သက်ပြင်းတွေ ခပ်ဖွဖွချရင်း
အရင်တုန်းကဆိုရင်လေဆိုပြီး
အရင်လိုပြန်မဖြစ်နိုင်တော့တာတွေကို
ပြန်လွမ်းနေရတာက နာကျင်စရာပါပဲ ။
#စာတို

မြန်မာ-ရုရှားနှစ်နိုင်ငံ ကာကွယ်ရေးပိုင်းဆိုင်ရာများနှင့်အခြားကဏ္ဍများအတွက် ပူးပေါင်းဆောင်ရွက်မှုများ တိုးမြှင့်နိုင်ရန်ဆွေးနွေး
********************
(ပြည်တွင်း) မတ်လ ၂၁
နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်က မြန်မာနိုင်ငံဆိုင်ရာ ရုရှားနိုင်ငံသံ အမတ်ကြီး H.E. Mr. Iskander Azizov ကို မတ်လ ၂၀ ရက်နံနက်ပိုင်းက နေပြည်တော်ရှိ နစကဥက္ကဋ္ဌရုံးမှာ ဧည့်ခန်းမဆောင်မှာ လက်ခံတွေ့ဆုံခဲ့ပြီး မြန်မာ-ရုရှားနှစ်နိုင်ငံ ကာကွယ်ရေးပိုင်းဆိုင်ရာများနှင့် အခြားကဏ္ဍပေါင်းစုံမှာ ပူးပေါင်းဆောင်ရွက်မှုများ ဆက်လက်တိုးမြှင့်ရန် ဆွေးနွေးခဲ့တယ်လို့ သိရပါတယ်။

တွေ့ဆုံစဥ် မြန်မာ-ရုရှားနှစ်နိုင်ငံလွှတ်တော်များကြား ပူးပေါင်းဆောင်ရွက်မှုများ တိုးမြှင့်ဆောင်ရွက်သွားမယ့် အခြေအနေများနှင့် ရုရှားနိုင်ငံလွှတ်တော်များသို့ လေ့လာရေးအဖွဲ့များစေလွှတ် သွားမယ့် အခြေအနေများကို ဆွေးနွေးခဲ့ ကြကြောင်း သိရပါတယ်။

ဒါ့အပြင် ကာကွယ်ရေးပိုင်းဆိုင်ရာများ၊ လူသားချင်းစာနာထောက်ထားမှုဆိုင်ရာများနှင့် အခြားကဏ္ဍပေါင်းစုံ၌ ပူးပေါင်းဆောင်ရွက်မှုများဆက်လက်တိုးမြှင့်သွားရေးနှင့် နှစ်နိုင်ငံကြားချစ်ကြည်ရေး ခရီးစဉ်များ အပြန်အလှန် လည်ပတ်ရေးတို့ကို ဆွေးနွေးခဲ့ကြကြောင်း သိရပါတယ်။

ဆက်လက်ပြီး နစကဥက္ကဋ္ဌ၏ ရုရှားနိုင်ငံသို့သွားရောက်ခဲ့သည့် နိုင်ငံတော်အဆင့် ချစ်ကြည်ရေးခရီးစဉ်အတွင်း နှစ်နိုင်ငံကြားချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်အောင် ဆောင်ရွက်နိုင်ခဲ့မှုကြောင့် အောင်မြင်တဲ့ခရီးစဉ်ဖြစ်ခဲ့မှု၊ ချစ်ကြည်ရေးခရီးစဉ်အတွင်းရရှိခဲ့တဲ့ သဘောတူညီချက်များကို ဆက်လက်အကောင်အထည် ဖော်ဆောင်ရွက်လျက်ရှိမှုနှင့် ဆွေးနွေးရန် ကျန်ရှိတဲ့အချက်များကို ဆက်လက်ဆွေးနွေး အကောင်အထည်ဖော် ဆောင်ရွက်သွားမည့် အခြေအနေများကိုလည်း ဆွေးနွေးခဲ့ကြကြောင်း သိရပါတယ်။

