အဆစ်ရောင်၊အဆစ်နာ၊လက်ကပ်၊ဒူးနာခါးနာ၊ကြွက်သားတောင့်တင်းကိုက်ခဲခြင်း၊ထုံကျဉ်နာ၊နာတာရှည်လေဖြတ်ရောဂါ၊အရိုးပိုင်းဆိုင်ရာလှုပ်ရှားမှုချွတ်ယွင်းသူ၊ကိုယ်လက်ညောင်းညာကိုက်ခဲ နာကျင်သူများအတွက်
ကြပ်ထုပ်ထိုး၍ ကုသခြင်းအကြောင်း
---------------------------------------
ကြပ်ထုပ်ထိုးကုသခြင်းသည် တိုင်းရင်းဆေးပညာကုထုံးများထဲတွင် ယခုချိန်ထိ အားအထားရဆုံးရှေးဦးကုထုံးနည်းစနစ်တစ်ခုပင်ဖြစ်ပါသည်။တိုင်းရင်းဆေးပညာ ၏ အားအထားရဆုံး ကုထုံးတစ်ခု ဖြစ်နေပြီး သုတေသနပြုလုပ်ပြီးထိရောက်သော ကုထုံး တစ်ခု ဖြစ်ပါသည်။ကြပ်ထုပ်ထိုး၍ ကုသခြင်းသည် အာယုဗေဒဆေးပညာမှ ဆင်းသက်လာပြီး ပဉ္စကမ္မကုထုံးများထဲမှ
သွေဒနကမ္မခေါ် ချွေးထွက်စေရန် ဆောင်ရွက်ပုံနည်းစနစ်တစ်မျိုးပင်ဖြစ်ပါသည်။နားလည်အောင်ပြောရမည်ဆိုပါက ခန္ဓာကိုယ်အတွင်းပိတ်ဆို့နေသော အညစ်အကြေးများကို ဖယ်ရှားရန် ကြပ်ထုပ်ကို အသုံးပြုကြပါသည်။
ကြပ်ထုပ်အမျိုးအစားများစွာရှိပါသည်။ အကြမ်းဖျင်းအားဖြင့်
(၁) ဆားကြပ်ထုပ်
(၂) ထမင်းကြပ်ထုပ်
(၃) သဲပူကြပ်ထုပ်
(၄) ဆီကြပ်ထုပ်
(၅) ရေနွေးကြပ်ထုပ် စသည်ဖြင့် အမျိုးအစားများစွာရှိပါသည်။ဖော်ပြပါ ကြပ်ထုပ်များကို အပူပေး၍ ကုသခြင်းဖြစ်ပါသည်ကြပ်ထုပ်ထိုးနည်း (၆)နည်းရှိပါသည်။
(၁) ပွတ်ဆွဲ၍ ထိုးခြင်း
(၂) ဖိဆွဲ၍ ထိုးခြင်း
(၃) ဖိဖွ၍ ထိုးခြင်း
(၄) ဖိချေ၍စက်ဝုိင်းပုံထိုးခြင်း
(၅) ခရုပတ်ပုံအထပ်ထပ်ဝုိင်း၍ထိုးခြင်း
(၆) နေရာရွှေ့၍ ခွာ၍ထိုးနည်း ဟူ၍ ဖြစ်ပါသည်။
ကြပ်ထုပ်ထိုးရာတွင် အချိန်ကြာရှည်စွာ မလုပ်ရပါ။ရောဂါအခြေအနေ ရာသီဥတု အပူအအေးပေါ်မူတည်၍ ပြုလုပ်ရပါမည်။
ကြပ်ထုပ်ထိုးကုသခြင်းကိုအဆစ်ရောင်၊အဆစ်နာ၊လက်ကပ်၊ဒူးနာခါးနာ၊ကြွက်သားတောင့်တင်းကိုက်ခဲခြင်း၊ထုံကျဉ်နာ၊နာတာရှည်လေဖြတ်ရောဂါ၊အရိုးပိုင်းဆိုင်ရာလှုပ်ရှားမှုချွတ်ယွင်းသူ၊ကိုယ်လက်ညောင်းညာကိုက်ခဲ နာကျင်သူ၊များ ကိုထိုးပေးနိုင်ပါသည်။
ကြပ်ထုပ် မထိုးသင့်သောသူများလည်းရှိပါသေးသည်။
သွေးတိုးရောဂါရှိသူ၊ ဆီးချိုရောဂါအနာများရှိနေသူ၊ အဖျားရှိသူ၊ မျက်စိနာနေသူ၊ ရေအေးချိုးထားသူ၊ သွေးသွန် နေသော အမျိုးသမီးများတွင် မထိုးသင့်ပေ။အခြားဆောင်၇န်များလည်းရှိပါသေးတယ်။ကြပ်ထုပ်ထိုးရာတွင် အထိုးခံမည့် အသားအရေ၊အထူအပါး၊ အနုအကြမ်း၊ ကြပ်ထုပ်ရဲ့အပူချိန်၊ အရေပြားပေါ်ထိကပ်သည့်ကြာချိန်၊ ကြပ်ထုပ်ရဲ့အား စတာတွေကို ဆင်ခြင်ရမှာပါ။ကြပ်ထုပ်ထိုးခြင်းဖြင့် အောက်ပါအကျိုးတွေ ရစေမှာပါ။လတ်တလောနာကျင်မှုသက်သာစေခြင်း၊ရောင်တင်းမှုလျော့စေခြင်း။ကြွက်သားများတောင့်တင်းမှုပြေလျော့စေခြင်း။ကိုယ်လက်ကိုက်ခဲနာကျင်မှုသက်သာပျောက်ကင်းစေခြင်း။
စတာတွေကို ရရှိစေမှာပါ။
#ကျန်းမာရေးဗဟုသုတ
