ဖေဖော်ဝါရီ ၁၆ ရက်နေ့ စက်သုံးဆီစျေးနှုန်းများ

#centralnewsnaypyitaw

နိုင်ငံတကာသတင်းတိုများ

၁။ချီလီကမ်းရိုးတန်းအနီး၌လှေလှော်သူတစ်ဦးသည်ဟမ်ပ်ဘတ်ဝေလငါးကြီး၏ပါးစပ်အတွင်းခဏတာဝင်ရောက်သွားပြီး အံ့ဖွယ်ကံကောင်းစွာဒဏ်ရာမရဘဲ ပြန်ထွက်လာသည့်အခိုက်အတန့်ကို ကင်မရာဖြင့် ဖမ်းယူရိုက်ကူးမိခဲ့သည်။

၂။အ​မေရိကန်သမ္မတထရမ့်ကကုန်သွယ်​ဖောက်ကားမှုတွင်မဟာမိတ်နိုင်ငံများသည်ရန်သူနိုင်ငံများထက်ပင်ဆိုးဝါးသည်ဟု​ပြောလိုက်သည်။

၃။အ​မေရိကန်သမ္မတထရမ့်သည်အိန္ဒိယဝန်ကြီးချုပ်မိုဒီနှင့်ကြာသပ​တေး​နေ့ကပူးတွဲပြုလုပ်​သောသတင်းစာရှင်းလင်းပွဲ၌အိန္ဒိယကိုအ​မေရိကန်၏ F-35ကိုယ်​ပျောက်တိုက်​လေယာဥ်များ​ရောင်းချ​ပေးမည်ဟု​ပြောလိုက်သည်။

၄။ပုပ်ရဟန်းမင်းကြီးဖရန်စစ်သည်​လေပြွန်​ရောင်​ရောဂါဖြင့်​ဆေးရုံတကိကုသခံ​နေ​ကြောင်းဗက်တီကန်နန်း​တော်ကသတင်းထုတ်ပြန်သည်။

၅။​တောင်ကိုးရီးယားစီးပွားကူးသန်းဝန်ကြီးကအ​မေရိကန်၏၏သံမဏိနှင့်အလူမီနီယမ်အ​ပေါ်အခွန်၂၅%​ကောက်ခံခြင်းသည်​တောင်ကိုးရီးယားကုမ္ပဏီများ၏အမြတ်အစွန်းကိုထိခိုက်​သော်လည်း​စျေးကွက်အသစ်များရှာရန်အခွင့်အလမ်းလည်းဖြစ်​ကြောင်း​ပြောလိုက်သည်။

NOM

ရွှေကုက္ကိုရှိ ကျားဖြန့်ငွေလိမ်ဂိုဏ်းတွေကို ဝင်ဖမ်းပြီး စစ်ဆေးတွေ့ရှိတဲ့နိုင်ငံခြားသားတွေကို ထိုင်းကိုပို့မယ်

ဖေဖော်ဝါရီ ၁၅

ထိုင်း-မြန်မာနယ်စပ်မြို့ဖြစ်တဲ့ မြ၀တီမြို့နယ်၊ ရွှေကုက္ကိုမြို့သစ်ထဲက ကျားဖြန့်လုပ်ငန်းတွေလုပ်ကိုင်တဲ့ နေရာတွေကို ဖေဖော်ဝါရီ ၁၄ ရက်မှာ ကရင်နယ်ခြားစောင့်တပ် BGF ကဝင်ရောက်စစ်ဆေးခဲ့ရာ နိုင်ငံခြားသားထောင်နဲ့ချီစစ်ဆေးတွေ့ရှိခဲ့ရပြီး ထိုင်းဘက်ကိုလွှဲပြောင်းပေးဖို့ စီစဉ်နေတယ်လို့ ဒေသခံတွေက ပြောပါတယ်။

အဆိုပါ နိုင်ငံခြားတွေထဲမှာ တရုတ်နိုင်ငံသားတွေပါဝင်မှုများပြီး တွေ့ရှိနိုင်ငံခြားသားတွေထဲမှာ ရိုက်နှက်ခံထားရခြင်းရှိမရှိနဲ့ လူကုန်ကူးခံရပြီးရောက်ရှိလာခြင်းဟုတ်မဟုတ်ကို BGF ကစစ်ဆေးခဲ့ပြီး နေရပ်ပြန်လိုသူတွေကိုစာရင်း ကောက်ယူမှုတွေလုပ်ခဲ့တယ်လို့ ဆိုပါတယ်။

မနေ့က ဖေဖောဝါရီ၁၄ ရက်နေ့မှာ ရွှေကုက္ကိုလ်ထဲက နေရာတခုတည်းကို ဝင်ရောက်ရှာဖွေးစစ်ဆေးအရ နိုင်ငံခြားသား ၂၀၀၀ တွေ့ရှိခဲ့ရတာဖြစ်တယ်လို့ ဒေသခံသတင်းရင်းမြစ်က ပြောပါတယ်။

