စမိုင်ချက်နည်း
အရမ်းကို လွယ်ကူတဲ့ စမိုင်ချက်နည်းလေး မျှ ဝေပေးပါမယ်နော်။
စမိုင်ချက်ရင် အဓိက ကလေ လှော်ထားတဲ့ စမိုင်ကို ထောပတ်လေးနဲ့ ရွှေရောင်သန်းလာအောင် ခဏမျှကြော်ပေးရင် မွှေးပျံ့နေတဲ့စမိုင်ကို ရမှာ ဖြစ်ပါတယ်။
ချက်နည်းလေး ပြောမယ်နော်။
ဒယ်အိုးထဲ ထောပတ်ထည့်ပါ။ အရည်ပျော်ရင် သစ်ဂျပိုးခေါက်နဲ့ ကရဝေးရွက် နဲ့ ဖာလာစေ့ လေးငါစေ့ခန့်၊ထည့်ပါ။ မွှေးလာရင် စမိုင်လှော်ထားတာကို ထည့်ပြီး မီးအေးအေးနဲ့ နှစ်မိနစ် သုံးမိနစ်ခန့် ရွှေရောင် သန်းတဲ့ထိကြော်ပေးပါနော်။
ချက်မယ့်အိုးထဲ ရေထည့်ပါ ။ ( အုန်းနို့ရည်၊နွားနို့ ထည့်မယ်ဆို ရေလျော့ထည့်ပြီး ၊ အုန်းနို့နှစ် (သို့မဟုတ်) နို့စိမ်းထည့်မယ်ဆိုရင် ရေပို ထည့်ပေးပါနော်။
ပွက်ပွက်ဆူလာရင် သာကူလက်တဆုပ်ခန့်ဆေးပြီး ထည့်ပါ ။ကျမက ၅ ယောက်စာ၊ တယောက်တခွက် စာ လောက်ပဲ ချက်လို့ပါ။
ပြီးရင် မိမိကြိုက်နှစ်သကရာ ( အုန့်နို့၊ နို့စိမ်း၊နွားနို့) ထည့်ပါ ။ သုံးမျိုးလုံး ထည့်ရင်တော့ ပိုစားကောင်းပါတယ်။
နွားနို့ထည့်ရင်တော့ ရေလျှော့ထည့်ပါနော်။သကြားထည့်ပါ။ ဆားအနည်းငယ် ထည့်ပါနော်။ သာကူစေ့ မျက်စိပျောက်ရင် ကြော်ထားတဲ့ စမိုင်လေးကို ထည့်ပါ။ မြေပဲလှော် မညက်တညက်ထောင်းထည့်ပါနော်။ ထည့်ပြီး မီးပိတ်ပြီး သီဟိုဠ်ဆံ နဲ့ စပျစ်ခြောက်လေး အုပ်ကာ စားသုံးနိုင်ပါပြီး ။
စမိုင်ချက်ရင် ရေကျဲကျဲချက်ပါရတယ်။
စမိုင်ကို စထည့်ကာစမှာ အရမ်းရေကျဲ နေပေမယ့် စမိုင်ဖက်ရေစုပ်တာမို့ အေးသွားရင် ပျစ်ခဲ သွားတတ်လို့ပါ။
ဒါလေး တချက်ကတော့ သတိထားရမယ့်အချက်ဖြစ်ပါတယ်ရှင့်။
ကျမဆို စမ်ိုင်ဖက် ငါးကျပ်သားလောက်ချက်တာ လူငါးယောက်စာ အချိုပွဲ လှလှ ငါးပန်းကန်လောက်ရပါတယ်။ အဝ စားမယ်ဆိုရင်တော့ မလောက်ပါဘူးနော်။
စမိုင်ချက်ရင် အုန်းနို့ များများ ၊ နို့စိမ်းများများ လေးနဲ့ ဆိမ့်ဆိမ့်လေးချက်မှ ပိုစားကောင်းတာပါ။ မိမိနှစ်သက်ပြီး စားနိုင်လောက်တဲ့အထိ အချိုကို သာ ထည့်ပါ။ အစိမ့် ကြိုက်သမားဆို အုန်းနို့ရော နို့စိမ်းပါထည့်ပါတယ်
+5
