ဇူကာဘတ်ဝတ်ခဲ့တဲ့ ဟူဒီ ဒေါ်လာ ၁၅၀၀၀ ကျော်နဲ့ လေလံတင်ရောင်းချ
made in indonesia စာသားပါ အနက်ရောင် ခေါင်းစွပ်ဟူဒီတစ်ထည်ကို မြမာငွေ သိန်း ၇၀၀ ကျော်နဲ့ လေလံတင်ရောင်းချနိုင်ခဲ့ပါတယ်။
Julien's လေလံရုံက အခု ဟူဒီကို ဒေါ်လာ ၁၀၀၀ နဲ့ ၂၀၀၀ ကြား ရဖို့ မျှော်လင့်ခဲ့တာပါ။ လေလံပွဲမှာတော့ ဒီအင်္ကျီကို လေလံဝင်ဆွဲသူ ၂၂ ဦး ရှိခဲ့ပြီး နောက်ဆုံး ၁၅၈၇၅ ဒေါ်လာနဲ့ လေလံအောင်သွားပါတယ်။၂၀၁၀ ခုနှစ်အတွင်းက အရေးကြီးတဲ့ အခမ်းအနားတွေမှာ ဇူကာဘတ် တောက်လျှောက်ဝတ်ခဲ့တဲ့ ဟူဒီ လို့ဆိုပါတယ်။ အဲ့ဒီနှစ်က ဆုတွေအများကြီးရသွားတဲ့ ဇူကာဘတ် အတ္ထုပ္ပတ္တိရုပ်ရှင် The Social Network ရုံတင်ခဲ့သလို Time Magazine မျက်နှာဖုံးမှာ ဇူကာဘတ်ကို Person of The Year ဖော်ပြခဲ့တဲ့နှစ်ပါ။
အခုအင်္ကျီနဲ့အတူ ဇူကာဘတ်လက်ရေးနဲ့ စာတစ်စောင်လည်း ထည့်ပေးထားပါတယ်။ စာထဲမှာ "ဒါက ကျွန်တော့်ရဲ့ အကြိုက်ဆုံး old-school Facebook ဟူဒီဖြစ်ပြီး အစောပိုင်းနှစ်တွေတုန်းက တောက်လျှောက်ဝတ်ခဲ့ပါ။ အတွင်းလိုင်နာထဲမှာ ကျွန်တော်တို့ရဲ့ မူလမစ်ရှင်အကြောင်း ထုတ်ပြန်ချက်တောင် ပါပါတယ်။ ပျော်ရွှင်ပါစေ - မတ်ခ်ဇူကာဘတ်" လို့ ရေးထားပါတယ်။
