ကော်ဘီယန်ကို နည်းပြသစ်အဖြစ် ဗလန်စီယာ ခန့်အပ်
-------------------------
ရလဒ်ဆိုးတွေကြောင့် နည်းပြ ဘာရာဂျာကို ထုတ်ပယ်ထားတဲ့ ဗလန်စီယာအသင်းဟာ ဝက်စ်ဘရွန်းအသင်း နည်းပြ ကော်ဘီယန်ကို နည်းပြသစ်အဖြစ် ခန့်အပ်လိုက်ပါတယ်။ အသက် ၄၁ နှစ်အရွယ် စပိန်လူမျိုးနည်းပြ ကော်ဘီယန်ကို ခေါ်ယူနိုင်ဖို့အတွက် ဗလန်စီယာအသင်းဟာ ဝက်စ်ဘရွန်းအသင်းကို စာချုပ်ဖျက်ကြေး ပေါင် ၃ သန်းနဲ့ ၄ သန်းကြားပေးလိုက်ရတယ်လို့ သိရပြီး ကော်ဘီယန်ဟာ ဗလန်စီယာအသင်းနဲ့ ၂၀၂၇ အထိ စာချုပ် ချုပ်ဆိုခဲ့တယ်လို့ ဆိုပါတယ်။

အသင်းအတွက် အကောင်းဆုံးစွမ်းဆောင်ပေးခဲ့တဲ့ ကော်ဘီယန်အနေနဲ့ အသင်း သစ်မှာ အောင်မြင်မှုတွေရဖို့ ဆုတောင်းပေးပါတယ်လို့ ဝက်စ်ဘရွန်းအသင်း ကြေညာချက်မှာ ရေးသားထားပါ တယ်။ ကော်ဘီယန်ကလည်း ဝက်စ်ဘရွန်းအသင်းကို စွန့်ခွာဖို့ ဆုံးဖြတ်ချက်က သူ့ဘဝမှာ အခက်ခဲဆုံး ဆုံးဖြတ် ချက်ဖြစ်ခဲ့တယ်လို့ လူမှုကွန် ရက်မှာ ရေးသားထားခဲ့ပါတယ်။

နည်းပြသစ်ရှာဖွေနေတဲ့ အချိန်အတွင်း ဝက်စ်ဘရွန်း အသင်းကို နည်းပြအဖွဲ့ဝင်တွေဖြစ်ကြတဲ့ ဘရန့်၊ အာဘီလာနဲ့ မိုင်ဟေးလ်တို့က ပူးတွဲတာဝန်ယူ သွားမှာဖြစ်ပါ တယ်။ ၂၀၂၂ အောက်တိုဘာမှာ ဝက်စ်ဘရွန်းအသင်းနည်းပြ ရာထူးကို ရယူခဲ့တဲ့ ကော်ဘီယန်ဟာ သူ့ရဲ့ ပထမဆုံး ရာသီမှာ ဝက်စ်ဘရွန်းအသင်းကို ချန်ပီယံရှစ် အဆင့်-၉ မှာ ရပ်တည်စေနိုင်ခဲ့သလို အခုရာသီမှာလည်း အဆင့်-၇ နေရာမှာ ရပ်တည်နိုင်အောင် ဦးဆောင်းပေးထားခဲ့သူ ဖြစ်ပါတယ်။

ဂါဇာတွင် မွေးကင်းစကလေးငယ်(၃)ဦး အေးခဲသေဆုံး
---------------------------
ဂါဇာတောင်ပိုင်း အယ်လ် မာဝါဆီဒေသက ဒုက္ခသည်စခန်းတစ်ခုမှာ မွေးကင်းစ ကလေးငယ်တစ်ယောက် ရာသီ ဥတုဒဏ်ကြောင့် အေးခဲပြီး ဗုဒ္ဓဟူးနေ့က သေဆုံးသွားပါတယ်။ ဒါဟာ စစ်ဒဏ်ကြောင့် ကြေမွပျက်စီးနေတဲ့ ပါလက်စတိုင်းဒေသတွင်း ဒုက္ခသည်တွေ ရင်ဆိုင်နေရတဲ့ စိန်ခေါ်မှုတွေကို အခုဖြစ်ရပ်က မီးမောင်းထိုးပြလိုက် တာပါ။