" ဒီနေ့ ထိုင်းကိုပြန်လွှဲပေးကြမယ်သိရတယ်။ ထိုင်းဗီဇာနဲ့ဝင်လာတာဖြစ်လို့ထိုင်းကိုပြန်လွှဲပေးတာ။ပြန်ချင်တဲ့သူတွေကို ဘာသာပြန်နဲ့စာရင်းတွေကောက်တာလည်းရှိတယ်ဆိုတော့ လူလွှဲပေးတာဘယ်လိုပုံစံလာမလည်းမသိသေးဘူး။ သူတို့စစ်ဆေးတွေ့ရသမျှ လူတွေကိုအကုန်လုံး ထိုင်းပို့ပေးရင် ထိုင်းကအကုန်လုံးလက်ခံမှာလား ဆိုတာရှိတယ်။နိုင်ငံခြားသားတွေကိုသက်ဆိုင်ရာနိုင်ငံတေံကလက်မခံရင်ထိုင်းမှာပဲ သောင်တင်နေမယ့်အခြေအနေဆိုတော့ စောင့်ကြည့်ရမှာပဲ။ကျားဖြန့်လုပ်နေတဲ့ဂိုဏ်းတွေကို တကယ်ထိရောက်အောင်ပပျောက်အောင်လုပ်ဖို့တော့လိုတယ်။" လို့ ဒေသခံက သုံးသပ်ပြောပါတယ်။

မနေ့က ရွှေကုက္ကိုလ်မြို့ထဲက သဲပုံဂိတ်၊ ဝမ်ဖာဂိတ်၊ ရပ်ကွက် (၁)၊ ရပ်ကွက် (၂)၊ ရထိုက်ကုမ္ပဏီဝင်းနဲ့ အပိုလိုကုမ္ပဏီဝင်း တို့ကို BGF တပ်တွေက ဝင်ရောက်စီးနင်းပြီး စစ်ဆေး ရှာဖွေခဲ့တာဖြစ်တယ်လို့ သိရပါတယ်။

BGF က ကျားဖြန့်ငွေလိမ်ဂိုဏ်း၊လူမှောင်ခို ပပျောက်နှိမ်နင်းရေးအထူးတပ်ဖွဲ့ကို ဖေဖော်ဝါရီ ၁၂ ရက်နေ့မှာ ဖွဲ့စည်းပြီးနောက်မှာ ခုလို ဝင်ရောက်စီးနင်းပြီး ရှာဖွေမှုတွေပြုလုပ်ခဲ့တာဖြစ်ပါတယ်။

ထိုင်းနိုင်ငံအစိုးရက ကျားဖြန့်ငွေလိမ်ဂိုဏ်း၊လူမှောင်ခိုကူးမှုတွေနဲ့ပတ်သက်ပြီး ဖိအားတွေပေးနေသလလို BGF ခေါင်းဆောင်တွေကို ဖမ်းဝရမ်းထုတ်ဖို့အထိ လုပ်ဆောင်မှုရှိလာတာကြောင့် BGF ဘက်ကလည်း ကျားဖြန့်ငွေလိမ်ဂိုဏ်း၊လူမှောင်ခိုကူးမှုတွေနဲ့ပတ်သက်ပြီး ခုလိုမြန်မြန်ဆန်ဆန်ပင် ရှာဖွေဖမ်းဆီးမှုတွေကိုလုပ်ဆောင်လာတာဖြစ်ပါတယ်။

ကျားဖျန့်နှိမ်နင်းရေး၊ ပြန်လည်ပို့ဆောင်ရေးအဖွဲ့ဝင် ဒုတိယဗိုလ်မှူးကြီး နိုင်မောင်ဇော်က တော့ ရွှေကုက္ကိုလ်မြို့အတွင်း ရှာဖွေတွေ့ရှိထားတဲ့ နိုင်ငံခြားသားတွေကို စစ်ဆေးပြီး ထိုင်းကို ချစ်ကြည်ရေးတံတားကနေ ပို့ဆောင်ပေးသွားမှာဖြစ်တယ်လို့ မီဒီယာအချို့ကိုပြောဆိုထားပါတယ်။

ကျားဖြန့်ငွေလိမ်ဂိုဏ်းနဲ့လူမှောင်ခိုကူးမှုတွေကို ရွှေကုက္ကိုလ်ဘက်မှာအဓိကလုပ်ကိုင်နေတာဖြစ်တယ်လို့ သိရပါတယ်။

Photo- CJ

#centralnewsnaypyitaw

ရွှေဘိုမှာ သင်းအုပ်ဆရာတော်တပါး အသတ်ခံရ

ဖေဖော်ဝါရီ ၁၅ - ၂၀၂၅
SN (VOM)

စစ်ကိုင်းတိုင်း၊ ရွှေဘိုမြို့နယ်မှာ မနေ့ ဖေဖော်ဝါရီ ၁၄ ရက်၊ ညနေပိုင်းက သင်းအုပ်ဆရာတော်တပါး အသတ်ခံရမှု ဖြစ်ပွားခဲ့တယ်လို့ ဘာသာရေးအသိုင်းအဝိုင်းနဲ့ နီးစပ်သူတွေဆီက သိရပါတယ်။

အသတ်ခံရတဲ့ သင်းအုပ်ဆရာတော်ဟာ မန္တလေးဂိုဏ်းချုပ်သာသနာမှ ကက်သလစ်ခရစ်ယာန် ဘုန်းတော်ကြီး ဖာသာရ်မာတင်ဒေါနယ် (Fr. Donald Martin) သက်တော် ( ၄၄ နှစ်)၊ ၀ါတော် (၇ နှစ်) ရှိပြီဖြစ်တယ်လို့ သိရပြီး ရွှေဘိုခရိုင်၊ ကံကြီးတောကျေးရွာ၊ လုဒ်မယ်တော်သခင်မ ဘုရားကျောင်းမှာ မနေ့ညနေ ၆ နာရီဝန်းကျင်က အသတ်ခံခဲ့ရတာဖြစ်တယ်လို့ သိရပါတယ်။

