သင်ကိုယ်တိုင်က အကောင်းဆုံးဖြစ်အောင် လုပ်ပါ ။
ဘဝမှာ လူတိုင်းက အကောင်းဆုံးတွေကို လိုချင်ကြတာချည်းပဲ ။ ကောင်းမွန်တဲ့ ဘဝ ၊ ကောင်းမွန်တဲ့ မိသားစု ၊ ကောင်းမွန်တဲ့ အိမ်ထောင်ဖက် စတာတွေကို လိုချင်ကြတာပဲ ။ ဒါဟာ မမှားပါဘူး ။ အကောင်းဆုံးကို မျှော်လင့်ပိုင်ခွင့်နဲ့ ကောင်းတာကို ရွေးချယ်ခွင့်က လူတိုင်းမှာ ရှိတာမို့လို့လေ ။
ဒါပေမဲ့ ကောင်းတာတွေကို လိုချင်ရင် ကိုယ်တိုင်ကလည်း အကောင်းဆုံးဖြစ်အောင် လုပ်ရမယ် ။ လောကမှာ အရာအားလုံးက အပြန်အလှန် သက်ဆိုင်နေခြင်းပဲ ။ သင်က ကျောင်းကောင်းကောင်းတစ်ခုမှာ တက်ချင်သလို ကျောင်းကလည်း တော်တဲ့ ကျောင်းသားကိုပဲ လိုချင်ကြတာ ။
သင်က ကောင်းမွန်တဲ့ ၊ ထက်မြက်တဲ့ ၊ အရည်အချင်းရှိတဲ့ မိသားစု အသိုင်းအဝိုင်းတစ်ခုကို လိုချင်တယ်ဆိုသလို မိသားစုဝင်တွေကလည်း သူတို့အတွက် ဂုဏ်ယူလို့ရတဲ့ ၊ မှီခိုလို့ ရတဲ့ ၊ တော်တဲ့ မိသားစုဝင်တစ်ယောက်ကိုပဲ လိုချင်ကြတာ ။ အိမ်ထောင်ဖက်ဆိုလည်း အဲဒီအတိုင်းပဲ ၊ သင်ကလည်း တော်တဲ့ အိမ်ထောင်ဖက် ၊ နွေးထွေးတဲ့ ၊ သစ္စာရှိတဲ့ ၊ အားကိုးရတဲ့ အိမ်ထောင်ဖက်ကို လိုချင်သလို တစ်ဖက်ကလည်း အဲဒီလို လူမျိုးကိုပဲ လိုချင်မှာပဲ ။
ဒီကမ္ဘာကြီးမှာ အရာအားလုံးက အပြန်အလှန် သက်ရောက်နေကြတာ ။ ကိုယ်က ကောင်းမွန်တဲ့ အရာတစ်ခုကို ပိုင်ဆိုင်ဖို့ အရည်အချင်း မရှိသေးရင် ၊ မထိုက်တန်သေးရင် ပိုင်ဆိုင်ရဦးမှာ မဟုတ်ဘူး ။ အလုပ်ကောင်းကောင်းတစ်ခုကို လိုချင်ရင် သင့်မှာ အလုပ်ကောင်းကောင်း ရနိုင်တဲ့ အရည်အချင်းရှိမှရမယ် ။ အရည်အချင်းမရှိဘဲ အလုပ် ကောင်းကောင်းမရလို့ဆိုပြီး ညည်းတွားနေလို့ မရဘူး ။
ကိုယ်က ဘာလိုချင်သလဲဆိုရင် ကိုယ်က ဘာကို ပေးနိုင်သလဲဆိုတာကိုလည်း အရင်စဉ်းစားရမယ် ။ တော်တဲ့ အရာတွေကို လိုချင်လား ၊ ကိုယ်က အရင်တော်တဲ့လူဖြစ်အောင် လုပ်ရမယ် ။ ကောင်းတဲ့ အရာတွေကို လိုချင်လား ၊ ကိုယ်က အရင်ကောင်းတဲ့ လူဖြစ်အောင် လုပ်ရမယ် ။
#တစ်ဘဝစာတာဝန်များ #နေဗလ် #nayvel

