အမေရိကန်မှာ လူ ၆၀ ကျော်သေတဲ့ လေယာဉ်ပျက်ကျမှုအပြီး လေယာဉ်ငယ်တစင်း ပျက်ကျမှု ဖြစ်ပွားပြန်
ဝါရှင်တန်၊ ဖေဖော်ဝါရီ ၁
အမေရိကန်နိုင်ငံ ဖီလာဒဲလ်ဖီးယားအရှေ့မြောက်ပိုင်းမှာ အဆောက်အအုံတွေပေါ်ကို လေယာဉ်ငယ်တစင်း မီးလောင်ပျက်ကျမှု ဖြစ်ပွားခဲ့ပြီး မြေပြင်ပေါ်က လူအများအပြား ဒဏ်ရာရရှိခဲ့တယ်လို့ တာဝန်ရှိသူတွေက ပြောပါတယ်။
ဝါရှင်တန်ဒီစီမှာ ခရီးသည်တင်လေယာဉ်နဲ့စစ်ရဟတ်ယာဉ်တို့ ပျက်ကျမှုကြောင့် လူ ၆၀ ကျော်သေဆုံးခဲ့တဲ့ မတော်တဆမှုအပြီး ရက်ပိုင်းအကြာမှာ အခုလေယာဉ်ပျက်ကျမှု ဖြစ်ပွားခဲ့တာဖြစ်ပြီး လေယာဉ်ပေါ်မှာ လူအများအပြား လိုက်ပါသွားတယ်လို့ ဆိုပါတယ်။
လေယာဉ်ဘာကြောင့် ပျက်ကျရတယ်ဆိုတာနဲ့ လိုက်ပါသွားသူအရေအတွက် ဘယ်လောက်၊ အသက်ရှင်ကျန်ရစ်သူ ဘယ်လောက်ရှိလဲဆိုတာကို ရှင်းလင်းစွာ မသိရသေးပါဘူး။ ပျက်ကျမှုဟာ မြို့ရဲ့လူနေထူထပ်တဲ့ သုံးထပ်စျေးဝယ်စင်တာရဲ့ အရံအတားတွေဖြစ်ပွားခဲ့တာပါ။
အဲဒီနေရာမှာ တဆက်တည်းအိမ်ရာတွေနဲ့စျေးဆိုင်တွေ အများအပြားတည်ရှိနေပါတယ်။ ဒီဖြစ်စဉ်အတွင်း မော်တော်ကားတွေလည်း ပျက်စီးသွားတယ်လို့ မျက်မြင်သက်သေတွေက ပြောပါတယ်။ Learjet 55 အမျိုးအစား လေယာဉ်ဟာ ဖီလာဒဲလ်ဖီးယား လေဆိပ်ကနေ ပျံတက်ပြီး လေးမိုင်အကွာမှာ ပျက်ကျခဲ့တာဖြစ်ပါတယ်။
အခင်ဖြစ်ချိန်မှာ ရာသီဥတုက တိမ်အသင့်အတင့်ရှိနေပြီး လေတိုက်နှုန်း ၁၀ မိုင်ကနေ မိုင် ၂၀ ရှိတယ်လို့ မိုးလေဝသဌာနက ထုတ်ပြန်ထားပြီး ဖြစ်စဉ်နဲ့ပတ်သက်ပြီး လေကြောင်းအာဏာပိုင်တွေက စုံစမ်းစစ်ဆေးမှုတွေ စတင်နေပါတယ်။
Ref:BBC
Photo: Office of Emergency Management.
#centralnewsnaypyitaw
