မြေမြုပ်မိုင်းကြောင့် သေဆုံးမှုနှုန်း အမြင့်ဆုံးနိုင်ငံတွေထဲ မြန်မာ နံပါတ် ၁ ချိတ်

နိုဝင်ဘာ၂၂

၂၀၂၃ခုနှစ်အတွင်း မြန်မာနိုင်ငံဟာ တကမ္ဘာလုံးမှာ မြေမြုပ်မိုင်းကြောင့်သေဆုံးရမှုက ထိပ်ဆုံးအဆင့်ထိရောက်ရှိလာတဲ့ အခြေအနေမျိုးဖြစ်နေတယ်လို့ မြေမြှုပ်မိုင်းများ တားဆီးရေး နိုင်ငံတကာ လှုပ်ရှားမှုအဖွဲ့ (ICBL)ကနေ ထုတ်ပြန်လိုက်ပါတယ်။

ကမ္ဘာပေါ်က စစ်ပွဲနဲ့ပဋိပက္ခ ဖြစ်ပွားနေတဲ့နိုင်ငံအများကြားမှာ မြန်မာနိုင်ငံဟာ ပြီးခဲ့တဲ့ကာလတွေကထက် မြေမြုပ်မိုင်းကြောင့်သေဆုံးရသူဦးရေ ဆတိုးပွားများလာရာ ၂၀၂၃ခုနှစ်အတွင်း မှာ သေဆုံးသူအရေအတွက် ၁၀၀၃ဦးအထိ ရှိလာတယ်လို့ ICBL ရဲ့ အခုလနိုဝင်ဘာ၂၀ရက်ကထုတ်ပြန်တဲ့စစ်တမ်းစာရင်းမှာဖော်ပြလာပါတယ်။

ဒါ့အပြင် အခုနှစ်မှာ ကမ္ဘာတစ်ဝှမ်း မြေမြှုပ်မိုင်းနဲ့ပေါက်ကွဲစေတတ်သော စစ်ပွဲအကြွင်းအကျန်တွေကြောင့် သေဆုံး ဒဏ်ရာရသူ (၅၇၅၇) ဦးထက်မနည်း ရှိခဲ့ရာမှာ မြန်မာနိုင်ငံအနေနဲ့ ယခင်က စစ်ပွဲများအပြင်းအထန်ဖြစ်ပွားနေတယ်လို့ နာမည်ကြီးခဲ့တဲ့ ဆီရီးယားနိုင်ငံထက်ကို လူပေါင်း၇၀ကျော်ပမာဏထိ အရေအတွက်ပိုတဲ့ထိခိုက်သေဆုံးမှုတွေကို ကြုံတွေ့နေရတာလို့လည်းဆိုပါတယ်။

" မြေမြုပ်မိုင်းတွေကြောင့် ထိခိုက်မှုနဲ့သေဆုံးမှုတွေ အတွက်အရေအတွက်တွေဟာ ICBL ရဲ့သိရှိရသလောက် အရေအတွက်နဲ့အခြေအနေတွေကိုသာမှတ်တမ်းတင်ထားတာဖြစ်လို့ မသိရှိနိုင်တဲ့ စစ်ပွဲဒေသတွေက ဖြစ်စဉ်တွေလည်း ရှိနိုင်သေးကြောင်းနဲ့အခုနှစ်အစီရင်ခံစာထဲမှာ မြေမြှုပ်မိုင်းကြောင့် ကလေးငယ် အပါအဝင် အရပ်သားသေဆုံးမှု တုန်လှုပ်စရာ အရေအတွက်ကို မှတ်တမ်းတင်ထားတယ်လို့" ICBL ညွှန်ကြားရေးမှူး Tamar Gabelnick က လည်းပြောထားပါတယ်။

တိုင်းရင်းသားဒေသတွေမှာ အရပ်သားတွေဟာ ထိခိုက်မှုဒဏ်ကို ယနေ့အထိဆက်လက် ခံစားနေကြရပြီး၊ မှတ်တမ်းတွေ အရ (၈၄) ရာခိုင်နှုန်းဟာ အရပ်သားတွေ ဖြစ်ကြပြီး၊ ကလေးတွေအရေအတွက်ဟာ အရပ်သား သေဆုံးမှုအားလုံးရဲ့ သုံးပုံတပုံကျော်ထိ ရှိပါတယ်။

