ခိုင့်ကို မောင်ချစ်ပါတယ် သူငယ်ချင်းလိုပဲ 😁
#တက္ကသိုလ်ဘုန်းနိုင်

“ဒီရာသီ ကျွန်တော်တို့ ကြီးမားတဲ့ခြေလှမ်းတွေ လှမ်းခဲ့ရပါတယ်။ အသင်းက ကြုံခဲ့ရတဲ့အခက်အခဲတွေနဲ့ဆိုရင် ဇယားအလယ်မှာတောင်ရပ်တည် သွားနိုင်တာပါ။ သမိုင်းမှာ တစ်ရာသီအတွင်း အနီငါးကဒ်လောက်ထိပြီး ဒဏ်ရာရကစားသမားအများအပြားနဲ့ ဒုတိယနေရာကို ရနိုင်တဲ့အသင်း ရှိမှာမဟုတ်ပါဘူး" 😳

🗣️အာတီတာ

ဘဏ်လုပ်ငန်းတွေမှာလည်း AI နဲ့ အစားထိုးလာတော့မယ်..

စင်္ကာပူရဲ့ အကြီးဆုံးဘဏ်ဖြစ်တဲ့ DBS ဘဏ်ကနေ လာမယ့် ၃ နှစ်အတွင်း အလုပ်သမား 4000 ခန့် လျှော့ချသွားဖို့ရှိကြောင်းနဲ့ အလုပ်အကိုင်အသစ် 1000 ခန့်ကို ဖန်တီးသွားမည်ဖြစ်ကြောင်း ဆိုလာပါတယ်။ ဝန်ထမ်းလျော့ချမယ့် အဓိကရည်ရွယ်ကတော့ လူသားအလုပ်သမားများနေရာမှာ AI အစားထိုးသွားဖို့ စီစဉ်နေတာပဲဖြစ်ပါတယ်။

အခုလို အလုပ်သမားဝန်ထမ်းလျှော့ချမှုဟာ သက်တမ်းကန့်သတ်ထားသော ဝန်ထမ်းများနဲ့ ယာယီဝန်ထမ်းများကို အဓိကထိခိုက်မှုတွေရှိလာနိုင်ပါတယ်။ ဒါပေမဲ့လည်း သက်တမ်းရင့်ဝန်ထမ်းများနှင့် ရာထူးပိုင်းအကြီးအကဲများတော့ ထိခိုက်မှုမရှိလာနိုင်ဘူးလို့ ဖော်ပြထားပါတယ်။

အလုပ်သမားလျှော့ချပြီး AI နဲ့ အစားထိုလုပ်ကိုင်လာတဲ့အထဲမှာ နည်းပညာကုမ္ပဏီများနဲ့ သုတေသနလုပ်ငန်းများမှာ အများစုတွေ့ခဲ့ရတာမှန်ပေမဲ့ ဘဏ်လုပ်ငန်းတွေမှာ အစားထိုးလာမှာကတော့ ဒါက ပထမဆုံးပါ။ ဒီလိုဆိုရင်တော့ နောက်ပိုင်း ဘယ်လိုနယ်ပယ်တွေမှာလည်း အစားထိုးလုပ်ဆောင်မှုတွေရှိလာမလဲဆိုတာ စိုးရိမ်စရာပါပဲ။ စိုးရိမ်စရာလား ကောင်းမွန်လာတာလားဆိုတာကတော့ တစ်ဦးချင်းရဲ့အမြင်မှာလည်း မူတည်ပါသေးတယ်လေ...