ရာသီဥတုဆိုးဆိုးရွားရွား အေးလာလို့ အဲဒီဒဏ်ကြောင့် မွေးကင်းစကလေးငယ် သေဆုံးရတာဖြစ်ကြောင်း ဂါဇာကျန်းမာရေးဌာန တာဝန်ရှိသူ ဒေါက်တာ မူနီ အယ်လ် ဘာ့စ်က သူရဲ့ X လူမှုကွန်ရက်စာမျက်နှာ ဖော်ပြထား ပါတယ်။ လွန်ခဲ့တဲ့ (၄၈)နာရီအတွင်း အနည်းဆုံး တခြားမွေးကင်းစ ကလေးငယ်(၂)ယောက်လည်း ခန်ယိုနစ္စမြို့ နက်ဆာဆေးရုံမှာ သေဆုံးခဲ့ပြီး တစ်ယောက်က (၃)ရက်သားဖြစ်ကာ နောက်တစ်ယောက်က တစ်လသားအရွယ် ဖြစ်တယ်လို့ ပါလက်စတိုင်း အာဏာပိုင်တွေက ပြောပါတယ်။

အစ္စရေးက အစပိုင်က လူသားချင်းစာနာထောက်ထားမှုဧရိယာအဖြစ် သတ်မှတ်ထားတဲ့ ရာဖာအနောက်ပိုင်း ကမ်းရိုးတန်းဒေသဟာ အခု အစ္စရေးရဲ့ တိုက်ခိုက်မှုတွေနဲ့ အကြိမ်ကြိမ် ထပ်မံ ရင်ဆိုင်လာနေရပါတယ်။ ပါလက် စတိုင်း ဒုက္ခသည် ထောင်ပေါင်းများစွာဟာ စစ်ဘေးဒဏ်ကြောင့် အဲဒီနေရာတွေကို ရွှေ့ပြောင်းကာ ရွက်ဖျင်တဲ ထိုးကာ ခိုလှုံနေထိုင်ကြရတာဖြစ်ပါတယ်။

တရုတ်ကကမ္ဘာ့အကြီးဆုံး ရေအားလျှပ်စစ်ဆည် တည်ဆောက်မည်

တရုတ်နိုင်ငံသည် ကမ္ဘာ့အကြီးဆုံး ရေအားလျှပ်စစ်ဆည်ဖြစ်လာမည့် ဆောက်လုပ်ရေးစီမံကိန်းကို အတည်ပြုလိုက်ပြီဖြစ်ပြီး တိဘက်ကုန်းပြင်မြင့်၏ အရှေ့ဘက်စွန်း၌အခြေခံအဆောက်အဦစီမံကိန်းတစ်ခုကို အစပြုလိုက်သည်။ အိန္ဒိယနှင့် ဘင်္ဂလားဒေ့ရှ် မြစ်အောက်ပိုင်းဒေသများတွင် သက်ရောက်မှုကြီးကြီးမားမားရှိမည့် စီမံကိန်းသည် မကြုံစဖူးသော စွမ်းအင်ပမာဏကို ထုတ်လုပ်နိုင်မည်ဟု မျှော်လင့်ရသည်။

Yarlung Zangbo မြစ်အောက်ပိုင်း၌ တည်ရှိမည့် အဆိုပါဆည်သည် နှစ်စဉ် လျှပ်စစ်ဓါတ်အား ကီလိုဝပ်နာရီ ၃၀၀ ဘီလျံခန့် ထုတ်လုပ်နိုင်မည်ဖြစ်သည်ဟု တရုတ်နိုင်ငံ လျှပ်စစ်စွမ်းအင်တည်ဆောက်ရေးကော်ပိုရေးရှင်းက ၂၀၂၀ ပြည်နှစ်တွင် ခန့်မှန်းတွက်ချက်ထားသည်။