(Blue House) အိမ်ပြာတော်
အိမ်ပြာတော် (Blue House) လို့ လူသိများတဲ့ "ချောင်ဝါဒေး" (Cheong Wa Dae) ဟာ တောင်ကိုရီးယားနိုင်ငံ သမ္မတ ရဲ့ ရုံးထိုင်ရာနဲ့ နေထိုင်ရာ တရားဝင် အိမ်တော် ဖြစ်ပြီး တောင်ကိုရီးယားနိုင်ငံ၊ ဆိုးလ်မြို့၊ ဂျုံနိုခရိုင်မှာ တည်ရှိပါတယ်။
ဘုခန်ဆန်တောင် (Bukhansan Mountain) ရဲ့ ရှုခင်းသာယာတဲ့ နောက်ခံနဲ့ ဆောက်လုပ်ထားတာကြောင့် သဘာဝအလှတရားနဲ့ ခေတ်မီဗိသုကာလက်ရာတို့ ပေါင်းစပ်နေတဲ့ နေရာတစ်ခုလို့ ဆိုနိုင်ပါတယ်။
သမိုင်းကြောင်းကို ပြန်ကြည့်မယ်ဆိုရင် ဂျိုဆွန်မင်းဆက် (Joseon Dynasty) ခေတ်က နန်းတော်ဥယျာဉ်နေရာ ဖြစ်ခဲ့ပါတယ်။
၁၉၄၈ ခုနှစ်မှာ တောင်ကိုရီးယားနိုင်ငံ စတင်တည်ထောင်ချိန်ကစပြီး သမ္မတရဲ့ နေအိမ်နဲ့ ရုံးအဖြစ် သတ်မှတ်ခဲ့ပြီး၊ မူလ အဆောက်အအုံကို ၁၉၉၁ ခုနှစ်မှာ အသစ်ပြန်လည် တည်ဆောက်ခဲ့ပါတယ်။
ဒီတည်ဆောက်မှုမှာ ကိုရီးယား ရိုးရာဗိသုကာလက်ရာနဲ့ ခေတ်မီ နည်းပညာတွေကို ပေါင်းစပ်ထည့်သွင်းထားတာ တွေ့ရပါတယ်။
အိမ်ပြာတော်ဝင်းအတွင်းမှာ အဓိက အဆောက်အအုံများစွာ ပါဝင်ပါတယ်။ အဲ့ဒီအထဲမှာ သမ္မတရဲ့ ရုံးခန်း၊ ဧည့် ခန်းမဆောင်၊ အစည်းအဝေးခန်းမ စတာတွေ ပါဝင်တဲ့ ပင်မရုံးဆောင် (Main Office Building) က အဓိကကျပါတယ်။ သမ္မတနဲ့ မိသားစု နေထိုင်ရာ သီးသန့်နေရာ ဖြစ်တဲ့ သမ္မတနေအိမ် (Presidential Residence) လည်း ပါရှိပါတယ်။
ဒါ့အပြင် နိုင်ငံတော် ဧည့်သည်တော်များကို ဧည့်ခံကြိုဆိုရာ နေရာဖြစ်တဲ့ ဧည့်ဂေဟာ (Yeongbingwan)၊ အစိုးရရဲ့ သတင်းထုတ်ပြန်ချက်များနဲ့ သတင်းစာရှင်းလင်းပွဲများ ပြုလုပ်ရာ နေရာဖြစ်တဲ့ သတင်းစာရှင်းလင်းဆောင် (Chunchugwan) နဲ့ သမ္မတရဲ့ အထောက်အကူပြု ဝန်ထမ်းများ ရုံးထိုင်ရာ အဆောက်အအုံများ ဖြစ်တဲ့ အတွင်းဝန်ရုံးများ (Secretariat Buildings) တို့လည်း ပါဝင်ပါတယ်။
အိမ်ပြာတော်ရဲ့ အထင်ရှားဆုံး အမှတ်အသားကတော့
အပြာရောင် အမိုးပြားများပဲဖြစ်ပါတယ်။ ကိုရီးယားရိုးရာ အမိုးပုံစံနဲ့ ပြုလုပ်ထားပြီး အပြာရောင် ကြွေပြားပေါင်း ၁၅၀,၀၀၀ ခန့် အသုံးပြုထားတာကြောင့် အံ့သြဖွယ်ရာ ဗိသုကာလက်ရာတစ်ခုအဖြစ် သတ်မှတ်နိုင်ပါတယ်။
ထို့အပြင် လှပတဲ့ ဥယျာဉ်များနဲ့ စိမ်းလန်းတဲ့ ပတ်ဝန်း ကျင်ကလည်း အိမ်ပြာတော်ကို ပိုမိုဆွဲဆောင်မှု ရှိစေပါတယ်။
သမိုင်းတစ်လျှောက် အာဏာရဲ့ ဗဟိုချက်အဖြစ် တည်ရှိခဲ့တဲ့ အိမ်ပြာတော်ဟာ ဝေဖန်မှုများနဲ့ အငြင်းပွားမှုများလည်း ရှိခဲ့ပါတယ်။
ဒါပေမယ့် ၂၀၂၂ ခုနှစ်မှာ သမ္မတ Yoon Suk-yeol က အိမ်ပြာတော်ကို ပြည်သူလူထုထံ ပြန်လည်ဖွင့်လှစ်ပေးခဲ့ပြီး သမ္မတရုံးကို ယုံဆန်း (Yongsan) ခရိုင်သို့ ပြောင်းရွှေ့ခဲ့ပါတယ်။ ယခုအခါမှာတော့ အိမ်ပြာတော်ဟာ အများ ပြည်သူ ဝင်ရောက်လေ့လာနိုင်တဲ့ သမိုင်းဝင်နေရာတစ်ခုဖြစ်လာခဲ့ပါပြီ။
အချုပ်အားဖြင့် ဆိုရရင် အိမ်ပြာတော်ဟာ တောင်ကိုရီးယားနိုင်ငံရဲ့ သမိုင်း၊ နိုင်ငံရေးနဲ့ ဗိသုကာလက်ရာတွေကို ပေါင်းစပ်ထားတဲ့ အထင်ကရ နေရာတစ်ခု ဖြစ်ပါတယ်။
အပြာရောင် အမိုးပြားများနဲ့ လှပတဲ့ ရှုခင်းတွေက အိမ်ပြာတော်ကို ထူးခြားတဲ့ အမှတ်အသားတစ်ခု ဖြစ်စေပြီး ကိုရီးယားနိုင်ငံကို လာရောက်လည်ပတ်သူတွေ မဖြစ်မနေ သွားရောက်လေ့လာသင့်တဲ့ နေရာတစ်ခုအဖြစ် သတ်မှတ်နိုင်ပါတယ်။
#knowledge