“ဘယ်သူတွေသတ်တာလဲ၊ ဘယ်အဖွဲ့အစည်းက သတ်တာလဲ၊ ဘာ့ကြောင့် ဆိုတာလဲတော့ မသိသေးဘူး။ ဒီအချိန်မှာကတော့ အမျိုးမျိုး ပြောနေကြတာပါပဲ။ လက်ရှိကတော့ သက်ဆိုင်ရာက စုံစမ်းနေတုန်းပါပဲ။ အသုံးပြုတဲ့ လက်နက်ကတော့ ဓားလို့တော့ သိရတယ်။ လက်နက်ကိုင် အဖွဲ့တဖွဲ့က လုဒ်မယ်တော်သခင်မ ဘုရားကျောင်းဝန်းထဲ ရောက်လာပြီး ဘုန်းတော်ကြီးကို သတ်သွားတာ” လို့ နီးစပ်သူတယောက်က ပြောပါတယ်။

လက်ရှိမှာ ဘုန်းတော်ကြီး ဖာသာရ်မာတင်ဒေါနယ်ရဲ့ ရုပ်ကလာပ်တော်ကို သိုးထိန်းတာဝန် ထမ်းဆောင် သီတင်းသုံးတဲ့ ကံကြီးတောကျေးရွာ လုဒ်မယ်တော်သခင်မ ဘုရားကျောင်းဝန်းကနေ ရွှေဘိုမြို့ကို သယ်ယူ ပို့ဆောင်ထားပြီးဖြစ်တယ်လို့ သူက ပြောပါတယ်။

ဖာသာရ်မာတင်ဒေါနယ်ဟာ ၂၀၁၈ ခုနှစ်၊ မတ်လ ၂၀ ရက်နေ့က ပြင်ဦးလွင်မြို့၊ အပြစ်မဲ့သန္ဓေယူသော သခင်မဘုရားကျောင်းမှာ ထာဝရ ရဟန်းသိက္ခာကို ခံယူခဲ့တဲ့ ရဟန်းတော်တပါးဖြစ်တယ်လို့ ဆိုပါတယ်။

ကံကြီးတောရွာဟာ ရွှေဘိုမြို့ရဲ့ အရှေ့တောင်ဘက်ခြမ်း၊ ရွေဘိုနဲ့ ဝက်လက်နယ်အစပ်မှာ တည်ရှိတဲ့ ကျေးရွာဖြစ်ပြီး ၂၀၁၄ သန်းခေါင်စာရင်းအရ လူဦးရေ ၁၆၀၀ ကျော် နေထိုင်တယ်လို့ သိရပါတယ်။

လွန်ခဲ့တဲ့ ၂၀၂၂ ခုနှစ်၊ စက်တင်ဘာလ ၂ ရက်နေ့ကလည်း ပုသိမ်မြို့မှာ ပိုးကရင်နှစ်ခြင်း ခရစ်ယာန်အသင်းတော်မှ သင်းအုပ်ဆရာတော်တပါး နေအိမ်အတွင်း အသတ်ခံခဲ့ရပြီး လူသတ်တရားခံဟာ ဆိုင်ကယ်၊ ဖုန်းနဲ့ ငွေကြေးတွေ ယူဆောင်သွားမှု ဖြစ်ပွားခဲ့တယ်လို့ သိရပါတယ်။

Photo - OSC, Hakha Diocese

Credit - VOM News Agency

#သတင်းဟင်းလေးအိုးကြီး

ဗီနီစီးယက်စ်ရဲ့အနာဂတ်ကိုဖြေရတာ ငြီးငွေ့နေပြီလို့ အန်ဆယ်လော့တီပြော

ဖေဖော်ဝါရီ ၁၅

ရီးရယ်လ်အသင်းနည်းပြ အန်ဆယ်လော့တီက ဆော်ဒီပရိုလိဂ်ထံ ပြောင်းရွှေ့ဖို့ ချိတ်ဆက်မှုတွေခံနေရတဲ့ ဗီနီစီးယက်စ်ရဲ့ အနာဂတ်ထင်ကြေးတွေနဲ့ ပတ်သက်တဲ့ မေးခွန်းတွေကို ဖြေရတာ ငြီးငွေ့နေပြီလို့ ပြောခဲ့ပါတယ်။

အန်ဆယ်လော့တီက “မေးခွန်းတွေက အများကြီးပါ၊ ဒီအကြောင်းအရာတွေအတွက် ငြီးငွေ့နေလားဆိုရင် ဟုတ်ပါ တယ်။ စိုးရိမ်မှုရှိလားဆိုရင် မရှိပါဘူး။ သူပျော်နေတာကို ကျနော်တို့ မြင်တွေ့ရပါတယ်။ ကျနော်တို့ဟာ ဒီအကြောင်းအရာကို ဒီနေရာမှာ မပြောချင်သလို သူကလည်း မပြောချင်ပါဘူး။ သူဟာ နောက်ဆုံးကစားခဲ့တဲ့ပွဲမှာ အလွန်ကောင်းမွန်စွာ လုပ်နိုင်ခဲ့ပါတယ်”လို့ သတင်းထောက်တွေရဲ့ မေးမြန်းမှုကို ဖြေခဲ့တာပါ။

ဆော်ဒီပရိုလိဂ်ဟာ ဗီနီစီးယက်စ်ကို လာမယ့်နွေရာသီမှာ ခေါ်ယူနိုင်ဖို့ အပြင်းထန် ကြိုးစားနေပေမယ့် ကစားသမားဟာ ရီးရယ်လ်အသင်းနဲ့ စာချုပ်သစ်ထဲမှာ လက်မှတ်ရေးထိုးဖို့ နီးစပ်နေပြီလို့ သတင်းတွေ ထွက်ပေါ်နေပါတယ်။

