ကမ္ဘာစစ်မဖြစ်အောင်တော့ သတိထားနေကြတာပဲ။ ဒါပေမယ့် စစ်ပွဲတွေက တိုးတိုးလာနေတာကိုတော့တွေ့နေရတယ်။

ယူကရိန်းအရှေ့ပိုင်းက နီပရိုမြို့ကို မနေ့က တိုက်ခိုက်ခဲ့တာနဲ့ပတ်သက်လို့ ရုရှားသမ္မတဗလာဒီမီယာပူတင်က ထွက်ပြောလိုက်ပါပြီ။

ရုရှားနိုင်ငံထဲက ပစ်မှတ်တွေကို အမေရိကန်နဲ့ ယူကေလုပ် တာဝေးပစ်လက်နက်တွေနဲ့ ယူကရိန်းက ပစ်ခဲ့တာကို တုံ့ပြန်တဲ့ အနေနဲ့ နီပရိုမြို့ကို တိုက်ခိုက်ခဲ့တာဖြစ်ပြီး ယူကရိန်းစစ်ပွဲကာလအတွင်း တိုက်ချင်းပစ် ဒုံးကျည်တွေ ရုရှားက ပထမဆုံးသုံးခဲ့လို့ တကမ္ဘာလုံး အုတ်သော်သောင်းနင်းဖြစ်ခဲ့ပါတယ်။

ယူကရိန်းကို လက်နက်တွေ အသုံးပြုခွင့်ပေးခဲ့တဲ့ နိုင်ငံတွေရဲ့ စစ်ဘက်ဆိုင်ရာအဆောက်အအုံတွေကို ရုရှားက တိုက်ခိုက်လာနိုင်တယ်လို့ ပူတင်က ပြောပါတယ်။

အိုရက်ရှနစ်လို့ လျှို့ဝှက်နာမည်ပေးထားတဲ့ သာမန် တာလတ်ပစ် ဒုံးကျည်နဲ့ ပစ်ခတ်ခဲ့တာ ဖြစ်ပြီး ဒုံးကျည်ဟာ တစ်စက္ကန့်ကို ၂ ဒသမ ၅ ကီလိုမီတာ အမြန်နှုန်းရှိတယ်လို့ သူက ပြောပါတယ်။

‘’ရုရှားဟာ ဘယ်အခြေအနေအတွက်မဆို အသင့်ရှိပါတယ်၊ ဒါကို သံသယမရှိသင့်ဘူး၊ တုံ့ပြန်မှုတစ်ခု အမြဲရှိနေမှာပါ’’ လို့ ပူတင်က ပြောပါတယ်။
BBC

မြန်မာနိုင်ငံရိုးရာလက်ဝှေ့အဖွဲ့ချုပ်၏ ခုံဒိုင်ချုပ်ဦးဒေါင်းနီ ယနေ့ ကွယ်လွန်

နိုဝင်ဘာ ၂၂

မြန်မာနိုင်ငံရိုးရာလက်ဝှေ့အဖွဲ့ချုပ်၏ ခုံဒိုင်ချုပ်ဦးဒေါင်းနီ ယနေ့နံနက်ပိုင်းတွင် ကွယ်လွန်ခဲ့ပြီဖြစ်သည်။

မြန်မာနိုင်ငံရိုးရာလက်ဝှေ့အဖွဲ့ချုပ်၏ ဒိုင်ချုပ် ဦးတင်စိုး(ခ) ဦးဒေါင်းနီ အသက် (၇၃) နှစ်သည် ယနေ့ နိုဝင်ဘာ ၂၂ ရက် နံနက် ၉ နာရီ မိနစ်၂၀ တွင် ကွယ်လွန်အနိစ္စရောက်သွားပါသဖြင့် မြန်မာနိုင်ငံရိုးရာလက်ဝှေ့အဖွဲ့ချုပ်အနေဖြင့် မိသားစုနှင့် ထပ်တူဝမ်းနည်းရကြောင်းလည်း မြန်မာနိုင်ငံရိုးရာလက်ဝှေ့အဖွဲ့ချုပ်က ထုတ်ပြန်ထားသည်။