တရုတ်က ကမ္ဘာ့ ပထမဆုံး ရေအောက် ကွန်ပြူတာ စင်တာကို တည်ဆောက်
===========================================
တရုတ်က ဟိုင်နန် ပြည်နယ်၊ Lingshui မှာ အဆင့်မြင့် ရေအောက် ကွန်ပြူတာ စင်တာကို တည်ဆောက်လိုက်ပါတယ်။ ၁၈ မီတာ ရှည်လျားတဲ့ ဒေတာ စင်တာမှာ စွမ်းရည်မြင့် ဆာဗာ ၄၀၀ ကျော် ထည့်သွင်းထားပါတယ်။
ရေအောက်ကြမ်းပြင်မှာ တည်ဆောက်ထားပြီး အနီးအနားက ကမ်းရိုးတန်း Station တွေကို အသုံးပြုကာ Client Data Terminals တွေနဲ့ဆက်သွယ်ထားပါတယ်။
ကွန်ပြူတာ တွက်ချက်မှု စွမ်းအားဟာ အရည်အသွေးမြင့် Gaming PC အလုံးရေ ၃၀,၀၀၀ နဲ့ ညီမျှထားပါတယ်။ တစ်စက္ကန့်မှာ AI Assistant Chats ပေါင်း ၇,၀၀၀ ကို စီမံခန့်ခွဲနိုင်ပါတယ်။
ကွန်ပြူတာ စင်တာကို ပင်လယ်ရေအောက်မှာ တည်ဆောက်ထားတဲ့အတွက် အေးမြပြီး မြေနေရာ မယူတော့ပါဘူး။ လျှပ်စစ်စွမ်းအင်ကို လျှော့ချပေးနိုင်ပြီး လုံခြုံရေးနဲ့ တည်ငြိမ်ရေး တိုးတက်စေတယ်လို့ သိရပါတယ်။