မြန်မာတနိုင်ငံလုံး အတိုင်းအတာအရ မြေမြုပ်မိုင်းကြောင့်ပြည်သူတွေ ထိခိုက်ဒဏ်ရာရရှိမှု အများဆုံး ဒေသတွေအနေနဲ့ စစ်ကိုင်းတိုင်းမှာ ၃၅ရာခိုင်နှုန်းနဲ့အများဆုံးဖြစ်ပြီး ရှမ်းပြည်နယ်ကတော့ ၁၂ရာခိုင်နှုန်းနဲ့ဒုတိယအများဆုံးဖြစ်သလို နိုင်ငံတွင်းမှာ ရှိတဲ့ မြို့နယ်ပေါင်း ၃၃၀အနက်၁၆၈မြို့နယ်မှာ မြေမြုပ်မိုင်း အန္တရာယ်ကြုံနေရတာဖြစ်ပြီး အဲ့ဒီ့အရေအတွက်ဟာ၂၀၂၀ခုနှစ်ကထက်၆၈မြို့နယ်ထပ်တိုးလာတာ လို့ သိရပါတယ်။

" ပြီးခဲ့တဲ့လေးလလောက်ကဆို ဒီဘက်မှာ စစ်လက်နက် RPG ကျည်ဆံကို ကိုင်ပြီးခေါက်ကြည့်ရင်းပေါက်ကွဲလို့သားအမိ သုံးယောက် နေရာမှာတင်သေတာရှိခဲ့တယ်။တခြားဖြစ်စဉ်တွေအနေနဲ့လည်း တောထဲထင်းသွားရှာတာ၊လမ်းဘေးအပေါ့အပါးသွားတာတွေကနေလည်း ထောင်ထားတဲ့ မြေမြုပ်မိုင်း တွေနင်းမိလို့ ထိခိုက်ဒဏ်ရာရသေဆုံးရတာတွေလည်းရှိတယ်လို့" စစ်ကိုင်းတိုင်း ကောလင်းမြို့အနီးရှိရွာက ဒေသခံတယောက်ကပြောပါတယ်။

မြန်မာ၊ ရုရှားနဲ့ နိုင်ငံတချို့အနေနဲ့ မြေမြှုပ်မိုင်းတွေကို ဆက်လက်အသုံးပြုနေပြီး မြေမြှုပ်မိုင်းအသုံးပြုမှုကို တားမြစ်ထားတဲ့ နိုင်ငံတကာ သဘောတူညီချက်ကို လိုက်နာဖို့ အရေးပေါ် လိုအပ်နေတယ်လို့လည်း ICBL အစီရင်ခံစာမှာ ဖော်ပြပါတယ်။

မြန်မာနိုင်ငံဟာ မြေမြှုပ်မိုင်းဆိုင်ရာတားမြစ်ချက် ကုလသမဂ္ဂရဲ့ သဘောတူညီချက်တရပ်မှာ ပါဝင်လက်မှတ်ရေးထိုးထားတဲ့နိုင်ငံမဟုတ်သေးပေမယ့် နိုင်ငံတွင်းက လက်နက်ကိုင်အဖွဲ့ပေါင်းစုံရဲ့ ယခင်ငြိမ်းချမ်းရေးစကားဝိုင်းဆွေးနွေးပွဲတွေမှာ မြေမြုပ်မိုင်းရှင်းလင်းရေးဆွေးနွေးတာတွေရှိခဲ့ပေမယ့် သေချာလိုက်လုပ်နိုင်တာတွေမရှိခဲ့ကြောင်း နဲ့ မြေမြုပ်မိုင်းတွေကို စစ်ရေးတင်းမာနေတဲ့ဒေသတွေမှာ အပြန်အလှန်အသုံးပြုဆဲဖြစ်နေကြောင်းဒေသတွင်းသတင်းတွေကတဆင့်သိရပါတယ်။

မြေမြုပ်မိုင်းကြောင့်ထိခိုက်သေဆုံးမှုICBLကစာရင်းတွေအရ မြန်မာမှာ သေဆုံးသူအရေအတွက် ၁၀၀၃ ယောက် ဆီးရီးယားမှာ သေဆုံးသူအရေအတွက် ၉၃၃ ယောက်၊ အာဖဂန်နစ္စတန်တွင် ၆၅၁ ယောက်၊ ယူကရိန်းမှာ ၅၈၀ ရှိနေတယ်လို့ မြေမြုပ်မိုင်းစောင့်ကြည့်ရေးအစီရင်ခံစာမှာ ဖော်ပြထားပါတယ်။