ခုံဒိုင်ချုပ်ဖြစ်သလို လက်ဝှေ့ကျော်လည်းဖြစ်ခဲ့ဖူးပြီးအသက်အရွယ်ကြီးရင့်လာသော ဦးဒေါင်းနီသည် ယနေ့နံနက်ပိုင်းက ရန်ကုန်ဆေးရုံကြီး အထူးကြပ်မတ်ကုသဆောင်တွင် ကွယ်လွန်ခဲ့ခြင်းဖြစ်ကာ ကွယ်လွန်သူ ဦးဒေါင်းနီ၏ ရုပ်အလောင်းကိုမူ လာမည့် နိုဝင်ဘာ ၂၄ ရက် နေ့လယ် ၂ နာရီအချိန်တွင် ရေဝေးသုသာန်၌ သင်္ဂြိုမည်ဖြစ်သည်။

#centralnewsnaypyitaw

မမြင်ရဘူးမှတ်လား ..😹

ယောက်ျားတစ်ယောက်ကို ငွေကြောင့်ချစ်မသွားနိုင်ဘူး ။ ငွေကြောင့်လဲ လိုအပ်မိမှာမဟုတ်ဘူး ။

အကြင်နာစစ်ရင် ကိုယ်ကပန်းကလေးတစ်ပွင့်တည်းဆိုလဲ လက်ခံမှာ ၊ စကားလဲ တခွန်းတည်းဆိုလဲ ချစ်မိမှာပဲ ။

ပင်ပန်းနေတဲ့အချိန် ပုခုံးတဖက်မှီလို့ရတာနဲ့တင် ဘာဆိုဘာမှ မတောင်းတမိပါဘူး ။

အဲ့ဒါကြောင့် လူတယောက်ကိုရွေးရင်တော့ သူ့နှလုံးသားကိုပဲ ဦးစားပေးကြည့်မယ် ။
တကယ်မြတ်နိုးရင် ကျန်တဲ့လုပ်ရပ်အားလုံးဟာ အလိုလိုဖြစ်လာတာပါပဲ။

💭 || 22.11.2024

ယူကရိန်းနှင့် ဂါဇာပဋိပက္ခများ အဆုံးသတ်ရန် တရုတ်သမ္မတတိုက်တွန်း

နိုဝင်ဘာ ၂၂

တရုတ်သမ္မတ ရှီကျင့်ဖျင် (Xi Jinping) သည် ဘရာဇီးvfနိုင်ငံသို့ သွားရောက်သည့် ခရီးစဉ်အတွင်း ယူကရိန်းစစ်ပွဲ အဆုံးသတ်ရန်နှင့် ဂါဇာတွင် အပစ်အခတ်ရပ်စဲရန် တိုက်တွန်းမှုများ ပိုမိုလိုအပ်ကြောင်း ပြောကြားခဲ့သည်ဟု NDTV မှ ဖော်ပြခဲ့သည်။

ဘရာဇီးလ်နိုင်ငံ၊ ဘရာစီလီယာ (Brasilia) မြို့တော်သို့ ရောက်ရှိလာသည့် ရှီကို ဘရာဇီးလ်သမ္မတ လူလာ ဒါဆေးလ်ဗား (Luiz Inacio Lula da Silva) က ကော်ဇောနီဖြင့် ကြိုဆိုခဲ့ပြီး ရှီနှင့် တွေ့ဆုံဆွေးနွေးခဲ့သည်ဟု တရုတ်နိုင်ငံပိုင် ဆင်ဟွာသတင်းအေဂျင်စီက ဖော်ပြခဲ့သည်။

၎င်းတို့ ၂ ဦးသည် ယူကရိန်းငြိမ်းချမ်းရေးအတွက် အဆိုပြုထားသည့် ပူးတွဲလမ်းပြမြေပုံ၏ အရေးကြီးပုံကိုလည်း အလေးထား ဆွေးနွေးခဲ့ကြသည်။

