန်း ခေါင် စာရင်းအရ ဗန်းမော်မြို့ဟာ ကချင်ပြည်နယ်ရဲ့ ဒုတိယမြို့တော်ဖြစ်ပြီး ဗန်းမော်ခရိုင်အတွင်း လူဦးရေ ၃ သိန်းကျော်ရှိပါတယ်။
Credit - BBC
#သတင်းဟင်းလေးအိုးကြီး