Photo - Crd# CJ

Credit - VOM News Agency

#သတင်းဟင်းလေးအိုးကြီး

ICC က အစ္စရေးဝန်ကြီးချုပ်နှင့် ဟားမာ့စ်တပ်မှူးကို ဖမ်းဝရမ်းထုတ်

CNI International News

သည်ဟိဂ်၊ နိုဝင်ဘာ ၂၂

နိုင်ငံတကာ ရာဇဝတ်မှုဆိုင်ရာခုံရုံး (ICC) သည် အစ္စရေးဝန်ကြီးချုပ် နေတန်ယာဟု (Benjamin Netanyahu) ၊ အစ္စရေး ကာကွယ်ရေးဝန်ကြီးဟောင်း ယိုအက်ဗ် ဂဲလန့် (Yoav Gallant) နှင့် ဟားမာ့စ်အဖွဲ့တပ်မှူး မိုဟာမက် ဒီအစ်ဖ်တို့ကို ဖမ်းဝရမ်း ထုတ်လိုက်ကြောင်း ဘီဘီစီမှ ဖော်ပြခဲ့သည်။

၎င်းတို့ ၃ ဦးအား ဂါဇာစစ်ပွဲအတွင်း စစ်ရာဇဝတ်မှုများ၊ လူသားမျိုးနွယ်ကို ဆန့်ကျင်သည့် ရာဇဝတ်မှုစွဲချက်များ အတွက် ပြစ်မှုဆိုင်ရာ တာဝန်ရှိကြောင်း အထောက်အထားများ တွေ့ရှိခဲ့သည်ဟု တရားသူကြီးများက ပြောကြားခဲ့ သည်။

ဟားမာ့စ်တပ်မှူး ဒီအစ်ဖ်သည် ဇူလိုင်လအတွင်းက ဂါဇာတွင် အစ္စရေး၏ လေကြောင်း တိုက်ခိုက်မှုအတွင်း သေဆုံးခဲ့ကြောင်း အစ္စရေးစစ်တပ်က ပြောကြားခဲ့သည့်တိုင် ICC က ဒီအစ်ဖ်ကို ဖမ်းဝရမ်း ထုတ်ခဲ့ခြင်းဖြစ်သည်။

ICC ကမူ ဒီအစ်ဖ်သည် အမှန်တကယ် သေဆုံးခြင်း ဟုတ်/မဟုတ် အတည်မပြုနိုင်သဖြင့် ဖမ်းဝရမ်း ထုတ်ခြင်း ဖြစ်ကြောင်း ပြောကြားခဲ့သည်။

ICC ၏ အဖွဲ့ဝင် ၁၂၄ နိုင်ငံအနေဖြင့် နေတန်ယာဟု၊ ဂဲလန့်နှင့် ဒီအစ်ဖ်တို့ကို ဖမ်းဆီးရေးအတွက် လွတ်လပ်စွာ ဆုံးဖြတ်ပိုင်ခွင့်ရှိသည်။

မေလအတွင်းကလည်း ICC ရှေ့နေ ကာရင်ခမ်း(Karim Khan) သည် နေတန်ယာဟု၊ ဂဲလန့်၊ ဒီအစ်ဖ်နှင့် အခြား ဟားမာ့စ်ခေါင်းဆောင် ၂ ဦးကို ဖမ်းဝရမ်းများထုတ်ရန် ကြိုးပမ်းခဲ့သည်။

ထိုဟားမာ့စ်ခေါင်းဆောင် ၂ ဦးမှာ အစ္စမေးလ် ဟာနီယာ (Ismail Haniyeh) နှင့် ယာယာဆင်ဝါ (Yahya Sinwar) တို့ဖြစ်ပြီး ၎င်းတို့ ၂ ဦးစလုံးမှာ အစ္စရေး၏ တိုက်ခိုက်မှုများအတွင်း သေဆုံးခဲ့ပြီးဖြစ်သည်။

နေတန်ယာဟု၊ ဂဲလန့်တို့သည် ၂၀၂၃ ခုနှစ်၊ အောက်တိုဘာ ၇ ရက်က စတင်ဖြစ်ပွားခဲ့သည့် ဂါဇာစစ်ပွဲအတွင်း စစ်ရာဇဝတ်မှုများ၊ လူသားမျိုးနွယ်ကို ဆန့်ကျင်သော ရာဇဝတ်မှုများကို ကျူးလွန်ခဲ့သည်ဟု ခမ်းက ပြောသည်။

ထို့ပြင် ဟားမာ့စ် ခေါင်းဆောင်များသည်လည်း လူသတ်မှု၊ ပြန်ပေးဆွဲဖမ်းဆီးမှု၊ အဓမ္မပြုကျင့်မှု၊ ညှင်းပန်းနှိပ်စက်မှု များ အပါအဝင် စစ်ရာဇဝတ်မှုများ၊ လူသားမျိုးနွယ်ကို ဆန့်ကျင်သည့် ရာဇဝတ်မှုများကို ကျူးလွန်ခဲ့သည်ဟု ခမ်း က ပြောကြားခဲ့သည်။