နိုင်အာဂါရာရေတံခွန်ကို စည်ပိုင်းနဲ့ ကျော်ဖြတ်ခဲ့တဲ့ အဘွားအို
Annie Edson Taylor ဆိုတာ နိုင်အာဂါရာရေတံခွန်ကို စည်ပိုင်းထဲမှာထည့်ပြီး ကျော်ဖြတ်ခဲ့တဲ့ ပထမဆုံးပုဂ္ဂိုလ် ဖြစ်ပါတယ်။
သူမကို ၁၈၃၈ ခုနှစ် အောက်တိုဘာလ ၂၄ ရက်နေ့မှာ မွေးဖွားခဲ့ပြီး အသက် ၆၃ နှစ်မွေးနေ့မှာ ဒီစွန့်စားခန်းကို လုပ်ဆောင်ခဲ့တာ ဖြစ်ပါတယ်။
အန်နီဟာ ဆရာမတစ်ယောက်အဖြစ် အလုပ်လုပ်ခဲ့ပေမယ့် အသက်ကြီးလာတဲ့အခါ ငွေကြေးအခက်အခဲနဲ့ ရင်ဆိုင်ခဲ့ရပါတယ်။
ဒါကြောင့် သူမဟာ ကမ္ဘာကျော်လာပြီး ချမ်းသာလာအောင် နိုင်အာဂါရာရေတံခွန်ကို စည်ပိုင်းနဲ့ ကျော်ဖြတ်ဖို့ ဆုံးဖြတ်ခဲ့တာ ဖြစ်ပါတယ်။
၁၉၀၁ ခုနှစ် အောက်တိုဘာလ ၂၄ ရက်နေ့ (သူမရဲ့ ၆၃ နှစ်မြောက် မွေးနေ့) မှာ အန်နီဟာ အထူးပြုလုပ်ထားတဲ့ သံစည်ပိုင်းထဲမှာ ဝင်ထိုင်ပြီး နိုင်အာဂါရာရေတံခွန်ကို ကျော်ဖြတ်ခဲ့ပါတယ်။
ဒီစည်ပိုင်းကို အလျား ၄.၅ ပေ နဲ့ အချင်း ၃ ပေ ရှိအောင် အထူးပြုလုပ်ခဲ့ပြီး အတွင်းပိုင်းမှာ လေအိတ်တွေနဲ့ ဖြည့်ထားပါတယ်။
အန်နီဟာ စည်ပိုင်းထဲမှာ ၁၇၀ ပေ (၅၂ မီတာ) အမြင့်ကနေ ရေတံခွန်အောက်ထိ ၂၀ မိနစ်ကြာ ကျဆင်းခဲ့ပြီး ဒဏ်ရာအနည်းငယ်သာ ရရှိခဲ့ပါတယ်။
ဒီစွန့်စားခန်းအပြီးမှာ သူမက "ဘယ်သူမှ ထပ်မလုပ်သင့်ဘူး" လို့ ပြောခဲ့ပါတယ်။
အန်နီဟာ ဒီစွန့်စားခန်းကနေ ကျော်ကြားလာခဲ့ပေမယ့် မျှော်လင့်သလောက် ချမ်းသာမလာခဲ့ပါဘူး။ သူမရဲ့ မန်နေဂျာက စည်ပိုင်းနဲ့အတူ ပိုက်ဆံတွေယူပြီး ထွက်ပြေးသွားခဲ့တာကြောင့် စုံထောက်တွေငှားရမ်းခဲ့ရတဲ့အတွက် မူလကထက် ပိုမို ချွတ်ခြုံကျသွားခဲ့ပါတယ်။
အန်နီ အက်ဆန် တေလာဟာ ၁၉၂၁ ခုနှစ် ဧပြီလ ၂၉ ရက်နေ့မှာ အသက် ၈၂ နှစ်အရွယ်မှာ ဆင်းရဲနွမ်းပါးစွာ ကွယ်လွန်ခဲ့ပါတယ်။
သူမရဲ့ သင်္ချိုင်းဂူမှာ "နိုင်အာဂါရာရေတံခွန်ကို စည်ပိုင်းနဲ့ ကျော်ဖြတ်ခဲ့တဲ့ ပထမဆုံးလူသား" လို့ ရေးထိုးထားပါတယ်။

