ကမ္ဘာ့ ပထမဆုံး သစ်သား ဂြိုလ်တုကို အာကာသသို့ လွှတ်တင်လိုက်တဲ့ ဂျပန်
===========================================
သမားရိုးကျ ဂြိုလ်တုတွေဟာ ကမ္ဘာမြေပေါ်ပြန်လည် ကျရောက်လာတဲ့အခါ မီးလောင်ကျွမ်းသွားကြပြီး သတ္တုအပိုင်းအစတွေဟာ လေထုထဲမှာ ပျံ့နှံ့သွားပါတယ်။ အဲဒါကြောင့် သဘာဝပတ်ဝန်းကျင်ကို ပျက်ဆီးစေပါတယ်။
အဲဒီအတွက် သဘာဝပတ်ဝန်းကျင်ကို မပျက်ဆီးစေတဲ့ ကမ္ဘာ့ ပထမဆုံး သစ်သား ဂြိုလ်တုကို ဂျပန်က တီထွင်လိုက်ပါတယ်။ ကျိုတို တက္ကသိုလ်မှ သိပ္ပံပညာရှင်တွေနဲ့ နေအိမ် တည်ဆောက်တဲ့ Sumitomo Forestry တို့ ပူးပေါင်း ဖန်တီးထားတာ ဖြစ်ပြီး LignoSat လို့ အမည်ပေးထားပါတယ်။ ဂျပန်က အဲဒီ အရွယ်သေး ဂြိုလ်တုလေးကို အာကာသကို အောင်မြင်စွာ လွှတ်တင်လိုက်ပါတယ်။ အဲဒီ ဂြိုလ်တုဟာ ကမ္ဘာပတ်လမ်းကြောင်းမှာ ၆ လကြာ လှည့်ပတ်နေမှာ ဖြစ်ပါတယ်။
ဂြိုလ်တုရဲ့ မျက်နှာပြင်တစ်ခုစီဟာ ၄ လက်မ (၁၀ စင်တီမီတာ)ပဲ ရှိပြီး အရွယ်အစား အလွန်သေးငယ်ပါတယ်။ မူလီနဲ့ ကော် မပါဘဲ ဂျပန် ရိုးရာ နည်းပညာနဲ့ တည်ဆောက်ထားတာ ဖြစ်ပြီး ဂျပန်မှာ ပေါက်တဲ့ Magnolia သစ်ပင် အမျိုးအစား တစ်ခု ဖြစ်တဲ့ ဟိုနိုကီနဲ့ ပြုလုပ်ထားတာ ဖြစ်ပါတယ်။
ဒီစီမံကိန်းသာ အောင်မြင်ရင် အနာဂတ်မှာ သဘာဝပတ်ဝန်းကျင်ကို မပျက်ဆီးစေတဲ့ သစ်သား ဂြိုလ်တုတွေကို အသုံးပြုနိုင်တော့မှာ ဖြစ်ပါတယ်။