မိန်းကလေးတစ်ယောက်ကို ချစ်မိရင် | 500 Days Of Summer (2009)
ဇွန် ၇၊ ၂၀၂၄။
“တစ်လောကလုံးမှာ သူတစ်ယောက်ပဲ င့ါကို ပျော်အောင် လုပ်ပေးနိုင်မယ်ဆိုတာ ငါသိတယ်”
“နင်ဖြစ်ဖူးလားတော့ မသိဘူး”
“လူတစ်ယောက်နဲ့အတူရှိတဲ့ အချိန်တွေကို ကိုယ့်ခေါင်းထဲမှာ ခဏခဏ ပြန်စဥ်းစားကြည့်ပြီး ဘယ်နားက စပြီး မှားသွားလဲဆိုတာကို လိုက်ရှာမိတာမျိုးဖြစ်ဖူးလား”
500 Days Of Summer ကို ကျွန်တော် ကြည့်ဖြစ်တာ တော်တော်လေးတော့ ကြာပြီး ခဏခဏလည်း ကြည့်တယ် ဒါပေမယ့် လုံးဝ မဖျက်ပြစ်နိုင်တဲ့ ဇာတ်ကားတစ်ကားမို့လို့ စက်ထဲမှာ အခုထိ သိမ်းထားတုန်းပါပဲ။
ဘာကြောင့်လဲဆိုတော့ ဇာတ်ကားရဲ့ အဓိက ပေးချင်တဲ့ဆိုလိုရင်း နဲ့ Presentation က Day လေးတွေ ရေတွက်ရင်း အချိတ်ဆက်မိတာရယ်၊ သစ်စိမ်းချိုး ချိုးခံလိုက်ရတဲ့ ခံစားချက်ရယ်၊ Summer ကို မုန်းတဲ့ အချက်ရယ်၊ ဒါတွေ အားလုံးက ချုံပြီးကြည့်ရင် လက်တွေ့နဲ့ အရမ်းနီးစပ်သွားတာမျိုးခံစားရတယ်။
အထူးသဖြင့် အသည်းကွဲဖူးတဲ့ ယောက်ျားလေးတွေဆို ဒီဇာတ်လမ်းကြည့်ပြီး ပိုခံစားရမယ်ဆိုတာ ကျွန်တော် ယုံတယ်။ တစ်ခါတစ်လေ မိန်းကလေးတွေက နားလည်ရခက်တယ်ဆိုတာ ဒီဇာတ်လမ်းမှာ ကောင်းကောင်းကြီးပြသွားတယ်။
သူနဲ့အတူ ရှိခဲ့တဲ့အချိန်တွေ၊ နေရာတွေ ရောက်တိုင်း လွမ်းရတဲ့ ခံစားချက်ကို ဒီဇာတ်ကားကြည့်တိုင်း ရနေတော့မှာတော့ အမှန်ပါပဲ။
တကယ်တော့ Summer က Tom ကို မချစ်ဘူးမဟုတ်ဘူး ချစ်တယ်၊ Summer က နှလုံးသားကို ဦးစားမပေးပဲ လက်တွေ့ဆန်တာကို ဦးစားပေးလိုက်တဲ့ သဘောပါပဲ။