နောက်တခု, Hyaluronic acid ရဲ့အားသာချက်က သူ့ကို ခန္ဓာကိုယ်ထဲမှာ naturally occurring compound တခုအနေနဲ့ တွေ့ရတာမလို့ သူ့သုံးလို့မတည့်မှာမျိုး မပူရဘူး💖 လူတိုင်းတော့မဟုတ်ပေမဲ့ 99% ပေါ့နော်။

များသောအားဖြင့် Nyi တို့ skincare တခုသုံးကြည့်တဲ့အခါ ကိုယ်နဲ့မတည့်ဘူးဆိုရင် အချက် 3ခုဖြစ်နိုင်တယ်။

1. ပါဝင်ပစ္စည်းတခုခုနဲ့ ဓာတ်မတည့်လို့ဖြစ်တဲ့ Allergic reaction လား?
2.ဒါမှမဟုတ် ကိုယ်သုံးလိုက်တဲ့ပစ္စည်းရဲ့ပြင်းအားကို မျက်နှာကမခံနိုင်လို့ / မတွဲသင့်တဲ့ပစ္စည်း 2ခုကို တွဲသုံးလိုက်လို့ရတဲ့ Irritation လား?
3. မဟုတ်ရင် Pore-clog ဖြစ်တာလား?

အဲ့ 3ချက်ထဲမှာ hyaluronic acid နဲ့ပတ်သက်ပြီး သေချာတာကတော့ hyaluronic acid က ခန္ဓာကိုယ်ထဲမှာ သဘာဝအတိုင်းဖြစ်တည်ပြီးသားမလို့ Allergic ဖြစ်တာတော့ မဟုတ်ဘူးဆိုတာပဲ📌 အ‌ပေါ်မှာပြောခဲ့သလို လူအများစုပေါ့နော်, မွေးရာပါ ရှားရှားပါးပါးရောဂါအခံရှိရင်တော့ မပြောတတ်ဘူး။

ဆိုတော့ ကိုယ်က hyaluronic acid ပါတဲ့ skincare တခုသုံးလို့ အဖုထွက်တယ်ဆိုရင် နောက်က 2ချက်ကို စဉ်းစားဖို့လိုမယ်, Irritation ရတာလား? Pore-clog ဖြစ်တာလား? ရှင်းပါတယ်, ကိုယ်သုံးတဲ့ product ကိုပြန်ကြည့်လိုက်ပေါ့။ ကိုယ့်မျက်နှာက အဆီပြန်ပြီး ချွေးပေါက်ပိတ်လွယ်တယ်, ကိုယ်ကလဲ texture ပျစ်တဲ့ hyaluronic acid cream မျိုးလိမ်းမိတယ်, ဒါမှမဟုတ်လဲ, hyaluronic acid ကြောင့်ကိုမဟုတ်ဘဲ ကိုယ့်ရဲ့ routine ကကို ကိုယ့်မျက်နှာအတွက် too much to handle ဖြစ်နေရင်လဲ pore clog ဖြစ်မှာပဲ🤷 အဲ့ဒါကတော့ ကိုယ့်ဘာကိုယ်ပြန်စဉ်းစားသုံးသပ်ပေါ့နော်။

နောက်တချက်က hyaluronic acid ကြောင့်ရတဲ့ irritation, နဲနဲတော့ ဒွိဟဖြစ်စရာပဲပေါ့နော်။ Hyaluronic acid ကလူတိုင်းကကို safe ဖြစ်တယ်ဆိုပြီး ပြောကြတဲ့ skincare ingredient တခုဆိုတော့လေ။ သူနဲ့တွဲသုံးလို့မရတဲ့ ပါဝင်ပစ္စည်းဆိုတာ မရှိသလောက်ပဲ, နာမည်ကြီး niacinamide နဲ့လဲ တွဲလို့ရတယ်, exfoliating acids AHA BHA တွေနဲ့လဲ တွဲလို့ဖြစ်တော့ သူ့ကြောင့်ဘယ်လို irritation ရမလဲ? ပြောရရင် အရမ်း sensitive ဖြစ်တတ်တဲ့သူတွေ ထည့်သွင်းစဉ်းစားရမယ့် အချက်တခုပေါ့🌿 ဘာလဲဆိုရင် hyaluronic acid က သူ့နဲ့အတူတွဲသုံးတဲ့ skincare တွေရဲ့ penetration ကိုကောင်းစေတယ်ဆိုတာပဲ။