Source: ဘီဘီစီ

ပုံ - နေတန်ယာဟု၊ ယိုအက်ဗ်ဂဲလန့်နှင့် ဟားမာ့စ်တပ်မှူး မိုဟာမက် ဒီအစ်ဖ်တို့ကို တွေ့ရစဉ်

#centralnewsnaypyitaw

ငါ့စိတ်ကို ဘယ်သူမှ နားလည်မပေးနိုင်ကြဘူး ....😢😭

ငါ့စိတ် :

ဒီနေ့ကစပြီး တစ်ယော-က်တည်းနေတော့မယ်
ကိုကြီး : ဟေး ကော-င်မလေး
ငါ : အမယ် ချစ်စရာလေး ခေါ်တာလေးက

တချို့ရင်ခွင်တွေများ သိပ်ကျယ်တာပဲ နှစ်ယောက် ၊ သုံးယောက် ဆံ့တယ် ။

ကျွန်တော့် ရင်ခွင်များ သိပ်ကျဥ်းတာပဲ တစ်ယောက်ထဲထည့်တာတောင် ပြန်ပြန် ပြီးထွက်တယ် .....။

#ကြည်ရွှန်းခ

.😉

နတန်ယာဟု၊ ဂါးလန့်နဲ့ မိုဟာမက်ဒီယက်ဘ်တို့ကို ICC က ဖမ်းဝရမ်းထုတ်

နိုဝင်ဘာ ၂၂

နိုင်ငံတကာရာဇဝတ်တရားရုံး (ICC) က အစ္စရေးဝန်ကြီးချုပ်ဘင်ဂျနင်နတန်ယာဟု၊ အစ္စရေးကာကွယ်ရေးဝန် ကြီးဟောင်း ယူအက်ဂါးလန့်နဲ့ ဟားမတ်စ်စစ်ရေးခေါင်းဆောင် မိုဟာမက်ဒီယက်ဘ်အီဘရာဟင် အယ်လ်မာ ဆရီတို့ကို ကြာသပတေးနေ့ (နိုဝင်ဘာ ၂၁ ရက်နေ့) က ဖမ်းဝရမ်းထုတ်လိုက်ပါတယ်။

တရားရုံးရဲ့ တရားစီရင်ရေးနဲ့ပတ်သက်ပြီး အစ္စရေးနိုင်ငံရဲ့ တောင်းဆိုချက်တွေကို တရားရုံးက ပယ်ချခဲ့ပြီး နောက် အခုလို နတန်ယာဟုနဲ့ ဂါးလန့်တို့ကို ဖမ်းဝရမ်းထုတ်လိုက်တာဖြစ်ပါတယ်။

ဟားမတ်စ်စစ်ရေးခေါင်းဆောင် မိုဟာမက်ဒီယက်ဟာ ဇူလိုင်လအတွင်းက ဂါဇာဒေသလေကြောင်းတိုက်ခိုက်မှု မှာ သေဆုံးသွားပြီဖြစ်ကြောင်း အစ္စရေးက ပြောကြားထားပေမဲ့ မိုဟာမက်ဒီယက်ကိုလည်း ဖမ်းဝရမ်းထုတ်ခဲ့တာ ဖြစ်ပါတယ်။

အစ္စရေး-ဟားမတ်စ် စစ်ပွဲအတွင်း စစ်ရာဇဝတ်မှုတွေနဲ့ လူသားမျိုးနွယ်အပေါ်ကျူးလွန်တဲ့ ရာဇဝတ်မှုတွေအ တွက် အဆိုပါပုဂ္ဂိုလ်သုံးဦးမှာ တာဝန်ရှိတယ်ဆိုတာကို ခိုင်မာတဲ့အထာက်အထားတွေရှိကြောင်း ICC တရား သူကြီးတွေက ပြောပါတယ်။

“နတန်ယာဟုနဲ့ ဂါးလန့်ဟာ စစ်ဆင်ရေးနည်းလမ်းတစ်ခုအနေနဲ့ အငတ်ဘေးကြုံကြိုက်အောင် စစ်ရာဇဝတ်မှု ကျူးလွန်ခြင်းနဲ့ လူသားမျိုးနွယ်ကိုသတ်ဖြတ်ခြင်း၊ ညှင်းပန်းနှိပ်စက်ခြင်းနဲ့ တခြား လူမဆန်တဲ့ရက်စက်မှုတွေကို ကျူးလွန်ခြင်း” များဆောင်ရွက်ခဲ့မှုအတွက် တာဝန်ရှိကြောင်း ကြာသပတေးနေ့က ICC ထုတ်ပြန်ချက်ထဲမှာဖော် ပြထားပါတယ်။