ဗီနီစီးယက်စ်ဟာ ရီးရယ်လ်အသင်းက မန်စီးတီးအသင်းကို ၃ ဂိုး-၂ ဂိုးနဲ့ အနိုင်ရခဲ့တဲ့ ချန်ပီယံလိဂ် ပလေးအော့ဖ် ပထမအကျော့ပွဲစဉ်မှာ အကောင်းဆုံး ကစားသမားဆုရတဲ့အထိ ခြေစွမ်းပြသနိုင်ခဲ့တာပါ။

ဗီနီစီးယက်စ်က သူဟာ ရီးရယ်လ်အသင်းမှာ ကာလရှည်ကြာ ဆက်ရှိချင်နေပြီး သူ့ရဲ့အနာဂတ်နဲ့ပတ်သက်တဲ့ တိကျတဲ့အဖြေကို သိရမယ်လို့ ပြောထားပါတယ်။

ဗီနီစီးယက်စ်နဲ့ ရီးရယ်လ်အသင်းတို့ရဲ့ စာချုပ်ဟာ ၂၀၂၇ ခုနှစ်၊ ဇွန်လအထိ သက်တမ်းရှိနေသေးတာပါ။

၂၀၁၈ ခုနှစ်က ဖလာမင်ဂိုအသင်းကနေ ရောက်ရှိလာခဲ့တဲ့ ဗီနီစီးယက်စ်ဟာ ရီးရယ်လ်အသင်းအတွက် ၂၉၅ ပွဲ ပါဝင်ကစားထားပြီး ၁၀၁ ဂိုး သွင်းယူထားပါတယ်။

ရီးရယ်လ်အသင်းဟာ ဖေဖော်ဝါရီ ၁၅ ရက်မှာ လာလီဂါပွဲစဉ်အဖြစ် အိုဆာဆူနာအသင်း အိမ်ကွင်း သွားရောက် ယှဉ်ပြိုင်ရမှာ ဖြစ်ပါတယ်။

Source:CNA

ပုံ - ဗီနီစီးယက်စ်ကို တွေ့ရစဉ်

#ဘောလုံးသတင်းစုံ

ထိုင်း၏ ဘဏ္ဍာရေးအန္တရာယ်ကို ကမ္ဘာ့ဘဏ်က သတိပေး

ဘန်ကောက်၊ ဖေဖော်ဝါရီ ၁၅

ထိုင်းနိုင်ငံတွင် ဖွံ့ဖြိုးတိုးတက်မှုကို မြှင့်တင်ရန်အတွက် ဘဏ္ဍာရေးမူဝါဒ ချဲ့ထွင်သည့် မဟာဗျူဟာကို ကျင့်သုံးမှု သည် သက်ကြီးရွယ်အိုများကို စောင့်ရှောက်ရေးနှင့် ရင်းနှီးမြှုပ်နှံမှုတို့အတွက် ကုန်ကျစရိတ်များ မြင့်တက်သည့် အန္တရာယ်နှင့် ရင်ဆိုင်နေရသည်။

ထို့ကြောင့် ပြည်သူ့ကြွေးမြီအဆင့်ကို ထိန်းထားနိုင်သည့်အဆင့်တွင် ထားရှိရန်လိုအပ်ကြောင်း ကမ္ဘာ့ဘဏ်က ပြောကြားခဲ့သည်ဟု ဘန်ကောက်ပို့စ်မှ ဖော်ပြခဲ့သည်။

ထိုင်းနိုင်ငံအနေဖြင့် စွမ်းအင်ထောက်ပံ့ကြေးများကို လျှော့ချခြင်း၊ အခွန်တိုးမြှင့်ခြင်း၊ အခြေခံ အဆောက်အအုံ ကဏ္ဍနှင့် နည်းပညာကဏ္ဍများတွင် ရင်းနှီးမြှုပ်နှံမှုကို အရှိန်မြှင့်တင်ခြင်းတို့ ပြုလုပ်ခြင်းဖြင့် ဘဏ္ဍာရေးကဏ္ဍ၏ ခိုင်မာမှုကို မြှင့်တင်နိုင်ကြောင်း ကမ္ဘာ့ဘဏ်က ဖေဖော်ဝါရီ ၁၄ ရက်တွင် ထုတ်ပြန်သည့် ထိုင်းစီးပွားရေး လေ့လာမှုစစ်တမ်း၌ ဖော်ပြခဲ့သည်။

“ဒစ်ဂျစ်တယ် ထောက်ပံ့ငွေပေးတဲ့ အစီအစဉ်တွေလိုမျိုး ဖွံ့ဖြိုးတိုးတက်မှုကို လိုလားတဲ့ စားသုံးသူကဏ္ဍ လှုံ့ဆော်ရေး အစီအစဉ်တွေဟာ ဘဏ္ဍာရေးကဏ္ဍအတွက် ဖိအားတွေကို သက်ရောက်စေပါတယ်”ဟု ထိုင်းဝန်ကြီးချုပ် ပေတုန်တန် (Paetongtarn Shinawatra) အစိုးရအဖွဲ့၏ ထိုင်းလူမျိုးများအား တစ်ဦးလျှင် ဘတ် ၁၀,၀၀၀ စီ ထောက်ပံ့ပြီး စီးပွားရေးကို လှုံ့ဆော်မည့်အစီအစဉ်ကို ကမ္ဘာ့ဘဏ်က ရည်ရွယ်ပြောဆိုခဲ့သည်။

ထိုင်းနိုင်ငံ စီးပွားရေးသည် အိမ်နီးချင်းနိုင်ငံများ၏ စီးပွားရေး ကျယ်ပြန့်မှုနှုန်းထားနှင့် နှိုင်းယှဉ်ပါက နောက်ကျ ကျန်ခဲ့ပြီး ပြီးခဲ့သည့် ဆယ်စုနှစ်အတွင်း စီးပွားရေး ဖွံ့ဖြိုးတိုးတက်မှုနှုန်း ၂ ရာခိုင်နှုန်းအောက်သာ ရှိခဲ့သည်။