Tom ကိုသာ Summer ရွေးလိုက်ရင် စိတ်ကူးယဥ် အချစ်ဇာတ်လမ်းတွေပဲထွက်လာမယ်လို့ မြင်တယ်။ ဒါ့ကြောင့် Tom က Summer ကို ငါတို့ နှစ်ယောက်က ဘာတွေလည်းလို့ မေးတိုင်း Summer က အရမ်းရင်းနှီးကျတဲ့ သူငယ်ချင်းတွေလို့ပဲ ဖြေသွားတာက သူ့စိတ်ထဲ Tom ကို အပျော်လောက်ပဲ သတ်မှတ်ထားတာတွေ့ရမှာပါ။ Tom ကတော့ Summer နဲ့ အတူရှိိတိုင်း ပိုပျော်လာတယ် ပိုချစ်လာတယ်​ Summer နဲ့ ပတ်သက်တာလေးတွေကို စွဲလန်းသွားတာပေါ့။
အဲဒါကြောင့်လည်း Summer က Tom ကို မရွေးပဲ တခြား တစ်ယောက်ကို လွယ်လွယ်နဲ့ အိမ်ထောင်ဖက် အဖြစ်ရွေးလိုက်တယ်လို့တော့ ထင်ပါတယ်။
Tom ရဲ့ နေ့ရက်တွေကတော့ Summer နဲ့တွေ့ပြီးနောက်ပိုင်း အရင်ကနဲ့မတူတော့ပဲ ပျော်ရွှင်လာတာလေးကလည်း ချစ်သူဖြစ်ကာစ ချစ်သူတွေမှာဖြစ်လေ့ဖြစ်ထရှိတဲ့ ပျော်ရွှင်မှုတွေပေါ့။ ဒါပေမယ့် Summer လို မိသားစု Truma တွေနဲ့ မိန်းကလေးရယ် အချစ်ခံချင်တဲ့ Tom တို့ရယ်က ပေါင်းစပ်လို့ရပေမယ့် Summer ရဲ့ Serious ဖြစ်တဲ့ ပုံစံကြောင့် ပေါင်းစပ်မရခဲ့တာပါ။
တကယ်တော့ ရည်းစားမကျ၊ သူငယ်ချင်းလည်းမကတဲ့ အခြေနေတွေမှာ ယောက်ျားလေးဘက်က ပိုခံစားရတယ်ဆိုတာကို သိချင်တယ်ဆိုရင် ဒီဇာတ်ကားကို ကြည့်သင့်ပါတယ်။ ကြည့်ကို ကြည့်ရမယ့် ဇာတ်ကားပါပဲ။
အချုပ်အားဖြင့် ပြောရရင် Summer နဲ့ ရက် ၅၀၀ ဖြတ်သန်းခဲ့တာတွေမှာ ပျော်ရွှင်မှု၊ နာကျင်မှု၊ မုန်းတီးမှုနဲ့ ရှေ့ဆက်လိုက်တဲ့ Tom ရဲ့ ဘဝ အကြောင်းကို Drama တွေနဲ့ ဆွေဆွေလေးပြသွားတဲ့ ဇာတ်လမ်းကောင်းတစ်ပုဒ်လို့ ပြောရပါမယ်။
Drama တွေဘယ်လောက်ပဲ ဆန်းသစ်လာတယ်ပြောပြော 500 Days of Summer ကတော့ မိန်းကလေးဘက်က ကြည့်ကြည့် ယောက်ျားလေးဘက်ကကြည့်ကြည့် Comedy Romance မို့လို့ ကြည့်လို့ အရမ်းကောင်းနေရတာပါပဲ။
ရည်းစားမရှိတဲ့သူတောင် ကြည့်ပြီးရင် အသည်းကွဲသလို ခံစားရမှာမို့လို့ မကြည့်ဖူးသေးရင် ကြည့်လိုက်ဖို့ အကြံပေးလိုက်ပါတယ်။

