Haunted Mansion (2023) ရယ်လဲရယ်ရ_ကြောက်လဲကြောက်ရမဲ့ဇာတ်ကား

ဒစ္စနေးရဲ့ မိသားစုကြည့်ဖို့ ဖျော်ဖြေရေး ဟာသ သရဲကားအသစ်ထွက်လာပါပြီ။ သရဲခြောက်တာတွေဆိုပေမဲ့ ရယ်ရပြီး ကြည့်လို့ကောင်းပါတယ်။သရဲခြောက်တဲ့စံအိမ်ကြီးကိုမသိဘဲ ဝယ်မိသွားတဲ့ သားအမိနှစ်ယောက်က သရဲခြောက်ခံရပါတော့တယ်။

သရဲတွေကို နှင်ထုတ်ဖို့ ပင့်တဲ့ဘုန်းကြီးရော၊ သရဲကင်မရာသမားရော၊ ဝိညာဉ်ဟောတဲ့ဆရာမရော၊ သမိုင်းပညာရှင်ရော အကုန် အကူအညီလိုက်တောင်းပေမဲ့ လာကူညီတဲ့သူအကုန် အိမ်ထဲမှာ ပိတ်မိပြီး သရဲတစ်ထောင်လောက်နဲ့ တိုင်တွေပတ်ကုန်ကြတာပါ။

တစ်အိမ်တည်းမှာ သရဲတွေဒီလောက်များနေတာဘာကြောင့်လဲ၊ သူတို့ဘာလို့ ဒီလူတွေကို ထွက်မရအောင်ပိတ်ထားတာလဲဆိုတဲ့ ပဟေဠိတွေကို အိမ်ရဲ့သမိုင်းတွေကနေ လေ့လာပြီး သရဲတွေနဲ့ ရင်ဆိုင်ရတာပဲဖြစ်ပါတယ်။
#movie

သုခဒဂုံပြည်သူ့အငှားအိမ်ရာ ဆောက် လုပ်ဆဲ တိုက် အခန်းပေါင်း ၄၅၀ ခန်းကျော်မကြာခင် ထပ်မံငှားရမ်းပေးသွားမည်

ရန်ကုန်တိုင်းဒေသကြီး၊ ဒဂုံမြိုသစ်တောင်ပိုင်းမြိုနယ်ရှိသုခဒဂုံပြည်သူ့အငှားအိမ်ရာ ဆောက် လုပ်ဆဲ တိုက် များမှ အခန်းပေါင်း ၄၅၀ ခန်းကျော်ကို မကြာခင် ထပ်မံငှားရမ်းပေးသွားမည်ဖြစ်ကြောင်း သိရသည်။
အဆိုပါအငှားအိမ်ရာသည် တစ်လကို တိုက်ခန်းငှားရမ်းခအဖြစ် ပထမထပ်ငွေကျပ် ၆၇၀၀၀၊ ဒုတိယထပ် ၆၀၀၀၀၊ တတိယထပ် ၅၅၀၀၀ နှင့်စတုတ္ထထပ် ၄၆၀၀၀ သတ်မှတ်ထားပြီး တိုက်ခန်းငှားရမ်းမည့်သက်တမ်းမှာ ၅နှစ် ဖြစ်‌​ကြောင်းသိရသည်။

ယင်းသုခပြည်သူ့အငှားအိမ်ရာ၌ အိမ်ခန်းရမည်ဆိုပြီး ငွေကြေးလိမ်လည်မှုများ ရှိနေအတွက် ပြည်သူများ အနေဖြင့်သတိပြုရန် သုခဒဂုံအိမ်ခန်းနေရာအငှားချထားရေးနှင့် စည်းကမ်းထိန်းသိမ်းရေးကော်မတီက အသိပေးထား‌​ကြောင်းသိရသည်။

NOM

နိုင်ငံတကာသတင်းတိုများ

၁။အိန္ဒိယ​ဘောလီးဝုဒ်၏နံမည်ကြီးသရုပ်​ဆောင်တစ်ဦးဖြစ်​သောဆာအစ်အလီခန်သည်ဘာ့ဂလာရီမြိုတွင်ဓါးထိုးခံရသည်။

၂။ဘူလ်​ဂေးရီးယားလွှတ်​တော်သည်​ရှေးရိုးစွဲများဦး​ဆောင်မည့်ညွန့်​ပေါင်းအစိုးရသစ်ကိုအတည်ပြုလိုက်သည်။

၃။ထရမ့်အပါအဝင်အ​မေရိကန်သူ​ဌေးများ၏အခွန်​ဆောင်မှုကိုတရားမဝင်ထုတ်​ဖော်​ပြောဆိုသဖြင့်​ထောင်ငါးနှစ်ကျခံ​နေရ​သောအခွန်ဝန်ထမ်း​ဟောင်းချားလ်စ်လစ်တဲဂျွန်ကိုလွတ်ငြိမ်းချမ်းသာခွင့်​ပေးရန်ဂျိုးဘိုင်ဒင်အစိုးရကစဥ်းစား​နေ​ကြောင်းသိရသည်။

၄။အ​မေရိကန်၊အီဂျစ်နှင့်ကာတာနိုင်ငံတို၏ဝင်​ရောက်​စေ့စပ်​ပေးမှုဖြင့်၁၅လကြာတိုက်ခိုက်​နေသည့်အစ္စ​ရေးနှင့်ဟားမတ်စ်တိုသည်အပစ်အခတ်ရပ်စဲလိုက်ကြသည်။