ယင်းပမာဏသည် လျှပ်စစ်ဓါတ်အား ကီလိုဝပ်နာရီ ၈၈ ဒဿမ ၂ ဘီလျံ ထုတ်လုပ်ရန် ရည်ရွယ်တည်ဆောက်ခဲ့သည့် တရုတ်နိုင်ငံအလယ်ပိုင်းရှိ လက်ရှိကမ္ဘာ့အကြီးဆုံး မြစ်ကျဉ်းသုံးသွယ်ဆည်ထက် ထုပ်လုပ်မှုစွမ်းရည် သုံးဆကျော်ပိုမည်ဖြစ်သည်။

အဆိုပါ စီမံကိန်းသည် တရုတ်နိုင်ငံ၏ ကာဗွန်ထုတ်လွှတ်မှုဆိုင်ရာ ရည်မှန်းချက်များ၊ပြည့်မီရေး၊ အင်ဂျင်နီယာကဲ့သို့ ဆက်စပ်စက်မှုလုပ်ငန်းများကို စေ့ဆော်ပေးကာ တိဘက်တွင် အလုပ်အကိုင်များဖန်တီးပေးရာတွင် အဓိကအခန်းကဏ္ဍမှ ပါဝင်မည်ဖြစ်သည်ဟု နိုင်ငံပိုင် ရှင်းဟွာသတင်းဌာနက ဗုဒ္ဓဟူးနေ့တွင် သတင်းထုတ်ပြန်ခဲ့သည်။

Yarlung Zangbo မြစ်၏ မီတာ ၂၀၀၀ ခန့်ရှည်သော ရေဆင်းတစ်ခုသည် ကြီးမားသော ရေအားလျှပ်စစ်အလားအလာနှင့် သူမတူသော အင်ဂျင်နီယာလုပ်ငန်းပိုင်းဆိုင်ရာ စိန်ခေါ်ချက်များကို ပေးစွမ်းသည်။

အင်ဂျင်နီယာပိုင်း ကုန်ကျစရိတ်အပါအဝင် ရေကာတာတည်ဆောက်ခြင်းအတွက် ကုန်ကျစရိတ်သည် ယွမ် ၂၅၄ ဒဿမ ၂ ဘီလျံ(ဒေါ်လာ ၃၄ ဒဿမ ၈၃ ဘီလျံ) ကုန်ကျခဲ့သော မြစ်ကျဉ်းသုံးသွယ်ရေကာတာထက် အဆမတန်မြင့်မားမည်ဟု မျှော်လင့်ရသည်။ ယင်းတွင် နေရာရွှေ့ပြောင်းပေးရမည့် လူဦးရေ ၁ ဒဿမ ၄ သန်းကို ပြန်လည်နေရာချထားရေးကုန်ကျစရိတ်လည်း ပါဝင်ပြီး ယင်းအတွက် ကနဦးခန့်မှန်းထားသည့် ယွမ် ၅၇ ဘီလျံထက် လေးဆကျော် ပိုများခဲ့သည်။

တိဘက်စီမံကိန်းကြောင့် လူပေါင်း မည်ရွေ့မည်မျှ ရွှေ့ပြောင်းရမည်ဆိုသည်နှင့် ကုန်းပြင်မြင့်ပေါ်ရှိ အကြွယ်ဝဆုံးနှင့် အကွဲပြားဆုံးဖြစ်သော ဒေသ၏ ဂေဟဗေဒစနစ်အပေါ် မည်ကဲ့သို့ သက်ရောက်မှုရှိမည်ဆိုသည်ကို အာဏာပိုင်များက ဖော်ပြခဲ့ခြင်းမရှိပေ။

စမ်း​ချောင်း ဘူတာရပ်ကွက် အုပ်ချုပ်ရေးမှူးကို ပစ်သတ်ခဲ့သူတွေကို ဖမ်းမိပြီလို့သိရ

ဒီဇင်ဘာ ၂၆

ရန်ကုန်တိုင်း၊ စမ်းချောင်းမြို့နယ် ဟုမ်းလမ်းဘူတာရပ်ကွက်အုပ်ချုပ်ရေးမှူး ဦးစန်းငွေကို ပစ်သတ်သွားရာမှာပါဝင်တဲ့ ကျူးလွန်သူနှစ်ယောက်ကိုဖမ်းဆီးရမိပြီဖြစ်တယ်လို့ ရဲတပ်ဖွဲ့နဲ့ နီးစပ်တဲ့အသိုင်းအဝိုင်းက သိရပါတယ်။