#ယနေ့ထုတ်သတင်းစာ_နိုင်ငံတကာသတင်း
◼ လိင်ပြောင်းတပ်ဖွဲ့ဝင်များကို လက်နက်ကိုင်တပ်များမှ အမေရိကန်ပြည်ထောင်စု ဖယ်ရှားမည်
ဖြစ်စဉ်တစ်ခုချင်းစီအရ ကင်းလွတ်သက်သာခွင့်မရသည့် လိင်ပြောင်း တပ်ဖွဲ့ဝင်များကို လက်နက်ကိုင်တပ်များမှဖယ်ရှားမည်ဖြစ်ကြောင်း အမေရိကန်ကာကွယ်ရေးဌာနက ဖေဖော်ဝါရီ ၂၆ ရက်တွင် ရုံးတွင်းညွှန်ကြားချက်ထုတ်ပြန် ထားသည်။
အမေရိကန်သမ္မတ ဒေါ်နယ်ထရန့်သည် အမေရိကန်လက်နက်ကိုင်တပ်များ၌ လိင်ပြောင်းလဲထားသော တပ်ဖွဲ့ဝင်များပါဝင်မှုကို ပိတ်ပင်ရန်ရည်ရွယ်သည့် သမ္မတ အထူးအမိန့်ဒီကရီတစ်ရပ်ကို ဇန်နဝါရီလ အတွင်း လက်မှတ်ရေးထိုးထားပြီးဖြစ်သည်။
မွေးရာပါ လိင်ကိုမလိုလားမှုကြောင့် စိတ်ဖိအားဝင်မှုပြဿနာ (Gender dysthoria)လက်ရှိ ရှိနေသူ၊ ရှိခဲ့ဖူးသူ သို့မဟုတ် အထက်ပါစိတ်ရောဂါနှင့် ကိုက်ညီသည့် ရောဂါလက္ခဏာများရှိနေသူတပ်ဖွဲ့ဝင်များကို လက်နက်ကိုင်တပ်များမှ ဖယ်ရှားရေးအတွက် စိစစ်မည်ဖြစ်ကြောင်း အမေရိကန် ကာကွယ်ရေးဝန်ကြီးဌာနရုံးတွင်းမှတ်တမ်းများ၌ ဖော်ပြထားသည်။
ယင်းလုပ်ငန်းစဉ်အတွင်း တပ်ဖွဲ့ဝင်များ၏ တပ်ဖွဲ့ဝင်တစ်ဦးချင်းစီကို စိစစ်ပြီးနောက် တပ်မှထုတ်ပယ်ခံရမှုမှ ကင်းလွတ်ခွင့်ပေးသင့်၊မပေးသင့်ကို စဉ်းစားပေးမည်ဖြစ်ကြောင်း အမေရိကန်ကာကွယ်ရေးဝန်ကြီးဌာန ရုံးတွင်းမှတ်တမ်းများအရ သိရသည်။
ယခုလအစောပိုင်းကထုတ်ပြန်ခဲ့သော ကာကွယ်ရေးဝန်ကြီးဌာနရုံးတွင်း ညွှန်ကြားချက်တစ်ရပ်တွင်လည်း လက်နက်ကိုင်တပ်ဖွဲ့များ၌ လိင်ပြောင်းလဲထားသူများပါဝင်မှုကို ပိတ်ပင်ထားပြီး လက်ရှိတာဝန်ထမ်းဆောင်ဆဲတပ်ဖွဲ့ဝင်များအတွက် လိင်ခွဲစိတ်ပြောင်းလဲပေးမှုများကိုလည်း ရပ်တန့်ထားကြောင်း ဖော်ပြထားသည်။

သိုင်းကွက်တွေက ရန်သူမပြောနဲ့ သူ့ဟာသူတောင် မခံနိုင်ဘူး

ဟ

ငှက်ကလေး-မင်းလူ(Rating-5/6)

