ထိုင်းဘတ်စျေး မကျတဲ့အပြင် ဗဟိုဘဏ်ရောင်းစျေးနဲ့ပြင်ပပေါက်စျေးအတူဖြစ်လာ

ဒီဇင်ဘာ ၂

နိုင်ငံခြားငွေလဲလှယ်တဲ့စျေးကွက်မှာ ထိုင်းဘတ်က စျေးနူန်းကျဆင်းမလာတဲ့အပြင် ဗဟိုဘဏ်သတ်မှတ်ရောင်းချစျေးနဲ့ ပြင်ပပေါက်စျေးက စျေးတန်း အတူဖြစ်လာတယ်လို့ ကုန်သည်တွေနဲ့ နိုင်ငံခြားငွေရောင်းဝယ်ရေးလုပ်ကိုင်သူတွေ ဆီကသိရပါတယ်။

လက်ရှိကုန်သွယ်ရေးကဏ္ဍမှာ အမေရိကန်ဒေါ်လာကိုသုံးစွဲမှုအစား ထိုင်းဘတ်ကိုသုံးစွဲမှုပိုများလာတာကြောင့် ထိုင်းဘတ်စျေးက မကျသွားတဲ့အပြင် ပြည်တွင်းစျေးကွက် အတွင်းဗဟိုဘဏ်မှထုတ်ရောင်းချပေးတဲ့ ထိုင်းဘတ်စျေးမှာ တဘတ်ကို ၁၂၉ ကျပ်ရှိလာတာဖြစ်တယ်လို့သိရပါတယ်။

ပြင်ပနိုင်ငံခြားငွေလဲလှယ်ရေး စျေးကွက်မှာ ထိုင်းဘတ်စျေးက တဘတ်ကို ရောင်းစျေး ၁၃၀ ကျပ်နဲ့ဝယ်စျေးက ၁၂၇ ကျပ်ရှိတာကြောင့် ဗဟိုဘဏ်စျေးနဲ့ ပြင်ပစျေးကွက်ပေါက်စျေး တန်းတူဖြစ်လာတယ်လို့ ကုန်သည်တွေက ဆိုပါတယ်။

" နိုဝင်ဘာလထဲမှာစပြီး ဗဟိုဘဏ်စျေးနဲ့ပြင်ပပေါက်စျေးတူလာတာ။ဗဟိုဘဏ်ကစျေးနူန်းတိုးသတ်မှတ်လိုက်တော့စျေးကွက်တူသွားတယ်။ငွေစျေးတူသွားတော့ ဘတ်ငွေသုံးတဲ့ ပို့ကုန်သမားတွေအဆင်ပြေတာပေါ့။တောင်သူတွေလည်းစျေးပိုရလာတယ်။ဒါတော့ကုန်သွယ်မှုအတွက်ကောင်းပေမယ့်တဖက်မှာလည်း ကျပ်ငွေတန်ဖိုးကကျသွားတယ်ဆိုတဲ့အချက်ကရှိနေတယ်။ဗဟိုဘဏ်တောင်စျေးတက်သတ်မှတ်ရောင်းလာတာဆိုတော့ဘတ်စျေးကပြန်ကျနိုင်မယ့်အလားအလားပျောက်တဲ့သဘောပဲ" လို့ပို့ကုန် လုပ်ငန်းရှင်ကသုံးသပ်ပြောပါတယ်။

စီးပွားရေးပိတ်ဆို့ခံထားရတဲ့ တချို့ပြည်ပ နိုင်ငံတွေကို ငွေပေးချေရာမှာ အမေရိကန် ဒေါ်လာကို တိုက်ရိုက်ပေးချေ မရတဲ့ပြဿနာတွေကြောင့် ဘတ်၊ ယွမ် ၊ ရူပီး စတဲ့နိုင်ငံခြား ငွေတွေအသုံးပြုရခြင်း၊ သွင်းကုန် ပစ္စည်းတင်သွင်းရညမှာလည်း ဘတ်နဲ့ယွမ်အသုံးပြုမှုများခြင်း၊ ပြည်ပပို့ကုန်ကဏ္ဍမှာလည်း ပို့ကုန်ရငွေက ဘတ်နဲ့ယွမ် ပိုများလာတဲ့အတွက် ထိုင်းဘတ်စျေးက မကျတဲ့အပြင် ဗဟိုဘဏ်စျေးနဲ့ပြင်ပ ပေါက်စျေးတူညီတဲ့အထိဖြစ်လာတာဖြစ်တယ်လို့စီးပွားရေးလုပ်ငန်းရှင်ကြောပါတယ်။