၅။ထိုင်ဝမ်ကိုလက်နက်​ရောင်းသည့်အ​မေရိကန်ကုမ္ပဏီ၇ခုကိုတရုတ်ကအမည်ပျက်စာရင်း​ကြေညာလိုက်သည်။

၆။ကင်ဆာဖြစ်နိုင်​ခြေ​ကြောင့်အစားအ​သောက်သုံးအနီ​ရောင်ဆိုး​ဆေးအမှတ်(၃)ကိုအ​မေရိကန်တွင်သုံးစွဲခွင့်ပိတ်ပင်လိုက်သည်။

NOM

Jeff Bezos ၏ New Glenn ဒုံးပျံသည် ပထမဆုံး စမ်းသပ်ပျံသန်းမှုတွင် ပတ်လမ်းကြောင်းသို့ ရောက်ရှိခဲ့သည်။

Blue Origin သည် ၎င်း၏ ပထမဆုံး စမ်းသပ်ပျံသန်းမှုတွင် အရွယ်အစားကြီးမားသော ဒုံးပျံသစ်ကြီးကို ကြာသပတေးနေ့တွင် လွှတ်တင်ခဲ့ပြီး ရှေ့ပြေးပုံစံ ဂြိုလ်တုကို ကမ္ဘာမြေပြင်အထက် မိုင်ထောင်ပေါင်းများစွာကို လှည့်ပတ်ရန် လွှတ်တင်ခဲ့သည်။

ကမ္ဘာကို လှည့်ပတ်ခဲ့သည့်ပထမဆုံး အမေရိကန်ကို အစွဲပြု၍ အမည်ပေးထားသည့် New Glenn ဒုံးပျံသည် လွန်ခဲ့သော ရာစုနှစ်တစ်ဝက်ခန့်က NASA ၏ Mariner နှင့် Pioneer အာကာသယာဉ်ကို လွှတ်တင်ရန် အသုံးပြုခဲ့သည့် အလားတူ နေရာ ဖလော်ရီဒါမှ လွှတ်တင်ခဲ့ခြင်းဖြစ်သည်။

🤗🤗🤗

ဂျူဗင်တပ်အသင်းနှင့်ဆေးစစ်ရန် မူအာနီ ရောက်လာ
--------------------------
ပြင်သစ်တိုက်စစ်မှူး မူအာနီဟာ ဂျူဗင်တပ်အသင်းနဲ့ ဆေးစစ်မှုခံယူဖို့အတွက် ဇန်နဝါရီ ၁၅ ရက်က အီတလီနိုင်ငံ တူရင်မြို့ကို ရောက်ရှိလာခဲ့ပါတယ်။ မူအာနီကို ရာသီကုန်အထိ အငှားခေါ်ယူဖို့အတွက် ပီအက်စ်ဂျီအသင်းနဲ့ ဂျူဗင်တပ်အသင်းတို့ သဘောတူညီမှုရခဲ့ပြီးနောက် မူအာနီဟာ ဆေးစစ်မှုခံယူကာ အပြီးသတ်စာချုပ် ချုပ်ဆိုဖို့ အတွက် အီတလီကို ရောက်ရှိလာခဲ့တာပါ။

အငှားခေါ်ယူထားတဲ့ ကာလအတွင်း ဂျူဗင်တပ်အသင်းက မူအာနီရဲ့ လုပ်ခလစာကို ပေးချေရမှာဖြစ်ပြီး ရာသီကုန် မှာ အပြီးသတ်ခေါ်ယူဖို့အတွက်တော့ သဘောတူညီချက်ထဲမှာ မပါဘူးလို့ သိရပါတယ်။ ဒါ့ကြောင့် မူအာနီဟာ ရာသီအကုန်မှာ ပီအက်စ်ဂျီအသင်းကို ပြန်သွားရမှာဖြစ်ပြီး ပီအက်စ်ဂျီအသင်းက လာမယ့်နွေရာသီမှာ မူအာနီကို အပြီးသတ် ရောင်းချဖို့အတွက် ဆန္ဒရှိနေပါတယ်။

အသက် ၂၆ နှစ်အရွယ် တိုက်စစ်မှူး မူအာနီအနေနဲ့ ဂျူဗင်တပ်အသင်းနဲ့ ဆေးစစ်မှု အောင်မြင်ခဲ့မယ်ဆိုရင် ရာသီ ကုန်အထိ စီးရီးအေမှာ ကစားရတော့မှာ ဖြစ်ပါတယ်။ ဂျူဗင်တပ်နည်းပြ မော့တာ ကတော့ ကြွက်သားဒဏ်ရာ ကြောင့် အသင်းတိုက်စစ်မှူး ဗလာဟိုဗစ် ကြံ့ခိုင်မှုမပြည့်ဝတဲ့အခြေအနေမှာ တိုက်စစ်မှူးသစ် မူအာနီကို အမြန် ဆုံး အသုံးပြုဖို့အတွက် ရည်ရွယ်ထားပြီး စနေညမှာကစားမယ့် အေစီမီလန် အသင်းနဲ့ ပွဲစဉ်မှာပဲ မူအာနီကို အသုံး ပြုသွားဖွယ်ရှိနေတယ်လို့ သိရပါတယ်။