MySPACE

21 w - Translate

သီလပျက်သွားတဲ့ အင်းသားတချို့နဲ့ အချိန်မီ မပြုပြင်ရင် စီးပွားပျက်ကြတော့မယ့် အဖြစ် (အင်းလေး ရှင်ကျန်ဖို့ အင်းသားတွေမှာ တာဝန်ရှိပါတယ်)
ဟိုးတချိန်တုန်းက တောင်ကြီး အင်းလေးရယ်လို့ အမည်တပ်ပြီး ထွက်တဲ့ဘုရားဖူးခရီးစဉ်တွေထဲမှာ အင်းလေးက ဘုရင်ပဲ။ အင်းလေးပြီးမှ တောင်ကြီး၊ ကက္ကူ၊ ထန့်ဆန်း ပြီးတော့မှ ပင်းတယ၊ ရွာငံတွေ ဘာတေ ဘယ်ဆီနေမှန်းတောင်မသိ၊ ကလောဆိုတာ တကယ့်ငချွတ်လေး၊ နှီးဘုရားတခုပဲဝင်တာ၊ ဗျူးပွိုင့်တေ ဘာတွေ ဘာမှမရှိ လမ်းမှာဆို ဘဝသံသရာ တခုပဲဝင်တယ်။ သီခေါင်ဗျူးပွိုင့် ဘာညာဆိုတာ ခုမှပေါ်လာတာ ဟိုတုန်းက သိတာ သရက်ပုအဆင်းလို့ပဲသိကြတာ။
အင်းလေးဖက်ပြန်ဆက်ကြမယ် အဲဒီချိန်အင်းလေးဆိုတာ တကယ်ဆရာ၊ ရှမ်းပြည်သွားတဲ့သူတွေရဲ့ အိပ်မက်၊ သီတင်းကျွတ်လပြည့် ဘုရားပွဲရက်ဆို တကယ်ကို ကြက်ပျံမကျစည်တာ၊ ကျွန်တော် guide လုပ်တဲ့အချိန်က စိန်ဝင်းနှင့်ရောင်းရင်းများ ဘာညာက ဆရာ၊ ကျွန်တော်တို့က သေးသးလေး၊ အင်းထဲမှာဆို ရေပေါ်စားသောက်ဆိုင်ဘာညာ ကျွန်တော်တို့ဝင်တိုးလို့မရဘူး။ အဲဒီတော့ ကျွန်တော်တို့ရဲ့ ဂျက်ကာက ဖောင်တော်ဦးပဲ။ ဆိုင်အပြည့် လူအပြည့် တကယ်တန် တကယ်ကောင်း။
အဲဒီချိန်ကစားခဲ့ရတဲ့ ငါးဒုက္ခဆို အခုထိမမေ့ဘူး။ အဲဒီအရသာလည်း တခါမှပြန်မရတော့ဘူး။ အင်းသူအင်းသားတွေလည်း တကယ်ရိုးသား ယဉ်ကျေးကြတာ၊ ဧည့်သည် လာတာကိုပဲ ပျော်နေကြတာ၊ ဂျင်းထည့်တာဘာညာ ဘာမှမရှိ၊ ဆိုင်တွေတိုင်း ထုတ်ကုန် ရောင်းကုန်တွေတိုင်း စျေးမတရားသက်သာတာ၊ အဲဒီကာလက အင်းလေးထဲကို တရက်သီးသန့်အချိန်ပေးရတဲ့အထိကို အင်းလေးဒေသကစည်ကားခဲ့တာ။
ဒီနေ့လိုအချိန် အင်းလေးက ဂျင်းဒေသအဖြစ် ကြားရတော့ တကယ်စိတ်မကောင်းဘူး။ တကယ်လည်း အင်းသားတချို့က သီလပျက်ကြပုံပါပဲ။ မည်သို့ပင်ဆိုစေကာမူ အင်းလေးဒေသဟာ သွားကိုသွားသင့်တဲ့ဒေသတခုဖြစ်ပါတယ်။ ဂျင်းထည့်တယ်ဆိုတဲ့ အနေထားတွေကြုံရမယ်ဆိုလည်း ညှိနှိုင်းရှောင်ရှားပြီး ရောက်အောင်သွားသင့်တဲ့ဒေသဖြစ်ပါတယ်။ ဘာလို့ရောက်အောင်သွားသင့်လဲဆိုတော့ ရေပေါ်လူနေမှုဘဝ၊ ရေခြံတွေ၊ ဘုရားစေတီတွေ၊ ရှေးဟောင်းယဉ်ကျေးမှုလက်ရာတွေ အင်းထဲမှာ လေ့လာစရာတွေ အများကြီးရှိနေပါတယ်။
နောက်တချက်အနေနဲ့ ပြီးခဲ့တဲ့ကာလ သဘာဝဘေးအန္တရာယ်ကြောင့် ဒေသခံတွေအတိဒုက္ခရောက်ကြပြီး ပြန်လည်ထူထောင်ရေး ကာလအဖြစ် အခုမှအစပြုနေတာဖြစ်လို့ ဧည့်သည် မဝင်ရင် သူတို့ဘဝတွေ ရပ်ဆိုင်းသွားရမှာပါ။ တာဝန်ရှိသူတွေကလည်း ဒေသခံတွေနဲ့ ညှိနှိုင်းထိန်းသိမ်းကြပြီး ဧည့်သည်များဖက်ကလည်း အင်းလေးကန်ကြီး ရေရှည်ရပ်တည်နိုင်ရေး ဒေသခံတွေအတွက် စားဝတ်နေရေး အစရှိတာတွေ အတွက် အင်းလေးဒေသကို ကျောခိုင်းမသွားကြစေဖို့ မေတ္တာရပ်ခံ အပ်ပါတယ်။