ကမ္ဘာ့ဈေးကွက်မှာ ထိုင်းဘတ်ရော၊ တရုတ်ယွမ်ပါ တန်ဖိုးတွေကျနေတာကြောင့် ​ မြန်မာကျပ်ငွေတန်ဖိုးတက်ပြီး ထိုင်းဘတ်စျေးက ၁၀၀ကျပ်ဝန်းကျင်လောက်အထိ ပြန်ကျဆင်းလာသင့်ပေမယ့် လက်ရှိမှာ ဘတ်စျေးကတက်ပြီး မြန်မာကျပ်ငွေတန်ဖိုးကျဆင်းကာ သွင်းကုန်ပစ္စည်း တွေစျေးနူန်းမြင့်တက်နေရတယ်လို့ဆိုပါတယ်။

" အဆိုးဘက်ကကြည့်ရင် ဗဟိုဘဏ်က တကယ်မြန်မာကျပ်ငွေတန်ဖိုးကို တင်ရမယ့်အစား တန်ဖိုးကျစေသလိုမျိုး ဖြစ်စေပါတယ်။ ဒါက သွင်းကုန်တွေကို ဈေးတက်စေပါလိမ့်မယ်။ ဒါကြောင့်လည်း ကုန်ဈေးနှုန်းမကျနိုင်ဖြစ်နေတာမျိူး။အခုလို ဘတ်ဈေးပြင်ပပေါက်ဈေးနဲ့ ညီလာတာ အကောင်းဘက်ကကြည့်ရင်တော့ ထိုင်းနဲ့တရုတ်ဘက် ပို့ကုန်တွေအတွက် ပြန်ရမယ့် မြန်မာငွေကများတော့ ထုတ်လုပ်သူတွေဈေးပိုရလိမ့်မယ်။ ဒါပေမယ့် မြန်မာငွေတန်ဖိုးကျတာတော့ ရည်ရှည်မကောင်းနိုင်ပါဘူး။ ဒါက ဘာကိုပြသလဲဆိုရင် လတ်တလောဈေးကွက်မှာက ဒေါ်လာထက် ဘတ်နဲ့ ယွမ် အလွှဲအပြုပိုလုပ်ကြတဲ့ အညွှန်းကိန်းပါ။" လို့စီးပွားရေးလုပ်ငန်းရှင်ကသုံးသပ်ပြောပါတယ်။

ဗဟိုဘဏ်ကတော့ ပြီးခဲ့တဲ့ စက်တင်ဘာလမှာ ပြည်တွင်းစျေးကွက်အတွင်း တဘတ်ကို မြန်မာငွေ ၁၀၇ ဝန်းကျင်နဲ့ရောင်းချခဲ့ပြီး အောက်တိုဘာလမှာ ၁၁၄ ကျပ် ဝန်းကျင်အထိ မြင့်တက်ရောင်းလာပြီးနောက် နိုဝင်ဘာလမှာတော့ တဘတ်ကို ၁၂၉ ကျပ်အ ထိ ပြင်ပပေါက်ဈေးအတိုင်း မြင့်တက်ရောင်းချလာတာဖြစ်ပါတယ်။