ထို့ပြင် တရုတ်နိုင်ငံမှ ဈေးပေါသည့် သွင်းကုန်များ အများအပြား ဝင်ရောက်လာခြင်းသည် ထိုင်း၏ ကုန်ထုတ် လုပ်ငန်းကို ထိခိုက်စေခဲ့ပြီး အိမ်ထောင်စု ကြွေးမြီများလည်း မြင့်တက်ခဲ့သည်။

ပြည်ပသွင်းကုန်များကို အခွန်များ တိုးကောက်မည်ဆိုသည့် အမေရိကန်သမ္မတ ဒေါ်နယ်ထရမ့် (Donald Trump) ၏ ကြေညာချက် ထွက်ပေါ်ခဲ့ပြီးနောက် ထိုင်းအစိုးရသည် စီးပွားရေး ဖွံ့ဖြိုးတိုးတက်းမှုအား မြှင့်တင်ရန်အတွက် များပြားသည့် ဘတ်ဂျက်သုံးစွဲမှု၊ ထောက်ပံ့ကြေးများနှင့် ကြွေးမြီသက်သာချောင်ချိရေး အစီအစဉ်များကို ကြေညာခဲ့သည်။

ထိုင်း၏ ပြည်တွင်း ဝယ်လိုအား၊ ဘဏ္ဍာရေး လှုံ့ဆော်မှု အခြေအနေများ ခိုင်မာလာသဖြင့် ယခုနှစ်အတွင်း ထိုင်း၏ စီးပွားရေး နာလန်ထူမှုသည် အရှိန်အဟုန် ရလာခဲ့ကာ ပြည်ပ၏ ဝယ်လိုအားများမှာမူ အနည်းငယ် နှေးကွေးနေဆဲ ဖြစ်ကြောင်း ကမ္ဘာ့ဘဏ်က ပြောကြားခဲ့သည်။

ယခုနှစ်အတွင်း ထိုင်းနိုင်ငံ၏ ဖွံ့ဖြိုးတိုးတက်မှုနှုန်းထားကို ၂ ဒသမ ၉ ရာခိုင်နှုန်းအထိ ရှိလာလိမ့်မည်ဟု ခန့်မှန်း ထားပြီး ထိုနှုန်းထားသည် ပြီးခဲ့သည့်နှစ်က ၂ ဒသမ ၆ ရာခိုင်နှုန်းထက် ပိုမိုများပြားနေသည်။

၂၀၂၆ ခုနှစ်အတွက် ထိုင်းနိုင်ငံ၏ စီးပွားရေး ဖွံ့ဖြိုးတိုးတက်မှုနှုန်းကိုမူ ၂ ဒသမ ၇ ရာခိုင်နှုန်းအထိ မျှော်မှန်းထားပြီး ၂၀၂၈ ခုနှစ်တွင်လည်း ထိုနှုန်းထားထက် ပိုမိုမြင့်တက်လိမ့်မည်ဟု ခန့်မှန်းထားသည်။

Source: ဘန်ကောက်ပို့စ်

ပုံ - ထိုင်းဝန်ကြီးချုပ် ပေတုန်တန်ကို တွေ့ရစဉ်

#centralnewsnaypyitaw

ရွှေကုက္ကိုလ်မှာ လူကုန်ကူးခံထားရသူ တရုတ်နိုင်ငံသား ၂၀၀ ဖမ်းမိ၊ တရုတ်နိုင်ငံလွှဲပြောင်းပေးရန် ဆောင်ရွက်နေ

ဖေဖော်ဝါရီ ၁၅

နိုင်ငံတော်အနေဖြင့် နယ်စပ်ဒေသများမှတစ်ဆင့် မြန်မာနိုင်ငံအတွင်းသို့ တရားမဝင် ဝင်ရောက်လာသော ပြည်ပနိုင်ငံသားများအား ရှာဖွေဖော်ထုတ်ဖမ်းဆီးပြီး ပြန်လည်လွှဲပြောင်းပေးနိုင်ရေး စီစဉ်ဆောင်ရွက်လျက်ရှိရာ မြဝတီမြို့နယ် ရွှေကုက္ကိုလ်တွင် လူကုန်ကူးခံထားရတဲ့ တရုတ်နိုင်ငံသား ၂၀၀ ဖမ်းမိ၊ တရုတ်နိုင်ငံလွှဲပြောင်းပေးရန် ဆောင်ရွက်နေသည်ဟု သိရသည်။

နိုင်ငံတော်အစိုးရအနေဖြင့် နယ်စပ်ဒေသများ၌ လက်ရှိဖြစ်ပေါ်နေသည့် အခြေအနေများအပေါ် အခွင့်ကောင်းယူ၍ ပြည်ပနိုင်ငံသား အချို့အနေဖြင့် EAO လက်နက်ကိုင်အဖွဲ့များအပါအဝင် ဆက်စပ်နေရာများမှ ကိုယ်ကျိုးစီးပွားရှာသူများ၏ ပါဝင်ပတ်သက်မှုများဖြင့် အွန်လိုင်းလိမ်လည်မှုများ၊ အွန်လိုင်းလောင်းကစားမှုများတွင် ပါဝင်ဆောင်ရွက်နေသူများ၊ တရားမဝင် ဝင်ရောက်နေထိုင်သူများအား ရှာဖွေစိစစ်ဖော်ထုတ်ခြင်းနှင့် ပြန်လည်လွှဲပြောင်းခြင်းလုပ်ငန်းစဉ်ကို အလေးထားဆောင်ရွက်လျက်ရှိသည်။