လက်နက်ကိုင်ပဋိပက္ခများ၊ နိုင်ငံရေး အကျပ်အတည်းများဖြင့် ပြည့်နှက်နေသည့် ကမ္ဘာကြီးတွင် တရုတ်နှင့်ရုရှား သည် ငြိမ်းချမ်းရေး၊ သံတမန်ရေးနှင့် ဆွေးနွေးညှိနှိုင်းရေးများကို ရှေ့တန်းတင်ထားကြောင်း လူလာက ပြောကြား ခဲ့သည်။

ရှီကလည်း ယူကရိန်း အကျပ်အတည်းကို နိုင်ငံရေးအရ အဖြေရှာပြီး ငြိမ်းချမ်းရေးယူရန်၊ ဂါဇာတွင် အပစ်အခတ် ရပ်စဲရေးနှင့် စစ်ပွဲအဆုံးသတ်ရန် တိုက်တွန်းပြောကြားခဲ့သည်။

ယူကရိန်းငြိမ်းချမ်းရေး အစီအစဉ်နှင့်ပတ်သက်ပြီး တရုတ်နှင့် ဘရာဇီးလ်တို့၏ ပူးတွဲအဆိုပြုချက်ကို ရုရှားက ထောက်ခံခဲ့သော်လည်း ယူကရိန်းနှင့် အနောက်နိုင်ငံများက ငြင်းပယ်ခဲ့သည်။

နိုဝင်ဘာ ၂၀ ရက်ကလည်း ကုလသမဂ္ဂလုံခြုံရေးကောင်စီတွင် ဂါဇာ၌ ထာဝရအပစ်ခတ်ရပ်စဲရေးကို တောင်းဆို ထားသည့် ကြေညာချက် ထုတ်ပြန်ရန် မဲပေးခဲ့သော်လည်း အစ္စရေး၏ မဟာမိတ်ဖြစ်သော အမေရိကန်က ဗီတို အာဏာဖြင့် ပယ်ချခဲ့သည်။

ရှီနှင့် လူလာတို့သည် စိုက်ပျိုးရေး၊ ကုန်သွယ်ရေး၊ နည်းပညာနှင့် သဘာဝပတ်ဝန်းကျင်အရေးတို့ အပါအဝင် နယ်ပယ် အများအပြားတွင် ပူးပေါင်းဆောင်ရွက်ရေး သဘောတူစာချုပ် ၃၅ ခု ချုပ်ဆိုခဲ့သည်။

Source: NDTV

ပုံ - ရှီကျင့်ဖျင်ကို တွေ့ရစဉ်

Credit - Central News Independence

#သတင်းဟင်းလေးအိုးကြီး

တစုံတယောက်ကို စောင့်ဆိုင်းရတယ်ဆိုတာ
ကိုယ့်ဝဋ်ကြွေးနဲ့ကိုယ် အဆိပ်တွေကို
နည်းနည်းချင်းစီ မျိုနေရသလိုပါပဲ။

#မင်းခိုက်စိုးစန်

လေးနှစ်ကျော်ရပ်နားထားသည့် ရေကျော်ညစျေးပွဲ ယနေ့ည ပြန်လည်စတင်မည်

နိုဝင်ဘာ ၂၂

ကိုဗစ် ၁၉ ကပ်ရောဂါကာလမှစတင်ကာ လေးနှစ်ဝန်းကျင်ကြာအောင် ရပ်နားထားသည် ရန်ကုန်မြို့ရှိ ရေကျော်ပွဲဈေးကို ယ‌နေ့ (နိုဝင်ဘာ ၂၂ ရက်) တွင် ပြန်လည်ကျင်းပမည်ဟု ဒေသခံပွဲဈေး ကျင်းပရေးကော်မတီများထံမှသိရသည်။