“ဟားမတ်စ်ခေင်းဆောင် မိုဟာမက်ဒီယက်ဟာ လူသတ်မှု၊ ညှင်းပန်းနှိပ်စက်မှု၊ ဓားစာခံတွေဖမ်းဆီးမှု၊ မုဒိန်းမှုနဲ့ တခြား လိင်ပိုင်းဆိုင်ရာအကြမ်းဖက်မှုတွေ ကျူးလွန်မှုအတွက်” တာဝန်ရှိကြောင်း ICC ထုတ်ပြန်ချက်ထဲမှာ ဖော်ပြထားပါတယ်။

နတန်ယာဟုနဲ့ ဂါးလန့်ကို အခုလို ဖမ်းဝရမ်းထုတ်လိုက်တာဟာ အရေးကြီးတဲ့သမိုင်းဝင်ဆုံးဖြတ်ချက်တစ်ရပ်ကို ချလိုက်တာဖြစ်ကြောင်း ဟားမတ်စ်အဖွဲ့ကပြောပေမဲ့ အစ္စရေးဝန်ကြီးချုပ်နတန်ယာဟုကတော့ “ICC ရဲ့ ဆုံး ဖြတ်ချက်ဟာ “ဂျူးလူမျိုးဆန့်ကျင်ရေး” ဆုံးဖြတ်ချက်ဖြစ်တယ်လို့ ပြောဆိုရင်း ပြင်းပြင်းထန်ထန် ပြစ်တင်ရှုတ်ချ လိုက်ပါတယ်။

ဒီဖမ်းဝရမ်းရဲ့ အကျိုးသက်ရောက်မှုက တစ်စိတ်တစ်ပိုင်းအားဖြင့် အစ္စရေးနဲ့ အဓိကမဟာမိတ် အမေရိကန်ပြည် ထောင်စုတို့ မပါဝင်တဲ့ ICC အဖွဲ့ရဲ့ အဖွဲ့ဝင် ၁၂၄ နိုင်ငံဟာ အဲဒီအမိန့်ကို အာဏာတည်အောင်ဆောင်ရွက်မ လား / မဆောင်ရွက်ဘူး ခလားဆိုတဲ့အပေါ် မူတည်နေပါတယ်။

အမေရိကန်အစိုးရကတော့ ICC တရားရုံးဆုံးဖြတ်ချက်ကို ပယ်ချလိုက်ကြောင်း အိမ်ဖြူတော်က ပြောပါတယ်။ ဒါပေမဲ့ ဥရောပနိုင်ငံ လေးငါးနိုင်ငံကတော့ ICC တရားရုံးရဲ့ ဆုံးဖြတ်ချက်ကို လေးစားကြောင်း ထုတ်ဖော်ပြော ကြားခဲ့ပါတယ်။

နိုင်ငံတကာရာဇဝတ်တရားရုံး (ICC) ဟာ ရောမစာချုပ်အဖွဲ့ဝင်နိုင်ငံတွေမှာ လူမျိုးတုံးသတ်ဖြတ်မှု၊ လူသားမျိုး နွယ်အပေါ် ရာဇဝတ်မှုကျူးလွန်မှုနဲ့ စစ်ရာဇဝတ်မှုကျူးလွန်မှုတွေအတွက် သက်ဆိုင်ရာကျူးလွန်သူတွေကို တရားစွဲဆိုခွင့်ရှိပါတယ်။

Ref: Arrest warrants issued for Netanyahu, Gallant and Hamas commander over alleged war crimes