ကိုယ်သုံးတဲ့ထဲမှာပါတဲ့ hyaluronic acid ရဲ့ molecular size သေးလေ, အသားအတွင်းထဲ စိမ့်ဝင်လေလို့ မှတ်ယူလို့ရတယ်။ အဲ့ဒါကြောင့်မလို့ hyaluronic acid ကဘာနဲ့မဆိုတွဲသုံးနိုင်အောင် safe ဖြစ်တယ်ဆိုပေမဲ့ ကိုယ့်အသားအ‌ရေက အရမ်းအရမ်းကို sensitive ဖြစ်တယ်, နောက်ပြီး hyaluronic acid ကို exfoliating product / retinol, တခုခုနဲ့တွဲသုံးပြီး skin irritation ရသလိုမျိုးကြုံရတယ်ဆိုရင် ဒီအချက်ကြောင့်ပဲ အဓိကဖြစ်လိမ့်မယ်။ Exfoliating effect ရှိတဲ့ ingredients တွေကိုလိမ်းတဲ့အခါ irritating မဖြစ်အောင် skin completely dry ဖြစ်မှလိမ်းခိုင်းတယ်လေ။ 🔑ခု hyaluronic acid နဲ့တွဲသုံးတဲ့အခါ hyaluronic acid က အဲ့ဒီ exfoliating ingredient ကို skin ရဲ့ deeper level ထိအတူခေါ်သွားလို့ irritation ရတာပေါ့နော်။

ဒါပေမဲ့လဲ ရှားပါတယ်, အရမ်းအရမ်း sensitive ဖြစ်မှပဲ အဲ့လိုမျိုးကြုံနိုင်လို့ တော်ရုံကြောက်ဖို့မလိုဘူးနော်။ လူတော်တော်များများက hyaluronic acid ပါတာသုံးပြီး အဖုထွက်ရင် ကိုယ်နဲ့မတည့်ဘူးလို့ပဲ ယူဆကြလွန်းလို့ ပြောပြရတာပါ။ ခုချိန်မှာ hyaluronic acid မပါတဲ့ skincare မျိုးကျ တော်တော်လေးကို ရှားတယ်လေနော်။ တော်ကြာ hyaluronic acid မပါတဲ့ skincare ရှာရင်း ခေါင်းမီးတောက်နေမစိုးလို့😜

#crd
#skincarereview

တကယ်ရင်ထဲရှိသွားရင်လေ
ဘယ်လောက်ပဲ ပြဿနာတွေတက်တက်
ဘယ်လိုပဲ စိတ်ရှုပ်စရာတွေရှိရှိ
အပြစ်တွေမြင်မိလည်း ခဏပဲ
ပြီးရင် ကိုယ်ကပဲစပြီးခွင့်လွှတ်ချင်တယ်
ကိုယ်ကပဲစပြီး ပြန်ခေါ်ချင်တယ်
စိတ်တွေလေးပြီး နှုတ်ဆိတ်နေလည်း
ဘာတွေလုပ်နေမလဲ သိချင်တယ်

သွေးပူတုန်းခဏပါပဲ
အကြိမ်ကြိမ် အဆင်မပြေလည်း
အကြိမ်ကြိမ် အဲ့ဒီလူအနားမှာပဲနေချင်တယ် ။