ကလေးရှိတဲ့မိဘတိုင်းဖတ်ထားသင့်တဲ့
စာအုပ်ကောင်းတစ်အုပ်ပါလို့ပြောပါရစေ💁
ဒီစာအုပ်ထဲမှာမိဘနှစ်ပါးအဆင်မပြေရာကနေ
စိတ်ဒဏ်ရာရလာတဲ့"ညီညီ"ဆိုတဲ့
ခြောက်တန်းကျောင်းသားလေးကိုတွေ့ရမှာပါ

မိဘမေတ္တာငတ်နေရှာတဲ့"ညီညီ"ကိုအဓိကဇာတ်ကောင်ထားပြီးခြောက်တန်းကလေးအရွယ်
နေရာကနေဆရာကြီးကဝင်ခံစားပြီး
ရေးထားပါတယ်🥀

တစ်အိမ်ထဲမှာနေနေပေမဲ့လည်းအမေနဲ့အဖေဟာ
တစ်ယောက်ကိုတစ်ယောက်စကားမပြောကြပါဘူး
ကလေးတိုင်းလိုချင်ကြတဲ့မိဘနှစ်ပါးရဲ့မေတ္တာလည်း"ညီညီ"အပြည့်အဝမရခဲ့ပါဘူး🥺

ငယ်စဉ်ကတည်းကမိဘတွေအကွဲအပြားနဲ့
ဆင်းဆင်းရဲရဲကြီးလာတဲ့အဖေဟာ
အေးစက်စက်နဲ့ဇနီးဖြစ်သူနဲ့သားရဲ့ခံစားချက်ကို
နားမလည်ပေးနိင်၊ငွေရှာဖို့ဘဲ
သူ့စိတ်ထဲမှာရှိနေတယ်

မိခင်ဖြစ်သူဟာလည်းကိုယ့်အပူနဲ့ကိုယ်ဆိုတော့
အချိန်တိုင်း သူမစိတ်အပန်းဖြေဖို့ရာ
တရားပွဲတွေသွားနေပြီး သားရဲ့ခံစားချက်ကို
မသိနားမလည်ခဲ့ပါဘူး

အသက်အရွယ်လေးနဲ့မလိုက်အောင်မိဘတွေရဲ့ဆက်ဆံရေးကိုနားမလည်နိုင်ဘဲအဖြေရှာနေမိတဲ့
"ညီညီ"တစ်ယောက်❤️‍🩹

ကျောင်းနေဖက်သူငယ်ချင်းတွေရဲ့မိဘတွေဆက်ဆံရေးကိုမြင်လာရပြန်ရင်လည်း"ညီညီ"တစ်ယောက်အားငယ်မိပြန်ပါသေးတယ်🥺

နောက်ပိုင်းရောမှန်စလို့အထိခိုက်မခံတဲ့
"ညီညီ"တို့မိသားစုလေးပြန်လည်
သင့်မြတ်သွားနိုင်မလားဆိုတာ
ဖတ်ကြည့်လိုက်ပါတော့နော်🥺❤️‍🩹

ကလေးတစ်ယောက်ရဲ့စိတ်ဒဏ်ရာတွေ၊မြိုသိပ်မှုတွေ၊သိလိုစိတ်တွေနဲ့ခံစားချက်တွေကို
ဖတ်ရင်းနားလည်ပေးနိုင်သွားတာမလို့
မိဘတိုင်းဖတ်ကြည့်သင့်တဲ့စာအုပ်ကောင်းတစ်အုပ်ပါဗျ💁

DEATH OF A UNICORN - Trailer 2 ဖြစ်ပါတယ်။ Jenna Ortega ပါဝင်ထားပြီး Will Poulter လည်းပါတယ်။ နောက်ပိုင်း သရုပ်ဆောင်တွေထဲ WP အတော်လေး ကောင်းလာတယ်။ A24 ကထုတ်တာဆိုတော့ ကြည့်ရမယ့်စာရင်းထဲ တို့ထားပြီ။