ထိုသို့ဆောင်ရွက်လျက်ရှိရာ ကရင်ပြည်နယ်၊ မြဝတီ-ရွှေကုက္ကိုလ် နယ်မြေအတွင်း အွန်လိုင်းလိမ်လည်မှုများ၊ အွန်လိုင်း လောင်းကစားမှုများ လုပ်ဆောင်ရန်နှင့် ထိုင်းနိုင်ငံတွင် အလုပ်အကိုင်ရရှိရေး ငွေကြေးမက်လုံးပေးစည်းရုံးမှုများဖြင့် အဓမ္မ လူကုန်ကူးခြင်းခံရသည့် တရုတ်နိုင်ငံသား အမျိုးသား ၁၉၄ ဦး၊ အမျိုးသမီး ၆ ဦး၊ စုစုပေါင်း ၂၀၀ ဦး တို့အား ဖေဖော်ဝါရီ လ ၁၄ ရက် ညနေ ၇ နာရီချိန်ခန့်တွင် ဖော်ထုတ်ဖမ်းဆီးရမိခဲ့သဖြင့် လိုအပ်သည့် စစ်ဆေးမှုများပြုလုပ်ကာ လုပ်ထုံးလုပ်နည်းများနှင့်အညီ တရုတ်နိုင်ငံမှ တာဝန်ရှိသူများထံသို့ လွှဲပြောင်းပေးအပ်သွားမည်ဖြစ်ကြောင်း သိရှိရသည်။

နိုင်ငံတော်အနေဖြင့် မြဝတီ-ရွှေကုက္ကိုလ်နယ်မြေအတွင်း လိမ်လည်မှုများ၊ လောင်းကစားမှုများနှင့် ဒုစရိုက်မှုများ ကျူးလွန်ခဲ့ကြသည့် ပြည်ပနိုင်ငံသားများကို အမြန်ဆုံးစစ်ဆေးဖော်ထုတ်ပြီး သက်ဆိုင်ရာနိုင်ငံများသို့ လုပ်ထုံးလုပ်နည်းများနှင့်အညီ လွှဲပြောင်းပေးအပ်နိုင်ရေး သက်ဆိုင်ရာနိုင်ငံများနှင့် တက်ကြွစွာ ပူးပေါင်းဆောင်ရွက်လျက်ရှိကြောင်း သတင်းရရှိသည်။

#သတင်းဟင်းလေးအိုးကြီး

သုံးရက်ကြာ ပျောက်ဆုံးနေသော ကလေးငယ်၏ရုပ်အလောင်းကို အိမ်အနီးရှိ ရေကန်တွင် ပြန်တွေ့မှု သန်လျင်တွင် ဖြစ်ပွား

ဖေဖော်ဝါရီ ၁၅

ရန်ကုန်တိုင်းဒေသကြီး၊ သန်လျင်မြို့၊ ပျဉ်ထောင်ကျောင်းကျေးရွာတွင် သုံးရက်ကြာပျောက်ဆုံးခဲ့သော ကလေးငယ်၏ရုပ်အလောင်းကို ဖေဖော်ဝါရီ ၁၄ ရက် မွန်းလွဲပိုင်းက နေအိမ်အနီးရှိ ရေကန်တွင် ပြန်လည်တွေ့ရှိခဲ့ကြောင်း ဒေသခံလူမှုကူညီရေးအသင်းထံမှ သိရသည်။

ပျောက်ဆုံးခဲ့သော ကလေးမှာ အသက် ၃ နှစ်အရွယ် မိန်းကလေးဖြစ်ပြီး ဖေဖော်ဝါရီလ ၁၂ ရက်နေ့မှစတင်ကာ ပျောက်ဆုံးခဲ့ခြင်းဖြစ်ကြောင်း ပျောက်ဆုံးသူကလေး၏မိသားစုဝင်တစ်ဦးထံမှ သိရသည်။

“တူမလေးကို အသက်မဲ့စွာနှင့် ပြန်လည်တွေ့ရှိပါပြီ “ဟု ၎င်း၏ အဒေါ်ဖြစ်သူက လူမှုကွန်ရက်တွင် ရေးသားထားသည်။

ကလေးငယ်မှာ မိခင်နောက်လိုက်သွားသည်ကို တစ်ဦးတည်း လွှတ်လိုက်ရာမှ ပျောက်ဆုံးခဲ့ခြင်းဖြစ်သည်ဟု ဒေသခံတစ်ဦး၏ ပြောကြားချက်အရ သိရသည်။

သေဆုံးသူကလေး၏ ရုပ်အလောင်းကို ကန်မှဆယ်ယူ၍ လောကအလင်း လူမှုကူညီကယ်ဆယ်ရေးအသင်းမှ အသင်းဝင်များက သန်လျင်ပြည်သူဆေးရုံရှိ ရင်ခွဲရုံသို့ ပို့အပ်ကာ ကူညီပေးခဲ့သည်။ ကလေးရေနစ်သေဆုံးရခြင်းမှာ ဓမ္မတာအတိုင်း သေဆုံးခြင်း ဟုတ်မဟုတ်ကို ရဲတပ်ဖွဲ့က စစ်ဆေးလျက်ရှိကြောင်း သိရသည်။

#သတင်းဟင်းလေးအိုးကြီး

မြန်မာနိုင်ငံအတွင်း ကျားဖြန့်လုပ်ငန်း ဝင်ရောက်လုပ်ကိုင်နေသူ ထိုင်းနိုင်ငံသား ၇ ဦးအပါအဝင် စုစုပေါင်း ၂၉ ဦးအား တာချီလိတ်မြို့တွင် ဖမ်းမိ