“ဆိုင်ခန်းနေရာတွေကိုမနေ့ကတည်းက အကုန်နေရာချပေးထားပြီးပြီ။ ပွဲတော်ဖွင့်ပွဲကို ဒီနေ့ နိုဝင်ဘာ( ၂၂ )ရက် ညနေမှာအခမ်းအနားနဲ့ဖွင့်မှာပါ” ဟု ဈေးပွဲတော်ကျင်းပရေးကော်မတီဝင်တစ်ဦးက ပြောသည်။

ရန်ကုန်တိုင်းဒေသကြီး ပုဇွန်တောင်မြို့နယ်ရှိ နာမည်ကြီး ရေကျော်ပွဲဈေးကို (နိုဝင်ဘာ ၂၂ ရက်မှ ၂၆ ရက်) အထိ (၅)ရက်ကြာ ပြန်လည်ကျင်းပသွားမည်ဖြစ်ကြောင်း သိရသည်။ “ရေကျော်ပွဲဈေးကို ၂၂ ရက်ကနေ ၂၆ ရက်နေ့အထိ ၅ ရက်ကြာ လုပ်သွားမှာပါ။ ဒီနှစ်မှာ အမျိုးသားနေ့နဲ့ တွဲပြီး လုပ်တာပေါ့နော်။ ခါတိုင်းနှစ်တွေမှာတော့ သီတင်းကျွတ် ကာလမှာလုပ်နေကျ။ မလုပ်ဖြစ်တာဆိုရင် ၄ နှစ် ကျော်သွားပြီ။ ၂၀၂၀ ပြည့်နှစ် ကိုဗစ်-၁၉ ကာလကနေ ၂၀၂၃ ခုနှစ်အထိဖြစ်ပါတယ်။ ယခုနှစ်မှာ ပြန်လည် လုပ်ဆောင်တာဖြစ်ပါတယ်” ဟု ပုဇွန်တောင်မြို့နယ်၊ အမှတ်(၉)ရပ်ကွက်ရှိ ဆိုင်ခန်းနေရာချထားရေး တာဝန်ရှိသူ တစ်ဦးက ပြောသည်။

ရေကျော်ပွဲဈေးသည် လည်ပတ်သူများပြားသဖြင့် အလွန်စည်ကားသည့်ပွဲဈေးဖြစ်ပြီး လက်ရှိအချိန်၌ ပွဲဈေးတန်းအတွက် ဆိုင်ခန်းနေရာများကို ထုံးစည်းများချကာ နံပါတ်အလိုက် ကြိုတင်ငှားရမ်းမှုများရှိနေကြောင်း နှင့် ပွဲတော်ကျင်းပနေချိန်အတွင်း ရေကျော်လမ်းတစ်ခုလုံးကို ယာယီပိတ်ထားမည်ဖြစ်ကြောင်း သိရသည်။

Source - Myanmar News Network

#centralnewsnaypyitaw

ကိုယ့်တွင်း ကိုယ်ယက်
တကောင် ကြွက်ပဲ

သိမ်ငယ်လည်း အပိုပဲ
နှိမ်မယ်ဆိုတဲ့ လူ့ဘောင်အဖွဲ့ အစည်းမှာ
အလိမ်အလည် တွေချည်းပဲ

ကိုယ်လို ထင်ပြီး ဖေးမမယ် မထင်နဲ့
ဦးအောင် ဇာတ်နာပြချင်တဲ့ လူတွေက ဒုနဲ့ဒေး

ငွေ ဟေ့ ငွေ
လောကမှာ ၀တ်ဆံ ရှိမှ ပျားအုံ လာသလို
လောကမှာ ပိုက်ဆံ ရှိမှ လူပြုံ လာတာ

မင်း ခွက်ခေါက်နေကြည့်
တချက်လောက်တောင် လှည့်မကြည်မယ့်စာရင်းထဲ
ဆွေမျိုး တွေက နံပါတ်၀မ်းပဲ ။ ။

#ခွန်ဟိဏ်း(Yesagyo)