အသုံးချသွားကြတဲ့အခါ
============
စေတနာကို
စော်ကားသွားကြတဲ့အခါ
ကိုယ့်စေတနာနဲ့ကိုယ် ဒေါသမဖြစ်ပါနဲ့
ယုံကြည်မှုကို
အလွဲသုံးစားလုပ်ကြတဲ့အခါ
ကိုယ့်ယုံကြည်မှုနဲ့ကိုယ် စိတ်မနာပါနဲ့
ရိုးသားခြင်းကို
အသုံးချသွားကြတဲ့အခါ
ကိုယ့်ရိုးသားခြင်းနဲ့ကိုယ် မပျက်စီးပါနဲ့
တစ်ချို့သော လူတွေကြောင့်
ကိုယ့်က ပေးဆပ်လိုက်သမျှတွေဟာ
သဲထဲရေသွန်သလို အလဟဿ တန်ဖိုးမဲ့သွားတဲ့အခါ
ကျေအောင်ပြန်ပေးဆပ်လိုက်ရတဲ့ ဝဋ်ကြွေးတွေလို့
သွေးအေးအေးလေးနဲ့ ခံယူနေရမှာဖြစ်တယ်
လောကမှာ
လူဆိုတာ ကိုယ့်ဘဝတန်ဖိုးကို ကိုယ်တိုင်မြှင့်နေသလို
ကိုယ့်ဘဝတန်ဖိုးကို ကိုယ်တိုင်သာနိမ့်ကျနေအောင်
ပြုလုပ်နေကြတာပါပဲ သင့်ဘဝမှာ ဘယ်လိုလူတွေက
အသုံးချသွားကြတဲ့အခါ ဒေါသမဖြစ်ပါနဲ့ စိတ်မနာပါနဲ့
သင့်ဘဝကိုယ်သင် သင်ကိုယ်တိုင် ပျက်စီးအောင်
မဖျက်ဆီးမိပါစေနဲ့ ချစ်ခြင်းမုန်းခြင်း အဆိုးအကောင်းတွေနဲ့
တွေ့ဆုံကြုံနေရမယ့် ရေစက်ရှိတဲ့လူတိုင်းအပေါ်
စေတနာထားပါ ယုံကြည်နားလည်ပေးလိုက်ပါ
ရိုးသားစွာရှင်သန်လိုက်ပါ သင်ဟာ လောကထဲမှာ
လူပီသတဲ့လူသားတစ်ယောက်သာ ဖြစ်တည်နေပါလိမ့်မယ်။
#crd_

