#ယနေ့ထုတ်သတင်းစာ_သတင်း
◾️မူဆယ်မှ တရုတ်သို့ ကြိုတင် တိုကင်ယူစရာမလိုဘဲခုနစ်ရက် ယာယီ နယ်စပ်ဖြတ်ကျော်ခွင့်ပြုပေးထား
မူဆယ်မှ တရုတ်သို့ လတ်တလောတွင် ကြိုတင်တိုကင်ယူစရာမလိုဘဲ ခုနစ်ရက် ယာယီနယ်စပ်ဖြတ်ကျော်ခွင့်ပြုပေးနေကြောင်း ဒေသခံများထံမှ သိရသည်။
ကြိုတင်တိုကင်ယူစရာ မလိုဘဲ ခုနစ်ရက်သက်တမ်းရှိ ယာယီနယ်စပ်ဖြတ်ကျော်ခွင့်ကတ်ဖြင့် ဝင်ထွက် ဖြတ်သန်းခွင့်ပြုနေခြင်းဖြစ်ပြီး ခုနစ်ရက်သက်တမ်းရှိယာယီနယ်စပ်ဖြတ်ကျော်ခွင့်ကတ်တစ်ခုလျှင် မြန်မာငွေကျပ် ၁၂၀၀၀ ပေးရပြီးဝင်ခွင့်မရပါက ကျပ် ၁၀၀၀ ပေးပြီး မြန်မာဘက် လ၀ကတွင် ပြန်အပ်ခဲ့ရကြောင်းသိရသည်။
လက်ရှိတွင် နှစ်နိုင်ငံနယ်စပ် အဝင်၊ အထွက် ဂိတ်ဖြစ်သည့် မူဆယ် နန်းတော် - ကျယ်ဂေါင်ဂိတ်၏ တရုတ်ဘက်ခြမ်းတွင် မြန်မာဘက် ခြမ်းမှ ဝင်လာသည့်မြန်မာ မိန်းကလေးများထံမှ ဖုန်းနံပါတ်နှင့် Wနဃ့အေ အကောင့်တို့ကို လိုက်လံတောင်းယူနေသည့် တရုတ်လူမျိုးများကိုလည်း တွေ့နေရကြောင်း ဒေသခံများထံမှ သိရသည်။
ဖေဖော်ဝါရီ ၁၁ ရက်အထိ မူဆယ်ခရိုင် အိမ်ထောင်စုစာရင်း ရှိသူများမှလွဲ၍ တခြားဒေသခံများမှာ မူဆယ်နယ်စပ်မှ တရုတ်ဘက် ဝင်ရောက်မည်ဆိုပါကခုနစ်ရက် သက်တမ်းရှိ ယာယီနယ်စပ်ဖြတ်ကျော်ခွင့်ကတ်အား တိုကင်ယူ ရက်ချိန်းစောင့်ရပြီး တရုတ်ဘက်မှ အလုပ်ရှင်၏ ခေါ်စာရှိမှသာ ဝင်ရောက်ခွင့်ပြုကြောင်း သိရသည်။
တရုတ် - မြန်မာ နှစ်နိုင်ငံ ဥပဒေအရ နယ်စပ်ဖြတ်ကျော်ခွင့် စာအုပ်အနီကိုင်ဆောင်သူများအနေဖြင့် တရုတ်နယ်စပ်တွင် အလုပ်လုပ်ကိုင်ခွင့်ရှိပြီးယာယီနယ်စပ်ဖြတ်ကျော်ခွင့်ကတ်ဖြင့် တရုတ်နယ်စပ်ဘက် ခြောက်ညအိပ်ခုနစ်ရက်လည်ပတ်ခွင့်သာရှိကာ တရုတ်နယ်စပ်ထဲ တရားဝင် အလုပ်လုပ်ကိုင်ခွင့်မရှိကြောင်း သိရသည်။
