Stranger Things ဟာ ဒီနှစ်အတွင်းမှာ အတွဲ ၅ (နောက်ဆုံးအတွဲ) ထုတ်လွှင့်တော့မှာဖြစ်ပြီး အခမ်းနားဆုံးပိတ်သိမ်းမှုကို ယူဆောင်လာတော့မှာဖြစ်ပါတယ်..ဖန်တီးရှင် Matt နဲ့ Ross Duffer တို့ရဲ့ ပြောစကားအရတော့ Stranger Things ရဲ့ နောက်ဆုံးအတွဲမှာပါဝင်လာမဲ့ အပိုင်း ၈ ပိုင်းစလုံးဟာ Blockbuster ရုပ်ရှင်ပေါင်း ၈ ကားစာလောက်ရှိနေမယ်ဆိုတာကြောင့် ပရိတ်သတ်တွေ တစ်ဝကြီးကြည့်ရှုရတော့မှာပါပဲ။
အဆိုပါ အတွဲ ၅ မှာတော့ အတွဲ ၄ တုန်းက စတင်ပါဝင်လာခဲ့တဲ့ Jamie Campbell Bower ရဲ့ Henry Creel (Vecna) ကို ပြန်လည်မြင်တွေ့ရမှာဖြစ်ပြီး Upside Down တိုက်ပွဲကြီးမှာ အရေးပါတဲ့နေရာကနေပဲ ထပ်မံပါဝင်လာဖွယ်ရှိနေပါတယ်..Jamie Campbell Bower ဟာ Harry Potter, The Twilight နဲ့ Mortal Instruments တို့မှာ ပါဝင်သရုပ်ဆောင်ခဲ့ဖူးသူဖြစ်သလို သူ့ရဲ့ပြင်းရှတဲ့မျက်လုံးအကြည့်ကြောင့် Stranger Things 4 ရဲ့ Henry Creel အဖြစ် အသက်ဝင်အောင် ပုံဖော်နိုင်ခဲ့တာပါပဲ..ပြောရမယ်ဆိုရင်တော့ ဗီလိန်ဇာတ်ကောင်တစ်ခုကို ကြွတက်လာအောင်သရုပ်ဆောင်ပြသွားခဲ့တာပါ။
ဒါပေမဲ့လည်း Henry Creel (Vecna) အဖြစ် သရုပ်ဆောင်ပြီးရင်တော့ သူ့အနေနဲ့ ဗီလိန်ဇာတ်ကောင်တွေဆီကနေ အနားယူရဦးမှာဖြစ်သလို Vecna ကြောင့် စိတ်ကုထုံးဆရာဝန်နဲ့ပြခဲ့ရတယ်ဆိုတဲ့အကြောင်းအား People Magazine အား ဝေမျှလာခဲ့ပါတယ်။
