မသန်စွမ်းကလေးတွေကို ယူနီဆက်ဖ်က တလ ၄၂၀၀၀ ကျပ်ထောက်ပံ့မယ်
ဇန်နဝါရီ ၁၁
မသန်းစွမ်းသူ တွေကို အသက်အရွယ်ကန့်သတ်ချက်နဲ့ တလကို ၄၂၀၀၀ ကျပ်နူန်း Unicef Myanmar ကထောက်ပံ့ပေးသွားမယ်လို့သိရပါတယ်။
ငွေကြေးထောက်ပံ့ရာမှာ မသန်စွမ်းပြင်းထန်နဲ့ အလွန်ပြင်းထန်အဆင့်ရှိကြောင်း စိစစ်အတည်ပြုချက် ရရှိထားတဲ့ အသက် ၂ နှစ်မှ ၁၈ နှစ်အတွင်း မသန်စွမ်းကလေးတွေကို တယောက်ကို တလ ၄၂၀၀၀ ကျပ်နှုန်း ထောက်ပံ့ကြေး ပေးအပ်သွားမှာဖြစ်တယ် လို့ ယူနီဆက်ဖ်မြန်မာကဆိုပါတယ်။
ထောက်ပံ့မှုကို နှစ်လ တကြိမ်နူန်း Wave Money မှတဆင့် အကျိုးခံစားခွင့်ရှိသူထံ ဒါမှမဟုတ် အုပ်ထိန်းသူဆီ တိုက်ရိုက်ပို့ပေးမှာဖြစ်တယ်လို့သိရပါတယ်။
" ထောက်ပံ့ကြေးရရင်တော့ကောင်းတာပေါ့။သူတို့ရုံးဖွင့်ရက်ရောက်မှစာရင်းပေးရမှာပါ။ ကလေးက ခန္ဓာကိုယ်မသန်စွမ်းတာပါ။အသက်က ၁၆ နှစ်ဆိုတော့အကျုံးတော့ဝင်တယ်ပြောရမယ်။ ခုလိုကျပ်တည်းနေတဲ့ကာလမှာ တလကို၄၂၀၀၀ရလည်း အဆင်ပြေတာပေါ့ရှင်။ " လို့ မသန်စွမ်းကလေးမိခင်ကပြောပါတယ်။
မသန်စွမ်းသူတွေကို ငွေကြေးထောက်ပံ့ရာမှာ လက်ရှိအတူနေထိုင်တဲ့ အိမ်ထောင်စုစာရင်းမှာ မသန်စွမ်းသူ အများဆုံး ၃ ဦးအထိသာ ထောက်ပံ့မှာဖြစ်ယ်လို့ သိရပါတယ်။
ယူနီဆက်ရဲ့ ထောက်ပံ့ကြေး လူမှုကာကွယ်စောင့်ရှောက်မှုအစီအစဉ်”မှာ ပါဝင်ကြောင်း ဖုန်းနဲ့ ဆက်သွယ်အကြောင်းကြားမှု ရရှိပြီးသူတွေကိုသာ ထောက်ပံ့ကြေးပေးအပ်မှာဖြစ်တ ယ်လို့ သိရပါတယ်။
ငွေကြေးထောက်ပံ့စဥ်အတွင်း သတ်မှတ်ချက်နဲ့မကိုက်ညီတာမျိုးရှိပါက ထောက်ပံ့ကြေးရရှိမှာမဟုတ်ဘူးလို့သိရပါတယ်။
" အကျိုးခံစားခွင့်ရှိသူ မသန်စွမ်းကလေးက လက်ရှိမိသားစုနဲ့ အတူ နေထိုင်မှု မရှိတာ။အကျိုးခံစားခွင့်ရှိသူ မသန်စွမ်းကလေး သေဆုံးသွားတာ၊ ကနဦး စီစစ်စစ်ဆေးမှုအရ မသန်စွမ်းမှုရှိပေမယ့် နောက်တကြိမ် စီစစ်စစ်ဆေးမှုမဗာ မသန်စွမ်းမှု မရှိတော့တာမျိုး၊ စာရင်းပေးသွင်းထားတဲ့ အချက်အလက်ကို မှန်ကန်စွာ အတည်မပြုနိုင်တာ၊ ဖုန်းဆက်သွယ်မရတာမျိုးဆိုရင် ထောက်ပံ့ကြေးမရနိုင်ပါဘူး။" လို့ ယူနီဆက်မြန်မာကပြောပါတယ်။
အဆိုပါထောက်ပံ့ကြေးကို မိသားစုဝင်တွေအနေနဲ့မသန်စွမ်းကလေးတွေအတွက် ပြန်လည်ထူထောင်ရေး၊ ကျန်းမာရေး၊ အာဟာရပြည့်၀မှု၊ တကိုယ်ရည်သန့်ရှင်းရေး၊ ပညာရေး၊ မသန်စွမ်း အထောက် အကူပြုပစ္စည်း နဲ့နည်းပညာ၊ အတားအဆီးများဖယ်ရှားရေးပေးနိုင်ရေးတွေမှာ အကျိုးရှိစွာသုံးစွဲဖို့ ယုယူနီဆက်ကပြောထားပါတယ်။
လက်ရှိမှာလည်းယူနီဆက်က မသန်စွမ်းသူတွေကို ငွေကြေးထောက်ပံ့မှုတွေရှိနေတယ်လို့သိရပါတယ်။
Photo - Unicef Myanmar
Credit - VOM News Agency
#သတင်းဟင်းလေးအိုးကြီး
