D y s h i d r o t i c eczema 🖐️
ကိုယ့်လို ဘဝတူဖြစ်နေတဲ့သူတွေ၊ ဖြစ်ဖူးတဲ့သူတွေ သတိပြုဆင်ခြင်ဖို့ လေ့လာမိသလောက် ပြန်ပြီး sharing လုပ်ပေးတာပါ။
ကျနော်ကတာ့ ဒီဟာကို သူဌေးရောဂါ လို့ နာမည်ပေးထားတယ် 😁
ပထမဆုံး ပြောပြချင်တာကတော့ Dyshidrotic eczema က တစ်ယောက်နဲ့တစ်ယောက် မကူးစပ်ပါဘူး။
ဖြစ်တဲ့ပုံစံအနေအထားခြင်းလည်း တူချင်မှ တူပါမယ်။
ဘယ်ကဘယ်လို စဖြစ်သွားမှန်းကို မသိလိုက်တာပါ။
ကျနော့်စိတ်ထင်တော့ စိတ်ဖိစီးမှုများတာကနေ စလိုက်တယ် ထင်တာပဲ 🫠
စဖြစ်တော့ ခြင်ကိုက်လို့ ယားတယ်ပဲ မှတ်နေတာ။ သတိထားမိတဲ့အချိန်မှာ ဆေးခန်းပြပေမယ့် အနာနဲ့ဆေး လွဲသွားလို့လားမသိ ပိုဆိုးသွားတယ်ထင်တာပဲ။ 🥹
ဖြစ်နေတဲ့ အချိန်တုန်းကဆို တော်တော်ကို စိတ်ဓာတ်ကျတာပါ။ လက်ချောင်းတွေမှာဆို တော်တော်ဆိုးသွားလို့ ပြန်တောင်ကောင်းပါတော့မလားလို့ကို တွေးမိတဲ့အထိပါပဲ။ ညညဆို ကိုယ့်လက်ကိုယ်ပြန်ကြည့်ပြီး ငိုလိုက်ရတာ 🥹။
D y s h i d r o t i c eczema ဖြစ်ပြီဆို
❌ ရေကြည်ဖုလေးတွေကို မခွာပါနဲ့။ ပိုဆိုးတတ်ပါတယ်။
❌ အရက်ပျံ လုံးဝ မသုံးရ၊ ❌ Hand gel မသုံးရ။
❌ Alcohol ပါတာတွေ ရှောင်ပါ။
❌ ရေမကြာခဏ မထိရ၊ ❌ ဆပ်ပြာအပြင်းမသုံးရ။
❌ Scrub လုံးဝ မတိုက်ပါနဲ့ ပိုဆိုးတတ်ပါတယ်။
❌ ဖုန်ရှိတဲ့ပစ္စည်းတွေ၊ ညစ်ပေနေတဲ့ မသန့်ရှင်းတဲ့အရာဝတ္ထုတွေကို ကိုင်တာပဲဖြစ်ဖြစ် အဝတ်လျှော်၊ ပန်းကန်ဆေးတာပဲဖြစ်ဖြစ် လုပ်တော့မယ်ဆို ရာဘာလက်အိတ်/ powder free gloves စွပ်ပြီးမှ လုပ်ပါ။
❌ အငန်ဓာတ်ရှိတဲ့ရေ(အဝီစိတွင်းရေ၊ ဘုံဘိုင်ရေ)ကို အသုံးပြုပြီး ရေချိုး၊ အဝတ်လျှော်တာတွေ တတ်နိုင်သမျှ ရှောင်ပါ။
❌ အိမ်မွေးတိရစ္ဆာန်တွေ ကိုင်လို့မရပါ။
❌ ပိုက်ဆံကိုင်တာလည်း လျှော့ပါ။
❌ စိတ်ဓာတ်မကျပါနဲ့၊ စိတ်ဖိစီးရင် ပိုဆိုးလာတတ်ပါတယ်။
❌ သူများပြောသမျှ လိမ်းဆေးတွေ ဘာမှလျှောက်မလိမ်းပါနဲ့။ အနာနဲ့ဆေးလွဲနေရင် ပိုဆိုးတတ်ပါတယ်။