အဆိုပါ ကျူးလွန်သူနှစ်ယောက်ကို ဒီဇင်ဘာ ၂၄ ရက်နေ့ညပိုင်းက အင်းစိန်မြို့နယ်၊ အောင်ဆန်းရပ်ကွက်၊ ရွာသစ်အနောက်(၁)မှာ ရှိတဲ့ အဆောင်တခုမှာ သေနတ် ၁ လက်၊ ကျည်ဆံတွေနဲ့အတူ ဖမ်းဆီးရမိခဲ့တာဖြစ်ပြီးကျူးလွန်သူကအမျိုးသားတယောက်နဲ့အမျိုးသမီးတယောက်ဖြစ် တယ်လို့သိရပါတယ်။

" အုပ်ချုပ်ရေးမှူး ကလည်းဒီနေ့မနက်ပဲဆုံးသွားပြီ။ သူကဒဏ်ရာပြင်းတယ်။ ဆေးရုံစတက်ကတည်းက အရေးပေါ်ခန်းထဲမှာကုရတာလေ။အုပ်ချုပ်ရေးမှူးကိုပစ်တဲ့သူတွေလည်းအင်းစိန်ဘက်မှာမိတယ်ဆိုပြီးသိရတယ်။"လို့ စမ်းချောင်းမြို့နယ် နေထိုင်သူကပြောပါတယ်။

ဟုမ်းလမ်းဘူတာရပ်ကွက်အုပ်ချုပ်ရေးမှူး ဦးစန်းငွေက ဒီဇင်ဘာလ ၂၄ ရက်နေ့မနက်ပိုင်း အုပ်ချုပ်ရေး ရေးမှူးရုံးမှာရှိနေစဥ် သေနတ်နဲ့ပစ်ခတ်ခံခဲ့ရတာဖြစ် ပြီး အဲဒီနောက် ရန်ကုန်ပြည်သူ့ဆေးရုံကြီးမှာ အရေးပေါ်ကုသခဲ့ပေမယ့် ဒီနေ့မနက်ပိုင်းမှာသေဆုံးသွားပြီဖြစ်တယ်လို့သိရပါတယ်။

ဟုမ်းလမ်းဘူတာရပ်ကွက်အုပ်ချုပ်ရေးမှူးကိုကို တော့ Freeland Attack Force (FLA) အဖွဲ့ကသူတို့ ပစ်ခတ်ရှင်းလင်းခဲ့တာဖြစ်ကြောင်းပြောဆိုထားပါတယ်။ ယခုနစကဘက်မှထုတ်ပြန်လာတဲ့ ဖမ်းဆီးရမိသူနှစ်ယောက်နဲ့ပတ်သက်ပြီး တစုံတရာတုံ့ပြန်ပြောဆိုခြင်းမရှိသေးပါဘူး။

နိုဝင်ဘာလ ၂၄ ရက်နေ့ကလည်း ဒဂုံမြို့သစ် အရှေ့ပိုင်း မြို့နယ်၊ ၅ ရပ်ကွက် အုပ်ချုပ်ရေးမှူး ဦးတင်ထွန်းအောင် နဲ့ ဒဂုံမြို့သစ် မြောက်ပိုင်းမြို့နယ် အမှတ် ၂၉ ရပ်ကွက်က အုပ်ချုပ်ရေးမှူး ဦးမြင့်ကြည်ဆိုသူတို့လည်း သေနတ်နဲ့ပစ်ခတ်ခံရမှုကြောင့် သေဆုံးခဲ့ပါတယ်။