ဆရာကြီးတက္ကသိုလ်ဘုန်းနိုင် ရေးတဲ့ ဝတ္ထုအများစုဟာ ဘာဖြစ်လို့ အလွမ်းဝတ္ထုတွေ ဖြစ်နေတာလဲ ဆရာ?
(ဆရာကြီး) တက္ကသိုလ်ဘုန်းနိုင် ဖြေကြားမှု
ပေဖူးလွှာမဂ္ဂဇင်း
အမှတ် ၄၉ ၊ဇွန်လ-ဇူလိုင်လ၊ ၁၉၈၅ ခုနှစ်။
အလွမ်းဝတ္ထု ဘာကြောင့် ဖြစ်ရသလဲဆိုတော့ ဘဝနဲ့ပတ်သက်နေပါတယ်။ ကျွန်တော့်ဘဝက ရုန်းကုန်ခဲ့ရတာတွေ များတယ်။ နာကြည်းစရာတွေ အများကြီး တွေ့ခဲ့ရတယ်။ နာမည်ကျော် စာရေးဆရာ တက္ကသိုလ်ဘုန်းနိုင်၊ ကောလိပ်ကျောင်းအုပ်ကြီး ဘာညာ ဒါတွေ တွေ့တော့ ကျွန်တော့်ဘဝဟာ ရွှေဇွန်းကိုက်ပြီး ရာဇပလ္လင်ပေါ် ဖွားခဲ့သလား ထင်ကြလိမ့်မယ်။
ကျွန်တော့်ဘဝမှာ ရုန်းကန်ခဲ့ရတာတွေ အများကြီးပဲ။ ကျွန်တော့်ဖခင် တစ်နေရာရောက်နေတဲ့အချိန်၊အမေက အိပ်ယာပေါ်မှာ လိမ့်နေတာပဲ။ လက်ထဲမှာ ငွေလေး ၅ ကျပ်ပဲ ရှိတယ်။ သားသမီးငါးယောက် စားဖို့သောက်ဖို့ လက်ထဲမှာ ငွေငါးကျပ် ပဲ ရှိတယ်။ ဆွေလည်းမရှိဘူး၊ မျိုးလည်းမရှိဘူး။ အမေ့ရင်ထဲ ဘယ်လောက်မီးလောင်နေမလဲ။
မနက်ကျတော့ ကြံရာမရဖြစ်ပြီး အဲဒီငွေလေးငါးကျပ်ကို ရင်းပြီး ထမင်းသုပ်ရောင်းတယ်။ ကျွန်တော့်အစ်မကလည်း အပျိုပေါက်အရွယ်ဆိုတော့ ခိုင်းလို့မဖြစ်ဘူး။ ကျွန်တော်နဲ့အမေနဲ့ပဲ ထမင်းသုပ်ရောင်းခဲ့ရတယ်။ မုန့်ဟင်းခါးရောင်းခဲ့ရတယ်။ နေ့မှာတင်မဟုတ်ဘူး။ တစ်ကျပ် တစ်ပြားလေး မြတ်ဖို့အတွက် တောရွာ ရုပ်သေးတွေ ဘာတွေ ကတဲ့နေရာထိလိုက်ပြီး ညမှောင်မှောင်မှာ သားအမိနှစ်ယောက် စျေးရောင်းခဲ့ရတယ်။ ဒါမျိုးတွေ ကျွန်တော့်ဘဝမှာ ကြုံခဲ့ရတယ်။
ပြီးတော့ ကျွန်တော့်ဘဝက အကြောင်းကြောင်းကြောင့် မိဝေးဖဝေး ခဏခဏ နေခဲ့ရတယ်။ ကိုယ့်ခြေထောက်ပေါ် ကိုယ်ရပ်ပြီး သွားနေခဲ့ရတယ်။ ကျွန်တော့်ဘဝက မချောမွေ့ခဲ့ပါဘူး။ တော်တော်လေး ကြီးလာလို့ တက္ကသိုလ်တက်ရတော့လည်း ချို့ချို့ငဲ့ငဲ့ တက်ရတယ်။ မြင်းပွဲအလုပ်လုပ်ရတယ်။ ကျားကျောင်းမှာ ကျောင်းဆရာလုပ်ရတယ်။ တစ်ခါတလေ အလုပ်မရှိလို့ ကျောင်းငွေမသွင်းနိုင်ဘူး။ မိဘကလည်း အဲဒီအချိန်မှာ တော်တော်ယိုင်နေပြီ။ အမေက ချဉ်ပေါင်ရွက်စားပြီး ငါ့သား ကျောင်းထားပေးမယ်လို့ ပြောပါတယ်။ အမေ့ကျေးဇူးအလွန်ကြီးပါတယ်။ ကျွန်တော် မပြောရက်တော့ဘူး။ လိမ်ရတယ်။ အမေ ကျွန်တော် အလုပ်ရနေပြီ။ ပိုက်ဆံရှိပါတယ်။ မပို့ပါနဲ့တော့လို့ ပြောပြီး ဒီမှာ ကျွန်တော် ငတ်နေတယ်။ ၁၉၅၁ ခုနှစ်ကိုတော့ ကျွန်တော်မမေ့နိုင်ဘူး။ အဲဒီနှစ် ဇွန်၊ ဇူလိုင် နှစ်လ ရက်ခြောက်ဆယ်မှာ သူများတွေက တစ်နေ့ ထမင်း နှစ်နပ်စားရင် အနပ်ပေါင်း ၁၂၀ စားရမယ်။ ကျွန်တော် ၁၀ နပ်ပဲ စားခဲ့ရတယ်။ တစ်ဖက်က စာမေးပွဲဖြေနေတယ်။