အလုပ်မလုပ်ချင်ဘူး

အသဲလေးယားအောင်ပဲလုပ်ချင်တယ်

ICC ဖမ်းဆီးမိန့်က အစ္စရေးရဲ့ ကိုယ့်နိုင်ငံကိုယ်ကာကွယ်နေမှုကို တားဆီးနိုင်မှာမဟုတ်ကြောင်း နတန်ယာဟု ပြော

နိုဝင်ဘာ ၂၂

ဂါဇာစစ်ပွဲမှာ ဆောင်ရွက်ခဲ့တာနဲ့ ပတ်သက်ပြီး နိုင်ငံတကာရာဇဝတ်တရားရုံး ICC က ၎င်းကို ဖမ်းဆီးမိန့်ထုတ် လိုက်တဲ့အတွက် ၎င်းအနေနဲ့ အစ္စရေးနိုင်ငံကို ကာကွယ်နေတာတွေ ရပ်တန့်သွားမှာ မဟုတ်ကြောင်း အစ္စရေး ဝန်ကြီးချုပ် ဘင်ဂျမင်နတန်ယာဟုက နိုဝင်ဘာ ၂၁ ရက်နေ့ (ကြာသပတေးနေ့) က ပြောကြားလိုက်ပါတယ်။

“အစ္စရေးဆန့်ကျင်ရေးနဲ့ပတ်သက်တဲ့ လက်မခံနိုင်စရာ ဘယ်လိုဆုံးဖြတ်ချက်မျိုးကမှ ကျွန်တော်တို့ကို တားဆီး နိုင်မှာမဟုတ်ပါဘူး။ အခု ICC ဆုံးဖြတ်ချက်ကလည်း ကျွန်တော်တို့နိုင်ငံကို ဆက်လက်ကာကွယ်နေတဲ့ ကျွန် တော့်ကို တားဆီးနိုင်မှာမဟုတ်ပါဘူး။ ကျွန်တော်တို့ ဖိအားပေးမှုတွေကို လက်ခံမှာမဟုတ်ပါဘူး။” လို့ နတန် ယာဟုက ဗီဒီယိုဖိုင်ထဲကနေ ပြောပါတယ်။

အစ္စရေးဝန်ကြီးချုပ်နတန်ယာဟုကို အစ္စရေးကာကွယ်ရေးဝန်ကြီးဟောင်းယူအက်ဂါးလန့်နဲ့အတူ ဂါဇာဒေသက စစ်ဆင်ရေးတွေမှာ “စစ်ရာဇဝတ်မှု” ၊ “လူသားမျိုးနွယ်စုတွေအပေါ် ကျူးလွန်တဲ့ရာဇဝတ်မှု” တွေနဲ့ တရားစွဲဆိုခဲ့ တာဖြစ်ပါတယ်။

ကြာသပတေးနေ့က ICC ရဲ့ ဆုံးဖြတ်ချက်ဟာ ကမ္ဘာ့နိုင်ငံတွေရဲ့ သမိုင်းကြားမှာ “အမှောင်လွှမ်းသောနေ့” တစ် နေ့ဖြစ်ကြောင်း နတန်ယာဟုက ပြောပါတယ်။

“လူသားတွေကို ကာကွယ်ဖို့ တည်ထောင်ခဲ့တဲ့ သည်ဟိတ်မြို့က နိုင်ငံတကာရာဇဝတ်တရားရုံးဟာ ဒီကနေ့အ ချိန်မှာ လူသားတွေရဲ့ ရန်သူဖြစ်လာပါပြီ။ ICC ရဲ့ စွပ်စွဲချက်တွေဟာ အခြေအမြစ်မရှိတဲ့ စွပ်စွဲချက်တွေသာဖြစ် ပါတယ်။” လို့ ၎င်းက ပြောပါတယ်။

၂၀၂၃ ခုနှစ် အောက်တိုဘာလမှာ ဟားမတ်စ်အဖွဲ့က အစ္စရေးကို အငိုက်ဖမ်းဝင်ရောက်တိုက်ခိုက်ခဲ့တဲ့အတွက် အစ္စရေးနိုင်ငံမှာ လူဦးရေ ၁,၂၀၀ ဝန်းကျင်သေဆုံးခဲ့ပါတယ်။

