ကိုင်စီဒိုက ဒီကလန်ရိုက်စ်၊ ရိုဒရီတို့နဲ့တူညီတဲ့ အဆင့်ရှိတယ်လို့ မာရက်စ်ကာပြော
ဒီဇင်ဘာ ၈
ချယ်လ်ဆီးအသင်းနည်းပြ မာရက်စ်ကာက ကွင်းလယ်လူ ကိုင်စီဒိုဟာ အာဆင်နယ်အသင်း ကွင်းလယ်လူ ဒီကလန်ရိုက်စ်၊ မန်စီးတီးအသင်း ကွင်းလယ်လူ ရိုဒရီတို့နဲ့ တူညီတဲ့အဆင့်မှာရှိတယ်လို့ ပြောခဲ့ပါတယ်။
မာရက်စ်ကာက “ကိုင်စီဒိုက ဒီအဆင့်မှာ ရှိတယ်ဆိုတာ သေချာပြီး သံသယဖြစ်စရာ မရှိပါဘူး။ အခုအချိန်မှာ ရိုဒရီက ဒဏ်ရာရရှိနေပြီး ဒီကလန်ရိုက်စ်က ကစားနေပါတယ်။ ကိုင်စီဒိုဟာ ဒီလိုကွင်းလယ် ကစားသမားမျိုးနဲ့ စားပွဲတစ်ခုမှာ အတူထိုင်နိုင်မယ်”လို့ ထင်ကြောင်းပြောခဲ့တာပါ။
၂၀၂၃ နွေရာသီ အပြောင်းအရွှေ့က ဘရိုက်တန်အသင်းကနေ ပေါင် ၁၁၅ သန်းနဲ့ ပြောင်းရွှေ့လာခဲ့တဲ့ ကိုင်စီဒိုဟာ နည်းပြ ပိုချက်တီနို လက်အောက်မှာ ခြေစွမ်းပုံမှန်ပြသနိုင်ဖို့ ရုန်းကန်ခဲ့ရတာ ဖြစ်ပါတယ်။
ဒါပေမယ့် ကိုင်စီဒိုဟာ နည်းပြ မာရက်စ်ကာ လက်ထက်မှာတော့ အကောင်းဆုံး ခြေစွမ်းပြသနေပြီး ချယ်လ်ဆီး အသင်းရဲ့ အဓိက ကစားသမားတွေထဲက တစ်ဦးအဖြစ်ရှိနေတာပါ။
အဲဒါကြောင့် မာရက်စ်ကာက ကိုင်စီဒိုဟာ အသူင်နယ်နဲ့ မန်စီးတီးအသင်းတွေမှာ အရေးပါတဲ့ သူတွေအဖြစ် ရှိနေတဲ့ ဒီကလန်ရိုက်စ်၊ ရိုဒရီတို့နဲ့ တူညီတဲ့အဆင့်မှာ ရှိတယ်လို့ ပြောခဲ့တာဖြစ်ပါတယ်။
အသက် ၂၃ နှစ်အရွယ်ရှိ အီကွေဒေါ ကစားသမားဟာ ချယ်လ်ဆီးအသင်းအတွက် ပြိုင်ပွဲစုံ ၆၄ ပွဲ ပါဝင် ကစား ထားပြီး ၂ ဂိုး သွင်းယူထားတာပါ။
ချယ်လ်ဆီးအသင်းဟာ ဒီရာသီမှာ ရလဒ်ကောင်းတွေ ရရှိထားပေမယ့် နည်းပြ မာရက်စ်ကာကတော့ သူ့ရဲ့အသင်း ဟာ ပရီးမီးယားလိဂ် ချန်ပီယံဆုပြိုင်ပွဲမှာ မပါဝင်ဘူးလို့ ပြောထားပါတယ်။
ဒါပေမယ့် မာရက်စ်ကာက ချယ်လ်ဆီးအသင်းဟာ လာမယ့် ၅ နှစ်ကနေ ၁၀ နှစ်အတွင်း ပရီးမီးယားလိဂ်ကို ကြီးစိုးမယ်လို့ ပြောထားတာပါ။
ချယ်လ်ဆီးအသင်းဟာ ဒီဇင်ဘာ ၈ ရက်မှာ ပရီးမီးယားလိဂ် ပွဲကြီးပွဲကောင်းအဖြစ် စပါးအသင်းနဲ့ ယှဉ်ပြိုင်ရမှာ ဖြစ်ပါတယ်။
ပုံ - ကိုင်စီဒိုကို တွေ့ရစဉ်
#သတင်းဟင်းလေးအိုးကြီး
#သတင်းဟင်းလေးအိုးကြီး