Photo:CJ

#centralnewsnaypyitaw

ထိုင်းပြည်ပပို့ကုန်တန်ဖိုး မြင့်တက်နေသော်လည်း ကုန်သွယ်မှုလိုငွေ ရှိနေဆဲဖြစ်

နိုင်ငံတကာ၊ ဒီဇင်ဘာ ၂၆

ထိုင်းနိုင်ငံဟာ နိုဝင်ဘာလအတွင်း ပြည်ပပို့ကုန်တန်ဖိုး ဒေါ်လာ ၂၅.၆၁ ဘီလျံ (ဘတ် ၈၇၄.၈၄ ဘီလျံ) ရရှိပြီး အောက် တိုဘာလထက် ၈.၂% မြင့်တက်လာကြောင်း ကုန်သွယ်ရေးမူဝါဒနဲ့ မဟာဗျူဟာရုံး (TPSO) က ဒီဇင်ဘာ ၂၅ ရက်နေ့ (ဗုဒ္ဓဟူး) နေ့က ပြောပါတယ်။

ပြည်ပပို့ကုန်တန်ဖိုးဟာ နိုဝင်ဘာလအထိ တစ်ဆက်တည်း ငါးလဆက်တိုက်မြင့်တက်လာခဲ့တာဖြစ်ကြောင်း TPSO ညွှန် ကြားရေးမှူး ပွန်ပေါင်းနိုယာနာပါခွန်က သတင်းထောက်တွေကို ပြောပါတယ်။

ရေနံထွက်ပစ္စည်းတွေ၊ ရွှေနဲ့ စစ်လက်နက်ပစ္စည်းတွေ မပါဘဲ ပြည်ပပို့ကုန်တန်ဖိုးဟာ ပြီးခဲ့တဲ့လနဲ့ နှိုင်းယှဉ်ရင် ၇% မြင့် တက်လာခဲ့တာဖြစ်ပါတယ်။ ပြည်ပပို့ကုန်တန်ဖိုးမြင့်တက်ပေမဲ့လည်း သွင်းကုန်တန်ဖိုး ဒေါ်လာ ၂၅.၈၃ ဘီလျံရှိနေတဲ့အတွက် ထိုင်းနိုင်ငံအနေနဲ့ ကုန်သွယ်မှုလိုငွေ ဒေါ်လာ ၂၂၄.၄ သန်း ရှိနေဆဲဖြစ်ပါတယ်။

အခုနှစ် ပထမ ၁၁ လအတွင်း ထိုင်းနိုင်ငံရဲ့ စုစုပေါင်းပြည်ပပို့ကုန်တန်ဖိုးဟာ ဒေါ်လာ ၂၇၅.၇၆ ဘီလျံရှိပြီး ၂၀၂၃ ခုနှစ် ထက် ၅.၁% မြင့်တက်လာခဲ့ကြောင်း မစ္စတာပွန်ပေါင်းက ပြောပါတယ်။

တပြိုင်တည်းမှာပဲ သွင်းကုန်ကလည်း ဒေါ်လာ ၂၈၂.၀၃ ဘီလျံ ရှိတဲ့အတွက် အဲဒီကာလအတွင်း ကုန်သွယ်မှုလိုငွေ ဒေါ် လာ ၆.၂၇ ဘီလျံ ရှိပါတယ်။

နိုဝင်ဘာလအတွင်း လယ်ယာထွက်ကုန်နဲ့ လယ်ယာစက်မှုထွက်ကုန် ပြည်ပပို့ကုန် ၅.၇% မြင့်တက်ခဲ့သလို စက်မှု ထုတ်ကုန်တွေကလည်း ၉.၅% မြင့်တက်ခဲ့တယ်လို့ ဆိုပါတယ်။

ဂျပန်၊ အာဆီယံနိုင်ငံများနဲ့ အမေရိကန်၊ တရုတ်၊ ဥရောပသမဂ္ဂနိုင်ငံများ၊ ကမ္ဘောဒီးယား၊ လာအို၊ မြန်မာနဲ့ ဗီယက်နမ် တို့ပါဝင်တဲ့ CLMV အုပ်စုနိုင်ငံများအပါအဝင် အဓိကဈေးကွက်နိုင်ငံတွေကို တင်ပို့မှုဟာလည်း ၈.၃% မြင့်တက်ခဲ့ပါတယ်။