👴👵 အိုလာရင် ဘာတွေပြင်ဆင်ထားရမလဲ။
၁။ အိုဖေါ် (လင်အိုမယားအို)
၂။ အိုသိုက် (နေအိမ်)
၃။ အိုစာ (ငွေကြေး)
၄။ အိုရေး (ကျန်းမာရေး)
၅။ အိုစိတ် (စိတ်နေစိတ်ထား)
ကျွန်တော်တို့အားလုံး အိုရမဲ့လူတွေချည်းပါ။
ခုမအိုသေးပေမဲ့ ဖတ်ထားရင် ကိုယ့်အတွက် ကာကွယ်ဖို့ပြင်ဆင်ချိန်ရသလို၊ ကိုယ့် မိဘတွေအတွက် ဆန်းစစ်ဆင်ခြင်လို့ ရနိုင်ပါတယ်။
အကြံလည်းပေးလို့ရတာပေါ့။
အိုလာရင် ဘာတွေပြင်ဆင်ထားသင့်သလဲ။
ဘာသာရေး ရှုထောင့်ကနေမဟုတ်ပဲ လက်တွေ့ ဘ၀ရှုထောင့်ကနေ ဆွေးနွေးကြည့်ရအောင် . . .
၁။ အိုဖေါ် ~ လင်အိုမယားအို မေတ္တာကောင်းမွန်နေဖို့လိုပါတယ်။
အရင်တုန်းက ချစ်ခဲ့ကြပေမဲ့ အသက်ကြီးလာတော့ တစ်ယောက်မျက်နှာ တစ်ယောက်ကြည့်မရတာမျိုး မဖြစ်သင့်ဘူး။
ယော့က်ျားက သားဘက်၊ မိန်းမက သမီးဘက် ပိုရပ်တည်တာမျိုး မဖြစ်ရဘူး။
ငယ်ရွယ်တုန်းက လင်မယားဆိုပေမဲ့
အိုလာရင် အဖေါ်မွန်ဖြစ်ဖို့၊ ရပ်တည်ချက်တူညီဖို့ အလွန်အရေးကြီးပါတယ်။
ငယ်ငယ်တုန်းကတော့ ယောက်ျားက ပိုက်ဆံရှာ၊ ယောက်ျား အင်အားကောင်းတော့ အပြင်မှာ ပွေချင်တိုင်းပွေ၊ သောက်စားချင်တိုင်း သောက်စား၊ အိမ်ကမိန်းမကို ခိုင်းဖတ်လိုသဘောထားပြီး အော်လိုက်ငေါက်လိုက်လုပ်တဲ့ ယောက်ျားမျိုးဟာ အိမ်ထောင်သက် အနှစ် (၂၀) နောက်ပိုင်းမှာ သားသမီးတွေ ကြီးလာရင် သားသမီးများက အမေဘက်က ရပ်တည်တာ ခပ်များများဆိုတော့ အရင်က ခံခဲ့သမျှ ပြန်ဆပ်ရတတ်တယ်။
ဒါကြောင့် ကိုယ်အသက်ကြီးတဲ့အခါ ကိုယ့်မိန်းမက ကိုယ့်ကို တကယ်ကောင်းစေချင်ရင် ကိုယ်က သူတို့အပေါ် အရင်ကောင်းထားရတယ်။
၂။ အိုသိုက် ~ နေဖို့ထိုင်ဖို့ အိမ်တစ်လုံး ရှိထားဖို့လိုပါတယ်။ အဲဒီအိမ်ကိုလည်း မသေမချင်း ထိန်းထားဖို့လိုပါလိမ့်မယ်။ ကိုယ်က မကြာမီသေတော့မယ်ဆိုပြီး စောစောစီးစီးထုခွဲပြီး အမွေ ခွဲမပေးလိုက်နဲ့၊ ကိုယ်နေဖို့ပျောက်သွားနိုင်တယ်။ မပျောက်သွားတာတောင်မှ သားသမီးမျက်နှာ (သို့) ချွေးမနဲ့ သမက်မျက်နှာကြည့်ပြီး အသက်ရှင်ရတာ မတန်ဘူး။