ဖေဖော်ဝါရီ ၁၅

ရှမ်းပြည်နယ်(အရှေ့ပိုင်း)၊ တာချီလိတ်မြို့၊ ဆန်ဆိုင်း(က)ရပ်ကွက်၌ တရားမဝင် အွန်လိုင်းလောင်းကစားနှင့် ငွေကြေးလိမ်လည်မှုဆောင်ရွက်နေသော ထိုင်းနိုင်ငံသား ၇ ဦးအပါအဝင် စုစုပေါင်း ၂၉ ဦးအား ဖော်ထုတ်ဖမ်းဆီးရမိခဲ့ကြောင်း နစက က သတင်းထုတ်ပြန်ရေးအဖွဲ့မှ ထုတ်ပြန်ထားသည်။

ဖြစ်စဥ်တွင် ရှမ်းပြည်နယ်(အရှေ့ပိုင်း)၊ တာချီလိတ် မြို့နယ်အတွင်း တရားမဝင်အွန်လိုင်းလောင်းကစားနှင့် ငွေကြေးလိမ်လည်မှုလုပ်ငန်းများ ဆောင်ရွက်လျက်ရှိကြောင်း သတင်းအရ လုံခြုံရေးတပ်ဖွဲ့ဝင်များက ဝင်ရောက်ရှာဖွေစစ်ဆေးခဲ့ရာ ဖေဖော်ဝါရီလ ၁၂ ရက်နေ့တွင် တာချီလိတ်မြို့၊ ဆန်ဆိုင်း(က) ရပ်ကွက်ရှိ ထိုင်းနိုင်ငံတွင် နေထိုင်သူ ဝယ်ဆန် ငှားရမ်းထားသည့် နေအိမ်တွင် အွန်လိုင်းလောင်းကစားတာဝန်ခံ မင်းကျော်နှင့် စကားပြန်၊ စာရင်းကိုင် ရီရီဖြိုးတို့ ၂ ဦးအပါအဝင် အမျိုးသား ၁၁ ဦးနှင့် အမျိုးသမီး ၅ ဦး၊ စုစုပေါင်း ၁၆ ဦးတို့ကို တရားမဝင် အွန်လိုင်းလောင်းကစားပြုလုပ်ရာ၌ အသုံးပြုသည့် Laptop ၆၁ လုံး၊ Flat Desktop ၃၂၉ လုံး၊ System(CPU) ၉၀ လုံး၊ ဖုန်းမျိုးစုံ ၉၀ လုံး၊ လိုင်စင်မဲ့မော်တော်ယာဉ် ၂ စီး၊ ဆက်စပ်ပစ္စည်းများနှင့်အတူ ဖမ်းဆီးရမိခဲ့သည်။

လုံခြုံရေးပူးပေါင်းအဖွဲ့များက ဆက်လက်ရှာဖွေ ဖော်ထုတ်စစ်ဆေးခြင်းများ ဆောင်ရွက်ခဲ့ရာ ဖေဖော်ဝါရီလ ၁၃ ရက် ညနေပိုင်းတွင် အဆိုပါရပ်ကွက်အတွင်း နေထိုင်သည့် ထိုင်းနိုင်ငံသား အမျိုးသား ၇ ဦးနှင့် မြန်မာနိုင်ငံသား အမျိုးသား ၁ ဦး၊ အမျိုးသမီး ၅ ဦး စုစုပေါင်း ၁၃ ဦးတို့အား ကွန်ပျူတာ ၅၀ လုံး၊ ဖုန်းမျိုးစုံ ၃၀၀ လုံး၊ ဘိန်းစာရွက်(အစို) ၁ ကီလိုခန့်စီပါ ၄ ထုပ်၊ ဘိန်းစာရွက်ပြုတ်ရည် ၁ လီတာပါ ၁၀ ဗူးနှင့် ချောင်းဆိုးပျောက်ဆေးရည် ၃၀ ပုလင်းတို့နှင့်အတူ ထပ်မံဖမ်းဆီးရမိခဲ့သည်။

အထက်ပါဖြစ်စဉ်များတွင် ဖမ်းဆီးရမိသူများအား စနစ်တကျ စိစစ်ဆောင်ရွက်လျက်ရှိပြီး ဥပဒေနှင့်အညီ တရားစွဲဆို အရေးယူဆောင်ရွက်နိုင်ရေး ဆက်လက်ဆောင် ရွက်လျက်ရှိကြောင်း သိရသည်။

ထို့အပြင် ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်သည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E. Ms. Ma Jia (မစ္စမာကျား)နှင့် တရုတ်ပြည်သူ့လုံခြုံရေးဆိုင်ရာဝန်ကြီးဌာန လက်ထောက်ဝန်ကြီး Mr. Liu Zhong Yi (မစ္စတာလျိုကျုံးရီ) ဦးဆောင်သော ကိုယ်စားလှယ်အဖွဲ့အား ယနေ့တွင် နေပြည်တော်၊ ရုံးအမှတ် (၁၀) ရှိ ပြည်ထဲရေးဝန်ကြီးဌာန၊ အစည်းအဝေးခန်းမ၌ လက်ခံတွေ့ဆုံခဲ့ပြီး မြန်မာ-တရုတ် နှစ်နိုင်ငံအကြား လုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များတွင် ပူးပေါင်းဆောင်ရွက်မှုတိုးမြှင့်ရေး၊ အွန်လိုင်းအသုံးပြု လောင်းကစားမှုများနှင့် ဆက်သွယ်ရေးလိမ်လည်မှုများအပါအဝင် နယ်စပ်ဖြတ်ကျော် မှုခင်းများအား မြန်မာ-တရုတ် နှစ်နိုင်ငံပူးပေါင်းတားဆီးနှိမ်နင်းရေးကိစ္စရပ်များ၊ နှစ်နိုင်ငံချစ်ကြည် ရင်းနှီးစွာ ပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးခဲ့ကြသည်။