ပေးပါကမ်းပါဆိုလည်း ပေးမယ့်သူမရှိဘူး။ ကူညီမယ့်သူမရှိဘူး။ ကိုယ့်ဘာသာကိုယ်ပဲ လုပ်ရတာ။ ဇွဲတော့ ကျွန်တော် မလျှော့ခဲ့ဘူး။ နောက်ပြီးတော့ ကျွန်တော် လူမှန်းသိတတ်စ လေးနှစ်သားလောက်ကစပြီး အဖေက ရာထူးတွေဘာတွေကျပြီး အလွန်ဆင်းရဲဒုက္ခရောက်ခဲ့ရတယ်။ ပြီးတော့ အငြင်းပယ်ခံခဲ့ရတယ်။ ကလေးဘဝမှာက ကလေးချင်းတောင် မတူခဲ့ရဘူး။ တန်းတူမရခဲ့ဘူး။ အဲဒီတော့ ဘဝကို ပြန်ကြည့်လိုက်ရင် စိတ်ဆင်းရဲစရာတွေရှိတယ်။ ကိုယ်ကိုယ်တိုင်က စိတ်ဆင်းရဲစရာတွေ တွေ့ခဲ့ဖူးတော့ အခု ကျွန်တော် အုပ်ချုပ်ရေးကိုင်ရတဲ့ လူကြီးတစ်ယောက်ဖြစ်လာတဲ့အချိန်မှာ အဲဒါဟာ ကျွန်တော့်ရဲ့ အားနည်းချက်ဖြစ်လာတယ်။ ဒါကြောင့် တစ်ခါတလေ ကျွန်တော်စာရေးဆရာပဲလုပ်ချင်တယ်။ အုပ်ချုပ်ရေးမကိုင်ချင်ဘူး။ ရာထူးမကြီးချင်ဘူး။ ဖြစ်လာရင် သနားတာကအရင်၊ အရေးယူဖို့က နောက်ကျကျနေတယ်။ ကျောင်းသားအပေါ်မှာလည်း ဒီလိုပဲ။ အုပ်ချုပ်ရေးသမားတစ်ယောက်အနေနဲ့ကြည့်ရင် ဒါ အလွန်အားနည်းတဲ့အချက် ဖြစ်နေတယ်။ လူတစ်ယောက်အနေနဲ့တော့ ဂုဏ်ယူပါတယ်။
ခင်ဗျားတို့က ကျွန်တော့်ကို အလွမ်းသန်တယ်လို့ပြောတယ်။ ကျွန်တော်ကတော့ လောကကို ကရုဏာပါပါနဲ့ ကြည့်တာပဲ။ အထူးသဖြင့် ကရုဏာသက်ဖွယ်ရှိတဲ့လူတွေအကြောင်းသာ ရေးလေ့ရှိတယ်။ ရေးမိတော့အလွမ်းတွေဖြစ်ကုန်တာပေါ့။ ဒါပေမယ့် ဆရာမကြီးဒေါ်ခင်မျိုးချစ်ရဲ့ မှတ်ချက်တစ်ခု ကျွန်တော်သတိထားမိတာရှိတယ်။ ကိုခင်မောင်တင့်က ကရုဏာတော့သန်ပါတယ်။ မုဒိတာလေးလည်း ပါတတ်တယ်တဲ့။ ကိုခင်မောင်တင့်ရဲ့ဝတ္ထုတွေ ဖတ်လိုက်ရင် မုဒိတာကို မြင်ရတယ်တဲ့။ ဒေါ်ခင်မျိုးချစ်က အဲဒီလိုပြောဖူးတယ်။ ဘာဖြစ်လို့ အဲဒီလို ပြောတာလဲဆိုတော့ ကျွန်တော့်ဝတ္ထုထဲမှာ ဘယ်လောက် ဒုက္ခရောက်ရောက်၊ ဘယ်လောက်ထိဆင်းရဲဆင်းရဲ၊ ကြိုးစားလို့အောင်မြင်သွားတာတွေ၊ မြင့်မြတ်လို့အောင်မြင်သွားတာတွေ၊ အဲဒါတွေကို ကျွန်တော် မြတ်မြတ်နိုးနိုး ထည့်ရေးတတ်တယ်။ ဆရာမကြီးက ဒါ့ကြောင့် ပြောတာပါ။
ပေဖူးလွှာမဂ္ဂဇင်း
အမှတ် ၄၉ ၊ဇွန်လ-ဇူလိုင်လ၊ ၁၉၈၅ ခုနှစ်။