​နိုဝင်ဘာလ ၂၉ ရက်နေ့မှာဗဟိုဘဏ်က ပြည်တွင်းစျေးကွက်ကို ထိုင်းဘတ် ၁၆ သန်းကျော်ကို ငွေလဲနူန်း ၁၂၉ ကျပ်နဲ့ထုတ်ရောင်းချပေးခဲ့ပါတယ်။နိုဝင်ဘာလ ၂၈ရက်နေ့ကလည်းငွေလဲနှုန်း ၁၂၈.၅၂ ကျပ်နဲ့ ထိုင်းဘတ် ၅ သန်းနီးပါးကို ဗဟိုဘဏ်က ထုတ်ရောင်းချခဲ့ပါတယ်။

Credit - Voice of Myanmar News Agency

#သတင်းဟင်းလေးအိုးကြီး

သက်ဆင်၏ ရန်ဘက် ပြန်ပေါ်လာ

ဒီဇင်ဘာ ၂

ထိုင်းနိုင်ငံတွင် တစ်ချိန်က ဩဇာကြီးမားခဲ့သည့် နိုင်ငံရေးအုပ်စုဖြစ်သည့် ပြည်သူ့ဒီမိုကရေစီမဟာမိတ် (PAD) အဖွဲ့ကို ပူးတွဲတည်ထောင်ခဲ့သည့် ဆွန်ဒီ လင်မ်သွန်ကူလ် (Sondhi Limthongkul) သည် အစိုးရအတိုက်အခံ တစ်ဦးအဖြစ် ပြန်လည်ပေါ်ထွက်လာခဲ့ကြောင်း Thai PBS World မှ ဖော်ပြခဲ့သည်။

အသက် ၇၇ နှစ် အရွယ်ရှိပြီဖြစ်သည့် ဆန္ဒပြ ခေါင်းဆောင်ဟောင်း ဆွန်ဒီက လက်ရှိဝန်ကြီးချုပ် ပေတုန်တန် ရှင်နာဝပ် (Paetongtarn Shinawatra) လက်ထက်တွင် အားနည်းချက် အများအပြားရှိကြောင်း ထောက်ပြခဲ့သည်။

ပေတုန်တန် အစိုးရအဖွဲ့သည် အမျိုးသားရေး အကျိုးစီးပွားအတွက် တာဝန်ထမ်းဆောင်နေခြင်း မရှိကြောင်းလည်း ဆွန်ဒီက ဝေဖန်ခဲ့သည်။

ဆွန်ဒီက သူသည် ကမ္ဘောဒီးယားနှင့် ထိုင်းအကြား လက်မှတ်ရေးထိုးခဲ့သည့် နားလည်မှု စာချွန်လွှာနှင့် ပတ်သက် ပြီး အစိုးရထံမှ ရှင်းလင်းတင်ပြချက်များကို တောင်းခံရန် ဒီဇင်ဘာ ၉ ရက်တွင် အစိုးရအိမ်တော်သို့ သွားရောက် မည်ဟု ပြောကြားခဲ့သည်။

ထိုနားလည်မှု စာချွန်လွှာကို သက်ဆင် ရှင်နာဝပ် (Thaksin Shinawatra) လက်ထက် ၂၀၀၁ ခုနှစ်က လက်မှတ် ရေးထိုးခဲ့ခြင်းဖြစ်ပြီး ထိုနားလည်မှု စာချွန်လွှာတွင် ကမ္ဘောဒီးယားနှင့် ပင်လယ်ရေကြောင်း နယ်နိမိတ်ပိုင်ဆိုင်ရေး အငြင်းပွားမှုကို ညှိနှိုင်းဆောင်ရွက်ရန် အစီအစဉ်များ ပါဝင်သည်။

အဆိုပါ နားလည်မှု စာချွန်လွှာသည် ထိုင်းပင်လယ်ကွေ့တွင် ကမ္ဘောဒီးယား၏ ပိုင်ဆိုင်ကြောင်း ထွက်ဆိုချက်ကို လက်ခံထားသဖြင့် ထိုနေရာတစ်ဝိုက်ရှိ ရေနံနှင့် သဘာဝဓာတ်ငွေ့များကို ထိုင်းဘက်က လက်လွှတ်ဆုံးရှုံး ရနိုင်ကြောင်း ဝေဖန်သူများက ပြောကြားခဲ့သည်။