နင့်တို့ကို ကြည့်ရတာ မပျော်သလိုပဲ <br>ရော့ ဒါလေ:နာ:တောင်လို၊က်ကြပါအုံ:\☺️

QR Code အကြောင်း သိကောင်းစရာများ
QR Code ဆိုတာ ဒစ်ဂျစ်တယ် သတင်းအချက်အလက်တွေကို အလွယ်တကူ ဖတ်ရှုနိုင်ဖို့ စက်ကနားလည်တဲ့ ပုံစံပြောင်းထားတဲ့ စတုရန်းပုံစံ ကုဒ်တစ်မျိုးပါ။ ဒီနေ့ခေတ် လူတိုင်းရဲ့နေ့စဉ်ဘဝမှာ QR Code တွေကို နေ့စဥ်ထိတွေ့နေရပါတယ်။
QR Code ၏ သမိုင်းကြောင်းကိုပြောရရင် QR Code (Quick Response Code) ကို ၁၉၉၄ ခုနှစ်တွင် ဂျပန်နိုင်ငံမှာရှိတဲ့ Denso Wave ကုမ္ပဏီမှာရှိတဲ့ Masahiro Hara ဆိုသူနဲ့ သူ၏အဖွဲ့က Toyota ကားကုမ္ပဏီရဲ့ ကားအပိုပစ္စည်းတွေကို စာရင်းစစ်ဖို့၊ ပစ္စည်း Stock တွေစစ်ဖို့ ထွင်ခဲ့တာဖြစ်ပါတယ်။ အဲ့ဒီအချိန်တုန်းက Barcode တွေပေါ်နေပြီဆိုပေမယ့် Barcode မှာထည့်ထားနိုင်တဲ့ အချက်အလက်က အကန့်အသတ်ရှိနေလို့ဖြစ်ပါတယ်။
ဒါ့ကြောင့် အချက်အလက်အများကြီးလည်းသိုလှောင်နိုင်ရမယ်၊ ဂျပန်စကားလုံးတွေ(ကန်ဂျိ) တွေကစလို့ သိမ်းဆည်းထားနိုင်ပြီး ကုဒ်ဖတ်တဲ့အခါမှာလည်း အများကြီးပိုမြန်မယ့် နည်းပညာတစ်ခုကို တီထွင်ကြဖို့ဖြစ်လာပါတယ်။
QR Code မှာလည်း အမျိုးအစားအများကြီးခွဲထားနိုင်ပါတယ််။ အများဆုံးသုံးနေကြတဲ့ အခြေခံ QR Code၊ အချက်အလက်တွေပြောင်းလဲလို့ရတဲ့ Dynamic QR Code၊ အချက်အလက်အသေတွေထည့်လို့ရတဲ့ Static QR Code အပြင်တစ်ခြား အမျိုးအစားတွေအများကြီးရှိပါတယ်။
QR Code တွေကို နေ့စဥ်အသုံးပြုတဲ့အနက် အသုံးများကြတဲ့နေရာတွေကတော့ မိုဘိုင်းငွေလွှဲတဲ့အခါမျိုးတွေ၊ ကုန်ပစ္စည်းတွေအချက်အလက် သတ်မှတ်စစ်ဆေးတဲ့နေရာ၊ Visa ထုတ်ပေးတဲ့နေရာ၊ လေယာဥ်လက်မှတ်စတဲ့နေရာတွေပါ။
QR Code တစ်ခု ဖန်တီးဖို့ကလည်း အတော်လေးလွယ်သလို "အခမဲ့" အသုံးပြုနိုင်တဲ့ နည်းပညာတစ်ခုဖြစ်ပါတယ်။ အွန်လိုင်းပေါ်က ကိုယ်ကြိုက်တဲ့ QR Generator ကိုသုံးပြီး ကြိုက်တဲ့ QR တွေထုတ်လို့ရနေပါပြီ။ QR Code တွေကို Scan ဖတ်ဖို့ ခုခေတ်ကဖုန်းတိုင်းမှာ QR Scanner တွေ ပါနေပါပြီ။
Denso Wave ကုမ္ပဏီဟာ QR Code နည်းပညာကို မူပိုင်ခွင့်ရယူခဲ့ပေမယ့် လူအများ အသုံးပြုလို့ရအောင် အခမဲ့အသုံးပြုခွင့်ပေးခဲ့ပြီး မူပိုင်ခွင့်ကို Open Source လုပ်ဖို့ဆုံးဖြတ်ခဲ့ပါတယ်။
ဒါကတော့ အမှုမှတ်မဲ့ နေ့စဥ်သုံးမိနေတဲ့ QR Code အကြောင်းပဲဖြစ်ပါတယ်။

ပရီးမီးယားလိဂ်သွင်းဂိုးအများဆုံး - 25 ဂိုး
ပရီးမီးယားလိဂ်ဂိုးဖန်တီးမှုအများဆုံး - 17 ကြိမ်
မိုဆာလာ 👑🇪🇬

ရှားစောင်းလက်ပပ်၏ အကျိုးကျေးဇူး
ရှားစောင်းလက်ပပ်ဟာ အပူပိုင်းဒေသတွေမှာ ပေါက်ပွားပြီး ထင်ရှားတဲ့ ဆေးဖက်ဝင်အပင်တစ်မျိုး ဖြစ်ပါတယ်။ သူ့ရဲ့ ကျန်းမာရေးနဲ့ အလှအပဆိုင်ရာ အကျိုးကျေးဇူးတွေကြောင့် ရှားစောင်း လက်ပပ်ကို နှစ်ပေါင်းများစွာတည်းက အသုံးပြုလာကြတာဖြစ်ပါတယ်။

ဒီအပင်ရဲ့ အရွက်တွေမှာ ဗီတာမင်၊ သတ္တုဓါတ်၊ amino acids နဲ့ ဓါတ်တိုးဆန့်ကျင် ဂုဏ် သတ္တိရှိတဲ့ အရာတွေ ပါဝင်ပါတယ်။ ရှားစောင်း လက်ပပ်ရဲ့ အထင်ရှားဆုံး အကျိုးကျေးဇူး ငါးခုကတော့ အောက်ပါအတိုင်းဖြစ်ပါတယ် –