Fight Club (1999) | Directed by David Fincher
စိတ်ရဲ့ တခြား တစ်ဖက်က ကောင်ကို လွှတ်ပေးကြည့်ဖူးလား။
ကျွန်တော်ကတော့ ခဏခဏ လွှတ်ပေးဖူးတယ်။ ဘာလို့လဲဆိုတော့ ကျွန်တော်က ရုံးသမားဆိုတော့ Pressure တွေ နေ့တိုင်း ပိနေတာရော၊ တစ်ခုဆိုးတာက တစ်ကိုယ်တည်းသမားလည်းဖြစ်တော့ ပိုပြီး အထီးကျန်ဆန်တာပါပဲ။
Fight Club ကြည့်ပြီးရင် ခင်ဗျားတို့လည်း စိတ်ရဲ့ မကောင်းတဲ့ ကောင်ကို လွှတ်ပေးတက်သွားပါမယ်။ ဒီဇာတ်ကားကြည့်ပြီး နောက်ပိုင်းတော့ ကျွန်တော် ပျော်ဖို့အတွက် ဘာမဆို လုပ်မိလာတာပါပဲ။
Fight Club ဆိုတဲ့ ဇာတ်ကားက စိတ်ဖိစီးမှုတွေများနေတဲ့ ဝန်ထမ်းတစ်ယောက် ညအိပ်မရလာတာတွေ များပြီး စိတ်ဖြေပေးတဲ့ အစီအစဥ်တွေ တစ်ခုပြီး တစ်ခုသွားရာကနေ နောက်တော့ စိတ်ပိုင်းဆိုင်ရာ ချို့ယွင်းပြီး စိတ်ရဲ့ မကောင်းတဲ့ သူနောက်တစ်ယောက်ပေါ်လာတဲ့အခါ Flight Club ဆိုတဲ့ ဂိုဏ်တွေနဲ့ မိုက်ကြေးခွဲပါတော့တယ်။
ကြည့်ဖူးတဲ့ ကားတွေထဲမှာ တော်တော်လေး သဘောကျစရာကောင်းသလို ဇာတ်လမ်းက ဘာဖြစ်လို့ ဖြစ်မှန်းမသိပဲ အရမ်းကို စဥ်းစားရတဲ့ထဲပါနေတဲ့ ဇာတ်ကားကောင်းတစ်ကားပါပဲ။