အာဏာရ ဖြူးထိုင်းပါတီကမူ ၎င်းတို့၏ ရန်သူဖြစ်သည့် ဆွန်ဒီသည် လွန်ခဲ့သည့် ဆယ်စုနှစ် နှစ်စုက လူအများအပြား ပါဝင်သည့် ဆန္ဒပြမှုကို ဦးဆောင်နိုင်ခဲ့သော်လည်း လက်ရှိတွင် နိုင်ငံရေး အခင်းအကျင်း အပြောင်းအလဲကြောင့် လူအများအပြားကို စည်းရုံးနိုင်ခြေမရှိကြောင်း ပြောကြားခဲ့သည်။

ဆွန်ဒီသည် ထိုင်းနိုင်ငံရေးလောကတွင် ၂၀၀၀ ပြည့်နှစ် အစောပိုင်းများကတည်းက အဓိကအခန်းကဏ္ဍမှ ပါဝင်ခဲ့သည်။

၂၀၀၈ ခုနှစ်က ဆန္ဒပြမှုများ အရှိန်အမြင့်ဆုံး ကာလများတွင် ရှပ်ဝါဆန္ဒပြသူများသည် ဘန်ကောက်မြို့တော်ရှိ လေဆိပ်နှစ်ခုနှင့် အစိုးရအိမ်တော်တို့ကို ဝင်ရောက်စီးနင်းခဲ့သည်။

၂၀၀၉ ခုနှစ်တွင်မူ ဆွန်ဒီသည် ၎င်း၏ ရုံးခန်းအနီး ဗန်ကားထဲတွင် ရှိနေချိန်၌ လက်နက်ကိုင်များ၏ ခြုံခို တိုက်ခိုက်ခြင်းကို ခံခဲ့ရသော်လည်း အသက်ဘေးမှ လွတ်မြောက်ခဲ့သည်။

Source: Thai PBS World

ပုံ - အတိုက်အခံ ဆွန်ဒီကို တွေ့ရစဉ်

#centralnewsnaypyitaw

Red 🍒

Red 🍒

Red 🍒

Red 🍒

Red 🍒

Red 🍒

Red 🍒

ဂျာမန်အဓိပတိသည် အံ့အားသင့်ဖွယ် အလည်အပတ် ခရီးစဉ်အဖြစ် ကိယက်ဗ်မြို့သို့ ရောက်ရှိ

ဂျာမနီနိုင်ငံ အဓိပတိ Olaf Scholz သည် ၂ နှစ်ခွဲအတွင်း ပထမဆုံးအကြိမ်အဖြစ် ကိယက်ဗ်မြို့သို့ အလည်အပတ်ရောက်ရှိခဲ့ကြောင်း DPA သတင်းဌာနက ယနေ့ တနင်္လာနေ့တွင် ဖော်ပြခဲ့သည်။

ဂျာမန်အစိုးရ အကြီးအကဲသည် ယူကရိန်းနိုင်ငံသမ္မတ ဗလာဒီမာ ဇယ်လင်စကီးနှင့် တွေ့ဆုံမည်ဖြစ်သည်။ Scholz သည် ရထားဖြင့် ကိယက်ဗ်သို့ ရောက်ရှိလာခြင်းဖြစ်ပြီး လုံခြုံရေး အကြောင်းပြချက်ဖြင့် ၎င်း၏ ခရီးစဉ်ကို အစောပိုင်းတွင် ကြေညာခဲ့ခြင်း မရှိကြောင်း အဆိုပါ သတင်းဌာနက ဆိုသည်။

ဂျာမနီအဓိပတိသည် ယခုဒီဇင်ဘာလအတွင်းတွင် ယူကရိန်းသို့ ယူရိုသန်း ၆၅၀ တန်ဖိုးရှိ လက်နက်များ ထောက်ပံ့ပေးမည်ဟု ကြေညာခဲ့ဖူးသည်။