အနေအထိုင်၊ အစားအသောက် အတော်ကို ဆင်ခြင်ရပါတယ်။ (ကျနော်ကတော့ အခုထိ ပုဇွန်ခြောက် စားမရပါဘူး။ မသိလိုက်ပဲ စားလိုက်မိတာနဲ့ကို ပြန်ယားချင်သလို ဖြစ်တာပါ။)
✅ အတတ်နိုင်ဆုံး စိတ်ဖိစီးမှုတွေကို လျော့ပါ။
✅ အိပ်ရေးဝအောင် အိပ်ပါ။
တခြားသူတွေတော့ ဘယ်လိုလဲ မသိပေမယ့် ကျနော်ကတော့ အမွှေးနံ့အရမ်းပါတဲ့ ဆပ်ပြာတွေ သုံးမရပါဘူး။ The Mix By Su Yogurt Soap နဲ့မှပဲ အဆင်ပြေပါတယ်။
✅ အတတ်နိုင်ဆုံး မကုတ်မိ၊ မဖဲ့၊ မခွာမိအောင် သတိထားပါ။ ကုတ်မိ ခွာမိရင် ပျောက်ဖို့ အချိန်ပိုကြာပါတယ်။
✅ ကုတ်ချင်၊ ခွာချင်၊ ပွတ်ပစ်ချင်လောက်အောင် ယားလာပြီဆိုရင် လက်ကို ရေသေချာဆေးပြီး ဆေးလိမ်းလိုက်ပါ။ ပြီးရင် lotion or cream ထပ်လိမ်းပါ။ ယားတာ သက်သာပါလိမ့်မယ်။
✅ အစိုဓာတ်ပါတဲ့ lotion (ဥပမာ - Cetaphil lotion, Vaseline cocoa, advanced repair, Watsons lotion, etc...)ကို မနက်/ည သေချာလိမ်းပါ။ ဆရာဝန်က နှစ်ရှည်စွဲပြီး လိမ်းခိုင်းတာပါ။ ပျောက်သွားလည်း ဆက်လိမ်းခိုင်းထားတာပါ။
✅ ညဘက်ကို Bio oil gel နဲ့ ရောလိမ်းပေးပါ။ အဓိက Vitamin E ပါတဲ့ cream, lotion လိမ်းပါ။
✅✅ အရမ်းဆိုးနေတယ်ဆိုရင် အရေပြားအထူးကုဆရာဝန်နဲ့ပဲ ပြပါ။
✅ လိမ်းဆေးကတော့ steroid ပါတာပဲ လိမ်းမှ အဆင်ပြေမှာမို့ ဆရာဝန်ညွှန်ကြားပေးတဲ့ဆေးကို သေချာလိမ်းပေးဖို့ လိုပါတယ်။
လိမ်းဆေးက cream နဲ့ ointment နှစ်မျိုးရှိတာမှာ ကျနော်က ointment type နဲ့မှ သက်သာသွားတာပါ။
ဖြစ်ပြီဆိုတာနဲ့ သေချာဂရုမစိုက်မိရင် ပျောက်ဖို့ အချိန်ကြာတတ်ပါတယ်။
ကျနော်ဆို လက်နဲ့ ခြေထောက်မှာ ဖြစ်တာ ၁နှစ်ပြည့်ခါနီးပါပြီ။
အခုဆို အမာရွတ်ပျောက်ဖို့ပဲ ကျန်ပါတော့တယ်။
Eczema အပေါင်းမှ ကင်းဝေးပြီး လှပတဲ့ နေ့ရက်လေးတွေကို ပိုင်ဆိုင်နိုင်ကြပါစေ။
11.12.2024
Photo crd: original uploader