ဒီဇင်ဘာလအတွက် ပြည်ပပို့ကုန်တန်ဖိုးဟာ ဒေါ်လာ ၂၄.၃ ဘီလျံရှိမယ်လို့ ကုန်သွယ်ရေးမူဝါဒနဲ့ မဟာဗျူဟာရုံး (TPSO) က ခန့်မှန်းထားတဲ့အတွက် စုစုပေါင်း တစ်နှစ်လုံးပြည်ပပို့ကုန်တန်ဖိုး ဒေါ်လာ ဘီလျံ ၃၀၀ နီးပါးရှိလာမှာဖြစ် တဲ့အတွက် အခုနှစ်အတွင်း ၅.၂% မြင့်တက်လာမှာဖြစ်ပါတယ်။

ဒီပမာဏဟာ ပြည်ပပို့ကုန်တန်ဖိုး ဒေါ်လာ ၂၈၇.၄ ဘီလျံရှိခဲ့တဲ့ ၂၀၂၂ ခုနှစ်ကတည်းကတွက်ရင် အမြင့်ဆုံးနှုန်းထားဖြစ် တယ်လို့ ဆိုပါတယ်။

ဒါပေမဲ့လည်း ကုန်သွယ်ရေးစစ်ပွဲတွေနဲ့ လက်ရှိဖြစ်ပွားနေတဲ့ ပထဝီနိုင်ငံရေးဆိုင်ရာ တင်းမာမှုတွေကနေ ထွက်ပေါ်လာတဲ့ စီးပွားရေးမရေရာမှုတွေကြောင့် ၂၀၂၄ ခုနှစ်အတွင်း အလယ်အလတ်ပြည်ပပို့ကုန် တိုးတက်မှုနှုန်း ၂% ကနေ ၃% အတွင်းသာရရှိဖို့ မျှော်လင့်ထားတယ်လို့ မစ္စတာပွန်ပေါင်းက ပြောပါတယ်။

Ref: November marks 5th consecutive month of export growth for Thailand

#သတင်းဟင်းလေးအိုးကြီး

အငြင်းပွားနေသည့် တောင်တရုတ်ပင်လယ်အရေး တရုတ်ပြင်ဆင်နေ

ဘေကျင်း၊ ဒီဇင်ဘာ ၂၆

တရုတ်သည် အငြင်းပွားနေသော တောင်တရုတ်ပင်လယ် အရေးနှင့်ပတ်သက်ပြီး ပင်လယ်ရေကြောင်းဆိုင်ရာ ဥပဒေအတွက် အထူးကျွမ်းကျင်သူများအဖွဲ့ကို ခိုင်မာစွာဖွဲ့စည်းရန် တိုက်တွန်းခဲ့သည်ဟု South China Morning Post မှ ဖော်ပြခဲ့သည်။

တောင်တရုတ်ပင်လယ်တွင် ကာလကြာရှည် နယ်နိမိတ်ပိုင်ဆိုင်မှု အငြင်းပွားနေသည့် ကိစ္စနှင့်ပတ်သက်ပြီး စိန်ခေါ်မှုများ ထပ်မံပေါ်ပေါက်လာမည်ဟု ဖိလစ်ပိုင်က ခြိ-မ်းခြော-က်နေချိန်၌ တရုတ်က ထိုကဲ့သို့ ပြင်ဆင်ခဲ့ခြင်း ဖြစ်သည်။

လာမည့်နှစ်သည် တောင်တရုတ်ပင်လယ်တွင် တရုတ်အတွက် အလွန်အရေးကြီးသည့် အခွင့်အလှမ်းကို ရရှိမည့် နှစ်ဖြစ်သည်ဟု တရုတ်၏ ပင်လယ်ရေကြောင်း ပူးပေါင်းဆောင်ရွက်ရေးနှင့် သမုဒ္ဒရာဆိုင်ရာ အုပ်ချုပ်ရေး ဟွာယန်းစင်တာ (Huayang Centre for Maritime Cooperation and Ocean Governance) ၏ ဥက္ကဋ္ဌလည်းဖြစ် တောင်တရုတ်ပင်လယ်ရေးရာ အမျိုးသားအင်စတီကျုကို ထူထောင်သူလည်းဖြစ်သူ ဝူရှီကန် (Wu Shicun) က ပြောကြားခဲ့သည်။