၁။ ရှားစောင်းလက်ပပ်မှာ ဓါတ်တိုးဆန့်ကျင်ဂုဏ်သတ္တိရှိပြီး ဘက်တီးရီးယားတွေကို သေစေတဲ့ ဂုဏ်သတ္တိလည်း ရှိပါတယ်။

ရှားစောင်းလက်ပပ်မှာ အစွမ်းထက်တဲ့ ဓါတ်တိုးဆန့်ကျင့် ဂုဏ်သတ္တိရှိတဲ့ အရာများစွာ ပါဝင်ပါတယ်။ ဒီအရာတွေဟာ polyphenol အုပ်စုဝင်တွေဖြစ်ပြီး ကိုယ်ခန္ဓါက အရေပြားဆဲလ်တွေကို ထိခိုက်စေတဲ့ free radicals တွေကို ဖယ်ထုတ်ရှင်းလင်းပစ်ပါတယ်။ ရှားစောင်းလက်ပပ်ဟာ အသားအရေကို နုပျိုစေတာကြောင့် အလှကုန်ပစ္စည်းတွေထဲမှာ အလွန်အရေးကြီးတဲ့ ပါဝင်ပစ္စည်းတစ်ခုဖြစ်ပါတယ်။ ဒီ polyphenols နဲ့ အခြားပါဝင်ပစ္စည်းတွေဟာ ကူးစက်ရောဂါတွေဖြစ်စေတဲ့ ရောဂါပိုးဝင်မှုကိုလည်း တိုက်ဖျက်ပေးပါတယ်။

ရှားစောင်းလက်ပပ်ကို အရေပြားပေါ်မှာလိမ်းပေးမယ်ဆိုရင် ထိခိုက်ရှနာတွေကို အနာမြန်မြန်ကျက်စေပါတယ်။ သောက်မယ်ဆိုရင်တော့ ဖျားနာမှုတွေကို ကာကွယ်ပေးပြီး အစာခြေစနစ်ကို အဆိပ်အတောက် ကင်းစင်စေပါတယ်။

၂။ ရှားစောင်းလက်ပပ်ဟာ အရေပြားကို ပြန်လည်ကောင်းမွန်စေပါတယ်။

ရှားစောင်းလက်ပပ်မှာ fibroblasts လို့ခေါ်တဲ့ collagen ထုတ်ပေးတဲ့ အရေပြားဆဲလ်တွေကို လှုံ့ဆော်နိုင်စွမ်း ရှိပါတယ်။ Collagen ဟာ အရေပြားတည်ဆောက်ပုံနဲ့ ကျုံ့ဆန့်နိုင်စွမ်းတွေအတွက် မရှိမဖြစ် ပရိုတင်းတစ်ခုဖြစ်ပါတယ်။

လိမ်းရတဲ့ ရှားစောင်းလက်ပပ်ဂျယ်တွေဟာ အရေပြားရဲ့အသက်ကြီးရင့်သွားမှုကို နှေးကွေးစေပါတယ်။ ရှားစောင်းလက်ပပ် ပါဝင်တဲ့ အသက်ကြီးခြင်းကို ထိန်းချုပ်ပေးတဲ့ အလှကုန်တွေဖြစ်တဲ့ Moisturisers တွေနဲ့ eye creams တွေဟာ အရေးအကြောင်းတွေနဲ့ အသက်ကြီးခြင်းကြောင့် ဖြစ်ပေါ်တဲ့ အခြားလက္ခဏာတွေကို လျော့ကျစေပါတယ်။