#သတင်းဟင်းလေးအိုးကြီး

Naypyitaw State Polytechnic University ဖွင့်ပွဲအခမ်းအနား နစကဥက္ကဋ္ဌ တက်ရောက်

နိုဝင်ဘာ ၂၂

မြန်မာနိုင်ငံအင်ဂျင်နီယာပညာရေး နှစ် (၁၀၀) ပြည့် ရာပြည့်သဘင်နှင့် Naypyitaw State Polytechnic University ဖွင့်ပွဲအခမ်းအနားကို ယမန်နေ့တွင် အဆိုပါတက္ကသိုလ်၌ ကျင်းပပြုလုပ်ရာ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ခဲ့သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက လက်ရှိအချိန်တွင် နိုင်ငံတော်ကအားထားရသည့် အင်ဂျင်နီယာ၊ ဗိသုကာနှင့် ကွန်ပျူတာပညာရှင်များကို အရည်အချင်းပြည့်မီစွာ မွေးထုတ်ပေးနိုင်ရန်အတွက် Naypyitaw State Polytechnic University & Polytechnic University (၇) ခုı နည်းပညာတက္ကသိုလ် (၂၇)ခု၊ ကွန်ပျူတာ တက္ကသိုလ်(၁၉)ခု၊ မြန်မာနိုင်ငံလေကြောင်းနှင့် အာကာသပညာတက္ကသိုလ်(၁)ခု၊ မြန်မာနိုင်ငံရေကြောင်း ပညာတက္ကသိုလ် (၁) ခု၊ စုစုပေါင်းအင်ဂျင်နီယာပညာရပ် သင်ကြားပို့ချပေးသည့် တက္ကသိုလ် (၅၆) ခုအထိ ဖွင့်လှစ်နိုင်ခဲ့ပြီဖြစ်ကြောင်း၊ ယနေ့ဖွင့်လှစ်သည့် Naypyitaw State Polytechnic University နှင့်အတူ Polytechnic University (၅) ခုကို ကျိုင်းတုံမြို့၊ ပင်လုံမြို့၊ မြိတ်မြို့၊ ထားဝယ်မြို့နှင့် မအူပင်မြို့တို့တွင် ယနေ့တစ်ပြိုင်နက်တည်း ဖွင့်လှစ်နိုင်ခဲ့ပြီဖြစ်သည်ကို တစ်ပါတည်းပြောကြားလိုကြောင်း ပြောသည်။

၂၀၂၂-၂၀၂၃ ပညာသင်နှစ်တွင် အင်ဂျင်နီယာအထူးပြုဘာသာရပ် (၆) ခုဖြင့် စတင်ဖွင့်လှစ်သင်ကြားပေးခဲ့ပြီး၊ ၂၀၂၃-၂၀၂၄ ပညာသင်နှစ်တွင် စိုက်ပျိုးရေးအင်ဂျင်နီယာအထူးပြုဘာသာရပ်ကိုပါ တိုးချဲ့ဖွင့်လှစ်နိုင်ခဲ့ကြောင်း၊ ယခု ၂၀၂၄-၂၀၂၅ ပညာသင်နှစ်တွင် နေပြည်တော်နည်းပညာတက္ကသိုလ်ကို Naypyitaw State Polytechnic University အဖြစ် ပြောင်းလဲတိုးချဲ့ဖွင့်လှစ်နိုင်ခဲ့ပြီး အင်ဂျင်နီယာအထူးပြုဘာသာရပ်များသာမက ကွန်ပျူတာ သိပ္ပံနှင့် ကွန်ပျူတာနည်းပညာဘာသာရပ်များကိုပါ တိုးချဲ့ဖွင့်လှစ်သင်ကြားပေးနိုင်ခဲ့ပြီဖြစ်ကြောင်း နိုင်ငံတော် စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက Naypyitaw State Polytechnic University ကို ရန်ကုန် နည်းပညာတက္ကသိုလ်နှင့် ရန်ကုန်ကွန်ပျူတာတက္ကသိုလ်များနည်းတူ နိုင်ငံ့ထိပ်တန်းတက္ကသိုလ်ကြီးတစ်ခု ဖြစ်လာစေရန်ရည်ရွယ်ပြီး တိုးချဲ့ဖွင့်လှစ်ပေးခဲ့ခြင်းဖြစ်ကြောင်း၊ အင်ဂျင်နီယာအထူးပြုဘာသာရပ်ဌာန (၇) ခု၊ ကွန်ပျူတာအထူးပြုဘာသာရပ်ဌာန (၄) ခု၊ အခြားအထောက်အကူပြု ဘာသာရပ်ဌာန (၅) ခု၊ သင်ကြားရေး ဌာနစုစုပေါင်း (၁၆) ခုဖြင့် ပြည့်စုံအောင် တိုးမြှင့်ဖွင့်လှစ်ပေးခဲ့ခြင်းဖြစ်ကြောင်း ပြောသည်။