အမေရိကန်တွင် သမ္မတဟောင်း ဒေါ်နယ်ထရမ့် (Donald Trump) ပြန်လည် ရွေးကောက်ခံရမှုနှင့်အတူ တောင်တရုတ်ပင်လယ်၏ အနာဂတ်သည် မသေချာမှုများ ရှိနေချိန်တွင် ဖိလစ်ပိုင်က တောင်တရုတ်ပင်လယ်၏ နယ်နိမိတ်များ ပိုင်ဆိုင်မှု အငြ-င်းပွားနေသည့် ပြဿနာအတွက် တရားရေး လုပ်ထုံးလုပ်နည်းများဖြင့် စီရင်ရန် ပြင်ဆင်မည်ဟု ခြိမ်းခြောက်နေကြောင်း ဝူက ပြောသည်။

"တရုတ်ရဲ့ ပင်လယ်ရေကြောင်း အကျိုးစီးပွားတွေကို ကာကွယ်ဖို့နဲ့ တခြားနိုင်ငံတွေရဲ့ စိန်ခေါ်မှုတွေကို ဖြေရှင်းဖို့ တရုတ်အနေနဲ့ တရားရေးကျွမ်းကျင်သူတွေပါတဲ့ ကေဒါအဖွဲ့ကို ထူထောင်ဖို့ လိုအပ်နေပါတယ်" ဟု ၎င်းက ဆို သည်။

ထိုအဖွဲ့တွင် ပါဝင်သူများအနေဖြင့် နိုင်ငံတကာဥပဒေကို သိရှိနားလည် ထားရုံသာမက အခြားနိုင်ငံများ၏ နိုင်ငံရေး အခြေအနေများကိုသိရှိပြီး နိုင်ငံခြား ဘာသာစကားများ ကျွမ်းကျွမ်းကျင်ကျင် ပြောတတ်ရမည်ဖြစ်ကြောင်း ဝူက ပြောကြားခဲ့သည်။

ဝူသည် ပြီးခဲ့သည့် သီတင်းပတ်က ဘေကျင်းမြို့တော်တွင် ဟွာယန်းစင်တာက ပူးတွဲကျင်းပသော နိုင်ငံတကာ အငြ-င်းပွားမှုဖြေရှင်းရေး အလုပ်ရုံဆွေးနွေးပွဲ၌ ပြောကြားခဲ့ခြင်းဖြစ်သည်။

မကြာသေးမီ လများအတွင်း တောင်တရုတ်ပင်လယ်တွင် တရုတ်ကမ်းခြေစောင့်တပ်ဖွဲ့ သင်္ဘောများနှင့် ဖိလစ်ပိုင် ကမ်းခြေစောင့်တပ်ဖွဲ့ သင်္ဘောများ၊ ဖိလစ်ပိုင် ငါးဖမ်းသင်္ဘောများအကြားတွင် ထိပ်တိုက်တွေ့မှုများ ဖြစ်ပွားခဲ့ သည်။

Source: South China Morning Post

ပုံ - တရုတ်ကမ်းခြေစောင့်တပ် သင်္ဘောကိုတွေ့ရစဉ်

#centralnewsnaypyitaw

ခုတလော ကိုယ့်ကို
Healing ဖြစ်စေတဲ့ စကားလေးတခွန်းရှိတယ်။
"အတူရှိဖို့ကံ့ပါလာရင် အတူရှိသွားပါလိမ့်မယ်တဲ့"
#စာတို

Natural Spinal (Mogok)🌸🌸🌸

ဂေါ်ရာစပ်လှလှလေး ကျောက်သားတင်းပြောင်
ပွင့်အားကောင်း အသန့်လေးတွေကြီးပဲ အရွယ်ညီညီလေး

#gems

Natural Spinal (Mogok)🌸🌸🌸

ဂေါ်ရာစပ်လှလှလေး ကျောက်သားတင်းပြောင်
ပွင့်အားကောင်း အသန့်လေးတွေကြီးပဲ အရွယ်ညီညီလေး

#gems

Natural Spinal (Mogok)🌸🌸🌸

ဂေါ်ရာစပ်လှလှလေး ကျောက်သားတင်းပြောင်
ပွင့်အားကောင်း အသန့်လေးတွေကြီးပဲ အရွယ်ညီညီလေး

#gems