၃။ ရှားစောင်းလက်ပပ်ဟာ မီးလောင်ဒဏ်ရာကျက်နှုန်းကို မြန်ဆန်စေပါတယ်။

အနာကျက်တဲ့ အကျိုးကျေးဇူးတင်သာမက ရှားစောင်းလက်ပပ်ကို မီးလောင်ဒဏ်ရာတွေ ကုသဖို့လည်း အသုံးပြုကြပါတယ်။ သိပ္ပံသုတေသနတစ်ခုက ရှားစောင်းလက်ပပ်ဟာ ပထမအဆင့်နဲ့ ဒုတိယအဆင့် မီးလောင်မှုဒဏ်ရာတွေအတွက် အသုံးဝင်တယ်လို့ ဆိုပါတယ်။

သုတေသနတစ်ခုက ရှားစောင်းလက်ပပ်ဟာ အခြားဆေးတွေနဲ့ စာရင် မီးလောင်ဒဏ်ရာ အနာကျက်နှုန်းကို ၉ ရက်ခန့် လျှော့ချပေးနိုင်တယ်လို့ဆိုပါတယ်။ ရှားစောင်းလက်ပပ်ကို အရေပြားပေါ်ကို တိုက်ရိုက်ပွတ်လိမ်းပေးပြီး အသုံးပြုလေ့ရှိကြပါတယ်။

၄။ ရှားစောင်းလက်ပပ်ဟာ ဆံပင်သန်စေပါတယ်။

ရှားစောင်းလက်ပပ်ကို ဦးရေပြားပေါ်လိမ်းပေးခြင်းဟာ ဆံပင်ကိုလျင်မြန်စွာ ပေါက်စေပြီးတော့ သန်စွမ်းစေပါတယ်။ လူအတော်များများက ရှားစောင်းလက်ပပ်ကို ဆံပင်ပေါက်ဖို့အတွက် အသုံးပြုခဲ့ကြပြီးတော့ အကျိုးရှိတာကိုလည်း တွေ့ရှိခဲ့ကြပါတယ်။

ရှားစောင်းလက်ပပ်ဂျယ်ကို အသုံးအများဆုံးနည်းကတော့ ဆံပင်ပေါ်ကို တိုက်ရိုက်သုတ် လိမ်းပေးပြီး တစ်နာရီကြာရင် ရေဆေးချတာပဲဖြစ်ပါတယ်။ ရှားစောင်းလက်ပပ်သောက်သုံးခြင်းနဲ့ ရှားစောင်း လက်ပပ်ပါဝင်တဲ့ ဆံပင်ထုတ်ကုန်တွေကို အသုံးပြုခြင်းဟာလည်း ဆံပင်ကို ကျန်းမာသန်စွမ်းစေပါတယ်။

၅။ ရှားစောင်းလက်ပတ်ဟာ ပါးစပ်အနာကို ကုသပေးနိုင်ပါတယ်။

ပါးစပ်အနာတွေဟာ လူတွေမှာ အတွေ့များတဲ့ အနာတစ်မျိုးဖြစ်ပါတယ်။ ဒီအနာတွေဟာ ပါးစပ်အတွင်းပိုင်းကနေ နှုတ်ခမ်းအောက်ခြေအထိရှိပြီး နာကျင်မှုဟာ ၇ ရက်ကနေ ၁၀ရက်အထိ ကြာတတ်ပါတယ်။