နိုင်ငံတော်က တည်ဆောက်ပေးလိုက်သည့် Naypyitaw State Polytechnic University ကို ယခုထက်ပိုမို ဥပဓိရုပ်ကောင်းမွန်စေရေး၊ သန့်ရှင်းသာယာလှပစေရေး၊ တက္ကသိုလ်မှ မွေးထုတ်ပေးလိုက်သည့် မျိုးဆက်သစ် အင်ဂျင်နီယာပညာရှင်များသည် ဒေသတွင်းနိုင်ငံများနှင့် ရင်ဘောင်တန်းနိုင်သည့် ပညာရှင်များ ဖြစ်လာစေရေး အဖက်ဖက်မှ ဝိုင်းဝန်းကြိုးပမ်းဆောင်ရွက်ကြရမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက မြန်မာနိုင်ငံသမိုင်းစဉ်တစ်လျှောက်တွင် မြန်မာ့ရိုးရာ အင်ဂျင်နီယာနှင့် ဗိသုကာအတတ်ပညာနှင့် နိုင်ငံ၏ဂုဏ်အဖုံဖုံကို မြှင့်တင်ပေးခဲ့ကြသည့် ရှေးပညာရှင် အကျော်အမော်များအားလုံး ခေတ်သစ်အင်ဂျင်နီယာပညာများနှင့် နိုင်ငံ့ဂုဏ်ဆောင်ခဲ့ကြသည့် အင်ဂျင်နီယာပညာရှင်များ အားလုံးကိုအထူးပင် ဂုဏ်ပြုချီးကျူးကြောင်းဖြင့် ပြောသည်။