#centralnewznaypyitaw

အဆိုးရွားဆုံးစွမ်းဆောင်ရည်လို့ မာရက်စ်ကာ ပြော

ဖေဖော်ဝါရီ ၁၅

ချယ်လ်ဆီးအသင်းဟာ ဘရိုက်တန်အသင်းကို ၃ ဂိုး-ဂိုးမရှိနဲ့ ဂိုးပြတ် အရေးနိမ့်ပြီးနောက် နည်းပြမာရက်စ်ကာက ဒီပွဲဟာ သူ့ရဲ့လက်ထက်မှာ ချယ်လ်ဆီးအသင်းရဲ့ အဆိုးရွားဆုံး စွမ်းဆောင်ရည်လို့ ပြောခဲ့ပါတယ်။

မာရက်စ်ကာက “အရာအားလုံးကို စိတ်ပျက်မိပါတယ်။ ဒီပွဲကိုအားပေးဖို့ ရောက်လာခဲ့တဲ့ ပရိသတ်တွေအတွက် ကျနော် စိတ်မကောင်း ဖြစ်ရပါတယ်။ ကျနော်တို့ဟာ လက်ရှိအချိန်မှာ လွယ်လွယ်ကူကူနဲ့ သွင်းဂိုးတွေ ခွင့်ပြုနေရ သလို ဂိုးရဖို့ ရုန်းကန်နေရတယ်လို့ ခံစားရပါတယ်။ ကျနော်တို့ဟာ ပိုပြီးကောင်းအောင် လုပ်ဖို့အတွက် အတူ လက်တွဲ လုပ်ဆောင်ဖို့ လိုအပ်နေပါပြီ။ ကျနော်ဟာ အမြဲတမ်း ဖိအားတွေခံစားရပေမယ့် ဒီပွဲက ကျနော် ဒီကို ရောက်ပြီးကတည်းက အဆိုးရွားဆုံး စွမ်းဆောင်ရည်ပါ။ ကျနော်တို့ဟာ ဥရောပဝင်ခွင့်နေရာနဲ့ အဆုံးသတ်နိုင်ဖို့ ပြိုင်ဆိုင်မှုရှိနေဆဲပါ”လို့ Sky Sports ကို ပြောခဲ့တာပါ။

ချယ်လ်ဆီးအသင်းဟာ ဒီပွဲမှာ ဘရိုက်တန်အသင်းကို ဘောလုံးပိုင်ဆိုင်မှု အသာစီးနဲ့သာ ကစားနိုင်ခဲ့ပြီး ဂိုးပေါက်တည့်မှု တစ်ကြိမ်မှ မရှိခဲ့တာဖြစ်ပါတယ်။

ဘရိုက်တန်အသင်းကတော့ ဂိုးပေါက်တည့်တဲ့ ၅ ကြိမ်မှာ သွင်းဂိုး ၃ ဂိုး သွင်းယူနိုင်ခဲ့တာပါ။

ချယ်လ်ဆီးအသင်းဟာ ပြီးခဲ့တဲ့ FA ဖလား စတုတ္ထအဆင့် ပွဲစဉ်မှာလည်း ဘရိုက်တန်အသင်းကို အရေးနိမ့်ပြီး ပြိုင်ပွဲကနေ ထွက်ခွာခဲ့ရတာကြောင့် ဘရိုက်တန်အသင်းကို တစ်ပတ်အတွင်း ၂ ပွဲဆက်တိုက် အရေးနိမ့်ခဲ့တာ ဖြစ်ပါတယ်။

ချယ်လ်ဆီးအသင်းဟာ ဘရိုက်တန်အသင်းကို အရေးနိမ့်ခဲ့တာကြောင့် နောက်ဆုံးကစားခဲ့တဲ့ ပရီးမီးယားလိဂ် ၉ ပွဲမှာ ၂ ပွဲသာ အနိုင်ရတဲ့အထိ ရလဒ် တွေဆိုးရွားနေတာပါ။

ဒါပေမယ့် ချယ်လ်ဆီးအသင်းဟာ ပရီးမီးယားလိဂ် အမှတ်ပေးဇယားအဆင့် ၄ နေရာမှာ ဆက်လက် ရပ်တည်နေ ပြီး မန်စီးတီးနဲ့ နယူးကာဆယ်အသင်းတို့ပွဲစဉ်မှာ တစ်သင်းသင်း အနိုင်ရခဲ့ရင် အဆင့် ၄ နေရာကနေ ဖယ်ပေးရ တော့မှာ ဖြစ်ပါတယ်။

ဘရိုက်တန်အသင်းကတော့ အမှတ်ပေးဇယား အဆင့် ၈ နေရာမှာ ရပ်တည်နေတာပါ။

ချယ်လ်ဆီးအသင်းဟာ လာမယ့်အပတ်မှာ ပရီးမီးယားလိဂ် ပွဲစဉ်အဖြစ် အက်စတွန်ဗီလာအသင်း အိမ်ကွင်း သွားရောက် ယှဉ်ပြိုင်ရမှာဖြစ်ပါတယ်။

Source: ESPN

ပုံ - ချယ်လ်ဆီးနဲ့ဘရိုက်တန်ကို တွေ့ရစဉ်

#ဘောလုံးသတင်းစုံ