ရှားစောင်းလက်ပပ် အသုံးပြုခြင်းဟာ ပါးစပ်အနာတွေရဲ့ အနာကျက်တဲ့ဖြစ်စဉ်ကို ထောက်ပံ့ပေးတယ်ဆိုတဲ့ ယုံကြည်လောက်တဲ့သက်သေပြမှုတွေ ရှိပါတယ်။ ပါးစပ်အနာတွေရဲ့ အရွယ်အစားကို သေးငယ်စေရုံသာမက နာကျင်မှုကိုပါ လျော့ကျစေနိုင်ပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ မြန်မာဘက်ခြမ်းရှိ နိုင်ငံခြားသား ၇ဝဝဝ ကျော် မိခင်နိုင်ငံများသို့ လွှဲအပ်မည့်အချိန် စောင့်ဆိုင်းနေ
မြန်မာနိုင်ငံ မြဝတီမြို့ရှိ အွန်လိုင်းလိမ်လည်မှုလုပ်ငန်းများမှကယ်ထုတ်ထားသော ပြည်ပနိုင်ငံသား ၇ဝဝဝ ကျော်တို့မှာ သက်ဆိုင်ရာနိုင်ငံများသို့ လွှဲပြောင်းအပ်နှံမည့်နေ့ကို စောင့်ဆိုင်းနေကြရကြောင်း ကရင်ပြည်နယ်နယ်ခြားစောင့်တပ်(ဘီဂျီအက်ဖ်)က ပြောကြားထားသည်။
ဘီဂျီအက်ဖ်တပ်ဖွဲ့သည် အွန်လိုင်းလိမ်လည်မှုလုပ်ငန်းများမှကယ်ထုတ်ထားသော နိုင်ငံပေါင်း ၂၈ နိုင်ငံတို့မှ နိုင်ငံသားပေါင်း ၇၂၄၁ ဦးတို့၏ အမည်စာရင်းများကို ထိုင်းတာဝန်ရှိသူများ စိစစ်နိုင်ရေးအတွက် ပေးပို့ထားပြီးဖြစ်သည်။
ဘီဂျီအက်ဖ်အဖွဲ့က ပေးပို့ထားသော အထက်ပါလူစာရင်းတွင် အမျိုးသား ၆၇၁၆ ဦးနှင့် အမျိုးသမီး ၄၂၅ ဦးတို့ပါဝင်ကြောင်း ထိုင်းမီဒီယာများ၏ အဆိုအရ သိရသည်။
အွန်လိုင်းလိမ်လည်မှုလုပ်ငန်းများမှ ဘီဂျီအက်ဖ်အဖွဲ့က ခေါ်ထုတ်ထားသူ ပြည်ပနိုင်ငံသားများအနက်အများဆုံးမှာ တရုတ်နိုင်ငံသားများဖြစ်ပြီး ၄၈၆ဝ အထိရှိကြောင်း ထိုင်းမီဒီယာများက သတင်းထုတ်ပြန်ထားသည်။
ဒုတိယအများဆုံး ပါဝင်သော ပြည်ပနိုင်ငံသားများမှာ ဗီယက်နမ်နိုင်ငံသားများဖြစ်ပြီး ၅၇၂ ဦး အထိ ပါဝင်သည်။ တတိယအများဆုံးမှာ အိန္ဒိယနိုင်ငံသားများဖြစ်ကြ၍ ၅၂၆ ဦးအထိရှိကြောင်း သိရသည်။
လက်ရှိအချိန်တွင် အွန်လိုင်းလိမ်လည်မှုလုပ်ငန်းများမှ ဘီဂျီအက်ဖ်အုပ်စု ကယ်ထုတ်ထားသူ ၇ဝဝဝ ကျော်တို့မှာ မြန်မာနိုင်ငံ မြဝတီဘက်ခြမ်းတွင်သာ ရှိနေဆဲဖြစ်ပြီး မိခင်နိုင်ငံများသို့ပြန်လည်ပို့ဆောင်ပေးရေးအတွက် သက်ဆိုင်ရာ သံရုံးများက စီစဉ်ပေးမည့်အချိန်ကို စောင့်ဆိုင်းနေကြဆဲဖြစ်ကြောင်း ဗန်ကောက်ပို့စ်သတင်းစာက ရေးသားထားသည်။
တစ်ချိန်တည်းမှာပင် ထိုင်းနိုင်ငံအနေဖြင့်လည်း အထက်ပါ နိုင်ငံခြားသား ၇ဝဝဝ ကျော်တို့ကို ထိုင်းနိုင်ငံအတွင်းသို့ ဝင်ရောက်ခွင့်ပေးရန် တွန့်ဆုတ်နေကြောင်း သိရသည်။
ဗန်ကောက်ပို့စ်