၃။ အိုစာ ~ အိုစာမင်းစာကို ဆိုလိုပါတယ်။ ရွှေဖြစ်ဖြစ်၊ ပိုက်ဆံဖြစ်ဖြစ် ကိုယ့်အတွက် ကိုယ်ချန်ထားရတယ်။ သားသမီး စီးပွားရေးလုပ်ဖို့ အရင်းအနှီး မရှိဘူးဆိုပြီး အကုန်ထုတ်မပေးလိုက်နဲ့၊ အားလုံးပေးလိုက်ရင် အိမ်ကဆင်းသွားရနိုင်တယ်။ အချစ်ရဲ့သဘာ၀ဟာ နောင်မျိုးဆက်ကိုပဲ ဆင့်ပွားပါတယ်။ သားသမီးကို ချစ်တယ်ဆိုတာ သတ္တဝါတိုင်းရဲ့ မွေးရာပါ သဘာဝဖြစ်ပါတယ်။
မိဘကိုရိုသေတယ်ဆိုတာ ဘာသာရေးအဆုံးအမနဲ့ သွန်သင်ယူရတယ်။ မွေးမြူ ယူရပါတယ်။ အဲဒါကြောင့် မသေချာတတ်ဘူး။ မိဘများဟာ သားသမီး (၁၀) ယောက်ကို 'အပြုံးမပျက်' ကျွေးမွေးနိုင်ပေမဲ့ သားသမီး (၁၀) ယောက်ဟာ မိဘနှစ်ပါးကို 'စူပုတ်လောက်အောင်' ကျွေးမွေးရတယ် ဆိုတဲ့ စကားပုံတစ်ခုကို ကြားဖူးပါတယ်။ ဒါကြောင့် မအိုသေးခင်မှာ ကိုယ့်အတွက် အိုစာချန်ပါ။
၄။ အိုရေး ~ အိုတဲ့အခါမှာ ရှိတဲ့ကျန်းမာရေးကို အတိုကောက်ရေးလိုက်တာပါ။ အိုလာရင် ကိုယ့်ကျန်းမာရေးကို ကိုယ်ဂရုစိုက်ရတယ်။ မနက်တိုင်းလမ်းလျှောက်တာမျိုး
အဖွဲ့လိုက်လေ့ကျင့်ခန်းလုပ်တာမျိုး ပါ၀င်သင့်ပါတယ်။ ကောင်းကောင်းမလျှောက်နိုင်ရင်လည်း လှုပ်ရှားနိုင်သမျှ အတတ်နိုင်ဆုံး ကိုယ်လက်လှုပ်ရှား ပေးသင့်ပါတယ်။
ကိုယ့်ရဲ့ ကျန်းမာရေးကောင်းမွန်ခြင်းဟာ ကိုယ့်အတွက်သာမဟုတ် သားသမီးများအတွက်ပါ လာဘ်တစ်ပါးဖြစ်ပါတယ်။ သူတို့တွေ ကိုယ့်အတွက် သိပ်မပူရရင် သူတို့အလုပ်ကို ကောင်းကောင်းမွန်မွန် လုပ်လို့ရတာပေါ့။
၅။ အိုစိတ် ~ အိုလာရင် စိတ်နေစိတ်ထား မှန်မှန်ကန်ကန် ထားတတ်ဖို့လိုပါတယ်။
ကိုယ်အသုံးမကျတော့ဘူးဆိုပြီး မသိမ်ငယ်သင့်ပါဘူး။ သေခြင်းတရားကို တွေးတောပြီး ကြောက်မနေသင့်ပါဘူး။ မမေ့မလျော့ နေထိုင်သင့်ပါတယ်။ တစ်ရက်အသက်ရှင်ရင် တစ်ရက်အမြတ်ပဲ၊ တန်အောင်အသက်ရှင်ရမယ်ဆိုတဲ့ စိတ်မျိုးမွေးမြူ ရပါမယ်။ ကျန်းမာရေးအဆင်ပြေရင် အလှူပွဲတွေ၊ ကူညီမူ ၊ လှုပ်ရှားမူတွေ ၊ ဘာသာရေးပွဲတွေ ကိုယ်တတ်နိုင်တဲ့ဘက်ကနေ ပါ၀င်လှုပ်ရှားသင့်ပါတယ်။ စိတ်ဓါတ်ရွှင်လန်းပြီး သန့်သန့် ပြန့်ပြန့် နေထိုင်သင့်ပါတယ်။
အားလုံးကျန်းမာကြပါစေ။

မြန်မာ့ပထမဆုံး မြေအောက်လမ်းကူးဥမင်(1990-1991)
မန္တလေးမြို့ ဈေးချိုအနီးတွင် ၂၆လမ်းကိုဖြတ်ကူးရန်တည်ဆောက်ခဲ့သည်။ #first_underpass #underground #zegyo #mandalay #burma #colorized

#crd

缅甸农村 အုန်းတွဲရွာ

缅甸农村 အုန်းတွဲရွာ

缅甸农村 အုန်းတွဲရွာ