ရန်ကုန်

ရန်ကုန်

ရန်ကုန်

ရန်ကုန်

ရန်ကုန်

ရန်ကုန်

ရန်ကုန်

#နိုင်ငံတကာသတင်း
◼ တောင်ကိုရီးယားတိုက်လေယာဉ်မှားယွင်းဗုံးကြဲမှုဒဏ်ရာရသူ ၂၉ ဦး အထိရှိလာ
တောင်ကိုရီးယားတိုက်လေယာဉ်နှစ်စီးက အရပ်သားများနေထိုင်ရာဒေသတစ်ခုအား ယမန်နေ့က မှားယွင်းဗုံးကြဲခဲ့သည့် ဖြစ်စဉ်၌ ဒဏ်ရာရရှိခဲ့သူ အရေ အတွက်မှာ အရပ်သား ၁၅ ဦး နှင့် စစ်သား ၁၄ ဦးအထိ များပြားလာခဲ့ကြောင်း တောင်ကိုရီးယားကာကွယ်ရေးဝန်ကြီးဌာနက ပြောကြားသည်။
နောက်ဆုံးကောက်ယူထားသောစာရင်းတွင် ဗုံးပေါက်ကွဲမှုများကြောင့် နားထိခိုက်ဒဏ်ရာရသူများ ၊ ပြင်းထန်သောခေါင်းကိုက်ဝေဒနာ နှင့် စိုးရိမ်သောကဝေဒနာခံစားခဲ့ရသူများ ပါဝင်ကြောင်း ကာကွယ်ရေးဝန်ကြီးဌာပြောခွင့်ရပုဂ္ဂိုလ် ဂျွန်ဟာကျူက သတင်းထောက်များအား ပြောကြားသည်။
ယမန်နေ့တွင် တောင်ကိုရီးယားတိုက်လေယာဉ်နှစ်စီး က အရပ်သားများ နေထိုင်သော မြို့နယ်တစ်ခုပေါ်သို့ ဗုံးနှစ်လုံးကို မှားယွင်းကြဲချခဲ့ကြပြီး ယင်းဗုံးများ ပေါက်ကွဲမှုကြောင့် နေအိမ်များနှင့် အဆောက်အဦးများ လှုပ်ရမ်း တုန်ခါသွားသည်ကို ရုပ်သံမှတ်တမ်းများတွင် မြင်တွေ့ရသည်။
မှားယွင်းဗုံးကြဲခံခဲ့ရ‌သော ပိုချောင်းမြို့နယ်သည် ဆိုးလ်မြို့တော်မှ ၂၅ မိုင်သာ ကွာဝေးပြီး မြောက်ကိုရီးယားနှင့်နယ်စပ်အနီးရှိ စစ်ရေးလေ့ကျင့်သည့်ဧရိယာ အပြင်ဘက်နားတွင် တည်ရှိကြောင်းသိရသည်။
ဒဏ်ရာပြင်းထန်သူ နှစ်ဦးအပါအဝင် ဒဏ်ရာရရှိသူ ကိုးဦးအား ဆေးရုံတင်ထားရကြောင်း စစ်ဘက်ပြောခွင့်ရသူ က ပြောကြားသည်။
ကျည်အစစ်များဖြင့် ပူးတွဲစစ်ရေးလေ့ကျင့်မှုအတွင်း တိုက်လေယာဉ်မှူးတစ်ဦးက အချက်အလက်များ မှားယွင်းထည့်သွင်းမိခဲ့ပြီးနောက် Mk82 အမျိုးအစား ပေါင် ၅၀၀ ဗုံး ရှစ်လုံးသည် သတ်မှတ်ထားသော ဧရိယာပြင်ပသို့ ကျရောက်ခဲ့ကြောင်း စစ်ဘက်ကပြောကြားခဲ့သည်။
မည်သို့ဖြစ်ပျက်ခဲ့သည်ကိုအတိအကျသိရှိချိန်အထိကျည်အစစ်ဖြင့်လေ့ကျင်မှုများအား ဆိုင်းငံ့ထားမည်ဖြစ်ကြောင်း အာဏာပိုင်များက ပြောကြားထားသည်။
သို့သော်ယင်းဖြစ်ရပ်ကြောင့်တနင်္လာနေ့တွင်စတင်မည့်တောင်ကိုရီးယားနှင့်အမေရိကန်တို့၏ ပူးတွဲ စစ်ရေးလေ့ကျင့်မှုကို ထိခိုက်မည်မဟုတ်ကြောင်း စစ်ဘက်က ပြောကြားသည်။
ပိုချောင်း မြို့နယ်တွင် နေထိုင်သူများ၏ ဘဝ နှင့် ငြိမ်းချမ်းရေးကို ခြိမ်းခြောက်နေသော စစ်ရေးလေ့ကျင့်မှုများကို ရပ်တန့်ရန် တောင်းဆိုကာ မြို့ခံများ နှင့် တက်ကြွလှုပ်ရှားသူ များစွာက ဆိုးလ်မြို့ရှိ ကာကွယ်ရေးဝန်ကြီးဌာနအနီးတွင် ဆန္ဒပြခဲ့ကြကြောင်း သိရသည်။
သတင်း-ရဲမင်း
ကိုးကား-Reuters

မနက်ဖန်ရုံးမတက်ချင်တဲ့နှစ်ယောက်အကြည့်ချင်းဆုံနေပုံ👀