အဲဒီအချိန်ကတည်းကစပြီး ဂါဇာဒေသကို အစ္စ ရေးက တိုက်ခိုက်နေတာဖြစ်ပါတယ်။

အစ္စရေးရဲ့လက်တုံ့ပြန်တိုက်ခိုက်မှုကြောင့် ဂါဇာဒေသမှာ အရပ်သားအများစုပါဝင်တဲ့ ပါလက်စတိုင်းလူမျိုး ၄၄,၀၀၀ ကျော် သေဆုံးသွားပြီဖြစ်ကြောင်း ဟားမတ်စ်ကျန်းမာရေးဝန်ကြီးဌာနက ပြောပါတယ်။

ဂါဇာဒေသကို ပို့ဆောင်မယ့် အစားအသောက်တွေနဲ့ ဆေးဝါးတွေကို အစ္စရေးက ကန့်သတ်ထားတဲ့အတွက် ဂါဇာဒေသမှာ အငတ်ဘေးအပါအဝင် အလွန်ဆိုးရွားတဲ့ လူသားချင်းစာနာမှုပြဿနာဖြစ်ပွားလာလိမ့်မယ်လို့ ကုလသမဂ္ဂအဖွဲ့အစည်းတွေက သတိပေးထားပါတယ်။

နတန်ယာဟုနဲ့ ဂါးလန့်ဟာ စစ်ဆင်ရေးနည်းလမ်းတစ်ခုအနေနဲ့ အငတ်ဘေးကြုံကြိုက်အောင် စစ်ရာဇဝတ်မှု ကျူးလွန်ခြင်းနဲ့ လူသားမျိုးနွယ်ကိုသတ်ဖြတ်ခြင်း၊ ညှင်းပန်းနှိပ်စက်ခြင်းနဲ့ တခြား လူမဆန်တဲ့ရက်စက်မှုတွေကို ကျူးလွန်ခြင်းများဆောင်ရွက်ခဲ့တယ်ဆိုတာ ခိုင်လုံတဲ့အထောက်အထားတွေရှိကြောင်း ICC ထုတ်ပြန်ချက်ထဲမှာ ဖော်ပြထားပါတယ်။

ICC ဟာ “တကယ့်စစ်ရာဇဝတ်မှုတွေ၊ အစ္စရေးတွေအပေါ်နဲ့ ကမ္ဘာတစ်ဝန်းက တ ခြားနိုင်ငံသားတွေအပေါ်ကျူး လွန်နေတဲ့ အလွန်ဆိုးရွားလှတဲ့စစ်ရာဇဝတ်မှုတွေ” အပေါ် မသိကျိုးကျွံပြုပြီး “တီထွင်ဖန်တီးထားတဲ့ရာဇဝတ်မှု တွေ” ကို ကျူးလွန်ခဲ့တယ်ဆိုပြီး အစ္စရေးကို စွပ်စွဲနေကြောင်း နတန်ယာဟုက ပြောပါတယ်။

နိုင်ငံတကာရာဇဝတ်တရားရုံး ICC ဟာ နတန်ယာဟုနဲ့ ဂါးလန့်အပြင် ဟားမတ်စ် စစ်ရေးခေါင်းဆောင် မိုဟာ မက်ဒီယက်ဖ်ကိုလည်း ဖမ်းဝရမ်းထုတ်ခဲ့ပါတယ်။

စစ်ရေးခေါင်းဆောင် မိုဟာမက်ဒီယက်ဖ်ဟာ ဇူလိုင်လအတွင်းက အစ္စရေးလေကြောင်းတိုက်ခိုက်မှုမှာ သေဆုံး သွားပြီဖြစ်ကြောင်း အစ္စရေးဘက်ကပြောပေမဲ့ ဟားမတ်စ်ဘက်က အတည်ပြုပြောကြားခြင်း မရှိပါဘူး။

Ref: Netanyahu Says ICC Warrant Won’t Stop Israel Defending Itself

#centralnewsnaypyitaw