#centralnewsnaypyitaw

ပြောမှာပဲ

Final Girl - Horror Movie Fanpage
ဟော်ရာ ရုပ်ရှင်တွေမှာ ဘာကြောင့် အဓိက
ဇာတ်ကောင် အများစုက အမျိုးသမီး‌တွေပဲ
ဖြစ်နေရတာလဲ ???
1.ယေဘူယျ အားဖြင့် အမျိုးသမီး တွေဟာ
အမျိုးသားတွေထက် ခန္ဓာကိုယ် ကြံ့ခိုင်မှုပိုင်း
ဆိုင်ရမှာ အားနည်းတာကြောင့် ဟော်ရာ
ရုပ်ရှင်တွေမှာ အမျိုးသမီးတွေကို
ထည့်သွင်ခြင်းအားဖြင့် ကြည့်ရှုမဲ့ ပရိတ်သတ်ကို
ပိုပြီး ဆွဲဆောင်နိုင်ပါတယ်။
အားကောင်းမောင်းသန် အမျိုးသားတစ်ယောက်က
သရဲ ဒါမှမဟုတ် လူ*Tတ်သမားကြောင့် ပြေးလွှား ဒုက္ခရောက်နေတာမျိုးကို ကြည့်ရတာထက်
အားနွဲ့တဲ့ မိန်းကလေးတစ်ယောက် ဒုက္ခ
ရောက်နေတာကို ကြည့်ရတာက ပိုပြီး
သနားဖို့ကောင်းတယ် စာနာစိတ်ပိုပြီး
ဖြစ်စေတယ်လို့ ယူစထားလေ့ ရှိကြပါတယ်။
2.အမျိုးသမီးတွေဟာ အန္တရာယ်တစ်ခုခုနဲ့
ကြုံရပြီဆိုရင် ပထဦးဆုံး လုပ်မိတာက
အော်ဟစ်တာပါပဲ အဲ့လိုချိန်မှာ ထွက်ကျလာတဲ့
အော်ဟစ်တဲ့ အသံဟာ အမျိုးသားတွေရဲ့
အသံထက် ပိုပြီးကျယ်တယ် ကြည့်ရှုတဲ့သူကို
စိတ်လှုပ်ရှားမှု ပိုပေးစွမ်းနိုင်ပါတယ်။
ဒါကြောင့် Horror ‌Movie လောကမှာ
Scream queen တွေရယ်ဆိုပြီး ပေါ်လာတာပါ။
ဥပမာ - Ready or not က မင်းသမီးရဲ့
အော်ဟစ်သံ လိုမျိုးပေါ့ တစ်ချို့ကားတွေမှာ
ဆိုရင် အော်ဟစ်သံ ကောင်းကောင်းရဖို့
အသံသရုပ်ဆောင် သီးသန့် ငှားရတာ
မျိုးတောင် ရှိပါတယ်။
3. အမျိုးသမီးတွေဟာ ခန္ဓာကိုယ်ပိုင်းဆိုင်ရာမှာ
အမျိုးသားတွေထက် အားနည်းပေမဲ့
စိတ်ပိုင်းဆိုင်ရာမှာတော့ ကြံ့ခိုင်မှု ညီမျှပါတယ်။
တစ်ချို့အမျိုးသမီးတွေဆို အမျိုးသားတွေထက်
စိတ်ပိုင်းဆိုင်ရာမှာ ပိုပြီးတောင် ကြံ့ခိုင်ကြပါတယ်။
အရေးကြုံလာခဲ့ရင်လဲ အမျိုးသားတွေဟာ ရန်သူနဲ့
မျက်နှာချင်း တန်းဆိုင်တာများပြီး
အမျိုးသမီးတွေကတော့ အင်အားမမျှတာကြောင့်ဘယ်လို အသက်ရှင်လွတ်မြောက်အောင်
ကြိုးစားရမလဲဆိုတာကိုပဲ အများစုဟာ
အကြံထုတ်တတ်ကြပါတယ် ဒါကြောင့်
Horror Movie တွေမှာ Final Girl ရယ်ဆိုပြီး
ဖြစ်ပေါ် လာခဲ့တာပါ။
( နောက်ဆုံးမှာ အသက်ရှင် ကျန်ရစ်ခဲ့တဲ့
မိန်းကလေးတွေပေါ့ )
4.အမျိုးသားဇာတ်ကောင်ပါတဲ့ ဟော်ရာရုပ်ရှင်တွေ
ထက် အမျိုးသမီးဇာတ်ကောင်ပါတဲ့ ရုပ်ရှင်တွေက
ပိုပြီး လူကြည့်များပါတယ် ဘာကြောင့်လဲဆိုရင်
အမျိုးသားပရိတ်သတ် တော်တော်များများဟာ ‌
မင်းသမီးချောချော လေးတွေပါလို့ ကြည့်တတ်
ကြပြီး အမျိုးသမီး ပရိတ်သတ်တွေကလည်း
သူတို့ကို ကိုယ်စားပြုပြီး ရိုက်ကူးထားတာမို့
စိတ်၀င်စားပြီး ကြည့်ရှုတတ်ကြပါတယ်။
5.အမျိုးသမီးတွေကို သားကောင်အဖြစ် ပုံဖော်ဖို့ အမျိုးသားတွေထက် ပိုပြီး လွယ်ကူပါတယ်။
နောက်ဆုံးမှာ သားကောင်ကနေ ရန်သူကို အနိုင်ရ
သွားခဲ့ရင်လည်း မိန်းကလေးဖြစ်‌နေပေမဲ့
ရင်ဆိုင်နိုင်တယ် သတ္တိရှိတယ်ဆိုတဲ့ ခံစားကြောင့်
ပရိတ်သတ်ရင်ထဲ ပိုရောက်ပါတယ်။
6.ဟော်ရာရုပ်ရှင် အများစုမှာ အမျိုးသားတွေကို
လူ*Tတ်သမားတွေ ဆိုက်ကိုကောင်တွေ အဖြစ်
အများဆုံး မြင်ရပြီး အမျိုးသမီးတွေကိုတော့
ခံရတဲ့ သူတွေအဖြစ် ပုံဖော်ထားလေ့ရှိပါတယ်။
ဒါဟာ ဘာကြောင့်လဲဆိုရင် အဖြေကရှင်းပါတယ်။
အပြင်လက်တွေ့ ဘ၀တွေမှာလည်း အမျိုးသမီး
အများစုဟာ အမျိုးသားတစ်ချို့ရဲ့ နှုတ်ဖြင့်
သော်၎င်း ကိုယ်ဖြင့်သော်၎င်း အကြ&မ်းဖ&က်
အနိုင်ကျ&င့် စော်ကားခြင်းတွေကို
ခံစားနေကြရလို့ပါပဲ။
7.ဟော်ရာရုပ်ရှင်တိုင်းရဲ့ အဆုံးသတ်မှာ အများစု
အသက်ရှင် ကျန်ရစ်ခဲ့တာက အမျိုးသမီး
ဇာတ်ကောင်တွေပဲ ဖြစ်ပါတယ်။
ဒါဟာ ဘာကြောင့်လဲဆိုပြန်ရင်တော့ လူအဖွဲ့
အစည်းမှာ အရိုးစွဲနေတဲ့ အမျိုးသမီးတွေဟာ
အမျိုးသားတွေထက် ပိုပြီး အားနည်းတယ်ဆိုတဲ့
အမြင်ကို ပြောင်းလဲပေးချင် ကြလို့ပါပဲ။
***
ဒါတွေကတော့ ဟော်ရာရုပ်ရှင်တွေမှာ ဘာကြောင့် အဓိက ဇာတ်ကောင် အများစုက အမျိုးသမီး‌တွေ
ဖြစ်နေရတာလဲ ?ဆိုတဲ့ အချက်တွေပါပဲ။
Admin ကို ခနခန လာမေးနေကြလို့ လေ့လာ
မိသလောက်လေး ဖြေပေးထားတာပါ။
#fg #horrormovies #female #characters